You Cannot Download this book untill you login but you can read it .

---

Login Register

kan tsaro".
Da sauri ya juyo ya kalli wayar da ke hannunta. Hannunshi yasa ya amshi wayar da sauri tare da zurata a al'jihunsa kana ya yasa kan yatsunshi ya ɗan bugi goshinsa tare da kwaɓe fuska kana ya kalleta cike da alamun damuwa yace.
"Kai Alhamdulillah, Allah na gode maka daka jarabceni da wannan fitinenneyar yarinya Aish mata, kinzo kin tasani gaba da surutu, kuma kina gani aiki nakeyi, ko so kike na ki rikitamin tunani ne".
Kanta ta langoɓar tare da kwaɓe fuska tace.
"A a, Ni kawai wayata zan kira".
Cikin zubawa lips ɗinta ido yace.
"Ba kin barta a motaba".
Da sauri tace.
"Laah hakafa ni na manta ma".
Kanshi ya gyaɗa kana ya gyara zamanshi ya fuskanci System ɗin nasa.
Gefenshi ta ɗan kalla tare da cewa.
"Yah Sheykh!".
Shiru bai amsa ba yaci gaba da aikinshi.
a hankali ta kuma cewa.
"Yah Sheykh!!".
Bai amsaba bai kalleta ba.
A karo na huɗu ta kuma kiranshi.
"Yah Sheykhhhh". Ta ƙarashe kiran murya can ƙasa da alamun bacci ya fara kamata, a hankali ya ɗan juyo kwayar idanunshi ya kalli inda take.
Cikin lumshe ido tace.
"Mu tafi mana, za'ayi fansan ido da bamu jeba".
Kanshi ya gyaɗa alamun to, daga nan ya meda kai yaci gaba da aiki.

A can gida kuwa, tuni anyi fansan idon amarya da ango gaba ɗaya an gama komi da komai.

Har an fara shirya farfajiyar Side ɗin Umaymah wanda anan za'ayi shagalin mother's day ɗin.
An gyara wurin an kimtsa an shirya komai yadda ya kamata.

Ƙarfe biyar dai-dai duk an gama shirya amarya cikin shiga ta al'farma, hakama ango Haroon ɗan ayi.
Aunty Rahma kuwa tasa mabusan masarauta da makaɗa yan kakaki da tambura da al'gaita duk sun shiryawa shagalin tunda abu na jinin sarauta ai dole a gwada iyawar.

Safiyyah ce ta shigo bedroom ɗin Umaymah inda ta wuce zugan ƙawayen ta duk suna falo cikin kwalliyar ƙasaitattun mata, matsowa kusa da Umaymah tayi tare da cewa.
"Umaymah Aysha fa har yanzu fa Hamma Jabeer bai kawota ba,".
Cikin sauri Aunty Juwairiyya tace.
"Dan Allah Umaymah kirashi ya kawota Mamma tace su Haroon ma bazasu fitoba sai sun iso".
Murmushi ta ɗan yi tare da cewa.
"Uhummm Jazlaan fa ba son waɗannan abubuwan yake ba. Bana son tirsasa masa yin abinda baya so ku kuma kun dage, ala dole tunda bikinsa ba shiri ba'a zoba yanzu sai kunyi shagalin".
Ummi ce ta ɗanyi murmushi tare da cewa.
"To bari ni in kirashi".
Cikin sauri Umaymah tace.
"Yauwa yama fi min".
Ita kuwa Ummi wayarta ta kara a kunne bayan ta danna mishi kira.
Bugu biyu ana uku taji ya katse kiran.
Jim kaɗan kuwa sai ga kiranshi.
Bayan sun gaisane sai kuma ta ɗan yi shiru.
Jin hakane ya sashi cewa.
"Na'am Ummi meke faruwa ne?".
Cikin tausasa murya tace.
"Eh dama duk an gama shirine ku kaɗai ake jira".
Kanshi ya ɗan juyo ya kalli Haroon dake ta murmushi kana a hankali yace.
"Ummi ai mun dawo, yanzu muka shigo, bata iso wurinku bane?".
Da sauri Ummi ta juyo ta kalli bakin ƙofar jin muryar, Aysha tana sallama.
"Yauwa gata ta iso". Ta faɗa mishi tare da katse kiran".
Safiyyah ce tayi sauri kamo hannun Aysha tare da cewa.
"Yauwa zo muje ɗakin Hibba ki shirya".
Murmushi tayi tare da cewa.
"Safiyyah barni mu gaisa dasu Umaymah mana".
Murmushi Mamma da yanzu ta shigo tayi tare da cewa.
"Uhumm Safiyyah kuwa da gaggawa".
Cikin ladab da biyayya ta rusuna ta gaidasu kana, Safiyyah ta jata suka tafi ɗakin Hibba.

A can Side ɗin dasu Haroon suke kuwa, Ibrahim ne ya ɗauko wasu tattausan kaya masu masifar kyau da taushi, yadin Getzner ne mai ɗan karen kyau kalar pink guava mai masifar kyau, riga da wonɗone da babbar riga gariya an watsawa mats aiki da surfani mint green color irin mai sheƙin nan, sai baƙin hula mai ɗan karen kyau shima da ratsin mint green da fari,
amsa yayi tare da kallon Haroon da Ibrahim ɗin sosai kayan sukayi masifar musu kyau, kanshi ya ɗan juya ya kalli takalman da Ibrahim ke nuna mishi baƙaƙene irin masu sheƙin fatar nanne.
Fita sukayi, dan bashi wuri yasa kayan.

Sosai kayan sukayi masifar amsar fatar jikinshi da surarshi ya fito ras balaraben asali. Komai.
Hular ta zauna ras a kanshi, gefe da gefen kan nashi duk tattausan sumanshi ya ɗan fito, Especially ƙeyarshi da sumar ta kwanta lib kana farar fatarshi tayi ras ciki sajenshi da girarshi komai tubar kalla masha ALLAH.

A hankali ya taƙo ya fito falo.
Nan take su Haroon Suka miƙe, kasan cewar duk abokansu sun tafi sun watse tunda bikin maza ya ƙare, sai su uku suka rage sai kuma su Ya Hisham, Affan, Jamil, Jalal, Azeez, Sadiq, imran, Kabir, Kamal, Sulaiman, da dai sauran ƴan uwa da wasu makusanta.
Haka suka fito a tare,
Tuni harabar wurin ta cika tayi maƙil manyan matane tako ina matan sarakuna da manyan yan kasuwa da siyasa, aminan Umaymah da matan abokon Abbansu Haroon, sabida ranar tasuce ko wacce tasan Umaymah da Jazlaan ɗin ta sun san soyayyarsa a ranta fiye data Haroon ce sun kuwa san biyayyarsa gareta.

Shiru wurin babu hayaniya, hakane yasa Sheykh bai damuba dan baiga abun kiɗe-kiɗen da ya tsana ba.
Kuma gashi babu wasu taron maza, duk ƙannenshi ne.
Sai kuma iyayenshi, duk da har ga Allah har ransa baiso wannan tsarin ba sai dai bisa dole Umaymah'nshi da Abba Hajia Mama da Ummi suka tirsasashi.
Kuma suma basu san Aunty Rahma ta tsara kayan kiɗa da bushe-bushen sarewa da al'gaitanba.

"To ma in banda su Umaymah ya za'ayi ayi abu salam".
inji Aunty Rahma da take tare da mabusan. Hibba ce ta ɗan kalleta tare da cewa.
"Ai kuwa Hamma Jabeer zaiyi faɗa".
Dariya tayi tare da cewa.
"Me ruwana".
Sai kuma ta juyo ta kallesu tare da cewa.
"Kuna ganin amaren sun fito ku fara buga tambura da kakaki ayi bikin gidajen sarakuna haka Salam".
Ai kuwa bata ida rufe baki ba.
Aunty Juwairiyya ta buɗe ƙofar babban falon Umaymah ta fito ita da Jazrah.
Jannart na bayanta Aysha na bayanta.
Sai kuma Safiyyah ta biyosu.


Wani irin murmushi da gyaɗa kai Aunty Rahma tayi lokacin da taji an saki sautin tamburan.
"Uhum yauwa haka mana asan ana biki kam".
Ta ƙarashe mgnar tana tahowo kusa dasu Umaymah cike da mamaki suke kallonta ita kuwa tana musu murmushi Yar autar Sitti kenan.

A hankali Aysha ta lumshe idonta sabida wani irin yam da taji tsikar jikinta na badawa.
Hannun Safiyyah dake riƙe da nata ta ɗan juya itama ta riƙe.

A hankali sukaci gaba da taku cikin irin wasu masifaffun kaya masu masifar kyau, irin dai kayyakin nan da yan gayu ke sawa mai shara-sharan tattausan yadin cikin pink guava ne, kana net ɗin saman kuwa mint green ne. Anyi ɗinkunan dogayen riguna masu kyau cib cib da jikinsu.
Sai wasu takalma masu ɗan karen tsini kalar azurfa da yar karamar fosa sai a goggoronsu shina kolon takalman. Sosai sukayi kyau,

A hankali suke shigowa cikin taron ana mc ɗin yana mai bin waƙar da ya saki ta.
"Ku-martsa-ku-martsa ga amarya ta iso".
Wani irin murmushi mai cike da jin daɗi Umaymah tayi kana ta kalli Hajia Mama dake gefenta tace.
"Kinga surkanki masha Allah".
Uhummmm tace tare da kaɗa ƙafarta.

Sheykh kuwa wani irin rumtse idanunshi yayi lokacin da yaji an saki kuɗin badujalan injishi da faɗin.
Tsayawa yayi cak ba tare da ya ƙara koda taku ɗaya ba.
Haroon da sauran tawagar ma tsayuwa sukayi, Ibrahim ne ya ƙara matsoshi tare da cewa.
"Dan Allah kayi haƙuri mu ƙarasa koda 5 minute ne kayi sai ka tashi. Dan Allah muje Umaymah zataji daɗin hakan".
Cikin takaici yace.
"Bazan jeb..".
Bai rufe bakinshi ba yaji an riƙe hannunshi na dama da sauri ya juyo, Aunty Hafsat Mamma kenan
Cikin sanyin murya tace.
"Dan Allah Muhammad muje na roƙi wannan al'farmar kayiwa Allah da Manzonsa muje, koda zaman daƙiƙu ukune kayi. Kada mu kunyata wurin aminan Umaymah".
Ya zaiyi sun gama ɗaureshi da jijiyoyin jikinsa,
Wani nannauyan ajiyan zuciya ya sauƙe mai ƙarfi kana ya gyaɗa kanshi yaci gaba da tafiya.
Still Mamma na rike da hannunshi a haka har suka iso, farfajiyar wurin.

Har gaban kujeru inda aka shirya wurin zamansu taje ta ajiyeshi kusa da Aysha, tuni shi Haroon ya zauna kusa da amaryarsa.
Shi kuwa Ibrahim shima ya zauna gefen Safiyyarshi.

Kana su Affan kuwa duk suka zauna tare dasu Jazrah da Azeema da Hibba da sauran cousin sisters ɗin su.

Mc ne ya fara shelan Amare su fito, surkansu su nuna musu gata.
A hankali Jannart ta miƙe tsaye sabida ita duk yan uwanta ne, ita kuwa Aysha gaba ɗaya jikinta rawa yakeyi Allah ya sani ita dai tana tsoron idon mutane, ganin bata miƙe tsayeba ne, yasa Aunty Rahma yin sauri ta iso garesu sunkuyowa tayi ta kamo hannun Aysha tana miƙar da ita tsaye.
Ɗan juyowa tayi ta kalli Sheykh.
Cikin tsuke fuskarsa yace.
"Zabiya kiyi a hankali dai dan dujal da ganga yake baiyana tsoro nake jiye miki kada ki zama cikin mabiyansa".
Murmushi tayi kana taja hannun Aysha suka shiga cikin taron tare da Jannart.
Wani sassanyan waƙa aka saki.
Kana su Hibba suka taso da sauri suna feffesa turare mai ƙamshi kana da bada wani kala na musamman.

Cikin tsananin jin daɗi Umaymah, Mamma Aunty Rahma, Hajia Mama. Suka fito bisa dandamali buɗe bakin jakukkunansu sukayi, wani irin liƙi na musamman sukeyiwa amarenta tamkar babu talauci.
Gaba ɗayansu da 1-1k suke liƙi cikin ƙasaita.

Kusan 5 minute sukayi suna liƙi kana MC yace su koma su zauna su huta.

Wani irin banbaraƙwai Sheykh yake ganin abun sabida shi dai a iya tsawon tarihin rayuwarsa bai taɓa zuwa ba, kuma shi bai taɓa ganin tsarin wannan bidi'o'inba.
Ina dalili wannan abun, ai ko basuyi hakaba tabbas an san dai suna cikin farin cikin.

Baya zamansu kamar da mintuna 3 MC ya kuma kiran amare dasu fito tsakiyar taron.
A hankali suka miƙe tsaye,
kana suka fara tafiya a hankali,
wani irin masifeffen zubawa tsikar jikin Aysha yayi tare da bugawan ƙirji da ƙarfi.
Sabida sarewa da al'gaita da tamburan da kakakin da aka sake gaba ɗaya a lokaci ɗaya.
A hankali dai suke takowa, suna nufo tsakiyar taron.

Nan MC ya kuma cewa yana buƙatar uwar angwayen Gimbiya Khadijah Umaymah kenan da tawagar ƙawayenta.
A nitse Umaymah ta miƙe kana Su Hajia Kubra, Hajia Rakiya, Gimbiya Ruƙayya Hajia Maimunatu sai kuma Ummi da dai sauransu.

Suna shigowa Umaymah taci gaba da yin liƙin 1-1k duk sauran kuma 5-500 suka fara miƙa wa.

Yadda ake busan sarewa ne yake ta'azzara tashin tsikar jikinta da kuma bugawan zuciya.
Busar sarewan yakeyi mai busar cike da iyawa da ƙwarewa da bajinta,.

Kana ga tamburan da aketa dokawa, a hankali Aysha ta sunkuyar da kanta tare da rumtse idanunta jin naman jikinta ya fara tsuma da karkarwa.

Cikin haka MC ya buɗe muryarshi da azaban ƙarfi tare da cewa.
"In kaji tambura sai Babbar fada kakaki da al'gaita mabusar masarauta ne.
ai duk daren daɗewar tsuntsu a sararin samani bai kai tala-talaba kaga jefa garma a caɓe sai ɗan gada kiɗan shantu sai mata.
Ina angwayen Gimbiya Aysha da Gimbiya Jannart fili dominku ku shigo gaban iyayenku".
Wani irin haɗe fuska Sheykh yayi to waima ta yaya ta ina zai fara.
Haroon kuwa tuni ya miƙe dan gaba ɗaya tsikar jikinshi tashi yakeyi sabida kirarin da akayi musu.
Hannunshi yasa ya kamo hannun Sheykh kana yaja,
Ƙin miƙewa yayi. Sai dai kuma ya ɗago kanshi ya kalli can tsakiyar taron tsakanin kafaɗun Ummi da Hajia Kubra ya hango Aysha, Ido ya zuwa fuskarta da kyau, kasan cewar shi a zaune yake ita kuma a tsaye take ta kuma rusunar da kanta yasa yana kallon fuskarta ras.
Cike da mamaki Haroon ya kalleshi ganin ya miƙe ya kuma nufi wurin.
juyawa yayi kana yabi bayanshi suka fara taku a tare.
MC ne ya ɗan dakada daga kirarin da yakeyi kana ya buɗe murya tare da cewa.
"Gimbiya Khadijah Umaymah ga yaranki angwayen a bayanki a basu wuri su ƙarasa kusa da amaren.
Da sauri Umaymah da Ummi suka ɗan ja da baya suka basu hanya.
A hankali Haroon ya matso kusa da Jannart.
wani sabon liƙi Umaymah da ƙawayenta suka fara, shi kuwa Sheykh a hankali yake ƙara matso inda Aysha take tsaye.
Ita kuwa Aysha wani irin tsuma da karkarwa jikin ta yakeyi tuni numfashinta ya fara fizga.
Ido Sheykh ya zubawa goshinta ganin yadda zufa ta tsastsafo mata, har tana kwaranya ta gefen kunnenta.
A hankali ya ƙara matsota wanda hakan yasa mutane zaton wani salone kawai nashi.
Haka yasa Mamma da Aunty Rahma da Hajia Mama suka shigo suma aka ci gaba da liƙin dasu.

Affan, da Jamil kuwa murmushi sukeyi, Jalal kuwa ido ya zuba musu.
Hajia Mama kuwa sai wani irin sihirtaccen Murmushi takeyi wanda ita kaɗai tasan ma'anarsa.
Shi kuwa Sheykh ƙara matsota yayi da kyau har kamar zai ruggumeta, hannunshi na dama yasa ƙasan haɓarta ya tallaɓeshi tare da cewa.
"Aish! Ais.. da sauri ya ida ƙarasowa gareta lokacin da ya ɗago kanta yayi dai-dai da ƙaƙƙafewar da idanunta sukayi, kana numfashinta ya tafi cak ya ɗauke ta sum...!





Kiyi haƙuri da typing errors banyi editing ba, abubuwa sunmin yawa.


By
*GARKUWAR FULANI*
[3/16, 11:10 AM] +234 806 559 0880: Luuuh ida nunta suka limshe ta sume.
Da sauri yasa hannunsa ya tallabo ta faɗa jikinsa, cike da tsoro Ummi ta matsoshi tare da cewa.
"Sheykh lfy kuwa meke faruwa?".
Cicciɓota yayi ya ruggumeta tsam a jikinshi kana, ya juya ya fara taku, yana ratsawa gefe.
Cikin tsananin tsoro Umaymah, Ummi, Mamma. Suka rufa mishi baya.
Yayinda Aunty Rahma kuwa da sauran tawagar ƙawayen Umaymah suke zaton, kawai wani salone hakan sabida abu da Ustazu sai kallo.

Hajia Mama kuwa da ido ta bisu tare da yin wani ɓoyeyyen murmushi mai cike da manufofi masu ƙarfi.

MC kuwa wani sassanyan ƙiɗan da DJ ya saki yake takawa rawa.
Yanayi musu kirari, Affan da Jamil kuwa tafi sukeyi tare da alamun, jinjina dan babu wanda ya gano Aysha a tsume take ko Haroon da Ibrahim da Jannart basu ganeba.

Da sauri Jalal ya miƙe shima ya rufa musu baya.

Da sauri Ummi ke biye dashi a baya tare da cewa.
"Sheykh lfy kuwa".
A hankali ya jujjuya kanshi tare da cewa.
"Ummi a sume take fa".
"Subahanallahi!". Suka faɗa a tare.
Da sauri Umaymah tayi gabansu tare da cewa.
"Zo nan zo muje part ɗin Abban Haroon."
Binta a baya yayi sabida yasan canne kaɗai zasu samu babu taron mutane.

Suna shiga part ɗin ta juya gefen da.
Wani ɗan madaidaicin Side ne mai kyau.
Wanda yake da ƴar tazara tsakaninsa da Side ɗin Abbansu Haroon.
Hannu tasa ta tura ƙofar.

Cikin wani ƙawataccen falo suka shiga,
da sauri ya kontar da ita bisa kujera.
Kana ya miƙe tsaye tare da sauƙe numfashi yana ɗan miƙar da hannunsa,
cikin ruɗani Mamma tace.
"Umaymah ya haka, bata da lfy tana sume kuma mu zauna da ita a gida mu tafi asibiti mana".
Ta ƙare zancen a firgice sabida bata san matsalar Aysha ba.
Ummi ce ta ɗan sauƙe numfashi tare da cewa.
"To meya tayar da jikinta kuma lokaci ɗaya haka".
Cikin takaici ya ɗan tauni lip ɗin shi na ƙasa tare da cewa.
"Uhummm to Ummi kuma kun sani mutun tana na nan matsala, sannan anzo ansa ƙiɗe-ƙiɗe ga ƙarin al'gaita, sannan kuma aka ƙara da sarewa.
Ko wanda baida komai a kan shi sai yaji tsikar jikinai na tashi.
To ga irinta nan, in kuma ba'a katse sarewar nanba duk zasuyi ta sumewa masu makaran".
Cikin sanyi Umaymah tace.
"Wlh duk tsiyar Rahma ce, yanzu kayi wani abu ta farfaɗo yafi".
Kanshi ya gyaɗa kana yace.
"Da fari aje ace subar wannan bushe-bushen sarewa da kiɗan tambarin, a ma tashi kawai a taron haka ya isa haka kowa yaje yayi al'wala magriba ta gabato."
Jalal dake tsaye bakin ƙofar ne yace.
"To bari inje in gaya musu".
Da sauri Ya juya ya fita.

Ita kuwa Ummi a hankali ta matso kusa da Umaymah kana tace.
"Muje kawai, ba komai zai kula da komai".
To Umaymah tace jiki a mace, hankali a tashe, Mamma tace.
"Haka za'a barta".
Kanshi ya ɗan juyo ya kalli Mamma kana a hankali ya ce.
"Ba komai Mamma kada ki damu zata dawo dai-dai, kije kuyi salla".
Bisa dole dai tabi bayansu suka fita.

A can wurin kuwa kai tsaye wurin MC Jalal yaje yace.
A tashi taron haka lokacin salla yayi.
Dole aka tashi kowa ya kama gabansa, bayan ƙannnen ango su Hibba sunyi liƙinsu.

Su Umaymah kuwa wurin suka koma taje ta jagoranci ƙawayenta suka koma cikin Part ɗinta.
Ƴan cikin garin Tsinako duk suka koma gidajensu sai ƴan nesa-nesa wanda duk gobe zasu tattafi.

Su Ya Hisham da Affan kuwa tare da Haroon da Ibrahim suka koma part ɗin da aka sauƙesu,
nan kowa ya fara shirin al'wala dan lokacin ya ƙara to.


Sheykh kuwa a can Side ɗin.
Su Umaymah na fita, ya maida ƙofar ya rufe, kana ya dawo gaban kujerar da ya kwantar da ita.
Tayi lib kamar gawa.

A hankali ya sunkuyo hannunshi yasa ya dafe hannun kujerar da kanta yake kai.
A hankali ya sunkuyo kanta sosai,
yatsunsa yasa tsakiyar goshinta ya ɗan buga da ƙarfi tare da cewa.
"BISMILLAH". Kana yaci gaba da ɗan buge goshin nata, a hankali tayi wani irin sassanyan miƙa tamkar wahainiya, fatan idonta ta fara motsawa shi kuwa Sheykh ci gaba yayi da buge goshin nata tare da cewa.
"Aeeyshah! Aeeyshah!!."
Cikin fizgar numfashin da mgn tace.
"Na'am".
Haɗe fuska yayi tare da cewa.
"Ba ke na kiraba,".
Da sauri tace.
"Ni ka kira mana kanata dukana a goshin da amton sunan Allah".
Fuskarshi ya tsuke tare da cewa.
"Goshinki ko goshin matata! sanina dake kince kin tafi, meya kuma kawoki me kike nema?".
Kwaɓe fuska tayi murya na rawa hawaye na zuba tace.
"Kirana ankayi tunda anka kunna Sarewa da al'gaita dole du inda nake zan taho".
Cikin faɗa yace.
"Ke tafi daga nan maƙaryaciyar banza".
A hankali ta buɗe baki alamun zatayi atishawa cikin tsawa yace.
"Tsaya ban gama mgn da keba in kika kuskura kika tafi, to tabbas zan jawoki in kuma ɗaureki in ƙonaki".
Cikin rawar murya tace.
"Na tsaya, kayi haƙuri".
"Maza tashi ki zauna". Yace a faɗace.
Da sauri ta tashi ta zauna,
Gefenta ya zauna kana ya kamo hannunta ya riƙe gam saida tayi ƙara sannan yace.
"Baki san gidan da take bane".
Da sauri tace.
"Na sani".
"To ina take?". Ya kuma tambayarta.
"Masarautar Joɗa take".
Kanshi ya gyaɗa sannan yace.
"Na'am kin san kuma dole duk wanda ke cikin masarautar Joɗa sai yaji kakaki da al'gaita da tambura da sarewa tunda mabusar masarauta ne, ko kina nufin duk sanda taji sai kinzo kin fiddata cikin haiyacinta kin tozarta min aurena a bainal jama'a, in bana kusa ta faɗi har ƙasa a sume ko me kike nufi ace matata tana sume a kwance ƙasa".
Da sauri tace.
"A a baza'ayi hakaba in sha Allah bazan zoba, in dai dan kiɗane da sarewa nayima al'ƙawarin bazan zoba, na dena zuwa har abadan dan Allah sake min hannuna".
Kanshi ya jinjina kana yaci gaba da matse hannun da kuma karantar Baƙara da yakeyi a hankali.
Cikin kuka tace.
"Dan Allah kada ka cutar dani wlh nima ban taɓa cutar da Shatu ba, Ni makariyace a wurinta, dan Allah kada ka ƙonani, zan tafi dama ko iyayenta basu san in jikinta ba, sai dai sukayi zaton akwai wani abu jikinta tunda sa'i zuwa lokacin takan ga abinda bani adam basa iya gani da yardar ubangiji".
Cikin sanyi yace.
"Wato dan raini baki taɓa baiyana a jikinta iyayenta suka saniba sai Ni Muhammad kikewa hakan ko?".
Da sauri tace.
"Wallahi Allah kenan na baiyana a jikinta ne bisa dole da kuma ceton lafiyarta da kuma bata kariya dama kai kanka".
Cikin hatsala yace.
"Ubangijina shine mai bani kariya, in kika kuskura na ƙara ji ko ganinki to tabbas zan babbakaki, fice min daga jikin mata dan kan babarki".
Ai kuwa a take Aysha ta fesa wasu tagwayen atishawa guda uku.
Sai gashi ta koma ta konta lib a jikinshi tayi bacci.
Kanta dake bisa kafaɗarshi ya dungure tare da cewa.
"Jiki duk al'janu sai son bidi'a da sakalcin yin addu'a ma wai kin gajiya, gaba barinsu zanyi su mummurƙusheki zaki gane kurenki, wai Yah Sheykh na gaji kayi min addu'ar".
Sai kuma yayi murmushi tuno jiya-jiya nan taketa mitar ya dena ce mata mai al'janu, wai harda cewa yana bazata a gari.

Zareta daga jikinshi yayi kana ya miƙe yana cewa.
"Zaki bazu yarinya bari ki shiga tarkon Muhammad zaki bazu iya bazuwa".
Ya ƙarashe mgnar yana wuce bedroom ɗin yana shiga bathroom ya wuce al'wala yayi kana ya fito.
Wayarshi ya zaro a al'jihunsa, kirar arshi mai sauti yasa mata kana ya ajiye mata gefen kanta, sannan ya fita ya tafi masalacin.


Bayan sunyi sallan mangriba basu fitoba saida sukayi isha'i, kana suka dawo gida.

A falon ya samu Umaymah, Ummi, Mamma, Aunty Rahma, Safiyyah Jannart.
Itama Aysha tana zaune,
yana ganinsu a cike ya ɗan tsaya kana ya kalli Umaymah dake cewa.
"Jazlaan ya jikin nata dai".
Matsowa yayi yasa hannunsa ya ɗauki wayarshi dake kusa da ita kana yace.
"Uhumm ta worke ai".
"Alhamdulillah Allah ya ƙara lfy".
sukace a tare,
A hankali Aysha tace. "Amin".
Safiyya, Jannart, Aunty Rahma, ne suka fita.
Hakane yasa ya rage Umaymah, Ummi Mamma.
Kanshi ya ɗan juya ya kalli Ummi dake cewa.
"Wannan abun fa sai an tsaya mata zata rabu dashi Sheykh".
Yana lallatsa wayarshi yace.
"Dama ai Ni na sani tun jiya data fara cewa, taga Jahan a a Jahan yazo nasan ba wani Jahan ababaɗenta ne kawai ke mata gizo. Amman ba komai zan juyo kansu ya faɗa yana ɗan guntun murmushi, domin yasan Umaymah dai tasan waye Jahan".
Ita kuwa Aysha.
Tura baki tayi tana kallonshi kamar tayi kuka. Allah ya sani bata son yana cewa tana da al'jani".
Murmushi Umaymah tayi ganin yadda tayi kana a hankali tace.
"Kada ki damu, yana raba wasuma da nasu bare ke, in sha Allah zasu bar jikinki juyowa ɗaya zaiyi kansu bazasu sake waiwayarki ba ɗiyata. Kirkiji komai mu mun sani matsalar a masarautarsu ce, da Juwairiyya ma lfya lau muka kaita gidan Jafar bata shekaraba makarai suka shige ta".
Da sauri yace.
"Amman dai ita wannan da abunta tazo Umaymah ba a masarautarmu ta sameshi ba".
Mamma ce tace.
"Kada ka kare wancan masarautar taku, mu tayi mana illa mafi muni a rayuwa."
Kanshi ya jinjina tare da lumshe idonsa kana yace.
"To ya zanyi Mamma tunda jigo nane asalinane, kuma ba kowa na ciki keda mugun dafiba, kada kuyi mana kuɗin goro, Nima inai musu uzuri duk da dai nasan duk duniya babu wanda sukayiwa illa sama dani, sai dai nasan zanen ƙaddaratace suka bi".
Kai Ummi ta jinjina kana suka miƙe tsaye.
Umaymah ce ta nuna mishi Foodflaks dake tsakiyar falon tace.
"Kuci abinci ka kula da ita,sai da safe".
Ta ƙare mgnar suna fita.
Cikin jin kunya yace.
"Allah ya bamu al'khairi".
Amin sukace kana suka tafi.


Washe gari da asuba, a hankali ta buɗe idonta jin muryarshi yana karatu.
Ganin ya bata baya baya ganinta ne, yasa ta yunƙura a hankali, ta zuro ƙafafuwan ta ƙasa.
Kana ta miƙe ta nufi Bathroom, ruwan ɗumi ta haɗa cikin bathtub ɗin sabida alamun hadari da sassayan iskan dake busowa.
Wonka sabulu tayi, kana tayi na tsarki sabida al'adarta ta ɗauke.

Towel ɗin dake bisa masaƙalin ta ɗauka ta tsane jikinta, kana ta meda kayan jikin nata.sannan ta fito.
Gefenshi ta ɗan ratsa sannan tace.
"Zanyi salla kuma ba hijabi".
Kanshi ya ɗan juyo ya kalleta,
kana yaci gaba da karatun.
Cikin yin ƙasa da murya tace.
"Ni ban san ina mukeba, kuma ba hijabi".
Miƙewa tsaye yayi jin masallacin Masarautar suna ƙoƙarin tada kabbara.

Al'kyabbar ajikinshi ya zare, kana ya dawo ta bayanta.
Hannunshi yasa ya ɗago hannunta ya zura mata hannun al'kyabbar, kana ya ɗago ɗayan ma ya zura mata.
Sannan ya saketa.
Har ƙasa ta zo mata,
kasan cewar irin al'kyabba mai duhu da kaurin nanne yasa tayiwa jikinta ƙawanya.

Gabanta ya dawo, jallabiyace a jikinshi fara ƙal.
Hiramin kanshi ya cire, kana ya ɗaura mata shi a kanta tare da dai-dai-ta zamanshi ya rufe komai na kanta sai fuskarta kawai.
Ido kawai ta zuba mishi tana mai shaƙar ƙamshin jikinshi.
"Ni dai ba ɗan aikenki bane, kuma bani nace kisa suturar da bai inƙanta ayi salla da itaba, dan haka babu ruwana. Al'barkacin salla zakiyi ne yasa na baki aron rigata, kina idar da salla ki cire min abuna".
Ya gaya mata yana tsareta da ido.
Cikin yin mui-mui da baki tace.
"Uhummm".
Shi kuwa juyawa yayi ya fita.
Daga nan Side ɗin da kayansu yake shida Ibrahim yaje.
Wata al'kyabbar yasa kana suka nufi masallacin.

Bayan an idar da salla sune suka dawo gida.

Tuni Umaymah kuma tasa Safiyyah da Aunty Rahma sun shiga kitchen da kansu sun haɗa breakfast.
Nan aka kaiwa su Affan da Ya Hashim, Imran Sulaiman.
Sukaci abinci kana suka kama hanyar komawa Ɓadamaya.

Sheykh, Ummi, Aysha, Hajia Mama da Batool da Jamil, Jalal ya Jafar kuwa su sai bayan sallan isha'i jirginsu zai tashi.

Haka kuwa akayi. Bayan sallan isha'i.
Su Umaymah Haroon, Ibrahim, Safiyyah,