You Cannot Download this book untill you login but you can read it .

---

Login Register

yin magana

"Leave her" A haka dae suka k'arasa cikin gidan nasu....


__Mami, Dad, Yakumbo, Fawaz da Don dukkan su suna zaune cikin parlourn, Yakumbo na k'ara jinjina rashin adalci irin na Ummi, ita dae Mami tayi shiru bata umm bata umm umm, har seda Fawaz ya gaji ya kalle ta yace

"Mami wae har yanzu kan ne?" A diririce tace

"Ehh.. ehh amma zan ji sauk'i" ta fad'a tana satar kallan Don da be nuna yasan da zaman ta cikin d'akin ba, Sallama akayi cikin parlourn dukkan su suka amsa suna d'aga kae dan ganin me sallamar, tana gama shigowa cikin d'akin ta zube a k'asa kana ta fashe da kuka, dukkan su kallan ta suka yi cike da mamaki, se Fawaz da yayi k'arfin halin cewa

"Momy... Kuka kuma?" sharce hawayen fuskar ta Momy tayi kafin tace

"Barni nayi kuka na Fawaz, barni nayi kaji, Alhaji zuwa nayi na nemi gafarar ka akan abinda muka aekata maka, hadeeza sakko mu nemi gafarar sa" A take a lokaci guda jikin Mami ya d'auki rawa kamar mazari, bata san sanda ta fashe da kuka ba, shikenan yau itama ranar tonon asirin ta tazo, innalillahi wa inna ilaehi raji'un, Yakumbo da Dad suka cigaba da kallan ta yadda take kuka bilhak'k'i tana fad'in

"Ku yafe mana ni da hadeeza, dan kuwa har dani a cikin sa6on saboda nima na zuzzuga hadeeza akan abinda tayi, bana so mu mutu ba tare da mun nemi yafiyar ku ba, mutuwa akeyi yanzu kamar mene, Alhaji kayi hak'uri amma mun cuce ka, mun cuci rayuwar d'an ka Adnan.. " tunda ta fara magana Don be d'aga kae ya kalle ta ba seda yaji ta ambaci sunan sa ya d'ago ya kafe ta da idanun sa, Dad kuwa ya kaasa cewa komae amma ya k'agu yaji abinda zata ce, ta cigaba da fad'in

"Mun cuci rayuwar Adnan, Hadeeza ki sakko ki nemi afuwar su su duka dan kuwa da saka hannun ta Adnan ya fara shaye shaye..." daga nan Momy ta cigaba da tonawa Mami asiri, Mamin dake gefe tana rubzar kuka kamar ranta ze fita, Mami ta gama tabbatarwa kanta Momy ba zuwa tayi neman yafiya ba tazo ne kawae dan ta tona mata asiri, tunda ta fara magana dukkan su suke kallan ta harta kae k'arshe kafin Yakumbo ta saki salati da sallallami tana tafa hannun ta

"Hadeeza? Innalillahi wa inna ilaehi raji'un ashe haka kike? Yanzu ashe duk nunawa da kike kina k'aunar Adnan ashe na k'arya ne? Ashe ba don Allah bane? Ashe kina da wata manufar da kike son cimmawa akan sa? Baki da kirki hadeeza wallahi, Akan son duniya da son zuciyar ki kika so lalata rayuwar Adnan, Allah sarki bawan Allah ashe ba laefin sa bane.." Yakumbo ta k'are maganar tana kama ha6ar ta, shi kam Dad saboda tsananin mamaki ya kaasa cewa komae, Hadeeza fa? Hadeeza dae? Koda yake gashi ae a gaban ta ake maganar amma ta kasa cewa komae, hakan na nufin gaskiya ne kenan? Ya ilahi, Don kuwa mamakin sa d'aya ne na jin da saka hannun Mamin akan shan abubuwan da yake, runtse idanun sa da suka yi jawur yayi bugun zuciyar sa na k'aruwa yana jin tsanar Mamin na k'aruwa a cikin ran sa, meyasa tayi masa haka? Meyasa take neman 6ata masa rayuwa? Duk akan kud'i? Wasu abu dabe damu dasu ba, ya amince mata, ya yadda da ita fiye da kowa a duniyar nan amma da abinda zata saka masa kenan? Meyasa ya sakankance da ita? Meyasa tun farko ya kasa gane Mami ba k'aunar sa take yi ba? Meyasa meyasa d'in suna da yawa, Fawaz kuwa suman zaune yayi ya cigaba da kallan kowa kamar wani mara hankali, Se a lokacin Dad ya iya furta

"Ashe ni bansani ba tsawon shekarun nan ina tare ne da muguwa, maha'inciya, azzaluma, kuma me fuska biyu? Meyasa kika za6i ki yaudare mu da halayen ki? Meyasa kika za6i ki lalata rayuwar yaron dake k'aunar ki kamar kece kika haefe shi? Meyasa kika yaudare mu da sufar ki? Kika saka muka amince miki, muka yadda dake muka baki dukkan yaddar mu? A yau base gobe ba ki tattara kayan ki ki bar min gida na na sake ki, kada kiyi tunanin kuma zaki tafar min da d'ana, kiyi tafiyar ki ke d'aya.."

"Don girman Allah kayi hak'uri kada ka sake ni na tuba, wallahi na tuba nabi Allah, ka taemakamin ka barni na cigaba da rayuwa daku, wallahi wallahi na tuba.." Mami ta fad'a sanda take durk'ushe a gaban Dad, Momy ta fashe da kuka tace

"Ayyah Alhaji kayi hak'uri, muda mu kazo neman sulhu kuma semu 6ige da saki? Kayi hak'uri mana" A hankali Don ya tashi ba tare da yabi takan kowa ba ya fice daga cikin d'akin, Dad ma ya mik'e ya bar parlourn, ya zamana Yakumbo ce da Fawaz suka yi saura, Yakumbo kam ta kaasa dena mamakin wannan al'amari haka dae ta mik'e itama tabi bayan d'an ta.. Se a lokacin Fawaz ya fashe da wani irin kuka yana maemaeta kalmar

"Innalillahi wa inna ilaehi raji'un" inama inama ace mafarki yake yi ba zahiri ne ba, inama ze farka daga wannan mummunan mafarkin, a hankali ya zamo daga kan kujerar da yake ya k'arasa inda Mami take yace cikin kuka

"Mami meyasa kika aekatawa Bhai haka? Meyasa kika masa haka Mami? Mami meyasa?" ya fad'a yana jijjiga hannun ta, Mami ta girgiza kae tana kuka tace

"Kayi hak'uri Fawaz dukka nayi hakan ne saboda kae da rayuwar ka tanan gaba, idan banyi haka ba nasan babu yadda za'ayi ka zama kaene a sama kullum, kayi hak'uri Fawaz wallahi nayi nadama" Share hawayen fuskar sa Fawaz yayi sannan yace

"Mami baki kyauta ba, Mami kin cuci rayuwar Bhai, Meyasa haka ne Mami? Yanzu duk irin k'aunar da yake min bata ishe ki ishara ba Mami? Kin riga kin sani fa Bhai kan iya sadaukar da komae nasa a kaena amma akan kud'i kika nemi ki 6ata masa rayuwa Mami?"Momy kuwa murmushi ne kawae ke bayyana akan fuskar ta, ko babu komae burin ta ya cika, ta kashe auren Mami, kamar yadda bata so Simrah taci dukiyar su itama yanzu bata da damar ci ae.........


__Wajen k'arfe 8pm ne ya fito daga wanka ya shirya kana ya feshe jikin sa da turare ya kwanta kan gadon trying all his best kada yayi tunani me yawa, amma hakan yak'i yuwuwa, Mami ta shammace shi, ta tozarta shi ta lalata masa rayuwa, koda yayi k'ok'arin manta wannan maganar se wani abu daya kasa gane dalilin sa nayin hakan ya dawo masa cikin k'wak'walwar sa, haka kawae yake tsintar kansa cikin tunanin ta, maganar ta, kukan da take yi, tafiyar ta kae komae ma nata, seya runtse idanun sa yana jin wani abu me kama da kewa na d'awainiya da ruhin sa, se kace wani wasan yara, me yake shirin faruwa dashi ne? A haka dae yayi bacci me cike da mafarkan ta barkatae. Ko daya farka tsaki yaja yana mamakin kansa, wae shin me yake damun sa ne? Ko dae k'wak'walwar sa ta samu matsala ne? Mik'ewa yayi ya shige toilet d'in har lokacin tunanin ta na mak'ale a ransa, se yakice hakan yake yi amma ya kaasa, haushin kansa yake ji kuwa kamar mene, koda ya fito daga wanka bayan ya shirya se yaji yana tunanin ko idan ya fita d'in ma ba ganin ta zeyi ba, haka kawae yaji yana son ganin ta be sani ba ko dan ya saba ganin tane cikin gidan? Nan take yayi na'am da hakan, Yana gama shiryawa ya fito daga cikin d'akin sa ya fara tafiya, kawae seya sauya akalar tafiyar tasa zuwa cikin d'akin ta, a hankali ya tura k'ofar d'akin kafin ya shige gaba d'ayan sa, kae tsaye wardrobe ya nufa ya bud'e ya tsaya yana kallan yadda kayan ke a tsare a jere kuma, ya ta6e baki a ransa yana sak'a cewar, bari ya taemaka ya d'aukar mata kaya ko zata buk'ata idan yaso se yayi squeezing tym d'in sa ya biya ta asibitin ba dan ita ba se dan kawae dae yakae mata kayan, doguwar riga ya janyo sannan ya d'akko hijab shima daga cikin wardrobe d'in, seya samu kansa da shak'ar wani sassanyan k'amshin dake tashi daga jikin hijab d'in wanda ya tilasta masa lumshe idanu, idan be manta ba ita kanta irin wannan k'amshin ne ke tashi daga jikin ta, a hankali ba tare daya sani ba yace akan la66ansa

"Wowww.." ya fad'a yana sake lumshe idanu, se kuma ya bud'e kamar wanda aka tsikara yana sake jin haushin kan sa, toma ina ruwan sane da kayan ta hadda wani zuwa ya d'aukar mata? Meye damuwar sa da ita haka ne? Meyasa yake wani shishshige mata ne kwana 2n nan? Wacece ita? Ina ruwan sa da rayuwar ta? Kawae se yaja k'aramin tsaki yana ficewa daga cikin d'akin........

✨MHIZ INNOCENT✨
*SKTHECONCLUSION45*



___Kae tsaye asibitin ya wuce yana zuwa yayi parking motar sa sannan ya fito hannun sa rik'e da leda ya shige cikin asibitin, k'ofar d'akin da Ammi ke ciki a bud'e take dan haka a hankali ya tura k'ofar d'akin da sallama akan la66an sa sannan ya shige cikin d'akin, Ammi na zaune kan gado ta gyara zaman ta da murmushi kan fuskar ta tace

"Sannu da zuwa yalla6ae" yau karon farko yaji kunyar sunan da Ammi ta kira shi dashi, ya d'an saki fuskar sa kad'an sannan ya k'arasa yaja kujera ya zauna dae_dae lokacin da idanun sa suka sauka akan ta sanda take kwance waje 1 ta cure kamar me jin sanyi, kyakykyawar fuskar ta kawae ake gani wadda take sauke numfashi a hankali cikin kwanciyar hankali, zara zaran gashin idanun ta sun yi luff abin su kan idanun ta

"Kazo lafiya?" Ammi ta tambaye shi, seya d'an d'aga kae kad'an yace a hankali

"Barka da safiya, ya jikin? " Ammi tayi murmushi kana tace

"Jiki Alhamdulillah" so yake ya sake kallan inda take kwancen amma yana hana kansa dan haka gudun ma kada ya sake maemaetawa ya sanya shi mik'ewa ya ajje ledar hannun sa yace

"Kayan ta ne" daga haka yayi gaba ba tare daya sake cewa komae ba ya fice daga d'akin, Ammi ta bishi da kallo sanda yake ficewa d'in kafin ta dawo da kanta kan ledar tana girgiza kae, dae_dae sannan Azrah ta bud'e idanun ta, a hankali ta fara bud'e hancin ta tana shak'o k'amshin data keji, kamar tasan k'amshin, seta mik'e a hankali ta wuce toilet tayi brush kana ta fito ta kalli Ammi dake fad'in

"Gashi nan ki chanja kaya, yanzun aka kawo miki" kayan tabi da kallo cikin jin dad'i kafin ta maeda duban ta kan Ammi tace

"Ammi waya kawo? " ta fad'a tana bud'e ledar

"Yalla6ae Adnan ne ya kawo yanzun nan ya fita daga nan" Ammi ta fad'a tana kafe Azrah da ido dan ganin abinda zata yi, ajiye ledar tayi kana ta mik'e cike da mamakin jin wanda ya kawo mata kayan, anya kuwa Ammi ta fad'a dae_dae? Ammi ta kalle ta tace

"Ba zaki saka bane?" Seta d'an kalli Ammi kafin ta sadda kanta k'asa tace

"Ammi da kin sani kin kar6ar min takadda ta sanda yazo, ku saka baki ya sake ni Ammi, baya sona fa nima kuma bana son sa, kawae muna rayuwa ne tamkar bawa da uban gidan sa, Ammi bansan me yake nufi da k'in bani takadda ta ba saboda nasan ya dad'e yana jiran wannan lokaci, Ammi nima fa yanzu ina da 'yanci tunda ina tare da iyaye na wad'anda baza suso a cuce ni ba, kuma baza su yadda na cutu ba" ta k'arasa maganar tana kallan Ammi, jinjina kae Ammi tayi tana goge k'wallar dake k'ok'arin zubo mata tace tana kallan Azrah itama

"Kiyi hak'uri Azrah, nasan irin zaman da kuke da Adnan amma abinda baki sani ba shine yanzu idan kika nemi saki daga wajen sa kowa zeyi tunanin saboda kin samu iyayen ki ne, amma idan kika nutsu kika bi komae a sannu se kiga komae yazo da sauk'i, kinji koh?" k'wallar idanun ta Azrah ta share sannan tace

"Ehh amma Ammi koma mene nikam na gama zama a gidan sa, sam bashi da kirki kuma be san inda kirki yake ba, yanzu ma bana raba d'ayan biyu ya fara nunawa a gaban ku kamar yana da kirki ne saboda ya gano kune iyaye na, amma kwata kwata be san darajar.. "

"Kull.." Ammi ta fad'a bayan ta rufewa Azrah baki sannan ta girgiza kae tace

"Ya isa haka Azrah, ya isa haka, kin ta6a zaunawa kin bawa Adnan labarin wacece ke?" Azrah ta girgiza kae alamar "a'ah" Ammi tace

"Toh ya akayi ya sani?" ta tambaya amma bata jira amsar Azrahn ba ta cigaba da fad'in

"Kada ki sake fad'in haka kinji koh? Har yanzu Adnan mijin ki ne, kiyi hak'uri zamu bi komae a sannu, idan ba haka ba da kaena zan maeda ke gidan nasa a goben nan" Azrah ta d'aga kae ta kalli Ammi kafin ta maeda kanta k'asa ta fashe da kuka, Ammi tace a ranta

"Yah salaam, ya Allah ka daedaeta tsakanin wad'annan bayin naka"........


....Bangaren Don kuwa yana fitowa daga asibitin ya d'auki wayar sa ya kira Fawaz, seda ta kusa tsinkewa sannan ya d'aga, Don yace

"Fawaz.. "

"Na'am" ya fad'a da dashashshiyar muryar sa, tsayawa da tafiya Don yayi yace da d'an tashin hankali

"Are u okay?"

"Yeah.. Kawae dae mura nake shiyasa" Fawaz ya fad'a

"Ni zaka ma k'arya?, meke damun ka?" Se yayi shiru kawae yana jin wasu hawaye na zubo masa, jin shirun da yayi ya sanya Don fad'in

"Gani nan zuwa gidan" daga haka be jira amsar Fawaz d'in ba ya katse kiran....



.... Yakumbo ta k'arasa cikin d'akin ta kalli Dad dake a kishingid'e tace

"Kabeer.. " da sauri Dad ya mik'e zaune yana kallan Yakumbo yace

"A'ah Yakumbo yaushe kika shigo?" Yakumbo ta girgiza kae cike da tausayin d'an nata tace

"Kaga kabeer ka kwantar da hankalin ka, In Sha Allah zamu samu malamae su dinga taya mu da addu'a akan lamarin yaron nan, hadeeza dae kam ta cuce mu, ta cuci rayuwar yaron nan, kae bama shi kad'ae ba hatta da ita kanta mahaefiyarsa ta cuce ta, mu kanmu ma hadeeza ta yaudare mu da halayen ta, dole ne abin ya maka ciwo amma ya za'ayi? Kayi hak'uri kawae" Dad ya jinjina kae kana yace

"Hakane Yakumbo Allah yasa mu dace, dama yanzun nan zan fita zuwa masallaci, ga kuma d'aurin auren Abbakar" Yakumbo tayi murmushi tace

"Kae Masha Allah, Allah dae ya sanya alkhaerin sa, amma ka tabbatar zaka iya zuwa?" Dad yayi murmushi yace

"Sosae kuwa Yakumbo, ciwon kae ne kad'ae ke damu na dama"

"Toh Masha Allah Allah ya k'ara afuwa"


A ranar bayan an idar da sallahr juma'a aka sake d'aura auren Ammi da Abba, kuma a ranar ne aka sallami Ammi daga asibitin yayin da Ummi ke kwance har lokacin rae a hannun Allah, daga farko Abba har ze tafi da Twins se kuma ya tuna wacece uwa dan haka ya k'yale su kawae... Ana sallamar Ammi kuwa gidan ta aka wuce da ita wanda bashi da nisa da gidan Dad, gidan na Dad ne Abba ya nuna yana so, babu 6ata lokaci Dad ya bashi shi da cewar baya buk'atar ko sisin sa, Abba yace ba za'ayi haka ba dan haka seda ya turawa Dad kud'in ta account d'in sa.. Se dab da maghrib sannan Ummu ta mik'e tana kallan Ammi tace

"Bari mu wuce" Zarah ta turo baki tace

"Ummu don Allah ni anan zan kwana, Allah kuwa tun yanzu harna fara kewar Ammi na" Ammi tayi murmushi tana kallan Zarah tace

"Ni kaena Zarah, dama Abbu ze bar min ke da naji dad'i" Zarah tayi murmushi kafin tace

"Ehh wallahi" Ummu ma murmushi tayi kana tace

"Ku dae koh?, kinga tashi mu tafi zaki dawo zuwa next week In Sha Allah" Zarah ta mik'e tana tura baki kamar zata saka kuka, Azrah kuwa bin su kawae take yi da kallo yadda suka burge ta, ita kanta bata ta6a tunanin ba Ammi ce ta haefi Zarah ba, Zarah ta kalli Azrah tace

"Aunty Azrah mun tafi, zan dawo fa" murmushin itama tayi kafin tace

"Toh Zarah, a gaeda min da Abunnas" Ammi ta kalli Ummu tace

"Ya kamata ki dawo fa akan maganar nan, kada mu zama mutanen banza masu son kanmu, tunda dae sun mana shiru ya kamata ace kafin nan da sati ta koma gidan ta" Ummu ta girgiza kae tana murmushi kafin tace tana rik'o hannun Azrah da bata gane kan zancen da Ammi keyi ba

"Daughter zanzo muyi wani sirri dake kinji? Ki kwantar da hankalin ki daga yau nice Ummun ki uhmm?" Murmushi Azrah tayi kana tace

"Toh Ummu"... Tana zaune cikin d'akin nata data za6a d'aya daga cikin 3n dake kusa dana juna, d'akin ya gaji da had'uwa irin sosae d'in nan, a zaune take kawae tunanin al'amuran duniya take yi yadda komae yake zuwar mata da yadda komae yake faruwa yanzun, k'ofar d'akin aka turo ta d'aga kae ta kalli masu shigowar, fuskar ta ta fad'ad'a da murmushi ganin masu shigowar ta gyara zaman ta daga inda take zaune, Ammi ta nemi waje kusa da ita akan gadon ta zauna, yayin da Abba yaja stool d'in dake gaban mudubi ya zauna ya kalli Azrah da murmushi kan fuskar sa yace

"Ina fatan dae bamu tashe ki ba?" murmushi itama tayi kana tace

"A'ah Abba ba bacci nake ba"

"Toh madallah" ya fad'a yana gyara zaman sa, se can yace

"Daughter.. " a hankali ta d'aga ido ta kalli Abban daya cigaba da fad'in

"Labarin rayuwar ki zaki bamu, yaya rayuwar ki ta kasance cikin wad'anda basu san wacece ke ba?" Se tayi k'asa da kanta wasu hawaye masu d'umi na sauka akan kuncin ta, dukkan su kallan ta suke yi musamman Ammi

"Abba rayuwa ta a cikin k'auyen Kima... " daga nan Azrah ta basu labarin rayuwar ta a cikin k'auyen, da yadda ta tashi cikin fuskantar k'yamar mutanen garin ba babba ba yaro, se dae ta 6oye wasu abubuwan da Inno da Baban Ilyasu suka mata amma dae wasu abubuwan ta fad'e su tunda babu yadda ta isa ta 6oye su, shiru dukkan su sukayi bayan sun gama jin maganar Azrahn, Ammi ta janyo ta ta rungume ta tana fashewa da kukan tausayin rayuwar d'iyar ta ta k'walli d'aya tall, itama Azrahn kuka take yi, seda Abba ya gama jimami sannan ya d'ago ya kalle su yace

"Kuyi hak'uri, In Sha Allah zamu je wannan garin dan mu wanke ki a gaban kowa, Habeeba ta cuce mu gaba d'ayan mu, akan son zuciyar ta da rashin imanin ta ta saka ana miki kallan shegiya mara uba, bayan kina da ubanki, kina da gatan ki amma ta zamo sanadin da kika rayu cikin tsangwama da rashin walwala.."Ammi kam ta kasa cewa komae dan bama tasan abinda zata ce d'in ba, Abba ne ya fara tashi ya fita daga d'akin, Ammi ta kalli Azrah tace

"Ki kwanta kiyi bacci ki huta kinji?" Azrah ta kalli Ammi da jajayen idanun ta tace

"Ammi inaso ne nayi bacci a jikin ki" Murmushi Ammi tayi kana ta gyara zaman ta, Azrah ta d'ora kan ta akan cinyar Ammi ta lumshe idanun ta, a hankali Ammi ta dinga shafa kanta a haka har tayi bacci me dad'i cikin kwanciyar hankali, seda ta tabbatar tayi baccin sannan ta mik'e ta gyara mata kwanciyar ta d'ora kanta akan pillow kana taja mata blanket sannan ta kashe k'wan d'akin ta fice daga daga d'akin..



Washe_gari.. Kae tsaye k'ofar d'akin ya tura a hankali, yana kwance kamar yadda ya tsammata, ya k'arasa ya zauna kan gadon yana kallan sa yadda idanun sa ke a rufe da alama ma besan da shigowar sa ba, a hankali ya kae hannun sa ya shafa sumar kansa, se a lokacin ya bud'e idanun sa ya kalli Don, seya fara k'ok'arin mik'ewa yana fad'in

"Bhai, yaushe ka shigo?"

"Tashi ka shirya" shine abinda Don d'in ya fad'a kawae, Fawaz yace

"Don Allah base naje ba" ya fad'a yana maraeraece fuska

"Cewa nayi ka tashi ka shirya koh?" seya tashi jikin sa a sanyaye ya fara shiryawar, Don ya bishi da kallo kamar ba Fawaz ba, lallae dole ya tashi tsaye akan yaron nan.. Tare suka isa parlourn Dad d'in, bayan sun gaesa Dad ya kalli Don yace

"Yawwah muje kawae"

"Amma Dad kamar kaema baka da lafiya koh zamu lek'a Hospital ne?" murmushi Dad yayi yace

"A'ah babu buk'ata na warke ae, muje kawae tunda ya riga ya tare" Don yayi gaba kawae ba tare da yace komae ba



... Tun a compound d'in gidan Abba ya fito daga gidan yana kallan su da murmushi a fuskar sa, shi yayi musu jagora zuwa ciki, a parlourn gidan suka zauna dukan su, dae_dae lokacin da Ammi ta fito daga d'aki sanye cikin riga da zani da mayafi ta k'araso ta zauna kan kujera, nan aka shiga gaesawa, Abba ya kalli Fawaz yace

"Baka da lafiya ne boy?" Murmushin yak'e Fawaz yayi yace

"A'ah Abba lafiya ta k'alau"

"Toh Masha Allah.." harga Allah haka kawae ya tsinci kansa da tunanin ko tana ina yanzu haka? Meyasa be ganta ba? Suna nan zaune ana hira Ammi ta tashi ta wuce d'akin Azrah, a zaune ta tadda ta tana ninke wasu kaya daga cikin leda tana saka su cikin wardrobe, Ammi tayi murmushi kawae sannan ta k'arasa tace

"Ki fito ki gaeda Dad.."

"Toh Ammi" ta fad'a tana mik'ewa ta janyo hijab ta saka akan doguwar riga mara nauyi dake jikin ta, sannan tabi bayan Ammin data fita itama, ta k'arasa ba tare da tasan su waye ke zaune kan kujerun ba ita dae tasan taga Dad, dan haka ta zube a kan carpet tace

"Barka da safiya Dad"

"Barkan ki dae Daughter, kina lafiya?" Da "Ehh" ta amsa kana tayi shiru kawae, Ammi ta fito daga kitchen ta kalli Abba tace

"An shirya abinci fa" Abba ya kalli Dad yace

"Toh mu k'arasa koh?" Seda suka mik'e sannan Fawaz ya kalli Azrah bayan ya d'anyi murmushi yace

"Aunty Azrah an dena kula mu koh?" murmushi tayi kana ta d'ago kae ta kalle shi tace

"Wane ni Uncle Fawaz"

"Ke koh?" ya fad'a yana dariya lokaci guda kuma yana ficewa daga d'akin, mik'ewa tayi da nufin itama ta fice daga d'akin, seta lura kamar da mutum a wajen ta juya da sauri ta kalli wajen, yana zaune shi kad'ae kan kujerar, mamaki ya kamata na ganin nasa, shi kam ya kafe ta da lumsassun idanun sa, bata san sanda tayi yaraf ta zauna akan kujerar dake kusa da ita ba, tayi k'asa dakae cikin rashin sanin abinyi, sunfi minti 2 a haka shiru babu wanda yace ko uffan, shi kam hakan ya k'ona masa rae gashi kuma har lokacin tak'i kallan sa se kallan wani wajen take yi, janyo wayar sa yayi ya fara dannawa na tsawon minti 5 amma har lokacin koda gaeshe shi tak'i yi, ita kam harga Allah a takure take da wannan zaman duk yabi ya cika d'akin, can ya maeda wayar tasa cikin aljihu ya kalle ta ransa a 6ace yace

"Baki iya gaesuwa bane?, ko kuma ba'a koya miki ba?" ta d'an kalli gefen ta kad'an, da tana da k'warin gwuiwar da zata iya cewa "ae bansan da mutum a wajen ba" da haka zatace, amma ba zata iya ba dan haka ta sake d'auke kan ta ba tare da tace komae ba, tayi kamar bata ji abinda yace d'in ba.........




✨MHIZ INNOCENT✨
*SKTHECONCLUSION46*



___Mamaki da takaeci gami da haushi dukka suka taru a lokaci guda suka masa dirar mikiya, ya ciji lips d'insa na k'asa bece komae ba ya mik'e ya fice daga d'akin, ko bin ta kansu Dad beyi ba ya hau motar sa ya fice daga gidan, driving yake amma gaba d'aya wannan yarinyar ta tsaya masa a rae a haka har ya isa gida.. Kan gado ya zauna hannayen sa duka biyu cikin sumar kansa, tana yin duk wad'annan abubuwan ne wae dan ya sake ta koh? Toh kuwa ze nuna mata sakin a hannun sa yake ba'a hannun ta ba, ze nuna mata wani be isa ya sanya shi yin abinda beyi niyya ba, kae shi bama ya tunanin a yanzu dae koda mutanen duniya ne zasu taru a kan ya sake ta ze sake tan ne, shi zata nunawa taurin kae? dole ma ta dawo cikin gidan, ze nuna