You Cannot Download this book untill you login but you can read it .

---

Login Register

ya koma cikin motar, ya kalli Don da har lokacin idanunsa ke a lumshe yace cikin girmamawa

"Yalla6ae mun iso" seda yayi wajen second 10 sannan ya bud'e lumsassun idanunsa ya fita daga cikin motar, A hankali itama ta zuro 'kafafunta tana sake kallan cikin gidan kuma lokaci guda tana sake tsarkake ubangiji, da sauri ya cigaba da tafiyar zuwa aenahin inda d'aku nan gidan suke, Seta samu kanta da binsa har lokacin jikinta na rawa cike da sassarfa har tana 'ko'karin yin tunbu6e saboda yanayin tafiyar tasu ba d'aya bane, drivern ya koma cikin motar sannan ya jata ya fice daga gidan bayan ya kulle musu 'kofar gidan, Yana zuwa wajen 'kofar ya saka mukullin dake jiki ya bud'e 'kofar, be tsaya ba haka zalika be kalli halittar dake tare da shi ba ya haye step d'in dake cikin d'akin, Seda ta tsaya ta d'auki kayan ta sannan ta wuce cikin d'akin tana 'kare masa kallo yadda ya tsaru kamar ba'a cikin 'kasar nan ba, ta 'karasa cikin d'akin hannun ta ri'ke da jakar ta tana tafiya a hankali kamar wata munafuka harta 'karasa zuwa kan had'ad'd'iyar kujerar d'akin, ta zauna a takure tana sake kallan d'akin cikin rashin sanin abinyi......... Yana shiga d'akin ya kwanta kan gadon ringingine yana kallan ceiling, tunanin yadda ze 6illowa wannan al'amari yake yi sedae gaba d'aya kansa ya kulle, gaba d'aya maganar Mami ta kashe masa jiki dan haka ya yadda ya amince ya kar6i auren kuma yabi umarnin Dad yazo gidan ko? Toh zasu gaji ne dan kansu suzo su d'auke er mutane....Tana zaune har wajen 'karfe 2 saura taji ana kiraye kirayen sallahr azahar, dan haka ta mi'ke a sukwane ta isa zuwa wata 'kofa data gani a kulle, ta bud'e a hankali tana kallan ciki, band'aki ne..dan haka ta shiga tayi uzurin ta sannan ta fito ta sake zaunawa akan kujerar tana sake mamakin yadda zuwanta cikin wannan gidan ya kasance, dan ko a mafarki bata ta6a tunanin zuwa koda makamancin irin wannan gidan ba, ashe haka en birnin ke fuskanta? Gata dae a birni amma 'kuncin yau daban na gobe ma daban, tana nan zaune har bacci ya kwasheta..... Wajen 'karfe 4 saura ya fito dan zuwa masallaci saboda azahar a gida yayi ta saboda yadda kansa ke sara masa, ya sakko a hankali daga stairs d'in, ko kallan inda take beyi ba ballantana ya nuna yasan da wanzuwar wani d'an adam a wajen haka yayi ficewar sa daga gidan sannan ya sakawa gidan mukulli yayi tafiyarsa......Wajen 'karfe 5 ta tashi daga baccin daya d'auke ta ba tare data shirya ba, ta bud'e idanunta tana kallan parlourn, seta mi'ke tana shafa cikin ta yadda taji wata yunwa na sakad'arta, se a lokacin ta tuna ko karyawa ba tayi ba, seta mi'ke ta wuce toilet bayan ta bud'e jakar kayan ta ta d'auki brush ta wuce ta wanke fuskarta sannan ta fito, seta sake rarraba idanu tana kallan inda zata hango kitchen, can ta gano wata 'kofa dake saman dinning Area, a hankali ta 'karasa 'kofar ta turata cikin sa'a kuwa kitchen d'in ne, seta 'karasa ciki tana sake 'kare masa kallo, ita dae bata ga wani abu da yayi kama da abinci ba a cikin 'katon kitchen d'in ba, ta sake duba ko'ina amma bata gani ba, se kawae ta ha'kura ta juya ta koma cikin parlourn, koda yake idan ma bata ha'kura d'in ba in taga wani abun daya kasance na sarrafawa ne ya zatayi ta kunna wannan jibgegen abinda ta gani wanda ake girki a kansa.. Seta sake zama kan kujerar a sukwane tana jin yadda har lokacin cikin ta ke murd'a mata......Kae tsaye bayan fitowar sa daga masallaci bayan maghrib kenan wani club ya wuce dan seda ma suka yi waya da Irfan wanda dawowar sa kenan sannan suka had'e cikin club d'in, ranar lemo kawae ya sha ya cigaba da zama yana danna wayarsa yayinda Irfan ke d'an jefo masa hira jefi jefi......


.......Fitowar Dad kenan daga cikin d'akin sa yana waya da amininsa Alh Abubakar, yaji wani kiran na shigowa cikin wayar tasa, Dan haka ya cewa abokin nasa

"Bari zan amsa wani kira ne" Alh Abubakar yace

"Toh madallah" daga haka Dad ya katse wayar sannan ya d'aga kiran da yake shigowa, daga can 6angaren akace

"Yalla6ae idan babu damuwa ko zaka iya zuwa police station" Dad ya d'an 'kan'kance ido sannan yace

"Police!"

"Ehh ranka ya dad'e...akan wani case ne ya ritsa da Adnan a cikin wani club, toh ana kan bincike ne yanzu haka, amma zaka iya zuwa kayi bailing nasa saboda bashi da laefi a cikin al'amarin" Dad ya nemi waje ya zauna yana dafe kansa daya wani sara masa sannan yace cikin 'karfin hali

"Gani nan zuwa" daga haka ya katse wayar, ya sake dafe goshinsa, "wannan yaro wannan yaro Allah ya dad'a shirya min kae" Dad ya fad'a sannan ya mi'ke kae tsaye ya wuce compound d'in gidan, masu tsaronsa suka taho yace musu baya bu'katar kowa zeyi driving da kansa, ya hau mota, me gadi ya wangale masa gate ya fice daga gidan, kae tsaye ya wuce police station d'in...Yana zuwa ya hango Don d'in zaune fuskar nan kamar koda yaushe a had'e sedae yanzu ma tafi da d'in had'ewa, Dad ya 'karasa ciki....basu suka bar wajen ba seda Dad ya gama komae na bailing nasa suna dab da tafiya Don ya kalli Dad yace

"Plss Dad..Irfan ma na ciki and kasan iyayen sa basa garin.." Ya fad'a ba tare saya kalli Dad d'in ba, Dad ya kalleshi sedae bece komae ba kawae ya koma ciki yayi bailing Irfan d'in, kafin Irfan d'in ya fito Dad yayi gaba, Don ya mi'ke kawae yabi bayan sa, sannan suka fito daga police station d'in har lokacin Dad be kalli inda Don d'in yake ba, ya 'karasa ya shiga motarsa shima Don d'in ya bud'e front seat ya zauna, Dad yaja motar ya bar wajen, seda suka yi wajen mintuna 5 da fara tafiya sannan Dad yace a hankali fuskarsa babu yabo babu fallasa

"Yanzu abinda kake yi kana kyautawa kenan Adnan?" Don ya lumshe idanu sannan ya kalli Dad bece komae ba Dad ya cigaba da fad'in har lokacin yana driving

"Yanzu fisabilillahi idan baka nutsu yanzu ba se yaushe ne?" Don ya kalli Dad da sauri sannan yace

"Dad..I know nothing fa akan case d'in nan.." Dad yace

"Yeah na sani...ina magana ne akan halayen ka, yanzu idan baka tsaya ka dena shashancin nan ba waye ze kula da Fawaz bayan ba ranmu?" Don ya sauke ajiyar zuciya sannan a hankali yace

"Sorry Sir.." Dad yace bayan yayi parking motar gefen titi ya kalli Don yace

"Allah ya kyauta, zaka d'auki motar nan ka tafi gida da ita, dare yana sake yi gashi kabar er mutane a gida ita kad'ae" Kallan Dad yake kawae dan shi sam yama manta da akwae wata halitta a gidan, musamman yanzu da suka taho da Dad se kawae ya dinga tunanin gida zasu je.. Dad ya d'auki waya yayi waya sannan ya ajje ta gefensa, wajen mintuna 10 suna zaune cikin motar Dad na sake masa fad'a sega wad'anda Dad ya kira sunzo, wani ya 'karaso ya bud'ewa Dad motar ya fito bayan sunyi sallama da Don ya wuce motar da aka kawo yanzun, A hankali Don d'in ya fito daga inda yake zaune ya koma driver seat yaja motar a kasalance dan kuwa bacci yake ji sosae.....Tana nan zaune har yanzu, ga yunwar da take ji ga kuma tsoro daya fara baebayeta dan kuwa lokacin ma an kusa Maghrib ne, se kawae ta sake kwanciya a haka bacci ya d'auketa, ba ita ta farka ba se bayan isha'i, a hankali ta fara bud'e dara_daran idanunta se taga duhu, ta d'auka ko bata gama bud'e idanun nata bane dan haka ta sake gwale idanun, sedae me? Seta sake ganin duhu sosae ya mamaye mata idanu, da sauri ta mi'ke zaune tana kallan cikin d'akin zuciyarta na bugawa saboda tsoro, da sauri ta runtse idanunta sannan ta mi'ke a daddafe ta fito daga d'akin zuwa compound d'in gidan wanda yake tarr kamar rana saboda hasken 'kwae 'kwayan dake a cikinsa, ta nemi waje ta raku6e kamar me jin sanyi se kalle_kalle take tana sauke ajiyar zuciya lokaci zuwa lokaci, shiru compound d'in yake babu motsin komae se kukan tsintsaye dan haka kawae ta sake jin wani tsoro ya kama ta, kawae sega hawaye sharr sharr akan fuskarta, kamar wadda aka tsikara ta mi'ke ta sake laluba cikin d'akin ta koma, seta saka hannun ta jikin bango a hankali ta fara laluben socket d'in 'kwan d'akin amma bata jishi ba se waya da taji ta ta6a wadda hakan ya nuna mata socket d'in nasa yana sama, seta sake runtse idanunta ta fara tatta6a gefenta har takae kan wata side chair ta janyo ta ta maeda ta saetin inda socket d'in yake, sannan ta taka a hankali ta haye kae.... Mukulli ya saka ya bud'e gate d'in gidan dan shi ya ma manta d'an adam ya kulle a cikin gidan ba dabba ba (toh ko dabba ce ae a duba yadda take, akwae abinci ko ruwa a wajen ta ko babu?), se ya cigaba da takawa cikin takun nan nasa harya 'karasa 'kofar parloun ya saka hannu ya tura 'kofar ba tare daya lura da abinda ke a gaban 'kofar ba saboda 'karancin haske da yake a d'akin, aekuwa 'kofar ta daki kujerar da take kae, nan take kujerar tayi baya yayin da itama tayi baya ba tare data shirya ba, da wani irin sauri ta runtse idanunta dan kuwa ta gama sada'karwa zata jita ne a 'kasa, amma me?......Sam be lura da abinda yake kan kujerar ba, ya daega kujerar tayi baya sannan yaji tahowar abinda ke kan kujerar, dan haka da sauri ya saka tattausan hannun sa na hagu ya taro abinda ke shirin fad'uwa d'in, aekuwa kafin takae 'kasa se jinta kawae tayi cikin wani tattausan hannu yana ri'ke da ita, take kuma a lokaci guda 'kamshin turarensu na trussardi da Xplore (turaren ta wanda Ammi ta bata) suka cakud'e suka kuma gauraya waje guda suka fara bada wani ni'imtaccen 'kamshi me sanyaya zuciya............


✨MHIZ INNOCENT✨
*SKTHECONCLUSION23*


_____Dae_dae lokacin wayarsa tayi 'kara wanda sanadin kiran ya saka haske ya d'an bayyana a d'akin, Cikin mamaki ya kalli abinda ke hannunsa, da wani irin sauri kamar wanda yaga maciji a hannunsa ya sake ta da 'karfin gaske wanda hakan ya bata damar fad'uwa a 'kasa, sosae tayi wani irin buguwa wanda bata san lokacin data saki wata 'kara ba tana ri'ke bayanta, ya ja wani dogon tsaki sannan ya lalubi socket d'in ya kunna ba tare daya sake bi ta kanta ba dukda kukan data fara yayi wucewar sa sama be sake juyowa ba, yana shiga d'akin ya sake kallan hannunsa ya 'kara jan wani tsaki sannan ya wuce toilet yayi wanka kana ya fito ....... A 6angaren Azrah kuwa kuka take sosae dan sosae ta bugu, tana sake mamakin mutumin, cikin muryar kuka ta furta "mugu kawae" seda ta gaji dan kanta sannan tayi shiru tana sake ri'ke cikin ta da yunwa ke sake mamaye shi gashi har wani zazza6i zazza6i ne taji yana neman rufeta, tana nan zaune tana ta tunani iri iri bata san sanda bacci ya kwashe ta ba...... Washe_gari da asuba ta tashi kamar yadda ta riga ta saba kuma ya zame mata jiki, taje tayi wanka a toilet d'in cikin parlourn har lokacin jikin ta wani irin rawa yake, sannan tayi sallah ta koma ta zauna kamar wata maraeniya, tana nan zaune idanunta sunyi rau rau 'kiris take jira ta fashe da kuka, ta jiyo tsayuwar mota a compound d'in gidan, bata tashi ba kuma bata ji tana bu'katar ganin ko waye ba dan tasan wancan mutumin ne dan haka ta sake had'e jikinta waje guda, Cikin sakannin da basu wuce 30 ba taji sallama cikin parlourn ta d'ago da sauri tana kallan masu sallamar, da gudu ta tashi ta 'karasa ta rungume Zarah, kukan data ri'ke ya samu damar tahowa, Zarah ma ta rungume ta tana fad'in

"Kuka kuma Aunty Azrah?" Ita dae Azrah ba tace komae ba ta 'kan'kame Zarah tana yin kukan ta, se take jinta kamar Hauwa'unta, Fawaz dake baya ya taemakawa drivern daya kawo kayan da sukazo dasu 'kofar d'akin, shi kuma Fawaz ya shigar da kayan da su cikin kitchen sannan ya dawo yana kallan su, Zarah taja Azrah suka koma kan kujera tana fad'in

"Toh kukan na menene, bayan gamu munzo?" Fawaz yace

"Shine nima na gani, kukan shagwa6a ne irin na Aunty Azrah, lallae bhai na shan shagwa6a" ya 'karasa fad'a yana dariya 'kasa 'kasa, Azrah ta d'aga idanunta ta watsa masa harara tana dawo da dubanta wajen Zarah dake fad'in

"Kinci abinci?" Azrah ta girgiza kae da sauri, Zarah ta kalli Fawaz

"Ka taemaka ka zubo mata a plate mana" Fawaz ya gallawa Zarah harara sannan yace

"Ehh tunda ni kika raena ba?" Zarah ta mi'ke tsaye tana fad'in

"Ni ba ba'kuwar zafi bace" ta fad'a tana wucewa kitchen d'in, Fawaz ya nemi waje ya zauna yana kallan Azrah yace

"Bhai na nan kuwa?" Azrah ta kalleshi sannan ta kalli saman bene, seta girgiza kae kawae, Fawaz yace

"Ohk" ya fad'a yana ciro wayarsa daga aljihu ya fara dannawa, Zarah ta 'karaso cikin parlourn hannun ta d'auke da plate ta ciko shi da yam balls, se d'ayan hannun nata dake d'auke da tea flask, ta ajjiye a gaban Azrah tana kallan Fawaz tace

"Yanzu da baka taemaka min ba meya sameni?" Fawaz ya ta6e baki sannan yace

"Oho dae.." Zarah ta kalli Azrah tace

"Ki sauko kici" babu musu Azrah ta sakko daga kan kujerar ta zauna kan carpet sannan ta janyo plate d'in, babu 6ata lokaci ta fara aeka su cikin bakin ta, kafin kace menene ta tashi dashi, Zarah dae se kallan ta take, amma ba tace komae ba, seda ta gama sannan Zarahn ta kalleta

"Ko a 'karo?" Azrah ta girgiza kae tana shafa cikinta yadda taji ya mata sa'ke_sa'ke, ta d'auki shayin da Zarah ta had'a mata ta kora dashi sannan tayi hamdala, ta tashi ta koma kan kujera, can Zarah ta d'ago ta kalle ta tace

"Ina ne d'akin ki?" Azrah ta kalli Zarah cikin rashin fahimta, Zarah tace

"Ehh mana d'akin ki ko anan kike zaune hajiya ta?" Jinjina kae Azrah tayi ba tare da tace komae ba, Zarah tace

"Lallae ma Aunty Azrah" ta fad'a tana kallan Azrah d'in sosae, seta mi'ke tana fad'in

"Muje na za6ar miki d'aki" Azrah ta bita da kallo sannan ta mi'ke a sukwane tabi bayanta, Fawaz dae na zaune har lokacin yana danna wayarsa, Zarah na gaba Azrah na biye da ita kamar itace me gidan har suka hau saman, Zarah ta d'an wuwwulga idanun ta ta 'karasa wani d'aki dake kulle ta ta6a hannun ta jishi a rufe ta kalli Azrah dake tsaye tana kallanta tace

"Wannan da alama shine na ogan" Seta 'karasa ta ta6a 'kofar wani, akayi sa'a kuwa ta jita a bud'e, ta kalleta tace

"Yawwah" Zarah na gaba, Azrah na bin bayanta suka shiga cikin d'akin daya gaji da had'uwa, d'auke da wasu furniture masu kyawun gaske, Zarah ta kalli Azrah tace

"Yawwah daga yau nan ne d'akin ki uhmm?" Azrah ta jinjina kae, Zarah ta kalli Azrah tace

"Ina zuwa" bata jira amsar Azrahn ba ta fice daga d'akin ta sauka, ta kwaso kayan Azrah dake 'kasa da wad'anda sukazo dasu ta hawo dasu saman, sannan ta bud'e wardrobe d'in d'akin ta jere mata su, ita dae Azrah na zaune tana kallan ta kawae harta gama jerawar, sannan ta dawo ta zauna hannun ta d'auke da half vest ta kalli Azrah tace

"Gashi nan inji Ammi tace na kawo miki" Azrah ta kalli hannun Zarah sannan ta kalli Zarahn wata irin kunya na kama ta, ba tace komae ba se kawae ta d'auke kae tana girgiza kae, Zarah tace

"Meya faru?"

"Ni..dae..banso" ta fad'a a rarrabe, dariya Zarah tayi tana kallan Azrah d'in cike da mamakin ga6untar ta, ko ita da take er fari bata irin wannan ga6untar tace

"Toh wallahi karki saka babu ruwa na, ni dae er kawo sa'ko ce, ah toh, sena koma na fad'a mata kince bakyaso, kinga se tazo da kanta ta baki ki saka a gabanta koh?" Zarah ta 'kare maganar tana sakin dariya, itama Azrahn dariya tayi hadda rufe fuska, haka ba dan taso ba ta kar6a ta wuce toilet d'in bayan ta d'auki hijab, Zarah ta sake yin dariya sannan ta juya ta fara danna wayarta, tana nan zaune wajen mintuna 3 sannan Azrah ta fito sanye da hijab se wani no'ke no'ke take, Zarah ta sake fashewa da dariya tana fad'in

"Nikam dae fata na Allah ya shirye ki Aunty Azrah" ita dae Azrah ba tace komae ba ta zauna kan gadon a takure... Daga nan se suka sauko 'kasan, Fawaz ya kallesu yace

"Kawae kun wani bar mutum shi d'aya" Zarah tace
"Toh cinyeka za'ayi" yace

"Ehh mana" daga haka suka cigaba da hira jefi jefi sukan sako Azrah a zancen nasu, ita dae sedae tayi ta basu gajeriyar amsa dan duk a takure take, a haka har wajen azahar suka mi'ke, Zarah ta bud'e jakarta ta ciro wata waya ta mi'kawa Azrah tace

"Mami tace za kuyi waya, mun kae kayan abincin dukka kitchen, idan kukayi wayar da Mami zakiji yadda za'ayi" kamar tace mata ae bata iya kunna abin girkin ba sedae tayi shiru kawae, ta kar6i keypad d'in da Zarahn ke mi'ko mata tace kamar zata yi kuka

"Nagode sosae..amma wae tafiya zakuyi?" Zarah tace

"Wallahi kuwa kinga azahar ta kusa, ga islamiyya kuma!" Azrah ta sake maraeraece fuska

"Don Allah ku bari se anjima" Fawaz yace

"Wa!!!! Ba dani ba, so kike a sakamu a ofis? Ya sayyadi ya had'a mana jikinmu?, za dae mu dawo In Sha Allah" Azrah ta jinjina kae tana kallan su har suka fice daga d'akin, sannan ta koma ta zauna tana share 'kwallar idanunta, Fawaz ya kalli Zarah bayan sun fito yace

"Wae kinsan kuwa da farko kafin nasan Azrah matar Bhai ce harna fara sonta?, harna fara tunanin nima zan faso cikin abokae dan kowa yana da budurwa" Ya fad'a yana kecewa da dariya, Zarah ta kalleshi tace

"Iyeeee, wato tun baku tafasa ba zaku 'kone, wallahi babu ruwana" Fawaz yace

"Kefa kin jiki matar nan, karki kaeni inda Allah be kaeni ba" Zarah ta ta6e baki

"Ahh toh 'kae'kayin bakinka, ae kuma yanzu shikenan tunda na gano ku" ta fad'a dae_dae lokacin da suka iso wajen motarsu.... Wajen 'karfe 5 taji tana jin yunwa dan haka ta mi'ke ta isa kitchen d'in cike da tunanin yadda zata d'ora abincin, seta hango wasu warmers ta 'karasa ta bud'e, take wani 'kamshi me dad'i ya ziyarci hancin ta, seta lumshe idanunta tana jin yadda taji dad'in hakan, dan haka ta d'ebi wanda zata iyaci ta koma cikin d'akin, tana nan zaune ta fara cin abincin, ya shigo cikin parlourn yana waya cikin dakakkiyar muryarsa wadda indae ba'a kusa dakae yake ba 'karya ne kaji abinda yake fad'a dan haka ita kawae bakinsa taga yana motsawa, ta kae spoon bakinta ya shigo parlourn bata san sanda tayi wata mummunar 'kwarewa ba, ta fara tari, dukda tarin da yaji hakan be sanya shi juyawa ya kalli wajen ba, fuskar nan a had'e kamar hadari yayi wucewarsa, da sauri ta d'auki ruwan dake ajje tasha tana ajje numfashi, itama bata bishi da kallan ba, kawae dae ta rasa irin wannan tsoron da takewa wannan halittar..abincin da bata 'karasa ci ba kenan dan kuwa gaba d'aya seya fice mata arae, seda ta 'kara wajen mintuna 10 bayan wucewarsa sannan ta mi'ke ta mayadda plate d'in kitchen, ta dawo ta ta hau saman tana tafiya a hankali kamar wadda bata san taka 'kasa a haka har ta 'karasa, ta bud'e d'akin a hankali ta shiga sannan ta kullo 'kofar ta zauna gefen gadon tayi shiru...Tana nan zaune taji wayar da Zarah ta kawo mata na ringing, seta 'karasa ta d'auka tana kallan wayar, seda ta kusa tsinkewa sannan ta danna accept tana kara wayar a kunnenta, daga can 6angaren Mami tace

"Azrah!" Seta koma ta zauna tana fad'i cikin sanyi

"Na'am..Mami ina yini?"

"Alhamdulillah, kina jina?" Azrah tace

"Ehh.." Mami tayi jimm kad'an sannan tace

"Gobe idan Allah ya kaemu, Ammi zata zo ta fara koya miki girki In Sha Allah" Azrah tace

"Toh nagode Mami" Mami tace

"Ba damuwa..idan akwae wani abun zaki iya kira na ta wannan number" Azrah ta sake lumshe idanu tana jin yadda 'kaunar matar me tarin kirki ke ratsa ta tace

"Nagode sosae" daga haka Mami ta katse wayar ta..... Dae_dae lokacin da Ammi ta 'karaso dinning area d'in tana kallan Mami bayan taja kujera ta zauna tace

"Barka da rana hajiya" Mami tace

"Barkan ki dae Ammin yara..dama wani taemako ne zaki sake yiwa er taki" Ammi tace

"Toh inaji" Mami tace

"Ko zaki taemaka, a sau'ka'kawa Son zuwa restaurant ko zuwa gida cin abinci, ki taemaka ki koyawa matarsa girkin nan naki, ko Allah zesa ya dinga ci" Ammi tayi shiru na d'an wasu lokuta kamar me tunani se kuma tace

"Tohm babu damuwa.." Mami tace

"Yawwah madallah..za'a iya farawa gobe?" Ammi ta sake kallan Mami sannan tace

"Beyi wuri ba?" Mami tace

"Ae saboda shi za'ayi hakan da ita kanta, base an dinga shan wahalar kae musu can ba" Ammi tace

"Toh shikenan, amma akwae wani taemakon ma da zamu mata" Mami tace tana kallan Ammin

"Wanne kenan?"

"Wanda dae na ta6a sanar dake hajiya" Mami tace

"Ae na manta ne.." Ammi ta sauke ajiyar zuciya sannan tace

"Makarantar dae, da za'a taemaka a barta ta koma, inaga ba 'karamin taemaka mata hakan ma zeyi ba" Mami ma ta sauke ajiyar zuciya kafin tace

"Dalilin da yasa nace ta zauna anan kenan ta 'karasa karatun, amma Dad d'in su kinga ya riga yanke hukuncin komawarta gidanta, amma In Sha Allah i will talk to him se muji yanda za'ayi, idan shi Son d'in ya amince da komawarta kinga ae shikenan" Ammi tace

"Toh madallah" daga haka ta mi'ke ta cigaba da abinda take yi...... Sanye take cikin riga da wando falazo, idanunta cikin glass babba da takalmi hill, ta sa'kala jaka a hannun ta ta shigo cikin d'akin tana d'an tauna chewing gum dake bada sautin "qas,qas" Mami ta kalli 'kofar wajen tana kallan ta, seta mi'ke da sauri ta 'karasa wajen Simrahn tana fad'in

"Oyoyo daughter" Mami ta fad'a tana rungume ta, Simrah ma ta rungume ta tana fad'in

"Nayi missing naki Mami" Mami ta jata zuwa cikin d'akin tana fad'in

"Missed u too my dear" suka 'karasa suka zauna, sannan suka sake gaesawa, Mami tace

"Kin dawo lafiya?"

"Lafiya 'kalau Mami" dae_dae lokacin Fawaz ya shigo d'akin, ya zauna kan kujera yana kallan Simrah yace

"A'ah saukar yaushe?" Ta d'an ta6e baki sannan tace

"Jiya jiyan nan"

"U're welcome" ya fad'a yana maeda hankalin sa kan wayarsa, tace

"Thanks bro" seda ta d'anyi jimm kad'an sannan tace

"Ina yah Adnan?" Fawaz ya d'ago yana kallanta sannan yace

"Yah Adnan kuma?" Tace

"Ehh mana ko nayi sa6o ne, pls yana ina?" Fawaz ya ta6e baki sannan ya sake maeda hankalinsa kan wayarsa yace

"Gidan sa mana!" Simrah tace tana kallan Fawaz cikin rashin fahimta

"Bangane ba!"........




08124818273


✨MHIZ INNOCENT✨
*SKTHECONCLUSION24*


_____Fawaz ya d'aga kae ya kalli Simrah sannan yace

"Ehh mana, why are u looking so confused ne? Ko akwae wani abu?" Mami da tun d'azu take kallan Fawaz ta watsa masa wani kallo kana tace

"Tunda kayi abinda kake so ko zaka iya bamu waje?" Fawaz ya kalli Mami kafin ya maraeraece fuska

"Mami wae me nayi ne?" Ya 'karasa maganar sounding worried, Mami ta sake watsa masa idanunta sannan tace

"Kamar cewa nayi ka fita koh?" Seya mi'ke jikinsa a matu'kar sanyaye ya fice daga d'akin, Mami ta dawo da dubanta ga Simrah wadda tunda Mamin ta fara magana take kallan ta, cikin kwantar da murya Mami tace

"Is ohk..bari na miki bayani mana dear" Simrah ta sake kafe Mami da idanunta da suka ciko da 'kwalla sosae ba tace komae ba Mami tace

"Adnan yayi aure, amma ba don...." Da sauri Simrah ta mi'ke tana d'agawa Mami hannunta hawaye na sauka daga idanunta, ta sake 'kan'kance idanu tana kallan Mamin kamar wadda ke magana da sa'arta saboda tsananin 6acin rae tace

"Kar ki cemin komae, bana bu'katar duk wani bayani da zaki min Mami, dama na dad'e da sanin ba kyason wannan auren namu tuntuni saboda haka zanyi ya'kin da kaena" daga haka ta zari jakarta ta fice daga