You Cannot Download this book untill you login but you can read it .

---

Login Register

ni dashi.... ko da wane ido zai kalli mutane? ko da yake ai mara kunya ne zai iya fittikewa akan 'karya domin ya kare kansa.


Haka muka kasance a zaune cikin jajantawa juna dan har sai da naso na fita dauriya domin sa'i da lokaci ina hankalce da ita tana sa hannu ta goge hawaye a fuskarta.



Sai yamma Ummatu ta shigo gidan.....bakin kofar dakin ta tsaya da fad'in "Gwaggo lafiya baki koma gidan bikin ba? jama'a sai cigiyarki suke."


Girgixa kanta tayi tace."Rabi tashin hankalin dana tarar a gidan nan ne ya hana ni komawa gidan bikin ina fata kinje kinga dakin amarya."?

Ummatu tace."Aikuwa ni na wakilce ki dan dani aka kai Suwaiba dakinta ba kiga gidanta ba yayi kyau kuma sosai Jummai tayi kokari dan tayi mata kayan daki masu kyau."

"Ba shakka." abinda tace kenan tayi shuru da bakinta...Ummatu tasha jinin jikinta ganin yanayin rashin walwalar dake tare damu sai kawai ta bar gurin tana ta'be bakinta.


Tazo shiga gurinta taga zanin gado a kud'indine kuma kamar an goge jini dashi....cike da mamaki ta dauka tana dubawa wannan zanin gadon ai na Gwaggo ne. sai kawai ta nufi dakin Gwaggon da zanin gadon a hannunta


"Gwaggo wannan ba zanin gwadon da kika siya kwanaki bane."? tafada tana nuna mata.

" Shine Rabi ki warwareshi sosai ki duba kiga meye a jiki."

Ummatu tace."Haba Gwaggo ai ba sai na warware ba gashinan ina ganin jini kaca kaca a jikinsa."

Murya na rawa tace."Jinin budurcin Sa'ida ne Khalid ya dawo gidan bayan fitar mu ya haike mata a cewarsa tunda shi bai samu nasarar auranta ba to sai da taje gidan mijinta a fanko."
Ummatu ta shiga watsa mana wani irin mugun kallo kafin tace............!
*SADAUKARWA NE GA IYAYE NA BIYU*

*FATIMA MUSA (MOMMY NIJAR)*
*TARE DA*
*USAINA ABDUL-MALIK ISA (KAITA)*
*(HAJIYA BABBAH)*

*_Ha'kika ina Alfahari daku da irin kaunar da kuke min.🥰🤝🏻💜_*



*22&23*
"Gwaggo wannan wace irin magana ce kikeyi? Ina khalid yake a gidan da har zai aikata wannan mummunan akin! Gwaggo shuru-shuru fa ba tsoro bane gudun magana ne ya za'ayi yarinya tayi fasiqancin ta sannan a laqabawa wanda baya nan Khalid tun karfe bakwai na safe ya fita daga gidan nan ballanatana ayi masa mummunan sharri irin wannan."

Gwaggo ta nuna kirjinta da fad'in "Rabi ni kike wa rashin kunya har kina fad'in shuru shuru ba tsoro bane to me kike nufi? kin san dai ba zan qi Khalid naso Sa'ida ba tunda duk daya suke a gurina abinda kuma yasa na yarda da al'amarin shine jiya da daddare na jima tare dashi ina tausar zuciyarsa akan auran Sa'ida da Alhaji Nura na dinga kawo masa misalai ina fahimtar dashi cewa shi aure rabo ne Allah ya kaddara cewar Sa'ida ba matar auransa bace dan haka sai ya hakura ya nemi wata.....Idan kikaji irin munanan kalaman da ya dinga yi sai kin riqe baki wannan dalilin yasa na yarda da abinda ya aikata."


A fusace! tace."Gwaggo idan duk jikina kunne ne ba zan yarda da wannan k'anzon kuregen ba, a ina Sa'ida taga wani budurci da har jininsa zai 'bata zanin gado kawai dama dai ta dawo gidan ne da niyyar ta d'ora masa sharri saboda ta tsaneshi."!


Cikin takaici da 'bacin rai nace."Ummatu idan nayi wa Khalid k'azafin zina meye ribata a duniya."

"Ke! saurara kada ki kuskura ki sake kiran yaro na da wannan sunan Khalid ba mazinaci bane."! a fusace tayi maganar tana kumfar baki.

Gwaggo ta zabaro! itama a fusace! tace." To menene shi idan ba mazinacin ba Rabi nace ki fad'a min menene shi Khalid ya cancanta a kirasa da wannan suna tunda har ya iya haikewa 'yar uwarsa."

Ummatu ta fashe da kuka da fad'in "Jama'a wannan wace irin masifa ce Gwaggo ashe akwai ranar da zaki goyi da bayan 'karya akan gaskiya kin fi kowa sanin halin Khalid ba zai aikata wannan mummunan aikin ba."


Gwaggo ta girgiza kanta cikin takaici da bakin ciki tace." 'Dan yau ne fa Rabi ba'a shedar mutum sanin abinda yake zuciya sai Allah amma ko shakka ba nayi Khalid shine yayi wa 'yar uwarsa fyad'e a tunaninsa idan hakan ta faru sai a janye maganar auran Alhaji Nura ayi dashi."

Ummatu zaman dirshan! tayi a gurin tana kuka tare da fad'in "Ni kam ba zan yarda da wannan k'azafin ba duk inda za muje a haka nake kuma ina da 'yan uwan da zasu tsaya min a gaban al'kali amma inaji ina gani ba zan yarda ayiwa yaro na qazafi ba."


Gwaggo tace."Ummatu ashe wu'ka zaki d'abawa kanki wane mahaukacin ne ya fad'a miki ana fita da irin wannan sirrin."?

Shuru tayi tana lalube a wayarta Gwaggo tace."To Wallahi tallahi kada ki kuskura naji maganar nan a wani guri Rabi idan kika sake kika fad'awa dangin ki abinda yake faruwa to zakiyi nadama mai tsananin gaske."


Hawaye ta share hannu na rawa tasa wayar a kunnenta tana fara ringing ta katse ta sake kiran wayar ta sake katsewa a sanyaye tace."Duk inda yake nasan yana kan hanyar dawowa gida gwara yazo ayi komai a gabansa ."

Gwaggo tace."Ko yazo ko bai zo ba shine munafiki kuma dole ya fuskanci hukunci domin shi da shigowa gidan nan har abadah."

Saurin kallonta tayi rai a tsananin 'bace tace."To idan bai shigo ba ina kike so yaje ya kwana."? kai tsaye tace."Ya tafi can dangin ki dama su suke d'aure masa gindi."

Ummatu ranta ya 'baci! kawai sai ta shiga farfad'ar bak'aken maganganu wanda Gwaggon ta kasa hakuri itama ta shiga mayar mata da martani suka dinga cacar baki Ummatu ta dage sai rashin kunya takewa Gwaggo........''To dama me nake samu a gidan idan ba wahala ba lafiya lau aka dauko ni daga gidan ubana da kuzari na da qiba ta amma tsabar wahala da yunwa tasa duk na lalace sai me idan kin sa shi ya sake ni."
Ummatu ce ke wannan maganar tana sakin wani irin nishi na bacin rai! Gwaggo tace."Rabi ba zan sa Ibrahim ya sake ki ba amma zan sashi yayi miki kishiya tunda ke baki da mutunci wato dama zuwa kike gidanku kina kwance mana zani ko duk tsiyarki Ibrahim yayi miki abinda uwarki da ubanki ba suyi miki ba."

Ummatu ta fashe da kuka da fad'in "Ni dai Allah ka jarrabe ni da jarabar Suruka tinda na auri d'anta banji dadi ba."

Nace."Gwaggo Ummatu kuyi hakuri dan darajar Allah kada makota su fara shigowa gidan asiri ya tono ni akai wa laifi kuma na barwa Allah."

Gwaggo tace."Dama shi ne alkali shi kuma wanda ya aikata zai girbi abinda ya shuka a nan gaba."

Ummatu da sauri tace."Insha Allahu zina ba dai a zuria ta b.......Shuru tayi ganin Kawu ya shigo gidan.

Ganin fuskarta jage-jage da hawaye yace."Me yake faruwa ne."? Ummatu ta tsuguna gurin tare dasa kuka.

Sai ya daga labulan dakin Gwaggo yana tambayarta...Tace."Shigo ciki ka samu nutsuwa na sheda maka abinda ya faru a gidan."

Jikinsa a sanyaye ya cire takalminsa ya shiga dakin ya zauna har lokacin Ummatu kuka take tana girgiza kanta ya ma za'ayi ta yarda da wannan qazafin.

Hankalinsa akan Sa'ida yace."Me ya samu fuskarki ta kumbura haka ga idanunki sunyi jawur kamar wacce taci kuka ta koshi."

Zuciya tace ta karye naji hawaye na nema ya kufce min cikin rawar murya nace"Babu komai Kawu."


Sai ya kalli Gwaggo yana neman 'karin bayani. tace."Rabi mi'ko min zanin gadon nan idan kin gama d'ibar albarkar."

Ummatu a sanyaye ta dauki zanin gadon ta shiga dashi dakin ta miqa mata ta juya zata fita tace."Aa ai babu inda zakije zauna nan tunda ga Ibrahim din ya dawo ayi magana a gabansa."


Ummatu gabanta ya buga tana jin tsoro kada ya sake aunata gidansu. jiki a sanyaye ta nemi bakin kofa ta zauna.

Gwaggo ta shiga warware zanin gadon... da sauri nasa hannu na 'karbe ina girgiza mata kai hawaye na zuba a saman fuskata.

Murya na rawa tace."Sa'ida ki bari a nuna masa sheda." nace."Gwaggo dan Allah dan Annabi maganar nan ta isa haka a barta ni na barwa Allah." da kyar na'karasa maganar saboda kuka mai karfin daya kufce min na miqe da saurin gaske na fita daga dakin guri na samu na tsuguna na dinga kuka ina kiran kalmar innalillahi wa'ina ilaihi raji'una."


Baba Ibrahim jiki a mace yace."Gwaggo dukkanin abinda yake faruwa a gidan nan nake so ki fad'a min dan girman Allah kada ki 'boye min komai."


Ta girgiza kai tare da fad'in "Ibrahim ai ranar wanka ba'a 'boyan cibi wannan lamari ya zama dole ka sanshi domin kana da hakkim sanin abinda d'anka Khalid ya aikata akan marainiyar Allah."

Hawaye ta share tace."Ibrahim Khalid tinda ya samu labarin auran Sa'ida da Alhaji Nura ya tayar da hankalinsa ya dinga jifan al'amarin da mugwayen kalmomi tare da yin ikirari mai muni kancewar mutukar ba'a janye maganar auran Alhaji Nura ba to ba zai yarda ba sai ya dauki mataki! jin haka yasa na zaunar dashi na dinga rarrashinsa akan yayi hakuri ya barwa Allah komai na rayuwa rabo ne ashe yaron nan bai dauki nasiha ta ba ya shirya mugun abu.....'Dazu nida Rabi muka tafi gidan bikin 'yar gidan Jummai muka bar Sa'ida a gidan ita kadai tana bacci to wannan damar khalid ya samu ya haike mata a takaice dai Khalid shi yayiwa Sa'ida fyad'e abinda nake so na fada maka kenan."


Kawu Iro yayi 'kasa da kansa wani irin gumi! mai d'umi ya dinga tsatstsafo masa! hular saman kansa ya cire baki a bushe? yace."Gwaggo Khalid irin tozarcin da xaiyi mana kenan ? me mukayi masa a rayuwa? me kuma Sa'ida tayi masa da zai keta mata rigar mutumci wane irin kallo Alhaji Nura zaiyi mana a matsayin mu na iyayen yarinyar nan Gwaggo da sadakin wani Khalid ya aikata wannan 'barnar? idan Alhaji Nura ya kusanci yarinyar yaji ba daidai ba wani irin kallo zaiyi mata? me zai biyo baya a zamantakewar auranta."

Gwaggo ta goge hawaye a sanyaye tace."Shine dama babban tashin hankali da damuwar ai kawai Ibrahim ka ajiye maganar Alhaji Nura a gefe a mayar masa sa kud'insa Sa'ida babu namijin da zata aura a cikin wannan halin ta samu nutsuwa Khalid din dai shi zamu hakura ta aura asirinmu ya rufu.''


Kawu ya girgiza kansa cikin mugun takaici da nadamar haihuwar yaron yace."Gwaggo Sa'ida bata dace da macucin yaron nan ba saboda haka ki daina wannan maganar tsayin wattani biyar mun kar'bi sadaki a hannun mutumin nan ya za'ayi ace za mayar masa hakuri kawai za muyi a daura auran mu cigaba da addua kafin muga abinda Allah zaiyi."

Tace."To ai shikkenan Ibrahim yanzu wane mataki ka dauka akan Khalid din......Girgiza kansa yayi da fad'in "Kotu zan kai shi Alkali ya yanke masa hukunci daidai da abinda ya aikata wallahi ba zan bari mutucin marainiyar Allah ya tafi a banza ba.

Ummatu ta fashe da kuka da fad'in " Haba kai kuwa wace irin magana ce wannan? kana nufin d'an cikin ka zaka kai kotu akan abinda baka da tabbas a kansa."


Ya kalleta yace."Rabi ke zaki qalubalanci maganar mahaifiyata a gabana me kike nufi? kina so ki fada min cewa Gwaggo sharri tayi wa d'anki kome."


Girgiza kanta tayi tace."Aa ni ba haka nake nufi ba naji kana maganar kai shi kotu nace kafin ka yanke wannan hukunci ka tsaurara binkice akan al'amarin."


Cikin fusata! yace."Ba zan tsautsara binkicen ba! ni d'an halak ne kuma nasan *ZAMANI* Khalid babu abinda ba zai aikata ba tunda yasa son zuciya a ransa. mahaifiyata ba zata 'kir'kiri sharri ta d'ora masa ba."

Tace."Ai ba haka nake nufi ba ita Sa'idar me yasa bakwa ganin laifinta Khalid fa yaro ne akanta to har yaushe ma zai iya sarrafata ballanatana yayi mata fyad'e."

Takaici ya cika zuciyar Kawu Iro yace."Rabi idan baki daina magana anan gurin ba ranki zai mummunan 'baci! wane irin rashin tarbiya ne wannan a gabana kike kokarin 'karya ta mahaifiyata."



Gwaggo tayi murmushi wanda bai kai ciki ba tace."Ibrahim rabu da ita haka ita 'karya ai fure take bata 'ya'ya ita wai tana so ta kare d'anta akan abinda ya aikata idan kin kareshi a duniya a lahira fa."?


Ummatu tayi shuru tana shaqar hanci....Kawu Iro ya dauki wayarsa yana lalube number Khalid din ya nemo ya shiga kira.....Is swich Up. wayar a kashe take.

Ya dinga kira ana fada masa a kashe take...Gwaggo tace."Ai dole ya kashe waya tunda yasa abun da ya aikata ai da tuni ya shigo gidan."

Kawu Iro ya mike da sauri ya fita daga dakin.....tsayuwarsa naji a kaina na dago da sauri ina kallonsa....'bacin rai da damuwar da nagani a fuskarsa yasa wasu hawayen sake yankowa hakika Khalid ya jefa zuciyoyin mu cikin masifar tashin hankali


A sanyaye yace."Ki daina kuka kinji ko ki barwa Allah zai saka miki sannan inaso ki dauki wannan al'amari a matsayin qaddara wacce ta riga fata insha Allahu Allah zai dubi maraicinki Khalid kuma da ya aikata miki wannan abu ni da kaina zan kaishi a hukuntashi .

"Ajiyar zuciya na sauke ina goge hawayen fuskata nace." Kawu insha Allahu zan sanyawa raina dangana akan wannan al'amari sannan maganar kai khalid hukuma ka janye nasan tunda zalinci ya aikata sai Allah ya hukuntashi a duniya ko a lahira."

Girgiza kansa yayi yace."Sa'ida idan nayi haka naci amanar zumuncin Allah kuma duniya zata zage ni dole ne na dauki mataki akan dukkanin wanda ya ta'ba martabarki."
Kafin nace wani abu yayi gaggawar fita daga gidan...jiki a mace na bishi da kallo ina girgiza kaina.

Ummatu yun'kurawa tayi zata mi'ke Gwaggo ta dakatar da ita da fad'in "Rabi kin gama koke-koken ne."? Ummatu ta zuba mata ido tana kallonta, Tace." To wallahi kada naji da wai! maganar nan ta fita waje al'amarin nan ya zama sirri a tsakaninmu idan kika fad'awa dangin ki maganar nan wallahi kinji na rantse sai kin fi kowa 'bacin rai."

Ummatu girgiza kanta tayi ba tare da tace mata komai ba ta kad'a kanta ta fita daga dakin ranta a mugun 'bace.

Inda nake bata kalla ba ballanatana ta tanka min ta bude kofar gurin ta ta shige tare da bugo kofar da karfin gaske!

A hankali na mi'ke na nufi dakin jiri da hajijiya na neman su kayar dani a gurin.



'Bangaran Khalid kuwa yana fita kai tsaye can Na'ibawa 'yan lemo ya nufa gidansu abokinsa Salmanu wanda suka gama karatu a tare tun kafin ya isa gidansu abokin nasa ya kirashi a waya ya sanar masa zuwan nasa sai kawai ya kashe wayarsa yasa a jakar kayansa yasan dole daka gida a nemi inda yake shiyasa ya kashe wayar gabad'aya.



Kawu Iro yana fitowa daga gidan kai tsaye Gidansu Salim ya nufa babban abokin yaron nasa yana kokarin aika yaro gidan Salim din ya fito ganinsa yasa da sauri ya risina yana gaisheshi.

Kawu ya amsa tare da Tambayarsa ina abokinsa yake.

Salim yace."Wallahi baba nima yanzu na dawo gidan na tarar da key na adaidaita sahu wai d'azu Ya aiko yaro dashi a ajiye min da nazo mahaifiyata take min bayani shine fa yanzu na fito da sauri zan siyi kati nasa a waya na kirashi naji dalilin da yasa ya kawo min key din

Kawu yace."Ai tuntuni nima nake kiran wayar tasa taqi shiga amma dai jeka siyo katin ka gwada kiransa ko Allah zai sa wayar ta shiga."

Salim da saurin gaske ya nufi gurin sayar da katin gabadaya hankalinsa a tashe yake da abinda abokinsa ya aikata a daidaita sahu wuya take a gari shi ya samu an bashi sojan gona yana samun kwabo da dari amma saboda bashi da hankali ya dawo da key din.

Kawu Iro kuwa bayan wucewar Salim daga gurin sai ya samu gefan dakalin dake 'kofar gidan ya zauna yana jiran dawowarsa.
*SADAUKARWA NE GA IYAYE NA BIYU*

*FATIMA MUSA (MOMMY NIJAR)*
*TARE DA*
*USAINA ABDUL-MALIK ISA (KAITA)*
*(HAJIYA BABBAH)*

*_Ha'kika ina Alfahari daku da irin kaunar da kuke min.🥰🤝🏻💜_*




*24&25*
Jiki a sanyaye ya 'karaso kofar gidan nasu Kawu Iro na ganin yanayin fuskarsa ya gane akwai matsala Babu walwala a tare dashi yace."Ka kira wayar ne."?

Salim ya girgiza kansa da fadin"Wallahi kuwa Na kira ya kai sau bakwai tana katsewa gabadaya hankalina ya tashi da abinda Khalid yayi baba kasan sai da muka sha wuya sosai kafin mu samu adaidaita sahun nan amma kuma Khalid ya dawo da mukkulin babu wani dalili mai k'arfi.''

Kawu Iro ya miqe da fad'in "Salim ka kwantar da hankalinka Khalid dai a yanxu ba za'a kirasa yaro ba yana da hankali yasan abinda yake adaidaita sahu kuma daya dawo maka da ita kansa yayiwa mugunta sai kayi gaggawar mayarwa da mai ita a samu wanda yake bukata a bashi."

Salim yace."Kawu kayi hakuri dan Allah zan jira Khalid din ya dawo daga dik inda ya tafi sai naji dalilin da yasa ya aikata hakan.

Kawu Iro ya girgiza kansa cikin takaici yace."Salim zaka wahalar da kanka domin abokinka yayi nisa saboda yasan rashin kyautawar da yayi sabida haka nake shawartarka da kayi gaggawar mayarwa da mai babur din nan key d'insa."


Salim a sanyaye yace."To shikkenan Kawu insha Allahu gobe zanje na kai masa key din." Kawu ya miqa masa hannu sukayi sallama da juna ya wuce ya barshi a gurin a tsaye yana mamakin maganarsa to wane irin abun kunya abokin nasa ya aikata da har zaiyi nisa da gida." da yaga bashi da mai bashi amsa sai ya juya jiki a mace ya shiga cikin gidan nasu.



A ranar Ummatu qin d'ora tunkunya tayi har wajen tara na dare babu labari Gwaggo ta hau surutai akan lamarin Ina daga kwance nace."Gwaggo dan darajar Allah da Annabi kada ki sake tada wata tarzomar ki rabu da ita tunda ba tayi girkin ba ki dauki taliya ki dafa tunda kina da ragowar miya ni dai bana tsammanin zanci wani abu."

Tace."Haba Sa'ida ai wannan iskanci ne da wulakanci Ibrahim na iya bakin kokarinsa a gidan nan amma matar nan take kokarin tona masa asiri a unguwa yanzu bayan bakin cikin da muke ciki tana so mu kwanta da yunwa kenan."

Nace."Gwaggo ki kyaleta kada ki biye mata kinga rashin kunya take miki ni kuma zuciyata bata dad'i watarana idan ta 'kure ni dole na mayar mata da martani shiyasa bana so kina biye mata kuna fad'a ma'kota na jinku."

Tsaki tayi ta girgiza ta fara kokarin mi'kewa......Fita tayi ta dauko 'yar tukunya ta dawo dakin da fad'in "Ai sai ki kunna min gas din ko." Motsawa nayi na mike zaune ina ya mutsa fuskata, cikin kulawa tace."Yana da kyau dai ki sake shiga cikin ruwan d'umi idan kuma baki daina jin zafi ba gobe sai muje asibiti a dubaki dan na lura yaron nan ya gwada miki mugunta.''

Nace."Gwaggo babu wani asibiti da zanje idan kin sauke kisa min ruwan zafin ya isa." Tace."To ai shikkenan Allah ya kyauta." ciki zuciyata na amsa da ameen tare da kar'bar ashanar hannunta na kunna mata 'karamin gas din ta dora tukunyar akai.



Tana sa taliyar a cikin kunyar Kawu ya daga labulan dakin. tace."Ibrahim ka dawo kaga har yanzu ja'irin yaron nan bai shigo gidan ba."


Yace."Gwaggo bana tsammanin fa Khalid na kusa dan tun dazu ake kiran wayarsa a kashe abokinsa Salim ya tabbatar min da cewa ya mayar masa da mukkulin adaidaita sahun da ya samo masa shin gwaggo duk me ya janyo haka? Khalid yasan bashi da gaskiya shiyasa ya gudu."


Tace."Ka rabu da ja'iri Ibrahim ai duk guje-gujen da zaiyi dole ya dawo gida ya same mu hukunci kuma kada ka fasa yi masa domin ya aikata abinda da ya zama dole a hukunta shi."

Kawu ya kalli inda nake kwance cikin kulawa yace."Sa'ida ya jikin naki ina fata dai babu wata matsala."? Kafin nai magana tace"Tun d'azu take ya mutsa fuska tana tafiya da 'kyar shine nace gobe muje asibiti a dubata ko yayi mata rauni tace ba za'aje ba xata cigaba da shiga ruwan zafi."


Shuru yayi yana me sunkuyar da kansa 'kasa hakika wannan al'amari ya tsaya masa a zuciya....a sanyaye yace."Sa'ida kiyi hakuri aje asibitin a dubaki kada kuma wata matsalar ta afku."

Murya na rawa nace."Kawu ba sai anje asibiti ba insha Allahu babu matsala." Girgiza kansa yayi yace."To shikkenan ai dama haka ake so.....Kokarin fita yake sai ya kuma yatsa yana kallon tukunyar dake kan gas yace."Gwaggo me kuma kike dafawa da dare haka."?

Da sauri na rigata magana da fad'in "Taliya ce nace ta dafa min ina sha'awa." Yace."To na fahimta." sai da safe yayi mana ya fita daga dakin.

Ummatu na 'kuryar dakinta tana sa'kawa da kwancewa ya shiga yana kiranta tana jinsa tayi saurin kwanciya tare da rufe jikinta, rufe idonta tayi kamar mai bacci yazo ya tsaya a kanta yana fad'in "Rabi tashi ki dauko min abinci na dawo da yunwa."

Ta bude ido cikin yanayi na masu bacci tace."Ai sai dai kayi hakuri dan wannan fargabar ita ta hana ni na shiga kicin nayi wani abin arziki nima a haka zan kwana da yunwa."


Rai a 'bace yace."Saboda ke zaki iya kwanciya da yunwa sai ki azabtar da rayuka tun safe da zan fita na baki kudin cefane bayan tsabar abinci da nake dashi a gidana amma saboda wani dalilin ki na banza da wofi kin ki yin girki a gida kina so nida mahaifiyata mu kwana da yunwa kenan."

Zaune ta miqe tana kuka tace."Ibrahim dan Allah ka saurara min haka naji da wannan masifar da take damuna wallahi ina hakuri a gidan nan mahaifiyarka a d'azu babu irin cin mutuncin da ba tayi min ba akan kawai na kare d'ana daga zargin da ake masa ni wallahi har yanzu ban yarda Khalid ne ya aikata abunda kuke zarginsa dashi ba.

Rai a 'bace yace."To idan bashi ne ya aikata ba mai ya hana shi dawowa gida? kuma mai yasa ya kashe wayarsa Rabi wai me yasa kike da son zuciya ne yarinyar nan Sa'ida itama haihuwarta akayi mai yasa kike fifita d'anki a kanta kema uwa ce ya kamata ki dinga adalci a cikin al'amuran ki a zahiri yaro ya aikata abu kuma ya nuna kansa amma sabodo son zuciyarki kice baki yarda ba k'azafi akayi masa."

Komawa tayi ta kwanta tare da juya masa baya alamun duk maganganun da yake basu gamsar da ita ba, Kawu Iro cikin 'bacin rai ya fita daga dakin kai tsaye hanyar fita daga gidan ya nufa ba zai zauna da yunwa akan yaron da bai ji tausayinsa ba.

Gwaggo ta fito daga bandaki da buta a hannunta tace."Ibrahim ina kuma zakaje ai na dauka ka shigo gida sai da safe."


Jim yayi kafin yace."Gwaggo zan fita na nemi abinda zanci ashe wai Rabi bata baku abinci ba."? Tace."Eh ka rabu da ita da halinta kada kaje ko'ina zo muje daki kaci abinci ko baka ga ina dafa taliya ba."

Yace."Na gani Gwaggo.'' tace."To muje daki kaci ka koshi ka shareta da bak'in halin ta.'' Girgiza kansa yayi yabi bayanta d'akin suna maimaita maganar.



Salmanu shuru yayi kawai ya tsirawa abokin nasa ido yana kallonsa. Khalid yace."Salmanu ka tsananta lallai