You Cannot Download this book untill you login but you can read it .

---

Login Register

shida da rabi da sauri ya dauki brush dinsa ya fito.....kallo ta bishi dashi da fadin."Kada dai kace sai yanzu ka tashi."? kansa ya daga mata ya ratseta ya wuce bayansa tabi da kallo kafin tace."Khalid me yasa kake wasa da sallah ne."? ba tare da ya tanka mata ba ya dauki buta ya shiga bandaki, sai itama ta bar gurin ta nufi dakinta ta zauna cikin alhini da damuwa.

Baba Iro ne ya shigo dakin da carbi a hannunsa suka gaisa yace."Gwaggo ya kike ganin za'ayi ne."? Tace."Ibrahim ni da kaina zani gidan Alhaji Shamsun dan bana tantama can ta nufa kome suke ji dashi na rantse ni nafi karfinsu Sa'ida ikona ce dan haka tilas ta dawo gabana ta cigaba da zama."

Yace."Gwaggo kada ki fusata komai cikin nutsuwa za'ayi Alhaji Shamsu babban mutum ne mai mutunci bai kamata kije har gidansa gaban iyalinsa kici masa mutunci ba."


"Ibrahim bafa zan zauna nayi lako-lako ba wato ka manta irin d'auki ba dad'in da mukayi dasu a wacan karon ko wane irin abune baiyi ba akan lallai Sai Sa'ida ta zauna a hannunsa to wannan karon ma ko yafi 'kuda naci ba zata zauna a gidansa ba domin bamu gaza dayi mata komai ba."

Baba Iro yayi shuru yana mamakin halin mahaifiyarsa yasan halinta da rashin tsinkaye da hangen nesa zata iya zuwa gidan mutum gaban iyalinsa ta tsinka shi wannan dalilin yasa yayi wani tunani....."Gwaggo ki nutsu ki kwantar da hankalin ki insha Allahu Sa'ida zata dawo gida da kaina nake so naje gidan mu tattauna da Alhajin yana ganin mutuncina sosai itama Sa'idar haka da yardar Allah tare da ita zan dawo gida."

"Aa Iro gwara mu tafi tare ayi komai a gabana wallahi nake fada maka jiya kewarta hana ni rintsawa tayi.'' Yace." Ai bake kad'ai ba Gwaggo ni kaina banyi bacci ba amma insha Allah komai zai zo da sauki kiyi hakuri naje ni kad'ai din."

Shuru tayi alamar bata gamsu da maganarsa ba...Khalid ya shigo dakin suka gaisa da mahaifin nasa tace."Khalid kaje ka aro adaidaita sahun abokin ka kazo ka dauke ni ka kai ni gidan Alhaji Shamsu."


Babu walwala a fuskarsa yace."Me zakije kiyi."? da sauri tace."Zanje na dauko Sa'ida ne." Yace."Gwaggo babu inda zakije aunty Sa'ida zata dawo da kafafunta bayan haka kuma shi wanda zai bani aron adaidaita sahun nasa ya fita aiki da ita saboda haka ki zauna a gida zamuje nida Baba."

Da sauri tace."Zakuwa ku gan ni a gidan domin kuwa Allah ya hore min kudin mota.''

Baba Iro cikin rarrashi yace."Gwaggo abinda nutsuwa bata bayar ba to tashin hankali ma ba zai bayar dashi ba dan Allah ki nutsu kada kizo ki aikata abu daga baya kizo kina jin kunya Alhaji Shamsu bai cancanci tozarci a gurin mu ba yana kuma da ikon ri'ke Sa'ida a hannunsa tunda yana matsayin mijin mahaifiyarta.

Tace."Ai kaji abinda nake gudu dama nasan ko kaje ba wani mataki zaka dauka ba karshe ma ka dawo gida kai kadai ba tare da ita ba to sai naje na fada maka."


Khalid yace."To kije d'in kina shiga gate din zan sa masu gadi su saki karnuka kin san zan iya ko." shuru tayi tana kallonsa, Yace."An fada miki cewa komai a hankali da nutsuwa ake binsa amma kin kasa ganewa." tasa kuka da fad'in "Khalid bana son Sa'ida tayi nesa dani shiyasa kaga duk hankalina ya tashi bana so wannan karon Alhaji Shamsu ya samu galaba akan mu."

Yace."Ba zai samu ba insha Allahu." hawaye ta share tace."Khalid shiyasa nake so ka aureta na dinga ganinku a gabana inaso ku haifa min zuria mai yawa."

Tausayi ta bashi yace."To Allah ya amsa adduarki ina fata dai yanzu kin janye maganarki ta zuwa gidan." Tace."Tunda kunfi karfina na hakura ina zuba ido kuje ku dauko min ita."


Baba Iro yace."To Alhamdulillahi bari na kimtsa na fito, yana kokarin fita ta kira sunansa, juyowa yayi yana kallonta tace."Maganar Rabi baka ce min komai ba."

Yace."Tun jiya tana gidansu ai." girgiza kanta tayi tace."To wannan hukuncin daka yanke ni yayi min daidai na kuma ji dadi gobe ma sai ta sake aikatawa amma inaso yau idan Sa'ida ta dawo gida kaje kayo bikon matarka."

Yace."To Gwaggo yanda kika ce hakan za'ayi.'' ya juya da niyar fita sai ya tsaya da fad'in ."Me zaki karya dashi na aika a siyo miki." Tace."Ibrahim ba sai kayi asarar kudin ka ba ina da d'umame gashi can a jibge yanzu zan d'umama kafin ku tafi sai kuci."

Yace."To shikkenan Gwaggo." Bayan fitarsa daga dakin sai ta fara janyo kwanukan abincin tana dubawa doyar babu abinda tayi sannan itama farar shinkafar da Ummatu ta dafa a daran ranar ba tayi komai ba ta mike ta fita da kwanukan abincin a hannunta tana fad'in "Ruwan zafi kawai zan sa na turara shinkafar tunda da abincin ai ba sai anyi hidimar siyan wani abu ba."

Tsaf ta gyara abincin ya dawo tamkar sabo ta dauko ta kawo daki....cikin plate ta zuba masa ta zuba masa miyar nama da yawa.....yace." Gwaggo a'ina kuka samu nama haka."?

Tace."Kasan duk sati Alhaji Nura yakan kawo mana cefane to jiya da ya kawo sai Sa'ida tayi mana miya harda kayan shayi ma watakila ta tafi da abunta."


'Bata fuska yayi yace."Gwaggo nayi sha'awar abinci amma ba zanci ba." tace."Sabida me Khalid."? Hankalinsa nakan wayarsa yace."Saboda ina kishin mutumin na tsaneshi wallahi."

Tace."Khalid ka kwantar da hankalinka kai zaka auri Sa'ida Alhaji Nura kuwa shi yaga zai iya wahalar da kansa mu dai duk abinda ya kawo hannu biyu zamu sa mu 'karba.


Yace."Gwaggo idan kina bukatar farin ciki na to ki daina cin abinda mutumin zai kawo wa aunty Sa'ida wannan shine abinda nake bukata dake."

Shuru tayi tana girgiza kanta bata tsammanin zata daina cin kayan dad'in da Alhaji Nura zai kawo musu amma saboda ta kwantar masa da hankali tace."To shikkenan tunda baka so na daina."

Mikewa yayi zai fita tace."Yanzu Khalid kana kallon abinci da kyau amma kace ba zaka ci ba." Girgiza kansa yayi yana ta'be bakinsa yasa takalmansa ya fita..........Baba Iro ya shiga dakin cikin shiri yace."Ina Khalid din." tana tsotse 'kashin hannunta tace." Wata'kila ya tafi gurin mai shayi.'' da mamaki a tare dashi yace."Wannan abincin fa."?

Tace."Ibrahim kasan Khalid da zuciya da kishin kansa wai ba zai ci ba saboda yana kishi da wanda ya kawo cefanan."

Baba Iro ya zauna kusa da ita yana girgiza kansa mamaki yake sosai akan irin tarangahumar d'an nasa in banda abinsa inashi ina Sa'ida ko da yake Namiji komai 'kan'kantarsa mutukar ya balaga to mace duk girma da shekarunta bata gagararsa.....Gwaggo ta zuba masa abincin tasa masa miya da uban nama akai." Yace."Gwaggo ki rage naman." Tace."Ibrahim kaci ka 'koshi ka barshi.''

Bisimillah yayi ya fara cin abincin. dakin yayi shuru na tsayin minti biyar yace."Gwaggo ya kamata mu samu zama da mutumin nan idan da gaske yake akan yarinyar nan ya fito ayi abinda za'ayi."

Da sauri tace."Ko da gaske yake ba zamu bashi Sa'ida ba tunda Khalid ya nuna yana so hausawa na cewa gida bai koshi ba ba za'a kai dawa ba."

Yace."Gwaggo duk da Sa'ida budurwa ce to bai cancanci ayi mata dole ba shin da bakinta kinji ta furta tana san auran Khalid."?


Girgiza kanta tayi tace."Aa bata furta ba asali ma kullum cikin fad'a da juna suke sam basa jituwa dalilin ma kenan da yasa naje na kar'bo taimaiko gurin mai magani Ibrahim yarinyar nan Sa'ida na tare da iskokai kaga kuwa idan ba na gida ne ya aureta ba to babu shakka akwai matsala shiyasa kaga sam! bana sha'awar wani na waje ya aure ta."


Baba Iro shuru kawai yayi ya cigaba da cin abincinsa, shi kam ba zai iya da rigimar mahaifiyarsa ba mutukar shine madaurin auran Sa'ida to ba zai daura mata aure da wanda bata so ba.


To Cikin nutsuwar zuciya na wayi gari a gidan mahaifiyata, sai da nayi wanka tsaf na shirya jikina sannan ta shigo dakin fuska a sake tace."Sa'ida kinji shuru ko." Murmushi kawai nayi nace."Umma ai nasan inda kike ina fata kin tashi lafiya."?

Tace."Lafiya kalau alhamdulillahi Jiya duk na shedawa Alhaji abinda yake faruwa shima al'amarin bai masa dadi ba ko kad'an dan haka ya yanke hukuncin kan cewa ko zaki koma can gidan sai kin kwana biyu anan kin samu nutsuwa tukkuna."

Ajiyar zuciya na sauke cikin zuciyata ina jin dadin hukuncin da ya yanke. tace."Ki tashi kije ku gaisa dan fita zaiyi bayan kin fito daga dakin nasa sai ki shiga dakin matan gidan ku gaisa.''

Nace."To shikkenan Umma." hanyar fita ta nufa da fad'in "Bari na shiga kicin na taimakawa Asabe da aiki kada ya yara su makara a makaranta." Nace."Umma ai yau Lahadi babu skull.'' tace."Ai yaran gidan nan suna zuwa islamiyya tahafiz in suka tafi sai yamma suke dawowa."

Bayanta nabi da fad'in "To bari nima nazo ayi aikin dani." Mirmushi tayi ba tare data ce komai ba ta nufi hanyar babban kicin din nasu dake tsakar gidan.


A nutse nayi sallama cikin dakin nasa......Ya amsa min tare da kiran sunana." Na karasa cikin dakin sosai ina amsawa har 'kasa na tsuguna na gaishe shi. Ya amsa cikin sakin fuska da kulawa ya d'ora da fad'in "Sa'ida jiya mahaifiyarki duk tayi min bayanin abinda ke faruwa da rayuwarki naji rashin dad'i sosai kuma raina ya 'baci dalilin da yasa ma kenan na yanke hukuncin kan cewa ko zaki koma can gidan to ba yanzu ba sai kin samu nutsuwa saboda haka ina so ki kwantar da hankalinki ki cire duk wata damuwa dake ranki insha Allahu Allah zai kawo miki miji nagari ki aure."

Cikin rauni gami da tausayin kaina nace"Nagode Alhaji insha Allahu kuma zan cire al'amarin daga cikin raina."


Yace."To Alhamdulillahi ya aikin ki ina fatan komai lafiya."? nace."Alhamdulillahi komai lafiya Alhaji."' Yace."To masha Allah Allah ya taimaka." Na amsa da ameeen tare da kokarin mikewa yace."Kyace ina kiran mahaifiyar taki." Nace."Tom zan fada mata yanzu.

Ina fita na nufi kicin din na sheda mata kiran da yake mata, cikin sakin fuska muka gaisa da mai aikinsu Asabe har tana tambayata yaushe nazo. nace "Shigowar dare nayi shiyasa ba kowane yasan da zuwana ba."

Sai bayan mun kammala aikin ne na samu nutsuwar shiga d'akunan abokan zaman nata muka gaisa dasu cikin mutunci da girmamawa Famliy d'in Alhaji Shamsu suna da kirki sosai Mussaman Babban d'ansa Mai suna Aminu mun saba dashi sosai yana da kirki da saukin kai kud'in sa sam bai rufe masa ido ba babbar matsalar Yaya Aminu rashin aure anyi anyi dashi yayi aure ya'ki ga uban kudi da yake samu dan kasuwa ta nayi dashi sosai yake fita 'kasashe ya shigo da kaya amma duk kudinsa da tsayin shekarunsa bashi da mace... mahaifiyarsa har magunguna take 'karbo masa cikin dubara take bashi a ganinta ko bashi da lafiya shiyasa baya sha'awar auran shi kuwa ba tare da yasan maganin menene ba zai kar'ba yasha tunda yasan mahaifiyarsa ce ba zata cutar dashi ba.


To Alhaji Shamsu na fita da kamar minti ashirin su Khalid suka isa gidan.....su gaisa da maigadi cikin mutunci Baba Iro yace "Munzo gurin maigidan ne." Maigadi yace."Ayya wallahi kun doki gurbi Alhajin bai jima da fita ba sai dai idan kasuwa zaku bishi."

Gabad'ayansu jikinsu yayi sanyi....Baba Iro yace."Babu damuwa insha Allahu zamu dawo da daddare ko kuma gobe da safe idan yaso idan ya dawo sai ka sheda masa zuwanmu."

Maigadi yace."To shikkenan babu damuwa wane suna za'a fad'a masa."? Yace."Kace masa Ibrahim ne Kawun Sa'ida daga Mandawari."

Yace."To shikkenan za'a fada masa insha Allah."

Sallama sukayi da juna Maigadin ya rufe gate din....Khalid a sanyaye yace."Baba mai zai hana mu bishi kasuwar.''? Baba Iro ya girgiza kansa da Fad'in "Khalid al'amarin yana bukatar sirri bai kamata mu bishi gurin sana'arsa ba tunda dai maigadinsa yasan da zuwanmu nasan idan ya dawo zai fada masa."

Jiki a mace yace."Hakane." Adaidaita sahu suka shiga Baba iro yace."Ni Kasuwa zan wuce yanzu yana da kyau kazo muje ." Jim! yayi yana nazari kafin yace."Baba kasan gobe zan koma skull so inaso na koma gida nayi shirye-shirye." Yace."To shikkenan Khalid idan ka koma gida ka taushi zuciyar Gwaggo nasan dai yau akwai rigima a gidan amma kai tunda taku tazo da d'aya ka rarrasheta kafin na dawo."

Yace."To shikkenan Baba." Direban yace." Ina zan kaiku ne naga kamar tafiyar taku ta bambamta." Khalid yace." Kasuwar sabon gari zaka kaishi ni kuma Mandawari." Direban yace."Ai hanyar ta baud'e ni yanzu kai tsaye Sabon gari na nufa."

Yace."Okey to sauke ni na samu wata." ya tsayar da babur din ya fito hannu yasa a aljihu ya dauko kudi ya mik'a masa......Baba Iro yace."Kana da kudi wadatacce a jikinka ne."?

Yace."Eh baba kada ka damu Kuje kawai Allah ya kiyaye." Direban yayi saurin sa kudin cikin d'an bankin dake gaban babur din yaja da sauri suka bar gurin.

Ajiyar zuciya ya sauke bayan barin su a gurin ya tari wani babur din gidan Alhaji Shamsun zai koma.

Maigadi ya bude karamar kofa yana tambayar waye ganin Khalid yasa yace ''Ka dawo kenan."? Khalid yace."Inaso zanyi magana ne da Auntyna Sa'ida."

Jim! yayi kafin yace."Khalid kayi hakuri da abinda zan fada maka Alhaji ya hana kowane namiji shiga cikin gidansa ko masu yi musu hidima iyakar su bakin gate saboda haka nake baka shawarar kiranta a waya ita sai ta fito ku gaisa."

Yace."Okey to bude min na zauna a gurin zamanka sai na kira wayar tata." Maigadin ya bude masa ya shiga ya zauna kan kujerarsa shi kuma ya mayar da gate din ya rufe...



*Masoya a taimaka da Sharing🥰👏🏼*



*IDAN KINA BUKATAR BIYAN KUDIN LITTAFIN GA YANDA ABIN YAKE......VIP GRUOP#600....NORMAL GRUOP#300.....ACCOUNT.....0542382124.....BINTA UMAR GTBANK.....IDAN KATI ZAKI TURO...#400 NE SAI KIYI MIN MAGANA TA WHASAP DA WANNAN NUMBER*
*07084653262*
*08089965176*
*BINTA UMAR ABBALE*
[3/6, 2:04 PM] Umm Muhammad: *GA IRINTA NAN!!!🙆🏼‍♀️*
_(LOVE STORY🌺)_
*NA*
_BINTU UMAR ABBALE🍒_
*MANAZARTA WRITES ASSO🖊️📚*



*12*
Cikin ikon Allah ina tsayuwa a bakin titin wani adaidaita sahu ya tsaya a gabana. "Hajiya ina zakije."? Ya fad'a yana dan le'ko da kansa. Da sauri nace."Hotoro zaka kai ni." Jim yayi kafin yace."Okey to nawa zaki biya."? 'Kugin da naji a bayana yasa nai saurin juyawa Khalid ne da Salim cikin a daidaita sahu suna kokarin shiga layin....Da sauri na dauki jakata na fad'a babur da fad'in "Muje ko nawa ne zan baka." babur din ya buga da sauri muka bar gurin....Sai da naga munyi nisa sosai hankalina ya kwanta a nutse na fito da wayata daga cikin jaka number ta na shiga nema inaso na sanar da ita cewa gani nan a kan hanya.

A tsanake muka gaisa nace."Umma gani nan a kan hanyar zuwa." Tace."Da daddare nan Sa'ida ina fata dai lafiya."? Cikin rauni nace."Lafiya Umma." Ta amsa da to "Alhamdulillahi sai kin 'karaso." Kashe wayar nayi nasa a jaka kana nayi saurin sa gefan hijabina na goge hawayen da ya fara zuba a fuskata.


Cikin magagin bacci ta tashi tana lalu'ben torchlight d'inta ta kunna tana haske d'akin da fad'in "Sa'ida Ibrahim din be shigo bane."? Shurun da taji yasa tayi saurin kallon inda take kwanciya taga wayam! sai tai zargin ko tana bandaki redion ta ta dauka ta fara kokarin kunnawa wasu tashoshin sun rufe da kyar ta lalubi freedom redio lokacin suma daf suke da rufewa. kimanin minti goma tana zaune ba taji motsinta ba sai ta mike ta fito bakin band'akin ta tsaya tana kiran sunanta. shurun da taji yasa gabanta fad'uwa tana kokarin barin gurin ya shigo gidan ganinta a tsaye a bakin bandaki yasa yace." Gwaggo lafiya me kike anan gurin."?

Murya na rawa tace."Khalid Sa'ida bata gidan nan.'' gabansa ya fad'i da sauri yace."Gwaggo bangane bata gidan nan ba." ? Ajiyar zuciya ta sauke tana kokarin barin gurin tace."Jeka kira min babanka idan ma yayi bacci ka taso shi.''

Khalid da sauri ya nufi gurin nasu itama ta nufi dakinta tana haske haske da torchlight nan taga babu jakar kayanta sai ta sake karaya a sanyaye ta zauna kan shimfid'arta tana fad'in "Wannan yarinya bata da hankali ashe."

Baba Iro da Khalid suka shiga dakin a tare......Tace."Ibrahim matarka ta tunzura Sa'ida ta had'a kayanta ta gudu."

Kawu Iro yace."Gwaggo wace irin magana ce wannan."? Fashewa tayi da kuka tace."Iro d'azu Rabi ta zauna ta 'karewa Sa'ida cin mutunci tana kiranta da Karuwa tsohuwar guzuma saboda kawai ina maganar auransu da Khalid shine fa ta fito tayi mata wannan cin mutuncin a cewarta wai d'anta ba zai auri lalatacciya ba wannan dalilin ya fusata zuciyarta ta had'a kayanta ta gudu."

Baba Iro yayi shuru yana jimanta al'amarin! tace."Yanzu ni babban tashin hankalina da damuwa ta inda ta nufa a cikin daran nan."


Yace."Gwaggo hakika raina ya 'baci da wannan al'amarin kuma duk irin hukuncin dana dauka akan Rabi kada kice don me ta riga ta gama fusata ni ace wai 'yar d'an uwana na jini take kira da Karuwa."

Gwaggo tace."Ibrahim ba zan hana ka ka dauki mataki akan Rabi ba domin ko baka dauka ba ni zan dauka ba zata dinga la'antar zuria ta ba."

Yana kokarin fita daga d'akin Khalid ya dafa kafad'arsa a tausashe yace."Baba kada ka yanke hukunci cikin fushi Annabi ya hana."


Rai a 'bace! yace."Saboda mahaifiyarka ce ko? yanzu kai a tunaninka abinda ta aikata tayi daidai."?

Kansa ya girgiza a sanyaye yace."Nima banji dadin al'amarin ba amma dan Allah kayi hakuri." Ba tare da yace masa komai ba ya bar gurun.


Khalid dakin ya shiga jikinsa duk a mace babu shakka yasan wannan hargitsin dake faruwa shine sila da baya shiga sabgar auntyn nasa da mahaifiyartasa ba zata samu hanyar zaginta ba.

Number ya nemo a wayarsa ya fara kira, Gwaggo tace."Yawwa dama yanzu zance ka kira ta a waya mu ta fad'a mana inda ta nufa duk da dai nasan watakila tana can gurin uwarta mai hure mata kunne."


Jin wayar tana shiga yasa da sauri ya d'aga mata hannu. shuru tayi tana kallonsa, wayar ta 'karaci ringing ta katse bata dauka ba.

Hannu na rawa ya sake kira nan ma babu amsa Khalid ya dinga kiran wayar tana katsewa ya kai sai goma, jiki a sanyaye ya kalleta da fad'in "Gwaggo aunty Sa'ida tayi zuciya taki daukar wayar."

A sanyaye tace."Khalid dole tayi fushi! bayan fitarka Uwarka sata tayi a gaba taci mutuncinta ta dinga zaginta tana kiranta karuwa." Tana share hawaye take maganar ta cigaba da cewa"Wai yau zuria ta Rabi takewa wannan cin mutuncin."

Yace."Gwaggo idan Ummatu tana da laifi kema kina dashi kada fa ki manta irin takura mata da kikeyi Gwaggo keda Ummatu kune kuka kori auntyna Sa'ida daga gidan nan."

Shuru tayi tana share hawaye tace."Dan Allah sake kiran wayar ko zata dauka idan kuma bata daga ba ka kira wayar uwartata idan kana da number ta."


Yace."Ni bani da Number Ummah Habiba amma bari na sake kira naji ko zata dauka...sake kiran wayar yayi har sau biyu babu amsa, ya sauke nannauyan ajiyar zuciya yana tunanin yanda za'ayi......."Khalid ka fito kaje gidansu abokinka ka kar'bo mukkulin adaidaita sahunsa ka kai ni babban gida.'' Muryar mahaifiyarsa ta katse masa tunani.

Da sauri ya mike ya fita sai ya ganta a tsaye da hijabi a jikinta. agogon dake daure a hannunsa ya duba sha d'aya shaura yace."Ummatu me zakije kiyi a babban gida da daddare haka."

hawaye ta share tace."Babanka ya kore ni a gidan wai naci mutuncin 'yar d'an uwansa har ta gudu sabida haka nima ba zan kwana a gidan ba.''


Khalid jikinsa yayi bala'in mutuwa da saurin ya jingina jikin bango (garu) Innalillahi wa'ina ilaihi raji'un ya shiga kira yana jimanta masifar dake kokarin kunno musu....Gwaggo kuwa tana cikin dakinta a zaune tana jin duk abinda ke faruwa ko gezau ba tayi ba tana zaune babu abinda ya dameta.

Yace."Ummatu ba zaki je ko'ina ba ina zuwa." da sauri ya nufi gurin nasu hankalinsa duk a tashe.....a kwance ya samu mahaifin nasa a tsakar gidan ya tsuguna gefansa hade da fad'in "Baba dan Allah kayi hakuri matakin daka dauka akan Ummatu bai dace ba."

Hannu ya d'aga masa rai a 'bace yace."Khalid tashi ka bani guri bana bukarar jin wata magana daga gareka, Rabi ta kaini karshe kuma dama ba tun yau ba nasan da cewar bata kaunar yarinyar nan Sa'ida alhalin abinda yayi ubanta shi yayi ni mu biyu kacal iyayenmu suka haifa muka haifeku me zai sanya ta d'orawa yarinya karan tsana akan wane dalili? ita ko tausayin maraicinta ba tayi to shikkenan yanda tayi sanadin barinta gidan itama sai ta barshi idan kaga mahaifiyarka ta dawo gidan nan to ka tabbata cewa Sa'ida ce ta dawo."


Khalid jikinsa yayi sanyi yace."To Baba dan Allah kayi hakuri dare ne yanzu ka bari da safe kome zai faru sai ya faru." cikin tsawa! yace." Khalid ba zaka tashi ka bani guri ba."?

Mikewa yayi ya fita daga gurin ransa a tsananin 'bace...Babu Ummatu a gurin da sauri ya le'ka dakin Gwaggon yana tambayarta tace itama bata san inda take ba, fita yayi da saurin gaske.

Can ya hangota tana tafiya yabi bayanta da sauri yana kiranta, tsayawa tayi ya karaso gurin yaga tana share hawaye yace."Ummatu kiyi hakuri dan Allah ki daina kukan nan bari na shiga gidansu Salim d'in na kar'bo key din."

Kanta kawai ta d'aga masa zuciyarta na tafarfasa tunda tayi aure tsayin shekara ashirin da biyar wani sa'bani mai muni bai ta'ba shiga tsakaninta da mijinta ba, sai gashi yau akan Sa'ida yarinyar tayi sanadin da mijinta ya koreta daga gidan auranta.

Khalid ya karaso gurin cikin adaidaita sahun a sanyaye ta shiga ta zauna yaja babur din suka tafi.

Sai da suka hau titi sosai ta sauke ajiyar zuciya da fad'in "Khalid kaga irin tozarcin da mahaifinka yayi min akan Sa'ida ko."?


Yace." Ummatu kiyi hakuri amma kema mai yasa kika zageta ki ka kuma yi mata kazafi na zina."

Cikin 'bacin rai tace."Ai ba sharri nayi mata ba gaskiya na fad'a me yasa kun san gaskiya amma gabad'ayanku kuke kareta ni nasan Sa'ida mazinaciya ce."

Yaji kansa ya sara! gumi na yanko masa yace." Ummatu zuciya takan dauki zafi a duk lokacin da zaki jefi Auntyn Sa'ida da wannan kalmar wallahi ita d'in kamila ce bata bin mazan banza a waje."


Tace."To shikkenan tunda kana jin zafi sai ka dauki mataki a kaina kamar yanda ubanka ya dauka wallahi Khalid mutukar ni na haifeka to ba zaka auri Sa'ida ba dan duk na gane take-taken ka."


Shuru yayi wani irin gumi! yana tsatstsafo masa .

Tace."Idan ka bijirewa umarnina ka auri yarinyar sai nayi maka baki ka lalace gwara tun wuri ka cireta daga cikin zuciyarka."


Murya na rawa yace."Ummatu me yasa kike wannan maganar me yasa kika dauki zafi da al'amarin nan kada kiyi min haka dan Allah aunty Sa'ida itace farin cikina."

Tace"Humm! dama abinda nake so na gazgata kena gashinan kuma ka furta da bakin ka saboda haka daga yau sai yau na rabaka da yarinyar nan wallahi tallahi ka sakeyi mata magana Allah ya isa."!

Ji yayi kansa yana juyowa kan babur din na nema ya kufce daga hannunsa da kyar