You Cannot Download this book untill you login but you can read it .

---

Login Register

fiddo ki gari, kuma cikin ki cikin Nonu wanki yake shigewa shiyasa bazamu zuddashi yanzu ba sai ya fito kana amman da wahala yayi girma sosai tunda a Nonuwan ki yake shigewa, namayi mamaki dana ga har ya danyi tudu, kilade ba guda bane"


Nayi shiru kunya duk ta isheni miyasa wasu matan basujin kunyar fadin wani abu kai tsaye.

Kunya fa tana daga cikin imani....

Hajiya ta tsunke man tunani tace;"saka wannan nagani naga dakika saka street gwon kamar ke kikayi kanki, saka English wears nagani dan nasan wane zan siyo maki da yawa, amman basai kinje toilet chanza kaya ba"

Nace;"to"


Wasu riga da wando ne taban a tunani na kasan kaya ake sakasu.

Nasaka wandon da kyat ya matseni fiye da rigar dana cire, taban wata riga saman kafadar ta a bude nasaka.

Ihu tayi tace;"lalle sai an ringa layi a Restaurant dina Allah na gode maka jari a hannu wallahi nayi tafiyar sa'a yarinya tamkar ita ta kera kanta"


Nide sakin baki nayi ina kallon ta bangane mi take nufi ba.

Tace;"daga gobe garin nan zai fara cika duk yaran manyan kasar nan da iyayen su zasu shigo Bauchi dan haka damu da Hotel zamu sha ciniki kinga kenan Allah ya kawo ki lokacin da ya kamata dan ko makaho ya laluba ki saiya dawo gidan chin abinci na balle masu ido"


Ta rikitaman kwakwalwa narasa fahimtar ta toni ina ruwana da wasu yaran manya


Ta juya ta fita cikin farin ciki.


Na tashi na maida kayana na zauna saiga wani yaro ya kawo man abinci harda dafaffiyar kaza da soyayyan kwai.

Abinci ne iri-iri masu dadi aka ajeman ga lemu bana kwalba ba shi akwali yake ga sanyi.


Nayi murmushi na fara chii.


**************

Koda ya tashi da safe jikin shi ya saki yayi sallah ya zauna yana fitowa parlo ya iske kayan Breakfast ya zauna ya fara chi.

Jin abincin yake tamkar madachi saboda yadda yakejin zuciyar shi.

Magani ya gani a gefe yasan Momy ce yayi murmushi bai tsaya duba na komi minene ba ya balla yasha ya mike ya koma daki.

lumshe ido yake saboda yadda yake jin bacci.


Koma wa yayi ya kwanta bacci ya dauke shi.




************

Na gyara dakina hadda abubuwan kamshi na fesa naje nayi wanka na dawo duk cikin kayan banga wadan da zan saka ba sai wata doguwar riga bata da matsewa na saka na zauna naji shiru nayi kewar littattafai na.


Haka nayi cikin daki Hajiya bata dawo ba sai yamma ta iso da kaya masu yawa.


Na fita muka gaisa tace;"ga tailanan ya auna ki dan inason ya kawo kayan da wuri akwai wasu sabbin riga da wando dana siyo maki saiki saka gobe".


Kallona tellan keyi irin kallon da Lado keman yana hada miyau yana lasar labban shi matso kusa dani yayi.

Cikin raina nace"wai Hajiya karuwan ci take nufin nayi kenan??....kode ba haka take nufi ba nakasa gane inata dosa"


Jin mutum ya matso kusa dani yasa nayi saurin kallon shi.

Washe baki yayi yace;"Hajiya lalle zaki sami kaya ai koni da zaki taimakaman kiban ita kwana daya da har shekara ta kare kyauta zan maki dunki kuma dunkuna masu kyau wadan da idan mace ta saka su sai namiji ya kalla"

Zaro ido nayi ina kallon Hajiya dake murmushi tace;"wannan kalar manya ce kajii tana da tsana sosai"


Kallon gabana yake yace;"konan za'a huta"

Na runtse ido hawaye suka zuboman ina farin ciki zan huta ashe yanzu nafara fuskan tar rayuwa.


Jin hannu a gaba na an damki gabana nayi saurin bude ido.

Telan da Hajiya ta kawo ne.

Jinayi tamkar zuciyata zata fashe banson lokacin da wanka mashi mari ba.


Kallo na suke su duka cikin mamaki Hajiya ta zaro ido.

Tana kallo na ranta a bace.


Mamaki nike a gaban ta fa namiji zai ketaman mutunci to miyasa ta chanza fuska?

Tsawar da tayine ya maidoni daga duniyar tunanin dana shiga.

Jikake tas!! Karar marin da tayi mani.

Jinayi kaina na juya jawa nayi gaba nayi baya na sulale kasa.

Tush!!!



Qurrah
[2/28, 7:43 AM] GOLDEN PEN WRITERS ASSOCI: *_JARABTAR MU*_







*_Written by-Qurrah✍🏼*_



*Page-47-48*

*Word Counter 2969*


*~✍🏽✍🏽GOLDEN PEN WRITERS ASSOCIATION✍🏽✍🏽~*

https://www.facebook.com/groups/1569379426621615/


*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*



*Addu'ar Fita Daga Bandaki.*


غُفْرَانَكَ. Ghufranak.
Ya Allah! Gafararka (na ke nema)




DEDICATED TO.....MY SISTERS😘


Page-47-48

_Bissimillah Rahmanir_ _Rahim_




----------------Kara na saki mai razanar wa.

Wani irin zafi naji a ƙasana na runtse ido nace; "Hajiya ki taimakaman ciwo"


Da Hajiya da tailanta suka kalli juna tailan yace; "Hajiya taho ga shawara na samu".


Tace; "Shehu ban son jin komai game da yarinyar nan tabar man gida, dan iskanci haihuwar ta nayi da zan rike ta inbata chi da sha da sutura sannan na mata duk abinda take so kenan a banza zanyi shi".


Jan hannun ta yayi suka shiga ɗaki tana ta bala'i yana bata hakuri.


Suna shiga ya kalli Hajiya yace; "Hajiya yarinyar nan karama ce yanzu dole taji tsoron iskan ci tunda baki san abinda iyayen ta sukayi mata ba kila korarta suka yi kinga yanzu kenan bazai bata sha'awa ba tunda kince man ciki gareta kuma shege ne"


Hajiya ta kalle shi tace; "to me kake nufi inta ajiyar ta ina kiyonta ita da abinda ke cikinta?"


Yayi murmushi yace; "Ina nufin ki biyo mata ta baya"

Tace; "kamar ya kuma ta baya?"


Yace; "yanzu muje ki kaita asibiti a duba ta ki kyaleta ta raini cikin ta kuma haihu, sannan kafin nan ina son ki nuna mata gata ki kashe mata kudi kamar ke kika haifeta"


Cikin bala'i ta zaro ido tace; "na lura dan kana kwaɗayin yarinyar nan ne yasa ka ruɗe, kana kallon taɓa ta fa za kayi shikenan ta mareka, to ina ga na kaita kwana da wani Allah kaɗai yasan me zata yi".


Yace; "lallai Hajiya duk barikin naki baki gama gogewa ba to bari kiji, ina nufin duk abinda kika sai mata yana nan a rubuce tana haihuwa ki miƙa mata takarda kice ta biyaki cikin wata guda koki dauke mata yaro ko yarinya, wallahi hankalin ta sai ya tashi uwa da Ɗah babu abinda ba zata iya yi ba, ko kuma ki ce ta nemi kuɗin idan kuma ba haka ba, to zaki kai yaran Ɗan nata office din 'yan sanda zaki kaita a kulle kisa a gwada ko kwana guda tayi wallahi da gudu zata bi layi".


Shewa tayi tare da guda suka kashe ita da Shehu tela tace; "zan baka ita ka rage yunwa amman kwana guda idan komai ya kankama".


Dariya sukayi yace; "ya kamata ki maido su Teema Baby da Sady ai sunyi nadama kinsan Teema ba dama, kuma idan taga yanda suke jin dadi kinsan fa zuciya yadda take kuma suna jan ra'ayinta a hankali kila da sai ta zudda cikin da kanta tabi layi".


Hajiya tayi shiru tana tunani tace; "kafa kawo shawara mai kyau" muje mugani mu kai ta asibiti.


Ina nan kwance riƙe da mara ina gujin wahala.

Da mamaki naji muryar Hajiya tana cewa; "Innalillahi Nana tashi muje asibiti, Allah yasa wani abu bai faru ba".


Ta kama ni muka fita Shehu ya bude motar Hajiyar ta sakani baya muka yi hanyar asibiti.

Ido a lumshe saboda yadda nike ji.


Kawai farkawa nayi na ganni kwance bisa gado da wata igiya a hannu na.


Hajiya tace;"sannu kin farka daman ƙarin ruwan ya kare bari na kira likita yazo ya cire maki".


Daga kai nayi ina kallon ɗakin mai kyau cikin raina nace komai yasa Hajiya ta hakura??.


Ina nan sai gata da wani likita.

Yace;"yar gidan Hajiya kin tashi ko?"


Ni dai kallon shi nike nakasa magana.


Yace; "Hajiya yarinyar nada kyau sosai kunyi saurin yi mata aure, Allah ya taimaka cikin bai zube ba amman tabi a hankali banda daukar kaya masu nauyi banda aikace-aikace Allah ya sauketa lapia".


Hajiya tace;"Doctor ina son wata alfarma ba mu taɓa irin wannan aikin da kai ba, so nike ka zudda cikin ta huta".


Cikin sauri nace; "Nikam ina son abuna, babu kyau zubdawa kuma mutuwa ake".


Na idasa maganar da kuka likitan kallo na yake sosai yace; "Hajiya ita 'yar wannan yarinyar BARIKI ta fito ko FADE aka yi mata , ai kamar bata kosa ba yanzu haka tausayin ta nike".


Hajiya tace; "Kai ko aita kosa wai kaga yadda ake aure a kauye, sannan cikin jikinta shege ne kila fade akayi mata".


Jin jina kai yayi yace; "Hajiyar kibar cikin nan tunda tana son abunta kada asamu matsala kinga har tana ambaton mutuwa sannan cikin ya fara girma, inda dai lokacin da yake ƙarami to da za'a iya zubawa, sannan kuma zubda ciki ai sai Jamil".


Hajiya tace; "shikenan ba matsala ai kamar gobe ne".


Yace;"to shikenan ga magunguna tasha, saura awo kuma".

Hajiya tace; "kada ka damu komai kai zaka taimaka ai".


Ya kalleni yace; "kada ki damu ni bana zubda ciki Dr Jamil ke zubar da ciki kuma an chanza mashi asibiti, yanzu ni zaki dinga ganii har ki haihu sunana Dr MUBARAK M NASIR zan taimaka naga kin haihu lafiya insha Allah".


Hajiya tace; "bani number Dr Jamil".


Yace; "Banda number shi amman zan saman maki kafin ku dawo"


Tace; "nagode"

Mika mata takardar hannunshi yayi ya juya ya fita daga dakin.


Tace; "idan kina iya tashi muje gida to ki tashi, dan nasan kin samu karfi ruwan da aka saka maki".


Nace; "Eh Hajiya marar ta saki, kamar babu ciwo"


Ta kamani tace;"sannu kinji Allah ya baki lafiya kinji ki haifaman jikoki".

Naji dadi amman naji kunya.

A cikin zuciyata ina jin farin ciki idan na taba cikina naji ya taso.

Na rasa meyasa yau nike son cikin kamar ba cikin shegeba sai wani jin dadi muke.

Kama hannu na tayi muka isa inda motar ta take na shiga gaba ita kuma ta zagaya tazo ta tuka.




♦♦♦♦♦

Koda ya tashi daga bacci yaji ya dan samu saukin ciwon Kai.


Message ya tura a waya sai ga Sanii ya shigo cikin sauri.

Toilet ya nuna mashi Sani yace;"Allah ya kara haske da farin ciki a Rayuwar magajin sarki mai A dalci idan ka gama akwai fura a parloun kasa, saƙo ne daga Gimbiya Rahama Maman MANAL".


Duk kuncin da yake ciki bai san lokacin da murmushi ya kubce mashi ba lokaci guda fuskar shi ta chanza zuwa murmushi.


Ya ɗaga ma Sani kai, Sani ya shiga ya hada mashi ruwan wanka tare da saka kayan kamshin da suka saka toilet din kamshi.


Ya shiga wanka yayi ya fito ya iske kayan da aka tanadar mashi .


Ya saka yazo bakin mirror yana kallon gashin kanshi da yake son gyara wa.


Cikin sauri mai mashi gyaran kai ya iso ya fara yana gamawa aka saka mashi wasu cover shoes kalar kayan ne ya saka mashi.


Yarima ya mike ya fito.

Yana sabkowa a parlon kasa yaga Rahama zaune da diyarta.


Cikin sauri ta aje diyar tazo ta rungume shi tace; 'i miss you so much Bro".


Murmushi yayi ya cire ta daga jikin shi ya nufi kujerar data aje diyar ta.


Cikin sauri ya dauketa fuskar shi da murmushi yayi kissing dinta a koshi ya mannata a kirjin shi yana sakin ajiyar zuciya.


Rahama dake tsaye hawaye sun cika mata ido ta iso ta hada su ta rungume tace;"Ina rokon Allah ya baka yara masu Albarka ya saka farin ciki a rayuwar ka na har abada, MANAL tace tayi fushi ba ka zo ganinta da wuri ba"


Murmushi yayi yace;"lokacin Dad baida lafiya amman tana raina a koda yaushe".


Kama hannunshi mai rauni tayi tace;"Bari na zuba maka fura daga Abie"

Ta sake shi ya zauna bisa kujera rungume da MANAL.


Ta zuba mashi fura ta mika mashi.

Ya amsa yace;"thank you"

Tayi murmushi yana son Rahama a cikin kannansa yana son Rahama sosai dan lokacin ita ta koya mashi yadda ake kalaba har yakema MANAL itama MANAL din tafi sabawa da ita akan kowa.


Bayan ya gama sha tace;"Su Momy sunyi Abuja wajen Mother's day gobe kuma sister's day amman a Katsina za'ayi shi, please Yaya Anuu ka taimaka kaje ko Deena ne".


Baiko kalle ta ba sai ma ɓata fuska da yayi yace; "tashi kibar nan".

Tace;"bazan karaba Yaya kasan a koda yaushe ina tare da kai kayi hakuri ".


Shiru yayi yana ma Jaririyar Hannun shi wasa yana mika hannun shi tana rikewa.


Ganin baida lokacin ta tace;"Zan wuce"

Yace;"me kike jira?"

Tace;"MANAL"

Shiru yayi yana kallon diyar yace; "zan kawo ta idan tayi kuka".

Tayi dariya tana hanyar fita tace;"Kulsoom ta huta mijin ta ya iya reno"


Tana gama fadin haka tayi saurin fita tana dariya.


Murmushi yayi ya cigaba da abinda yake.

Sosai yake kula da yarinyar kamar zai maida ta ciki, daya ga ta fara alamun kuka sai ya fara mata rawa da waka.

Duk kalolin wakokin da yakema MANAL yake mata.

Har saida tayi bacci Sani ya kira ya bashi wata takarda yasawo mashi madara kalar wadda ya ringa ba MANAL din shi tare da nuna mashi wani gado na yara, ya fadi mashi a MALL din da za'a sameshi, da mayukan wanka duk ya rubata mashi kalar da yake so.


Ba'a fi one hour ba sai ga Sani dasu baki daya.


Babu abinda Anuwar bai iya ba indai game da Jaririya ne.

Dare nayi yayi mata wanka ya sakata a gadonta.


Saida Ammie ta aiko kusan sha biyu na dare aka bada ta.


♦♦♦♦♦

Tunda muka dawo take ta ji dani kamar ba ita ce ta mare ni ba, kulawar da take nuna min har tafi na baya naji daɗi sosai .


Kwance nike ina jin bacci hankali na kwance.


Ga kayan marmari da Hajiya ta sawo man har saida na rage, ga kuma gasasshen Nama mai yawa shima.



Haka Hajiya taita jii dani a cikin kwanakin nan.


Ina jin hayaniyya sosai na masu sayen Abincin Hajiya.


Amman ban taɓa zuwa shagon taba kuma akwai kofa daga cikin gidan zuwa shagon ban fita saidai naji hayaniyya ko kofar daki nabar fita saidai a kawo man abinci a daki na.


Kuma hakan bai damu Hajiya ba sai ma cewa da take na zauna likita yace sai na kula banda aiki.


Ina jin dadin yadda Hajiya ke nuna ma cikina kauna.


Yau mun tashi safiyar Jummu'a tun kafin asuba ta waye naji motsi ina lekowa naga yaran Hajiya maza na aiki.


Sai aikin abinci ake nace kodai biki akeyi ne.


Nayi sallah nayo wanka yau ma kamar kullum saida nayi tilawar hadda dake cikin kaina saboda babu Qur'ani a ɗakin.


Ina gamawa na hau gado na kwanta.

Na dade ina bacci hayaniyya ce tasa na tashi.


Naje na wanke bakina da abinda Hajiya taban na wankin baki.

Na bude abincin da aka ban kamshin ya bugi hancina.


Na zauna naci nasha ruwa ga lemun kwali mai sanyi.

Shiru nayi ina tunanin wannan wane irin kirki ne ga Hajiyar nan tunda nazo gidanta ban taɓa cin abinci ba Nama ba kuma Naman mai yawa ga lemun kwali.


Hajiya ta shigo yau adonta yafi na kullum tace; "zan kawo maki sabbin kaya ki saka yau da gobe saboda zaki dinga fita saboda jikin ki ya dinga saki, zama waje daya yana iya haifar ma cikin nan matsala, Amman idan kina motsa jikin za kiji sauki kuma ko wajen haihuwa zakiji saukin ta".


Nayi saurin yin murmushi nace;"Nagode Hajiya Allah ya saka maki da Alkhairi"


Tace; "ba komai yanzu zan aiko maki dasu doguwar rigace yanda zakiji dadin kayan babu matsi"

Nace;"to Hajiya wai biki kuke ne?"


Tace;" a'a babban dan sarki kuma ɗa ga president shine ake bikin shi garin ko ina cike yake shiyasa muke cikin chiniki, shiyasa tun kafin asuba muka tashi muka saka sanwar abinci bakiji kide-kide ba"


Nace;"Allah sarki ba kuda nisa kenan?"


Tace;"Eh babu nisa sosai nan ai bayan gidan ne wajen kofar shigar bayin gida"


Nace;"Bayin suma tasu kofar damaban"

Tace;"Eh daga baya akayi ta sabon ginine akayi masu duk saboda auren"


Najin jina kai cikin Raina nace kowa ne bawa da tashi rayuwar wani ta talaka wani mai kudii gamunan dai nima nayi hamdala nace;"Allah na gode maka yina musulmai da kayi shi kaɗai ma ya isheni abin alfahari Allah kayi mana rabo a gobe kiyama".


Jin shiru yasa Hajiya tace;"Bari in aiko ki tashi ki kara wanka zuwa la'asar sai mu fita, daga yanzu zamu dinga fita da yamma kullum har ki haihu kodan lafiyar ki, kinga har wajen gidan Sarki sai mu dinga zuwa yauma chan wajen zamu mu kalli wasannin gargajiya Yau har Yarima saiya fito ya zaga gari shiyasa Yau kamar sallah take a gare mu"


A hankali na maimaita;"Yarima....."


Na mike naje nayi wanka hakanan naji ban son fita saboda yanzu cikina ya fito ina jin kunya Amman ba zan iya yima Hajiya gardama ba.


Ina fitowa na iske Hajiya ta mikoman wata riga ta less mai shegen kyau tace;"gashi nan Bubu ce yadda zakiji dadi babu takura".

Na amsa na saka tace;"Masha Allah ta koyi maki kyau ga turarruka nan ki saka, kinga Man da zakiyi amfani dashi saboda ke hasken ki yayi dai-dai basaikin saka wani mai ba kuma gaki da ciki kiyi sauri ina jiran ki ina shago".



♦♦♦♦♦

Ba ruwan shi da mutanen gidan ko Mai Martaba a masallaci suke gaisawa bai zuwa part dinshi.


Ammie kuma mutane sunyi mata yawa saboda gidan cike yake tun laraba har zuwa yau jummu'a.

Tun safe ake kawo mashi MANAL sai dare azo a dauketa hakan yasa baidamu da abinda akeyi ba kullum yana nan yana hidimar MANAL shi kaɗai a part ɗin shi sai idan yana bukatar wani Abu kana yasa akawo mashi.


Jawad ne kanin shi ya shigo cike da fara'a a fuskar shi yace;"Ina Angon Kulsoom yake gani na iso tare da Daddy"


Yana rungume da MANAL ya gama bata madara dinta, goge mata madarar dake gefen bakin ta yake.

Baiko kalli Jawad ba sai cigaba da abinda yake yayi.


Jawad bai damu ba yazo kusa dashi ya fada bisa kujera yana kiran;"Wash nagaji kamar dai nine angon, Ango yana dakin shi yana hutawa ni kuma ina chan bani Abuja bani Katsina"


Anuwar bai kalle shi ba yace;"waya saka ka?"


Dariya yayi yace;"kayan da kasa nayi order ne na kawo maka yau jummu'a ya kamata ka saka su dan zamuyi hawa gobe daurin aure Daddy yayi maku dinki"

Kallan shi yayi yace;"banso malam ina ruwan ka da kayan da zan saka, nace maka zanyi kwalliya ne"


Jawad yayi dariya yace;"kasani ko wadda ka sayesu saboda ita ta gani , saboda nasan tana hawa social media kuma photunanka na yau da gobe babu inda ba zasu je ba, wai ka kalli Vedion shagalillikan da aka sha a Abuja da Katsina ko ina maganar shi ake ka duba yanzu a Twitter ko Facebook ko IG kai ko ina maganar bikin ak,matsalar guda babu Ango kowa yana son ganin ka kaga yau sai farar fatar nan tayi duhu saboda yadda za'a dinga daukar ka da Camera ka kaga zaifi ka saka kayan"


Wani kallon Anuwar yayi ma Jawad yayi tsaki ya cigaba da wasa da MANAL.

Jawad yace;"Na rantse maka sai ta ga photan nan kuma sai ta yaba, kayan a fili sunfi kyau wallahi"


Anuwar yace;"Naji zan saka kodan Daddy amman bana son shegen surutun nan naka tafi nagode"


Jawad ya mike yana dariya yace;"sai mun hade zuwa an jima"


Ya bar part din yana dariya.


Kiran hadiman shi yayi suka zo suka hada mashi ruwan wanka,ya kira aka dauki MANAL, yayi wanka ya saka kayan.


A bakin mirror yazo ya tsaya lalle kayan sun mashi kyau yace;


Ina ma ace wadda aka saya saboda ita tana nan ta gani nasan zata yaba"

Murmushi yayi yana kallon mirror Allah ya jikan su baki daya.



Fitowa yayi part din Abie ya nufa yasan Daddy yana chan.


Ta baya yabi saboda bai son hayaniyya yana zuwa ya shiga kai tsaye.


Daddy da Abie suna zaune da sauran iyayen shi sun sha kwalliya suma sosai.


Ya dukar da kai kasa yana kwasar gaisuwa.

Su duka suka amsa cikin fara'a.


Daddy yace;"lalle wannan kwalliya ta daban ce Ango ya kamata wadda akayi dan ita tagani".

Su duka sukayi dariya kowa da abinda yake cewa shi dai kanshi a kasa.


Hakanan Yau kodan tana jummu'a kuma ya dade bai zagaya ba, hakanan yaji yana son fitar.


Daddy yace;"Nan zaki yi sallah ko, dan har angama kwalliyar dawa kan tun dazun Sallah muke jira ayi".


Yace;"To Dad".


Daddy yace;"Anya Yau ba'a wani abu a kasa ba? naga Yau kana dokin zagaya kodan duk dokin auren ne"


Ya ida Maganar yana murmushi.

Murmushi Anuwar yayi haka nan ya tsinci kanshi cikin farin ciki tunda ya saka kayan nan ko miyasa??


Ohow....



♦♦♦♦♦

Ban iya kwalliya ba saita kauye shiyasa banyi ba mai ne kawai na shafa sai farar hoda sai Man baki.

Hajiya ta shigo tace;"har nagaji wallahi so nike kiyi sauri mu fita musamu wajen zama inda zamu fi kallo, amman har yanzu baki ida ba"


Nace;"Hajiya Dan kwalin ne babba ban iya daura shi ba".


Tace;"fito waje ga 'yan mata nan su daura maki".


Na fito gidan cike da mata da maza su duka suka kallo ni.


Duk sai naji babu dadi jinayi kamar na koma.

Na kalli Hajiya naga tana kiran wata da zata fita hankalin ta na chan.


Anya kuwa zan iya zuwa??

Mutanen dake cikin gidan Hajiya sune suka ni ruɗewa ina ga na shiga taro, Kai bazan iyaba komawa zanyi daki.


Bazan iya fita ba amman kuma lafiyar jiki na kuma fa, to ko dai na tafi ko kuma nayi wata dubarar????



Qurrh
*_JARABTAR MU*_







*_Written by-Qurrah✍🏼*_


*Page_49-50*



*~✍🏽✍🏽GOLDEN PEN WRITERS ASSOCIATION✍🏽✍🏽~*

https://www.facebook.com/groups/1569379426621615/


*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*
*Zikiri Bayan Gama Alwala.*


أَشْهَدُ أَنْ لاَ إِلَـهَ إِلاّ اللهُ وَحْدَهُ لا شَريـكَ لَـهُ وَأَشْهَدُ أَنَّ مُحَمّـداً عَبْـدُهُ وَرَسـولُـهُ.

Ashhadu an la ilaha illal-lahu wahdahu la shareeka lah, wa-ashhadu anna Muhammadan abduhu warasooluh.

Ina shaidawa babu abin bautawa da gaskiya sai Allah, shi kadai, babu abokin tarayya a tare da shi; kuma ina shaidawa cewa Muhammadu bawansa ne.
kuma


اَللَّهُـمَّ اجْعَلْنِـي مِنَ التَّـوّابِينَ وَاجْعَـلْنِي مِنَ الْمُتَطَهِّـرِينَ.

Allahummaj-alnee minat-tawwabeena waj'alnee minal-mutatahhireen.

Ya Allah! Ka sanya ni a cikin masu yawan tuba, kuma ka sanya ni a cikin masu tsarkaka.

15.
سُبْحَـانَكَ اللّهُـمَّ وَبِحَمْدِكَ أَشْهَـدُ أَنْ لاَ إِلَهَ إِلاَّ أَنْتَ أَسْتَغْفِرُكَ وَأَتُوبُ إِلَـيْكَ .
Subhanakal-lahumma wabihamdika ashhadu an la ilaha illa anta astaghfiruka wa-atoobu ilayka.

Tsarki ya tabbata gare Ka ya Allah tare da yabo gare Ka. Ina shaidawa babu abin bautawa da gaskiya sai Kai, ina neman gafarka kuma ina tuba gareKa.


DEDICATED TO.....MY SISTERS😘


Page_49-50

_Bissimillah Rahmanir_ _Rahim_



--------------Hajiya ta waigo ta ganni ina tsaye na kasa ko motsi.

Tace; "a'a Nana ke muke jira fa, taho Zuby ta daura maki mu tafi ".

Dukar da kai nayi kasa a hankali na karasa inda su Hajiya suke.


Hajiya tace; "banson wannan ɗari-ɗarin da kike yi da jama'a ya kamata ki saki jikin ki, ki saba dasu koba da mazan ba koda matan ne kaɗai".


Na kara dukar da kaina a kasa ina wasa da ya tsuna nace;"to shikenan Hajiya zan gyara insha Allah".


Bisa ɗaya daga cikin kujerun robar dake a tsakar gidan ta na zauna.


Wacce ake kira da Zuby ta amshi kallabina, tana ta wata karairaya tana chin cingam tace;"Yarinyar Hajiya ki tsaida kanki waje guda na yi maki dauri mai kyau"


Nidi na kasa magana na daga kai kawai.

Ta matso kusa dani turaren jikin ta ko kaɗan banason shi haka nan na daure na tsaya.

Mun dauki dan lokaci sannan tace angama.

Saboda ban saba ba sai naji duk an daure man kai na takura ga kallabin yayi man nauyi, amman ban nuna hakan ba saboda yadda Hajiya take kokari a kaina.


Hajiya tace; "wallahi har ta kara kyau"

Zuby ta juyar da ido tamkar tana gaban saurayin ta tace;"ai wannan Hajiya da kyawun ta saboda koya ta fito sai kyawun ta ya fita, shiyasa banyi farin cikin zuwan ta nan ba, dan kinsan yaran kauye basu iya waye ba".


Hajiya tace;"Ya isa haka Zuby wannan ba kalar ku bace, wannan ɗiya ta ce bata kalar harkar ku taimako ne zanyi".

Cikin sauri duk wa'inda ke wajen suka kallo mu.

Zuby zata yi magana Hajiya ta daga mata hannu tace;"muje Nana sauri muke"


Wani farin ciki ne ya ziyarci zuciya ta hakan yasa na fita ina murmushi.


Hajiya tace;"Ki kula sosai da duk inda muka je, saboda wajen manyan mutane ne kada ki saki baki kina kalan su kiyi murmushi kinji, dan nasan ke komai sabo ne a wajen ki, kada ki fiye yawan kallon su kinji sannan idan zaki yi magana