You Cannot Download this book untill you login but you can read it .

---

Login Register

kai Abba yace
"Inna matsala aka samu, kuma kinsan halin tafiya ita ke da kai ba kai kake da ita ba."
Baki ta tabe Ummi tace
"Kiyi hakuri Inna mun sameku lafiya ya gidan?"

"Gida yana nan kalou sai dai fa tin da kuka tafi waccen ta daina kawon abincin ta sam ke dai yayar kice nasan ba yadda zaki ba. Daman ganin ido ne yasa take kawon dan taga kina kawon ita kar ace bata kawon ko? Ita kuwa dayar yo ko ta kawon ai baci zan ba girkin ta sam ba dadi, ke ni wallahi kyamkyamin ta ma nake."
Ummi tai murmushi tace
"To Inna ai na dawo sai na cigaba da kawo miki."

"To ai shikenan a haka kuma wancan gantalallen yaron nata yake zuwa min nan kwadayi da gayya nake abu mai dadi na cinye ko sammasa bana yi."
"Waye a ciki Aliyu ko Umar?"
Abba ya tambaya yana murmushi.

"Waye banda Aliyu uban yan kwadayi!"
"Inna amman shima ai yana kawo miki kayan kwadayin!"

"A shekara sau dayan. Kasan Allah Shehu a shekara sau daya yake kawon!"
"To ai muna kawo miki ba shikenan ba."

"Amman dai Shehu yadda nake dawainiyya da yaran nan tin haihuwa ya dace ace haka suka dauken kamata yayi komai suka samo su kawon ko dan Allah."
"Haka ne Inna!"

"Uhmm to kana ji sai mu shekara biyu kwandala bata hadamu ba kayan ci kuwa bai fi a shekara sau daya ba fa!"
"To Inna sai hakuri yaran zamanin haka suke ai!"
Ummi ta fada.

"Daman ku kuke kara daure musu gindi, Allah yaso na haifi Shehu da Suleiman da Nusaiba ga kuma Abubakar shi ya dauken uwa duk da bani ce uwar sa ba to me abun Aliyu da Umaru zai karen a duniya bayan yara nab basu dauken komai ba."
"Ayi hakuri Inna."

"In ban hakura ba ya kike so nayi Aisha?"
Abba yai gyaran murya yace
"Inna bakiji dalilin dadewar mu ba fa!"

"Zai wuce ka ce min aikin ka ne baka gama ba Shehu!"
"Ba haka bane Inna mun gama aiki a iya ranar da na dauka sai dai mun taho shine muka samu dan hatsari a hanya."

"Na shiga aljanna ban fito ba ni Hauwa'u ina fatan dai ba abinda ya same ka ko?"
"Babu Inna wata yarinya muka so mu buge amman Allah ya takaita wahalar wanda tsoratar da tayi yasa ta suma!"

"Kaji raguwa daga an kusa a bege ka sai suma amman wannan kwai raguwa da zan ganta da na ga mai mata kuwa."
Murmushi Ummi da Abba sukai sannan Abba yace
"Shine muka kai ta asibiti to kinga mune silar sumar bai kamata mu tafi mu barta ba, dan haka muka zauna har wajen awa takwas bata farfado ba."

"Kai duniya abun mamaki baya karewa yanzu daga an kusa bige ka sai suma har kayi awa takwas sai kace ba mutum ba anya mutum ce kuwa Shehu. Aisha dan Allah mutun ace ba a bige ka ba ka hau suma haka ake yi?"
"Wallahi Inna muma mun tsorata sai da likitoci suka kwantar mana da hankali shiyasa muka dada kwana dan sai dare ta tashi wanda muka so mu dankata a hannun iyayen ta sai kuma yarinyar ashe bata da lafiya."

"Ahaf kaji zance ai daman da walakin ace daga an kusa bige ka sai suma."
"Wallahi Inna yarinyar dai ashe bata ma magana daga cin abinci sai amai baki ganta ba yarinya karama duk ta rame ta dashe haka muka kwana zazzabi mai zafi a jikin ta wanda washe gari Aisha ta sanar dani nace ayi wa likitoci magana shine sukai bincike sosai akan ta."

"Inna in kinga yarinyar abin tausayi wai ashe tayi rashin lafiya shine ta rasa maganar ta, sai jini ta da yai mugun hawa."
Ido Inna ta zaro tace
"Duk ita kadai yarinya karama."

"Inna ba ma wannan ba ciwon zuciya ya kamata ga karamin ciki dake wahalar da ita."
Tagumi Inna ta zuba tace
"Duk ina iyayen ta?"





*Allah ya yafe mana yasa muyi kyakyawan karshe Amin.*



*Antty*
[11/17, 14:03] Maryam S Indabawa🥰: 💗💗 *MATAR HAIDAR* 💗💗
Page 39

By
*MARYAM S INDABAWA*
HAJOW

*Bismillahir Rahmanir Rahmin*

Abuja
Kallon Abba Ummi tayi sannan ta sauke ajiyar zuciya tace
'Inna ina zaton yarinyar tayi losing memory dan bata iya tuna komai na rayuwar ta sai mutum biyu Ammin ta da Yaa Haidar da ta fada min. Wanda Yaa Haidar din shine mijin ta!"

"Allahu Akbar. Allah yasa ba irin halin Aliyu nan gidan ne dashi ba. Yanzu ya jikin yarinyar?"
"Inna likitoci sunyi mana bayani yarinyar tana bukatar kulawa sosai. Dan tana cikin hatsari wannan abun shi yafi damu na, na rasa ya zanyi ya zan ajiye ta. Dan garari kawai take a cikin garin Bauchi bata san garin da kowa dake cikin garin ba bata tina kowa da komai a rayuwar ta ta baya."

"Ikon Allah wannan wacce irin jarabawa ce ace ka rasa komai naka da mijin ka ga ciki ga bakasan inda kake ba."
Abba yace
"Shine Aisha ta nemi alfarma akan tana son ta karasa kula da yarinyar har lokacin da Allah zai sa ta tuno yan uwan ta."

"Hakan yana da kyau!"
"To shine yau Aliyu yayi mana booking flight muka taso har yarinyar."

Ido Inna ta zaro tace
"Kuka taho da ita ina?"
Kallon kallo akai da Abba da Ummi. Abba yace
"Nan gidan!"

"Yanzu Shehu baka ganin ba matsala ka dauko yarinyar da baka sani ba ka kawo cikin iyalin ka. Haka fa kukayi mana shekarun baya. Shin kuka sani ko aljanna ce ma. Ni da farko na ji tausayin ta kuma na yadda da labarin amman kuna cewa kun kawo ta kuma sai naji tsoro nake ganin anya da gaske ne kada fa ta cutar da mu."
"Inna ta kenan da mukai haka a shekarun baya yanzu wa yafi ki jin dadin sa. Naga ya dauke ki kamar yadda kike a wajen mu. Kuma Inna ina ce ke kan ki baki taba kawo laifin sa ba tinda muke sai a yanzu kuma haba Inna. Nasan Inna ta ba abunda take tsoro a duniyar nan daga mutun har aljanna. Allah kadai take tsoro. Kuma nasan Inna ta akwai tausayi imani da taimako nasan zata taimakawa ko wanene dan Allah shi zai biya ta in ma ya cutar da ita dan kansa. Nasan Inna zata taya mu rikon yarinyar nan tsakani da Allah ko Inna ta?"
Abba ya karasa yana lankwasar da kan sa da neman taimakon Inna.

"Daman ai ni bana tsoron kowa, kuma ina son taimako yanzu me zance sai dai nace Allah ya bamu ikon rike ta da amana, Allah yasa ta tina da gida ya sauke ta lafiya."
Baki Abba da Ummi suka hada suna murmushi suka ce
"Amin Inna."

"Ya jikin nata?"
"Da sauki sai dai ba abinda take iya ci."

"Allah sarki haka za ai jinya ba cin abinci bari maza na tashi na samar mata abu da zata dan ji dadin bakin ta."
"To Inna me za a kawo?"

"Ba abunda za a kawo dan jiya Aliyu yayi min cefane kayan da nake bukata."
"To Inna godiya muke."

Ta mike ta nufi kitchen tana fadin
"Bari na shiga kan a kira magariba."
"To Inna muma mun tafi sai anjima!"

Suka mike suka fita. Ummi tace
"Ni nasan daman Inna sai tace wani abu!"
"Amman kuma ai kinsan tana da saurin sauka ko?"

"Haka ne kasan ta ai wata rana ta nuna tana son abu wata ranan akasin kowa mai laifi ne in tai niyya."
"Haka ne amman ku da yaran ku zaku taimaka mana mu rabu lafiya."

"Kai ma kasan muna iya kokarin mu."
"Haka ne."

Abba ya nufi gate din da zai sada shi da masallacin gidan Ummi kuma bangaren dake kusa da nasu iri daya ta shiga. Da sallama ta shiga sashen amman ba a amsa ba ciki kawai ta shiga. Hajiya Barira na zaune tana kallo. Ummi tai murmushi ta kalle ta tace
"Sannu da gida Hajiya!"

"Yauwah!"
Ta amsa ba tare da ta kalli inda take ba. Kai ta dauke tayi sama itama bata bi ta kanta ba. Tana zaune a daki hannun ta rike da waya ta jiyo muryar Ummi na sallama. Da sauri ta dago tana fadin
"Ummin Aliyu ashe yau din dai kuna tafe!"

"Wallahi Yaya, Aliyu ya saka mu a gaba sai fa cewa yayi kawai yai mana booking flight."
"Au da kenan ba yau zaku dawo ba."

"Gaskiya dai da wuya dawowar mu yau din nan, saboda jikin yarinyar amman Aliyu yace mu dawo zai kula da ita komai da komai."
Fuska ta sauya tace
"Har yanzu jikin dai to ina yan uwan ta?"

"Yaya bata san inda suke ba sam bata magana fa ba wanda ta sani nata fa."
"Me kike nufi?" Bayani Ummi tai mata. Tagumi ta saki tace
"Tarihi na son maimaita kan sa dai kenan ko?"

"Wancan da banbanci da wannan, wannan fa har da ciki."
"Hmm duk da haka ke kuma kece uwar yan tsuntuwa ko?"

"Yaya to menene Allah dai ya bayyana alhalin su gaba daya."
"Amin to ya jikin nata?"

"Da sauki!"
"Dan Allah dai ki kula tinda bamu san wacece ba kar muje me cutar wa ce."

Murmushi Ummi tayi tace
"Insha Allahu haka ba zai faru ba Allah zai dubi zuciyoyin mu, yanzu."
Kai ta gyada kawai. Ummi tace
"Yakamata muje kigan ta ko?"

"To muje!"
Suka mike suka fita ba kowa a bangaren nasu dan haka suka fita kawai. Bangaren Ummi suka nufa nan ma ba kowa sama suka nufa suka shiga dakin da Maryam take duk yadda taso kar tai bacci bata san lokacin da baccin ya dauke ta ba.

Kallon ta suka tsaya yi. Ummi tace
"To kingan ta Yaya!"
"Na ganta gaskiya yarinya ce sosai, Allah sarki!"

Ta karasa tana leka fuskar ta sosai. Sannan ta dago tace
"Allah bata lafiya daga gani duk inda ta fito cikin jin dadi ne. Kalli fatar ta smooth duk da bata da lafiya."
"Haka ne!"

Ta mike ta nufi kofa tana fadin
"Bari naje yau Inna tace na mata farfesun tarwada."
"Hajiya Inna kenan!"

Ummi ta fada tana bin bayan ta. Fita sukai tace
"Ai da bakya nan kullum sai tayi fada wai kinje kunki ku dawo in ke ba zaki dawo ba ki bar dan ta ya dawo."

Murmushi Ummi tayi lokacin da suka karaso bakin kofa tace
"Ai nasan za ai haka. Allah dai ya rabamu da Inna lafiya."
"Amin sai anjima!"

Ta fita ita kuma ta shiga kitchen abincin dare ta daura musu wanda bata jima da daurawa ba aka kira sallah sama ta hau ta shiga dakin da Maryam take ta dauro alwala sannan ta fito ta tada Maryam dake bacci. Bandaki ta shiga tai alwala ta fito ta tada sallah anan dakin.

Ummi na idarwa ta koma kitchen ta karasa abincin daren ta. Ana isha'i ta gama ta jere komai a dining sannan ta gyara wajen da ta bata sama ta hau tai wanka ta canja kaya sannan ta fito ta shiga dakin Maryam kwance ta same ta akan sallaya. Karasawa tayi ta leka fuskar ta. Ido ta bude a hankali ta fara kokarin mikewa.

"Yi kwanciyar ki!"
Komawa tayi ta kwanta. Ummi tace
"Me kike so na samar miki kinga ba kyau zama haka da yunwa ba ko?"

Kai ta girgiza. Ajiyar zuciya Ummi ta sauke tace
"Ko dan kisha magani kya samu wani abu ki danci fadamin me kike sha'awa."
Bata fuska tayi kamar zatai kuka ta girgiza kai.

Ummi tace
"To shikenan bari naje naga ko Abbah ya dawo na bashi abinci ko? Ko zaki sauko kasan?"
Kai ta girgiza ta lumshe idon ta kawai dan ita kadai tasan me take ji. Mikewa Ummi tayi ta fita. Abbah ta sama a falo yana kallon TV.

Zama tayi tana fadin
"Ashe ka dawo sannu da zuwa!"
"Yauwah ai nasan kina can wajen 'yar ki!"

"Haka ne. Nagama abinci muje kaci ko?"
Mikewa yayi ya nufi dining Ummi na binsa a baya. Bayan ya zauna ya kalli Ummi da ta fara serving nasa tuwon farar shinkafa da miyar agushi da taji jan nama sai kamshi take.

"Ina Maryam din ita?"
"Kasan ba zata iya ci ba!"

"To me take so?"
"Tace bata son komai tin dazu nake tambaya in akwai abinda take so nai mata amman tace babu!"

"To amman haka zamu zauna ba ci ba sha?"
"Nima dai abin dake damuna kenan amman bari Aliyu ya dawo naji ya za'a ko?"

"Allah kawo shi lafiya."
Ya fara cin abincin ya kalli Ummi dake zaune yace
"Ke bazaki ci ba?"

"Sai anjima!"
"Alright!"
Ya gama ta kwashe wanda yaci ta kai kitchen ta wanke sannan ta fito.

Tana fitowa Inna na shigowa bakin ta dauke da sallama. Amsawa Ummi tayi ta amshi basket din hannun ta tana fadin
"Sannu Inna!"
"Yauwah ina mai jikin?"

"Tana sama!"
Suka karasa falon. Abbah ya mike yana fadin
"Sannu da zuwa Inna!"

"Yauwah Shehu tin dazu da kuka fita ina kitchen sallah kadai ke fito dani sai yanzu na gama na tsaftace wajen na taho kawo mata Allah yasa dai bata ci wani abun ba."
"Sannu Inna ba abinda taci tana kwance!"

Ya kalli Ummi yace
"Aisha kira ta!"
Ummi tai sama Inna tace
"Barta bari nazo da kai na."

Tabi bayan Ummi Abbah shima ya mara mata baya. Tana kwance akan sallaya suka shiga. Ummi ta karasa ta dafa ta. Ido ta bude a hankali ta fara kokarin mikewa Ummi ta taimaka mata ta zauna ta jingina da gado tana dafe kan ta dake mata ciwo ga jiri kamar zai fadi.

"Sannu!"
Duk sukai mata ta jinjina kai kawai. Inna tace
"Sannu Uwa tah ya jikin?"

Ido Maryam ta bude ta gyada mata kai. Inna tace
"Sannu Allah sauwake!"
"Amin!"

Suka amsa da Amin. Inna ta amshi basket din ta dauko flask ta ajiye ta dauki serving spoon ta bude flask din kamshi ya cika dakin. Ido Maryam ta lumshe. Fita Abbah yayi Inna ta dauki plate ta saka serving spoon ta zuba mata ta dauki spoon ta saka sannan ta dauki cup ta zuba mata kunun da tai mata ta ajiye.

Maryam ta kalla sannan ta kalli Ummi tace
"Taimaka mata taci!"
Dauka Ummi tayi. Maryam ta hau girgiza kai tana nuna mata amai zatai in taci.

Inna Ummi ta kalla. Sanna tace
"Inna wai in taci amai zatai"
"Waya fada mata. Ta gwada ci dai!"

Maryam ta kalle ta fuska kamar zatai kuka. Inna tace
"Duk wahalar da nai a banza kenan. Ai kuwa sai kinci kinji ko!"
Ummi ta sauke ajiyar zuciya tace
"Daure kici kinji ko kadan ne!"

Ta diba tayi wajen bakin ta dashi a hankali ta bude bakin ta Ummi ta zuba mata ido ta lumshe ta hadiye da kyar. Tsami tsamin faten yasa taji dadin bakin ta dan haka sai ta dinga amsa Ummi na bata sai da sha rabi sannan ta kau da kai. Kunun Ummi ta bata amsa tayi shima tsamin yasa ta dan kurba sannan ta kau da kai.

Kai ta jingina a jikin gado tana sauke ajiyar zuciya. Inna ta washe baki tana fadin
"Yauwah kuke fa Uwa ta. Sannu Allah yasa ya zaun...."
Bata karasa maganar ba Maryam ta mike a guje tayi bandaki. Amai ta dinga yi kamar zata amayar da kayan cikin ta. Ummi tabi bayan ta, ta dafe bayan ta tana mata sannu.







*Allah ya jikan musulmai yasa muyi kyakyawan karshe. Amin*


*Antty*
[11/17, 14:04] Maryam S Indabawa🥰: 💗💗 *MATAR HAIDAR* 💗💗
Page 40

By
*MARYAM S INDABAWA*

Hakuri da Juriyya Online ✍
HAJOW

*Bismillahir Rahmanir Rahmin*

Wata Motoci kirar Rolls Royce, Motace mai tsananin sheƙi da azabar kyau motar sabuwace dal, sai she'ki da ɗaukar ido takeyi komai na motar farine 'kal sai glass d'inta daya kasance tint mai duhu. Wani kyakyawan matashine mai cikar haiba da kamala da kima, uwa uba kwarjininsa mai cika idon mutane, farine 'kal wanda da ka ganshi kasan tabbas bafulatani ne, kuma zaka gane ya haɗa jini da larabawa. Shigar kanannun kaya ne a jikin sa masu kyau da tsada. Bakin wando ne da orange kalar riga, sai bakin takalmi cover mai masifar tsada. Sai sheki yake haka nan hannun sa makale da bakin agogo mai kyau da tsada. Yana da doguwar fuska wacce take zagaye da saje mai tsananin kyau yayi lib a fuskarshi sai sheƙi yakeyi, kana gashin girarsa ya kwanta lib a saman siraran idanunshi masu kyau da ɗaukar ido.

Bayan sa jingine da kujera hannun sa daya akan sitiyarin motar dayan kuma counter ne a hannun sa yake ambaton Allah. Fararen idanun sa ya lumshe bayan ya iso bakin gate din gidan su tare da dannan horn din motar wanda daya daga cikin security yai sauri ya bude gate din.

A hankali ya bude idon sa ya sauke akan sa yace
"Welcome Doctor!"
Hannu ya daga masa yace
"Thanks!"

Sannan a hankali ya karasa tura hancin motar cikin katon compound din nasu wanda duk da dare ne wajen tamkar rana saboda hasken wajen ko allura ce ta fadi zaka gani a wajen. Idon sa ya juya ya kalli bangaren Ummi. Murmushi ya saki ganin bangaren Ummin da haske ba kamar kwanakin baya ba da bata nan. A hankali yai parking a wajen da ya saba parking sai da ya dauki minti wajen goma sannan ya bude kofar motar ya zuro kafafun sa kasa. A hankali ya fito ya zura wayoyin sa cikin aljihun wandon sa. A hankali yake taku cikin nutsuwa, tafiyar yake tamkar yana tausayawa ƙasar bakin sa dake zage da siraran lips yana motsi a hankali a hankali hannun sa na pressing counter din sa. A haka ya karasa bakin kofar Ummi,  knocking yayi, Abbah ya bashi izinin shiga. Ya shigo a hankali,  A hankali ya shigo cikin tafiyar sa a nutse, karasowa falon yayi a kasa ya zauna kan sa a kasa yace
"Barka da dare Abbah!"
"Yauwah Doctor Ya kake?"

"Alhamdulillah. Abbah kun dawo lafiya ya hanya da mai jiki?"
"Alhamdulillah!"

Ya dan kalli dakin yace
"Ina Ummi na?"
"Tana sama ita da Inna!"

Mikewa yayi ya nufi stair yana fadin
"Me Inna tazo yi da daren nan!"
"Tazo ganin marar lafiya."

"Tab tazo dai damun ta!"
Ya fada a hankali ya karasa hawa. Yana hawa ya fara jiyo muryar Inna na fadin
"Na shiga uku har yanzu aman yaki tsayawa!"

Dakin da yajiyo muryar ta ya karasa yai sallama a hankali ya bude dakin ya shiga. Inna ya gani tsaye a kofar bandakin tana ta magana. Karasawa yayi a hankali ya ra'ba ta gefen ta ya shiga ciki.

Ummi ya gani rike da Maryam. Amsar Maryam yayi a hannun Ummi ya cire mata hijab ya dafa bayan ta hade da tallabo  ta. Ido ta lumshe ta daura kan ta a kirjin sa tana sauke ajiyar zuciya.

Famfo ya kunna ya janyo ta ya dauraye mata baki sannan ta koma jikin sa ta kwanta tana ta numfarfashi.
"Sannu!"

Ummi ta fada. Hannun ta ya kamo suka fito kan gado ya ajiye ta yana kallon dakin.
"Menene wannan kuma?"
Ya fada idon sa aka plate din da Maryam ta gama shan faten
"Fate ne!"
Inna ta fada

"Menene fate? Zaki bata wannan abincin haba ai dole ya sata amai tsaki ne ma fa! Menene value nasa a jiki?"
Kallon sa Inna ta tsaya yi sama da kasa sai da ya gama tace
"Kai kasan menene value din? Kuma naga uwar ka shi taci da tana da cikin ka ma. Kullum shi take sawa nake mata dan shi take jin dadin sa abakin ta har kazo duniya shin me ya faru da ita zaka zo ka ishe ni da wani kaza da kaza!"

Ummi ya kalla da ta fito ta gama gyara bandakin kamar zai kuka ya kalli Maryam da ta kife akan gado yace
"Ummi dan Allah ki daina bata abinda zai na saka ta amai."
"Aliyu ko taci ko bata ci ba amai takeyi ai gwara ace ma taci ta dawo dashi da ace bata ci ba tana amai!"
"Kyale shi dai ba abinda ya sani sai haka ai. Kai ka samar mata abinda zataci kada tai amai wai shi likita..."
Inna ta fada ta karasa wajen Maryam ta dafa ta tace
"Sannu 'yar nan!"

Shiru taji ta leka fuskar ta taga ta fara bacci tace
"Aha kunga ba har ta samu bacci ai ko yaya ne ya zauna dai da ace bata cin ba."
Ta mike ta kalli Ummi tace
"Ni zan tafi sai da safe in kika biye ta wannan yaron kuwa zai kashe 'yar mutane dan kyale ta zai yi bataci komai ba haka ake fisabilillah ai ko dura a mata da ta zauna bata ci komai ba."

Ummi tabi bayan ta tace
"To Inna an gode!"
Suka sauka ta zauna wajen Abbah tana fadin
"Ka rabani da yaron nan na wajen Sule haka ake rayuwa ina ruwan sa dani ni shiga harkar sa ne shiyasa fa na daina shiga ma harkar sa yanzu duk abinda nayi bai gani ba yana can yana fada dan taci faten da nai mata sai kace wacce na saka guba."

"Kiyi hakuri Inna kinsan likitocin nan ba komai suke so ana ci ba."
Ummi ta fada.
"Likitan banza likitan wofi mu a da ba haka muke rayuwa ba, ba wasu likitoci muke kula da kanmu da cimar mu kuma bamufiku lafiya ba? Haba dan Allah sai kuma ace bamu iya ba dan zamani dai."

Ummi tace
"Kiyi hakuri bari na koma sai da safe!"
Ta juya ta koma sama. Inna ta bita da kallo ta kalli Abba tace
"Sam Aisha bata son nayiwa yaron nan fada na rasa saboda me kamar ta zane ni take ji in nai masa fada."

"Ah haba dai Inna itama ai tana masa, yanzu dai kiyi hakuri bata ci ba!"
"Wallahi shehu taci da yawa baka gani ba,  sai da ta gama sai ga amai nan haka tai tayin sa kamar zata amayar da kayan cikin ta da kyar ya tsaya shine fa dan tayi aman ya hau ni da fada dan me na kawo mata abinci wai bai da mene da menene kaji yaro."

"To Inna kiyi hakur!"
"Bazan hakura ba kai masa magana ya daina shiga harkata to."
Ta mike Abbah ma ya mike yace
"Zan masa tafiya zakiyi?"
"In ban tafi ba ai sai yaron nan ya koreni ina jin baka ga fa yadda ya dinga min ba kamar zai doke ni dan ba uwar sa bace in uwar sa ce ai ba zai mata haka ba."

Tare suka fita tana ta mita har ya rakata bangaren ta sannan yai mata sai da safe ta rufe kofa ya juyo yana murmushin. Falo ya koma ya zauna yana aiki a system.

Aliyu kuwa bayan su Inna su fita gadon ya dinga kallo a haka Ummi ta dawo yai sauri ya dauke kansa yai kasa dashi. Yace
"Ummi gaskiya ki daina bata komai tana ci yana da kyau ta samu abu mai kyau taci dan ya gina jikin ta da na Babyn amman kalle ta fa yanzu duk jikin ta ba kwari saboda bata cin abun gina jiki."

"To shikenan amman wannan ma fa is nutritive ta saka protein as gyada, ta saka alayahu as vitamin and some vitamin, she put fat and oil, ga carbohydrate it's balance."
"Ummi she should eat first class protein not second class."

"Shikenan ni bamu gaisa ba."
Kai ya shafa yana murmushi ya karasa wajen ta ya rumgume ta yana fadin
"Ummi na Barka da dare da fatan kin dawo lafiya ya hanya?"

"Alhamdulillah! Ya kake ya aikin?"
"Ji yadda duk na rame Ummi wallahi I miss you!"

Kansa ta shafa tace
'Na dawo ai kaci abinci?"
Cikin sa ya shafa sai ya kalli gado yace
"Rabo na da abincin kirki tin tafiyar Ummi na."

"Ai na dawo muje kaci abinci!"
"Ummi yanzu ya zamuyi da yarinyar nan ita me zata ci?"

"Taki cin komai faten Inna ta dan sha da kunu to suma tai amai amman tinda muka hadu abinda taci da yawa kenan!"
"Allah sarki!"

Ummi ta kwashe kwanukan ta bar basket da flask din tea sannan ta wuce Aliyu yabi bayan ta yana tafe yana waiwayon dakin har suka sauka. Ba kowa a falo, zama sukai a dining Ummi ta bude flask ta zuba masa abinci ya janyo ya wanke hannun sa a bowl sannan ya faraci yana ci yana lumshe ido hadi da gyada kai ko magana ya kasa malmala daya yaci yai hamdala yasha lemo da ruwa sannan ya kalli Ummi yace
"Ummi ta dawo ciki na ma yasan Ummi ta dawo dan yau ya koshi."

"Allah shirya ka duk yunwar ai na zata zakaci more than two ball!"
"Ummi more two inkai ina ai in samu ince dai kar ya zama ban cin ba. Kinsan jiya Inna wani gashin tukunya tayiwa kaza kinji kamshi dukka gidan nan amman cinya daya ta sammin ta tadan kwadayi fa."

Ummi tace
"Sai kaje ka siya ai!"
"Kinsan ko na siya bazai dadin nata ba fa. Kuma Ummi da gayya tayi min haka!"

"Ai sai ka lallabata!"
"Ummi sai da ta gama tsokanata na gamai mata sannan ta fara aikin da gayya tayi haka ai Ummi!"

"Ni dai ba ruwa na tsakanin ku da Inna kun fi kusa."
"Da Innan Allah kiyaye ni kam ai sai su Abbi da Abba su kadai zasu iya da ita."

"Kuma zaku iya da itan duk hakuri zamuyi tayi Allah rabamu dasu lafiya."
"Allah dai ya rabaku da ita,  mu kuma ya rabamu daku lafiya."

Agogo ta kalla tace
"Dare yayi gashi na gaji dan bana iya bacci a asibiti let me go and rest!"
"Ok muje na duba jikin nata naga magungunan ta zuwa gobe sai muje