You Cannot Download this book untill you login but you can read it .

---

Login Register

bakin gado ta zauna sannan AFREEN ta ɗago tace "Maman barka da gida."


Saida maman ta kwashi kusan minti ɗaya ta na karantar halin da AFREEN ke ciki sannan tace "Yawa AFREEN lafiyan ki naga duk idon ki ya kumbura, ko kuka ki ka yi?"


Da murmushi AFREEN ta dubi mahaifiyar ta, Sannan tace maman kuka kuma da aka yi man mi zanyi kuka, kawai kaina yake man ciwo tun dazun nan nayi bacci na tashi amma bai daina ba sai na sha magani kuma na sake kumawa bacci saboda ina tunanin ko bacci da na jima bayi bane a daren jiya yasa hakan amma ashe ba haka bane, tunda ga shi yanzun ma ciwon ya ke min."


Har ga Allah maman ta yarda da hakan shiyasa cikin tausayawa tace "Haba AFREEN ya zaki zauna da ciwon kai har tsayin wannan lokaci ba zaki faɗa ba, gashi kuma kika yi ta bacci baki ci komai ba duk safiyar yau ko yinwa ai zata saka maki ciwon kai mana, tashi muje kici abinci sai mu tafi asibiti a dubaki ai ba a zama da ciwo haka yanzu haka zafi ne ya maki yawa.


"A'a maman da safe nayi breakfast fah lunch ɗin ma banji yinwa ne shiyasa bayi ba."


"To yanzu tashi huce muje ko ba kaijin yunwa zaki ci abinci mu wuce asibiti ehe saboda baki isa mahaifin ki ya dawo ya ta do baki da lafiya ya hauni da masifa ba gaskiya."


Ba musu AFREEN ta tashi ta lumke darduma ta mayar da ita inda take ta dawo kusa da mahaifiyar ta tace "Maman ai papa ba zai san haka ba idan bake ki faɗa masa ba kinga ba sai muje asibitin ba daga naci abincin sai na koma shan maganin shikenan zanji sauƙi da ikon Allah."


Wata yar harara maman ta sakar mata sannan tace "Ke ni wuce muje."


Maman tayi gaba AFREEN tabi bayan ta, suna zuwa falo maman ta nuna ma ɗaya daga cikin mayan kujerun dake falon tace "Zauna a nan zanje na sama maki abinda zaki ci."

"Ba musu AFREEN ta zauna inda ta nuna mata, sannan maman ta juya ta nufi kitchen, ba wani dauki lokaci ba ta fito da plet da kuma juice 🥤 ɗin mangue (mango🥭) ta ajiye a gaban AFREEN da keta raraba ido don samun mafita da zata hana su je asibiti.


Maman tace "Zauna saman kafet ki maida hankali kici bari na kawo maki ruwa, maman da ta nufi fridge sai ta ɗoko hada lait (milk🥛) da bidon ɗin ruwa ta nufo AFREEN da su sannan ta ajiye mata, ta zauna a saman kafet ɗin kusa da AFREEN tace "Mi kike jira da baki fara cin abinci ba maza ki fara kina ga bataman da lokaci," maman ta faɗa tana mai buɗe plet ɗin na sama.


Soyayyar doyace da taji kwai sai yar vinaigrette a gefe, daga gani kasan taji daɗi.


Har AFREEN ta fara ci ta ɗago tace maman ai dai kinsan ba duka zan ciye wannan abin mai yawa haka."


Wannan abin ne ke da yawa kawai dai baki son cin abinci narasa komai yasa haka duk gidan nan kece a baya wajen kincin abinci, to yi maza kici baki wanda zaki iya ci sai muje asibitin.


AFREEN tana ƙarasawa ta ɗoki lait ɗin tasha da ruwa ta bar juice🥤 ɗin, sannan ta kalli maman tace "Na ƙoshi."


Maman tace "To bari naje na ɗauki hijab ɗina da key na mota na mu wuce asibiti."


Kamin ta tashi AFREEN ta riƙon hannun ta tace "maman dan Allah ki dai na maganar asibitin nan wallahi na daina jin ciwon kan ya rage dama inaga yunwa ce tasa ya ki daina min ciwo amma ina ci yanzu ya rage kuma nasan zuwa anjima zai daina min ciwo gaba ɗaya."


Ɗan hararan ta maman tayi tace "To sarki kin tsoron alura da magani na yarda kada muje asibitin amma da sharaɗin yanzu zaki kuma shan magani."


Da sauri AFREEN ta ɗaga kai tare da cewa "Eh." Dan ita da ayima ta alura karama ta sha maganin duk da shima ba ƙaunar shan sa take ba."


Murmushi maman tayi da jin ta amince dan Kada a aje asibitin sanin irin tsoron alura da AFREEN keyi.


Ba ƙaramin tashi hankalin AFREED yayi ba ganin ya kasa samun AFREEN, babu kiran da bai mata ba shiru, haka maganar da yayi mata a whatsapp tafi a irga amma sai yaga tunda safe wajen ƙarfe bakwai da ta sauka ba sake kuma online ba haka yayi mata text message shima babu amsa daga ƙarshe ma idan ya kirata sai ace wayar ta kashe take saboda tunda AFREEN ta samu labarin miji da papa ya mata ta kasa ɗaga wayar sa dan bata masan mi zata faɗa masa ba daga ƙarshe ma ta kashe wayar da niyar zata canza number saboda inda ya daina samun ta a waya dole zai hakura, kuma tana gudun kada ta barshi yayi ta sonta alhalin ba auren sa ba zata yi gara dai ta fara nesa da shi gudu kada ta masa brisé coeur.


A ranar kwana ma gagara sa yayi sai da ya yi sallar asuba kamin ya samu bacci ɓarawo ya sace shi.

Tanti na fita daga gida ba ta tsaya ko ina sai gidan anti hawa ku ta shiga tarda yayar ta ta ta shirya kawai bai su tsaya komai ba suka ka ma hanyar gidan kawar tanti don tun jita sun sanar mata cewa yau akwai tafiya gidan boka, dan haka suna fita cikin motar da tanti ta zo da ita direct gidan Hajiya lubabatou suka wuce sun tarda ta shirya su kaɗai take jira basu wata wata ba suka ma hanya yini ranar a gidan bokaye dayan tsubo suka ƙare shi amma amsar guda suke samu cewa "Wannan auren na AFREEN sai anyi saboda rantsatsen aure daga Ubangijin dama ko cen da tayi ta ɓata ma ta auren saboda su wa'in cen din ba bu mijinta a cikin su ko da bata zama silar ɓata auren to zai lalace kamin tayi hakan amma dan wannan fa dai anyi sai idan anyi a hana su zaman lafiya da miji har ya sake don gaskiya idan AFREEN ta zaman ta yaron nan to ta gama dace da miji kuma zata ɗaukaka sosai da sosai.


Hankali a tashe suke barin gidan ko wane malami, gidan na ƙarshe da suka fito tanti ta aza hannun ga kai ta fashe da kuka tace "Na shiga uku ita wannan yarinyar da wace irin sa'a tazo duniya ne wai da gaba ɗaya ta ki tamnuwa ta ki haɗu to bata isa ba ni sai nayi maganin ta."


Anty hawa ta kamo hannuwan ta sauke su ƙasa, Hajiya lubabatou dafa ƙafaɗar ta tayi tace "Kawata kin kwantar da hankali ki ita ɗin banza miye ita, duka wajen malami biyar ne fa muka je ni ban kaiku wajen nawa bokan ba mai aiki kamar yankan yuƙa, shi kam idan muka je gun sa ta ƙare dan haka yanzu mu koma gida na shi da ke kusa muyi sallah azahar da la'asar tunda muka fito muke tangarara a titi ko sallah ba muyi ba gara muje mu sake nauhin ta daga nan sai muka hanyar daƙoro (Wani ƙauye ne dake cikin jahar maraɗi) idan zan haɗa ku da wani shahararren boka ƙasurgumin matsafi na tabbata nan ba makawa buƙatar ki zata biya."


Ba musu suka bi shawarar ta tare da nufar gidan Hajiya lubabatou suna ida sallah suka suka ɗauki hanyar daƙoro tanti ke dreving, awa biyu sukayi a hanya suna shiga a ana kiraye kirayan sallah magarib, gidan waya ƴar uwar Hajiya lubabatou suka tsaya sukayi sallah Hajiya lubabatou na sanar da ƴar uwar ta cewa wajen mutumen suka zo bari su ƙara sa, sannan suka ɗauki hanya da zata sada su da wani daji wadan shine ida bokan yake, suyi tafiya ta kusan minti arba'in kamin sukai gun bokan da cikin wata matsiyaciyar buka idan ka ganta ba zaka ce akwai mutun a ciki ba sannan ga layin mata da suka tardo gashi kuma har ƙarfe 8:30 na dare yayi dan tanti ta nayi ta duba montre gudun ka papa ya kai ga kiranta idan yaga dare yayi ba ta zoba 9:00 nayi hankalin ta in yayi dubu ya tashi ga shi har yanzu layi bai kawo kansu ba, ta dubi anty hawa tace nashi ga uku Aunty wallahi idan Alhaji ya gane bana cikin gidan nan har zuwa warhaka da nasan yanzu su na shirin fara dinner to wallahi Allah kaɗai zai rabani da shi don wallahi ba ya son muna fita har dare yayi ba mu dawo gida ba."


"To kinga dai ko aikin ga ba mu samu ba hasali ma layi ko kawowa gare mu baiyi ba sedai in hakura zakiyi mu juya sai ki faɗa masa rashin lafiyar nawa ne ya yi tsanani shiyasa baki samu kin dawo da yuri ba."


"Haba anty har mun kai waraha ka kuma zan ce zan hakura da aikin a dai nemi wata shawarar ba wannan ba ai da kinga na koma to wallahi mun gana da bokan nan."


Hajiya lubabatou tace "hakane gaskiya bai kamata ba ace kin hakura da abin nan tunda ga mu a wajen in dai ba ke zaki tafi ba ki bar mu nida Aunty sai mu gaya maki yanda ake ciki idan mun koma, ko kuwa ki kira shi alhajin ki faɗa masa jikin Aunty yayi tsananin shiyasa baki samun dawo wa tunda ke ce zaki zauna da ita a asibiti."


"Eh ke ma kin ce wani abu amma wani hanzari ba gudu ba kada na ce muna asibiti ya ce zai da safe ya zo yaganta ko kuwa yanzu."


"Sai kisan abinda zaki faɗa masa idan yace hakan, amma idai ba hakan ba zaki ce sedai ki tafi ki barni Ni da lubabatou sai mu yi masa bokan bayani dan ba nida matsala miji na bai nan ni yarana tun muna saman hanya na kira su nace sau muyi dare kamin na dawo."


Hajiya lubabatou tace "nima nawa mijin ya yi balaguro yaran kuwa suna kidan kakan nin su dan haka hankali na a kwance ke dai da matsala."


Tanti tace ai dakin ga na bar gun nan na samu ganin mutumin nan na fi son a komai gaba na bari na koma daga cen na kira shi."



Tanti ta tashi ta ɗan yi gaba takira papa ta sheda masa cewa ita ce zata zauna gun anty hawa jikin ya yi tsanani ga su ma a asibiti nan papa yace mata ba damuwa shi bai ma gari yana madarunfa (shi wani kayane dake cikin garin maraɗi), wani abu ya taso masa na gaggawa Arahamat kaɗai ya kira ya sanar ma kan ta sanar da su sai zuwa jibi zai dawo sannan yai mata fatan Allah ya ba anty hawa lafiya.


Wani farin ciki ya luluɓe ta jin bai ma garin amma kuma ta ji haushi da yace wai Arahamat kaɗai ya sanar mawa kenan su bai da lokacin sanar da su.


Ta katse kiran ta ja wani uban tsaki, sai ko taji an mayar mata da tsakin cikin wata irin gawurtaciyar muyar aiko da sauri ta shiga wage wage cikin tsoro ta yi saurin barin gun tana waigawa har ta dawo inda ta barsu Aunty hawa, ta dawo tana basu labarin ashe papa bai ma garin da ta sani da bata ma kira sa ba, sannan kuma take sanar da su cewa wai Arahamat ƴar gaban goshin sa kaɗai ya sanar da ita ta fiyarsa wai ita kuma ta sanar masu ai dole ma ta tashi tsaye a kan su."


Ƙarfe 10:30 suka samu shiga wajen bokan da ko kyau gani bai da idan ka cika kallon sa ha amai zaka iya yi ma, amma su dayake zuciyarsu ta ƙeƙashe ba ma su ganin haka ba tare da ɓata lokaci ba tanti tashiga zayana masa abinda ke tafe da ita.


Da wata irin mahaukaciyar dariya yayi sannan cikin ƙananan lokaci ya kumtse kamar bashi yayi ba sannan yace "aikin ki ba mai yiyuwa bane saboda yarinya tana yawan neman tsari daga sharin mutum da aljani da kuma shaiɗan saboda kullum cikin addu'a take da saloli nafila da neman kariya wajen Ubangiji sannan ga yawan karanta littafi Mai girma da yin azkar na safe da marece dan haka ko asirin da kika tayi mata na ana saka ranar auren ta a na fasawa ba ita yake ci ba samarin nata ne yakeci, to shi wannan bai masan da batun auren bare ya ace za'ayi asirin a kai, idan anyi sihirin a kai to ba zai ci ba saboda wannan auren fa babu fashi sai anyi shi saboda rantsatsen aure ga Ubangiji kuma akwai alkairi sosai a ciki sa dan haka wahalar da kanki kawai zakiyi duk wajen wanda zakije ba zai iya hana faruwar auren nan ba sabida haka abu guda zan iya maki shine zan baki wani magani kije ki samu ɗanyan kwai ki fashe shi ki ga ma da ɗanyan nama na shanu ki samu anta rago ki yaka a ciki sai ki zuba maganin, ki soya shi sannan ki samu masu ɗuka laya su ɗumka maki da wannan wainar kwan da ki ka soya sai ki saka a pilon da yarinyar ke aza kanta, daga an daura auren za'a barta gida tayi ta zama iyayen ma zasu mance da sun aurar da ita haka iyayen mijin ma ba zasu tayar da maganar ba sedai akwai haɗari idan ha kika yarda wani ya ƙanki lokacin da kike soya wainar ko kuma ki ka saka antar da bata rago ba to abin ne zai juye a kanki ranar da'ake daura auren ke zaki bar gidan ba tare da kin yiwa mahaifin yarinyar wani abu ba zai maki kora kare a bainar jama'a idan kuwa kika tsaya basa hakuri to ina mai tabbatar maki da kanki zaki dinga faɗar abinda kika shuka kamin ki bar gidan, sannan ga kuma wani maganin ki zuba ma yarinyar ga abinci idan taci to mijin nata ba zai taɓa kwontawa da ita ba sunan yin mu'amalar aure ba sedai ta zame masa kamar hoto a cikin gidan amma idan kika bari zata ci abinci mai magani da tayi Bismillah to ina mai sheda maki cewa maganin ba zai ci ba koda taci kuma mijin na kwontawa da ita to ina mai tabbatar maki cewa ke kuwa haukacewa zakiyi hauka kuma na har abada."


Tanti ta jinjina kai tace "Boka ai wannan abin da ka zana mai sauki ne a guna ka ban maganin kawai ka sake min bayani dan zan iya cikin sauƙi ma ba wani tan garɗa."


Da kyau boka ya ƙara kallon ta sannan ya ce "Zaki iya ba'a a son a samu matsala fah."


Tace "Eh zata iya."


Anty hawa da Hajiya lubabatou sai taɓa suke kada ta amsa wannan maganin ya yi tsauri da yawa amma ina, tanti idon ta sun rufe bataji kuma bata gani kawai ta ƙarɓa."


Bayan ta ƙarɓa kamin su fito daga bukar bokan anty hawa tace ma bokan "Bacin wannan babu wata mafita."


Yace "Babu, mafita ɗaya ce sai in kashe yarinyar za'a yi ko yaron."


Da sauri tanti tace "A'a ai bana son ta mu na fison na ganta cikin mayuyacin hali ta koma kamar ba ita, a bar wannan kawai zan iya."


Yace "To shikenan sannan suka fita."


Suna fitowa har ƙarfe 12:00 na dare yayi dan haka basu tsaya tattauna maganar ba suka kama hanya sai wajajen ƙarfe 3:00 suka isa cikin garin maraɗi gidan Hajiya lubabatou suka fara biyawa ta sauka sannan suka wuce gidan Aunty hawa a nan tanti ta kwana dan tasan idan taje gidan yanzu har sun daɗe da rufewa dan haka kawai tace sai da safe.


Kamin sun kwanta Aunty hawa nata yi mata jimamin anya zata iya kuwa tace zata iya kada ta damu dan haka Aunty hawa tayi shiru da bakin ta, safiya nayi wajen ƙarfe 10 ta nufi gidan ta fara aikin ta da ya dameta.


Yau sati guda kenan da AFREED ya kasa samun wayar AFREEN duk ya fita hayacin sa haka ya sanar da Ali halin da ake ciki, Ali ya kwantar masa da hankali wajen faɗa masa cewa zai ƙara bin hanyar da ya bi ya sama mashi number ta a wacen lokacin yanzu ma haka zata kasance, amma kashe wannan karan da mummunan na labari ya dawo wa AFREED cewa AFREEN ta daina aiki da waya baki ɗaya ranar kamar yayi hauka dan jiyake idan har bai ji muryar ta ba yau to zai iya rasa ransa dan haka ya ce ma Ali zai shirya yaje Maraɗi yau ɗin nan, don kuwa har ya fara jin zazzaɓi yace zai bi jirgin da zai tashi ƙarfe shaɗaya na safe dan haka ya shiga haɗa kayan dan muna ƙarfe tara ne na safe Ali na natseye yana kallon sa cike da tausayi da mamaki abinda ke damun ɗan uwan na sa dan bai taɓa tsammanin haka daga gare shi ba, idan har aka ce masa AFREED zai faɗa soyayya da wata zai iya yin gardama bare har yayi irin wannan azabtacen son.


Haka ɓangaren AFREEN ta kasa jure rashin duk da ba wani tsawon lokaci suka ɗoka a tare ba amma tana mamakin yan da akayi ta kamu da son sa har haka, dan tayi tunanin zata jure rashin jin muryar sa amma ina abun ya ci tura, saboda har ga Allah ita ɗin ma na walaha dan kullum cikin kuka take, haka duk in zatayi bacci sai ta cire sim card ɗin sannan ta kuna wayar ta shiga whatsapp ɗin tunda ba goge shi tayi ba ta dinga kuna voice ɗin sa ta saurara har sai bacci ya kwashe ta, saboda idan bata yi haka ba to fah bata iya bacci, abinda AFREED bai yi tunanin yi ba.


Yau dai itama AFREEN ta kasa jure rashin jin AFREED a waya dan haka kawai zuciyar ta ta yita ingiza ta da saka sim card ɗin ta ta kirashi ko zata samun ragin zogin da zuciyar ta ke mata haka kuwa akayi AFREEN take ta ɗoko sim card ɗin ta in da ta ajiye ta saka ta kuna wayar ba tare da ta tsaya komai ba kawai shiga contact ɗin ta, ta nemo number sa ta tura kira daidai ƙarfe 10:12 na safe AFREED ya fito da ga wanga kenan don yin shirin bin jirgin da zai kaisa maraɗi a ƙarfe 11:00 kawai sai yaji wayar sa na ringing babu abinda ya zoma masa a rai sai AFREEN dan kullum yinin yake yana jiran kiranta ko message ɗinta kusan a ko wane lokaci cikin duba wayar sa, dan haka da sassarfa ya nufi bed 🛏️ ɗin sa ya ɗoki wayar sa da mamaki yake kallon number dake yawo a saman screen ɗin wayar shi, ba tare da ya tsaya ƙarasa mamakin da yake ba yayi saurin ɗaga kiran gudun kada kafin ya gama mamakin kiran ya tsinke kuma shi ya maida kiran yaji shi a kashe, yana ɗagawa ya ƙara a kune kamin yake furta wata kalma AFREEN tace "Assalamu alaikum."


Da sauri AFREED ya amsa sallamar duk yana ji kamar a mafarki da sauri ya "Dan Allah AFREEN kada ki kashe wayar bari na katse kiran na maido maki kira."


Cikin sanyayar muryar ta tace "To"


Da sauri ya katse kiran da sauri ya mayar gudun kata kashe wayar yana jin ta ɗaga ya sauke wata irin ajiyar zuciya mai nauyi gaske wanda ita kanta AFREEN saida ta lumshe ido tare da sakin ajiyar zuciyar a ɓoye.












*Alhamdulilah wannan gamin dai nayi ƙoƙari*


🌸🌸🌸🌸🌸🌸🌸🌸🌸🌸
*ZAMBA CIKIN AMINCI*
🌸🌸🌸🌸🌸🌸🌸🌸🌸🌸




Écrit



Par




*QUEEN ZEEFAT*


_Ƴar_
_Mutan_
_Niger_



*Wattpad@nazichou*



💫✨ *TAURARIN MARUBUTAN NIGER (ASSO.)*🌟
_(Tsintsiya mad'aurinki d'aya)_🤝
☆ *[ T.M.N.A]* ☆ 📖🖊️

https://www.facebook.com/Taurari-marubutan-niger-111773560677003/


_*BISMILLAHIR RAHAMANIR RAHIM*_



*Page* : 61&62

Da sauri ya katse kiran da sauri ya mayar gudun kata kashe wayar yana jin ta ɗaga ya sauke wata irin ajiyar zuciya mai nauyi gaske wanda ita kanta AFREEN saida ta lumshe ido tare da sakin ajiyar zuciyar a ɓoye.


Ba tare da ya tsaya ko gaisawa sunyi ba ya fara da faɗin "Wife ina kika shiga haka kinyi mugun tayar min da hankali duk na shiga wani saboda rashin ki yanzu kasa jurewa nayi na da rashin muyar ki kuma shiru babu labarin ki, kinga ni nan yanzu nake shirin zuwa Maraɗi har lokacin tashin jirgin da zan biyo ya kusa, inshallah ya zamuga juna nagaji da baye boye gara ayita ta ƙare zanzo na gaida papa sannan na faɗa, idan na dawo sai na turo su dady su zo kawo kudin auren ki ma chérie dan hakan zafi min komai farin ciki in buɗe ido in ganki a kusa dani."


Ƙarshen tashin hankali AFREEN ta shige shi ɗan a mugun zabure ta sauko daga saman gadon ta kamar AFREED na ganin ta wani mugun fido ido abinka ga mai ido sai ko suka firfito waje sosai,kamar tana ganin AFREED, a mugun tsorace tace "A'a dan Allah ka faɗa tafiyar ka barta har daga baya ba yanzu ba, kuma papa bai nan yayi balaguro dan haka ba ma sai kazo daga yazo zan faɗa maka sai kazo."


AFREED ya ɗan shiga shok jin daga yace zai zo ya gaida iyayen su duk tabi ta rikice, kawai sai yace "AFREEN lafiya kika rikice haka daga na faɗa zanzo na gaida iyayen ki, ko bakison gani na ne ko dai akwai abinda abinda kike boye min ne?"


Saidai AFREEN ta daidaita nutsuwar gudun kar ya gane cewa ta ɓoye masa wani sannan ta koma ta zauna bakin gadon tace "Haba kamar dai bana sonka da zance bana son ganin ai kin har akwai wanda keson ganin ka bayana yake to amma ka bari har papa ya dawo sai kayi zuwa guda sai kuzo ma tare da su dady ayi komai da komai ai zaifi ko to ni da kaina na matsu na gammu a inuwa guda muna fira cikin nishaɗi yanzu dai kayi annulé ɗin zuwanka har wani lokaci zaifi."



Da khair dai AFREEN ta iya convaincre ɗin AFREED ya fasa zuwa Maraɗi, da ganan suka ci gaba da fira su ta soyayya har AFREEN ta manta da cewa wani za'a aura mata ba AFREED.



Yana saura sati biyu auren AFREEN tanti ta gama haɗa abinda abinda bokan su ya bata har layar ta kai an ɗumka mata sedai abinda bata sani ba da take sayan anta rago ta saniya ce aka bata ba tare da sani shima wanda ya sayar mata don rago yakai mayanka aka yanka masa sedai da zai zubo masa naman aka manta aka zuba masa kayan cikin saniya dan haka shima bai sani, a cikin tsakiyar dare ta je ɗakin AFREEN ta saka mayar a filonta dan ranar AFREEN ba a ɗakin ta ta kwana ba, ɗakin mahaifiyar ta tayi ɓaci da rabon dai sai tantin ta samu damar saka mata layar.


Sannan da sassafe ta tashi ta yiwa yan gidan break fast abinda batayi koda ranar aikin ta ne sedai ƴan aiki suyi, amma yau dayake akwai wata manufa da take da se tayi kuma ta samu ta zuba maganin duka ga abincin gidan dan gani take aikin ai akan AFREEN aka yi shi ɗan haka ita kaɗai zai ci sannan tace ma ƴan aiki kada su ce ita tayi.


Dan haka koda kowa ya fito cin abincin AFREEN bata fito maman ta tashi zata kirata saita ce a bari taje ta kai mata abincin kada a ta kura mata a cewar ta wai tana jimamin barin gida.


Babu