You Cannot Download this book untill you login but you can read it .

---

Login Register

yace "Ah nagane to bari na sanar da su."


Baba mai gadi na kaiwa bakin ƙofar falon ya kwankwaso ba tareda ɓata lokaci ba AFREEN tazo ta buɗe ƙofar, tana ganin baba mai gadi ne tayi murmushi tace "Baba Barka da warhaka ku shigo daga ciki mana."



Shima baba mai gadi murmushi yayi yace "A'a ɗiyar albarka ba sai na shigaba dama Alhaji yayi baƙi shine sukace nazo na sanar da zuwan su dan haka ki koma ki faɗa ma Alhaji cewa yayi baƙi kuma sun ce ace ɗiyan abokinsa ne Sumana, abinda alhajin yace sai ki dawo ki faɗa man ina nan ina jiranki."


Jin abinda mai gadi ya faɗa yasa gaban AFREEN faɗuwa ba tareda da tasan dalilin hakan ba, haka kawai taji tanason gani ko su waye, koma yin murmushi tayi sannan tace "To shikenan bari na sanar da shi."


Ba tareda AFREEN ta jira jin abinda baba mai gadi zai koma cewa ba ta juya ta koma falon, Papa na zaune saman babba kujerar dake cikin falon AFREEN ta ƙaraso kusa dashi ta zauna tace "Papa inji baba mai gadi yace a sanar dakai cewa kayi baƙi kuma sunce su ɗiyan abokinka ne Sumana."


Papa najin abinda AFREEN ta faɗa yayi saurin ɗagowa daga kishingiɗan da yake tareda gyara zaman sa sosai a kujera sannan yace "Yima maza je kice a shigo dasu ya za'a barsu a tsaye waje kuma cikin rana," maida kallon sa yayi ga Zeinab yace "Zeinab tashi ki shigo da su, ke kuwa AFREEN kuje keda Fanna ku haɗa masu abu mai sanhi da abinci mai rai da lafiya."


Ba tareda ɓata lokaci ba duk suka nufi gun abinda papa yasaka su AFREEN da Fanna suka nufi kitchen ita kuwa Zeinab ta nufi hanyar fita daga falon inda suke tsaye ta ƙarasa tare da gaishe su cike da sakin fuska suka amsa mata sannan tace "Papa yace ku shigo daga ciki" tana faɗar haka ta juya ta fara tafiya.


Ba musu suka bi bayan ta daidai ƙofar falon suka ja suka tsaya a lokacin Zeinab har ta buɗe ƙofar tare da zura ƙafarta ta dama, amma jin sun tsaya yasata juyowa ta sakar masu murmushi sannan tace "Yaya ku shigo mana papa nanan falo yana jiran ƙarasowar ku."


Murmushi suma suka sakar mata AFREED harda lumshe ido saboda sosai yaji dadin kiransu da yaya da tayi a cikin zuciyarsa yake faɗin "Daga gani gidan nan akwai tarbiyya."


Ali ne ya fara ɗaga ƙafarsa yayi cikin falon sannan AFREED ya bi bayan sa tareda sallama a bakunan su, dam da dam AFREED yaji gabansa ya faɗi lokacin da ya tsintsi kansa a daidai shigowa falon ba tare da kawo wani abu a ransa ya yi addu'a ya ida shiga daga cikin, da fara'a papa ya taso har idan suke ya shiga tsakaninsu ya kama hannuwan su ya ida ƙarasawa dasu a cikin falon ya zaunar dasu saman kujerar daya tashi kamar wasu ƙananun yara sudai kam binsa suke a duk inda yayi dasu, sannan ya nufi kujerar dake fuskantar su ya zauna da murmushi ɗoke da fuskar sa, har papa ya buɗe baki zaiyi magana sai ya tsintsi muryar su suna gaishe shi, amsawa yayi cikin fara'a.


Sannan papa yace "Masha Allah AFREED Ali kun girma fah dan sosai na daɗe rabona da ku tun kuna yara yan shekara sha ɗaya sai kuma in an nunoku a TV, amma duk ganin da nake maku sai naga yanzu a gaba naga kunfi girma, ya kuke ya gida ya aiki dadyn naku yace man kuyi wata ɗaya a garin nan amma fah ko ya faɗa man kunanan."


AFREED yayi murmushi tareda ɗago da kai kalli papa a take ya ji mutuman ya kwanta masa yace "Lafiya lau alhamdulilah papa da fatan mun sameku lafiya, eh wallahi muyi wata a garin gobe ma zamu koma insha Allah.


Papa yace "To har zaku koma kenan nida naso ace a nan kuka sauka amma babu komai akwai wata rana."


AFREEN da Fanna ne sun fito daga kitchen rike da abinci da juice da ruwa a hannu suna tunkaro falon gaban AFREEN nata faɗuwa kuma ta rasa dalili, dan tunda taji muyar wanda ya shigo falon ta shiga cikin wannan halin sai tambayar kanta take ina tasan wannan muyar, haka take wajen AFREED ma sai faduwa gaban sa kuma yarasa dalili dan fira da suke da papa bawani jinsa yake dan hankalin ba ya wajen shi, suna gab da ƙarasowa falon wayar AFREEN tashiga ruri tana neman agaji, duba wayan tayi taga sunan data sakawa KAMAL ne ya fito sai ta saki wani irin murmushi, sannan ta juyo ta kalli Fanna tace "Sister dan Allah ki ƙarasa da kayan abinci cikin falon zanje na ɗaga waya KAMAL na kirana."


Fanna tace "To shikenan cœurly ajiye a nan idan na kai wannan sai na ƙarasa da wannan ɗin."


Murmushi AFREEN ta sarka mata sannan ta ce nagode cœurly," tayi gaba abinta ba tareda ta tsaya jin abinda Fanna zata faɗa ba."


Fanna na ƙarasawa falon tayi sallama tareda gaishesu batare da ta kalle su ba, kallo ɗaya duk suka mata sannan suka amsa gaisuwar tare da ɗoke kansu daga gareta lokaci guda sannan ta duƙa ta ajiye plet ɗin dake ga hannu ta, har ta miƙe tsaye papa yace mata "Ina AFREEN ɗin take ne na ganki ke ɗaya."


AFREED najin haka gaban ya ƙarayin wani irin lugude ya faɗi har saida ya riƙe wajen zuciyarsa, yana cewa AFREEN kuma to su anan garin basu da sunan sakawa yaransu sai wannan sunan kodai AFREEN ɗin da nasani ce? Kai ba ita bace watace daban amma ni sai naga kamar wada nasani din sunyi kama da wannan abokin dadyn bare idonsu kusan irin dayane kwayar idonta brown ne shima kuma papa nashi brown ne kodai abinda nake zargi ne idan hakane ai abin yazo man da sauƙi, anya kuwa nidai ina tantama.


Yana cikin wannan tunanin yaji muyar Fanna na cewa "An kirata a waya ne shiyasa nace ta tafi zan ƙaraso da abincin."


Murmushi papa yayi yace "Toh madala Allah maku albarka je ki ida kawo sauran."


Da to Fanna ta amsa sannan ta juya ta ida kawo sauran plet ɗin daganan papa yace "Taje ta kira masa matan nasa dan su gaisa da su AFREED."


Haka Fanna ta juya take kiran su maman AFREEN ba tare da ɓata lokaci ba duk suka haɗu a falon duk sun gaisa maman AFREEN ce ƙarshan fitowa tana saukowa daga escalier (stairs) cikin shiga ta kamala ta wata dakakiya shada irin uwar gida ta ɗoki yurin ta ɗin nan tana ƙarasowa falon ta zauna kusa da papa tana sakin murmushi tare da kallon inda su AFREED suke a zaune sannan tace "Sannu ku da zuwa yarori na ya kuke ya hanya?"


Ba tare da sun ɗago ba saboda duk kanun su a duƙe suke, Ali ne yayi magana kamar haka "Lafiya lau mama Alhamdulilah mun sameku lafiya?"


Shikuwa AFREED sai murmushi yake ya kasa cewa komai sabida lokaci guda yaji ya jin kunyar matar da wani girman da yake gani a a nan take, duk da ko fuskarta bai gani ba."


Can suka tsintsi muryar maman nacewa "AFREED da Ali Macha Allah kun girma kamar dai ba ku bane mukaje bikin ku nida papan su Fauziya lokacin ina amarya bayan wata shida kuma na koma ni ɗaya wajen bikin Ali lokacin papan su baya gari Allah sarki Ali Allah ya jikan mahaifiyar ka Allah mata rahama kuma yasa aljana ce makomar ta ameen, ina mahaifiyar taku Hajiya Falmata da fatan tana lafiya?"


Da sauri AFREED da Ali suka ɗago suna kallon maman jin yanda ta kama sunan su kuma take ɗan bada ɗan ƙaramin labarin rayuwar su, dam da dam AFREED yaji gabansa yayi wani wawan faɗuwa lokacin da yayi tozali da fuskar maman wada yake kallon kamanin AFREEN shinfiɗe a fuskar ta ƙara waro idonsa yayi sannan ya lumshe su tare da maida kansa ƙasa.


Yana cike da mamaki suka amsa mata cewa "Tana lafiya."


Kuma kamar an tsayar dasu sai suka yi shiru shikuwa AFREED na tunanin zuci na cewa "Shin itace mahaifiyar ta ko kuwa kama ce dai suke, ko dai gizo ne yarinya nan keyi min da duk wanda na kalla a gidan nan yake min kama da ita? Ya Allah ka samamin mafita ka ƙara haɗani da yarinyar nan kamin na bar garin nan."


Can dai ya daina tunanin da yake ya dawo da hankalin sa wajen su suka ci gaba da fira su tanti sai washe baki ake anji cewa AFREED shine ministan tsaro a ran ta tana cewa inama ace Hamida ta isa aure da na baya ita ya aura ko ta halin ƙaƙa ne."


Sune basu bar gidan ba har sai ana shirye-shiryen sallah azahar suka masu sallama sun tashi zasu tafiya maman tace "Ku tsaya na baku saƙo ku kaiwa mahaifiyar ku." Ba tare da maman ta tsaya jin abinda za su ce ba tayi saman escalier (stairs) bata jima ba ta sauko ɗoke da wata leda ta basu tace "Ku kaima ta kuce nace ina gaisheta tunda yanzu ta yarda ni bata zumuncin dani."

Murmushi sukayi sannan Ali ya ƙarɓa suka bare falon, papa ya rakosu har bakin motarsu yana tajin daɗin zuwan su kuma sai yaji ma kamar kada su tafi, haka suka shiga mota suka tada suka bar gidan papa na ɗaga masu hannu tare da masu fatan Allah ya tsare har sai ya daina gani su sannan ya koma ciki.


Su AFREEN kuwa ana can anata waya da KAMAL.


*Agurguje*


Yau wata uku kenan da su AFREED suka bar Maraɗi kuma a cikin wannan watan uku abubuwa dayawa sun faru kamar fasa auren KAMAL da AFREEN dalilin mahaifiyar KAMAL da tashiga ta fita ta wargaza abin sabida so da take KAMAL ya auri wata ɗiyar ƙawarta wada ɗiyace a wajen gouverneur (governor) kin Zinder, dalilin haka ba karamin shiga tashin hankali AFREEN da KAMAL sukayi ba amma ya zasuyi haka suka haƙura, bayan KAMAL ma tayi wasu samarin har guda uku, amma duk suna rabuwa komin suka ɗaɗe da mutun to da an fara maganar aure sai abin ya lalace.


Wajen AFREED kuwa tunda suka koma gida ya ƙasa sukuni soyayyar AFREEN da bai taɓa zata ba tayi masa mugun kamu wanda har sai ya sashi ya kwanta rashin lafiya, kullum cikin tunani ta yake har yana ji a ransa idan bai sami AFREEN to zai iya rasa ransa amma kuma yaƙi faɗawa kowa cikin kuwa harda Ali dan har lokacin da ya kwanta asibiti likita ya sheda masu cewa tunani ne da damuwa suka masa yawa idan bai daina ba kuwa zai iya kamuwa da rashin lafiya dan sosai yake rashin lafiya yanzu hakama ba koda yaushe ya zuwa office ba sabida rashin ƙarfin jiki.


AFREEN saboda yawan samun matsala da fasa aurenta da akeyi yasa ta daina kula samari ta maida hankalin ta ga karatun ta.


A yau ne ya kama saura sati uku auren Anty Khairat yayi daidai da saura wata biyu da sati ɗaya auren Ali da Umar tare da ƴan matan su Khadijah da Fariya.


Duk da abin nan dake damun AFREEN na yawan fasa auren ta da akeyi ba tare da sanin dalilin da yasa hakan ke faruwa da ita ba, hakan yasa idan ta keɓe ita kaɗai a ɗakin, ta kanci kuka sosai har sai ta godewa Allah sannan take fitowa ta ci gaba da harkokin ta na cikin gida, kuma hakan bai hanata shiga cikin daginta ba aka shiga shirye shiryen auren ƴar uwar ta.


AFREEN tayiwa kanta alkawarin ce wa daga RAHIM ba zata sake yin wani saurayi ba zata zauna hakanan ba sai tayi auren ba tunda haka Allah ya tsara mata rayuwa akan duk mutuman dake da niyyar aurenta sai ya fasa,tashi tayi daga kwanciyar da take ta koma gaban mirror tana kallon kanta daga sama har ƙasa ta juya ta ƙara juyawa sannan ta koma duba kanta cikin mirror tace "Babu inda Allah ya rageni, saboda ina da kyau irin mugun kyau ɗin nan da yake yawan tsorata mutane da basu mamaki ina da diri iya diri haka ƙirjina a cikin yake masha Allah no banga abin makusa ba a jikina ba da maza ke yawan fasa aurena banga inda na raguba duk da ƴan magana sunce mutun tara yake bai cika goma, duk ni dai banga aibu na ba kodai inada wani hali mara kyau ne ban sani? ya Allah kayaye min duk wata damuwa ta Allah ka shiga lamarina ka duba halin da nake ciki ka fitar dani kada ka ƙara bawa kowane namiji damar wulakanta."


Kawai sai ta fashe da kuka ta koma saman bed ɗinta, ta shiga rera kuka mai cin zuciya idan kaga halin da take ciki dole ka tausaya mata, tana cikin kukan ne wayar ta ta kama ruri har kiran ya katse bata ma san an kirata ba sabida tana cikin tashin hankali.


Haka kullum take fama da zuciyarta duk ranar da ta kasa hakuri da abinda ke damun ta to zata fashe da kuka ita ɗaya a ɗaki tayi tayi har sai ta ƙoshi dan gaban kanta tayi shiru, yau ma haka ce ta kasance ta shiga ɗaki yin Sallah azahar kawai sai abin ya faɗo mata a rai sai tashiga tambayar kanta shin wai miye aibunta da kullum sai za'a aurenta a fasa ko dai ita haka Allah ya yi mata tata ƙaddarar tanayiyuwa ma ba zata taɓa aure ba a rayuwar ta, haka dai tayi ta zancen zuci ita ɗaya a ɗaki wani abin ta masa kuka wani tayi murmushi.


Daga nan saman darduma bacci yayi awon gaba da ita, a cikin bacci da take ne tayi mafarkin wani mutum na mik'o mata hannu tare da cewa *"AFREEN ki taho mutafi duk faɗin duniyar nan bakida miji da ya wuce ni dan haka ki daina ba ma kanki wahala, sabida ko gobe idan kikayi wani sabon saurayi sai kun rabu sabida ba mijin ki bane ni daine mijin ki kuma ina nan zuwa in tafi dake, dan haka ki tausaya min ki daina zubar da hawayen ki saboda wasu, dan wallahi kukanki na ci min zuciya, ko kinason nayi kuka ne?"*


Batasan lokacin da ta shiga girgiza kai ba cikin bacci tana ƙoƙarin share hawayen, kallon ta yayi yace "Koke fah to yimin murmushi ko zanji sanhi cikin zuciyata dan Allah banason ganin ki cikin damuwa ni ma duk sai naji bana cikin natsuwa."


Aiko sai ga AFREEN na sakin murmushi cikin bacci, shima murmushi ya saki tare da matsowa kusa da ita yana cewa "Ko ke fah yanzu dana ganki cikin farin ciki nima sai dana naji wani irin farin cikin ya ziyarci zuciyata dan Allah kada kiƙara min asarar hawayen nan naki masu tsada kinji ma femme ?"


Ɗaga kai tayi alamar to sannan yayi murmushi tareda cewa "Je t'aime beaucoup beaucoup (ina sosai da sosai)."


Harta buɗe baki itama ta fara da cewa "Moi......


Sai taji an fara tashin ta daga bacci Khairat ce ke tashin ta tana cewa "AFREEN tashi man bacci ya isa haka kije kiyi sallah har ƙarfe biyar tayi."


Firgigit ta tashi tana salati tareda cewa "Subhanallahi!!! soeurette ya akayi nayi bacci mai tsayi haka har lokacin sallah la'asar ya wuce ni inna lilahi."


Ba tare da ta jira mi Khairat zata faɗa ba ta tashi ta shige toillet bata wani jima ba ta fito ɗaure da alwala ta koma saman darduma ta tayar da sallah ba tare da tabi ta kan Khairat ba da ke saman bed ɗin ta tana saka mata murmushi.

Tana ƙarasa sallar ta juyowa ta kalli Khairat tace "Kai yau antyn nayi bacci sosai daga fah nayi sallah azahar sai na ɗan gincira shikenan nan fah sai bacci ya kwashe ni, wallahi duk banji daɗi ba da lokacin sallah ya wuce ni wannan wane irin bacci ne nayi haka?"


Dariya Khairat tayi sannan tace "Hum bacci kam mai daɗi kikayi tunda na tardoki kina ta murmushi da magana ƙasa ƙasa cikin baccin naki nasan wani mafarki ne kikeyi mai daɗi shiyasa ko, to bani labarin nasha."



Saƙe AFREEN tayi tana kallon Khairat na Kusan minti biyu sannan ta buɗe baki har zatayi gardama cewa batayi ba kawai sai mafarkin da tayi ya faɗo mata a rai da sauri ta waro ido waje tace "Anty Khairat da gaske nayi magana cikin bacci duk ana jin abinda nace?"


Da sauri Khairat tace "Dakata little sister kwantar da hankalin ki gayaman mike faruwa shin kinji tsoro ne a mafarkin naki ko kinga wani abin mamakine? amma da alamu mafarki ya maki daɗi tunda tsintar kinayi kina murmushi cikin bacci naki kowa ya ganki yasan mafarki ya maki daɗi." Khairat ta faɗa tana murmushi.


Shiru AFREEN tayi tana tunanin mafarkin da tayi tana mamakin ina tasan wannan fuskar Ita dai ta sanshi amma ta kasa tuna ida tasan shi ɗin.


Juyowa tayi ta kalli Khairat tace "Ni nakasa ma tuna mafarkin anty." Ta faɗi haka ne saboda idan tace ma Khairat ta tuna mafarkin to fah zata dameta ne da sai ta faɗa mata ko wane irin mafarki ne amma ita kuwa gaskiya ba zata iyawa faɗa wa anty Khairat wannan mafarkin ba ta mata dariya.


Khairat najin haka tasan bata son faɗa mata ne kawai sai tayi murmushi tace "To shikenan ƴar ƙanwata kada ki damu tashi kike kiyi wanka sai ki fito kirakani gidan su Maryam na kai mata katin gayata aure da goro kinji."


AFREEN tace "Kai anty yamma tayi fah mu bari har gobe mana in Allah ya yarda."


Sai Khairat tace "A'a gobe inda zamuje da yawa suke, ki shirya kawai mutafi yanzu, kamin magariba mun dawo."


"To shikenan anty bari na shirya." Ba tareda da jiran jin abinda Khairat zata ce ta faɗa toillet.


Tana shiga ta tsaya tunanin mafarkin ta cikin tunanin ne ta hango fuskarsa yana mata murmushi, da sauri tace "Nagane shi wallahi shine na taɓa haɗuwa da shi masallaci cin sahaba kuma da gun saukar Alƙur'ani da nayi, to miya ke nufi da shine mijina, wai miye ke shirin faruwa dani ne miyasa yake bibiya ta?"



*BONNE FÊTE*

*HAPPY SALLAH*

*BARKA KU DA SALLAH*

*MASOYANA*










*MASHA ALLAH.......*
🌸🌸🌸🌸🌸🌸🌸🌸🌸🌸
*ZAMBA CIKIN AMINCI*
🌸🌸🌸🌸🌸🌸🌸🌸🌸🌸



Écrit



Par




*QUEEN ZEEFAT*




_Ƴar_
_Mutan_
_Niger_




*Wattpad@nazichou*




💫✨ *TAURARIN MARUBUTAN NIGER (ASSO.)*🌟
_(Tsintsiya mad'aurinki d'aya)_🤝
☆ *[ T.M.N.A]* ☆ 📖🖊️

https://www.facebook.com/Taurari-marubutan-niger-111773560677003/




_*BISMILLAHIR RAHAMANIR RAHIM*_



*Page*: 43 & 44


Tana shiga ta tsaya tunanin mafarkin ta cikin tunanin ne ta hango fuskarsa yana mata murmushi, da sauri tace "Nagane shi wallahi shine na taɓa haɗuwa da shi masallaci cin sahaba kuma da gun saukar Alƙur'ani da nayi, to miya ke nufi da shine mijina, wai miye ke shirin faruwa dani ne miyasa yake bibiya ta?"


Ta ɗauki lokaci tana zancen zuci kamin daga bisani tayi watsi da zancen ta fara wanka, ba tare da ɓata lokaci ba ta ƙarasa ta fito, a gaggauce ta shirya cikin wata haɗaɗiya doguwar rigar atanfa sannan ta murza mai ba tare da ta saka ko lips ba ta zaro hijab ɗin ta da niƙaf ta fito falon gidan a nan ta saka hijab ɗin sannan ta ɗaura niƙaf ta fice daga falon sabida ba kowa a falon kuma anty Khairat na waje bakin mota tana jiranta.


Tana ƙarasowa inda Khairat ke tsaye ta sauke wani ɗan gajeren lumfashi sannan tace "Anty na tsayar dake ko? To dan Allah kiyi hakuri, kisan halin shirina."


"Karki damu ƴar ƙanwata karɓi key ɗin motar ke zakiyi conduire (driving) ɗin mu dan ni gajiya gareni."


Ba musu AFREEN ta ƙarɓi clé (Key) ɗin ta kewaya ta shiga mazaunin direba ita kuwa Khairat ta shiga ta zauna wajen mai zaman banza, sannan AFREEN ta tayar da motar suka bar gidan.


Daga gidan su Maryam abikiyar Khairat suka wuce gidan anty Fauziya, suka sha hira, sai bayan sallah isha'i suka dawo gidan.




***************************

Ɓangaren AFREED kuwa har yanzu abu yaƙi yin baya sai cigaba yake, kwance yake idonsa a lumshe kamar mai bacci amma ba bacci yake ba da hannunsa na dama dafe daidai saitin zuciyarsa yana jin yanda take masa raɗaɗin ciwon son AFREEN, sosai yake mamakin kansa cewa wai shine yau yake son wata daba tama san yana son taba, shida bai taɓa soyayya ba amma gashi ya faɗa tarkon wata Wada ko a kashe shi yanzu bai san ina zai gan taba sosai yayi nadamar zuwan sa maraɗi dan gani yake ida baje ba da bama zai haɗu da itaba bare har yayi ta rashin lafiya sabida ita.


Yana cikin wannan tunanin ne ciwon nashi ya tashi, ya fara kakari amai ke nan Ali ya faɗa ɗakin da sauri ya ƙarasa gunshi ya kamusa a lokacin har ya faɗo daga saman gado, daidai lokacin da Ali ya riƙosa kawai sai ya fara aman jini saman jikin Ali, ai kuwa hakalin Ali yayi mummunan tashi da ganin ɗan uwansa cikin wannan halin bai taɓa tunanin abin nasa ya kai haka ba, tsananin ruɗewa da Ali yayi sai jijiga shi yake ya ma rasa ta ina zai fara basa taimakon gaggawa, cike da tashin hankali yake cewa "S'il te plaît AFREED relax (please afreed relax)."


Da ya ga haka sai ya ƙara fita hayacin sa yasa kawai sai ya fita daga ɗakin a guje ya kira direba gidan ganin Ali cikin tashin hankali yasa shima Ilya direba tada hankalin sa yana cewa "Mai gida lafiya kuwa."


Ina Ali baida ko bakin maga sai nuna masa ɓangaren su wake ai Ilya na ganin Ali ya kwasa aguje shima ya bi bayan sa a guje suka faɗa ɗakin AFREED a lokacin ciwo har ya ci ƙarfin sa dan har ya suma, Ali na taɓasa ya ga alamun babu numfashi a jikin sa ai baisan lokacin da ya kwala wata uwar ƙara bayana kuka sosai kamar mace da AFREED riƙe a jikinsa yana "Faɗin dan Allah ɗan uwa ka tashi kada ka mutu ka barni inna lilahi."


Yana cikin wannan tashin hankali yaji Ilya direba nace masa "Mai gida kama shi mu kai shi asibiti tana yiwuwa suma yayi."


Sai a wannan lokacin ne Ali ya tuno cewa shima da yaje kiran Ilya direba dan ya kama ma AFREED ɗin ne suje asibiti ai da sauri ya ciciɓi AFREED shida Ilya direba suka fito da shi da sauri suka saka sa a mota Ilya direba na ƙoƙarin shiga motar Ali ya dakatar dashi ta hanyar cewa "Kaje ka sanar da Momy cewa mun tafi asibiti."


Batare da ya tsaya jiran jin abinda Ilya direba zai faɗa ba ya fizgi mota a tsiyace ya ɗo hanyar asibiti cikin ƙenƙanan lokaci ya ƙarasa ba ma gun da ake yin parking ba yayi parking ya fito a guje ba tare da ya ma tsaya rufe murfin motar ba, ba'ayi minti biyu ba sai gashi ya dawo tare da nurses maza da gadon aza marasa lafiya a guje suke tafe da sauri suka za'a AFREED saman gadon suka tura sai cikin asibitin emergency room akayi dashi cikin gaggawa likitoci suka rufa kanshi, Ali nada bakin ƙofar ɗakin ya kasa zaune ya kasa tsaye sai kai kawo yake, hawaye sai zubowa suke saman kumcin shi yana ta addu'a a cikin zuciyarsa.


Ba ayi minti 5 da shiga da AFREED Momy da ƴan biyu suka shigo cikin asibitin a guje suna ta waige waige sai can suka tsinkawo Ali na kai da kawo bakin ƙofar wani ɗaki da gudu suka ƙarasa hankali a tashe momy ke riƙe da Ali tana tambayar sa miyasa mi AFREED mike faruwa sukuwa ƴan biyu kuka kawai suke suna kallon sa suna jiran jin abinda zai cewa momy, amma ina shima ya kasa magana sai kukan yake ya shige jikin momy yana kuka