You Cannot Download this book untill you login but you can read it .

---

Login Register

kina zuba ido akan duk abinda yake faruwa to zaki d'ora hannu aka sabida tsabar bakin cikin da takaici."

Ummatu tace."Baito kiyi shuru kawai da bakin ki ai da Khalid din da ita mai daure masa gindi duk zanyi maganinsu akwai lokacin da zai zo na nuna mata cewa ni nake da hakki akan d'ana sabida nice uwarsa ni na haifeshi nayi wahala dashi babu wacce ta isa tayi min iko akan ikona wallahi akan hakan sai dai duk abinda zai faru ya faru." Baito tace."Kamata yayi ma ki cigaba da neman taimako gurin malamai dan dole sai ana sa miki hannu a cikin Al'amuranki idan kina so kiga daidai." Ummatu ta shiga bin dakinta da kallo tana neman abunda zata d'aga ta siyar......."Baito yawon malam sai kana da kudi kina dai kallo yanzu bani da katifa a dandayar kasa nake kwanciya sai dai idan samiru na zan siyar."
Baito tace."To meye a ciki don kin siyar da Katifa da Samiru ai dama kafin bukata ta biya dole sai ansha wuya sabida haka wannan karon kawai idan munje gidan malam zamu sa ayi musu farraqu ma'ana a rabashi da kakar tasa haihatahaihatan!." Jamila tace."Eh Baito abinda zakuyi kenan sannan don Allah nima idan kunje kusa malam yasa masa soyayyata a cikin zuciyarsa.
Baito tace."Kada ki damu Jamila zan nema miki taimako kuma ki kwantar da hankalinki Khalid kamar ya aure ki ya gama."
Jamila mirmushin jin dadi tayi da fadin."Nagode sosai Baito.......Motsin shigowar Gwaggo gurin yasa sukayi shuru da bakinsu Gwaggo tace."Rabi kina ina ne? ki bude min dakin Khalid zan daukar masa kayan sawa yayi wanka." Ummatu da sauri ta fito daga dakin tana fadin."Gwaggo shi ba zai shigo yasa kayan da kansa ba sai kinzo kin daukar masa ni bani da mukkulin dakinsa.

Gwaggo tace." To da yaya aka samu ma yayi wankan kin san jikinsa babu kwari shiyasa na karbi mukkulin dakin nasa gashi a hannuna kizo ki bude min dakin.


Ummutu ba don ranta yaso ba ta kar'bi Mukkulin ta bude mata dakin, a maimakon tayi tafiyarta sai taja tunga ta tsaya tana kallon Gwaggo na bude wardrobe d'in kayansa tana fad'in 'Yar karamar riga yace a dauko masa kin san garin akwai zafi."

Ummatu shuru tayi sai hararar ta take, Gwaggo ta dauko masa shirt da 3qutar tana fadin."Naga yafi amfani da irin wannan a lokacin zafi." Nan ma Ummatu uffan ba tace ba.


Gwaggo ta bita da kallo tana nazarinta lokaci guda ta fusata tace." Rabi da kika ja tunga kika tsaya kina kallona ko gadi na kike yi dan kada nayi masa sata."

Ummatu da sauri tace."Aa Gwaggo ni ba haka nake nufi ba.

Gwaggo tace."Haka ne mana Rabi menene na tsayawa a kaina kina kallona gashi ina miki magana kinyi banza dani."


Ummatu ganin Gwaggo na nema ta mayar da al'amarin babba yasa da sauri ta bar gurin ba tare da ta sake magana ba, Gwaggo taja tsaki da fadin."Ke dai naga sanda zakiyi hankali." fitowa tayi daga dakin ta kulle ta fita daga gurin.


Yana zaune jinge ne da bango (garu) daga shi sai gajeran wando tunda ya fito daga wanka ya zauna a haka ko mai bai shafa ba kawai ya tsira min rikitattun idanunsa, ni kam jikina ne yayi sanyi da kyar na iya masa magana akan yasa kayan da ya cire kafin Gwaggon ta kawo masa wanda yake so.

Girgiza min kansa yayi alamun ba zai sanya ba ya cigaba da hautsina ni da salon kallonsa.


Jiki a mace na mike domin fita daga dakin ina ganin zama na a dakin zai iya haifar da d'an da bashi da ido domin kuwa wani irin masifaffen feelings ne ke taso min......Hannuna ya rike na juyo ina kallonsa tare da kokarin kawar da abinda ke taso min.....A marairaice yace."Ina zakije kuma? bayan kin san kallonki kad'ai yana sanyawa naji sanyi a cikin zuciyata.

Ba tare da nayi nazarin maganar ba nace."Khalid ni kuma zaman ka ne a haka bana so sabida ina jin wani iri a tare dani." ido ya tsira min da munafikin murmushi a fuskarsa yace."Kina son suffata kenan dama ai na san ni kadai ne namijin da zai iya dake.

Da sauri nace."Aa ba haka nake nufi ba Khalid ina nufin zaman ka babu riga zai janyo mana matsala kada Gwaggo tayi ba'ki zasu zargi wani abu.

Murmushi kawai yay ya janyo ni na zauna a cinyarsa cike da mamaki nake kallonsa gabana na wani irin bugawa, hannuwansa yasa ya zagaye 'kuguna ya dora fuskarsa a kirjina a kasalance yace." Ina mutukar shiga cikin shauki idan na dora fuskata a kirjinki."


Cikin tashin tsigar jiki na dauke fuskarsa daga kirjina na fara kokarin mikewa daga jikinsa ya wani ru'kun'kume ni yana sakin wani irin nishi!! ture fuskarsa nayi raina a d'an 'bace nace."Khalid kada kaga na sakar maka fuska ka dinga kokarin shige gona da iri sake ni don Allah."


Shuru yayi be tanka min ba ya cigaba da cusa fuskarsa a kirjina! jikina ne ya soma rawa nasa karfi ina tureshi kamar mayen 'karfe yana mannewa a jikina......'Kwalla ta cika idona ni kam na rasa wace irin masifa ce wannan? hakura nayi na kyaleshi sai goga fuskarsa yake a sassan wuya na yana sake rungumeni a jikinsa.......Koda Gwaggo ta shigo taga abinda yake faruwa salati tasa da fadin." Wane irin rashin mutunci ne wannan Sa'ida saura kwana uku daurin auranki kuke wannan shashanci.''


Hawaye suka kwace min dama nasan ba zata ga laifinsa ba dole ni zata d'orawa laifi nace."Gwaggo wallahi ba laifina bane nasa ne kina ganin yanda ya matse ni a jikinsa ko."

Gwaggo tsawa! ta buga masa murya na rawa tace."Kai Khalid idan kai romio ne gurin soyayya dole ka hakura da yarinyar nan wannan wace irin masifa ce? wato kuna so ku janyo min abin kunya ko? kuna jin yanda Baito take yar min da habaici tana kokarin d'aid'aita min zuria."

Hawaye na goge nace."Gwaggo wane abun kunya kuma? ai abin kunya tuntuni an riga anyi sa." Tace."Sa'ida wannan lamari da ya faru idan ban dani dake da khalid din waye ya sani? sai Rabi ita kuma mijinta ya gargad'e akan maganar nasan babu wanda zata fadawa."

Murmushin takaici nayi ba tare da nace komai ba na yunkura domin sauka daga jikinsa, saki na yayi na mike tsaye, ya zuba min idanunsa da sukayi jajawur!

Gwaggo taja tsaki da fad'in "Kai kam Jarumi ban san inda zaka kai jaraba da fitina ba to ni bana son wannan d'abi'ar taka zan iya zare hannuna daga kanka mutukar kace haka zaka cigaba dayi.


A sar'ke yace.''Gwaggo ki gafarce ni." Uffan ba tace masa ba ta mika masa kayansa. ganin yana kokarin sa kayan a gabanmu yasa ni da ita muka fita daga dakin.


Fitowa yayi ba tare da ya kalli inda muke zaune ba ya nufi gurinsu.....Har yanzu suna zaune suna sa'ka mugun zare.

Ummatu ta kalleshi da fadin." Dama jira nake ka shigo domin nayi maganar karshe da kai Ga Baito ka Jamila su zasu zama sheda bayan Ubangijin mu.''


Ji yayi gabansa ya fad'i! A sanyaye ya nemi guri ya zauna yana kallonta sai kawai ta fashe da kuka tasa gefan zaninta tana share hawaye tana kallonsa tace."Yanzu Khalid abin kunyar da zaka janyowa zuriarmu kenan."?

Yace."Ummatu me kuma ya faru."? Tana kukan tace."Baka da lafiya kana Fama da kanka Baito ta shigo ta samaku kai da Sa'ida kun rungume junanku shin hakan me yake nufi.''?


Kansa ya sunkuyar kasa domun dai bashi da abin fad'a.....Ta cigaba da cewa."To wallahi wannan shine na farko kuma shine na 'karshe Khalid idan ka 'kara shiga sabgar Sa'ida Allah ya isa ban yafe maka ba." Da saurin gaske ya kalleta.....Baito tace." Ba wai zamu raba ka da 'yar uwarka bane Aa muna gudun mugun halinta shiyasa kaga bama so kana mu'amula da ita idan kana so kayi albarka a rayuwarka to kabi maganar mahaifiyarka."

Ya dinga jin kansa yana masa wani irin ciwo......Ya kalleta ido jawur yace."Ummatu Sa'ida 'yar uwata ce ta jini ta yaya zakiyi min tsakani da ita."


Tace."Gaisuwa kawai na amince maka kayi da ita ban yarda ka sake wata mu'amula da ita ba ka cire sonta daga ranka na rabaka da ita har abadah kazo ka rungumi Jamila itace za'bin da nayi maka."


Gumin goshinsa ya sharce! ya sunkuyar da kansa kasa yana jin wani irin nauyi a kirjinsa......Cikin tsawa! tace."Saboda kai sakarai ne har ka iya yarda sonta ya janyo maka aman jini to bari kaji idan ka kwanta ka mutu bata da damuwa kuma ba zata fasa auranta ba, saboda haka kayi wa kanka fada ka cire ta daga ranka.


Ya dago kansa yana kallonta a shaqe yace."Ummatu insha Allahu daga yau nayi miki alkawarin cire Sa'ida daga raina na hakura da ita har abadah mutukar zaki samu farin ciki a cikin zuciyarki.


Murmushin samun nasara tayi tace."To Allah Ubangiji yayi maka albarka Khalid." jiki a mace ya amsa da ameeen ya mike ya fita daga dakin.

Mukkuli yasa a dakinsa ya bude ya shiga ya kwanta rigingine yana tunanin rayuwa tabbas dole ya hakura ko yaki ko ya so saboda duk yanda yaso da al'amarin rayuwarsa ya kasance Allah bai so ba dole ya bi maganar mahaifiyarsa mutukar yana so yaga nasara a rayuwarsa amma shi kansa yasan cire auntyn nasa daga cikin rayuwarsa babban jidali ne.....




_Kuyi hakuri da yanayin labarin littafin nan ku cigaba da karantawa a yanda yake insha Allahu a gaba zaku gane inda na dosa NAGODE_


*Littafin na kudi ne....Kada ki siya ki fita dashi...idan kika ganshi a gruops kada kiyi sharing......Idan kika karanta baki biya ba na biki bashi.....Idan kina so ki biya kudin littafin ga yanda abin yake... Vip gruop#600 normal gruop#300...account.. 0542382124...Binta umar gtbank....Idan kati zaki turo #400 ne sai kiyi min magana ta WhatsApp da wannan numbers*
*07084653262*
*08089965176*
*BINTA UMAR ABBALE*
[3/25, 9:47 PM] +234 906 667 3667: *SADAUKARWA NE GA IYAYE NA BIYU*

*FATIMA MUSA (MOMMY NIJAR)*
*TARE DA*
*USAINA ABDUL-MALIK ISA (KAITA)*
*(HAJIYA BABBAH)*

*_Ha'kika ina Alfahari daku da irin kaunar da kuke min.🥰🤝🏻💜_*





*70&71*
Tunda ya shiga d'akinsa ya kulle bai fito ba sai da yaji kiran sallar magariba ya bude dakin ya fito yana ya mutsa fuskarsa lokacin su Baito sun dade da tafiya sai Ummatu a kicin tana aikin tuqa towon teba. ganin fitowarsa yasa ta bishi da kallo cikin kulawa tace.''Wai dama tun dazu kana cikin dakin."? Sumar kansa ya shafa a hankali yace."Eh ina ciki bacci ne ya daukeni.'' Ya fadi hakane domin ta kyaleshi da tambaya, tace." Sai kayi sallah kazo ka irin abincin da kake so nayi maka.
Yana kokarin daukar buta yace."To shikkenan nagode Ummana." Bandaki ya shiga ya fito ya tsuguna yana daura alwala ta kalleshi da fadin."Ya jikin naka."? Yace."Da sauki." Tace."To Allah ya kara afuwa ina fata dai kaji maganata ta dazu." Yace."Kada ki damu Ummatu insha Allahu zan kiyaye." Taji wani irin dadi a cikin zuciyarta juyawa tayi ta cigaba da aikinta shi kuma ya nufi massalaci.

Tare suka shigo gidan da mahaifinsa. Kawu ya tsaya suna magana da mahaifiyarsa shi kuwa da sauri ya shige gurinsu.....hakan sai duk ya basu mamaki! amma dai duk basu kawo komai ba a cikin ransu....Gwaggo ta cigaba da bawa Kawu Iro Labarin irin halin da Khalid din ya shiga a lokacin da ya samu labarin auran Sa'ida da Aminu.....Kawu Iro ya dinga girgiza kansa yana mamakin al'amarin Gwaggo tace."Wallahi Ibrahim sosai na tsorata da ganin yaron nan yana aman jini hakika ba karamin son Yarinyar nan yake ba don Allah Ibrahim kayi wani abu kai domin ceto rayuwar yaron nan.

Kawu ya girgiza kai da fadin."Gwaggo wane abu zanyi akan Al'amarin nan aski yazo gaban goshi dole khalid yayi hakuri bashi da rabo dama aman jini kuma ina ganin kamar shi ya d'orawa kansa tunda bashi da tawakkali."

Tace."Ibrahim idan kana nunawa Khalid kiyayya sai naga kamar ba kai ka haifeshi ba ya za'ayi yaron nan ya dorawa kansa ciwo yanda aka yaudareshi ina ganin zai iya yanke jiki ya fadi saboda tashin hankali.

Kawu Murmushi yayi yace."Gwaggo mu dai har kullum za'bin Allah muke nema saboda haka dukkanin abinda ki kaga yana faruwa daga Allah ne Khalid kuma duk abinda nake nunawa a kansa 'kauna ce ta janyo haka saboda haka ki daina cewa bana sonsa.

Tace."To ai shikkenan dama nasan ba zaka ta'ba fahimtar maganata ba Ubangiji Allah ya bashi lafiya." Ya amsa da ameeen yana kokarin shiga gurinsu.



To har wajan tara da rabi na dare Khalid bai leko inda muke ba Gwaggo hankalinta ya tashi ta kalleni da fadin."Sa'ida anya kuwa lafiya kinga yaron nan har yanzu bai shigo ba ko dai yana can a kwance a d'aki ciwon nasa ya tashi.


A sanyaye nace."Kije ki duba ki gani." Yunkurawa tayi ta mike ta kama hanyar fita tana fad'in."Ai dole naje na duba shi.


Lokacin data shiga gurin samun sa tayi a kusa da mahaifiyarsa suna hira.......Ganin ta shigo yasa sukayi shuru....Tace."Khalid ashe lafiyarka lau ina can ina zaman jiran ka ka shigo kaci abinci shuru baka shigo ba nace bari nazo na duba ka."


Cikin kulawa yace."Gwaggo ina nan muna hira da Ummatu abinci kuma na riga naci amma ki ajiye min d'umame."? Jiki a sanyaye tace."Yau kuma a gurin Uwarka kayi ra'ayin cin abincin."?

Murmushi yayi bece komai ba Ummatu tana 'yar dariya tace."Gwaggo yau yana so ya faranta min rai ne a matsayina na Uwarsa ni kuma sai na samu damar zaunar dashi ina masa nasiha akan rayuwa.

Gwaggo na k'ok'arin juyawa tace."Eh ai kam kin kyauta Rabi ki cigaba dayi masa nasiha." Tana gama maganarta ta fita daga gurin jikinta duk a mace babu shakka akwai abinda Surikar tata take shirya mata.


Haka muka kwana ni da Gwaggo cikin tunane tunane mara dad'i da ma'ana......Da safe cikin kayan motsa jiki ya leko dakin a maimakon ya shiga kamar yanda ya saba sai kawai ya dogare a bakin kofa hannunsa rike da labule yace."Gwaggo kun tashi lafiya."? Tace."Lafiya lau Jarumi ya karfin jiki."? Murmushi yayi yace."Naji sauki sosai gashinan ma zan fita atisaye." Tace."To masha Allah kafin ka fita ka shigo ka karya kummalo tukkuna.

Yace."Gwaggo a yanzu dai bana bukatar wani abu sai bayan na dawo." Baki a sake muke kallonsa....ya kalle ni babu yabo babu fallasa yace."Auntyna kin tashi lafiya."? Nace."Lafiya lau ya jikin ka."? murmushi yayi be amsa min ba ya saki labulen dakin ya bar gurin.


Shuru dakin yayi na minti biyu kafin ta kalleni a sanyaye tace."Sa'ida Rabi ta kitsawa yaron nan mugun nufi akan mu ko bakya ganin abinda yake sai kace dodanni ya'ki ya zauna a inda muke."

Nace."Nima tun jiya na fahimci hakan amma bana so ki tayar da hankalin ki gwaggo ki kyaleta don Allah duk rintsi bata isa ta sanjawa towo suna ba.''


Gwaggo tace."Aikuwa dole sai na zauna dashi munyi magana idan ma uwarsa ce take zuga shi sai ya fada min." Murya na rawa take maganar....Tausayi ta bani na girgiza kaina gami da fadin." Komai dai yayi farko yana da karshe Gwaggo idan kin kwantar da hankalinki Ummatu bata isa ta raba soyayyar dake tsakaninki da Khalid ba.

Hawaye ta share ba tare da tace komai ba ta dauki jug din kunu tana tsiyayawa a kofi....Mikewa nayi na fita domin nayi wanka da wuri nake so na fita gidan Hauwwa domin cigaba da gyaran jikina.


Tsaf na gama shiryawa na zauna ina karyawa in ban da hirar yaron babu abinda take min gabadaya duk ta d'aga hankalinta kan abunda yake ni dai lalla'bata nake yi akan kada bayan fita ta daga gidan ta takali Ummatu da wata rigimar sabida na riga nasan halinta da rashin hakuri ita kuma Ummatu idan ranta ya 'baci ta mayar da martani suyi ta hayaniya a gida mak'ota na jinsu hakika ina masifar jin takaicin abinda sukeyi.

Mayafi na yafa ina kallonta nace."To ni zan tafi sai na dawo." Tace."To shikkenan nima idan anjima zanje a lalla'be min kaina idan yaso da daddare sai na kunshe fafafuna da lallai."

Nace."Hakan nada kyau Amma Gwaggo don Allah ki dauki maganata kada bayan na fita ki takali Ummatu da wata maganar." Tace."Kije abinki babu abinda zai faru sai alkairi." Nace."To dama haka nake so naji.

Ina fitowa soro kira ya shigo wayata ina dubawa naga angona ne a nutse na daga wayar tare da sata a kunnena cikin nutsuwa muka gaisa yace."Ki fito gani a waje ki same ni."

Cike da mamaki nace."Yaya Aminu ina fata dai lafiya."? Murmushi yayi a nutse yace."Lafiya lau sai alkairi."

Ajiyar zuciya na sauke nace."Gani nan fitowa dama na shirya zuwa gurin gyaran jiki." Yace."Okey to ina sauraranki."

Wayar na kashe da sauri na kama hanyar fita..........Motar Ya Aminu abar kallo ce baga yara ba baga manya ba duk wanda yaga motar yasan za taja kudi masu yawa, yara-yaran dake tafiya makaranta suka dinga tsayawa suna kallon motar wasu har zuwa suke su shafa motar......Khalid da abokansa suka shigo layin jikinsu duk yayi 'kura da kasa......Faduwar gaba naji lokacin da muka hada ido dashi, da sauri na kauda kaina na nufi motar Yaya Aminu gilashin motar ya sauke fuskarsa a sake yace."Shigo mota mana....hannu nasa ina kokarin bude motar Khalid ya karaso gurin....kallonsa nayi gabana na faduwa bana so ya zubar min da mutunci a gurin wanda zan aura amma ga mamakina sai naga ya saki fuskarsa cikin nutsuwa ya mika masa hannu da fadin."Alhaji barka da Asubah." Yaya Aminu da sauri ya mika masa hannu da fadin."Barka abokina ya gida ya al'amura."? Ya amsa da komai "Alhamdulillahi." Yaya Aminu yace."To Allah ya taimaka." Ya amsa da "Ameeen tare da cire hannunsa a nasa ya bar gurin

Yaya Aminu ya kalleni da sauran murmushi a fuskarsa yace." Amma dai wannan d'an uwanki ne ko."? Nace."Khalid ne fa."? Yar dariya yayi yace." Ina zan san shi tunda ni d'in ba mazauni bane."

Nace."Hakane fa Yaron Kawu Iro ne." Yace."Eh shiyasa ai naga kuna d'an kama dashi." Dariya kawai nayi na bude motar na shiga.


Cikin kulawa yace."Sa'ida kin san wani abu."? Kaina na girgiza ina kallonsa yace."Wallahi tafiya ta kama ni zuwa india zan shigo da wasu kaya an jima nake sa ran tafiya amma bazan dade a can ba kada ki damu za'a daura aure kamar yanda aka tsara za kuma ki tare a gidanki insha Allahu sati biyu kacal zanyi na dawo."

Rau rau nayi da ido ina kallonsa nace."Me zai hana idan an d'aura auran na zauna a gida har ka dawo bana so na zauna ni kadai wallahi.

Hankici yasa yana goge min hawaye yace."Da haka na tsara amma Alhaji yace bai amince da hakan ba ya fiso idan an daura auran ki tare a gidanki idan yaso sai a turo miki wanda zai ta yaki kwana daga gidan mu."

A sanyaye nace."To shikkenan Yaya Aminu Allah ya kai ka lafiya ya kuma dawo da kai lafiya." Ya amsa da ameeen Ya rabbi dole sai kinyi hakuri da yanayin kasuwanci na Sa'ida."


Nace."Haba ai babu komai Yaya Aminu Allah ya baka halas d'inka." Ya amsa da ameeen ya rabbi......"Yanzu muje na ajiye ki a gidan gyaran jikin idan yaso daga can sai na wuce airport. " Nace."Tom shikkenan hakan yayi." Motar ya kunna yaja mukar bar gurin.


Koda na koma gida kasa fad'awa Gwaggo maganar nayi saboda na riga nasan halinta da nanata magana, sai a washe garin ranar ne da Kawu ya shigo yake fada mata halin da ake ciki aikuwa ta dinga surutai tana fad'in "Wannan wane irin d'aid'aitaccen aure ne.'' Tsabar bakin ciki da takaici ya hana Kawu cewa komai ya fita daga gidan yana mamakin halin mayafiyar tasa.

Ni kam ai surutan da take sai da ya janyo min ciwon kai kawai na haye gado tare da juya mata baya naci kuka na na koshi ina addua akan Allah yasa kada tayi wa al'amarin baki.


Sai da Khalid ya shigo sannan ta tsahirta da surutan da take ta kalleshi da fadin." Kai kuma sai yanzu kaga damar shigowa ka gaishe ni? ai na dauka an hana ka ka gaishe ni."

Yace."Gwaggo tunda na dawo daga sallar asubahi nake bacci sai yanzu na tashi ina fitowa naji surutan ki keda waye ne."?


Tace."Humm! Khalid dole nayi surutu wannan wane irin gantalallan aure ne da za'a d'aura shi babu ango a kusa wato kudi ya fi mutunci ko? duk wanda yaga haka zaice dama kudinsa muka gani muka bashi auran 'yarmu."


Yace."Nifa ban fahimce ki."? A nutse ta warware masa abinda yake faruwa....Yace."To ai ba laifi bane don anyi daurin aure babu ango a kusa sau tari hakan na faruwa kuma hakan ba yana nufin cewa aure bai d'auru ba aure ya dauru mutukar an d'aura shi akan tsari da shedu da kuma waliyyai sabida haka don Allah ki daina wannan surutan."

Gwaggo shuru tayi tana kallonsa mamaki dan'kare a zuciyarta tace."Khalid kai kake fadar wannan maganar kanka tsaye yaushe Allah yasa maka dangana haka."?


Murmushi yayi yace." Tuntuni Allah yasa min dangana Gwaggo ai na barwa Allah komai na hakura da Aunty Sa'ida tunda ba alkari ce a tare dani ba."


Zaune na mike ina kallonsa sam banji dadin maganarsa ba. kallona yayi na second guda ya dauke kansa agogon hannunsa ya duba da fadin."Ni zan dan fita gurin abokaina." Tace."To shikkenan sai ka dawo." Ba tare da yace komai ba ya bar gurin.

Kaina na sunkuyar kasa ina mamakin sadudar yaron ikon Allah lokaci guda yayi sanyi ya mikawa Allah lamarin duk tsananin kishi irin na Khalid wai shine yake musabaha da wanda zan aura hakika al'amarin ya bani mamaki mutuka.


To kamar yanda ango ya tsara al'amarin hakane ya kasance kwanasa biyu da tafiya kasar india aka daura auran kuma a ranar na tare a dan'kareran gidana dake Unguwar Jambulo gida gari guda komai na more rayuwa akwai a gidan Yaya Aminu jin dadi dai na duniya na sameshi sai dai fatan zaman lafiya Layuza da Karima 'kannansa su aka turo domin su taya ni zama kafin ya dawo naji dadin zuwansu sosai dama mun saba dasu tunda ina ziyaryar gidansu sa'i da lokaci, bamu da fargabar komai gidan tunda akwai matakan tsaro a gidan sosai akwai securities masu dagi da karninuka a Estate d'in.

*72&73*
A ranar da Gwaggo tazo gidan sai da ta kusa bani kunya gabansu Layuza sai wasu irin maganganu takeyi akan gidan da kuma maigidan sai da nayi mata jan ido tukkuna tayi shuru da bakinta tana yin sallar azuhur tace ita tafiya za tayi abubuwan kwad'ayi na had'a mata masu yawa nasa direba ya dauketa ya kaita har gida, Gwaggo koda ta koma gidan kasa shuru tayi da bakinta da Kawu Iro ya shigo ta tare shi da maganar wai anya kuwa A harkar kasuwanci Yaya Aminu ya tsaya baya yakan kai wannan uwar dukiya daka gani bata Allah da Annabi bace." Kawu Iro zaunar da ita yayi ya dinga yi mata nasiha gami da kawo mata misalai Allah yakan arzita bawansa da dukiyar da bai san iya adadinta ba saboda haka ta kwantar da hankalinta duk wani binkice yayi ya kuma tabbatar da cewa mutumin a harkar kasuwanci ya tsaya." Gwaggo dai shuru tayi da bakinta tana jajanta al'amarin.

Gwaggo kullum za tayi girkin ta da nama taci ta koshi ta ajiyewa mutumin nata idan ya dawo tace masa yazo yaci abinci kai tsaye yake ce mata ba zai ci ba ya gwammace yaci garau-garau din da mahaifiyarsa tayi ko kuma yaci aljihunsa.....Gwaggo tayi tai masa naci shi kuwa yace."Ba zai ci ba dole take hakuri