You Cannot Download this book untill you login but you can read it .

---

Login Register

aiki?"
"Alhamdulillah."

"Masha Allah."
Yai kasa da kai yace
"Daman Wayar Maryam ce ta 'bata so shine nace bari na kawo mata wannan."

"Ah haba Muhammad har da dawainiyya."
"Sitti ba komai ai Maryam kanwata ce."

"To angode Allah ya saka da alheri."
"Amin. Ni zan tafi."

"To baka sha ko ruwa ba ai."
Ya dauki ruwan yace
"Nagode sai ajima."

"To ka gaida gidan."
"Zasuji."
Ya fita ya shiga mota ya fita, motar sa na fita a gidan ta Aliyu na karasowa ya shiga yai parking ya shiga falon Sitti da sallama, ansawa tayi yana shiga ya zauna a akan kujera tare da lumshe idon sa. Sitti tace
"Lafiya?"

Kai ya girgiza mata kawai. Sitti tace
"Aliyu ya kamata kasan abun yi fa."
Yana jin ta yai mata shiru tace
"Zama haka ba zai yiyu ba ka samu kai aure ka zauna da iyalin ka."

Kai Sitti yazo da damuwa tana son ta dada masa wata, mikewa yai yana fadin
"Daga aiki daman nake za tafi."

"Oh dan na maka maganar aure ko?"
"Ba haka bane."

Ya nufi kofa tace
"To zo na baka sako."
Ya juyo ta mika masa ledar da Muhammad ya ajiye tace
"Ka kaiwa Maryam, waya ce Muhammad ya kawo mata saboda tata ta 'bata"

Kamar ba zai amsa ba sai kuma ya amsa ya fice kawai. Sitti tace
"Zama ka dawo ne."

Ya shiga ya tada motar ya bar gidan. Yana zuwa ya wuce dakin sa wanka yai yai shirin masallaci sannan ya tafi sallah.


Bayan isha'i yana zaune a daki ya aika haidar ya kira masa Maryam, gaban ta na faduwa ta karaso dakin, daga yanayin fuskar sa tagane ransa a bace yake, kai ta sunkuya tace
"Gani Yaya."

"Ai na ganki."
Ya mike ya shiga daki bai jima ba ya dawo ya zauna yace
"Waye kika fita wajensa dazu?"

K'in cewa komai tayi ya wani hade rai cikin tsawa yace
"Ba tambayar ki nake ba?"
Still ta'ki cewa komai zuciyar ta sosai bugawa take, motsowa yai yace
"Ke kurma ce?"

Ganin zai mike yasa tace
"Don Allah kayi hakuri"
yace
"Waye shi? nace"
cikin rawar jiki ta girgiza kai (to fa yau taurin kai ya motsa Maryam) Ji yake kamar ya sauke mata mari ya dinga mata wani kallo zuciyarsa na tafarfasa, so yake ya samu nutsuwar abinda yake ji amman ina, da kyar da ambaton Allah ya fara jin nutsuwa na zuwar masa yace
"Toh daga yau Maryam, I mean daga yau.... na sake ganin ki da wani a tsaye wllh sai na kusa sumar dake a gidan nan kinji na fada miki."
Kuka ne ya kwace mata, ta kifa kai tana yi ya buga mata wata tsawa yace
"Rufen baki dukan ki nayi?"

Shesheka ta fara yace
"Kuma shine kika roke shi waya ko? Kina son abu ni ba zaki tambaya ai miki ba na amshi wayar ki ba zakizo ki ban hakuri kiji dalili ba ke kinfi karfi ko?"

"Ni ba roka nayi ba kuma ai ban amsa ba."
"Baki amsa ba ai ya kaiwa Sitti tinda ita ta daure miki gindin kula samari to kinji abinda na fada miki wallahi na kara ganin ki da wani saurayi sai na lahira ya fiki jin dadi."

Wayar ta ya cilla mata yace
"Waccan din ba zan bayar ba tinda har ita Sittin ta amsa maimakon taki amsa to ba zan bayar ba tashi ki bani waje."
Ya fada da sauri ta mike ta bar wayar ta a wajen yace
"Bazaki zo ki dauka ba."

Ta juyo ta dauka ta fice a guje, dafe kan sa yayi tare da sakin tsaki ya mike ya shige daki ya fada saman gado ji yake kansa na sara masa.

Tana shiga daki ta fada saman gado tana kuka mai taba zuciya daman ga abinda yake damun ta gashi yazo ya dada saka mata damuwa wai tayi roko ita a rayuwar ta bata san wata roko ba ko tana son abu kan ta tambaya tana dadewa gwara ta hakura da ta roka amman wai tai roko ta jima tana kuka wanda daga baya ta rasa kukan me take dan sai gashi ya kara saka mata ciwon kai har da zazzabi, haka ta dinga juye juye da haka bacci ya dauke ta.


Washe gari da kyar tai sallar asuba, da safe kuwa Ummi ta shigo ta ganta a wani mayuwacin hali da sauri ta sauka ta kira Aliyu da ya fita, a sashen Inna ta samo shi yazo Ummi ta kama Maryam ta saka ta a baya suka tafi asibiti, suna zuwa ya hau bata taimakon gaggawa sannan ya saka mata ruwa anan office din sa, tin safe take bacci sai wajen daya saura ta farka, Aliyu ya kira wata nurse ta taimaka ta kaita bayi tai alawa akan sallaya tai sallah tana dafe da kai tana idarwa ta kwanta a wajen.

Karasowa yai ya zauna a gaban ta ya fara auna jini ta dagowa yai da sauri yace
"Tunanin me kike?"
Kai ta girgiza yace
"Ba yanzu ba."

"Babu."
Ta fada da kyar, yace
"Jini ki ya hau why? Fada min me yake damun ki?"

Hawaye ne ya hau zubo mata Aliyu yace
"Ni bance ki min kuka ba damuwar ki nake tanbayar ki?"
"Babu."

"To saboda me jini ki zai hau haka."
"Ciwo ne kawai."

Ta fada tana saka kanta a tsakanin cinyoyin ta kofa akai knocking ya bada izinin shiga abinci aka kawo masa ya amsa ya mika mata yace
"Kici zaki sha magani da allura."
Ya bude ya bata, a hankali ta fara ci cokali biyar tayi ace
"Na koshi."

Ya girgiza kai yace
"No me kika ci kara kadan"
Ta kara ci, yace kara mana. A haka ta danci da yawa sannan yace
"Magani."

Kamar zatai kuka tace
"Wallahi amai zanyi."
"To jeki kwanta."
Ta mike ta hau gado ya fara hada allura tana cikin bacci sai jin shiga allura tayi a bayan ta kuka ta saki tana yarfa hannu ya mulmula mata yana fadin
"Sannu yi hakuri."

Ya koma ya zauna Ummi ce ta kira tace
"Aliyu jikin ne har yanzu?"
"A'ah bacci take yanzu taci abinci ta kwanta."

"To ya jikin?"
"Da sauki."

"Allah kara sauki."
"Amin."

Sai bayan la'asar suka koma gida ba zazzabin sai ciwon kai Ummi ta kaita sama ta samar mata ruwa tai wanka sannan ta bata magani tasha da kyar ta koma ta kwanta. Wayar ta ta janyo ta kunna tana kunnawa kiran Jawahir na shigowa ta kai kunnen ta hade da sallama Jawahir tace
"Subhanallah lafiya?"

"Uhmm kun dawo lafiya?"
"Me yake damun ki kinji muryar ki kuwa?"
"Ciwon kai ne fa."

"Sannu bari yanzu zan zo."
Ta kashe wayar. Bacci ne ya dauke Maryam bata tashi ba sai kusan magariba Jawahir ta gani zaune kusa da ita ta mike tace
"Yaushe kika zo?"

"Tin dazu ya jikin?"
"Da sauki."

"Sannu."
Ta fada tana kama hannun ta dayan hannun ta daura akan ta tace
"Sannu me kike so?"

Kai ta girgiza Jawahir ta dinga mata sannu, haka suka zauna a dakin har wajen tara da kyar Jawahir ta iya tafiya. Tana kwance aka bude dakin bata juyo ba ya shigo ya tsaya akan ta yace
"Ya kan?"

"Da sauki."
"Allah kara sauki."

Washe gari da ta kara shan allurai da magunguna sai ta dan samu ta wartsake tana kwance a d'aki wayar ta ta hau kara tana dubawa taga Muhammad ta dauka yace
"Ashe baki da lafiya."

Kwanciyya ta gyara, tacw
"Eh."
Yace
"Yanzu zan zo me zan kawo miki?"

"A'ah kai zaman ka."
"Ba zan iya ba Maryam."
Shiru tayi yace
"Me kije so?"

"Ba komai nagode."
"To sai nazo."



Har bacci ya dauke ta sai ga kiran Muhammad sanar mata yayi yana waje tace
"Toh ka shigo"
Muhammad ya d'an buda ido yace
"Ni fa Ina jin kunyar Ammi"

Murmushi tayi tace
"Kai da kazo dubiya zan aiko a shigo da kai."
Ta kashe wayar Ummi ta shigo ta fada mata mai aiki ta aika ta shigo dashi, sanna Maryam ta sauko ta dawo falo sanye da hijabi har kasa, tana zama taji sallamar a bakin kofa, ta kalli kofar ta amsa sallaman sa, ya shigo parlon, sunkuyar da kanta tayi ya zauna saman kujera ya ajiye ledan hannunsa a kasa yana kallonta yace
"Sannu Maryam, ya jikin?"

'Dan murmushi tayi tace
"Ina yini"
yace
"Lafiya lau, me yake damun ki ne?"

"Ciwon kai ne."
"Sannu kina samu kina hutawa kinji?"

Kai ta gyada masa, mikewa yayi ta kalle shi tace
"Har me?"
"Tafiya."

"Ba zaka zauna ba daga zuwa."
"In ta nine na kwana anan Baby, amman kuma naji na kasa sakewa ina son na zauna kuma ina son na tafi."












*Allah ka yafe mana kasa muyi kyakyawan karshe Amin Yaa Hayyu Yaa Qayyum*




*Antty*
[10/28, 16:29] Maryam S Indabawa🥰: 
💗💗 *MATAR HAIDAR* 💗💗
Page 10

By
*MARYAM S INDABAWA*



*HAKURI DA JURIYA ONLINE WRITERS*
HAJOW

*BISMILLAHIR RAHMANIR RAHIM*



Dis page is ur Jameela from Matar Haidar fans group, thank you so much.



Fuska ta bata ya sauko ya zauna a gaban ta akan carpet yace
"No Baby kar kiyi fushi zan shiga damuwa in kina so na zauna zan zauna shkenan."

Kai ta girgiza yace
"To menene?"
Kafada ta make yai murmushi yace
"Rigima ko Baby, kar ki damu ina son shagwaba, in kina son abu a waje na da kin mun yar shagwaba zan miki ko menene sai dai in ban dashi i love you Baby."

Fuska ta rufe tana murmushi yace
"Yes i really do love u kefa?"
Kai kawai ta gyada yai murmushi yace
"Ke kam kin cika cikakkiyar bafulatana kina da kunya da yawa, any way zan iya tafiya?"

Kai ta gyada yace
"To ki gaida min da Ummi and please kina shan magani da hutawa, kiji?"
Murmushi tayi ya mike itama ta mike suka fita daga dakin, ya kalle ta yace
"Ki koma ciki."

"Bari dai na karasa dakai waje, kafata duk tai tsami."
Ya kalle ta yace
"Ai da kinyi magana na matsa miki kafaffun."

Ido ta zaro tana girgiza kai yace
"Ko Jawahir zan aiko tai miki?"
"A'ah nagode."

A bakin kofa ta tsaya shima ya juyo yana kallon ta, tace
"Naji dadi sosai da ziyara nagode."
"Kar ki damu ai hakki nane."

Tai murnushi yace
"Ki koma kije ki huta Allah kara sauki."
"Amin nagode."

Yace
"Ki koma mana."
Tace
"Kai dai kaje."

Juyawa yai ya nufi motar sa, sai da ya isa jikin motar sannan ya juyo kai ta langwabe ya daga mata hannu yana mata bye bye, ta sakar masa murmushi dai dai danno kan motar Aliyu, dauke kai tayi da sauri, ta maida kallon ta kan Muhammad da ya kafeta da manyan idanuwansa, murya can kasa yace
"I love you."

Fuska ta rufe da hannu, dawowa yai wajen ta yace
"I have always loved you from day 1, ranar da na fara ganin kin nan, ranar dai da ba a yadda dani ba,"

kasa kallonsa tayi dan in ta tuna itama abun kunya yake bata ga gaban ta dake faduwa ganin Aliyu ya karaso gate, ganin hankalin ta baya wajen yasa yace
"Bari naje sai munyi waya."
"To nagode."

Ta fada tana juyawa dan shiga gate amman yadda gabanta ke faduwa yasa har jikinta ya fara rawa, a parking space ta hange sa kai ta dauke tana satan kallon sa ta gefen ido, shima ita ya bi ta da ido fuskarsa dauke da wani yanayi da ta kasa fahimta, ganin ya baro wajen da yake yasa ta fara sauri tana waiwaye bata ankara ba tai tuntube ta fadi, kafar ta rike tana yarfe hannu dan akan gwiwar ta, ta dira da sauri ya karaso yana fadin
"Kina tafiya kin wai waye ba dole ki fadi ba."

Hawaye ne ya hau zubo mata, ta fara yarfa hannu tana fadin
"Wayoo kafata."
"Sannu me take miki?"

Ya kalli gwiwar ta da ta gurje ya janye hannun ta, jini ya gani a jikin siket din, cikin tashin hankali yace
"Subhanallah sannu tashi mu karasa ciki sai nai miki dressing."

Mikewa ta fara kokarin yi ya taimaka mata, tana taka kafar ta durkushe tana hawaye ya dago ta yace
"Sannu taka a hankali."
Tana kara takawa ta saki kara, ya kalle ta yace
"Ba zaki iya tafiya ba?"

Hannu ta hau yarfewa hawaye na zubo mata tace
"Yaya zafi wayoo kafata......"
Bata rufe baki ba sai ji tayi ya dauke ta gaba daya da sauri ta kamkame sa dan ji tayi kamar zata fadi a haka ya fara tafiya da ita, a falo suka samu Ummi tana ganin su ta mike tana fadin
"Subhanallah me kuma ya faru?"

"Faduwa tayi."
Ya fada yana ajiye ta akan kujera, Ummi tace
"Faduwa kuma a garin yaya?"

"Rashin kallon gaba sai kace yarinya."
Ya mike ya shiga daki, Ummi ta kalle ta tace
"Garin Yaya?"

"Ban lura ba nai tuntube shine na fadi."
"To sannu."

Aliyu ne ya fito daga dakin sa rike da first aid box Maryam na gani ta tsorata tini idon ta ya fara kaduwa, ya ajiye ya dage siket din farar kafar ta ta bayyana, ido ya runtse da sauri yana kau da kai, ya bude ya dauko spirit da cotton wool, ya bude ya dangwala ya goge wajen cikin sauri yai mata dressing din ya mike yana fadin
"Kila bugewa ki kai. Ungo wannan ki shafa zata sake."

Ya mika mata wani kwalba, yana bata ya bar wajen, da kallo suka bisa, sai kuma ta dauki kwalbar ta bude ta lakuta ta shafa a kafar, tana gamawa ta mike tana dingishi, Ummi tace
"Zaki iya?"

Kai ta gyada mata tayi sama, tana shiga ta fada saman gado ta kwanta tana murmushi, juyi tayi tace
"Nima na iya wayyo ai."


*
Saukowa take daga bene tana danna waya, dagowar da zatai taga Aliyu na kallon ta, kai ta dauke ta cigaba da saukowa tana yamutsa fuska tana gama sauka ta fara dingisa kafa, da kallo ya dinga bin ta har ta karaso yace
"Har yanzu kafar bai saki ba?"
Kai ta gyada yace
"Ko targade kikayi ne?"

Kai ta girgiza tace
"A'ah."
Kallon ta yayi tai saurin yin kasa da ido yace
"Tayaya kika san ba targade bane."

"Ai naji ya rage zafin ba kamar dazu ba."
"Ok ki cigaba da tafiya bakya kallon gabanki, gobe daga benen ma zaki fado."
Yana fada ya fice ta murguda baki tace
"In kai zaka turo ni ba."
Ta cigaba da tafiyar ta normal ba dingishin.


Monday suka koma makaranta amman bataje ba, saboda bata gama warwarewa ba har lokacin ba karfi a jikin ta sosai gashi bata samun bacci sosai da dare sai da safe ta fiya yi shima in Aliyu ya takura mata tasha magani sannan ne take yi. Jawahir duk ta damu bama da take zuwa makaranta ba kawar tata.

Maryam tana kwace a falo kan three sitter, kallo take taji ana knocking mikewa tayi ta nufi kofar ta bude, Jawahir ta gani tsaye bakin kofar ta saki murmushi tace
"Sister."

"Na'am jiki yai sauki kenan?"
Kai ta gyada tana fadin
"Bismillah."
Suka shiga Maryam ta karasa firij ta dauko mata lemo da ruwa ta ajiye tace
"Bari na zubo miki abinci nasan daga school kike..."

"A'ah kinsan naci wani abu a school."
"Wannan ba abinci bane."

Ta shige kitchen ta fito ta ajiye mata abincin tace
"Sauko kici."
"Ni na zama acici daga zuwa sai ci ko dubaki ban ba."

"Ni ba bakuwa bace, dan Allah sauko kici."
"To ya jikin?"

"Naji sauki fa. Yaya ne ma ya hanani zuwa wai sai na kara warwarewa."
Tai murmushi tace
"Yaya dai Yaya kullum Yaya ko dai."

Duka ta kai mata tace
"Bana so."
"To sorry naga jiki yai kyau sai dai kin kara ramewa daman ke aba gaki ga kamar ki."

Hararar ta Maryam tayi tace
"Dame kwado yafi gaya?"
"Da mai da yaji da magi kinga kuwa ai yafi sa."

"Ni dai kici abinci."
"Zanci ai ina Ummi?"

"Ta tafi aiki bata dawo ba."
"Ayyah yau sai ke kadai kenan."

"Uhmm ai gobe ko ya hanani da ya fita zan taho."
"A'ah ki zauna sai monday kawai kan nan kin kara murmurewa ba wani abu ake ba yanzu kinsan farkon komawa duk course outline suke bayarwa kuma baki da matsala."

"Ah haba ai shikenan."
Ta fara cin abincin suna hira har ta gama, tace
"Alhamdulillah."
"Ke da driver ne a kai masa ruwa ko?"
"A'ah Yaa Muhammad ne ya kawo ni."

Ido Maryam ta zaro tace
"Kuma kika barshi a waje."
"Tab Yaa Khalifa ai da tini ya tafi yaje bayan layin ku yace in ya gama zai kirani."

"Ok yasu Momy?"
"Momy bata dawo ba ni kadai na dawo saboda school nima da bari nai sai weekend din muka dawo tare kawai."

"Gaskiya since ba wani abu ake ba."
"Wallahi."

Wayar Jawahir ce tai kara tana dubawa tace
"Yaa Khalifa ya dawo kenan."
Ta dauka ta kai kunnen ta tace
"Gani nan."

Maryam tace
"Oh sai tafiya kenan."
"Uhmm ai in na kara minti daya zai iya tafiya ya barni."

Ta mike Maryam ma ta mike tana fadin
"Nagode sosai da ziyara."
"Kar ki damu mun zama daya."

Suka fita tare, wata mota ce mai kyau da tsada ta gani bata zata shine a ciki ba sai da taga ya sauke glass din, yana kallon ta kamar zai hadiye ta, kai ta dauke suka karasa still kallon ta yake babu ko kiftawa babu, har suka iso sannan ya dauke idon sa, Maryam ta sunkuyar da kanta tace
"Ina yini?"

Cikin cool voice dinsa yace
"Lafiya lau"
Ta kalli Maryam tace
"Da kyar ya gane gidan fa ni kuma nace ba zan nuna masa ba tunda ya taba kawo ki, before cewa ma fa yayi ya manta ki, sai da nai masa kwatance."

"Jawahir talkative wa ya tambaye ki to?"
Ta bude ta shiga, tace
"Yaya bakai mata ya jikin ba?"

"Ohk."
Ya fada yana kallon Maryam da tai kasa da kai yace
"Ya jikin?"

"Alhamdulillah."
"Allah kara sauki, bansan nan zata kawo ni ba da na kawo miki kayan dubiya."

Murmushi Maryam tayi tace
"Nagode."
Jawahir tace
"Sis sai munyi waya ki gaida Ummi in ta dawo da Haidar."

"Zasuji nagode."
Ta dago ta saci kallon Muhammad tace
"Ku gaida gida."

Kai ya gyada mata yana kashe mata ido daya, da sauri ta juya, ya bi ta da kallo yana murmushi, Jawahir ta dan kalle shi taga Maryam yake kalla, tai murmushi tace
"Yaya wannan kallon fa?"

Kai ya dauke yana murnushi kawai, tace
"Ko dai ko dai?"
Hararar ta yayi yace
"Bana son surutu."

"To an ba da ita dai."
"What?"
Ya tambaya da sauri ta kyalkyake da dariya tana fadin
"Na kama ka."

"Da akai me? Ina nufin me ruwa da kike ce an bada ita."
Dariya tayi tace
"Ah ah fa."
Kai ya dauke ya fara driving din sa bai kuma kula ta, ita kuwa sai dariya take kasa kasa.


Bayan ta koma mamaki Maryam ta dinga yi meyasa Muhammad ke boye ma Jawahir bai san ta ba da yana son ta, tabe baki tayi ta cire hijab kwanta akan kujera tana lumshe idon ta da sauri ta bude ido tana duba agogo shida saura Yaa Aliyu bai dawo ba bayan yau laraba biyar ma wani lokacin yana gida, to ko wani aikin ya tsayar dashi, Haidar fa? Ko da yake tasan dole yana wajen sa tinda tare suke dawowa in yana da wani abu ma zai sa drivern sa ya kawo shi gida.


Tsakanin Maryam da Muhammad kuwa soyayya suke duk da Maryam bata fiya sakewa ba, in tana wani abu sai taji ta incomplete ko ta kasa masa wani abun shi kuwa bai jin komai kulawa yake bata duk da tana hana shi zuwa amman shi a takure yake da gayya yake kai Jawahir makaranta dan su hadu, akwai lokacin da yace saboda me take kin barin shi yazo sai tace
"Yaya ne baya so."

Yace
"Yaya baya so?"
"Uhmm."
"Jika ki zai ya shanye?"
"Uhmm...."

"Shikenan!"
Kawai yace abin na basa mamaki ya rasa wa zai tambaya shin Yayan nan Yayan gaske ne ko kuwa a yadda take cewa Yaya shi ya dauka uwar su daya uban su daya amman ya fara tunanin wani abu in har haka ne da matsin bai kai haka ba, shi na miji ne dan haka yana gamin anya Yayan nan ba son ta yake ba. Zama yai yayi tunani ya samarwa kan sa mafita.


Muhammad ya nunawa Maryam yana son ya aiko gida sai ta nuna tsoro take ji, cikin muryar sa mai sanyi yace
"Maryam bakya so nane?"
Kai ta girgiza yace
"Maryam ni mutum ne wanda in ina son abu da zuciya daya nake son sa, ba zan iya cigaba da rayuwa a haka ba ina son nima na samu na yi aure bakiga Najwa ba sauran wata hudu auren su, so nake da an gama nasu a hau shirye shiryen namu ni da zaki yadda ma da an hada kawai."

Murmushi tay tace
"Kai a'ah karatun nawa fa?"
Murmushi shima yayi yace
"Wani lokacin in kikai abu kamar bakya so na."

"Kada kace haka dan Allah."
"To gashi nan."

"Ni ba haka bane kasan irin karatun mu bama yanzu da zamu shiga asibiti in da aure abun zai min wahala."
"To shikenan naji amman ni dai zan nemi su Abba su san dani please ki yadda."

"Shikenan."
"Kin yadda?"

Tace
"Eh."
"Nagode my wife."

"Tin yanzu?"
"To kwana nawa ne?"
Murmushi kawai tayi. Har ta manta da abin ma bayan kwana biyu Abba ya aika aka kira ta, ta same shi a dakin sa.

Abba yace
"Maryam kinsan wani Muhammad?"
Dagowa tai da sauri ya sakar mata murmushi yace
"Kinsan shi kenan?"

Kasa tayi da kanta, yace
"To je ki."
Ta mike ta fita da sauri, Ummi ta shigo tace
"Gani."

Yace
"Zauna mana."
Zama tayi yace
"Wani yaro Muhammad dan gidan Minister of petrol ne yazo waje na yanzu."

"To Allah yasa lafiya."
"Lafiya lou, Maryam ya gani yakeso yace yana son a bashi dama su dai dai ta kansu in hakan yayi sai a sanya rana da harkar bikin su."

"Masha Allah amman Alhaji kan a basa dama a fara bincikar halin sa, kan su hadu dan kar muje kuma yana da wani halin a bar yarinya ta fara soyayya da shi kuma a zo daga baya agane hali."
"Nima nai tunanin zanje muyi magana da Yaya zan saka Aliyu da Farouk su bincika mana."

"Yauwah Allah yasa albarka."
"Amin."
Ya mike yace
"Bari naje wajen Yaya dan naga motar sa kafin ya fita."

Yaje ya samu Abbi, Abbi yai na'am suna zaune a falon ma ya kira Aliyu da Farouk da yake weekend ne duk suna gida, zama sukai Abba yai musu bayanin komai, Farouk ji yai zuciyar sa kamar ta fito Aliyu kuwa ba zaka gane a halin da yake ciki ba sam bayan Abba ya gama bayani yace
"Muna so ku bincika mana ya yaron yake."

"Insha Allahu Abba."
Aliyu ya fada, Farouk ma yace
"Allah bamun iko."
"Amin."

Suka tafi, duk sunje sunyi bincike Muhammad bai da wani mummunan hali ko kadan yaro ne mai tarbiyya da hankali, kuma ba wanda ya boyewa Abba dan shima Abba ya bawa wasu da yawa dan haka Abba ya kira shi ya ya bashi damar zuwa zance, murna wajen Muhammad kamar me?

Aliyu na ta shirin tafiyar sa wanda ya rage kwanaki a cikin lokacin duk ya burkice Ummi ta rasa gane kansa, in tai magana sai yace yana kewar tane.

Ranar da Muhammad yace zai zo da kyar ta sanarwa Ummi, Ummi na kasa a zaune ta sauko ta zauna a kusa da ita, Ummi ta kalle ta tace
"Lafiya Daughter?"

Kasa tayi da kai ta kasa magana, Ummi tace
"Fada min mana me kike so?"
"Ummi daman wannan ne yai min waya wai zai zo yau."

Tana fada tai kasa da kai, Ummi ta kalle ta tana susunne kai tai murmushi tace
"Ni kuma ake jin kunya Daughter?"

Jikin Ummi ta shige tace
"To Allah ya kawo shi." Da gudu Maryam tai sama, taso tai kwalliya amman ganin kada Ummi tace dan zai zo zata shiyasa ta hakura kawai, wata orange kalar doguwar riga ta saka wacce duk jikin ta stone ne ta mata kyau ta shafa turare tana gaban mudubi ya kira wayar ta, dauka tayi yace
"Na karaso."
"To ka shigo."

"Ok."
Ta mike ta fita falo, dakin Ummi ta shiga ta tsaya a bakin kofa Ummi tace
"Ni dai na zama sirikar ki ko?"

Kai ta girgiza tana rufe fuskar ta da hannayen ta, Ummi tace
"Ya karaso kenan?"
Kai ta gyada, Murmushi Ummi tayi tace
"To jeki ku zauna a barrander ko?"

"To Ummi."
Ta fada tana juyawa, a babban compound ta same shi jikin motar sa, tinda ta fito ya zuba mata ido har ta karaso, tace
"Sannu da zuwa."

"My wife."
Ta danyi murmushi, tace
"Muje to."

"Ok."
Tai gaba yabi bayan ta, a barander suka zauna inda wajen yake da table da kujeru guda hudu ya zauna ta zauna a can gefe tace
"Ina yini?"

Kallon ta yake yace
"Wannan kunyar fa haka Maryam?"
Kai ta girgiza yace
"To ki dago yau magana zamuyi dan mun fara kokarin sai ta rayuwar mu kinji."

Kai ta gyada, mai aikin su ce tazo ta kawo masa lemo da ruwa yai godiya ta koma, Maryam ta zuba masa lemon ya dauka ya kurba ya ajiye yace
"Nagode."
Tai kasa da kai. Gyaran murya yai cikin muryar sa mai dadi da sanyi yace
"Na miki bayani akai na tin kwanaki, kinga gidan mu, da yan uwa na da aboki na komai kike so ki bincika ki tambayi Abdul zai fada miki ba zai miki karya ba."

Kai ta gyada yace
"Akwai abinda kike so kuma kike son ki sani?"
Kai ta girgiza yace
"Shikenan kofa a bude take ko ba yau ba in kina bukatar jin abu daga gare ni sai dai ni ina da bukatar sanin wani abu akan ki, wannan Yayan naki Maman ku daya?"

Ji tayi gaban ta ya fadi abu da ta jima da mantawa ya dawo mata kwakwalwar ta ta shiga kai koma, yadda ta fada duniyar tunani, yace
"My wife."

Da sauri ta dago wanda idon ta tini yai ja, ga hawaye da