You Cannot Download this book untill you login but you can read it .

---

Login Register

NADIRAH wace ake yiwa kiranye da BAHIJA?"


Wara manyan idannuwansa ya yi, da karfi ya damki abin rufar gadonsa ya jimke yana rintse idannuwansa, hakan ya sa jijiyoyin jikinsa mikewa birde birde


Muryarsa a cinkushe ya ce" Karfe bakwai ina son ganninka a sashena in sha Allah"

Daga haka ya kashe wayar ya sake gyara tsayuwarsa yana ta aunawa, abinda yake ta korewa baya son kawowa ransa shine, Umma ce ja gabar auren nan fa, me hakan yake nufi? Umma ce fa?

...........( Uhum ).................






NADIRAH hankali kwonce ta bude bangarenta, watau baban kofarta ta shiga, domin ta hanya sak ta biyo tana salama a saman lebenta


Mikewar Umma kawai suka gani, sai saukar yan yatsunta biyar a saman kuncin NADIRAH, wanda hakan ya kusan gigitata, domin wani ihu ta saka wanda ya saka innarta zaburowa hankali tashe ta nufo wajen tana kama sunnan Nadirar da karfi

Umma ta nuno su gaba dayansu ranta bace ta ce" Wannan shirmen, da gidadancin, da kauyancin da kika yi yana daf da tashin hankalinki, da cire numfashinki, daga ke har iyayenki, domin ni nan da kika ganni ba zan taba daukan wahalarku ba walahi!, Me yake damun kwakwaluwarki? Ko mahaifinki ne kya masa wannan gaisuwar bale wanda ya fi shi daraja?, Ina ce an ce maki idan baki san abin fada ba ki yi shiru?, ASADEEK zaki duba ki ce masa barka da saukowa?, Yana saman kujera kina bakuwarsa zaki haye darr ko zauna?, Yana cikin fushi kike kallon idannuwansa?, Karya kike yar talakawa yar bayi! Karya kike idanma kina nufin ke baki iya bane!, Mu zaki kawowa shirme? Mu zaki kawowa maganar banza?, Idan har gangancinki ya haifar da rashin yarda sai dai ke ki kwana ciki, yanzu ki fada min bayan fitata me kika karra aikatawa na hauka?"



NADIRAH da ta fashe da kuka a jikin innarta, innarta ta dagota murya a shake ta ce" Ki kama min baki, ki min shiru, marin na waye baki sani ba?, Ki min shiru nace!"


Kukan nata ta ringa shanyewa, idannuwanta jajari ta kai dubanta kan Umma

Zata yi magana Innarta ta tareta tana rufe mata baki

Innarta ta dauke Umma ta yarfa da asakaran kallon da ya saka Umma zuba mata ido

Rai Bace HINDU ta ce"
8/13/22, 23:00 - Buhainat: 🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻
*OUMOUGHLOUK ITIBEL*
_(ZAKIN SARAKAI_)
🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻


_FREE BOOK_


*Na*


*SAJIDA NIGER*



3️⃣0️⃣



Inna ta ce "Allah taimaki uban talakawa, Allah huci zuciyar sarkina... Ƙuruciyaaaa."

Ta ƙarashe tana kallon Nadirah da ita ma ta zuba mata idanu, sai kuma ta ɗan kalli inda Baban yake, a tsautsayi suka haɗa idanu sanda takee ɗan juya bakinta tana gungunin "Kai jama'a Innata?"

Ƙara haɗa idanu sukayi sosai😭😭😭😭😭😭😭😭😭😭😭😭😭😭😭😭Ki wa Allah kwate ki cireni a zulumin nan, na kasa komai, na kasa katabus, na kasa aje talhona sai kallonta nake har na fara rikicewa.


👏👏Ku yi hak'uri kun ji, nila hi nake jira wlh, zumudi. 🚶‍♀️🚶‍♀️🚶‍♀️🚶‍♀️🚶‍♀�?
8/13/22, 23:00 - Buhainat: *NOBLE WRITERS ASSOCIATIONS✍�?*

°°°°°°°°°°°°°°°°°°°°°°°°°°°°°°°°°°°°°°°°°°°°
```Gidan karamci, rubutu don ci gaban al'umma, mu gudu tare mu tsira tare, alƙalaminmu ƴancinmu.```
°°°°°°°°°°°°°°°°°°°°°°°°°°°°°°°°°°°°°°°°°°°°

*https://www.facebook.com/106494781436168/*


🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻
*OUMOUGHLOUK ITIBEL*
_(ZAKIN SARAKAI)_
🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻

_FREE BOOK_

*Na*


*SAJIDA NIGER*





3️⃣1️⃣


*Asalamu alaikum jama'ata yan uwana masoya yan albarka grup SAJIDA PALACE, ina matukar godiya, ina miko maku fa godiyata, ban amsa maku tarin comment bane dan ban zauna ba, ama zan amsa ku kun san son so ne fisabililah💓💓💓, my zuciya na yin bubuduk idan ina karantaku😂, kaunarku da kaunata sun riga sun makaleni a kuluna, shi yasa zan wankeku da biyu matab albarka*


Da wutar ciki itama ta ce" Aikin da kuke fadin zan aikata kina wani karra maimaitawa ai ni ban taba boyewa ba, gwara ni da ke, kema kin san abinda nake nufi, kuma da kike fadin idan sun isa su gwada tambayarki na yi, ki tabatar min domin dan na mareta Matar nan ta min wani kallo da rabona da na ga irinsa tun a lokacin da na rungumi kanwar Asadeek da tana kukan mutuwar iyayenta, idan kun san wata jaraba kuka hadoni da ita sai ku sanar min na dauki mataki, dan ni babu wanda ya fi karfina!"

Tsaki Gimbiya ta ja ta kashe kiran ta wurgar a bayyane ta ce" Shashasha ko ita wa? Idan ta tashi burgarta ta rufe ido ta ringa ihun babu wanda ya isa ya fi karfinta, zaki ga fin karfi ne, domin wannan aiki da za'a aikata tsumi tsumu sai kin samu kanki a ciki, sai na ga ta tsiya, karamar aniya!"


Tana maganar ne tana rufa alkyabarta bata tsaya kula kowa ba ta dauki hanyar bangaren mijinta, dan ta tabata da wahala in ya yi sallar asubahima , ta yiwu yana cen yana rizgar barcin asara

Tana zuwa ta kwashi wani kayan haushin
Sama sama ta ringa jiyo muryarsa yana fadin" Yauwa yar albarka rike da kyau, dan matsa kan kin ji?"

Zama ta yi tana ta karkada kafa a falon har wani yangwamamen ihunsa ya karade wajen sannan ta ji shiru

Mikewa ta yi ta shige dan ta tabata a irin lokacin shi kuma ya shige bayi dan ya wanke jikinsa

Tana shiga ta bi yarinyar da kallo, yarinya karama, sam bata santa a masarautar bama bata taba ganninta ba

A rikice yarinyar dake goge jikinta da ya bata mata da wani ruwan jikinsa mai gari gari ta shiga rarumar kayanta jikinta na rawa tana kallon gimbiya da neman fashewa da kuka

Bata ce mata komai ba sai da ta gama saka kayan nata sannan ta karasa ta mata wani shaka wanda sai da ya saka yarinyar fitar da idannuwanta waje a rikice tana kallonta

A kausashe Gimbiya ta ce" Kin san hukuncin fitar da maganar kin zo dakin nan kin aikata wani abin ko baki sani ba?"

A rikice takebada amsr ta sani muryarta na fita da kyar

Gimbiya ta saketa ta karasa ta buda kayan mijinta ta dauko kudi ta watso mata sannan ta amshe wayarta ta cire layukanta ta nuna mata hanyar fita

A gurguje ta idasa daura nikaf dinta ta fice hankalinta tashe, du gani take yi kamar biyota zata yi ta kasheta, domin a cikin gari sunnanta ya baci iya bacewa

Fitowa ya yi yana dan washe baki dan ya gama zubar da tsiyarsa a titi

Turus ya yi gannin Gimbiya, sai kuma ya daure fuska yana fadin" Meye?"

Gimbiya ta kwashe shi ta watsar tana cire kanta ta ce" Jakadiyar Kasar AGADAZ ta yi kira a kan abinda ya fara fuskantarta, shine nace za'a turo da maganin nan a yi abinda ya dace tunda wuri, dan bana son lamarin wasa, tunda farko na so ace an yi, idan gangancinta ya saka ta aikata abinda za'a gane ta sakamu a matsala kennan"

Dakin ya karra bi da kallo, ya kalleta kamar bai san me tace ba ya ce" Ke ima yar mutane?"

Goshinta ta dafe da takaici ta ce" Ka san dai da ranshi ba zan yi wasan kashe yar mutane ba ko?, Ta tafiyarta "

Kafadu ya dage ya kai zaune yana lalubo wayarsa ya ce" Na sani, abin naki ne wani lokacin kamar baki da imani"

Da takaici ya kumeta kasa ce masa ci kanka ta yi, kawai ta yi zurru tana kallonsa har ya gama rage girman idannuwan nasa da kyar ya lalubo number Umma ya buga mata kira

Takaici ya saka gimbiya girgiza kai, watu bama zai yarda da maganarta ba sai ya ji ta wancen ko?

Bata tashi kallonsa a zabure ba sai da ta ji ya ce" To ke uban wa ya aike ki marin yar Fadimata?, Ku walahi kun cika neman jaraba, su fa basa dukkan ƴaƴansu, a laluma ya dace ku bita ba da masifa ba, sam baku iya cin ribar duniya ba kunna abu kamar mahaukata, ke baki tambayeta ta gwada maki gaisuwar ba kika dauketa firkyau firkyau kuka tafi?, Tunda kuka kwana ku dukanku har yanzu bai neme ku ba lafiyar ce, ki tashi kawai ki je yadda kika saba kicin da sauransu tunda kece da ikon komai matarsa hoto ce tana labe!, Zan gani zuwa jibi za'a kawo maganin sai ta gani in ta daidaita lokacin ta ga ya dace kawai ta bada masa, ke ko shaka masa ne ta yi a wuce wajen"


A haka suka yi salama, gombiya na yi masa wani irin mugun kallon da ya sakashi rafka tagumi ya ce" Wani lokacin sai na ga kinai min kallon nan kamar zaki kasheni ki huta walahi"

A ranta ta ayyana ' Dama inada wannan damar, da ina mai tabatar maka ba zaka kara minti daya ba'

A bayane kuma ta ce" Kai kake bani mamaki, ina tsoron idan Allah ya tashi kamaka ka tube zirr ka bi Fadime da gudu, Allah shi kyauta" tana gama fada ta juya ta kama hanyar ficewa, shi kuma ya daga murya yana fadin" Ba amen ba bilahilazi, yar bakin ciki ni da ita ai yar daka ce ba yar hanya ba, sai dai ki mutu!" ( Wannan shine huldarsu, fahimtarsu, cin kansu, Allah ka sa mu dace)

_____________________________________

Da yamacin ranar ta samu iso zuwa bangaren HUZNAH, ziyarar da UMMA bata ji ba kwata kwata, sai bayan isarta labari ya je mata daga bakin masu kai mata tsegumi, watau daidaikun mabiya bayanta

Tarba ce ta salu ta gani ta fada, tarbar da ta bata mamaki, haka ta zuba ido tana bin yadfa suke gabatar da huldarsu zuciyarta cike da mamakinsu baki dayansu


Bayan sun gaisa, su biyu ne a saman kujerun, sai bayin dake duke a kasa kowace kanta a kas , ba'a basu damar fita ba, dole zasu zauna ko me zai faru ya faru a gaban idannuwansu da kuma kunnayensu

NADIRAH dake zaune, tauna kalmar da aka ce ta zo ta bada ta hakuri da abinda ya faru jiya take yi a harshenta, sai dai sam ta rasa ta yaya zata fara, domin a aunawarta bata ga menene girman laifinta ba, hasalima bambancinta da su shine bayar da hakuri a lokacin da ba'a aikata laifin komai ba

Bayin nan kwaya hudu take kallo, kalmar dake saman harshenta ta samu fitowa a hankali ta furta" Ku bamu waje "

Sai dai bayin da aka ce nata ne kadai ta ga sun mike sun fice bayan sun yi mata fatan a yi hira lafiya

A nutse ta dora shemamun idannuwanta saman biyun da suka rage, wa'inda daya ce hasalin baiwar HUZNAR, dayar sunnanta dai ne baiwarta ama dukkan motsinta tana kaishi ne gaban UMMA

Kallon da take yi masu, da hanna kanta dura masu ashariya gannin jam'u ta yi furucinta ama biyu basu basu wajen ba ya sakata muimui da baki tana karra kausasa dubanta a kansu

Da yan yatsunta, ta masu alamun su fice, wanda hakan ya ba NADIRAH mamaki ainun, watau an nuna mata ga yadda ake sarautar ko? Sai dai kashhh, bata san ko a tsuman ranta ba domin ba wannan ne a gabanta ba

Sunna fita ta dago dubanta ta dora saman Huznah
Matar dai ta girmwga gaskiya, dan a yadda ta kiyasta zata kai shekaru talatin haka, ko da doriya, ama gatan wata zullu abinta ba'a cewa komai
Akoy fa kyau dan kyau sai baranci....ta ayana a zuciyarta

Kai tsaye, ta ce" Me yasa, a matsayinki na wace ta isa ta saka, ko ta hanna, kike zaune bakya shiga kicin ki girkawa mijinki abinci, ko baki iya ba?"

Da sauri HUZNAH ta dago da idannuwanta, duba ta sauke a fuskar NADIRAH, wace take yiwa kallon BAHIJA,
Sai ta ji kamar zaginta yarinyar ke son yi, ko tana so ta nuna mata cewa ita bakuwar jiya tsal har ta kai wajen da zata iya nuna mata son mijinta? Ko tana so ta nuna mata bata iya girki bane?, Sai ta samu kanta da tsare NADIRAH da ido, sakon da aka kawo mata an ce mata ne zata zo gaisheta, da bayar da hakuri, ama a zuwanta ko gaisuwar ce mata ta yi sannu fa da hutawa tanai mata wani kallo kamar ka tile kayan wankin nan, a tunaninta ko dan girmarta da ta yi ai ya dace ta girmamata ko?, Ko dan da ake cewa kishiya kishiya ce zata yi kishi da ita?, Ko nuna mata zata yi kusa ta fi kusa ne?, Ko kuwa tana so ta nuna mata ita yar sarauta ce?, To ai itama yar sarautar ce, idan bata da labari bara ta sanar mata

A nutsenta ta ce" Mahaifina, shima sarautar ba cira ya yi ba ALLAH ya dattar da ke da tsufa a bisa girman darajarki BAHIJA"

NADIRAH ta dan yi tsuru, gaba daya bata gane ina ta dosa ba, to ana zancen girki me ya kawo maganar mahaifi? Allah ta tuba itama nata uban ai sarkin ne, na dogarai,kowani sarki kuwa ai sarki ne a fadarsa wa bilahilazi!

Baki ta tabe, ta ari yaren nutsuwar, domin ta kula idan ba halayar da Allah baya so ka dan aro ba ba zasu fahimceka ba, watau girman kai, ta yafa , a nutse ta ce" Allah ya huci zuciyarki....."
Ta ajiye zancen tana tabe baki da tunanin me aka yiwa zuciyartama?

Ta sake fuskantarta ta ce" Ban zo gidanki, fadarki, duniyarki, balbalin mijinki, dan na koya maki tafiyar da dukkan abinda ya dace ace naki ne......., Ki gane ban kuma fada dan na hadasa husuma bane...
.., kawai gani na yi shi sarki mijin sarauniya ne, ba mijin makaraban gidan sarauta ba"

Ta ajiye maganar tana wana manyan idannuwanta zuwa tsarin falon mai masifar kyau da daukan hankali

A hankali ta mike tsaye , sannan ta dakata ta juyo tana kallonta ta ce" komin jimawar zaki a dawa, cikin kogo a boye, ba zai hanna kuraye wadaka da kai kawo ba, idan har ba giga ya yi ba, sunnansa na loko , fili kuwa na kuraye ne, Yin girki ba laifi bane a tunanina, idan har ba iya sarafa abin bane ya zamto gagarare a gareki Allah ya karra maki lafiya"

Daga haka ta sakar mata malalacin murmushi sannan ta juya ta fice daga falon


A rikice HUZNAH ta mike tsaye tana kallon hanyar da NADIRAH ta bi
8/13/22, 23:00 - Buhainat: *NOBLE WRITERS ASSOCIATIONS✍�?*

°°°°°°°°°°°°°°°°°°°°°°°°°°°°°°°°°°°°°°°°°°°°
```Gidan karamci, rubutu don ci gaban al'umma, mu gudu tare mu tsira tare, alƙalaminmu ƴancinmu.```
°°°°°°°°°°°°°°°°°°°°°°°°°°°°°°°°°°°°°°°°°°°°

*https://www.facebook.com/106494781436168/*


🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻
*OUMOUGHLOUK ITIBEL*
_(ZAKIN SARAKAI)_
🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻🤴🏻

_FREE BOOK_

*Na*


*SAJIDA NIGER*





3️⃣2️⃣



A rikice HUZNAH ta mike tana bin hanyar da NADIRAH ta bi ta fita da ido

Daidai nan Bayinta suka dawo, ita kuma a lokacin ta shiga kai kawo tana kai yar yatsarta karama ta dantse a bakinta cike da jin radadi da rukuki a zuciyarta

A ranta ta shiga ayana magana kamar haka' Kin zo gidan nan ne da nufin takani?, A tunaninki sangartaciyar inna nake wace ke ci ta bar kwano a nan yashe?, Lalle ba zan yarda ki zo gidana ki sameni da mijina ba ki fara kawo min tsare tsare, ni nan ni zan fara yiwa mijina girki kuma zaki samu gayata a yau ba sai gobe ba!'

Fuska a hade ta bada umarnin ko me ake yi a je a sanar a baban kicin na bangaren mai martaba zata shigo kicin da kanta

A zabure yar rahoton Umma ta dubeta, sai kuma ta sada, a tausashe ta ce" Allah ya taimaki uwar bayin Allah, me ya hada ki da girki? Fatarki ai ba ta shiga kicin bace, sannan Allah ya karra maki lafiya kin manta Maman Ja gaba ce keda wannan alhakin?"

Samun kanta ta yi da tsare matar da kallo, idan har tana iya irgawa a gidan nan ai komaima maman Ja gaban ce keda alhakinsa, ciki harda hurumin da ya dace ace nata ne ita matarsa, ya dace ace Umma tana kula ne da abinda ya shafi abincin bayi, ta bar mata na mijinta ita ta kula da shi, ama ya zamto har mutanen da suke bayi a gareta sunna neman yi mata katanga da haka dan ta zubar da hakan ta yi watsi da shi wa wasu? Har ake ce mata fatarta ba ta shiga kicin bace dan aikata aiki mafi hatsari da kaiwa jiki irin na abincin mijinta?

A dan kausashen da basu saba ganninta ba ta dubi matar ta ce" Jayaya kike yi da umarnina?"

Da sauri ta sada kai, ta sake dukawa tana mai neman afuwa

Da umarni ta ce" ki rike magiyarki!, Ki maida hankali kan abinda na saka ki, sannan ki je dakin sako a rubuta takardar gayata cin abinci a falon mai martaba, karfe takwas na dare, a turawa SARAUNIYA BAHIJA!"

Daga haka dakinta ta wuce dayar ta bi bayanta da sauri dan fitar mata da dukkan abinda take bukata

Ita kuma a lokacin tana fitowa sai da ta dokawa Umma waya ta sanar mata cewa wai HUZNAH ce zata zo Kicin na bangaren Sultan,
A lokacin kuwa Umma bata jima da baro bangaren ba tunda aka sheda NADIRAH ta dawo bangarenta, ta zo tana son jin dalilin da ya sa Nadirar har ta fito ta je wani wajen ba da izininta ba

Innar Nadirah kam, uffan bataa ce ba, har Umma ta gama maganarta, hakama NADIRAH kallonta kawai take yi har ta ajiye maganarta, a nan ne ta samu kiran nan wanda ya kusan sumar da ita

Da tuhuma ta dubi NADIRAH ta ce" Shekara tara kennan yarinyar cen na masarautar nan, bata taba cewa zata shiga ta yi masa girki ba sai yau da kika je bangarenta? Me kika ce mata?"

Da dan kosawa Nadirah dake bale dan kunnen kunnanta ta dubi Umma

Lalle matar ta gama samun waje ne gaba da baya, ya zama wajibi kuwa ta bita a hankali har ta durmiyata a cikin ramin da ta haka da kanta

Kai ta girgiza tanaiwa idannuwanta wani irin warrrr sannan ta dan yatsine fuskarta ta ce" Kin san menene burina?, Burina na gama abinda ya kawo ni gidan nan, na smau yancina, burina na aikata aikin da ake so na aikata na kama gabana, domin a waje inada rayuwata wace nake matukar son na ga na cika, ni nan da kika ganni burina na yi kudi na gagara, ai ba laifi bane ba kuma haramun bane yar kauye ta yi buri da mafarki ko? Ina iya ranste maki a kan kudi komai sai na aikata, wani yardar tawama dan na tabata za'a bani wani dan abin ko yayane na je na ja jari, ba kowa rayuwa take tafiyarwa ba a cikin daula kin fahimta? Ki yi hakuri zaki ji maganata wata iri kamar na raina ki, aa ba raini bane, kin daga hannu kin mareni ido da ido, ba'a yi min haka, ki sani da ba dan na san jakarki da nauyi ba da sai na maida maki goman wanda kika yi min!" NADIRAH ta ajiye maganar, da wani yannayi da ya saka innarta dagowa tana kallonta, domin tamkar wata rikakiyar yar daba ko irin rikakun yan barikin nan

Ita da kanta Ummar shan jinnin jikinta ta yi, a lokacin abu daya ke ranta shine bata kyauta ba da har ta kai hannunta fuskar NADIRAH, ashe yarinyar tanada mafarki nata na kanta, gaskiya ne mai yawo a cikin mafarkin kudi ko mulki baya tsoron kowa, baya tsoron komai, a mutu ko a yi rai du ba shi bane a gabansa in dai yana irgen ta ina kudi zasu shigo
Lalle ta yarda yarinyar na iya aikata masu aikinsu, ama duda haka bata ga dalilin da zai saka ta je bangaren HUZNAH ba, har maganar nan ta fito fili haka ba gaskiya

Umma ta dan dubi Inna, sai kuma ta sake kallon NADIRAH, ta dan rage gautsin Muryarta ta ce" Kema kin san marin nan dan raina a sama ne, ni na mareki ama ni na ji a zuciyata"
Ta idasa tana mai dora hannunta daidai zuciyar tata
A dole NADIRAH ta kalli innarta, da sauri kuma ta kalli Umma

Umma ta ce" Ama kawai ki yi hakuri, ba za'a kuma ba, yanzu ki fada min me kuka tatauna da wancen ne?"

Tabe baki NADIRAH ta yi, sai kuma ta cirw kanta ta ce" idan ta hanyar da nake tunanin za'a bani aikina a gidan nan ne na yi sharar fage, dan ya zamto an samu abinda ake so ba da labe labe ba, dan kuwa in ban samu hanyar yi masa girki ba, hakan ba zai tana samuwa da sauki ba, ina fata kina gane yarena"

Wani irin farin ciki ne ya ratsa Umma
Har ta rasa me zata ce a irin wannan lokacin

Kiran dake ta shigowa ya sakata mikewa ta masu alamun sai ta dawo ta fice domin a cen kicin din ne ale ta kiranta,
Kai tsaye ta je, tana jin ba'asin kiran ga mamakin HUZNAH sai Ummar ta bata damar dafawar hankali Kwonce, duda dan abin da ta saba sakawa a irin abincin auta yai ba zata saka ba kennan? Ama zata yi hakuri har gobe Girkin NADIRAH

A dakin NADIRAH
Umma na fita Innart ta dubeta, da duba irin na karra son gane gaskiyar lamari
Sai kuma ta sauke numfashi ta ce" haka nake so, ina matukar son idan kina magana ya zamto tana sauraronki, dan karfin muryarki ya fi nata zafi?, Haka kuma ina fatan Allah ya nuna min ranar da zan rama marin nan, walahi ko ana ruwan mazuru da zaho sai na zabga mata mari in sha Allah, Kwartuwar bamz da wofi, wai zuciya, ina ta ga zuciya wancen?"

NADIRAH ta yi murmushi ta zauna tana tunanin idan har hakarta ta cimma ruwa, matarsa zata amshi girkinsa, hakan na nufin za'a rage wata jarabar, idan kuma an kawo maganin da za'a zuba masa a abinci hakan na nufin ita za'a ba ta zuba, ba Umma bace zata zuba abincin ita kuma a bata ta kai masa!, Ko ba komai Abam su Inna za'a dan karra kwanakin shiruftaka bawan Allah!...............


Kusan sallar magarib takarda ta sameta ta gayata cin abinci, wanda a kusa kusan nan Umma ta fada masu da wahala ta sake samun zuwa falon UMUGHLUK ITIBEL sai idan ya huce

Murmushi kawai ta yi ta ajiye abin tana sake karantar girman girmama abu irin na gidan sarauta, zo ki ci tuwo ne aka buga a computer? Watau tvn nasara? Allah shi kyauta

Da dare ya yi sai da larfe takwas din ta kusa ta shige wanka, a nutse ta fito ta bude tarin kayan dake sakata nishadi idan tana kallonsu ta zaro wata doguwar riga irin ta kantin nan ta zaman cikin dakin nan mai laushi mai ruwan fatar kare ta ajiye, sannan ta dauko pant shima fari kal shi kuwa ta ajiye
Bangaren alkyaba ta bude ta zuba masu ido
A hankali ta dora hannunta ta ringa shafasu tana kare masu kallo
A kalla zasu kai talatin ko fi a irgenta,haka kuma kowace da irin yannayinta, watau da tsarinta da kyanta da komai

Ajiyar zuciya ta sake saukewa a hankali ta janyo wata mai ruwan gashin mage, laushinta da dukan da ta yiwa kirjinta ya dakata daukota domin tana kallonta sai da ta ji ta sace zuciyarta, haka kuma tana daukota a hannunta ta ji wani laushinta sai da ta lumshe ido tana sauke ajiyar zuciya

A hankali ta karasa wajen abin turaren wuta ta dauki abin kyastawar ta ciro ta kyasta daya ta dora ta dan dakata ya kama sosai har ya fara zama toka toka kadan , sannan ta je ta ciro turaran wutar na kaya ta zuba ta loda kayan

Wajen madubi ta karasa ta tsaya cike da tunanin me ya dace ta yi?
A hankali ta zauna tana dan dora hannunta sama ta shiga tuna maganarta da matar dake koya mata yannayi da lamura irin na sarauta

A hankali ta maimaita kalmar da take yawan fadi da yaren nasara, watau CLASSSSS

Hannunta ta dan bi da kallo sai kuma ta saki gashin kanta ta dan wana kanta kadan ta sake zubawa madubi ido
Cikar gashin da bakinsa yanada yawa sosai, ya ishi bawa kwaliya ko wace iri ce , cen dama ta gaji iya kwaliya da gashinta, kitso ne bata so sai sun sha rikici da innarta take yi mata tafka tafka biyu, ko hudu


A nutse ta saka abin tsaga daga gefen hagu na gashin kadan ta yi tsaga mai