You Cannot Download this book untill you login but you can read it .

---

Login Register

ko'ina yayi bashi da makusa saboda haka kawai ki kwantar da hankalin ki ayi al'amarin nan cikin nutsuwa da kwanciyar hankali."

Ajiyar zuciya na sauke nace."Shikkenan Hauwwa Allah yasa hakan shi yafi alkairi." ta amsa da ameeen tana kokarin mikewa tace."Bari na kawo mana abinci." ido kawai na bita dashi ina mamakin son kud'inta Na lura bata da tsinkaye da tunani mutukar akan kudi ne.


Can gidan Alhaji Shamsun kuwa kowa yana cikin farin ciki manya da yaransu amma banda mahaifiyarsa Hajia Mariya tun sanda maigidan ya sheda mata hukuncin da ya yanke take cikin k'unci sam bata so d'anta ya fara da bazawara a ganinta kamar hakan koma baya ne domin kuwa babu abinda d'anta ya rasa na jin dadin rayuwa to ta yaya za'a ce lallai sai ya auri bazawara sai kawai ta yanke shawarar tun karar maigidan da maganar Alhaji Shamsu tunda yaga take taken ta ya bude mata wuta sosai ya nuna mata kuskuranta yace kuma mutukar yana numfashi to sai anyi auran don haka kawai tayi addua domin shine abinda ya cancanta." Sanin halin mijin nata yasa bata sake tankawa ba duk irin hidimar da akeyi a gidan idone nata su kuma kishiyoyin nata sai suke ganin kamar kawaici da kunya take irin na d'an fari Tsakaninta da Umma Habiba babu wata matsala dan ko a fuska bata nuna mata cewa bata son auran ba, ta bar komai a cikin zuciyarta tana dai kallonsu sai farin ciki da murna sukeyi........Manya akwati mai sheda cike da manya kaya masu tsada aka kai wa Sa'ida a matsayin kayan lefe Gwaggo da Ummatu da sauran jamaa suka dinga mamaki ko auranta da Alhaji Nura bata samu wannan alkairi ba Gwaggo dai gajiya tayi da duba kayan sabida tsabar yawan su ta bar gurin sai surutai takeyi Ummatu kam sai da ta lissafa iya adadin kayan lefan Atamfa Talatin les Talatin shadda talatin komai dai gashinan kamar hauka don tsakar gidan cika yayi da kayan makota nata shigowa suna gani sai can dare kafa ta dauke a gidan......Koda Kawu Iro ya dawo Gaggo turkeshi tayi da fadin."Ibrahim wai shin meye sana'ar wannan yaron ne."? Yace."Gwaggo wa kike nufi."? Tace."Aminu mana."? Murmushi yayi yace." Siyar da tufafi ko wane iri shine sana'arsa a 'kalla yana da rumfuna sama da biyar a kantin kwari kuma akwai wani babban company da suka bude a chana suke sarrafa audiga ai bai fiye zama a gari ba.

Tace."Koda naji duba kaga irin uban lefen don Allah mutane sai gulma suke shigowa mu ba kudi muke so ba albarkar aure muke bukata.

Murmushi yayi yace."Gwaggo kenan ai mutane dama ba zaki rabasu da wannan gulmace gulmacen ba to duk dai wanda ya shigo da sunan ganin kayan lefe sai ku nuna masa shine abinda ya dace."

Tace."To Allah ya kyauta dai ya rufa asiri." ya amsa da ameeen ya rabbi tace."Yanzu sati nawa suka d'iba domin daurin aure."? Yace." Kwana bakwai ne rana ita yau kenan." Tace."To Allah ya nuna mana. " ya amsa da ameeen yana kokarin barin gurin tace." D'azu da safe kuwa Khalid yace yana kan hanya zaizo gobe ko jibi wai zasu tafi america suyi wasa."

Yace."Gwaggo Nifa bana son yaron nan da wannan harkar kafurci ne tsagwaronsa." Tace."Ibrahim nima bana so to ya zamuyi idan ya kasance anan abincinsa yake.


Yace."Dole idan yazo na zauna dashi domin bana tsammanin zan barshi ya koma Lego's din nan bare ya tafi wata uwa duniya america Buga ball da turawa ya haramta." Tace."Ai ko bada da turawa ba ma buga ball a ko'ina ne bai halasta ba kamar an tozarta ahalin gidan Annabi ne." Yace."Gwaggo ai ba kama bane Gaskiya ne duk wanda ya buga ball kamar yana buga kawunan Shirafa'u Jikokin Annabi Muhammad (SAW) wannan dalilin yasa idan ya dawo zan zauna dashi akan al'amarin.

Tace."To shikkenan Allah Ubangiji Ya za'ba abinda yafi alkairi." Ya amsa da ameeen tare da barin gurin


To koda Hauwwa tazo ganin kayan lefen itama sai da tayi mamaki mussaman data ga set din gold har biyu da 'kirar saudi dana dubai ta dinga mamakin al'amarin tana girgiza kanta ta kalleni da fadin."Ke dai Sa'ida 'kashin ki na manyan mutane ne duba dan Allah lefe sai kace na 'yar gatan budurwa."

Murmushi nayi kawai nace."Hauwwa kenan Ni wallahi yanzu duk ba wannan ne a gabana ba burina kawai naga na zauna kalau a dakin aurena dan bana so da kuruciya ta kawai a dinga lissafin min aure ina addua akan Allah yasa anyi kenan.

Tace."Ki daina wani wasiwasi da zancan zucci insha Allahu baki da matsala da Aminu tinda yana sonki zai kula dake kamar yanda kike bukata." Wannan kalaman nata suka sanya ni naji sanyi a cikin zuciyata sai kawai muka shiga tattauna yanda al'amuran biki zai kasance.



Ya kama saura kwana uku daurin aure Khalid ya dira a garin ni lokacin ma bana gidan ina gidan Hauwwa tare da masu gyaran jiki.

Kawai naji kira ya shigo waya ta dana duba sai naga number Gwaggo ce amma kuma ina daga wayar naji muryar Ummatu tana fad'in "Sa'ida sai ki zuba ruwa a kasa kisha ga Khalid a kwance yana aman jini.

Gabana ya dinga buguwa nace."Ummatu ban gane maganarki ba. Tana kuka tace."Ai dama ba zaki gane ba tunda bukatar ki ta biya ni dai idan ki kayi sanadiyar mutuwar yaro na Allah ya isa." Kafin nace wani abu ta kashe wayar.

Jiki a mace na kalli Hauwwa dake kallona nace."Wai Khalid ne ya dawo yake aman jini." da sauri tace."Aman jini kuma."? Murya na rawa nace."Eh." Tace."Sa'ida me ya janyo masa to."? cike da mamaki nake kallonta Nace."Haba Hauwwa ya kike tambayata kamar baki san komai ba."?

Tace."Ashe dai har yau be hakura ba."? nace"Gashinan kuwa mybe daya samu labarin daurin aurena al'amarin ya afku.''

Tace."Kai gaskiya wannan yaron yana nacin sonki haba ai ya dace ace ya hakura kuma tinda dai yanzu kinyi masa nisa gabad'aya ma ke jininki bana 'kananun yara bane sai ya hakura kawai."

A sanyaye nace." Zai hakura ai yaron mugun naci ne dashi bayan abinda yake bukata ya samu a gurina to menene na kulafuci." Kallona tayi tana neman 'karin baya ni a maganata, na share maganar ina kokarin mikewa tsaye.....Yarinyar dake sa min salatif a kafata tace." Aunty ya zaki tashi kuma ki zauna a cigaba da saka salatif din kada yasha iska."

Ina kokarin sa hijabi na nace."Mansura bana tsammanin zan zauna zaman 'kunshi a yanzu zanje na duba halin da d'an uwana yake ciki."

A sanyaye tace."To aunty Allah ya bashi lafiya."Hauwwa ta kalleni da fad'in." Amma zaki dawo ko."? Nace."Watakila zan dawo idan hali yayi." Tace."To shikkenan Allah ya sauwake."

Babu cikakkiyar nutsuwa a tare dani na amsa da ameeen nagode jakata na dauka da sauri na kama hanyar fita.



Yanda naga sun masa rumfa yasa gabana ya tsananta faduwa murya na rawa na kira sunansa yana kwance a kan katifa idonsa a rintse.......Jin muryar ta yasa da sauri ya bude idonsa, saurin sunkuyar da kaina nayi haka kawai naji ina jin nauyi da kunyarsa.... motsa bakinsa yake yana so yayi magana sai ya fasa ya mayar da idonsa ya rufe kawai sai ganin hawaye mukayi yana sauka a kuncinsa...

zuciyata ta karya ina rawar Murya na kalli Gwaggo da tayi firgai-furgai hawaye duk ya bushe a fuskarta nace."Gwaggo mu tafi asibiti dashi a duba shi sosai ina aman jinin da yayi."? ina maganar ina bin tsakar gidan da kallo.


Tace."Sai kawai mu zauna zaman jiran ki ai tuntuni mukaje asibiti suka duba shi suka kuma bashi magani aman jini kuma an wanke domun ke baki isa ayi miki 'karya ba.


Nace."Gwaggo me ya kawo wannan maganar ai nima ba 'karyatawa nayi ba." Dauke kanta tayi ta cigaba dayi masa firfita da maficin hannunta, tsakin Ummatu naji akaina kafin na juyo ta bar gurin tana surutai.

Girgiza kaina nayi nasa hannu na goge hawayen da suka zubo min.....Tace."Sa'ida ai kuka yanzu kika fara tunda baki da tausayi sai Allah ya sakawa wanda kika zalinta.

Shuru nai mata na mayar da hankalina kansa har yanzu idonsa a rufe yake murya na rawa na kira sunansa.

Shuru yayi bai amsa min ba, na sake kiran sunansa tare da kama hannunsa......da mugun sauri ya fizge hannunsa ya bude idonsa yana kallona cikin Sha'kakkiyar murya yace."Bana bukatar ganin ki Aunty Sa'ida I hit you i hit it !! na tsane ki! bana sonki! sai kinga sakamakon abinda kikayi min kije ki auri duk wanda zaki aura ni kuma zan mutu da sonki a cikin raina." Yana maganar yana tari da riqe kirji! Gwaggo duk ta gigice tana rirrikeshi cikin dauriya na hau katifar sosai ina kokarin rikeshi kamar walkiya ya juyo a zafafe ya hankad'e ni na fad'i a kasan gurin! da hannu yake nuna ni yana so yayi magana amma kuttun bakin ciki ya hanashi kawai sai jini muka gani ya ambulo daga bakinsa.

Ihu! na kurma! a kid'eme na sake hawa katifar na kamo shi gefan hijabi na nasa ina goge masa ina kuka wurjajan na kalleshi da fadin."Khalid ashe da gaske ne? me yayi zafi Khalid kada ka kashe kanka don Allah kayi ta wakkali ka cigaba da neman za'bin Allah.''

Zafafan hawaye ne suke sauka a kumatunsa hannu na na rawa na dinga goge masa ina kuka da fadin."Kayi hakuri dan Allah ka barwa Allah lamarin nan Khalid ka daina aman jini kada kasa mu cikin masifa.

Gwaggo da tausayin su ya isheta sai ta mike jiki a sa'bule ta shiga dakinta tana share hawaye da adduar d'auki daga Allah.


Rarrashin sa na cigaba dayi ina shafa kanshi da bayansa gabad'aya ya lafke a jikina sai ajiyar zuciya yake saukewa nauyin sa be dame ni ba ni dai buri na yayi min magana yaja bakinsa yayi shuru idonsa a rufe sai sake sakin jikinsa yake a jikina.


A hankali na kira sunansa. Ya bude idon yana kallona nace."Kayi hakuri ko."? tsira min rikitattun idanun nasa yayi nayi tsai ina karanta abinda yake cikinsu.......Babu wata alama data nuna ya dauki nasiha ta.....Hannuna na turmutsa cikin tarin suman kanshi a sanyaye nace."Khalid komai na rayuwa yana tafiya ne da ikon Allah duk yanda mutum yake son abu idan Allah baya sonsa da abun dole ya hakura shiyasa kaji ina cewa kayi hakuri ka nemi za'bin Allah Ni bana 'kin ka Khalid idan Allah ya kaddara aurena dakai duk rashin sona dole na hakura don Allah ka kwantar da hankalinka.

'Kuguna ya zagaye da hannuwansa, kallonsa nayi gabana na faduwa.........."Zaki auri wani ya 'karasa kwashe min Ni'ima ko."? yafada cikin sar'kewar murya. gabana na wani irin bugawa nake kallonsa....lumshe idonsa yayi ya sake yin release a jikina.......Bana bukatar wani banza ya ra'bi jikin ki aunty Sa'ida ke kuma gashi kina ta basu goyon baya akan hakan yanzu me kika hango a tare da wannan mutumin da zaki aura ko kudinsa kike so."?

Ajiyar zuciya na sauke ina kokarin cire shi daga jikina nace."Khalid me yasa kullum kai baka daukar nasiha ka daina barin shed'an yana tasiri a tare da kai aure nufin Allah ne.

Kansa ya d'ago yana kallona na kauda kaina da sauri! hannu yasa ya juyo da fuskata yana kallona yace."Idan na tafi amarica na tafi kenan ba zan dawo ba tunda kince na fita daga rayuwarki na fita har abadah zan barki kiyi zaman aure.

Hawaye suka kwace min nace."Kada ka yanke wannan hukuncin Khalid America ba gurin zama bane kada ka biyewa sharrin zuciya ka jefe mu a cikin masifa."

Murmushi mai ciwo yayi yace."Zama na a Najeria babban Jidali ne bana tsammanin zan iya barin ki ki zauna kalau a gidan auranki idan nayi nesa sai kinfi samun kwanciyar hankali." Sosai nake hawaye ina girgiza masa kai.....Hannu yasa yana goge min hawayen muka kurawa juna ido.....Haka kawai nake jin mugun tausayinsa na ratsa ni Khalid yana masifar sona babu shakka da maganar aurena da Aminu ba tayi nisa ba zan iya hakura na aureshi ko ya samu nutsuwa sai dai kash lokaci kadan ne ya rage a daura min aure bana tsammanin zan iya watsa mijin mahaifiyata 'kasa a ido.............."Salamu alaikum." Sallamar da muka ji itace ta sanya muka dawo nutsuwar mu. Baito ce da Jamila suka shigo gidan Baito sakin baki tayi tana kallon mu tare da tallafe ha'ba, ita kuwa Jamila ido jawur ta wuce gurin Ummatu fuuuuuuu! kamar tashin Iska.





_Nagode kwarai da adduarku masoya ciwon kai da sauqi sai dai dole ku cigaba dayi min uziri har zuwa lokacin da zan warware ina fata da yardar Allah na gama muku littafin nan kafin azimi a yanzu dai ina shan magani wannan pege din ma dauriya ce ganin kun damu da yawa yasa nayi typing din Ina rokon Ubangiji Allah ya 'kare mu da lafiya wannan zafin da muka shiga Allah kasa mu wuce lafiya NAGODE da Alfarma👏🏻_


*64&65*
Ina fita bakin titi adaidaita sahun Salim taci burki a gabana, dauke kaina nayi ina sake tamke fuskata ya leko da kansa da fadin."Aunty Sa'ida ina zuwa haka."? Ba tare dana kalleshi ba nace."Hotoro na nufa." Murmushi yayi cike da kulawa yace."Aikuwa zaki jima baki samu babur ba domin a daidai wannan lokacin munfi dau'kar 'yan kasuwar kwari da bakin asibiti amma tunda Allah ya had'amu kawai ki shigo na kai ki.

Jin abinda yace yasa na shiga babur din ba tare da nayi masa musu ba, jan babur din yayi da sauri muka bar gurin......Sai da mukayi nisa sosai kira ya shigo wayarsa jin ya ambaci sunan Khalid a maganarsa yasa gabana faduwa, shuru ina sauraran maganar tasu yace."Okey to ni yanzu ina kan hanya amma idan na samu nutsuwa zan kira ka mu tattauna wata magana." Daga can bangaran Khalid yace."Okey to shikkenan nima ai na kusa shigowa garin domin nayi muku sallama zamu tafi amarica wasa." Salim cike da jin dadi da farin ciki yace kai amma nayi murna da farin ciki abokina Allah ya kara daukaka yasa ka zama zakaran gwajin dafi Allah yasa ka ciyo mana kofi.

Khalid yace."Ameeen abokina nagode sosai sai na jika." Salim yace."Babu damuwa zan kira ka idan na samu nutsuwa." Sallama sukayi da juna kowane ya kashe wayarsa.....Jikina ne yayi na d'an fahimci wasu maganganun nasu. ta mirror ya kalleni da murmushi a fuskarsa yace."Aunty Sa'ida kinji Khalid zai zo sallama ko? kullum yana sake samun nasara akan harkokinsa dan Allah ku taya shi da addua.

"Humm! kawai na iya cewa na kautar da kaina ina kallon hanya, to shima Salim din ganin babu fuska sai yaja bakinsa ya rufe ya cigaba da abinda yake gabansa.


Lokacin dana shiga dakin su biyu na samesu a zaune ga dukkanin alamu muhimmiyar magana suke tattaunawa, a nutse naje na zauna kasan kafet tare da risinar da kaina kasa nace." Alhaji barka da safiya." cike da nuna kulawa ya amsa da barka dai Sa'ida kin 'karaso."? Nace."Eh wallahi." Kallonsa nayi kansa a sunkuye yana kallon kasan kafet nace."Yaya Aminu ina kwana."? babu yabo babu fallasa ya amsa min.

Dakin yayi shuru na 'yan mintina. Alhaji yayi gyaran murya tare da kallona, jikina yayi sanyi na sunkuyar da kaina kasa ina addua akan Allah yasa alkairi ne.

"Sa'ida naji uzirin ki a bakin Kawun ki Ibrahim inda yake fada min cewa kina so ki koma gurin aiki hakane ko."? a sanyaye nace." Eh hakane Alhaji dan tuntuni komai ya kammala gurin aikin nawa sun kar'bi uzirina sunce babu damuwa zan iya komawa bakin aiki."

Yace."To shikkenan Sa'ida amma ban tari hanzarin ki ba ina neman wata alfarma a gurin ki ina fata zan samu."


Kallonsa nayi ina mamakin maganarsa a duniya akwai abinda mutumin nan zai nema a gurina na kasa yi masa.

Nace."Alhaji ko wace irin alfarama kake nema a gurina zanyi maka mutukar inada iko da ita.

Yace."To Alhamdulillahi Sa'ida nagode sosai da kika karrama ni sabida haka dan Allah inaso ki amince na had'aku aure da Yayanki Aminu domun hakika naji ciwo da takaicin abinda Alhaji Nura yayi miki da k'ananun shekarunki ya sake ki."

Na dinga jin wani irin shocking a jikina gumi duk ya tsatstsafo min banta'ba tsammanin haka daga gurinsa ba shuru nayi bakina ya mutu murus na rasa ma abinda zance."

Yace."Sa'ida kinyi shuru ko baki amince ba."? a sanyaye na dago kaina na kalleshi kafin na mayar dashi kasa nace."Alhaji na amince mutukar shi Yaya Aminun ya amince zai aure ni da zawarcina.

Murmushi yayi yace."Alhamdulillahi naji dadi sosai kuma kada ki damu da Aminu yanzu kafin ki shigo muka gama magana dashi ya tabbatar min da cewa ya kar'bi auranki kamar yanda na umarce shi."

Nace."To shikkenan Alhaji Allah yasa hakan shi yafi alkairi." ya amsa da ameeen ya Allah ya d'ora da fad'in "maganar aiki ki bar ta tunda anayi ne domin biyan wasu bukata na yau da gobe na tabbata idan Allah ya kaddara auraki da Aminu baki da matsala tunda Alhamdulillahi Allah ya rufa masa asiri."

Gumin saman goshina nagoge nace."To shikkenan Alhaji duk yanda kace hakan za'ayi Allah yasa haka shi yafi alkairi." ya amsa da ameeen ya Allah." Umarnin tafiya ya bani na mike a sanyaye na fita daga dakin.


Zaune na sameta a bedroom dinta tana ninke kayan sawarta, zama nayi gefan gado kuka ya kwace min.....a nutse ta juyo tana kallona kuka nake sosai! tace."Sa'ida ki rufa min asiri na fita kunyar mutumin nan dan Allah kada ki watsa min kasa a ido."

Cikin rawar murya nace."Umma anya al'amarin nan zai yiwu kuwa Yaya Aminu saurayi ne ya za'ayi ace za'a had'ashi dani bazawara sai nake ganin kamar tilas akayi masa baya sona.

Girgiza kanta tayi tace."Sa'ida idan ma tilas akayi masa ai shine ya janyowa kansa me yasa tuntuni baiyi aure ba me ya rasa na rayuwa yana da kudi gida da mota to me yake jira kuma ki daina kiransa saurayi sai dai ki kirashi tuzuru domin ya tashi daga sunan saurayi ya koma matashi kuma baki wuce sa'ar auransa ba ni dai babban burina ki bani had'in kai akan wannan al'amari domin kin san Alhaji ya wuce komai a gurinmu."


Shuru nayi ina girgiza kaina gabadaya kaina ya kulle na rasa wane irin tunani zanyi idan Allah ya kaddara aurena da yaya Aminu wace irin rayuwa za muyi ni dai ba zan iya d'orar da halinsa ba tunda ba zaune nake dashi ba abinda dai zan iya tunawa shine yana da saukin kai da iya mu'amula sai dai halayen mutum basa fitowa sai zama yayi zama ina tsoron abinda zai faru a rayuwar auranmu domin a yanzu gabadaya auran ya fice min daga rai mussaman idan na tuna irin zaman da nayi a gidan Alhaji Nura gabadaya sai naji auran ya fice min daga raina.


Salim sai da ya koma gida cin abincin rana ya samu damar kiran wayar abokin nasa....Khalid yace."Wai wace irin magana zaka fada min ne."?

Salim yace."Khalid wai auran aunty Sa'ida ya mutu ne."? Cike da mamaki yace."Me yasa ka fad'i haka."? Yace."Sau tari ina ganinta a unguwa idan zata wani guri a takaice dai yau ma ni na dauketa a babur dina na kaita hotoro kuma mayafinta a kafad'a gaskiya jikina na bani babu aure a tare da ita.

Khalid ya saki sanyayyar ajiyar zuciya yana murmushi yace."Lallai kace na dawo gida da kwarin gwiwata." Salim yace ."Wai kai don Allah har yanzu baka hakura da ita ba."?

Yace."Salim idan kaga na hakura da aunty Sa'ida to kace bukatata ta biya na aureta amma na rantse maka muddun ina numfashi sai na hanata sunkuni.

Salim yace."Khalid ka ji tsoron Allah ka nemi za'bin Allah kada kace zaka tsananta akan dukkanin hukuncin da Allah ya zartar."


Ajiyar zuciya ya sauke yace."Salim Allah ne ya d'ora min kaunarta kuma kullum idan zan dungura goshina a 'kasa sai na rokeshi da ya za'ba min abinda yafi alkairi tunda naga har yanzu zuciyata ta kasa hakuri da ita na tabbata a gaba ina tare da nasara zan cigaba da bibibyar rayuwarta har sai sanda Allah ya cika min burina ."

Salim ya dinga girgiza kansa yana mamakin al'amarin a sanyaye yace."To ai shikkenan tunda kace haka Allah ya za'ba mata dukkanin abinda yafi alkairi." ya amsa da ameeeen ya Allah.

Suna yin sallama da Salim din ya shiga kiran wayarta lokacin tana tare da mahaifiyarta tana sake kwantar mata da hankali....koda taga kiran nasa daukar wayar tayi ta kashe tana jan tsaki.

Cikin jin ciwon abinda tayi masa ya nemi number Wayar gwaggo ya shiga gurin kira, ta dauki wayar tana dubawa ta gane sunansa da yayi mata serving da *Jarumi* yau dai tayi ra'ayin d'aga wayar domin dama can daurewa take tayi kewarsa.

Tana dagawa ya sauke ajiyar zuciya da fadin."Har naji sanyi a cikin raina.'' Tace."Khalid ka kyauta akan abinda kayi." Da sauri yace."Gwaggo me nayi kuma babu gaisuwa sai ki fara 'korafi.''? a fusace! tace."Ka kashewa Sa'ida aure sai ka zuba ruwa a kasa kasha."


Murmushi yayi had'e da shafa sajensa yace." Gwaggo ni kada ku d'aura min laifi ta yaya zan kashe mata aure bayan bana gari dama can auran matacce ne.''

Tace."Kafin ka tafi ai ka shirya kitumurmurar da ta janyo mutuwar auran ashe bakaji maganar da nayi maka ba sai da ka wanke kafa kaje gidan kuma saboda tsabar rashin mutumci ka shiga har dakin baccinsu."


Yar dariya yayi yace."Gwaggo cewa tayi nayi mata wani abu dana shiga k'uryar dakinta."? Tace."Oh!o ai ko bakayi mata wani abuba tunda mijinta ya shigo ya ganka dole ya zargi wani abu a tsakaninku tunda dama can akwai soyayya.

Ajiyar zuciya ya sauke da fadin."To ai shikkenan magana ta kare Allah yasa haka shi yafi alkairi."

Tace."Dama ai haka zakace tunda haka kake so to kama daina rawar jiki domin babanka yayi rantsuwa akan ba zaka aureta ba.


'Dif! yayi yana jin wani d'aci a makogwaronsa yace."Gwaggo akan me? zaiyi rantsuwa? akan me zai hana abinda Allah ya halasta." Tace."Ai bani zaka tuhuma ba wayarsa zaka kira ka kai masa k'abali da ba'adi." Tana kare maganar ta kashe wayar tana fad'in "Ja'iri kawai mara zuciya tamkar yarinyar nan ce mace a duniya ya nace dole sai ya aureta


Khalid ka sa'ke yayi da waya a hannunsa gumi sai tsatstsafo masa yake babu shakka dole yaje gida a kurkusa domun yana jin tsoron ayi masa sakiyar da babu ruwa.


Yamma likis na koma gida Gwaggo ta dinga bina da kallo tana so tayi min magana amma tayi shuru da bakinta sai bayan muyi sallar magariba ne na kalleta da fadin."Gwaggo kin san abinda yake faruwa kuwa."?

Girgiza kanta tayi tace."Ina zan sani bayan naga kamar kina 'boye min ai shiyasa nayi shuru da bakina na zuba miki ido."

Ajiyar zuciya na sauke nace."Dama so nake ki samu nutsuwa tukkuna na sheda miki abinda yake faruwa.

Tace."To ina sauraranki Allah yasa alkairi ne." a nutse nace."Alhaji ne ya nemi alfarma akan na auri babban d'ansa Aminu."

Zuba min ido tayi tana kallona kafin tace."Sai kika ce masa me."? a sanyaye nace."Gwaggo na amince domin ba zan iya jayayya dashi ba mutumin bai cancanci haka daga gurina ba.

Tace."Ai dole ki fadi haka mana dama ai abinda yake nufi kenan shiyasa yace kije yana neman ki ashe maganar kenan zai kama ya aura miki yaronsa da yake fama da matsala."

Nace."Gwaggo wace irin matsala kuma don Allah kiyi wa al'amarin kyakykyawar fahinta."

Tace."Sa'ida ni kam bana miki sha'awar auran