You Cannot Download this book untill you login but you can read it .

---

Login Register

ya sarqe ni na bude ido ina kakari! kafin na ankara naji mari mai zafi a kumatuna.

" Ni zakiyi wa k'azafi Sa'ida ashe baki da mutunci da 'ya'yana da mutuncina amma ki zaunar da mijina marufar asirina uban 'ya'yana kice masa ni 'Yar Lesbian ce."

A mutukar galabaice nace."Ki sakar min wuyana." tana kumfar baki tace."Ba zan saki ba sai kin fada min a inda kika gan ni ina lesbian. "

Nace."A cikin gidanki na kama ki a dakin ki kina lesbian sai me."? Ta sake kawo min mari! na rike hannunta da karfin gaske na ture ta na sauko daga gadon ina haki nace."Idan bakya lesbian din meye naki na tayar da hankali."

Tayo kaina tana ihu! nace."Wallahi kika kuskura kika doke ni sai na zubar miki da hakora."Kuka tasa a daidai lokacin daya shigo dakin take fad'in "Amma wannan yarinya kin cuce ni wallahi sai Allah ya sake min gida kuma zan fita na barshi tunda kinfi bukatar haka.

Nace." Idan kin tafi kin bar gidanki da 'ya'yanki kanki kika cuta ba wani ba.

Ta kalleshi tana kuka da fad'in "Alhaji kaga irin abunda nake nuna maka ko? dama nasan sai haka ta faru tunda nasan duk wata mace da zaka aura burinta ta shigo ta rabani da kai shikkenan tunda abin ya kasance a haka ni zan tafi gida domin ba zan zauna ba."

Tana gama maganarta ta bude kofa ta fita, zuwa yayi ya zauna kusa dani yana goge gumi nace."Alhaji kada ka bari ta tafi gidansu kaje ka hanata"

Yace."Sa'ida ki 'kyaleta taje jikina na bani maganarki akwai alamun gaskiya a ciki taje kawai sai nayi binkice."

Jikina yayi sanyi da jin abinda ya fada hakika da nasan haka zata faru da ban fada masa ba domin bana so ta sanadiyar al'amarin auransu ya samu matsala nafi bukatar ta shiryu su cigaba da zama mai tsafta a tsakaninsu.


Aunty Murja kwananta biyu a gidansu mahaifinta ya nemeshi da su tattauna...............Kima da darajar dattijon tasa shi janye kudirinsa akanta domin da yayi niyyar datse igiyar auranta sai kuma dattijon ya bashi tausayi ya hakura amma kafin ta dawo gidan sai da yayi mata gargadi akan cewa babu ita babu hajiya Aziza duk sanda ya sake ganin matar a gidansa to ta tabbatar kwanan auranta dashi ya 'kare."

Tunda ta dawo gidan ta tsiri gaba dani ko na gaisheta bata amsawa ni kuwa da yake ban iya gaba ba ko na fara ajiyewa nake nai mata magana tsakanina da yaran ta babu wata matsala hakanan tsakanina da mijina ma sai godiyar Allah dan yanzu na fahimci halinsa 'bangaran auratayya ma yana kokari yanzu dan bana ta'ba bari ya sauka daga kaina sai na biya bukatata yanzu ya saba da jarabata yana kuma kokari akan hakan.


Ranar Lahadi Khalid yazo min gida wai yazo yayi min sallama zai koma Lego's ni dai tunda ya shigo gidan gabana yake fad'uwa! na kalleshi da fadin."A maimakon ka kira ni a waya kayi min sallama sai kuma kazo min gida kasan dai bani kadai bace ko."?

Yana min wani irin kallo yace."Me kika d'auke ni ne ? bake kadai bace to ina ruwana da kishiyarki ni gurunki nazo muyi sallama ba zuwa nayi na kalli kishiyarki ba.

Nace."To nagode sai ka tashi ka tafi Allah ya kiyaye hanya." Murmushi yayi tare da miqewa tsaye.....Sosai naji dadin hakan dan na dauka zaiyi min gardama. Nace"Tsaya anan ina zuwa." D'akina na bude na shiga na bude drowar domin dauko masa sabulai da turare.....ina d'agowa na hangoshi ta mirror ya shigo dakin....gabana yayi wani irin fad'uwa! sanin da nayi cewa Alhaji Bai fita yana sama dakin Aunty Murja ga Khalid ya shigo masa gida ba tare da sanin sa ba.........jikina na rawa na juyo cikin tsawa! nace......

*SADAUKARWA NE GA IYAYE NA BIYU*

*FATIMA MUSA (MOMMY NIJAR)*
*TARE DA*
*USAINA ABDUL-MALIK ISA (KAITA)*
*(HAJIYA BABBAH)*

*_Ha'kika ina Alfahari daku da irin kaunar da kuke min.🥰🤝🏻💜_*




*56&57*
"Khalid me yasa zaka shigo min daki bayan cewa nayi ka tsaya a falo na fito me yasa kake so ka janyo min matsala a gidan aurena." ? Ba tare da yace uffan ba ya mayar da kofar ya rufe ya durfafo inda nake tsaye, gabana ya tsananta faduwa cikin rawar baki nace."Ka juya ka fita falo gani nan kaga maigidan yana nan bai fita ba kada ya shigo ya gan ka wata matsalar ta afku." Cikin zuciyarsa yace."Dama ai ni so nake matsalar ta afku. daf dani ya tsaya hucin numfashinsa na sauka a fuskata, kauda kaina nayi tare da matsawa daga kusa dashi. cikin wani irin voice yace." A yanzu Babu wani abu da yake tsakani na dake sai alkairi ni banzo gidanki da niyyar na kashe miki aure ba." Na kalleshi da fadin."Amma dai kasan babu dadi mutumin nan ya shigo ya ganka har gadon baccinsa." Murmushi yayi yana shafa sajensa yace."To menene? ai da sauki ma idan ba wani abu ya shigo ya tarar muna aikatawa ba." Nace."Kasan yanzu yana da ikon d'aukar mataki akanka ko tunda ka shigo masa gida ba tare da izininsa ba." 'Yar dariya yayi idonsa a kaina yace."A'ina zai gan ni da zai dauki mataki a kaina an jima kadan na bar garin." Tsaki! naja cikin jin takaicin abinda yake na ratse shi domin fita na bar masa dakin....Kawai naji ya riko hannuna. cikin wani irin shocking na juyo da saurin gaske na fuzge hannuna da fad'in "Kada ka sake idan kuma ka'ki sai ka fuskanci 'bacin rai."
Daf dani ya matso yana kokarin magana. Ya shigo dakin. naji gabana yayi wani irin rugugi! da mugun sauri na janye jikina gwiwata a bala'in sanyaye na nemi bakin gado na zauna ina zare ido!

Cikin basarwa yace."Alhaji barka da wannan lokaci." Alhaji Nura bai amsa masa ba ya karaso cikin d'akin fuskarsa tamkar hadarin dake daf da zubar da ruwan sama.

"Kai me ya kawo ka gidana? waye kuma ya baka damar shigowa har dakin bacci na."? A nutse yace."Afuwa Alhaji nima nasan ban kyauta ba kuma a yanzu ma maganar da mukeyi kenan da ita tana nuna min rashin dacewar abunda na aikata kayi hakuri dama nazo nayi mata sallama ne zan koma gurun sana'ata Lego's. "

Yace."Kada ka kuskura ka kara shigo min cikin gida domin ni ban yarda da kai ba babu ruwana da 'yan uwantakar dake tsakaninku."

Cikin mamaki yake kallonsa kafin yace."Kana nufin zaka iya raba hanta da jini kenan."? Alhaji Nura yaji tamkar ya soka masa wuka a ma'koshi yace."Kai ashe baka da kunya ? ka taka sharia ka shigo gidana babu izini na amma kake kalubalanta ta."

Killer smile yayi yace."Aa Alhaji naji kana wata magana ne mara ma'ana shiyasa nayi wannan maganar shigowa gidanka kuma babu izini ai na nemi afuwarka.

Mikewa tsaye nayi rai a 'bace! nace."Khalid kama hanya ka fita bana bukatar ganinka a gidan aurena."

Wani irin kallo yayi mata zuciyarsa na wani irin zafi ya lura duk da ya kar'be budurcinta mutumin na sonta yana kuma kishinta bai ta'ba tsammanin cewar za tayi watanni a gidansa ba tare da ya sake ta ba.

Murmushi yayi ya kalleta ya kalli mijin nata yace."Kuyi hakuri da aikin 'kuruciya kada kuma ku fassara abinda nayi da wata manufa mara kyau saboda haka ni na barku lafiya."
Hanyar futa ya kama gabad'ayan mu muka bishi da kallo har ya bude kofar dakin ya fita......Kaina ya juyo yana wani irin numfarfashi da huci! yace."Ashe dama baki da mutunci da kamun kai Sa'ida."?

Shuru nayi masa domin nasan nike da laifi. ya cigaba da cewa''Sabida rashin kamun kai da rashin sanin darajar aure ki gayyato tsohon saurayin ki dakin auranki shin me hakan yake nufi.''?

Cikin 'kokarin kare kaina nace."Wallahi bani na gayyatoshi ba shigowa yayi." a fusace! yace."Rufe min baki munafuka idan baki bashi fuska ba ta yaya zai shigo min gida har dakin bacci na''

Kaina na sunkuyar 'kasa ina addua a cikin zuciyata.....Cikin sigar cin mutunci da wulakanci ya cigaba da zazzaga min bala'i yana fad'ar duk maganar da tazo bakinsa.

Cikin kuka nace."Ni dai dan Allah kayi hakuri an san ba'a kyauta maka ba amma ka daina zargi na da yaron nan wallahi babu abinda mukayi wanda ya sa'bawa sharia.

"Babu abinda kukayi na shigo na sameku daf da juna kamar zaku rungume junanku." shuru nayi ban tanka masa ba, ya cigaba da cewa''To wallahi wannan shine na farko kuma shine na karshe duk ranar da yaron nan ya sake shigo min gida a bakin auranki."

Da sauri na daga kaina ina kallonsa da mamakin maganarsa.....Yace.'' Kwarai kuwa ki kalleni da kyau ni ba yaro karami bane da zaku dinga wasa da tunani na na lura har yanzu da akwai soyayyar yaron nan a zuciyarki sabida haka wallahi kuka ci amanata sai na baku mamaki.

Hannu nasa na goge hawayen fuskata nace."Amma dai kasan ba zaka hana ni zumunci dashi ba ko."?

"Babu ruwana da wani zumuncin ku idan kun had'u can kuje kuyi amma ban lamunce a shigo min gida ba." Yana gama maganarsa ya bude dakin a fusace ya fita.

Kwanciya nayi naci kukana na koshi a gaskiya Alhaji Nura bashi da sauki mugun masifaffen mutum ne mara fahimta.........Gabadaya dauke min wuta yayi a gidan ya daina shiga sabgata ko nice da girki bama mu'amular arziki fuska a murtuke yake 'kare kwanakin sa ya bar min dakina babu kyakykyawar mu'amula. sosai na shiga damuwa mai tsanani domin a cikin 'yan watannin da muke shiri dashi na saba sosai dashi da soyayyarsa tunda duk ranar girkina sai munyi auratayya duk da baya bani had'in kai sosai amma ina gamsuwa dashi......Gabadaya sai na shiga cikin wani irin yanayi na tashin hankali da fargaba gefe guda kuma ga masifaffiyar sha'awar dake nema ta zautar dani.

Yau dai girki na ne kuma nayi alkawarin neman sa a kan hakki na domin ba zan zauna kullum marata na ciwo ba. Koda ya shigo dakin kai tsaye toilet ya nufa yayi uzirinsa ya fito ba tare da ya kalli inda nake zaune ba ya haye gadon yaja bargo ya rufe jikinsa.

Murya na rawa nace."Ina da magana da kai." shuru yayi min be tanka ba. Nace."Ni gaskiya na gaji da irin wannan zaman da mukeyi ina cikin matsatsi da takura ya kamata kayi hakuri da abinda ya faru ka daina fushi mu cigaba da mu'amula kamar yanda muka saba.''

Nan ma uffan bece ba. na matsa jikinsa ina kokarin shiga bargon ya mike a fusace! yace."Kada ki kuskura ki hana ni bacci Sa'ida idan kuma kin 'kiji to ranki ne zai 'baci."A sanyaye nace."Bangane ba Alhaji dan na matso kusa da kai sai na hana ka bacci."

Yace."Eh bana bukatar wata fitina a yanzu ni bacci zanyi na huta gajiya.'' Kai tsaye nace."Ni kuma gashi ina bukatarka ya za'ayi kenan."?

Tsaki yaja ya juya min baya. na dauki hannu na dora a bayanshi a harzuke ya ture ni dan har sai da na kusa faduwa a kasan gadon.....Na bishi da kallon mamaki! rufe jikinsa yayi ya gyara kwanciyarsa kawai sai naji wasu zafafan hawaye masu ciwo sun kwace min.

Sauka nayi daga gadon na kwanta kasan kafet tare da takure jikina wata irin gawurtacciya sha'awa ce take taso min na dinga mutsu-mutsu ina takure jikina hawayen bakin ciki da dana sani suna ta ambaliya a fuskata.

Yanda naga rana haka naga dare da asuba ina jin motsinsa ya tashi ya shiga toilet yayi wanka ya fito yayi shirye-shiryensa ba tare daya ko kalli inda nake kwance ba ya kama hanya ya fita daga dakin.

A daddafe na mike na shiga toilet nayi wanka na dauro alwala na fito riga da zani na atamfa nasa a jikina ko mai ban shafa ba nasa hijabi na tayar da sallah......Koda na idar da sallar kasa fita falo nayi sai nayi kwance a kan daddumar ina matse hawaye marata har yanzu ciwo take mun.

Muryar Yusura naji a kaina tana fad'in "Aunty Sa'ida kizo muyi breakfast inji babanmu."

Bude idona nayi ina kallonta dishi-dishi a idona nace."Kije gani nan." Yarinyar ta bude kofa ta fita ba.

Sun dan zauna zaman jiran fitowarta da suka ga bata fito ba sai kawai ya umarcesu da suyi breakfast d'insu..............Ba tare da damuwar komai ba ya shige ya tafi kasuwa bai ko duba halin da take ciki ba.


Sai kusan sha d'aya da rabi na samu sassaucin abinda yake damuna na mike da mataccan jiki na fita falon......Shuru yaran duk sun tafi makaranta ita kuma tana sama kamar tsuntsuwa, gurin cin abincin na nufa naja kujera na zauna a nutse na had'e tea domin shi kadai nake jin zan iya sawa a cikina ba tare dana sa madara ba na dauki cup din ina kur'ba tare da had'awa da soyayyan dankali da kwai.

Koda na gama karyawa banyi tunanin shiga kicin ba kai tsaye daki na koma na kwanta kan bed wayata na dauka na nemi number Hauwwa ita kadai nake jin zan iya fadawa matsalata.


"Kinga Sa'ida ki rabu da mutumin nan tun kafin ya jefa rayuwarki a matsala wannan ce shawarar da zan baki." Hauwwa ce ke wannan maganar bayan ta gama sauraran duk jawabin da nayi mata.

Shuru nayi ina nazarin maganarta Tace."Ni wallahi a rayuwata na tsani maza marasa adalci irinsu Alhaji Nura Sa'ida wallahi bana shakka wannan halayyar tasa itace ta janyo matarsa take lesbian saboda baya tsayawa ya biya mata bukatarta kawai kansa ya sani bukatarsa na biya shikkenan bai damu da halin da zaku shiga ba.

Nace."Hauwwa nima na fara zargin haka wallahi dan gaskiya idan ya kasance Aunty Murja tana da karfin sha'awa kuma tana da rauni to zata iya jefa kanta cikin matsala amma ni bana fatan nayi wannan harkar Hauwwa zan duba shawarar ki dan gaskiya ina masifar 'kwaruwa a zamantakewa ta da mutumin nan."

Tace."To shikkenan Allah ya za'ba miki abinda yafi alkairi." na amsa da ameen ya Allah 'kawata nagode kwarai da gaske."


Haka rayuwar ta cigaba da tafiya yau da dad'i goge babu ta 'bangaran maigidan babu dad'i bangaran Aunty Murjar ma haka domin kwata kwata yanxu ni da ita bama shiri tun ranar da ta fahimci cewa na gane abinda takeyi ta sanja taku a gidan bata shiga sabgata sai da ni sa'i da lokaci inayi mata magana idan tayi ra'ayi ta amsa idan ba tayi ba ta share ni...........

Ranar Wata laraba tayi bakuwa da yake a falo suka zauna ina jin hayaniyarsu a dakina a nutse na bude kofa na fito. ganin matar dake zaune a kusa da ita yasa gabana ya yanke ya fadi da sauri nayi niyyar komawa daki sai kuma na fasa domin nasan sun riga sun gan ni! A dake na k'arasa falon na nemu kujera na zauna da fadin."Aunty Murja bakuwa kikayi ne."? Yau da mutuminci ta amsa min da "Eh wallahi dama yanzu take cewa zata tafi kuma baku gaisa ba.

Nace." Allah sarki ina kallonta nace."Ina wuni ya gida ya yara."? Ta amsa tana min wani irin kallo kaina na sunkuyar kasa gabana na faduwa ina addua a zuciyata akan Allah yasa bata gane ni ba.

Tace."Ni kam kamar na san wannan fuskar taki." na kalleta tare da kokarin kauda fargabata nace."Allah ko."? Tace."Kwarai kuwa kamar kece watanni takwas da suka wuce kikaje asibiti keda wata tsohuwa domun a duba miki virginal d'inki."

Nace."Anya kuwa bani bace." 'Yar dariya tayi tace."Kece mana ko ba sunanki Sa'ida ba."? Nace."Sunana Sa'ida mana." Tace."Sannan kuma kice min bake bace." shuru nayi mata domin idan nace zanyi magana zan iya fashewa da kuka shikkenan asirina ya tonu.

Aunty Murja tace." Maryam naji kina maganar wata takwas da suka wuce kuma yanzu auransu da Abban Yusura wata biyar kenan.

Tace."Nima dai abinda ya bani mamaki kenan lokacin taje akan a dubata ko ta qaru a d'inke ta lokacin dana duba sai na fahimci cewar kamar tayi gardama ne a lokacin da za'a kar'bi budurcinta sai na rubuta mata magunguna. har nake tambayarta ina mijinta a lokacin take cewa dani yayi tafiya shine yace tazo asibiti a dubata duk ina da sheda a rubuce."

Aunty Murja ta dinga yi min wani irin kallo ni kuma sai wani irin gumi nake zabgawa tamkar wacce tayi gudun famfalaki.!

Mi'kewa nayi jikina a bala'in mace na bude dakina na shiga na fada a saman gado kuka na dinga rafsawa ina kiran sunan Allah.


Aunty Murja wayarta ta dauka da fad'in "Dama neman hanyar da zan hukunta yarinyar nan nake domin nima data rufa min asiri zan rufa mata dan haka yanzu zan kira Abban Yusura a waya yazo kiyi masa bayani da bakin ki."

Dr Maryam tace."Aa Murja kada kiyi haka dan Allah wallahi ni ban fadi wannan maganar da wata manufa ba ki rufa mata asiri ta zauna dakinta."


Murmushin takaici tayi tace."Maryam wallahi ba zan kyale yarinyar nan ba domin itace tayi sanadiyar da Alhaji ya hana Aziza zuwa gidan nan sannan kuma tayi sanadin zuwana gidanmu nayi kwanaki tsayin shekarun aurena da mijina hakan bata ta'ba faruwa ba sai da ta shigo gidan sannan kuma kice na kyaleta ni dai kawai idan yazo kiyi masa cikakken bayanin da zai gamsu nayi miki alkawarin kyauta ta mussaman."

Dr Maryam tace."Ai shikkenan tunda ta kasa rufa miki asiri kema sai ki bankad'a nata." tace."Ashe kin fahimce ni.

Aunty Murja ta dauki waya ta kira mijinta tace dashi maza maza yazo gida akwai abinda yake faruwa. jin haka Alhaji Nura ya shigo motarsa ya kamo hanyar gida.


Wani irin tashin hankali ya shiga a lokacin da Dr Maryam ta gama warware masa 'boyayyan sirrin Sa'ida dake lullu'be! ya cire hularsa ya ajiye a hannun kujera yasa hannu ya sharce gumin goshinsa ido jajawur ya kallesu yace."A ranar dana kusanci yarinyar nan sai da na gane ba budurwa bace amma sabida ta iya tsari da 'karya ta kawo min wasu hojjojinta na banza to sabida haka tunda yanzu na gane gaskiya lamari zan dauki mataki a kanta domin ni ba zan lamunci zama da macen da zata ha'ince ni ba."

Yana gama maganarsa ya mike da saurin gaske ya kama hanyar dakinta, ido suka bishi dashi har ya bude dakin ya shiga.


Maganarsa naji a saman a kaina, a furgice na mike zaune ina kallonsa tunda na ganshi a burkice nasan ya samu labarin abinda yake da akwai.

Yana huci! yace." Sa'ida an yanka ta tashi yau Allah ya tona asirinki Dr Maryam ta bud'a min dukkanin sirrukan ki saboda haka tunda ke kin kasance ma ha'inciya macuciya kije na sake ki saki uku! sai kiji ki auri yaron da yake bibiyarki har gidan auranki wanda dama shi nake zargin ya lalataki kafin aure na dake."!
Innalillahi wa'ina ilaihi raji'un! kawai nake nanatawa a cikin raina yayin da nake jin wani irin mugun ciwon kai da mugun jiri d'akin sai juyawa yake dani a takaice dai ban san sanda ya gama cin mutuncinsa ya fita daga dakin ba.


*708 465 3262: *SADAUKARWA NE GA IYAYE NA BIYU*

*FATIMA MUSA (MOMMY NIJAR)*
*TARE DA*
*USAINA ABDUL-MALIK ISA (KAITA)*
*(HAJIYA BABBAH)*

*_Ha'kika ina Alfahari daku da irin kaunar da kuke min.🥰🤝🏻💜_*




*58&59*
Na jima ina nanata kalmar innalillahi wa'ina ilahiri raji'un a fili da zucci kafin naji wani k'arfin gwiwa gami da danga a tare dani......mikewa nayi jiki a mace na bude wardrobe na had'a kayana cikin akwati tsaf sai da na kwashe kayan sanyawata da duk abinda nasan ina bukata nasa a akwatin kana na rufe ta da kyar ina tunanin wanda zai dau'kar min.

Hijabi na nasa na d'aga akwatin tare da janyo hannunta da yake mai tayoyi ce sai kawai naja ta na bude dakin na fito kaina a kasa dan ko kadan bana kaunar na hada idona dasu....maganarsa naji a kunnena yana fad'in "Tsaya ki tafi da sakamonki cutar da kikayi min kuma na barki da Allah."

Tsayawa nayi ba tare dana juya ba zuciyata in banda tafarfasa babu abinda take

Daf dani ya tsaya hannunsa rike da takardar sakin nawa...."Kar'bi ki fice min daga gida bana bukatar sake ganinki shiyasa nayi miki saki uku domin hukuncin daya cancanta dake kenan "

Hawayen dake kokarin kwace min na danne hannuna na rawa na kar'bi takardar da fad'in "Nagode ina rokon Allah yasa haka shi yafi alkairi.''

"Shine ma alkairi kije ki auri daidai dake amma ni ban kasance mazinaciya ba nasan Allah ba zai jarrabe ni da auran mazin.....Hannu na daga masa da fadin" Kaga ka daina kira na da wannan sunan tunda dai ka datse igiyoyin auranka shikkenan.

Aunty Murja dake zaune akan kujera tace."Ai gaskiya Abban Yusura kayi kuskure banji dadin sakin wulakancin da kayi mata ba haba ina laifi kayi daya ko biyu.A harzuke yace."Murja saki uku ne ya dace da wannan macuciyar saboda haka ki daina nadama dan na sake ta.

Juyowa yayi kaina yana magana ban tsaya sauraransa ba da sauri na bude kofar falon na fita ina jan akwatin kaya na.

Duk da babu wata tazara mai tsayi sai da na nemi adaidaita sahu ya sauke ni har kofar gida, dari biyu na bashi naja akwatin kayana na shiga gidan gabana har yanzu bai daina faduwa ba.

Yau Gwaggo towon alkama take sha'awa dan haka sau ta tuka abin ta da miyar bushashshiyar ku'bewa ta idar da sallar isha'i ta janyo kwanukan abincin domun taci nayi sallama a gidan.

Labule ta d'aga da fadin."Kamar muryar Sa'ida nake ji da daddaran nan." Nace."Itace Gwaggo.

Tana kallona tace."To maraba lale shigo daga ciki nima danshi (ra'ba) ne ya hana ni zaman tsakar gidan kin san kwana biyu an tafka ruwan sama.

Ina kokarin shiga dakin nace."Eh Kwarai hakane kwana biyu ana ruwa sosai."

"Amma dai lafiya dai domin na gan ki da akwati Allah dai yasa ba yaji kikayi ba.

A sanyaye na zauna gefan tabarmarta nace." Ya sake ni Gwaggo."

Wani irin shocking taji a jikinta da sauri tace."Sa'ida me kike fad'a"?

hawaye na zuba nace."Gwaggo ina nufin Alhaji Nura ya sake ni kinga ma shedar nan." Takardar hannuna na mika mata.

A sanyaye tace."Yo ni ina nayi karantawa Sa'ida me ya faru mutumin nan yayi miki wulakanci kuma saki nawa yayi miki."

"Saki uku ne."? Na fada muryata na rawa, Gwaggo innalillahi wa'ina ilaihi raji'un kawai take nanata wa cikin furgici tace."Sa'ida anya mutumin nan kuwa yana da hankali saki uku a lokaci guda ke kuwa wane irin laifi kikayi masa."?


Cikin kokarin danne damuwata nace." Asiri ne ya tono Alhaji Nura ya gane 'boyayyan sirrin dake lullu'be shine ya yanke min wannan hukuncin."


"Sa'ida ta ina zai gane ke ba budurwa bace bayan da farko kinyi masa bayani kuma ya amince.

hawaye na share nace." Nifa Gwaggo bana zargin kowa da mutuwar aurena sai Khalid." Da sauri tace."Tofa! bakya zargin kowa sai Khalid to me yayi miki yaron da tuntuni ya tafi gurin sana'arsa.

Hannu nasa na share fuskata nace."Gwaggo Khalid yaje gidana kuma har cikin 'kuryar dakina sai da ya shiga kuma Alhaji ya shigo ya sameshi.

Gwaggo rike baki tayi da fad'in "Ashe dai duk jan kunnan da nayi wa yaron nan be ji ba sai da yaje to me yaje yayi miki."?

Nace."Gwaggo ya kike tambayata me yaje yayi min gashinan abu a zahiri Khalid yaje gidana dan ya lalata min aure to bukatarsa ta biya