You Cannot Download this book untill you login but you can read it .

---

Login Register

sun zauna ne ya kalli, Abbansa a hankali yace.
"Abba ina kwana".
Tsura mishi ido yayi tare da cewa.
"Lfy lau Muhammad ya gajiyan hanya".
A hankali ya gyara zamanshi ya tonƙoshe sawunshi kana yace.
"Alhamdulillah, Jiya naje mu gaisa sa Hajia Mama tace baka nan".

Kallonshi Abba yayi tare da jijjiga kai.
Shi kuwa Lamiɗo ya ɗan kalla da Galadima kana yace.
"Kun kirani kunyi shiru, kunata bina da kallon tuhuma, me yake faruwa in da wani abune ku faɗa kawai mana ku dena min kallon tuhuma".
Murmushi sukayi dukansu kana a hankali Galadima yace.
"Babu komai, kawai dai yau ɗin ranace da al'amarin auren ka ya tabbatar da nuna kanada damar mulkar masararutar Joɗa".
Fuska ya taɓe tare da cewa.
"Bafa nason kuna min haka, bani son haka, nace bani da ra'ayin wannan abun ku dena alaƙantani dashi.
Me haɗina da sarauta, kuma me ruwanku da lamuran gidana".
Cikin Murmushin Lamiɗo yace.
"Uhumm toh ai ba mune muka kiraka ba, Abbanka ne ya kiraka.
Kuma ba mune muka alakantaka da Masarautar Joɗa da sarautarba Allah ya alaƙamtaka dasu tunda ka fito a jininmu.
Mu dai ya nuna mana alamomin dole watan wata rana zaka mulki masarautar Joɗa."
Cikin tsuke fuskarsa yace.
"Uhum zadai a tarwatsa min rayuwa, tunda kuna sane Galadima kawai aka bawa Yah Jafar cikin mako biyu, aka rabamu da gatanmu aka birkita masa rayuwa.
Shin Jalal da Jamil ma sun tsirane, kallon me akeyi musu.
Jamil mazinaci mai yawon bin mata, Jalal mashayi ɗan shila, nima ɗin dole ana wani abin, da ƙudurar ubangiji kawai nake tsira, kuma wanda ake nema gabas da yamma kudu da arewa wata ranafa zasu cimmin musamman in suka samu zantukanku".

Dafa kafaɗarshi Galadima yayi kana a hankali yace.
"Uhum Muhammadu ai sunyi nasara a kanka tun a baya yanzu dai karyewar al'ƙadarinsu ne kawai ya rage.
Tashi kaje ka kula da matarka, muna sane da gyallen yarinta, kada kace zaka ɓoyeshi ko zaka wonkeshi, a ma'ajiyin tarihi za'a ajiyeshi shaidar yarinta da tarbiyyar matar sarki uwar wani sarkin kuma a wata rana".
Kanshi ya sunkuyar cike da takaici yace.
"Wai meyasa kukeyi min hakane? Shin bani da wani sirri a rayuwata da iyalina ne dole sai kunbi diddigin komai kun sani".
Haɗe fuska Abbansa yayi kana yace.
"Tashi kaje, kada a wonke komai a ka bawa Umminku ta kawoshi.
Umarnine ba shawara ba".

Cikin sanyi ya miƙe ya tafi.

Shiru babban falon ba kowa,
sai dai bisa alamu Ummi na Kitchen dan yaji motsinta.

A nitse ya wuce Side ɗinsa.

Idonshi ya rumtse sabida jin suna mishi wani yaji-yaji dan rashin baccin da baiba tun na yammacin jiya na tsakanin azahar da la'asar ɗin daya zame mishi jiki da kuma na daren da bai samu yayi ba.
A hankali ya tura ƙofar Bedroom,
da sauri ya ƙarasa bakin gadon cike da mamakin ganin tana kwance, kuma kuka takeyi.
Sunkuyowa yayi kanta tare da cewa.
"A'ish Ahh'ihch kuka kuma? meya saki kuka. meya sameki?".
Ɗago jajayen idanunta tayi ta kalleshi hawaye na kwaranya murya na rawa tace.
"Meya sani kuka? Bayan kai, kaji min ciwo, bazan iya tashiba, ƙafafuwana ba ƙarfi, jiri nakeji yunwa nakeji kaina ciwo, kafata ciwo, idona ciwo, komaina ciwo, zogi nakeji".
Ta ƙarashe mgnar murya na rawa alamun zazzafan zazzaɓi da zafin ciwo.
Cikin wani irin rauni da tsananin tausayinta yace.
"Afwan kiyi haƙuri, sannu ko ki gafarceni".
Da sauri ya juya ya nufi Bathroom, ruwa mai ɗumi sosai ya cika baf dashi, kana ya fito.
Al'kyabbar ajikinshi ya zare tare da hiramin kana ya matso bakin gadon.

Hannunshi yasa ya fara janye blanket ɗin.
Da sauri tasa hannu ta riƙe hannunsa a raunace tace.
"Banda sutura a jikina".
Kanshi ya ɗan kauda kana a hankali ya janye borgon tare da cewa.
"A'ish gani kuma wanne suturan zaki nema bayan ni, yanzu baki da wata sutura sama dani, kiyi haƙuri ki dena kukan kinji ko bana son jin kukanki".
Ya ƙare zancen yana cicciɓota.
Da sauri ta rumtse idanunta tare da cusa kanta cikin ƙirjinsa.
Bathroom ya wuce.
A hankali ya sauƙeta cikin ruwan ɗumin.


Wani irin zillo tayi tare da yarfa hannun da kuma sakin ihu mai sautin rauni.
"Wash Allah na Yah Sheykh zafi- zafi."
Cikin sanyi yace.
"Sorry kiyi haƙuri zakiji daɗin hakan, yanzu zaki worke".
Ina sai zillewa take son yi.
Da sauri yasa hannunshin ya danne ta cikin ruwan ta zauna daɓas.
hannunta ta fara yarfawa tare da zubda hawaye,
Bakin baf ɗin ya zauna,
kanta ya jawo ya manna da jikinsa, kana yayi shiru yana jin yadda jikinta ke karkarwar tamkar mazari.

Wata fitinenneyar zuface ta fara karyo mata tako ina na, jikinta, sai kuma ta fara sauƙe ajiyan zuciya.

Ummi kuwa, ferfesun zabi tayi, tare da dama kekyawan kunun kanwa mai ɗan karen daɗin yaji citta da kanamfari da kanwa.
Kana ta daka mazarƙoila ta zuba a ciki a madadin Sugar.
Babban flacks ta cika da kunun.
Kana ta juyo ferfesun zabi guda biyu cikin Foodflaks mai kyau.

Tuƙeƙƙen tuwon masarar tsari, mai tauri tayi, da kuma miyar ɗanyar kuɓewa da man shanu sai kifi da nama yasha citta da yajin daddawa sai ƙamshi yakeyi.
A Foodflaks ta saka,
sai kuma gashesshen jan nama, anyi Normal gashi irin na mutanen da.
Wanda murhun garwashi ta hura ta gasashi.
Sai kuma tea data tafasa ta tsula zuma da citta a ciki.
Shi kuma tasa a ƙaramin flacks.

Jerasu tayi a manyan tray guda biyu.

Sai lokacin kuma Sara ta iso nan suka fara haɗa wani girkin.


Sheykh kuwa a hankali ya kamo hannunta ya miƙar da ita tsaye.
Tana cikin bathtub ɗin shi kuma yana ta woje.
Zubda ruwan yayi tare da ruggumeta a hankali yace.
"Zamu ƙara wani ruwan ɗumin kinga wannan duk kinyi masa fitsarin jini a ciki, duk kin ɓatashi raguwa kwai sakaliyar Ummey".
Ƙara tsune kanta tayi jikinsa, tare da manne ƙirjinta da nashi wai bata son yaga breast ɗinta.

Wani ruwan ɗumi ya kuma sawa, kana ya zaunar da ita ciki.

Sannan a hankali yace.
"Aha Gud gerl kiyi wonka da kyau, in kin gama jin ɗumin ruwan sai kiyi wonkan tsarki, kin iya ai ko?".
Ya ƙare mgnar yana kallonta, cikin sanyi ta gyaɗa mishi kai still hawaye na zuba, a hankali yace.
"To niyar wonkan me zakice".
Shiru tayi bata kulashi ba kuma bata kalleshiba sai hawayen da takeyi.
"Okay to bari in shigo muyi wonkan tare sai in koya miki".
Ya faɗa yana sako ƙafarsa cikin bathtub ɗin da sauri tace.
"Na'iya".
fuskarta ya ɗan tallabo tare da cewa.
"Kin iya me?".

"Wonkan tsarkin".
Ta bashi amsa ido a rufe.
shafa fuskarta yayi tare da cewa.
"Niyan wonkan me zakiyi".

Idonta ta ƙara rumtsew wasu hawayen suka zubo a hankali tace.
"Wonkan Janaba".
murmushi yayi mai faɗi kana yace.
"Eyeh Gud gerl, kin girma yanzu kin zama big gerl ai, tunda har wonkan Janaba ya hau kanki, sannu ko Aish Allah ya miki al'barka".

Tafin hannunta tasa ta kare fuskarta.
Shi kuwa miƙewa yayi tare da cewa.
"Bari inje in ɗauko miki wasu kayan, ko in baki aron al'kyabbata?".
A hankali tace.
"A a ɗauko min".

To yace kana ya fita.

Ba kowa a falon, dan haka da sauri ya wuce falonta har bedroom.
drower'nta ya buɗe,
hannunsa yasa ya zaro wani abu da ya gani Royal blue shi kalan yabi.
Sai kuma ya samu ashe doguwar rigace ta shaddar wagambari mai masifar kyau.
daga ita bai kuma ɗaukan komaiba ya juya ya fita.

A babban falon ya samu Ummi tsaye,
cike da tsananin kunya ya sunkuyar da kanshi kana a hankali yace.
"Um Uhmm Barka da safiya Ummi".
Ganin alamun kunya yasata kauda kanta kana tace.
"Barka dai Muhammad".
Ci gaba da tafiya yayi.

Da ido ta rakashi, tana murmushin jin daɗin. Muhammad ɗinta ya zama cikekken magidanci,
daga yawau zasu fara hango nasarorinsu. Tabbas akwai kwan da zai fashe nan kusa a tsakiyar masararutar Joɗa.

Shi kuwa yana shiga bathroom ya sameta zaune bakin bathtub ɗin ta ɗaura towel a jikinta.

A hankali yasa hannunshin ya kamo nata ya tsaida ita, kana cikin sanyi yace.
"Wanne irin wonka kikayi?".
A hankali tace.
"Da al'wala a haɗe".

Na'am yace kana ya zira mata rigar.

Saida ya dai-dai-ta mata rigar kana ta kwance towel ɗin ta ɗaura ɗan kwalinta.

Sannan ya nuna mata hanyar fita da hannunshi.

A hankali ta ɗago ƙafarta ta taka, ido ta ɗan rumtse tare da cije laɓɓanta, kana ta ɗan ware ƙafafuwanta tare dacewa.
"Wash".
Ido ya ƙurawa yadda take tafiyar.
Kanshi ya jinjina sannan a hankali ya biyota cikin kauda kai yace.
"Y.M.D.G ko dai kin ƙarune?".
Shiru batayi mgna ba, sabida sosai takejin zafin.
Buɗe mata ƙofar yayi ta fita.
Da sauri yabi bayanta suka fito.

Sallaya ya shimfiɗa mata, tare da miƙo mata hijabinta, hannun ta miƙa zata amsa tana mai ɗan kallonshi.
yana kallonta yace.
"Kiyi salla sai in dubaki inaga ko na buɗa ƙofar da yawa.
Gwara in gani da wurin in na buɗata ne in ɗinketa".
Hawayenda ya zubo mata sanadin rumtse idanunta ne, ta share da hijabin kana ta juya ta fuskanci al'ƙibila.

Shi kuwa Sheykh bakin gadon ya dawo, da nufin gyarawa yana janye blanket ɗin yayi maza ya maidashi tare da cewa.
"Subahanallahi har haka ta zubda jini".
Gaba ɗaya tausayinta ya rufeshi wani irin abu na musamman yakeyi a kanta yana ratsa dukkan jikinshi da zuciyarsa.

Ita kuwa Aysha tana idarwa ta zauna tana sharce hawayenta dake silalowa tana mamakin wasu zantukan Yan Sheykh yana abu ko a jikinsa kamar bashi yayi wannan abun ba.

Tana shafa addu'a yace.
"Taso zo muje kici abinci in dubaki, tafiyar kin nan batayi minba, akwai matsala".
A hankali ta yunƙura ta tashi dan tabbas yunwa ke son hallakata.

Da sauri ya isa gareta sabida ganin ta dafe kai ta rumtse idanunta tayi baya alamun zata faɗi.

Ruggumeta yayi a jikinsa tare da tallabe kanta.
Luuu yaga idanunta na tafiya alamun suma zatayi.
Murya can ƙasa tace.
"Yah Sheykh duhu nake gani, jiri nakeji kaina ciwoooo".
Da sauri ya tallabota jikinshi.
Kan gadon babu inda zai ajiyeta dan haka ya wuce falo da ita.
Bisa 3 str ya kwantar da ita dai-dai lokacin kuma taja wani dogon numfashi ta fara wani irin karkarwa da rawan sanyi alamun tana gab da sume mishi.

Cikin ɗan ɗaga murya yake kiranta yana ɗan marin kumatunta.
"A'ish! A'ish!! A'ish!!! Tashi! Ummi! Ummi!!". Ya ƙare kiran Ummi da ƙarfi dan gigice
Ummi dake bakin ƙofar falon zata shigo musu da breakfast ɗin su ne, tayi sallama tare da shigowa da sauri, bisa santa table ta ajiye tray'n tare da isowa inda suke a kiɗime tace.
"A subahanallahi Sheykh sata a jikinka, sata a jikinka".
Da sauri ya jawota jikinshi ya ruggumeta gam-gam.
Ita kuwa Ummi gefe ta tsaya tana cewa.
"Subahanallahi".
Kar-kar haka jikinta ke rawa har nashina na rawa.

Da sauri Ummi ta juya falon.
Wayarta ta ɗauka da sauri ta kira Dr Kubra tace suna buƙatar taimakon gaggawa.
To Dr Kubra tace kana ta fara shirin tahowa.

Ita kuwa Ummi falonshin ta koma.

Cikin mamaki ta iso kusa dasu.
Ganin jikin Aysha ya dena karkarwan ta kuma buɗe idonta.
a hankali ya sauƙe numfashi kana ya medata kan kujerar ya ajiyeta, sannan ya gyara zamanshi a hankali yace.
"A'ish".
Kauda kanta tayi daga kallonshi ta kalli Ummi.
Cikin sanyi da disashewar muryar tace.
"Ummi yunwa nakeji, kaina ciwo jiri nakeji'.
Da sauri Ummi ta ɗauki cup kunun kanwan nan mai haɗin mazarƙwaila da citta kanamfari.
Ta zuba a kofin da yakeda da girma saida ta cikashi.
Kana ta matso kusa da ita,
kofin ta miƙa mata, amsa tayi da sauri takai bakinta.
Kafa kanta tayi ta fara sha, tanayi tana ɗan cire kofin dan zafin kunun.
Shi kuwa Sheykh matsawa gefe yayi, ya fara daddanan wayarsa idonshi kuma na kanta, kunyar Ummi ya sashi ɗan matsawa.

Ita kuwa Ummi sannu take yiwa Aysha. Da sauri ta juyo ta kalli Sheykh jin yana ce mata.
"Ummi Abba yace ki kaiwa Lamiɗo beshit".
Cikin kauda kai tace to.

Ta lura kunyar ta kusa tasashi ya maida kanshi cikin wayar da yake dannawan.

Kai tsaye bedroom ɗin ta nufa.
Cike da farin ciki take kallon shimfiɗan.
Ture blanket ɗin tayi ta haɗe beshit ɗin kana, ta shimfiɗa blanket ɗin, sannan ta fito.


A falon ta wucesu yana sunkuye kamar yadda ta barshi yana danna wayarsa,
Ita kuwa Aysha kunun take sha, tana mai jin daɗin shi a bakinta.

Kai tsaye Side ɗin Sarki Nuruddeen ta wuce.
Har cikin ɗakin Gimbiya Aminatu ta wuce.

Durƙusawa gaban Gimbiya Aminatu tayi tare da cewa.
"Allah hokke sabbugo Ga tabbacin tantanin Aysha uwar gidan Sheykh."
Wani sihirtaccen Murmushi Gimbiya Aminatu tayi kana ta tashi zaune daga kishingidar da take, cike da farin ciki tace.
"Alhamdulillah mafarki mu nata dabbata kamar yadda muke dako, yau Allah ya nuna mana dare mai cike da ruwan sama da walƙiya da rugugin tsawa.
Kana ga tabbacin kyakkyawan budurcin bafullatanar daji, zantu kan malam Musa na baiyana ɗaya bayan ɗaya."
Sai kuma ta kalli zanin gadon da jinin ya ɓatashi sosai.
Cikin ƙasaita tace.
"Maza a haɗa tukuicin budurci, domin ta bawa Jabeer kyauta mai tsada a bata tukuici mai girma."
To Ummi tace kana ta miƙe ta fita ta nufi ɗakin tukuicin.


A can Side ɗinsa kuwa, bayan ta shanye kunun sai ta koma ta konta bisa kujerar tayi lib, wani irin zufane yake tsastsafo mata tako ina na jikinta limshe ido tayi tana jin raɗaɗin jikinta.

Shi kuwa Sheykh da alamun wani abu mai mahimmanci yakeyi a wayarsa.
Koda ya ɗago kai yaga ta lumshe idonta sai yayi zaton ko bacci tayi.

Gimbiya Aminatu da Lamiɗo da Galadima ne zaune a falon Lamiɗo,
Ummi na zaune a gabanta da wasu manyan ƙore da daro irin nada.
Cikin girmamawa ta jawo ƙwaryar dake kusa da ita,
A hankali ta fiddo wasu manyan al'kyabba irin na matan sarakuna guda uku.
sai kuma ta fiddo wasu kekyawawan yan kunne da sarƙa mai masifar kyau, na gold.

Wasu aworworo ta fiddo na asalin azurfan masarautar Joɗa, wanda yake da sirruka,
domin matuƙar mutun mayene in ya leshesu zaiyi bayani da kansa.

murmushi Gimbiya Aminatu tayi tare da cewa.
"Tun bayan Ayshancan ba, sake danƙawa wata mace sarƙar tamɓarin Masarautar Joɗa ba, gashi da ita dashi duk basu tsira ba.
Ina fargabar a sake baiyana wani a ahlinta.
kada tarihi ya maimaita kanshi.
Murmushi Lamiɗo yayi kana yace.
"In Sha Allah babu komai fashe al'kyairin Allah, Magauta sunyi tasu nasarar sun gama, yanzu lokacin masu gaskiya ne".
Shiru Abba yayi yana jin kalaman iyayen nashi, suna masu uzzuro mishi ciwon dake zuciyarshi.
Galadima kuwa kwalin babban ashanan da Ummi ta buɗe wanda yake cike tab da ƴaƴan ashana ya kalla tare da yin murmushi.
Wannan itace babbar shaidar mace in ta kawo budurcinta gidan mijinta a masarautar Joɗa.
Shine asa kwalin ashanan a cikashi tab da yayansa, in kuma bata kawo budurcinta ba, sai a zazzage ya'yan ashanar asa fonko haka ba ɗa ko ɗaya a ciki.
Kuma za'abi sashi-sashi na Masarautar a nuna kowa shaida to indai anga fonko babu ɗa a ciki to shaidar ta zubda budurcinta a woje.
Ci gaba da ɗaga kayayyakin Ummi tayi.
tana nuna musu.
Ɗaya daro ta jawo shi kuwa, silke ne da sirdi a ciki sai linzamin doki, kana sai takalman hawa doki kala biyu na mace dana miji,
sai kuma ɗaya kwaryan cike yake da gero sai citta da kanamfari sai kwalin sugar irin mai ƴaƴan nan.
Kai ta ɗan ɗago ta kallesu tare da cewa.
"Ga haɗin kayan da dawakai biyu mace da namiji ɗaya macen na Aysha ɗaya namijin na Sheykh.
Sai kuma kyautar zabbi ashirin na jinyar Aysha daga Masarautar Joɗa."
Cikin jin daɗi Gimbiya Aminatu tace.
"Masha Allah. Allah ya sanya al'khairi, kira yan rakiyarki su rakaki ku nunawa kowa dake Masarautar Joɗa.

To Ummi tace kana ta miƙe ta fito falon forko dasu.
Saratu da Larai ta kira sukazo suka ɗauki kayan.

Nan suka fara da sashin Hajia Mama.
Koda aka nuna mata kayan shiru tayi cikin wani irin yanayi ta gyaɗa musu kai tare da nuna musu hanyar fita ba tare da tace ko ƙalla ba.

Daga nan gidan Galadima da sauran dottawan masarautar suka nufa.
Sai da suka gama da gidajen manyan kana suka nufi, Side ɗin Gimbiya Saudatu kasancewar itace matar babban ɗan Lamiɗo.

Wani irin masifeffen kallo tabi sarƙar tamɓarin Masarautar Joɗa da akasa cikin kayan kana ta kalli Ummi tare da cewa.
"Uhummm za'a kuma kenan, wata sarƙar aka kirkiro ko dai waccar ɗin ce aka gano?
Ita dai Ummi kai ta sunkuyar.
Ita kuwa Gimbiya Saudatu Baba Basiru dake gefenta ta kalla tare da cewa.
"Ashe ɗan naku waliyi ne?".
Da sauri yace.
"Waliyi kuma".
Cikin takaici tace.
"Eh to gani nai wata shida kenan da yin aure.
Ace bai kusanceta ba sai yauwa ai da gani kasan munafurcine da ƙarya, harda basu dawakai ma'aurata ko meye manufar hakan?".
Cikin nuna tsantsar tsana Baba Basiru yace.
"Wani salone hakan".
Ita dai Ummi dasu Saratu sun gaza tashi.
Cikin bala'i Baba Nasiru da yanzu ya shigo yace.
"Kai da Allah ku ɓace min da gani".
Da sauri suka ɗauki kayayyakin suka fice, sukaci gaba da nunawa.

Su kuwa Gimbiya Saudatu da muƙarraba ta suakaci da tattaunawa.


A hankali Dr Kubra ta shigo falon ta sallama a bakinta.
Su Jalal ta samu suna breakfast kamar kullun.

A falon ta zauna bayan sun gaidatane, Jamil yace.
"Ummi tayi cikin masarautar Joɗa jirata zata zo".
"Okay ba matsala". Dr Kubra ta faɗi tana gyara zamanta.

Jim kaɗan sai ga Ummi ta shigo su Saratu na biye da ita a baya da kaya niƙi-niƙi.
A ƙa'ida a hannun miji za'a danƙa kayan sai ya haɗa da nasa tukuicin ya miƙawa amaryarsa.

Cikin sakin fuska Ummi ta kalli Dr Kubra tare da cewa.
"A a lale marhabin da Dr".
Murmushi tayi kana tace.
"Yauwa Ummin Sheykh ya mai jikin".
"Alhamdulillah jiki da sauƙi.
tace.
Tana amsar kayan hannun Saratu.
Tare da cewa.
"Yauwa kawosu nan, kije ki kawowa Dr ruwa".
To Suratu tace.
Ita kuwa Ummi amsar kayan tayi kai tsaye falonshi ta nufa da sallama a bakinta, yadda ta barsu haka ta samesu.
kai tsaye bedroom ta wuce da kayan taje ta ajiye kana ta dawo ta wuce ta ɗauko sauran sannan taje ta ajiye, tana fitowa tazo kusa dasu cikin kula tace.
"Yauwa Sheykh gacan tukuicin masarautar Joɗa, sai ka da kashi gareta sanda kaso".
Kai ya jinjina ba tare daya ɗago kanba.
Ita kuwa Ummi Aysha ta kalla tare da cewa.
"Aysha tashi muje ga likita tazo".
Cikin sanyi ta buɗe idonta kana tace to.

Ita kuwa Ummi tuni tayi gaba.

Yunƙura tayi a hankali ta miƙe tana mai cewa.
"Wash Allah na".
Miƙewa tsaye yayi tare da cewa.
"Allah'nmu dai".
murmushi yayi ganin yadda ta fara tafiya.
Cikin yin ƙasa da murya yace.
"Dawo ki zauna ba inda zakije kina tafi like ƴar kaciya.
ki tsaya zan duba abina da kaina, zanyi gyaran ɓarnar da nayin".
Cikin rauni tace.
"Ni bana so ita zata dubani".

Kanshi ya gyaɗa kana yace.
"Okay".

Ummi kuwa jin shirune yasa ta dawo,
nan yace su shigo nan ɗin.


A mutunce Dr Kubra ta gaisa da Sheykh kana ta kalli Aysha cikin kula tace.
"Meke damunki?".
Ido ya ɗan zuba mata don jira yake yaji me zata ce.
Ajiyan numfashin yayi a hankali jin tace.
"Kaina ne ke min ciwo sosai, sai kuma zazzaɓi, da jiri nakeji idona na ganin duhu".
Juyowa tayi ta kalli Sheykh cikin sanyi tace.
"Dr ni ai bansan ka dawoba, da bazanzo ba. Gaka a wuri kuma me amfanin nemana.
Yanzu zamu fita da Jamil sai in turo mata mgnin da kaga ya dace".
Kai ya jinjina kana yace.
"Kin san maganin wanda baka saniba yafi daɗin karɓa a wurin wasu, rubuta mata kawai ba matsala ki bawa Jamil ɗin ya kawo."

To tace tana murmushin yadda Aysha ta turo baki.

Bayan ta fitane Ummi kuwa ta zauna.
Ferfesun zabi ta zuba a plate yana zuba tiriri mai ƙamshi kana tasa mata tea, sannan tace.
"Zoki zauna kici kinji ko!".
Tana faɗin haka ta fita.

Shi kuwa Sheykh kanshi a sunkuye idonshi kuma na kan Aysha, a fakaice yake kallon Ummi bayan Ummi ta fitane, ya ɗan ɗago kanshi kana ya ajiye warshi, kusa da ita ya matso, a hankali ya gyara zamanshi suna fuskantar juna, Fork ɗin ya ɗauka ya riƙe yana dan sa Fork ɗin yana saɓule kasusuwan daga jikin naman kanshi a sunkuye yace.
"Ki dena hararata mana, me nayi miki haka kike min mugun kallo?".
Tura ɗan bakinta tayi cikin zubda hawaye tace.
"Ni ban harareka ba".
Kanshi ya gyaɗa ba tare da ya kalleta ba, kana ya sa hannunshi ya ɗauki cup ɗin, miƙa mata yayi har kusa da bakinta.
Kana ya gyaɗa mata kai alamun ta sha.

Wani irin lumshe ido tayi hakan ya bawa hawayenta daman zubowa.
a hankali ta buɗe idonta ta zubasu kan fuskarsa,
wani irin masifeffen abu takeji cikin zuciyarta, zirin kwayar idanunshi ta zubawa ido.
Tabbas Yah Ba'ana kekyawa ne ajin forko, amman yau data nazarci fuskar Sheykh sai take ganin ko rabin kyanshi Ba'ana bai samuba.

A hankali ta buɗe lips ɗinta jin ya manna mata kofin.
Lumshe ido tayi lokacin da taji ɗumi da ɗanɗanon team ɗin, wanda yake tamkar Ummey'nta ne ta haɗashi.
Kaɗan tashe ya janye kofin, kana yasa Fork din ya soki tattausan soƙan gasashen naman.
Bakinta ya nufa sashi tare dasa hannunsa ɗaya ya riƙe hannun damanta ya fara murzawa a hankali kana cikin yin ƙasa da murya yace.
"Haa".
Ya ƙare abun da alamun ta buɗe bakin.
Haka nan taji ta kasa yi mishi musu, cikin sanyi ta buɗe bakin yasa mata tsokar,
Ido ta lumshe sabida wani irin masifeffen daɗi da taji naman yayi mata, Allah ya sani bata taɓajin gashin naman da ya mata daɗi irin na yau ba.
wani ya kuma bata, still ta amsa taci.
Kana ya kuma bata cup ɗin tea ta kurɓa, haka yayi ta bata tanaci yana bata tea kana yana murza tafin hannunta cikin nashi saida tayi gyatsa kana a hankali tace.
"Alhamdulillah".

Ganin ya kuma miƙo matane yasa ta kauda kanta tare da lumshe idanunta tace.
"Yah Sheykh na ƙoshi".

Kanshi a sunkuye yace.
"Ban yardaba".

A hankali tace.
"Allah kuwa".
Numfashi ya ɗan fesar kana yace.
"To muga cikin".
A hankali tace.
"Gashi".

Hannunshi yasa bisa cikin nata, kana a hankali yace.
"Ɗaga rigar".
Tura baki tayi cikin jin bacci tace.
"In ɗaga kuma?."
Kai ya gyaɗa mata tare da cewa.
"Na'am ki ɗaga inga in cikin ya cika, sai muje bedroom inga wurin ciwon kuma".
Cikin zuba mishi ido tace.
"Uhumm". Sai kuma ya ajiye plate da cup ɗin a gefe kana ya miƙe tsaye,
hannunsa yasa ya miƙar da ita tare da cewa.
"Mu tafi bedroom".
Kai ta gyaɗa kana ta juya kamar zatayi bedroom nashi, sai kuma tayi maza ta nufi ƙofar babban falon da sassarfanta tanayi tana buɗa sawunta alamun tana jin ciwon tafiyar.
Ganin kamar yana biyo tane yasa ta ɗanyi ƙara tare da cewa.
"Wayyo Ummey zai kamani".
Sai kuma ta fara sassarfa tanayi tana yarfa hannunta.

Ido ya zuba mata yana kallon tafiyarta, cike da wani shauƙi. Murmushi yayi kana ya ɗauki sauran tea ɗin ya shanye.
Ajiye cup ɗin yayi ya tsallaka kwanukan ya nufi bedroom ɗinsa dan gaba ɗaya jikinsa ba ƙarfi yakeji ga alamun zazzaɓi ga bacci ga wani masha'hurin farin ciki.

Yana shiga ya kwanta lokacin ɗaya kuma bacci yayi gaba da shi.

Aysha kuwa a can falonsu ta samu Ummi, riƙe waya da alamu da Umaymah take mgna.
Tana ganinta ta mike tsaye tare da kamo hannun ta, bedroom ɗin Ayshan suka nufa tana mai cewa Umaymah.
"Alhamdulillah komai ya kusa baiyana da izinin ubangiji.
Gata ma".
Ta ƙare mgnar tana miƙawa Aysha data zaunar a bakin gadonta waya, cikin sanyi Aysha ta amsa kiran da Umaymah tayi mata.

Ido ta lumshe tare da konciya ta juya ta bawa Ummi baya sabida masifar kunya da takeji, da sauri ta kuma rumtse idanunta jin Umaymah na cewa.
"Sannu ko Aysha, Allah ya miki al'barka yasa al'barka a taraiyar ku, Allah yasa nanda wata goma masu zuwa inji lbrin haihuwar jika kamar yadda naji lbrin tukuicin masarautar Joɗa."
Cike da kunya tayi shiru sai dai a zuciyarta tace.
"Amin".
Ummi kuwa falo ta fito jin muryar Jamil.
Ledan magungunan ta amsa tare da nufar Dinning area fridge ta bude DuDu mai sanyi ta dauko,
ta dawo ɗakin Aysha.
Magungunan ta bata tasha da sassayan DuDun kana, ta gyara mata rufuwan ta, sannan ta amshi wayar ta juya ta fita tana mai ci gaba da mgna da Umaymah tana gaya mata abubuwan da aka haɗawa Aysha na tukuici.

Ita kuwa Aysha tuni bacci yayi awon gaba da ita.

A can birnin Yahunde kuwa na ƙasar Cameroon,
Ba'ana ne zaune gaban bokanshi sun sa kasko a gabansu.
Cikin tuhuma Ba'ana yace.
"Tun ɗazu nake cewa ka buga min ƙasa inga Mata inga meke faruwa da ita, sai kayi tamin zanen banza ka gaya min meya faru?."
Cikin tsananin tsoro da kaɗuwa Boka yace.
"Ba komai ita bacci ma takeyi yanzu haka. Kaje sai jibi mu buga muga meke wakana' dan sam yau abun yaƙi nuna komai sai haske mai kashe ido".

Cikin kwaffa Ba'ana yace.
"Lallai kwannan zan tafi Nigeria dole zan koma domin amso matata dole zan tafi".
Yana faɗin haka ya juya ya fita.


Alhamdulillah Aysha kuwa tana farkawa bacci taji komai ya lafa sosai sai abinda ba'a rasa ba.

Bathroom ɗinta ta shiga gasa kanta ta kumayi da ruwan ɗumi kana tayi wonka ta fito ta canza kaya,
Sosai taji daɗin jikinta, sallaya ta shimfiɗa dan yin salla.

Sheykh kuwa tuni ya nufi masallacin Masarautar Joɗa.

Bayan ta idar da sallan Ummi ta kirata suka fito falo.
Tana gaba Ummin na Binta a baya don so take ta kalli yanayin tafiyarta.

Bayan ta zaunane Ummin ta ɗauko tray mai ɗauke da Foodflaks tazo ta ajiye a gabanta.

Acan masallaci kuwa ana idar da sallan Sheykh ya nufo gida.

Yana shiga falon, ko tsakiyar falon bai isoba yaji Muryar Gimbiya Saudatu a bayanshi tana cewa.
"D...!"







Littafin GARKUWA na kuɗine in kinason ga number ta 09097853287 kiyi