You Cannot Download this book untill you login but you can read it .

---

Login Register

hankalin take amma sai ta dake ta cewa Kawu Dauda.

" Ni kaina ina ciki wannan tashin, amma ina tabbacin YAMURAM bazata taɓa dawowa cikin hankalin ta ba, muddun BOKAYE basu ƙare a duniya ba, idan kuwa abun ya gagara zan iya sawa aje har can garin a kasheta, ko ta halin yaya nayi alƙawarin YAMURAM bazata taɓa samun lafiya, dole a haka zata gama rayuwarta, sannan zan kira AJABO na basa Umarnin kawai a kashe su, dan haka ka kwantar da hankalinka."

" Hankali na bazai taɓa kwanciya ba muddun banga bayan YAMURAM ba dan haka ki tabbatar kin sama mana mafita."

Ajiyar zuciya Jummai ta sauƙe tare da tashi ta fita daga cikin ɗakin shima Kawu Dauda ficewa yayi daga gidan gabaki ɗaya.



***************

*BINISHED*

MALAM GANA ne sunkuye akan UMMA sai famar karatu yake mata tare da watsa mata wani ruwan rubutu, yana watsa mata ruwan take wani irin miƙewa tare da razana kamar zata tashi sai kuma ta koma ta kwanta, sanda Malam ya gama addu'ar sannan ya ɗauki wani ƙaramin kasko mai cike da garwashi ya zuba garin magani ɗakin ya turniƙe da hayaƙi, wani irin tari Umma take tare da nannaɗewa tamkar macijiya, DOCTOR dake gefe ne ya runtse idanunsa cike da tausayin Umman nasa, sanda Malam ya gama sannan ya dubi DOCTOR yace.

" Yanzu bacci zai ɗauke ta, insha Allah zata sami sauƙi."

DOCTOR cewa yayi.

" To Malam Allah ya saka da alkairi."

Da ameen malam ya amsa tare da ficewa, DOCTOR shuru yayi tare da tare da zuba tagumi, yayi shuru yana tunanin duniya, FAƊO MASA TAYI A RANSA take Zuciyarsa ya tsinke a fili ya furta " Wani hali take ciki na Tabbata bata cikin kwanciyar hankali" wayarsa ya ciro tare da buɗe gallary ɗinsa picture ɗinta ya buɗe, tana zaune saman kujera tana dariya ya mata picture ɗin, murmushi mai haɗe da ɓacin rai yayi tare da furta " _*KI GAFARCE NI FALMATA BAN RABU DAKE DON BANA SONKI BA, NA RABU DAKE NE SABODA GIRMAN LAIFIN IYAYEN KI, BAZAN IYA RAYUWA INA ƘASƘANTAR DA IYAYENKI NA TABBATA BAZAKI JI DAƊI BA, BAZAN TAƁA IYA FARANTA MIKI BA, SABODA INA GANIN TAMKAR NA FARANTAWA IYAYENKI NE, NA RUBU DAKE NE SABODA BANA JIN DAƊI A RAINA INA WULAƘANTA KI, GARA NA RABU DAKE A TUNANI NA HAKAN SHINE SAMUN SAUƘI NA DA KUMA KE DALILIN KENAN DA YASA NA RABU DAKE*_ sai dai yanzu na fara jin kewar rabuwa dake, amma zuciyata bazata iya jure zama dake ba, ina sonki kamar yadda kike sona, amma Soyayyar iyayena tafi ƙarfi fiye da Soyayyar da nake miki, *ƘADDARA TA FAƊA TSAKANIN MU DOLE YASA ZAMU HAƘURA DA JUNA SABODA ZUCIYATA CIKE TAKE DA WUTAR FANSAR IYAYENA*"

Ya ƙarasa maganar hawaye na gudu a saman fuskar sa, hanu yasa ya goge tare da kwantar da kansa jikin Umma ya fara magana tamkar Umma tana jinsa.

" Umma na, kece kika cemin nayi dacen mace ta gari, kince ko da wasa karna kuskura na rabu da ita, sai dai kuma abinda baki sani iyayenta mugaye ne suna sukayi silar lalacewar farin cikin mu suka tarwatsa mana family saboda mungun nufin su, Umma na rabu da Falmata Saboda bazan iya rayuwa da jinin BABA BUKKAR, ina son matata Umma na kasa jure haƙurin rasa ta, umma meyasa iyayenta suka kasance azzalumai suka shiga tsakanin mu ki bani Amsa Umma kinyi shuru."

Ya ƙarasa maganar hawaye na gudu saman idanunsa Yana kuma laɓe jikin Umma da bata san me yake faɗi ba, saboda bata cikin hankalinta....................





Ki biya kuɗin ki Yar Uwa karki karanta abinda ba gumin ki, ni bazan ja miki Allah ya isa ba, amma idan kinyi daidai kin sani 300 kawai zaki biya ta wannan account ɗin 0006064512 Rashida Usman Jaiz Bank ko katin waya na mtn ta wannan numbern 08147537180 sannan ki turo shaidar biyanki ta ita numbern.




Ummu Nasmah ce ✍🏻
[9/12, 10:39 AM] TYPING DOCTOR HASSAN💊💊💊: *DR HSN 35 to 36*




__________✍🏻 HAJJO dake zaune gefe tana sauraran sambatun DOCTOR ne, cike da tausayin sa ta ce masa.

" Hassan ai ka riga da kayi kuskuren saurin rabuwa da Falmata mace ta gari wacce samun irin ta a yanzu yake matuƙar wahala, Akan me zaka ɗaura laifin wani akan wani, bai kamata ba sabida kuskuren iyayenta , ka hukunta ta da son zuciyarka, yarinyar nan tana sonka Kuma kaima kana sonta meyasa zaka wahalar da zuciyoyin ku, ka duba magana ta Hassan kayi gaggawar maida Auren ka da matar ka, tun kafin lokaci ya ƙure MAKA."

Girgiza kansa DOCTOR yayi yana goge hawayen fuskarsa yace.

" Aunty Hajjo bazan iya zama da Falmata ba, Saboda idan ina kyautata mata gani nake tamkar iyayenta nake kyautatawa, duk abinda zan faɗa miki ba lallai ki fahimce ni ba, kawai Maganar gaskiya babu Maganar ƙara wani tsakanina da Falmata, zan jurewa zuciyata na cire Soyayyar ta a cikin zuciyata, Allah ya haɗa kowa da rabonsa."

Taɓe bakinta Hajjo tayi tace.

" To kuwa in dai hakane ƙarya kake baka sonta, muddun kana sonta zaka yiwa rayuwarta uzuri, wannan damuwar daka shiga ta ƙarya ce."

Ko Kafin DOCTOR yayi magana ta shigo Babu sallama ta faɗo cikin ɗakin bakin ta a ture ta dangwarar da ƙwaryar Abincin da MAMA ta bata ta kawo musu, bata ko kalli inda suke ba, ta juya zata fice, Doctor Kuwa tunda ta shigo ya ɗaga kansa yana binta da kallon tsana da ƙyama harta ajiye abincin zata juya, cikin tsiwa yace mata.

" Ke jakar ƙauye, arna ne mu da zaki shigo mana babu sallama wawiya jahila, marar lissafi."

Jahila Ai'sa ta maimaita kalmar a cikin ranta, kalmar da tafi tsana kenan a rayuwarta shiyasa ta dage da karatun boko tunda dama akwai makaranta guda ɗaya tak a cikin ƙauyen nasu mai haɗe da primary And secondary school ta government, juyowa tayi ranta a ɓace tace masa.

" Da kai da arne aini duk abu ɗaya nake ɗaukarka, gara ma arne wataƙil na iya masa kara koda gafara dai, ya kamata ka sakar min mara nayi fitsari kana shiga Rayuwata da yawa fa jakin Birni."

Hajjo da kallon mamaki take bin Ai'sa da ita domin kuwa ita tunda take bata taɓa ganin tacacciyar marar kunya irinta ba girgiza kanta kawai tayi tare da nema mata shiriya wajen Ubangiji.

A matuƙar harzuƙe da ɓacin rai DOCTOR ya miƙe ya yiwo Kanta dan yaga idan ba karya yarinyar nan yayi ba, bazata daina rainasa ba, ganin ya taso ya saka Ai'sa ficewa da gudu tana cewa.

" Kuji gardin banza dai, sai na tsaya ƙaton gardi irinka ya jibgeni.''

Ƙwafa DOCTOR yayi tare da komawa ya zauna cike da munguwar tsanar ta, ya washi yarinyar ji yake tamkar ya kasheta yake ji, yana nan zaune cikin wannan ɓacin rai FANTA ta shigo da Sallama a nutse ta sunkuya ta ajiye kofin da ta shigo dashi tace masa.

" Sannu da hutawa, ya mai jikin.?"

Hajjo ce ta amsa da yauwa.

Ɗago kansa DOCTOR yayi ya kalleta kamar su ɗaya da AI'SA sai dai ita wannan baƙa ce sannan suna da bambancin hali da AI'SA

" Da sauƙi' ya bata amsa a taƙaice zuciyarsa rabi na ga tunanin Falmata rabi Kuma tana wajen, FANTA cewa tayi.

" Gashi Malam ne yace na kawo maki waɗannan kofin guda biyu yace wannan shayi ne a ciki idan ta farka ki bata akwai magani cikin shayin wannan Kuma ruwan rubutu ne, wai shi kuma fuskarta za'a dinga wanke mata dashi" wani ƙullin leda ta miƙawa Hajjo ta karɓa ta cigaba da cewa.

" Shi wannan Garin maganin a ƙwarya zaki saka ruwa ki rufe ya kwana washe gari da sassafe ki buɗe sai ki zuba garin maganin cikin ruwan yace idan kinsa karki juya ruwan da hanu a nemi kara sai a juya dashi, sannan ki bata tasha."

Ta ƙarasa maganar da cewa "kin gane bayanin."

Ɗaga kanta Hajjo tayi tace.

" Ehh na gane, mun gode."

Tashi Fanta tayi ta fice tare da musu sai da safe, Hajjo ne ta dubi DOCTOR tace.

" Yarinya mai hankali da nutsuwa ba kamar Yar uwarta ba, amm Hassan abinda zan faɗa maka ko, dan Allah ka fita a harkar yarinyar kaga ba kunya gareta ba."

Tsuka DOCTOR yaja tare da cewa.

" Ai Wallahi Aunty Hajjo bazan bar garin nan ba sai na targaɗa yarinyar nan, sai nayi maganin tashin Kunyar ta, yarin............."

Ringing ɗin wayarsa shiya hanasa ƙarasa maganar, duba wayar yayi yaga SAIF ɗagawa yayi tare da karawa a kunnen sa yace.

" Abokina ya akayi."

DOCTOR SAIF cike da ɓacin rai yace.

" Komai ma anyi, yanzu DOCTOR duk yanda na kai ga taroka sai da ka ɓalle, kana tunanin abinda ka aikata shine daidai a gareka.!!!?"

DOCTOR cike da rashin fahimtar Maganar SAIF yace.

" Ban fahimce ka ba, meya faru me kuma nayi.?"

" Yanzu na haɗu da Maji, a unguwar BULUNKUTU AIRPORT, tana kallona ta sanja fuska zata shige, shine na tare ta, take sanar dani cewa ka Saki Falmata, Wallahi wallahi wallahi ka yiwa kanka babbar illar da bazaka fahimci hakan ba, sai nan gaba, sai dai kana dama ɗaya yanzu a hanunka, shine kayi gaggawar mayar da Auren ka, idan ba haka ba kuma hmmm zaka gane kurenka.''

" Mtsss!!! Aikin banza ni nayi zaton ma wani abin nayi, dama akan wannan ƙaramar Maganar ce ka ke wannan sambatun, to ai bari kaji bazan taɓa gane kuskukurena ba akan Falmata tunda ba kuskuren nayi ba, SAIF kafa san yanda nake son Falmata, kuma harna iya rabuwa da ita, ai kaima kasan Abinda ya koro ɓera daga rami Tabbas yafi wuta zafi, dan haka kama daina zancen na dawo da Falmata gida na, har abada bazan taɓa dawo da Ita ba."

" Hmmm!!! Ƙarya kake Hassan baka son FALMATA domin ka juma kana cutar da ita, kayi mata ƙaryar tana da matsalar mahaifa alhakin family planing kake bata a ɓoye take sha cikin jus, daga karshe ka sanjawa maganin waje ma'ana ka juyesu a wata kwalba, ka koma bata su a matsayin maganin matsalar mahaifa, take shansu a cikin rashin sani, ka faɗa min ina soyayya ga mutumin da yake cutar da rayuwarka, ina tuna maka wannan maganar ne saboda ka hankalta ka dawo cikin hankalinka ka gyara kurakuren ka, kafin Falmata ta juya Soyayyar da take maka daga Soyayya zuwa tsana, shawara na baka wala ka ɗauka wala karka ɗauka, Ruwan kane, amma dai bazaka ce ban faɗa maka gaskiya ba."

" Ya isa haka SAIF ka daina kiran planing ɗin da na yiwa Falmata a matsayin ƙiyayya, domin kuwa haihuwa ce ban shirya mata ba, yanzu dalilin kenan da yasa na mata planing AMMA ba wai dan bana sonta ba, duk wani namijin da zai so Falmata a baya nane, dan haka ka daina kiran bana sonta, maganar dai saki ne ko, to na saketa kuma bazan taɓa dawo da Ita ba, kuma ka sani ba wai sakin ta da nayi shi yake nufin na ƙyale azzaluman iyayen ta ba, a'a suma ina nan dawowa kansu, yanzu lafiyar Umma nane a gabana tukunna."

DOCTOR SAIF tsuka yaja tare da taɓe bakin sa ya ce.

" Okay ka cigaba da abinda kake karka fasa amma ka sani akwai ranar ƙin dillanci ranar da hajar mai gari ta ɓata, a ranar zaka tuno da masoyanka na gaskiya waɗanda suke ɗaura ka a kan hanya, yanzu zuciyarka ce take maka mummunan huɗuba wacce zata kaika ta baro ka.''

" Zuciyata bazata taɓa kaini ta baro ni ba SAIF saboda akan daidai take, kune kuka kasa fahimtar haka, ka sani yanda na bar nonon uwata haka na bar Aure da Falmata har abada, abinda yasa ban mata saki Uku ba lokaci guda Saboda Haramun ne, shiyasa, kowa yaje yayi rayuwarsa yayi hakuri da ciwon zuciyarsa, a hankali zata warke har kowa ya manta da yayi Rayuwa da ɗan uwansa............."






Jiya kunmin korafi cewa na ƙara muku yawan page sai dai bazaku fahimci wahalar typing bane shiyasa, amma kuyi insha Allah zan ƙara muku🥰🥰🥰🥰🥰 INA SONKU MASOYA NA.




*0006064512 Rashida Usman Jaiz Bank 300 only ko mtn card ta wannan layin 08147537180 sannan ki turo shaidar biya ta ita numbern, yafi miki sauƙi akan a turo miki abinda ba gumin ki ba, ki karanta..*



Masu turo Vtu pls ku daina numbobin katin kawai nake buƙata ba vtu ba.

*Ummu Nasmah ce✍🏻*
[9/14, 10:21 AM] TYPING DOCTOR HASSAN💊💊💊: *DR HSN 37 to 38*




________✍🏻 Doctor Saif kashe wayarsa yayi cike da ɓacin ran abokinsa, layin wayar Falmata ya kira, Falmata dake zaune gefen Hajja suna cin dafaffiyar gyaɗa ne ta ji ƙarar wayar ta dubawa tayi taga SAIFUDDEEN hanu tasa cike da nutsuwa ta ɗaga kiran tare da Sallama, amsa sallamar yayi yace.

" Falmata, ashe abinda ya faru tsakanin ki da Abokina kenan har abun ya kaiku ga rabuwa gaskiya banji daɗin wannan lamarin ba rai na ya ɓaci sosai.?"

Kallon Hajja dake gefen ta tayi tare da tashi daga kusa da Hajja gudun masifar Hajja, Cikin ɗakin Hajja tayi tare da zama tace.

" Eh SAIF abokinka yaci amanata ko a mafarki ban taɓa zato ko tsammanin cewa zai juyawa soyayyata baya ba, sai gashi lokaci ɗaya ya cire ni a cikin rayuwarsa, ni ba wannan bane ma yake damuna yanda DOCTOR ya raina iyayena, baya ganin mutuncin su, yana zargin sa akan abinda bayi da tabbacin sun aikata, SAIF koda iyayena sun aikata abinda yake zargin su dashi, ya dace kenan DOCTOR ya juya min baya, ni meye laifi na a ciki, hmmm ba komai duk sanda na yanki jiki na faɗi na mutu shi kuma Ranar sai ya shiryawa rayuwar duniya ya kuma yi walima ya kashe ni ya huta tunda na kasa cire Soyayyar sa a cikin zuciyata, mtss hmmm abin takaicin na kasa ciresa a cikin raina kullum sonsa ƙara ƙarfi yake a cikin zuciyata."

" Kiyi hkr Falmata ki sawa Zuciyarki hkr ki dage da addu'a insha Allah zaki koma gidan mijinki, shima yana sonki har yanzu, kawai saɓanin tunani aka samu wanda Zafin zuciyarsa tasa ya yanke ɗanyen hukunci kinsan halin DOCTOR inda zuciyarsa ta rufe baya jin dukkan abinda za'a faɗa masa, amma ba wai dan baya sonki ba, dan Allah kiyi hkr ki masa uzuri komai zai wuce nan bada jumawa ba, zanyi ƙoƙarin ganin komai ya daidaita tsakanin ku."

" Saif a yanzu na fara tunanin DOCTOR baya sona, na fara tunanin ciresa a cikin raina koda kuwa hakan yana nufin mutuwa tace."

" A'a Falmata karkiyi haka dan Allah ki bani lokaci domin ganin na gyara tsakanin ku, kiyi hkr dan Allah."


" Shikenan SAIF na gode da kulawar ka gareni ka gaishe da Aunty FAUZA."

Da zataji ya furta tare da katse wayar, Falmata sosai taji daɗin yanda DOCTOR SAIF ya nuna mata kulawar sa gare ta, waje ta koma wajen Hajja ta zauna a lokacin har Aunty YANA ma ta fito ta zauna, hanu Falmata tasa zata ɗauki gyaɗar, Hajja ta bige mata hanu tace.

" Ajiye min gyaɗa ta marar zuciyar banza yaro yana gwada miki tsana ke kuma sai famar binsa kike a gindi kamar ubanki, to da kika gudu kikayi wayar a ɗaki saboda kar naji to na biki naji duk abinda kuka tattauna, ke dai kinji kunya wallahi marar zuciya wacce bata kishin kanta ke ko ɗan jan ajin nan irin na mata baki da wawiya kawai."

Tura bakinta Falmata tayi gaba, tace.

" Laɓe fa kika min kenan Hajja kuma kin san ba kyau laɓe, nifa Hajja ina son mijina, kawai kisan yanda za'ayi na koma ɗaki na ni bazan iya rayuwa ba DOCTOR b..........."

Bata ƙarasa maganar ba taji Aunty YANA ta bige bakin ta da ƙarfi, cike da azaba Falmata ta riƙe bakin idanunta na ƙoƙarin ciko da Hawaye, Aunty YANA cewa tayi.

" Wallahi ƙarya kike baki isa ba, muddun ina numfashi bazaki taɓa komawa gidan wannan ɗan iskan Yaron ba, sai dai kuma idan mutuwa nayi, gara ma tun wuri ki fitar dashi a ranki, dan wallahi da ki koma gidan sa gara ace min kin mutu zanfi jin nutsuwa naga gawarki a gabana a kaiki cikin kabarin ki, da ace min cikin gidan Hassan za'a kaiki, ke Falmata kinsan irin rainin da yaron nan yamin kuwa mutumin da yace sai wurgar dani ƙasa koya targaɗa ni mutumin da yake zagin iyaeyenki, shine kike kiran zaki koma wajen sa sam bazai taɓa yiwuwa ba muddun kuwa ina numfashi zanga wa zaki zaɓa Ni Ko shi ."

Falmata Hawaye ne ya ciko mata a idanu cike da tsoron maganganun Aunty YANA, cikin raurau da murya tace.

" Amma wani abinda yake faruwa harda laifin ki meyasa kike zuwa wajen boka ko shima dole zaisa a zargeki, ban taɓa ƙaryata cewa da hanunki wajen faruwar wannan lamari ba sabida kina zuwa wajen bokan tunda nima shaidar kina zuwa ne, ni kaina kinsha kaimin laya da wasu abubuwan na BOKAYE nace miki bazanyi ba, ta ya baza'a zargeki ba ki faɗa min mama."

Murmushin takaici Aunty YANA tayi, tana girgiza kanta tace.

" Oho fito sarari kice kema kina zargina da ɓatar da Uban mijinki da kuma sawa Uwar mijinki ciwo ki fito ki sanar dani ba sai kinyi kewaye kewaye ba, to buɗe kunnenki kiji da kyau, ni ɗin nan da kika gani ba mace bane mai shiga bokaye sai a sanadin ki, saboda tsantsar wahalar da kike sha a gidan Auren ki yasa na fara zuwa wajen BOKAYE domin samo miki farin ciki, Kuma nan ma ban fara zuwa ba sai da naga wahalar da kike sha tayi yawa, Kuma nabi dukkan wani mataki domin ganin Hassan ya rage miki wasu abubuwan amma hakan bai yiwu ba, sai ma zagi da rashin kunyar da mijinki yake mana nida mahaifinki, hakan yasa na tunzura naje wajen, Ƙawata tace min naje wajen wannan bokan, idan har yayi miki aiki akan Hassan bazai taɓa wulaƙanta ki ba, zaki samu farin ciki, ƙwaɗayin na sama miki jin daɗi a gidan mijinki yasa na amince da shawarar ta, dalilin kenan da na fara shiga boka kuma ban taɓa kai sunan wani ba, ni dai kawai burina farin cikin gidan ki ya dawo, meye laifina neman gyara Aure da ne sunnah ta Annabi ba zuwa nayi a yiwa wani mugunta ba, ga nan Hajja tunda ta fuskanci ina bin bokaye ta kira ni tamin faɗa Ranar da tayi case da Hassan a kanki harta mareshii, tunda tamin faɗa ban kara tunkarar wannan bokan ba, hatta AZUMI da ta sani a wannan hanyar na rabu da ita, Allah Sarki ashe ina can ina wahalar sama miki farin ciki ke kuma kina nan kina min mungun zato, ba damuwa Falmata na gode na fuskanci ke kinfi buƙatar farin cikin ki fiye da farin cikina."

Aunty YANA ta ƙarasa maganar hawaye na zubo mata, sosai jikin Falmata yayi sanyi tayi shiru ta kasa Magana Hajja ce tace.

" Tabbas gaskiya ne maganar mahaifiyarki, taso shiga cikin hallaka ne saboda sama miki farin ciki a gidan Auren ki, ki sani Fatuma babu wata Uwar da zata ji daɗi ace ƴarta tana cikin damuwa da rashin kwanciyar hankali a gidan ta, dole sai wannan uwar taji babu daɗi a cikin zuciyarta saboda ita uwa tafi buƙatar farin cikin ƴarta fiye da nata farin cikin idan ɗa yana cikin jin daɗi to ita ko tana cikin wahala ne bazata ji zafi ba, ni nan nice na yiwa Yana faɗa, Kuma ta ɗauka ta daina, amma shine ke yanzu kika zaɓi mijinki fiye da farin cikin mahaifiyarki, har kika yarda da shirmen sa na zargin su da yake, dama ashe akwai Soyayyar da zaki yiwa wani mutum daban bayan iyayenki mutumin daya wulaƙanta ki ya wulaƙanta iyayenki shine abin so a wajen ki saboda rashin sanin darajar kanki, to ki sani idan ke kin haukace baki san ciwon kanki ba, to mu bamu haukace ba da hankalin mu, dan haka ni Hajja nace babu ke babu komawa gidan Hassan har abada, kinsan dai idan na yanke hukunci a cikin gidan nan ya yanku ko, dan haka idan zaki cire wannan Soyayyar banzar ki cire idan ba haka ba kuma ki sawa kanki cuta wannan Damuwar kine."

Shuru Falmata tayi Hawaye na gudu saman fuskar ta, hanun Aunty YANA ta kama cikin kuka tace.

" Kiyi hkr Mama ban fuskance ki bane shiyasa na yanke miki hukunci a bisa rashin sani wallahi Mama ban san DOCTOR yana zagin ku ba, na miki alƙawari Mama zan cire shi a Raina kema ki taimakeni da addu'a, insha Allah duk wani umarninki zanbi , Amma dan Allah Mama karki kuma zuwa wajen boka babu kyau Mama haramun ne zaki ɓata sallarki mama ki ɓata Addinin ki Saboda neman duniya gara ki dage da addu'a sai Ubangiji ya jiɓanci lamuran ki."

Murmushi Aunty YANA tayi hawaye yana zuba daga idanunta ta rungume ƴarta tace.

" Insha Allah bazan kuma zuwa ba, kuma insha Allah komai naki zai daidaita Allah zai jiɓanci lamuran ki, Allah ya miki albarka."

Murmushi Hajja tayi ta amsa da ameen Falmata gyaɗar ta ɗauka tare da cewa zan Hajja

"yanzu zan iya cin gyaɗar ko?"

Dariya Hajja tayi tare da cewa.

" Ehh zaki iya ci ja'ira kawai"

Ta ƙarasa maganar tana zungurin goshin Falmata gabaki ɗayan su dariya sukayi har Aunty YANA.




**************


Washe gari da misalin ƙarfe 12 na rana Jummai ce sunkuye take gaban wani ƙaton boka, baƙiƙƙirin mai munin gaske, tace.

" Allah ya taimaki boka na dawo ne akan Maganar ƙanwar mijina wacce ka kwantar mana da ita jinya, yanzu haka boka muna cikin tashin hankali domin..........."

Dakatar da ita bokan yayi tare da cewa.

" Tana BINISHED ko an Kaita wajen wani malami me magani dariya ya sheƙe dashi yace, ke kuma kinzo kine saboda bakya so ta sami lafiya, to zoki gani."

Ƙwarya ya buɗe mai cike da ruwa shafa ruwan yayi sai kuwa ga hoton UMMAN DOCTOR ya bayyana DOCTOR na gefenta Hajjo zata bata magani, ƙara shafawa yayi sai hoton ya ɓace kallon Jummai yayi data sake baki tana mamaki yace.

" Bazata samu lafiya, zamu lalata duk wani maganin da zai mata, idan ruwane kuma zamu zubar dashi karki damu."

Ajiyar Zuciya Jummai ta sauƙa tare da cewa.

" Yauwa kota halin ƙaƙa kar a bari ta samu lafiya, kuɗi ta ɗaga ƙwarya ta ajiye masa kuɗin kasancewar tasan dokar bokan tashi tayi ta fita da baya baya karta fice.





Tirƙashi ƙaƙara ƙaƙa akwai lauje Tabbas cikin naɗi, to wai shin menene ainihin tarihin waɗannan FAMILY ku kasance dani a next page domin mu waiwayi baya.




Ki biya kuɗin ki ta wannan 0006064512 Rashida Usman Jaiz Bank ko katin waya mtn card ta wannan numbern 08147537180 Sai ku turo shaidar biya ta ita numbern 300 ne kacal, yafi miki sauƙi fiye da ki karanta abinda ba gumin ki ba.





*ALƘALAMIN UMMU NASMAH CE*✍🏻
[9/14, 10:22 AM] TYPING DOCTOR HASSAN💊💊💊: *DR HSN 39 to 40*



*DOCTOR HASSAN PAID GROUP FAN'S, GASKIYA INA JIN DAƊIN YANDA KUKE TATTAUNAWA AKAN WANNAN BOOK ƊIN, HAKAN YANA ƘARA MIN ƘARFI GWIWWA SOSAI, JI NAKE INA TYPING CIKIN NISHAƊI, ALLAH SARKI HAR KUN TUNO MIN DA FAN'S ƊINA NA INDO A BIRNI, HAKA SUMA SUKE TATTAUNAWA AKAN BOOK ƊIN NAN, FAN'S ƊINA INA SONKU IRIN SON SON NAN 😘😘😘😘😘😘*




*WAIWAYEN BAYA*
*TUSHEN LABARIN*





________✍🏻 *ALHAJI MAI BULUNKUTU TSALLAKE BULAMA BANA WANBAI* amma asalin sunan sa *HASSAN* ne tsoho ne na arziki wanda al'ummar unguwar suke jin daɗin mulkin sa mutum ne mai tausayi da jin ƙan na ƙasa dashi, cikin gidan MAI BULUNKUTU babban gida ne FAMILY HAUSE wanda ya tara ƴan uwa, Part Part ne a cikin gidan, sai dai sashi biyu daga cikin gidan sunfi zumunci shine sashin ƴaƴan *MAI BULUNKUTU, ALHAJI MALA DA KUMA SASHIN BUKKAR* Hajiya MAIRAMA itace matar mai BULUNKUTU ta lalle, tana