You Cannot Download this book untill you login but you can read it .

---

Login Register

Sadiq, Azeex, Hibba Azima Aunty Rahma Ishma sukayi musu rakiya har Airport.
Sunata kewar juna,
A cikin mota ne, Aysha ta kalli Safiyyah dake gefen Umaymah da Mamma tace.
"Safiyyah ai zaku zo mana kafin ku tafi ko".
Aunty Rahma dake jen motarce tace.
"In sha Allah kuwa, ai muma duk zamuzo, sabida zamu ɗan kwana biyu kafin mu koma".
Cikin jin daɗi tace.
"To Aunty Rahma a bamu Ishma mana mu koma da ita sai kunzo ku taho da ita".
Cikin dariya Hibba dake can baya ita da Hajia Mama da Ummi tace.
"Aunty Aysha wayo ko".
Da sauri Aunty Rahma tace.
"Kada ki damu in sha Allah zasu dawo tare da Juwairiyya, kinga mu zamuyi ko kwana uku ne nan gaba kafin mu koma wurin Sittinmu, in mun koma kuwa bazai dadeba Juwairiyya zata komo to sai ta taho miki da Ishma'n".
Cikin gamsuwa tace.
"To Allah ya kaimu Lokacin".
Amin Amin sukace, kana dai-dai lokacin suka isa, harabar airport ɗin.
Nan suka samu su Aunty Juwairiyya da Azeema da Jazrah ma sun iso.
Gefensu Sheykh suka isa.
Nan sukayi sallama da juna, cikin bege da kewar juna.
Suka rabu.
Jin ana cekiyar matafiya.
Nan suka nufi cikin jirgi su kuma suka koma baya.
Basu dai tafiba saida jirgin ya tashi, kana suka juya suka koma gida.

Tsakanin Tsinako da Ɓadamaya tafiyar 40 minutes ne a jirgi.

A mota kuwa awa goma sha biyar ne.

So takwas dai-dai jirginsu ya tashi.


Su Affan kuwa dai-dai lokacin suka isa. Kasan cewar a gajiye suka isa, kowa wonka yayi kawai dama sunyi salollinsu a hanya sun kuma ci abinci sai bacci kawa.

8:40 dai-dai na dare jirginsu ya sauƙa a Airport ɗin Ɓadamaya.
Dr Aliyu, da Baba Kamal mahaifin Sulaiman kenan, sai Sarkin fada da Galadima ne sukaje tarbosu tun kafin su iso.

Tafiyar 24 minutes ne tsakanin Airport ɗin da masarautar Joɗa.
Tara da minti goma dai-dai motar Dr Aliyu ta iso har farfajiyar Side ɗin Sheykh, wanda Sheykh yake gaba kusa dashi, Ummi da Aysha suke baya.
Motar Baba Kamal kuwa Hajia Mama ce da Batool,
Sai,
Motar da Galadima ke ciki kuwa, Nan Ya Jafar da Jalal da Jamil suke ciki.
Kai tsaye kuma Side ɗinsu Jalal ɗin aka wuce dasu.

Itama Hajia Mama har bakin Part ɗin ta aka sauƙeta.

Da sauri Ummi ta buɗe marfin motar gefenta ta fita.
Nan Aysha ma tabi ta fita.
Shi kuwa Sheykh juyowa yayi ya kalli Dr Aliyu cikin nitsuwa yace.
"Baba Aliyu ngd matuƙa".
Kai Dr Aliyu ya gyaɗa tare da cewa.
"To sai da safe".
Allah ya bamu al'khairi yace.
Amin Amin yace kana yaja motar ya tafi.

A bakin ƙofar shiga falon suka tsaye.
Suna rike da jakukkunansu.
Gefen Aysha ya ratsa ya wuce, ya isa gaban ƙofar, hannunshi yasa ya ɗan zuge zip ɗin jakar dake hannunshi key ya zaro.
Kana ya zuge zip ɗin ya rufe.
Cusa key ɗin yayi a ramin kana yayi bismillah tare da murza key ɗin, kat-kat yayi sau uku kana yasa hannunshi ya tura ƙofar sannan ya wuce ciki tare dasa hannunshi ta sama jikin ginin ya kunna wutan falon kana ya juyo ya kallesu tare da cewa.
"Bismillah Ummi shigo".
"To". tace kana ta nuna Aysha hanya alamun tayi gaba.
Kafar dama tasa tare da cewa.
"Assalamu alaikum".
Ba tare da ya juyoba yace.
"Wa laikissalam". Ya amsa sallamar a hankali batama jishi ba.
Ummi na biye da ita a baya suka shigo cikin kekkyawan falonsu da sukayi kewarsa.
Ajiyan zuciya Aysha ta sauƙe tare da cewa.
"Masha Allah komai tsab, Allah sarki HIBBA AZEEMA ina kewarku Safiyyah ina begenki kusa Ayyah my Ishma fuskarki ta tuna min Junainah na, Aunty Rahma ganinki ya tada min begen ganin Ummey na.
Ayyah 40 minutes kawai ya nesantamu Umaymah, Mamma Ina kewarku Ina jinku kamar yadda nake jin Ummey na".
Murmushi Ummi tayi tare da cewa.
"Kinga gama Umaymah na kira".
Ta ƙare mgnar tana amsa kiran.
"Eh Alhamdulillah mun isa lfy gamu nan a tsakiyar falo, ɗiyarki nata kewarsu Hibba da Safiyyah naga harda ƙwalla a idonta".
Ummi ta faɗawa Umaymah cikin kewarta.
Ita kuwa Aysha da sauri tasa hannunta ta shafi haɓarta sai ma lokacin ta gane ashe harda hawaye take zubdawa.
Ita kuwa Umaymah cikin murmushin tace.
"Wallahi gamu muma yau duk sai mukaji babu daɗi Safiyyah tace ita fa da Aysha ta tafi gidan ba daɗi".
Dariya Ummi tayi tare da cewa.
"Sabo kenan".
"To ku huta gajiya". Umaymah tace kana ta katse kiran.

Ita kuwa Aysha haka nan yau take jin bege da kewar ahlinta ta kasa tsaida hawayenta Especially Ahlin Abboi.

Tana tuno Didenta su Yah Al'ameen da Innayinta.
Bappa'nta Ummeynta, Ya Giɗi, Ya Seyo, Ya Gaini, da Ya Lado.
Shi kuwa Sheykh ido ya zuba mata ganin yadda hawaye keta shatata a fuskarta babu ƙaƙƙautawa.
Remote ɗin A/C'n dake hannunshi ya meda a masaƙalinshi kana, bakin ƙofar ya koma ya rufe ƙofar kana yazo ya wuce.
Side ɗinsa.

Miƙewa Ummi tayi tare da cewa.
"To nan dai Side dinmu Sara ta gyara mana komai amman nasan Side ɗin Sheykh ba a share yakeba, tunda tare muka dawo da Jamil, dan haka tashi kije ki ɗan kimtsa mishi bedroom ɗin".
Miƙewa tayi itama tare da share hawayenta kana a hankali tace.
"Naji kafin jirginmu ya tashi yayi mgn da Affan yana ce mishi ya share mishi ɗakin ya amshi key a wurin Gimbiya Aminatu".
Kai Ummi ta gyaɗa tare da cewa.
"Eh hakafa ni na mance ai Affan na nan".
Falon Aysha suka nufa, suna shiga kowa ta nufi ɗaukinta.

Ummi Al'wala tayi kana tazo ta kwanta.

Ita kuwa Aysha tana shiga, ta ajiye jakarta gefe kana ta faɗa kan gado ta kwanta a kife, ta kifa kanta bisa pillow kuka mai ƙarfine ya kwabce mata, sabida suya da zafin da zuciyarta keyi na tuno ƴan uwanta da suka ɓace.
Duk da kuma kontar mata hankali da Bappa keyi na cewa anji lbrinsu har an gansu.

Kuka tayi tayi sosai wanda ita kanta bata san tsawon lokacin da tayi tana kukanba.

Sai ƙarfe uku dai-dai ta samu bacci ya saceta.

Shi kuwa Sheykh yana shiga,
yayi ajiyan numfashin sabida ya samu komai tsab-tsab a gyare a killace ko ina na ƙamshi.
Kasan cewar ana zabga zafin da rashin ruwan sama da akayi kwanaki ba'ayi bane yasa, garin ɗinkewa da zafi.
Gudun A/C'n ya ƙara kana ya ajiye jakarshi cikin drower'nshi.
Rage kayan jikinshi yayi kana ya shiga bathroom wonka yayi tare da al'wala sannan ya kimsa cikin tattausan rigan bacci riga da dogon wondo ne.

Yana fitowa ya rage hasken ɗakin kana yazo ya zauna bakin gadon.
Ya buɗe hannunshi ya ɗagasu sama alamun zaiyi addu'o'in kwanciya baccine, kiran Haroon ya shiga wayarsa.
Yasan idan ba ɗagawa yayiba Haroon ba barinshi zaiba, hakane yasa ya amsa kiran da sauri.
"Alhamdulillah mun iso lfy yanzuma bacci zan kwanta".
Ya faɗa da sauri. Dariya Haroon yayi tare da cewa.
"Ya haka dai malam kamar korata kakeyi, nima sabon ango banma hakaba sai kai tsohon ango, to a huta gajiyar hanya, ni yanzu zan kama hanyar fatauci ne".
Wani gajeren tsaki yaja tare da katse kiran.
Dariya Haroon yayi kana ya jawo hannun Jannart ɗinshi suka nufi ɗauki shi.

Shi kuwa Sheykh addu'a yayi ya tofa a tafin hannunsa ya shafe jikinsa duka kana ya kwanta bisa hannun damanshi.
Lumshe ido yayi tare da sauƙe numfashi kana ya fara tasbihi kamar yadda ya saba, lokaci ɗaya bacci ya samu nasarar ɗaukeshi.


Haka sukayi bacci a gajiye gaba ɗayansu.


Ƙarfe biyar saura kwata, ya fito cikin shirin tafiya masallacin Masarautar Joɗa domin limancin sallan asuba.
Da sauri ya buɗe ƙofar kana ya fita sannan yaja ƙofar ya rufe.

Dai-dai lokacin Ummi kuwa ta farka daga baccin da ya samu nasarar sata makara, da sauri ta miƙa bathroom ta faɗa al'wala tayi kana ta fito.


Aysha kuwa can cikin bacci take cin sautin karatun Alqur'ani da yakeyi na suratul Al-Burooj. Sosai sautin muryarsa ke ratsa ko ina na cikin masarautar Joɗa, a hankali take buɗe kwayar idanunta wadanda bacci da kukan da tayi ya kumburasu suka yi wani ɗan ja haka mai gauraye da farin.
meda idon tayi ta lumshe jin yadda yaja tsakiyar aya ta 8.
Yadda yaja illahhhhhhhh ɗin cikin taƙib mai ja shida, kana ya maida numfashi.
Saida taji tsikar jikinta na tashi yar-yar, da sauri ta buɗe idonta kana miƙa zaune, cikin kasala da yanayin bacci bai isheta ba sam ta miƙe tsaye ta faɗa bathroom.
Wonka tayi da ruwan sanyi sabida wani irin zafin da ake zabgawa, kai baka ce tsakiyar damuna bace.
Al'wala tayi kana ta fito, wata tattausar doguwar riga ta zura a jikinta, kana tasa hijabi.
Sannan ta shimfiɗa sallayarta.

Bayan ta idar da sallan ta fara du'a'u Azkar tanayi tana lumshe idonta sabisa sam da baccin bai isheta ba.
Koda ta ida addu'o'in ta shafa, a hankali ta miƙa ta ninke sallayar da hijabin kana ta ƙara ƙarfin A/C'n sannan ta kashe wutan ɗakin ta koma ta konta,
Mustsuke idon tayi jin har wani yaji-yaji suke mata, gyara kwanciyar ta tayi take kuwa baccin yayi awon gaba da ita.

Bakwai dai-dai Ummi ta fito asalin babban falon.

Kitchen ta nufa jiyo motsi a ciki alamun Sara tazo kenan.

Tana shiga kuwa ta samu Sara na fere Arish ga kuwa ruwan tea ta ɗora ta zuba citta kanamfari sunata ƙamshi.
"Ina kwana Ummi".

"Lfy lau Alhamdulillah Sara mun sameku lfy".

"Alhamdulillah".

"Masha Allah". Tace tana haurawa saman steps ɗin da zasu sadata da inda freezer yake.
Buɗewa tayi, zabbi uku ta ɗauko kana ta sasu a wata ƴar madai-daiciyar roba.
Kana ta dawo jikin sink wuƙa ta ɗauko sannan tazo ta fara gyarawa.

Sheykh kuwa karfe bakwai da kwata ya fito cikin wasu tattausan farin yaɗin boyel riga da wondo da malum-malum yadin irin mai gidan dara-daran nanne. An watsa gariyar aiki da surfani Royal blue mai masifar kyau, hular kansa itama farace mai rashin Royal blue.
Hakama takalmin shi half cover suma Royal blue ne masu azabar kyau, sajenshi ya kwanta lib gwanin burgewa.
Jakar System ɗinshi ya rataya a kafaɗarshi ta dama, kana ya fito ya nufi Valli Hospital ɗinshi.

Ƙarfe tara saura kwata Jalal, Jamil, Ya Jafar, Imran suka shigo falon.
Jamil ne ya lumshe idanunshi tare dacewa.
"Wow Ummi wannan ƙamshin na girki shine ƙungiyar yunwa, duk yawunmu ya tsinke."
Dariya Ummi dake Dinning area tana jera Foodflaks bisa table ɗin tayi tare da cewa.
"Alhamdulillah kuwa kun iso a Sa'a an gama kenan kun iso, maza ku ƙara so nan."
Jalal dake riƙe da hannun Ya Jafar dake karanta Suratul Al-monafiqoon a hankali yake motsa laɓɓansa saɓanin da da yakanyi da ƙarfi.

Zama sukayi baki ɗayansu, kana suka fara yin karin kumallon da kekkyawan girkin Ummi.

Ita kuwa Ummi kitchen ta koma, ta sawa Sara nasu, kana tace.
"Yauwa kije ki ɗan huta sai shabiyu sai kizo mu ɗaura na rana".
Ɗaukan kularta tayi kana ta fita ta tafi.

Ita kuwa Ummi ɗakin Aysha ta nufa jinta shiru-shiru bata fiton ba.
Sallama tayi a bakin ƙofar, shirun da tajine yasata ƙarawa, still ba amsa,
Sallama ta uku tayi kana ta tura ƙofar a hankali sannan ta kutsa kai ciki.
Can ta hango Aysha konce lib tana sharan bacci cikin salama, murmushi tayi kana ta juya ta koma falon ta ɗebi nata abincin taci kana ta koma ɗakinta dan yin walaha.
Su Jalal kuwa sai goma da rabi suka bar falon, ya zama shiru.
Bayan fitansun ne Ummi ta fito ta kimtsa Dinning table tsab, sannan ta zauna a falon.

Sha ɗaya dai-dai Aysha ta farka daga baccinta mai cike da mafarkai, bathroom ta kuma shiga, ruwa ta watsa sabida zafin da akeyi.
Tana fitowa ta zauna gaban dreesing mirror body lotion ɗin ta mai ɗan karen kanshi ta shafa, kana ta ɗanyi light mackup akan Kekkyawar fuskarta tayi kyau sosai kuwa, wata atamfar Super Engla mai kyau, green, red, and white color, yanada zanen tsintsiya a jikinshi ɗinkin doguwar rigace takoyi dabas a jikinta gwanin burgewa, ɗan kwalin ta murza a kanta irin ɗaurin mai stpes ɗinnan sosai fuskarta ta fito ras, ta kitse jelar gashinta ta konto bayanta, gyale ja ta yafa turare ta fesa, sannan ta fito ta nufi falon tana ɗan hamma alamun yunwa.

Ummi na ganinta ta mike zaune tare da cewa.
"Sai yanzu".
Gefen Ummi ta zauna a ƙasa bisa carpet tare da cewa.
"Eh Ummi gajiya. Ina kwana".
Fuska a sake tace.
"Lfy lau Alhamdulillah gsky kam kinsha bacci".
Kai ta rausayar tare da yin wata hammar, miƙewa Ummi tayi ba tare da tayi mgna ba, ƴan kananun Foodflaks ɗin da ta zuba mata breakfast ɗin ta jera a tray da flaks ɗin tea da plate spoon and cup. Gabanta ta ajiye kana tace.
"Yauwa ga abinci maza kici ki shiga kitchen ki shiryawa Sheykh nasa karin dan inaga ya tafi asibitinshi".
Jawo tray'n tayi tare da cewa.
"Toh". Soyeyyen dankali da kwai ta zuba a plate kana ta haɗa tea sannan ta ɗan sa ferfesun zabbin kaɗan kana ta faraci suna, hirar bikin haron.
A nan Safiyyah ma ta kira nan akayi yar hira da ita.

12:00 Sara ta shigo.
"Ina kwana Aunty". Tace tana kallon Aysha, cikin sakin fuska tace.
"Lfy lau Alhamdulillah Sara ya gida".
Alhamdulillah itama tace.
Tray'n ta tura mata gabanta tare da cewa.
"Yauwa muje kitchen ki ɗan tayani aiki Arish zaki ɗan fere min kaɗan. Sai ki gyara min kayan miya."
To tace tana muƙewa rabi bayanta.

Itama Ummi bayansu tabi, ita ta fara aikin Lunch su kuma suna aikin na Sheykh.
Jan nama mai kyau ta ɗiba tayi musu yanka yan mitsi-mitsi ta wonkesu kana ta juyesu a tukunya, tasa al'basa da Curry Maggi kanamfari citta tafarnuwa kaɗan da dai sauran kayan ɗan-ɗano ta rufe tukunyar bayan ta ɗaura a wuta,
Bayan an fere mata dankalin ne, ta amsheshi tayi mishi ƙananun yanka, sannan ta amshi tattasai, attaruhu da al'basa, da Sara ta jajjaga mata.
Ta ajiye a gefe tuni naman nan yaketa sulala yana zuba ƙamshi yayi lugub.
juye naman da ruwan tayi a wani ɗan kwano na tangaram kana tasa mai a tukunyar ta meda kan wuta.
yankekken al'basa ta watsa a man take ya baza ƙamshi a Side ɗin gaba ɗaya, kayan miyar tasa ta soya ya soyu da kay, sannan tasa ɗauki ruwan naman nan da naman ta juye ciki.
Kana ta rufe sannan ta ɗan ɗauko maggi da gishiri ɗan ƙanƙani ta watsa ciki.
Sannan ta rufe, wata ƴar ƙaramar tukunya ta ɗaura tasa ruwa kaɗan kana tasa kwai guda bakwai ciki kana ta rufe.
Sannan ta ɗauko sufageti rabin ledar ta karya tasa a cikin haɗin tukunyar.
tare da watsa dankalin nan a ciki sannan ta maida ta rufe.

Tukunyar kwan nan ta buɗe ganin sun dafu ne yasa ta sauƙesu, ta tsanesu kana ta sasu a plate.
ɗan motsa taliyar da dankalin tayi kai ta gyaɗa ganin yayi yadda takeso naman ya wadaci girkin sosai,
Kwan ta fara ɓarewa, saida ta baresu fes kana, ta rufesu gefe, buɗe tukunyar taliyar tayi ganin yayi dai-dai da Dan ruwa-ruwane yasa ta ɗauki caras da al'basan da ta yanka tare da dafaffan kwai ɗin ta sasu ciki.
sannan ta rufe ɓol-ɓol yake wani kekkyawan ɓararraka.
Wata kekkyawar Foodflaks mai marfin glass ta ɗauko ta fara ɗiban taliyar gefe-gefe tana sawa a wani kekkyawan kwano gudun kada garin sawa a Foodflaks ɗin ya ɗan ɓata kular, daga cikin kwanon ne ta juye a kular sannan ta dawo ta yaɗe al'basa da caras da kwan da namomin ta jerasu saman kular kana tasa marfin ta rufe.
Sosai tsarin yadda tasa abincin yayi masifar kyau.
Sauran na tukunyar ta sawa Sara a plate da kwai ɗaya da Nama dasu karas ɗin sauran kuma ta sawa Ummi shi a wata ƴar kula.
Cikin Murmushin Ummi tace.
"Gsky kam Aysha koda a ƙoshe nake zanci girkin nan".
Murmushi tayi tare da ɗauko lfaks ɗinshi da Ummi tasa mishi tea, kasan cewar ɗan ƙaramine yasa ta jerashi kan tray kusa da kular,
ferfesun da Ummi tayi ta ɗan ɗuma tasa mishi a ƙaramar kula, kana tasa plate, cup, tea spoon and fork. ta kimtsa komai, kana ta tura tray'n can gefe, sannan ta matso kusa da Ummi tana cewa.
"Ummi miyan me zakiyi mana".
Murmushi Ummi tayi tare da cewa.
"Ɗanyar ƙuɓewa".
Da sauri tace.
"Ummi yaushe zamuyi miyar kase".
Cikin dariya tace.
"In sha Allah gobe zamuyi".
Allah ya kaimu tace cikin jin daɗi.

A hankali yayi parking gab da bakin ƙofar falon nasu, Allah ya sani ya gaji ga yunwa.
A hankali ya fito, dai-dai lokacin kuma Jamil da Affan suka iso wurin.
Affan ne yasa hannun ya amsar mishi jakar system ɗinshi.
Tare da ce mishi.
"Sannu da dawowa Malam".
Kai ya gyaɗa musu, yayi gaba kana suka bishi a baya.
Da sallama a bakinshi ya shiga.
Suna shiga kai tsaye Side ɗinsa ya wuce, Affan na biye dashi a baya.
Jamil kuwa kitchin ya nufa yana cewa.
"Salamu alaikum Ummi".
Da sauri ya iso kusa da Ummi.
"Ummi me kuke dafawa haka naketa jin ƙamshi ya ƙare zancen yana jan kular dake kusa da Ummi.
Yana buɗe wa yace.
"Kai badon a ƙoshe nakeba da nayi tafiyar ruwa da kular nan".
Dariya Ummi tayi shi kuwa cewa yayi.
"Dan Allah wa akawa wannan girkin?".
Da sauri Ummi tace.
"Hammanku".
Juyowa yayi ya kalli Aysha tare da cewa.
"Uhum son kai. To ya dawo sai a kai mishi tare muka shigo".
Murmushi Aysha tayi tare da cewa.
"Ba ni naiba Ummi ce ta mishi".
Dariya sukayi duka, ita kuwa Ummi kallon Aysha tayi tare da cewa.
"To ɗauki ki kai mishi, kinga fa ɗaya tayi".

To tace tare da ɗaukan tray'n ta nufi Side ɗinsa.

Ummi da Sara kuma sukaci gaba da aiki Jamil na zuba musu surutu.

A hankali tayi sallama tare da kutsa kai ciki jin muryar Affan a ciki yana surutu shi ɗaya kai kace zarerrene shi kuwa Sheykh bakace yana falon bama sai dai kaji yana cewa.
"Uhmm, uhum, ehh, ko?".
Iya amsar kenan.
Ganin suna tsakiyar falon ne yasa ta iso tsakiyar falon, a hankali ta sunkuyo ta ajiye tray'n bisa santa table dake tsakiyar falon.
A hankali ya ɗago idonshi ya zubasu kanta, da sauri ya juyo ya kalli Affan ajiyan zuciya ya sauƙe ganin Affan ba ita yake kalloba duk da ita yakewa mgn, amman wayarshi yake latsawa.
wuyan rigarta da yake mai faɗine ya samu nasarar baiyana raɓin ƙirjinta a woje sabida sulewar da gyalenta yayi.
murmushi ta ɗanyi jin Affan na cewa.
"Ƙaro plate da spoon Aunty Aysha nima nan yunwa nakeji".
Cikin tsokana tace.
"Ina Maman Amal".
cikin kwaɓe fuska yace.
"Uhum ita kuwa yar zuriya tana can wai suna auren ƴar autarsu Zeenart".
miƙewa tayi kana ta ɗan kalli Ya Sheykh haɗe fuska yayi tare dasa yatsarshi kan ƙirjinshi yaja kana ya nuna mata ƙirjinta da idonshi sannan ya nuna mata Affan da babbar yatsarshi wanda yayi alamun kamar gashin girarsa yake kwantawa.
Da sauri ta janye idonta kanshi kana ta gyara gyalenta.
Sannan ta juya ta ɗauko plate sannan tazo ta zuba musu.

Kana ta juya ta fita sabida wani irin mayataccen kallo da Ya Sheykh ke cilla mata.

A hankali Sheykh ya lumshe idonshi lokacin da yasa abincin a bakinsa taunawar da yayi yaji ɗan-danon ya sashi jin kunnenshi na amsa amo.
Affan kuma haɗiye lomar dake bakinshi yayi tare da cewa.
"Kai abincin yayi daɗi Malam jolof ɗin kwai ne ko na dankali ko na taliya ko daima jolof ɗin nama ne?".
Murmushi Sheykh yayi tare da kurban tea kana yace.
"Ko zan riƙe maka takalminka kaje kayi tambaya ne?".
Dariya Affan yayi tare da cewa.
"Wallahi ba santi bane".
hannusa yasa ya ɗan make ƙeyan Affan kana yace.
"Kai ana zafi a garin nan ƙara gudun A/C'n nan ɗazu da zan fita na rage."
Mikewa yayi tare da cewa.
"Gsky ana zafi koda yake naji ɗazu Gimbiya Aminatu na cewa yauwa kwana goma kenan ba'ayi ruwan samaba jiya har roƙon ruwa aka fita".
Ya ƙare zancen yana dawowa ya zauna kanshi ya gyaɗa tare da cewa.
"Har kwana goma, to Allah ya bamu mai Al'barka mai cike da ni'imomi".
Amin Amin Affan yace kana sukaci gaba da cin abinci.

Ita kuwa Aysha kitchin ta koma, nan suka ƙarashe aikin kana suka shirya komai a Dinning table, sannan Sara ta tafi.
Ummi kuwa da Jamil suka zauna a falo.
Ita kuwa Aysha bedroom ɗinta ta, shiga.
Bathroom ta shige sabida, wani shegen fitinenne fitsarin da takeji.

Bisa toilet ɗin ta zauna tare da lumshe idanunta, sabida jin daɗin juye nauyin mararta da takeyi.
Bayan ta gamane, tayi amfani ruwan ɗumi.
Sai kuma ta kwabe dan zafin da takeji tace bari ta ɗan watsa ruwan sanyi lumshe idonta tayi lokacin da ruwan sanyin ya sauƙo jikinta, kana dai-dai lokacin ta tuno mafarkin da tayi da safiyar yau, da sauri ta rumtse idanunta gam sabida a fili take ganin yadda Sheykh yayi ta murzata a mafarkin da kuma irin kukan da tayi sabida azabar da ya azabar da ita da sauri ta ware idon da kyau sabida sai takega kamar zai shigo yanzune ya ritsa da ita haka yasa taci gaba da wonkon da sauri-sauri.

Cikin tsananin isa da izza da tsaurin ido, take taku har zuwa tsakiyar falon kana hadimanta na Binta a baya.
Tsakiyar falon ta tsaya tare da watsawa Ummi da Jamil ido dogon tsaki taja tare da cewa.
"Ina yake ɗan masu fiffigen!?".
Da sauri Jamil ya miƙa tsaye tare da watsa mata wani irin mugun kallo mai cike da tsana yace.
"Baya buƙatar ganin irinku da ko sallama baku iyaba".
Cikin tsawa da ɗaga murya tace.
"Rufe min baki ƙaramin kwaro, ka bari inyi da shi jan wuyan naku".

Da sauri Sheykh ya miƙe tsaye jiyo muryar Gimbiya Saudatu a tsakiyar falonshi.
Affan ma miƙewa yayi da sauri kana yabi bayan Sheykh daya nufi falon da sassarfa.

Yana fitowa Gimbiya Saudatu ta gyara tsayuwarta tare da buɗe al'kyabbar jikinta kana tace.
"Yauwa al'huda-huda sarkin karatu.
Zo nan zo ka gayawa wannan ɗan tayin ƙanin naka cewa.
Duk lalacin mutun ya iya sallama amman banda tsuntsaye su sai dai su gani anayi, gwarama tsuntsun da ba zunibi ne ya maidashi tsuntsuwar ba dama haka Allah ya halicc...".
Cikin wani irin tsananin tafasan zuciya da tuƙuki da ciwo a rai.
Sheykh yayi mata wani razanenne tsawan da saida tayi tsalle ta koma baya kaɗan.
Tsawar daya danna matane yasa Aysha fito da sauri tana mai gyara ɗaurin ɗan kwalin doguwar abayar da tasa yanzu.
Cikin rawan jiki yake taku har gabanta.
Ummi da Affan da Jamil kansu jikinsu kerma yakeyi.

Jalal dake Side ɗin su ma yajiyo sautin muryarsa hakane yasa ya nufo falon da sauri.

Cikin azabar fushi ya nunata da ƴar yatsarshi manuniya murya na rawa yace.
"Duk tsuntsuwar da kika gani Allah yasan da zamanta, ki kuma sanni wannan tsuntsuwar ta fiki daraja har gaban Allah".
Cikin jajir cewa da ƙarfin hali ta ɗan ja da baya tare da cewa.
"Eh lallai kam ta fini har gaban Allah mana tunda girman zunubanta da jafa'inta yasa Allah ya nuna mana ikonsa da aya a kanta ya sauya mata halitta daga mutun zuwa tsu..".
Wani irin zabura Ummi, Affan, Jamil, da hadiman Gimbiya Saudatu
Sukayi sabida wani irin azabebben ihu da ta kurma da karfi sabida wasu irin gigitattun tagwayen maruka da Sheykh ya yarfa mata da hannunshi.
Wanda sukayi nasarar tafiya da jinta da ganinta.
Kanta ya sake nufa da azama alamun zai tabketa da iyakar iyawarsa
Cikin rawan jiki Ummi tace.
"Sheykh kayi haƙuri barta kasan hannunka".
Ina wani marin ya kuma yarfa mata wanda saida taji wani fitsari ya tsarto mata.
Ihun data kurma yayi dai-dai da kife kanta da tayi da jikin kujera.

Cikin wani irin azama da sauri haɗi da kiɗima Aysha tayi sauri ta nufi gaban Sheykh sabida ganin baya cikin hayyacina.
Affan da Jamil da sukayi nufin riƙeshi ne ya yarfawa maruka wanda yasa suka ja da baya.

Cikin azama tasha gabanshi tare dasa hannunta ta riƙo hannunshi da ya ɗago zai mari Gimbiya Saudatu, cikin azaban fushi ya juyo ya kalleta da rinannun idanunshi.
Da sauri ta kuma ƙara riƙe hannunshi tare da matsoshi kana murya na rawa tace.
"Yan Sheykh! Kayi haƙuri".
Fusge hannunshi yayi da ƙarfi ya nufi kan Gimbiya Saudatu domin idonshi ya rufe rib baya ji baya gani kamar yadda itama Gimbiya Saudatu idonta da kunnenta suka dena aiki kana fitsari ke tsiyayo mata.
Da sauri Aysha ta kuma shan gabansa, kawai sai ta faɗa jikinshi ta ruggumeshi gam-gam a jikinta,
cikin rauni take cewa.
"Yah Sheykh ka bari, kada ka kulata Please Yah Sheykhhhh kada ka sake barin hannunka mai daraja da kullum yake cikin taɓa al'ƙur'ani mai girma ya taɓa fuskarta kada ka bari fuskarta ta samu darajar da hannunka zai taɓata.

Kar-kar haka jikinshi ke rawa da tsuma tamkar mazari, yana mai jiyo amon sautin muryar Aeech cikin kunnuwansu.

Ita kuwa Aysha a hankali tasa tafin hannunta ta tallabe gefe da gefen fuskarshi ta karkatoshi gareta, cikin sanyi da tattausan lafazi tace.
"Mai hankali keyin mgn ya dami mutane ba, majanuniya irinta ba. Bata da ma dafa, ita fa bushiyace mai baya kamar allurai, Please kada idonka ya sauƙa a kanta".
Ta ƙare mgnar tana jan hannun sa na dama tana ja ta nufi Side ɗinsa.
Cike da mamaki Ummi, Affan, Jalal, Jamil, Hadiman Gimbiya Saudatu suka bisu da ido ganin ya bita a baya, tuni ta sarrafa fushinsa.
Ita kuwa Gimbiya Saudatu har yanzu lalube takeyi wanda yasa Affan da Jamil murmusawa dan sai tafi kyau da makanta.

Ita kuwa Aysha Kai tsaye