You Cannot Download this book untill you login but you can read it .

---

Login Register

naga kuma wani waje, wajen wani katon wurine ruwa ne a tsakiya cikin katon kwami, saman a bude kana kallon sama, wajen ya hadu sai daukar ido yake.


Ciki na kara shiga naga wasu kujeru da tebir a gaban su da wani madubi kamar na zinari wurin yayi kyau nan ne naga dakuna ukku ina budewa naga gadone a ciki.


Na shiga na fara gyarawa hadda ban daki mai kamar daki saboda kyau sai daukar ido yake.



Ina gamawa na fito naje dayan dakin shima gado ne na gyara shima hadda ban daki duk na chanza masu zanen gado.


Dakin dake kallon wadan nan nashiga ina jefa kafa gabana ya fadi saboda jin kamshin turaren da bazan taba mantawa.


Kallon dakin nike komi nashi mai ruwan hoda ne, kallon dakin nike ina wani tunani haka kawai naji dakin da kalar sun birgeni.

Dakin an cika shi da abin wasan yara gado biyu kala daya duk kananu na wasan yara sai wajen aje kaya hadda wajen aje takalma, hadda ta kalman yara maza da mata.


Dakin duk yafi daukar hankali na.


Karar bude kofatane ya dawo dani daga duniyar tunanin dana shiga.

Su Farhana ne suka shigo da alama wani abu sukayi.


Dan aguje suka shigo ganin yadda dakin yake yasa sukayi turus suka saki baki suna kallon dakin.



Farhana ta washe baki tana kallon manyan kayan wasa, da takalma masu tsini da takeso.


Cikin murna tayi inda suke, wata katuwar diya ta runguma wadda ta kusa girman ta.

Cikin sauri naje na jayeta daga jikinta.

Nace;"Miya kawo kunan ne? Yanzu idan suka iske ki da kayan su bazan hanasu dukan kiba, tashi ku tafi gida idan baku zama a dakin farko"


Farhan yace;"daman saida ta zauna bisa kujera shine nazo na fada maki, ta biyo ni"


Farhana ta fara alamun hawaye tace;"Ummie kiyi hakuri wallahi inason gidan nan nide kibar ni anan ku koma gidan Inna Kawu Sani fa yace gidan Baban mune kuma kowa ai gidan Baban su yake zama, nima zan zauna gidan Baba na"


Farhan ganin Farhana na kuka yabi ya rude, kokadan baison kukan ta shiyasa ko fada ta jawo shike shigan mata.


Kama hannunta yayi yace;"kinga yanzu gidan babu kowa Kawu yace saida daddare zasu iso ko gobe da safe muje na fada maki wata dubara"


Kama hannunta yayi suka juya ni kuma nayi murmushi dan dariya sukaban Wai gidan Baban su, aikina na cigaba na gyara dakin sosai dan da alama nan yake zama dan naji da zan chanza zanen gado yadda yadda yake kamshi.



Har yamma muna gidan saida na gyara ko Ina.


Tunda su Farhan suka fita ban kara jinsu ba nasan sunyi zuciya harmade Farhan sarkin yan zuciya da kafiya gashi da hikima, duk yadda Farhana ke fitima daya jata na rasa miyake fadamata saitayi shiru yanzuma nasan gida ya jata sukayi.



Nagaji sosai dan nasaha aiki sosai.


Ana kiran magrib Yaya Sani yazo sai sannu yakeman, nace na gama na wuce gida.


A gajiye na isa gida ina zuwa nayi Sallar magrib nayi Isha'i sai bacci, daman Inna ke kula da sunci abinci da wajen kwanciyar su.



♦♦♦♦♦♦♦♦



A Abuja suka Sabka Dad yace abari saida safe aje Bauchi.


A Babban parloun Dad yaga photon shi da twins, mamaki yake haka parlaour din Mummy.

Mummy tace;"duk wanda yaga photon nan sai yayi magana, a parloun Dad dinku da wani dan jarida ya dauki photon duk inda kayi a social media maganar ake wai Yarima Anuwar ya haifi yara biyu"

Murmushi yayi yana kara kallon photon son yaran ya karu inama ace nashine part dinshi ya nufa zuciyar shi cike da farin ciki yaran nasa shi farin ciki sosai.


Ko a Abuja tsakanin Anuwar da Kulsoom babu wani abu sai Hamrah dake surutu a tsakanin su tana koma part din Mummy ya koma dakin shi ya kulle.


Safiya nayi ya shirya a parlo suka hadu suka gaisa.

Suna gama breakfast wajen karfe koma suka nufi airport sai Bauchi.




♦♦♦♦♦♦♦♦



Tunda suka tashi naga sunata farin ciki da dauki har Farhan da bai cika nuna farin ciki ba amman shima Yau fuskar shi sai fara'a yake.


Da wuri mukayi aikin fura, narasa gane masu su suka zuba ruwan wanka zasuyi Inna tace ita zata masu.


Na dauko masu kaya su saka sukace kayan sallar su zasu saka kallon su nike sai wani doki da farin ciki suke.


Nace;"akan mi zan baku kayan Sallah kubari sai gobe jummu'a na fiddo maku kunji"


Su duka suka bata fuska Farhana sarkin yan kuka har ta fara.


Inna ta shigo tace;"lafiya take kuka, daman fada muke dake, jiya kin saka su kuka"

Nace;"Inna babu abinda nayi masu wai yau Alhamis fa amman shaddar su ta sallah wai zan saka masu nace suyi hakuri sai gobe masallaci"


Inna tace;"jiya da kika korosu sukazo suna kuka kin hanasu zama gidan Baban su, da Sani yazo da yamma suka fada mashi shine yace su shirya zaizo ya dauke su suje tarbar Baban su, tunda kika kuresu, dan haka ki saka masu kayan su"



Kallon su nake Suma ni suke kallon Inna tace;"Bari hararan man jikoki bari nazo na saka masu da kaina daman jiya fushi nayi dake shiyasa ko abincin dare ban maki magana ba da baki chiba dan mi zaki koresu, yaro ai ba'a rabashi da kayan wasa, yanzu haka kayan baki daya yau za'a chanzasu da kinbar su sunyi wasa ba shikenan ba"


Shigowa tayi ta dauko masu kayan su na Sallah shadda ce iri daya suka saka sai murmushi suke.

A daukoma Farhana ta kallar manta na Sallah masu tsini har yanzu bata iya tafiya dasu ba tana tafiya tana faduwa amman tafison su, da Sallah ta aza kuka saida Yaya Sani ya siyo mata su.

Na rasa miyasa suke kaunar wannan??

Cikin Raina nace;"kodan ya taimaka mana da jini sai kuma nace ai kusan komi nasu shiyayi shi da kudin shi mukayi, kodan an ambace shi da sunan Baban su ohow"

Ihun sune ya dawo dani daga duniyar tunani.


Murna suke ga Kawu Sani muka gaisa.


Yace su tafi su tafi suna murna yau ko ban kwana basuyiman.

Lallai son da sukema Yarima yayi yawa har sun manta da basuyiman sallama saboda doki.



Inna ta dafani tace;"mikike tunani haka?"

Nace;"bakomi Inna"

Tace;"kode dan kinga kalar son da sukema Yarima ne? Nima nayi mamaki yadda idon su duk ya rufe kinsan wani Allah yana hada jinisu tosu tun suna jarirai Allah ya hada nasu yanzu idan suka ga Yarima nasan hankalin su zai kwanta"

Murmushi nayi ina kallon yatsuna ni kaina ba suba na kasa gane kallar kaunar da nike mashi.




♦♦♦♦♦♦♦♦


A airport din Bauchi suna sabka waje ya cika Security basu bari a isa inda Anuwar yake.


Su Farhana mutane sun hada sun hango Yariman saboda yadda wajen ya cika.


Sai tsalle take amman ta kasa ga takalman ta masu tsini, Sani na rike da ita ta fizge ta fara bi ta kalkashin mutane.

Sani na Kiran ta amman saida ta Isa tana isa Anuwar na shiga mota.


Hawaye ne suka zubo mata saboda duk ta gurje har takata anyi.


Sani ya riketa yace muje gidan su yanzu.

Cikin sauri tabi bayan shi, sai kara boye hannunta da ta gurje take.


Suna isa gidan ma a cike yake.

Suna rike da hannun su ya nufi part din Mai martaba dan yasan yana nan.


A part din Maimartaba ba'a bari kowa ya shiga.

Anuwar suna shiga yace;"Mummy zan shiga ciki part din Ammie nasan ta ajeman fura"


Dad yace;"Amman ya kamata kaci wani Abu a nan"

Abie yace;"kasa a kawo mana nan"


Ya mike Hamrah tace;"Dad zanje nima"

Kama hannunta yayi suka fito.


Suna fitowa yaga Sani tsaye da Yara cikin rana, Security din dake tsaye bakin kofa yayima magana.


Sani na tsaye Security ya iso yace abarshi ya shigo part din.


Suka biyo bayan shi, suna kusa isowa ya kurama yaran ido gaban shi ya fadi saboda yadda yaga namijin baki daya kamar d'an shi, wani photo nashi ya tuna ranar da yafara hawa doki kamar photon haka yaga yaron.


Farhan da Farhana suka kalli juna Farhanaa ta fizge hannunta daga hannun Sani ta ruga a guje tayi inda Yarima...


Farhan ya biyota a guje yana cewa;"ki tsaya kibi a hankali baki iya tafiya da takalman nan ba, wannan abinba ba kasa bace, ki tsaya kada ki kafadi"


Haba ko kamin Farhan ya iso ita harta isa zata hau wasu mata kalen bene guda ukku dake tsakanin ta da Yarima kuma wajen daga gani zaiyi zulbi cikin azama da takalman ta masu tsini tayi wajen haba tana dariya tana kallon Yarima da yayi mutuwar tsaye ya kasa motsi aiko tayo baya jim ta fado bisa Farhan daya zo dakatar da ita.

Su duka sukayi baya suka saki kara suka gangaro suka fadi kasa.


Cikin zafin nama Anuwar ya saki Hamrah yayo kansu.

Kan Farhan ya bugu jini ke zuba.


Ya dagosu ya rumgume su bisa jikin shi yana jijjiga wa.


A hankali suka bude ido hawaye na bin fuskar su sukace;"Ba...ba"


Suka kalli juna sukayi murmushi suka duka suka rufe ido.



MARYAM D'ANKUDII {QURRAH}
[4/2, 8:10 PM] GOLDEN PEN WRITERS ASSOCI: *JARABTAR MU*




*Written by-Qurrah✍🏻*

Page-75-76


https://www.facebook.com/groups/1569379426621615/

*~✍🏽✍🏽GOLDEN PEN WRITERS ASSOCIATION✍🏽✍🏽~*

*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*

*Addu'ar wanda ya Razana a cikin barci, Da wanda Ya Kasa Barci.*

أَعُوذُ بِكَلِمَاتِ اللَّهِ التَّامَّاتِ مِنْ غَضَبِهِ وَعِقَابِهِ، وَشَرِّ عِبَادِهِ وَمِنْ هَمَزَاتِ الشَّيَاطِينِ وَأَنْ يَحْضُرُونَ.
A'oozu bikalimatil-lahit-tammat min ghadabih,wa'iqabih, washarri 'ibadih, wamin hamazatish-shayateen, wa-an yahduroon.

Ina neman tsari da kalmomin Allah cikakku daga fushinsa, da ukubarsa, da sharrin bayinsa, da kuma wasuwasin shaidanu, da kuma kada su zo mini (a cikin al'amurana).


DEDICATED TO.....MY SISTERS😘


Bissimillah Rahmanir Rahim



Page-75-76



---------------Wata irin kara Anuwar yayi ya dauki Farhana dake saman Farhan.

Sani cikin azama ya dauki Farhan yabi Anuwar da yayi part din shi.

Hamrah ce tsaye tana kiran sunan Anuwar tana cewa;"Dad....Dad" amman da alama kojin ta baiyi ba.


Suna zuwa a bedroom dinshi na sama ya nufa, ya aje Farhana bisa gado yayi saurin juyowa ya amshi Farhan.

Ya kwantar dashi ya lalubi wayar shi.

Dr Ashraf ya kira yana aje wayar shi, cikin sauri ya dawo ya zukunna yana kallon su, Farhan ya jawo ya rungume a jikin shi yana goge mashi jinin dake a jikin shi.


Dr Ashraf ne ya shigo cikin sauri.

Anuwar ya mike Dr Ashraf ganin yadda Anuwar ya rude jikin shi har kyarma yake hakan yasa Dr Ashraf yace yaba su waje.


Tsoki yayi ya fita a bakin kofar ya tsaya yana kaiwa da komowa.


Sani shine tsaye yake yana mamakin yadda Anuwar ya rude shida keda halin ko in kula da mutun.

Ganin yadda hadaden yadin jikin shi Milk color duk ya baci da jini gashi ya kasa natsuwa.

Mamaki abin yake duk son da yake ma diyar shi guda daya tak da Allah ya bashi amman tana kuka tana kiran shi da alama ma rudewa tasa baiji ba.


Dr Ashraf ya fito Anuwar bai tsaya yaji bayani ba yayi ciki da sauri.

Dr Ashraf ya kalli Sani yace;"yaran sun bugu amman na masu abinda ya kamata na masu allurar bacci sai dare zasu tashi nayi hakan dan su samu hutu"

Sani yace;"Mun gode likita Allah ya saka da Alkhairi"


Yana shiga ya iske Anuwar ya azasu bisa jikin shi suna bacci yana shafa kansu.


Ya kalli Sani yace;"Bana bukatar kowa inason hutu"


Sani ya juya ya fita cikin sauri.



♦♦♦♦♦♦♦♦

Zaune nike dalibai na mani tambaya amman hankali na wajen Yara na da basu dawo ba, ban iya tambayar Inna daman Yaya Sani yace zasu dade gashi yau tambayar sunyi yawa.


Shiru nayi ina jin dadin tambayar sun kare chan naji wata tace;"Malama idan zaka rama azumi na farillah zakayi ranko kenan ba dole sai kayi shi a jere ba koko dole a jere zakayi?"


Na daga Kai na kalleta nace;"Mafi yawan cin Mallamai sun tafi akan cewa ba dole bane sai kayi shi a jere ba, saboda fadin Allah(SWT):

Wanda ya kasan ce daga cikin ku bashida lafiya ko a halin na tafiya to sai ya biya adadin a cikin wasu kwanuka na dabam.

Haka an ruwaito hadisi daga Abdullahi binu Umar(RTA)
Manzon Allah (SWA)yace;

"Wanda yake da ramuwa na azumi idan yaso yayi su a jere idan yaso yayi su a rarrabe"

Allah shine masani akan komi.

Zan mike kenan wata ta jefo tambaya na daure na maida hankalina wajen ta tace;"Malama mijina zai iya kusantata bayan jinin haila na ya dauke amman banyi wankaba?"


Nace;"Mallamai sun yi maganganu ukku karkashin wannan mas'alar kamar haka:
1-Imamu Malik da Imamu shafi'i da mafi yawan Mallamai(Allah ya musu Rahama) sun tafi a kan baya halatta yayin da jinin hailar ya dauke ya kusanci iyalin shi har sai tayi wanka Daga cikin dalilan su fadin Allah (SWT):

Kuma kar ku kusan cesu har sai sunyi tsarki idan sunyi wanka sai kuje musu daga inda Allah ya umurce ku.

Nace;"maganar na tsayi gobe zan ida maki insha Allah"

Nayi addu'ar tashi nayi daki Ina zuwa na fada saman gado rashin dawowar su ta dameni ina tsoron kada suce a chan zasu zauna ko Farhana ta bata a burni dan naga garin da girma ga Farhana da son yawo.


Inna ta fahimci halin da nake ciki tace;"kada kidamu suna tare da Sani kila sai bayan Isha'i zasu dawo dan wani bi sai lokacin yake dawowa ballai yau da sukeda baki a gidan"


Nayi murmushi bance komi ba saboda kunya danaji


Zama tayi kusa dani tace;"d'azun munyi maganar ki Sani"

Nan tafadaman yadda sukayi saboda batasan naji ba.

Tace;"kifadaman minene ra'ayin ki zama haka baiyi "


Na dukar da kai nace;"Inna banida zabi sai naku kun mani komi a rayuwa zaku iya iko a kaina"


Inna tace;"ba haka bane yanzu matsayin jawara kike kinada yan ci akan abinda kikeso ko mu iyayen ki addini ya baki dama"


Shiru nayi hawaye suka cikaman ido.

Da fadi tayi tace;"Sai kinyi hakuri a rayuwa sai kiga kinso abu ba Alkhairi bane rayuwar mutum kiyi addu'a Allah ya fitar maki da wanda zuciyar ki keso idan ba alkhairi bane idan kuma alkhairi ne Allah ya kawo maki mafita da wuri"

Saurin kallon Inna nayi ya akayi tasan inason wani?

Kamar tasan abinda nike tunani tace cikin murmushi;"Nanah kina matukar son Yarima haka yaran ki abin na daure man kai sosai, zakiyi mamaki ya akayi nasani ko? nasan haka tun shekarun baya tun yara suna kananu, lokacin da Sani yazo yace matar Yarima zata zo a bayyane kika bayyana kishin ki a lokacin nayi mamaki amman daga baya saina bar mamaki saboda shi So babu inda bai fadawa shiyasa ko wannan maganar taki naji Dadi da Sani yace a dagata zuwa su Yarima su koma addu'a yanzu ita ta rage maki"

Ajiyar zuciya nayi na kasa kallon Inna saboda kunya ashe daman tasan sirrin zuciya ta.
♦♦♦♦♦♦♦♦



Baici komi ba tunda suka iso yana nan yana gadin su su farka gashi sai bacci suke hankali kwance, rufe wayar shi yayi domin baison damuwa, duk sallolin shi anan yayi su.


Yana gama magriba ya taso yazo bisa gadon ya zauna yana kallon na mijin da ke bacci ya tsun hannun shi ya kallah irin nashi ga fuskar su iri daya hatta jikin su, yaron karkarfane kamar mahaifin sa shiba ramamme ba shiba mai kiba ba haka yake, yarinyar ya maida kallon shi wajenta komi nata kalar na MANAL runtse ido yayi ya bude ya rasa mike damun shi.


Gyara mata gashin kanta yake a hankali saboda kada ta tashi.

A hankali ta bude ido suka hada ido murmushi tayi, shima murmushi yayi yun kurin tashi take cikin sauri ya kamata ya zaunar da ita.


Kallon shi tayi tace;"Ba..ba"


Murmushi yayi yana kara gyara mata gashin ta da ya zubo gefen fuskarta.

Farhan ne ya fara motsi su duka suka maida kallon su wajen shi.


Shima bude ido yayi a hankali yana kallon saman dakin kana ya fara kallon dakin.


Farhana tace;"Yaya Farhan kaga Baban mu, Yau muma mun samu Baba munada Baba su Hamisu dasu Indo su Binta bazasu kara mana goriba kalli ka gani Baban mu yafi nasu kyau"



Mamakin magan ganunta yake yarinyar yadda take maganar duk ta rudashi irin maganar MANAL komi nata kallar na MANAL.


Jin an taboshi yasa ya katse tunanin da yake yayi saurin kallon su.


Rike mashi hannu tayi tace;"Dan Allah Baba kada ka maidamu gidan su Inna Yau munaso mu kwana da Baban mu muma, kuma ka dauko Maman mu mu dinga kwana a tare daku a daki daya haka Baban su Hamisu keyi masu, sai sunyi Bacci suke kaisu daki dan Allah ka dauko Ummien mu"


Ta ida maganar tana hawaye cikin sauri yasa hannu yana goge mata tace;"to kayiman alkawarin zaka maido Ummien mu da Innar mu"

Yadda tayi maganar ji yayi kamar mafarki yake gani yake kamar MANAL ce lokacin da take ce mashi yayi mata alkawarin zai zama mai zane saboda ya zanata.


Kara rike mashi hannu tayi cikin sauri yace;"zan maidota insha Allah, yanzu ku taso ku wanke baki muci abinci"


Tashi sukayi suna kallon dakin sun saki baki sun kasa tafiya.


Hannun suya rike su duka Farhana tace;"Baba ina takalma na masu tsini na Sallah ne kuma sukade gareni masu tsini suma saida nayi kuka aka siyaman, sannan Ummie tace idan na batar bazata sake siyaman ba"


Zu kunnawa yayi dai-dai tsawonta yace;"zan siya maki da yawa gyale Ummie dena kuka kinji"


Tare suka sabko kasa waya ya kira Sani sai gashi Farhana tace;"Kawu a dauko mana kayan mu ni bazan koma ba gaskiya"

Dariya yayi yace;"Aiko saina fadama Inna ince bakison zaman gidan ta"


Tace;"ai bazan zauna anan ba saida Inna"

Dariya yayi ya zuba masu abinci ya tura a gaban su ya sakama Yarima ya zuba mashi fura ya aje a gefe.


Farhana ta kalli Sani tace;"Kawu kaga gidan Baban mu duk yafi gidan su Indo kyau kuma Babana yafi nasu Indo kyau"

Dariya yayi yace;"Farhana sarkin yan surutu to bari kiji Baban naki baison surutu, kuma Ummien tace idan za'aci abinci ba'a magana"


Zaro ido tayi tace;"baison surutu kamar Yaya Farhan shima wayyo ni Farhana nayi shiru kada ya koremu, Baba idan na kara surutu ka dinke man baki daman Ummie tace sai an din keshi kozasu samu sauki na"


Dariya ta bashi yayi murmushi yace;"to kici abincin kana kinji"

Ya kalli Sani yace;"gobe zakaje Katsina namanta tunda muka iso ban fada maka ba, wajen Baban yarinyar nan idan kaje zamuyi waya, jirgi zakabi zuwa Katsina idan kaje zansa a dauke ka kutafi garin"

Sani yace;"to shikenan baida matsala sai nayi sabko ai, Allah ya kara nasara"

Bayan sun gama su Farhana an koshi ta kalli Baban ta da zai kai fura a baki tace;"kullun Ummien mu keyin fura amman Yau Inna tayi ta"

Murmushi yayi baison surutu Amman na yarinyar bai damun shi.


Sani yace;"tashi mutafi gida hakanan nasan Inna nacen na jiran ku"


Anuwar yace;"kace ma Inna tabar su anan har kadawo daga Katsina jibi kenan saisu koma"


Sani yace;"to shikenan Allah ya kara girma da nasara muna godiya sosai"

Jin haka Farhana sai murna take.


Har Sani ya kusa fita tace;"Kawu kace Inna ta saiman tukunyar kasata da takalmi mai tsini kada ta manta zata ba Kawu Salisu ya siyo a kasuwa hadda diyar bebi"

Su duka saida sukayi dariya.


Kamasu yayi suka mike toilet dinshi ya shiga dasu.


Yau da kanshi yayi masu kwanta yabasu tuwol suka daura yace su jira

Suna nan zaune suna kallon daki sai gashi da kayan bacci sai kamshi suke.


Farhana tace;"Baba kaima kanason kamshi Ummien ma tanason kamshi sosai"


Murmushi yayi ya saka Mata kayan ya sakama Farhan dake tsaye.

Bisa gado yace suje su kwanta.


Bisa gado daya suka kwanta yaja masu bargo.



♦♦♦♦♦♦♦♦


Tun ina jiran Yaya Sani har abin ya fara ban tsoro Innama haka.


Wayarta da Yaya Sani ya siya mata tace na dauko na kira shi na dauko na kira na mika mata.


Ganin tana murmushi yasa hankali na ya kwanta sun dade kana sukayi sallama kallo na tayi fuskarta dauke da murmushi tace;

"Kinji yadda yara sukayi da Sani wai basu dawowa saide mu koma tare tun safe suna tare da Yarima"

Nan Inna ke fadaman abinda Sani ya fada mata nima dariya nayi.


Hankali na ya dan kwanta amman nayi kewar su.

Inna tace;"zamu sha kewa saboda gobe yace sabko zaiyi Yarima ya aike shi wai bazasu dawo ba sai jibi"

Shiru nayi ina tunanin taya zan barsu har jibi.



Haka nayi bacci cikin kewar yara na.



♦♦♦♦♦♦♦♦


Koda asuba tayi suna bisa kirjin shi suna bacci.


Yana mikewa Farhan ya mike Anuwar yace;"Farhan koma kayi bacci Mana"

Farhan yace;"lokacin Sallah yayi Baba"

Shiru Anuwar yayi ya shiga toilet yayi alwala ya kama Farhan ya nuna mashi inda ake alwala lafiya kalau yayi alwala.

A tare sukayi Sallar yaron yana yin komi cikin natsuwa Yarima kallon shi kawai yake.

Suna gama Farhana ta tashi tace;"Yaya zanyi Sallah"

Abin mamaki ya bashi hadda ita da yake gani bataji.

Farhan ya gaida Anuwar ya mike ya kamo Farhana.


Al-qura'ani Anuwar ya dauko yana karantawa zuba mashi ido sukayi.

Farhana tace;"Baba mun iya karatu Ummie ta koya mana amman Yaya ya fini iyawa sosai"

Kallon su yayi yace;"Farhan yiman karatu naji"

Nan fa ya farajin karatu cikin kira'a Mai dadi ga muryar yaron akwai dadi.


Ya dade yanayi kana Anuwar yace;"duk wa ya koya maka wannan karatun haka har ka iya"


Farhanaa tace;"Ummie mana ita ke hanamu bacci bayan asuba"


Haka sukayi mashi karatu har safiya ta waye tun da safe aka aje masu Breakfast yanzu ma sukayi wanka ya saka masu kaya masu kyau Farhana sai murna take tana kara kallon kayan.


Wajen karfe goma yace;"su zauna zaije ya dawo suka zauna ya kunna masu tv"


A part din Ammie ya zauna suna gaisawa tace;"ai jiya Hamrah Tasha kuka wai kafison wasu yara akanta tana maka gama baka waigo ba"

Murmushi yayi yace;"tana Ina nayi kewarta tazo na bada hakuri"


Yana tare da Hamrah part din Ammie sun gaisa da Kulsoom yanata fira da Hamrah yana bata hakuri.

Ammie tace;"Nina ce Kulsoom tabari sai angama Walida saita ta koma part dinku dan nasan yanzu idan takoma baka barin ta fitowa dan ba kunya ta ishekaba"

Murmushi kawai yayi
Sai wajen karfe daya yace mata zai fita sai dare zai dawo haka suka rabu.


Part dinshi ya dawo ya iske su Farhana anata kallo ko motsin kirki batayi ta kurama TV ido murmushi yayi ya iso.

Wayar shi tayi kara ya duba cikin aljihun ya dauka yace;"to shikenan ku taho a tare zuwa goben jirgin safe ne da wuri zaku iso sai kunzo"


Ya maida wayar yana kallon su sai farin ciki suke.

Lokacin Sallah yayi a tare sukayi Sallah furar jiya ce ya ida shanye wa su kuma ya zuba masu abinci.


Haka suka yini Farhana sai surutu take zuba yana mata dariya.


Yauma a daki guda suka kwana.
Safiya nayi kamar jiya haka suka tashi.


♦♦♦♦♦♦♦♦


Yau da dokin dawowar su na tashi shiyasa da wuri nayi fura na fidda ta gidan Sarki Yaya Salisu ne yazo ya dauka.


Nayi wanka na koma na zauna na kagara su dawo gani nake kamar sunyi wata basu nan.


♦♦♦♦♦♦♦♦


Yau ana kawo fura aka kawo mashi ya zuba ya sha gaban shine ya Fadi.

Ganin ya tsaya da Shan furar yana kallon furar yasa Farhana dake bisa cinyar shi tace;

"Baba furar da dadi ne Ummie na keyin ta kullun ai nafada maka da shekaran jiya ne kawai Inna tayi, toya kaji furar da dadi"


Shiru yayi ya aje furar yana karema Farhana da Farhan kallo gaban shine ke faduwa.


Wayar shi tayi kara ya dauka yace;"Masha Allah ka kaishi ma sabki ya huta ganinan zuwa"


Ya mike cikin sauri yayi part din da Liman yake.


Farhana da suke zaune ta mike zata fita Farhan yace;"Farhan yace ba an hanaki fita ba"


Murguda baki tayi tayi waje daman dan taga kofa a bude ne.


Farhan ya mike ya biyota chan ya hangota tana tsaye gaban wata yarinya ya nufi wajen.

Yana zuwa yaga yarinyar tasa hannu biyu ta inziga Farhanaa ta Fadi.

Cikin zafin nama shima ya ingiza yarinyar ta saki kara ta kiran;"Mom..Mom"


Kulsoom ce tafito tana ganin abinda ya faru Hamrah a kasa tana kuka Kuma ta gurje cikin sauri ta iso.

Tace;"Kai waye da zaka shigo gidan nan ka dakan man diya"

Mari ta kai mashi ta kara mashi a dayen ban garen amman ko gezo baiyi kamar bashi ta maraba.

Farhana ya mikar tsaye dake kwance a kasa abin mamaki ya bata.

Su Mummy da Ammie da sukaji kukan Hamrah suka fito Suma mamaki suke


Kulsoom tace;"ka bata hakuri kasan ko wacece ka ture harta ji rauni babu wanda ya taba mata fada ballai ya tureta hartaji rauni dan haka kabata hakuri"

Ta ida maganar cikin daga murya yaron ko motsi baiyi ba.


Ammie tace;"Ina akasamu wanna yaron mai kalar zuciyar Yarima rabona da naga wannan Izzar tun Yarima yana Dan shekara shidda a duniya jinin waye wannan yaron ina aka same shi"


Farhana tace;"mu diyan Yarima ne"


Mummy da Ammie cikin sauri suka karaso Mummy ta iso gaban Farhana ta duka dai-dai tsawonta tace;"Innalillahi!! MANAL ce aka kara haihuwa ko kuma nima na rude kamar Anuu"


Ammie dake gaban Farhan tace;"kila de 'ya 'yan aljanu ne nima Yarima ne sak a gabana lokacin da yake