You Cannot Download this book untill you login but you can read it .

---

Login Register

fadin
"Daughter ta, ta dawo."
Ido Maryam ta bude tana kallon Ummi da murmushi akan fuskar ta tace
"Eh Ummi."

Karasowa Ummi tayi ta zauna a gefen ta, tare da janta zuwa jikin ta, tana fadin
"Allah bada sa'a yanzu kije kiyi wanka ki samu ki dan kwanta kan la'asar, zamu fitar da rana muje mu rakaki shakatawa na gama jarabawa."

"Ina godiya Ummi na. Amman kan nan kunyi waya da sitti?"
"Munyi menene?"

"Naga missed call nata na kira bata shiga."
"Ta miki albishir ne?"

Kai ta girgiza tace
"A'ah."
"To in kunyi waya ta fada miki."

Fuska ta shagwabe tace
"Ni dai Ummi ki fada min?"
Hancin ta Ummi taja tace
"In Haidar yaga kina haka ya miki dariya."

"Ina ruwa na ba Ummi na nakewa haka ba, shima yaiwa Abbin sa."
"Ai yana abinda yafi naki."

"To nima zan nayiwa Ummi na da Abba."
"Tashi dai kije ki watsa ruwa yau na shirya miki special dishes."

Rumgume Ummi tayi, ta sumbace ta a kumatun tace
"Shiyasa nake son ki Ummi na."

Ta mike tana daukar Jakarta da mayafin ta, tayi sama. Tana shiga ta kwanta saman gado tana salati Ido ta lumshe tana hamma tare da rufe bakin ta, tana salati, ido ta lumshe tana addu'a a cikin zuciyar ta, take bacci ya dauke ta.


***
Kiran sallah la'asar shi ya tashe ta, ta mike tare da yin mika hadi da hamma, ta rufe bakin ta tana salati ta mike ta cire kayan ta, sannan ta daura towel bandaki ta shiga.

Tana fitowa ta tsaya ta shafa mai, tai kwaliyya mai kyau ba mai yawa, sosai tayi kyau ta manta rabon da tayi kwalliya, dorowa ta bude ta dauki wata daguwar riga da Yaa Aliyu ya siya mata lokacin da sukaje shopping taki daukar komai. Rigar mai kyau da tsada pink-peach duk jikin ta stone ta saka under wears ta daura ta sosai tai kyau mayafin ta dauka ta yafa ta fesa turare wani half cover ta saka kalar rigar ta saka silver agogo tai kyau. Sallah tayi sannan tai addu'a da azkar ta fita.

Tin kan ta sauka ta fara jiyo magana sama sama a kasa, murmushi tayi ta sauka tace
"Yau baki mukayi?"





*Allah ka yafe mana kasa muyi kyakyawan karshe Amin Yaa Hayyu Yaa Qayyum*




*Antty*
[10/23, 14:06] Maryam S Indabawa🥰: 💗💗 *MATAR HAIDAR* 💗💗
Page 3


By
*MARYAM S INDABAWA*



*HAKURI DA JURIYA ONLINE WRITERS*
HAJOW
✍🏻✍🏻✍🏻
🌐🌐🌐🌐🌐🌐🌐
(United we stand, our aim is to educate, entertain and enlighten our readers in a adventurous manner.)



Facebook @Maryam Sulaiman
Instagram @Maryam S Indabawa
Wattpad @MSindabawa


*BISMILLAHIR RAHMANIR RAHIM*



Tana sauka taga wasu mata dayar babbace amman wacce zatai shekara hamsin saura sai ta gefen ta wacce ba zata wuce shekara talatin ba zaune suna hira, daga gani kasan jini daya ne dan kamar su daya dukka sai dai Ummi da Dayar da suke manyanta, da fara'a ta karasa tana fadin
"Mami."

Wacce aka kira Mami ta dauke kai tana fadin
"Ba wani Mami."
Jikin Mami ta kwanta tana fadin
"Kiyi hakuri Mami wallahi makaranta shiyasa bana shigowa."

Wacce take zaune ta kalla tace
"Kinji ko? Wai makaranta Muna gida daya sai nai wata ko satituka ban ganta ba in ba fita zanyi ba ko na shigo nan."

Jikin Mami ta shige tana fadin
"Mami na kiyi hakuri Ummi ki sa baki "

Ummi na murmushi tace
"In zata yadda amman Wallahi Yaya tin kan exam Maryam bata dawo sai magariba, ko Inna kullum sai ta shigo ta min mita."

Baki ta gefen Ummi ta tabe tace
"Bare ni dake nesa ko ziyara ta batayi a shekara bai fi tazo sau daya ko biyu ba."

"Haba Anty Asiya ai da cewa nai gidan ki zan zo hutu ko Ummi."
Kai ta dauke. Ummi tace
"Haka tace."

Mami tace
"To ya jarabawar Daughter?"
"Mami Alhamdulillah."

"Allah kawo sakamako mai kyau "
"Amin!"
Duk suka amsa.

Mami ta taba jikin ta tace
"Ya naga duk ta rame?"
"Jarabawa Mami."

"Gata nan ko abinci bata ci kwana take karatu."
Ummi ta fada. Mami tace
"Ah Daughter kina cin abinci da bacci kinji zakici jarabawa ai kina karatu."

"Allah yasa."
"Amin."

Sallama suka jiyo ta Aliyu da Haidar duk suka amsa, Haidar ya shigo a guje yai wajen Ummi, Ummi ta dauke shi ta rungume Mami tace
"Au mu ba asan damu ba ko mai gida?"

Saukowa yayi ya tafi wajen Mami a guje yana fadin
"Oyoyo."
Ta dauke shi tace
"Ya makaranta Mai gidan?"

"Fine."
Ta shafa kan sa. Kallon Anty Asiya yayi ya mike a guje yai wajen ta tace
"Yaro na ya girma."

Ta sumbaci goshin sa yace
"Ina yini Anty?"
"Lafiya lou Son ya school?"

"Lafiya lou. Ina su Abid"
"Suna can gidan Garnny din su."

Ya tashi ya nufi Maryam yana fadin
"Addah ya exam?"

"Alhamdulillah!"
"Allah bada sa'a."
Ya fada da kalar bakin sa da magana bata fita sosai.

Kallon sa tayi tana murmushi. Aliyu ya karaso sanye yake da milk kalaf wando sai riga longsleeve coffe kala, sai tashin kamshi yake, Ummi a kalla yace
"Ummi barka da gida."

"Yauwah ya aiki?"
"Alhamdulillah!"

Anty Asiya ta dago tace
"Sannu da zuwa Yaya."
"Yauwah ya gidan da yara?"

"Lafiya lou."
Ya kalli Mami yace
"Mami Ina yini?"

"Lafiya lou ya gida?"
"Lafiya lou "

"Sannu da zuwa Yaya."
Maryam ta fada tana wasa da Haidar."

"Yauwah ya exam din?"
"Alhamdulillah."

"Allah bada sa'a."
"Amin nagode."

Yayi dakin sa Haidar ya bishi a guje. Mami ta bisu da kallo tana fadin
" 'Da da Uba kenan."

Sukai murmushi Ummi ta kalli Maryam tace
"Bafa kici komai ba."

Ciki ta shafa tace
"Zanci anjima"
"Kin gani ko Yaya."

"A'ah daughter kina cin abinci kinji ko?"
Kai ta gyada.

Farouk ne ya shigo da sallama, suka amsa Mami tace
"Aisha duk kin dauke yara dai bangaren mu kullum shiru mu ke kuwa kalli fa."

Ummi tai dariya tace
"Shi wannan yanzu zai fita Haidar din ne dai."

Ummi ya gaishe tare da Mami sannan ya zauna, Anty Asiya ta gaishe shi ya amsa yana tambayar ya yaran. Sai kuma tace
"Wai na gaishe shi Ummi ba na girme shi bama."

Filon dake kusa dashi ya cilla mata yace
"Kin rainani wallahi Asiya."
Ummi tace
"Ba dole ba ta ganta da yara kai kana zaune ba auren ma."

"Kai Ummi."
Ya fada yana bata fuska. Maryam tai dariya ya juyo ya dan harare ta sai kuma yace
"Ya jarabawar?"

Mami tace
"Oh Daughter Yar gata kowa bai manta ba."
Tai murmushi ya mike yace "Ummi Yaya fa?"

"Yana ciki."
Ciki yayi yana shiga ya tadda shi ya fito daga wanka shi da Haidar. Mai ya shafa masa ya saka masa wasu kayan, sannan ya kalli Farouk yace
"Daga ina?"

Haidar ya dauka yace
"Na shigo gaishe da Ummi ne."
"Ok!"

Ya saka kaya ya fito yace
"Lokacin sallah muje."
Suka fice gaba daya, ba kowa a falon Mami ta tafi sai Maryam da Anty Asiya dake dakin ta Ummi na dakin ta Sai da suka idar suka fito tare sukaci abinci da Maryam sannan suka tafi bangaren Inna.

Inna na zaune akan sallaya da carbi a hannu tana ganin Maryam tace
"Ke 'yar nan ciwo kikayi ne?"

Zama Maryam tai tana murmushi tace
"A'ah."
"Kinga yadda kika rame kuwa ko abinci ne Aishan bata baki."

Anty Asiya tayi murmushi tace
"Haba dai Inna sai a hanata abinci."
"To gata nan duk ta kare, ya jarabawar?"

"Inna mun gama"
"Allah bada sa'a."

"Amin."
"Me zan samu yar tsohuwa."
Cewar Anty Asiya.

Inna tace
"Ce nake tin da kika shigo kika gaishe ni kuka fice ke ko yar hirar nan ma bazaki zo mu yi ba."
"Hajiya Inna zuwan ki daban ne zan zo na yinar miki."

"Kan kizo, zamu zo ni da Maryam."
"Allah ya kawo ku daman Inna kin jima baki zo ba ita kuwa wannan sai shekara shekara."

Maryam tace
"Kai Anty nafi zuwa gidan ki fa akan Anty Hanna."
Wayar Anty Asiya ce tai kara tana dubawa taga mijin tane Maryam ta kalla tace
"Tashi muje ki tayani hado kan kayana wajen Mami dan nasan yanzu zaki ganshi."

Ta fada tana kai wayar kunnen ta fita sukai suka nufi Sashen farko na gidan wanda yake duk yafi sauran girma ko ciki suka shiga bangaren Mami suka shiga tana zaune tana kallo a TV ta dago tace
"Juya ki koma."

Karasowa Maryam tayi tace
"Haba Mami ni ana ma zan yi hutun nawa."
"Naga kafar ki ma."

Sukai Dariya. Anty Asiya ta kalli Mami tace
"Mami na dauki jug din?"
"A'ah wai meyasa kike min haka Asiya ace ni kenan ban isa naiwa miji na kayan gari ba sai kina dauken."

"Mami ai ku, kun tsufa"
Maryam ta fada.
"Oh kema haka zakice ko? Zanci gidan ku, kuma ba zan bayar ba to ni kada na tararayi nawa mijin ko?"

"Ah Haba Hajiya Mamin mu dan Allah ki bata."
Hararar Maryam tayi tace
"Kuje daki na fito miki da naki saboda haka yanzu in naga abu nake siyar har bakwai sai kace mai siyar wa."

"Mami bakwai kiyi me dashi?"
"In na siya dole na siyawa yar uwata."
Hada ido Maryam da Anty Asiya sukai suna murmushi, Mami tace
"Gani da yan mata biyu ga ku uku da bakwa barina da abu shiyasa kullum cikin kashe kudi nake."

Karasawa sukai wajen Mami suna fadin
"Allah sarki Mamin mu Allah kara budi muna son ki Mamin mu."
"Allah muku albarka."

Wayar Anty Asiya ce tai kara ta dauka tana fadin
"Ba dai ka karaso ba."
Yace
"Eh ina sashen Inna."

"Ok sai ka shigo."
Ta mike ta shige daki Maryam tabi bayan ta. Da katuwar leda ta fito suka shiga Kitchen Mami tace
"Me kuma za a daukar min anan."

Basu jima ba suka fito suna dariya. Mami tace
"Allah in ma wani abu kuka dauka har gidan zan aiko a dauken abu na shikenan ni bazan abun arziki ba ke da son kyale kyale "
"Hajiya Mami."
Anty Asiya ta fada sannan a karasa tace
"Bari naje nasan Abbin Abid sai ya tsaya a main falo."

Ta fita tare suka shigo ya gaishe da Mami sannan ya mike ya fita. Maryam ta dauki ledar Anty Asiya sukai sallama da Mami sannan suka fita.
"Zo muje nayiwa Mama Sallama."

Waje Maryam ta nufa tace
"A'ah je ki fito."
Ta kalle ta, ta dauke kai. Mota ta saka kayan suka tsaya ita da mijin Anty Asiya suna ta hira bata jima ba ta fito suka nufi sashen Ummi dan ya gaishe ta Anty Asiya kuma tai mata sallama. A falo suka same ta suka gaisa yana tambaya ina su Aliyu tace
"Tinda suka tafi sallah kila suna masallaci."

"Tare suke da Abokina kenan."
"Suna tare."
Yace
"To zamu tafi Ummi sai da safe."

"Ku gaida gida ku gaida su Abid."
"Zasuji."
Suka mike suka tafi Anty Asiya ta shiga taiwa Inna sallama. Inna tace
"Yanzu mai gidan naki yazo ya cika ni da alheri kai Allah masa albarka ya kara budi dai."

"Amin Hajiya Inna ina zuba ido fa."
"Zamuzo ai tinda abokiyar fitar tai hutu."
Tai mata sai da safe suka tafi. Har mota ta rakata Abbin Abid ya debi kudi da yawa ya mika mata taki amsa sai da kyar tai godiya sannan suka fita ita kuma ta juya tai bangaren su.

Ummi ta direwa kudin, Ummi tace
"Na menene?"
"Yaya Nazir ne ya bani."

"To madallah angode sai kije ki ajiye."
Zamewa tayi ta kwanta akan cinyar Ummi tace
"Ki ajiyen Ummi."

Ta dauki remote ta canja channel. Suna cikin kallo su Yaa Aliyu suka shigo zama su sukai shida Haidar. Maryam ta gyara kwanciyya tace
"Ummi yaushe Abba zai dawo."

"Kila sai weekend."
Baki ta tura tace
"Yau fa Talata da saura gaskiya."

"Ai kamar yau ne."
"Allah dawo dashi lafiya."

"Amin."
Ummi ta fada ta kalli Aliyu tace
"Abinci fa?"

Dining ya kalla yace
"Yau na gaji ne wallahi."
"Maryam ta zubo muku to."

Shiru yayi wannan yasa Ummi tace
"Zubo musu kinji Daugther."
Ta mike ta zubo musu sannan ta nufi sama tace
"Bari naje na kira Jawahir."

Da kallo ya bita ya dawo da kallo kan abinci suka fara ci shi da Haidar tas suka cinye suka sha lemo da ruwa.



Tana shiga daki ta fada saman gado tare da fadin
"Wash Allah na"
Wayarta, ta janyo ta fara dubawa missed call din Jawahir ta gani har guda biyar kira ta farayi amman sai da ta kusan tsinkewa aka dauka, cikin muryar bacci tace
"Ina kika shiga ina ta kira tin dazu?"

"Wallahi ina kasa badai har kinyi bacci ba?"
"Wallahi ke baki kwanta ba."

"Bana jin bacci ai kece kasa."
"Naji ai bacci duniya ne. Ni sai da safe mayi waya"

"To Allah tashe mu lafiya."
"Amin."
Ta kashe wayar ta mike itama ta shiga ta watsa ruwa tazo ta saka kayan bacci tare da yin sallah.



*
Tsaye take a bakin kofar dakin Inna, sanye da doguwar riga ta material black wanda akai zanen gida gida da fari da maroon, maroon kalar mayafi ta yafa sai cover shoe maroon da hancbag din ta rike a hannun ta, sai dayan hannun da take rike da waya, sai kamshi take, duk da batai kwalliya amman tayi kyau fuskar ta tai fresh alamun tana cikin jin dadi, Inna ce ta fito yafe da mayafi tana rufe kofar dakin nata, sai da ta gama ta karaso tace
"Na tsayar dake ko? Kayan wutar na kashe Kar naje na jawo gobara tinda bama gidan, Ina kuma Haidar din?"

"Yayi can gate."
"To muje."
Ta fada tana daukar ledar dake gefe amsa Maryam tayi Inna tai gaba Maryam na biye da ita a baya. Suna fita compound suka wuce parking space dake can gefen gate.

Haidar suka gani cikin motar Aliyu, Inna tace
"To Ina driver kira sa yazo mu tafi."
Bakin gate ta nufa ta leka ta kira shi, ta karaso tace
"Taho mu tafi Haidar."

"Ina zaku?"
"Gidan Anty Hanna."

"Kuzo na sauke ku."
To kawai tace ta nufi wajen Inna, Inna tace
"Hanasa zuwa yai ko?"

"A'ah wai muje ya Kai mu."
Driver ta kalla tace
"Malam Anas bari muje Aliyu ya dire mu kai zaman ka sai mun dawo."

"To Hajiya Allah kiyaye ya tsare a gaishe su."
Suka nufi wajen motar duk suka shiga baya, motar ya tayar suka dauki hanya gidan Anty Hanna






Wata unguwa suka shiga mai kyau da tsari wanda gidajen manya ne duk layukan ma kwalta ne a kai. Horn yai a wani katon hadadden gida, Mai gadi ya leko yana ganin Aliyu ya hau bude gate sai da ya bude Aliyu ya tura hancin motar cikin gidan ya nufi can gefe yai parking. Yaran gidan jin mota suka fito a guje su hudu ne, suna ganin Inna suka tafi suka rungume ta suna fadin
"Oyoyo Inna."

Ta kama hannun Yar karamar tace
"Takwara ta."
Ta dauke ta. Sauran sukai wajen Maryam suna fadin
"Oyoyo Anty."

Da dai dai ta rumgume su, sannan suka karasa wajen Haidar Baban ne yace
"Lah Uncle."

Yai wajen sa a guje ya karasa yace
"Ina yini Uncle?"
"Lafiya lou Arfat ya school?"

"Alhamdulillah."
Ya shafa kan sa sauran sukazo suka gaishe shi. Ya kalli Maryam yace
"Ni na tafi."

"Bazaka shigo ba"
Kai ya girgiza ya shiga mota. Anty Hanna ce ta fito cikin shigar ta mai kyau tace
"Oyoyo Inna ta."
Ta rumgume Inna, ganin motar Aliyu na reverse yasa ta saki Inna da sauri ta karasa tace
"Yaa Aliyu ba dai tafiya ba."

Ya tsaya, yana sauke glass din motar, ta karasa tace
"Haba ai ka shigo ka sha ko ruwa ne ko?"

"Sauri nake nagode."
"Dan Allah Yaya ka shigo kai fa ba zuwa kake ba kuma yau kazo ai ka shigo mu dan gaisa dan Allah."
"Ok!"

Ya gyara parking lokacin su Inna har sun shige, ya fito sukai cikin gidan tana fadin
"Amman naji dadi wallahi."

Suka shiga main falon wanda yake katon gaske da set din kujeru sun fi set uku, ta Kara dosar wata Kofa yace
"Ki barni nan Hanna."

"Please Yaya."
Yabi bayan ta. Wani hadaden falo suka Kara shiga wanda anan su Inna suka yada zango ta shiga ta nuna masa kujera tana fadin
"Sannu da zuwa."

Tayi kitchen da sauri sai ga masu aikin ta nan dauke da tray tray daya flask ne akai dayan Kuma wasu bowl ne masu murfin glass sai dayan kuma lemuka ne da ruwa da cups da plate and spoon. Anan kasa suka zube kayan suka gaida su Inna sannan suka koma ciki.

Hannah ta fito tana murmushi tare da fadin
"Sannun ku da zuwa."
Ta karasa ta fara zuba masa lemo a cup ta mika masa tace
"Ina yini Yaya?"

"Lafiya lou ya gida da yaran."
Ya fada yana kurbar lemon.
"Alhamdulillah."

Ya kalli Islam mai sunan Inna yace
"Zo nan Yar tsohuwa."
Ta karasa ya dauke ta yarinya ce yar shekara biyu Wanda Haidar ya girme ta da shekara daya. Yace
"Ke bakya magana?"

Hannah tace
"Sai ta sake daku tukkuna."
Ta karasa wajen Inna tace
"Sannu Yar tsohuwa ya hanya?"

Suka gaisa sannan Maryam ta gaishe ta tana tambayar yasu Ummi da Mami. Rabin cup yasha ya ajiye ya mike yace
"Bari na tafi."

Ta karaso tace
"Ah haba Yaya bakacin komai bafa."
"Ke wannan uban kayan da kika dire kadai ya sa mutum taji tsoron cin abinci sai kace wanda mutum hamsin zasuci. Ni na koshi."

"Dan Allah Yaya ka zauna ko cake ne kaci."
Kai ya girgiza ya zura hannu a aljihu ya zaro yan dubu dai dai sababbi fil ya kira Arfat yace
"Ungo."
Ya bashi guda biyar biyar sannan ya bawa Sharifat sai Annuwar da Islam har da Haidar duk suka hada baki su kace
"Mungode Uncle Allah Kara budi."

"Amin."
Ya fita dauke da Islam Haidar na rike da hannun sa, Hannah tabi bayan sa har wajen mota suka karasa ya shiga ya debo kudi masu yawa ya mika mata tace
"Har dani Babban Yaya nagode Allah kara budi. Allah jikan Anty Maryam."

"Amin."
Ya mika mata Islam ya kamo Haidar yace
"Sai Kun dawo kaji my son."

Hannu ya daga masa yace
"A dawo lafiya Abbi."
Ya rufe kofa yai reserve ya nufi gate ya fita hana fita motar mai gidan na karasowa dan haka ya tsaya a bakin gate da sauri Sagir ya fito ya karaso wajen Aliyu yace
"Yau Babban Yaya ne a gidan kenan."

Ya bashi hannu suka gaisa sannan sukai sallama ya koma mota ya wuce shi Kuma ya shiga gida. Yana parking ya nufi cikin gidan a falo ya samu su Inna nan ya zauna suka gaisa aka cigaba da hira da shi dan Sagir ba ruwan sa shi ko da su Mami yaje hira yake musu bare kuma Inna kaka da Maryam kanwa. Su Haidar kuwa suna can ana ta wasu abinsu.

A gidan suka yini sai da sukai magariba suka ci abinci sannan suka fara haramar tafiya har gate duk suka fito dan rakasu. Hannah ta bawa Maryam babbar leda tace
"Ke da Haidar."

Ta bawa Inna wata leda tace
"Nagode sosai Inna Allah kara lafiya da nisan kwana."
"Amin."

Sagir kuwa a envelope ya bawa kowa kudi da kyar suka amsa suka shiga mota drivern gidan ya tafi kai su gida. Suna zuwa gida suka tadda Aliyu ya dawo daga masallaci zai shiga gida.

Tare suka karasa ya dauki Haidar sukai part din Mami, Maryam kuma ta raka Inna sannan ta fito ta koma bangaren su. Ummi ta Sama a falon sama ta Karasa tace
"Yau kuma Ummi kina sama?"
"Gidan duk da Dadi bakwa ban."

"Ya gida?."
"Alhamdulillah."
Ya dire Mata ledar tace
"Anty Hannah ta bani sai Yaa Sagir ya ban wannan."

Ta mika mata, bude ledar tayi turaruka ne sai wasu fashion na dankunne da sarka da agogo da abin hannun sai kaya na Haidar Yaa Sagir kuma 20k ya bata. Ummi tace
"Allah ya saka da alheri, dauki ki kai daki."

"Ummi ki dauki turaren mana."
"A'ah kiyi amfani da abun ki."

Murmushi Maryam tayi ta nufi dakin ta ajiye a kan mudubi ta wuce bandaki ta watsa ruwa ta fito tayi sallah sannan ta fita falo, daga ita sai kayan bacci. Kusa da Ummi ta zauna tace
"Anty Hanna na gaishe ku."

"Muna amsawa. Saura gidan Bilkisu "
Fuska Maryam ta taba. Ummi tace
"Itama fa 'yar uwar kice kuma ba zataji dadi ba in taji kinje gidan su Asiya da Hannah bakije gidan ta ba."

"To Ummi ai kinsan Mama bata so Ina zuwa gidan ta."
"Amman me Abbi yace miki."

Fuska ta tabata, ki daure kije kinji?"
"To Ummi."

"Gidan su Jawahir fa?"
"Ummi nifa ban son zuwa gidan su, gidan su gidan 'yan gwamnati a hanani shiga ma."

"A'ah Maryam ba mai hanaki ki daure kije mata dai ita bini bini tana nan ba ga ita ba, baga mahaifiyar ta ba ga alheri amman ke kinki kije haba Maryam."
"Zan samu naje insha Allahu kan mu koma."

"Allah ya yadda."
"Amin "
Sallamar Aliyu sukaji da sauri Maryam ta mike tai dakin Ummi, Ummi tai murmushi tana amsa sallamar ya karaso ya zauna yace
"Ummi yau kuma ban kika shigo?"

"Eh gidan ba dadi nayi kewar Haidar."
Yai murmushi Haidar ya karasa yqce
"Ummi ki kira min Abba."

"Oh Abba zan kira maka?"
Ya gyada kai ta dauki waya ta kirasa bayan sun gaisa tace
"Wai Haidar ne yace a Kira masa kai."

Abba yai murmushi yace a bashi nan Ummi ta bashi ya dinga ma Abba surutu yace
"Abba yaushe zaka dawo?"



Kwanciyya Maryam tayi a dakin daga haka bacci ya dauke ta. Sai wajen goma Aliyu ya tafi. Daki ta shiga taga Maryam na bacci dan haka ta canjawa Haidar kaya sannan suka wuce dayan dakin suka kwanta.



**
Washe gari Yaa Farouk ya kaita gidan Anty Bilkisu duk yadda Bilkisu ke son Maryam ta sake da ita kamar yadda take sakewa da sauran 'yan uwan nasu, amman bata sakewa sai dai su dan taba hira suna hirar ne tace
"Maryam ki cire yadda Mama ke miki dan Allah ki dauken kamar yadda kika dauki sauran 'yan uwan namu, Ina gani fa ko Najwa da bata kasar kin fi sakewa da ita akai na, Mama tana da matsala amman mahaifiyar mu ce muna hakuri muke da ita ban san me yake damun ta ba sam."
Hannun ta Maryam ta kamo tace
"Haba Anty Bilkisu ni daya na dauke ki da Anty Asiya da Anty Hanna, ki daina damuwa kuma Mama ai uwa tace nima."

"Nagode. Amman meyasa bakya son zuwa da Haidar?"
"Sun fita da Yaa Aliyu ne."

"Shima Yaa Aliyu bai zuwa sai dai mukan yawan yin waya."
"Hmm in dai Yaa Aliyu ne can ma ba zuwa yake ba, ke sai ya kira ma bai kira su ba haka Najwa ke mita kullum tace ita tana wata duniya bai kira sai dai taji suna waya da sitti. "

"Allah sarki ya karatun kuwa?"
"Alhamdulillah sauran kwana biyu ma mu koma."

"Allah taimaka to."
"Amin."
Haka suka dinga Hira har akai la'asar ta kira Yaa Farouk yazo ya dauke ta amman bashi ya zo ba sai bayan magariba. Sukai sallama ta fito ta shiga mota suka dauki hanyar gida

Suna tafe yace
"Yaushe zaki gidan su Jawahir ne?"
"Uhmm Yaya ni ban son irin wadan nan gidajen."

"Saboda me?"
"Gidan 'yan siyasa bana son Ina shige musu"

"Jawahir din?"
Kai ta gyada yace
"Amman ba amana, ita kullum tana gidan ku."

"Nima wata rana zani amman ba yanzu ba."
"To Allah kaimu."

"Amin."
"Me kike so mu siya kan mu koma gida?"

"Ni ba komai."
"Ko furar."
Shiru tai tana murmushi, yace
"Da nama."

Dan hararar sa tayi tace
"Tinda ga kwadayayya ko?"
"A'ah nifa bance ba."

Ya isa wajen da ake ajiye mota yace
"Zaki shiga?"
Kallon wajen tayi ta girgiza kai tace
"A'ah je ka dawo."

"Ok Ina zuwa."
Ya fita, harabar wajen take kalla bai Jima ba ya dawo ya bude mota ya shiga ya tayar suka bar wajen.

Suna shiga gida yai parking ta fita, ya biyo bayan ta, da leda a hannun sa, suna tafiya tana gaba yana bin ta a baya wayar sa ce tai kara yana dubawa yaga Mama ce Ido ya lumshe ya daga kai yana kallon taga inuwar ta ya hango ya kai wayar kunne tace
"Kazo nan."

Wayar ya kashe yace
"Maryam!"
Juyowa tayi, ya mika mata ledar yace
"Gashi sai da safe."

Amsa tayi tana murmushi tace
"Nagode Yaya "
Shima murmushin ya sakar mata ya juya ya nufi sashen su, ba kowa a falo dan haka ya nufi bedroom din da sallama ya shiga amman Mama bata amsa ba, ya zauna yace
"Gani Mama."

Wani kallo ta jefa masa sannan tace
"Menene ma a tsakanin ka da ita?"

"Wa?"
"Waccan yarinyar."
Kai ya sosa yana murmushi yace
"Mama....."
Hannu ta daga masa tace
"Yi min shiru. Nasan me zakace min, to kada ka soma dan wallahi na haramta aure tsakanin ka da wannan shegiyar yarinya ban aminta ba."
"Saboda me Mama?"
"Saboda bana so...."

Ta mike tare da juya masa baya yace
"Mama."
"Fita ka ban waje Farouk."

Ya mike ya zagayo gaban ta yace
"Kiyi hakuri."
Sannan ya fita a dakin. Abbi ya gani a bakin kofa ya juya yabu bayan Abbi har zai wuce Abbi yace
"Zo nan Farouk."

Suka zauna a nan falo yace
"Meyake faruwa?"
"Abbi akan Maryam ne wai dan ta ganmu tare shine take zaton soyayya muke."

"Kai soyayya kuka?"
Kai ya girgiza dan yasan in har Abbi yasan yana son ta to an gama shi kuma baya son tashin hankali. Abbi yace
"Maryam 'yar uwar kace dan haka ka cigaba da kyautata mata, kada ka soma nuna musu bambamci tsakanin ta dasu Aisya."

Kai Farouk ya gyada, Abbai yace
"Tashi kaje."
Ya mike yace
"Sai da safe.
Dakin sa ya shiga ya fada saman gado yana tunanin me Mama take yi ne.

Maryam na shiga ta ajiye ledar hannun ta da wacce 'Farouk ya siya mata da wacce Anty Bilkisu ta bata, Ummi tace
"Daughter 'yar gata 'yan uwan ta."

Murmushi tayi tace
"Alhamdulillah Ummi, ni kai na shaidace suna sona nima ina son su, ina kewar 'yar uwa Najwa."
"Ai fa kila so take sai ta gama sannan ta dawo gaba daya."

"To sitti fa?"
"Wannan Yayan ku zaki tambaya."

"Uhmmm."
Ta mike ta dauko plate, zuba naman tayi ta dauki robar fura daya ta fara sha tana Santi, naman ma kadan taci sai furar da ta sha sosai Ummi taci itama sannan ta wuce sama tai wanka tare da alwala tai sallah ta kwanta.



A haka suka fara shirye shiryen komawa