You Cannot Download this book untill you login but you can read it .

---

Login Register

haka suke tabbas da an sami k’aranci gaba da muguwar k’iyayya tsakanin Al’umma....

Tuni su Marliya da Raihanah sun soma shirye shiryensu, wani d’auki suke kaman ba’a tab’a buki a zuri’ar tasu ba, kodashike dole ma suyi d’auki domin kaw dangin ba’a tab’a Bikin bane tinda auren Hafiz da Zulfa’u da akai a baya shida babu duk d’aya ne, domin kaw biki ne akayi shi ba cikin farin ciki ba, dikda d’auki da suke basa d’aukin Bikin Aunty Sahariyya da Ya Ma’aruf sanin cewa su d’in two different people ne, hasalima tausayinsa suke kamilin mutum irinshi bai cancanci mata irin Sahariyya ba... Dik wannan d’auki da suke sam Naja’atu batayi, babu wanda yasan maike damunta harta Hajiya babu yanda batayi taji meke damun Najah na amma Najah tak’i fad’i mata komai, Sahariyya da k’awarta Fa’iza kaw cewa sukai hassada ce kawai irinta Naja’atu taso ace itace zata auri Ya Ma’aruf ba Addarta Sahariyya ba... Ita kaw Najah bata cewa komai saidai ta tab’e baki, daidai da d’inkin anko d’inta ma bata bada ba, ita kad’ai tasan mai take sakawa cikin zuciyarta..

***

Washe gari tin sassafe Baffah ya tasa k’aninsa mai bi masa a haife wanda ratan shekara d’aya ne zuwa biyu tsakanin su cewa sai ya masa rakiya zuwa Kano...
Baba Ali badon yaso ba yai shirin rakiwa d’an uwan nasa... Suna tafe saman kwalta Baba Ali Ke fad’in “Wllhi badon ka tak’urani ba BillahillAzim bazanje ko ina ba... Kai nifa tin sanda aka soma yima mutane d’iban awakai saman kwalta na daina zirga zirga dik k’aunan yawo irin nawa... Yo Allah na tuba idan mutanen nan sukai wuf dani uban waye zai biya kud’in fansata... Kai ni bama wannan ba, yanda nake fata zalla sai k’ashi suka min bugun zazzab’en dawa ai harta k’asusuwana baza’a samu ba....”
Baffah na dariya yana buga kan steering yake furta “Kai mutumina... Haba Alaji Aliko, Ali zaki mazajen fama...Wai ina kurin da cika bakin ne....”
Baba Ali yace “Kai inaa da ne wllhi....Maza suna daji yanzu...”
Baffah ya kuma tintsirewa da dariya... Wannan na d’aya daga cikin abinda yasa yace Baba Ali ya masa rakiya, don tafiya saida irin su Baba Ali ko babu komai zakaci dariya, Baba Ali irin mutanen nan ne masu k’anan jiki da tsananin barkwanci...
A haka suka isa garin ta Dabo, kai tsaye gidan Engr Ma’aruf Mutallab suka nufa kaman yanda Daddy ya sanarma Engr d’in da zuwan nasu, tuni dama anyi shirin tarabansu... Tarba ta karramawa akai masu a gidan Engr, Muhibbah bata sama bata k’asa sam bazakace itace bace yanda ta kwantar da hankalinta take gudanar da al’amranta... Abin har baiwa Engr mamaki yake tamkar ba Muhibbar da ya sani ba, batun k’arin aurensa sam bai d’aga mata hankali.. Ko dan bataga auren ya tashi gadan gadan bane, maybe shiyasa sam bai dameta ba... Sosai yake jin dad’in canzawar da Muhibbah tai, har k’asan zuciyarsa yake jin dad’in hakan, fatansa Allah sa hakan mai d’orewa ne...
Abinka da wanda sam bai faye zama ba bacin gaisuwa da sukaidasu Baffah bai kuma saka su idanunsa ba, hidimominsa da sabgogin gabansa sunada yawa...
Dik kyau da tsari da gidansu Khalid kedashi sai sukafi santin wannan gida da aka sauk’esu, kai da gani kasan Nira ta tsufa hannun masu wannan gida, sashe guda na bak’i aka masu masauk’i babu abin buk’atar da babu... Baba Ali ya fito yana k’arema tangamemen sashen da aka masu masauk’i kallo, “dank’ari mak’ari Wato dai gida ne saikace otel d’in k’asashen turawa” Yai maganar yana kewaye k’ayattacen swimming pool dake a b’angare guda cikin sashen....
Harda buga tsalle yana ihu yake fad’in “Kai Baffah ai sai kace min tafiyar k’asan waje zamuyi tikitin jirgi ne kurum ya rage mana.... Kaga gida tamkar a turai.... Wai ma tsaya meye alak’an mutumin nan dasu Khalid ko d’iyarsa yake nema... Nima na samu amin connection tinda naga auren yanzun dik connections ne....”
Darawa Baffah yai kana yace “Wllhi idan zaka sakamin bindiga bansa alak’an Daddy da wannan mutumin ba, kasan manyan mutanen nan k’ila ko kasuwanci ko siyasa ta had’asu tinda Engr Ma’aruf cikakken d’an siyasa ne mai neman takaran kujerar Governor...”
Jinjina kai Baba Ali yai kana yace “Hakk’un... Ai cewa nake nan ne gidansu yarinyar da sai nace ashe da Ammi batasan waye d’anta Ke nema ba tinda nasan halin matar sam tak’i jinin talaka...”
Dubansa Baffah yai kana yace “Har yanzu ma batasan da batun auren ba kuma nasanka da zuba da b’arankan baki Ali, dan girman Allah na rok’i arzikin ka ko Khalid kada yasan wannan batu balle ya isa ga mahaifiyarsa...”
Baba Ali ya zaro idanu waje “Toooh babban magana... Wannan wane irin aurene haka b’oyewa tamkar wani abin k’i... Naga dai aure shelansa ake ba b’oyesa ba....”
Baffah yace “Babu ruwanka kaidai kawai kayi abinda na sakaka....”
Hannu yasa yaja fatun bakinsa alamun ya ja masu zip ya saka masu sakata kana yace “Bakada matsala my lips are sealed...”
Baffah ya jinjina kai yace “Good...!”
Zuwa dare suka kira Sameer suka sanar dashi suna Kano, Sameer yace babu matsala gobe idan Allah yakai rai zai masu jagora zuwa gidansu don dama shi suka kira suka sanar dashi zasuzo gaisuwa a madadin Khalid tinda Daddy ya aike Khalid d’in wani waje bazai sami zuwa ba sannan ga lokacin biki na kuma k’aratowa....

Washegari kaw wajajen k’arfe goma na safiya suka fito cikin shiri, tuni suka tadda abinci kala kala tamkar wanda sukai order da sunan breakfast... Su Baba Alin an dad’e ba’a gamu ba tuni aka gyara zama akaja girki, ko wanne sashe na gidan tafiya mai d’an nisa zakai kafin ya sadaka da wani sashe don haka sam basu jiyo hayaniyar cincirindon ‘yan siyasa daketa kai komo a harabar gidan ba... Banda kukan tsintsaye ma dake saman bishiyoyin da yai k’awanya wa sashen nasu basa iya jiyo komai... Suna tafe Baba Ali na zuba zancen in yai kud’i zaiyi kaza zaiyi kaza yayinda Baffah ke neman Sameer a waya dan sanar dashi cewa sun ida shiri shi suke jira...
Akram da isowarsa gidan kenan ya hangi mutane na fitowa daga gate d’in da zai sadaka da b’angaren bak’i na cikin gidan.... Baisan dalili ba amma ganin wad’annan matasan ya d’aga masa hankali... Toh bak’i ne akai a gidan....? His Excellency nada bak’i amma ace bai sani ba...? Su waye wad’annan...? Kasa samo amsar tambayarsa yai ga k’irjinsa dake tsananin bugu, yana gani suka taho ta gefensa zasu rab’a su shige yai saurin kifa kansa ga wayarsa yana shafawa lokaci guda yana satan kallonsu k’asa k’asa
Baba Ali sai bin d’inbin jama’an dake cike mak’il a gidan sahu sahu da kallo yake, Baffah na muskutinsa yana fad’in “Kai haba wannan irin kallo saikace ba daga garin gwamna ka fito ba...” Dik yanda suka gifta sai sunyi sallama ma mutanen da suka tadda.. Nan suma suka samu wasu empty kujeru dake barbarje haraban gidan angle angle suka zauna suma... Firansu sukaci gaba da yi hankali kwance yayinda a b’angaren Akram hankalinsa ya gaza kwanciya... Su waye wad’annan da yaga sun fito daga sashen bak’i masu mahimmanci...? Zamansu da kad’an motar Sameer ta kutso kai cikin gidan dan tuni sun sanar dashi gidan da suke ya kuma ce ya sani dan Gidan Engr Ma’aruf MUTALLAB ba b’oyeyye bane a garin.... Take bugun k’irjin Akram ya k’aru, bai gama daskarewa ba har saida Sameer ya bud’e marfin mota ya fito... Koda ace sau d’aya suka tab’a had’uwa bazai mance fuskarsa ba domin kaw ko sati ba’ai ba Zulfa’u tai introducing d’insu ma juna, ya tina yanda Sameer d’in ya tsattsaresa da tambayoyi a matsayinsa na mai neman auren k’anwarsa... Toh mai ya had’asa da wad’annan mutanen...? Mai kuma ya had’asu da Engr..? Badai Engr ya fahimci su d’in sunyi tarayya wajen soyayyar mace guda bane... Idan ba haka ba what’s all this...? Yai saurin kauda kansa gefe ganin sun mik’e da alama ficewa zasuyi.... Yana nan a haka ya hangi Engr ya fito daga sashen cikin gida.... Akram ya rasa wanne zaiyi baya fata shida Sameer su had’u gaban His Excellency, hakan can ruin his plans... Da sauri ya zaga bayan motar da yake tsaye jikinta ya lab’e yana hangesu daga nesa yanda suke gaisawa, bai iya jiyo mai suke cewa amma yana iya hango yanda fuskokinsu suka cika da annuri... Yana nan a haka a lab’e wayarsa data soma ruri ta razanesa.. A d’an firgice ya cirota cikin aljihun wandonsa yana duba mai kiran nasa... Yusuf abokinsa ne dake main gate cikin motar Akram d’in yana jiran fitowar Akram su shige... Kaman munafuki haka ya d’aga wayar cikin yin k’asa k’asa da murya.. Daga d’aya b’angaren Yusuf ya soma fad’in “Ya na jiku shiru ko yau oga ya makara ne...?”
Cikin k’asa k’asa da murya Akram Ke fad’in “Yusuf kamin wani aiki... Akwai wata mota k’irar BMW da yanzu zata fito mai launin bak’i dan Allah kabi bayansu kaga yanda suka nufa dan na tabbatar da hasashe na...”
Yusuf yace “Ban gane ba.. Toh tafiya campaign d’in namu fah....?”
Cikin daburcewa Akram yace “Shisa nace kabi bayansu kasan su waye su d’in tinda ni banida halin yin hakan, wannan fita dole ce akaina, k’auyuka biyu zamu zaga yau da his Excellency, ai kaga I can’t come up with any excuse... Kawai kabimin bayansu and find out who they are..” Bai jira cewan Yusuf d’in ba ya katse kiran yana mai kuma lek’ensu yanda suka shige motarsu ta Sameer na jagorantarsu... Yana ganin sun shige ya fito daga mab’oyarsa yana hangan Engr dake gaisawa da jama’a...
Shiru yai na wani d’an lokaci, yai nisa cikin tunani.. Toh kodai Muhibbah nada wata masaniya ne kan wannan al’amari...? Toh ko dai ba abinda yake tunani bane... Da ace hakan ne yasan by now da Engr ya tsaresa da batun.. Toh kodai ya zuba masa idanu yaga gudun ruwansa ne...? Lokaci guda ya shiga girgiza kai yana mai ayyanawa cikin zuciyarsa Engr can never find out about his plans...Yayi alk’awarin bazai sanar dashi komai ba har sai bayan ya mallaki Zulfa’u... Da wannan tinani ya k’arasoga Engr d’in yana wani k’asa k’asa dakai yana gaidashi, tuni Engr ya mik’a masa hannu sukai masabaha dan shi baison wannan tsananin girma da Akram ke basa kasancewarsa mutum mai sauk’in kai da k’aunar Al’umma... Babu jimawa convoy d’in motocinsu suka soma ficewa sahu sahu, akasarin motocin lambar Mutallab19 suke da, ma’anar 19 d’in kuwa shine shekarar gudanar da zab’en nasu wato shekara ta dubu biyu da shatara miladiya....
Abinka da mai farin jini da yalwar alkahiri zo Kaga yanda gari ya kacame da nuna k’aunaga matashin d’an siyasan....

Zulfa’u da sauk’arta kenan daga adaidaita zata shige ofishinsu motocin su MUTALLAB sukazo zasu wuce k’ofar ofishin nasu, mutane ta ko ina hannu ake d’aga masa ana gaidashi...
Tsaye tai bakin wajen itama tana dubansu dikda cewa ta makara yau d’in amma dole ta tsaya kallon d’an siyasan da bata tab’a k’auna irinsa ba, watak’ila idan a rabon yau d’in ta ganshi ido da ido sai ta ganshi... Atika nata damunta da waya inaa ko kula wayar tata batai ba... Sautin wak’ok’insa da mawak’an gawurtattun ‘yansiyasa suka wak’esa shine kawai Ke tashi... Dik dandatson muatenen da suka shige sai ya masu alamun gaisuwa da hannayensa....
A haka har suka k’araso kusan gidan radio d’in sosai yayinda Zulfa’u ta shaga da kallonsa... Yau Allah ya nufa taga Mutallab da idanunta, ta kasa tab’uka komai sai duban da take binsa dashi yanda yaketa amsar gaisuwan mutane... Kaman daga sama Akram dake cikin motar yana tuk’awa ya hango wata tamkar Zulfa’u... Dama tinda suka iso kusan gidan radio d’in nasu yake jin gabansa na fad’uwa ga kuma wad’ancan mutanen da yasa Yusuf ya bisu ya bincika masa su waye su... Abinda yafi basa mamaki shine yanda ta kafe idanunta ga samar motar tana kallon Engr dake d’aga ma d’inbin masoyansa hannu... Ji yai kaman ya kwali motar da bala’in gudu saidai kuma baida ikon yin hakan.... Sannu a hankali idanun Engr suka sauk’a kan wannan baiwar Allah data kasa janye idanu daga Barin dubansa, wani irin abu ne yaji yana tsargar masa sanda idanunsu suka sark’e waje guda, yayinda a b’angaren Zulfa’u bugun zuciyarta ya k’aru, k’warjininsa ya cika mata idanu... K’ok’arin janye idanunta tai amma sai ta kasa ga k’irjinta dake bugu da sauri dasuri...
Kasa janye idanu yai daga barin duban nata, wani abu wanda bazai iya kwatantawa ba na kuma tsargar masa.... Akram ya d’aga kai sama yana duban Engr lokaci guda ya kuma kai dubansa ga Zulfah dake tsaye har lokacin duban Engr take wane irin sihirtaccen murmushi da bai tab’a gani daga gareta ba kwance saman kyakkyawar fuskarta... Cikin sauri ya janyo wayarsa ya shiga k’ok’arin dialing layinta....
Hakan yasa tai k’ok’arin lalumar wayarta dake cikin jaka, daidai nan Atika ta k’araso tana fad’in “Amma kinsan Aunty Zulai tana d’akin gudanar da shirye shirye ke take jira... Kuma yau d’in kece bak’uwarmu ta mako...”
Zaro idanu waje tai kana tace “Ke dan Allah wai interview za’ai dani...?”
Atika tace “Sake tambayata... Kinga dan Allah muje amarsusu....”
D’an murmusawa tai tana mai bin bayan motocin da kallo.... Atika ta kuma kai dubanta gareta tana d’an murmusawa take fad’in “Ashe tawagar oganku ne dole ki tsaya a nan kiyi ta raba idanu ko zaki hango ango...”
Harara Zulfah ta galla mata kana tace “Abinda kika iya kenan ai jin baki....” Tasa kai ta shige cikin radio station d’in zuciyarta nai mata wani irin sanyi haka kurum, ita kad’ai sai sakin murmushi take, yau tayi ido hud’u da Engr Mutallab, governor d’insu mai jiran gado da yardar Allah...
A haka ta isa d’akin gudanar da shirye shiryen, annashuwa fal zuciyarta, hakan sai ya bata daman amsa duk tambayoyin da aka mata cikin sauk’i da shauk’i...
A b’angaren Engr ma hoton fuskar budurwar can ya kasa b’acewa daga k’wayan idanunsa... Mai yasa yakejin kaman ya tab’a ganin fuskar wani waje... Kaman ya san mai irin fuskar... Maiyasa kuma ya kasa cire hoton fuskar daga k’wayan idanunsa..? Maiyasa zuciyarsa ta kasa daina tuno wannan fuskar... Could it be ya tab’a sanin mai irinta wani wajen ne...? Toh a ina zai sani...? Wata zuciya tace kaid’in mai huld’a da jama’a da dama ne... Watak’ila ka tab’a ganin mai irin fuskar ne... Toh amma tambayar mai yasa kake jin yanayin da kake ji....? Wannan amsarce ya kasa samowa har suka isa yanda zasuje....

***

Baffah da Baba Ali sun zaga ko ina sun kuma gaisa da dangi, hartada Mamani saida suka shiga suka gaisheta, Baba Ali ya sami Mamani sukaita zabga zance har sai yaji kaman kar su tafi, dan ko babu komai Mamani ta skashi nishad’i hali yazo d’aya... Hartadasu sashen Baffah Wada da sauransu duk sun shiga sunyi gaisuwa...Daidai da gidan Baba Alhaji saida sukaje... Saidai Sameer bai masu rakiya ba don tinda ya masu jagora zuwa cikin gidansu yai ficewarsa shima, Aamiru d’an gidan Baffah Ado shi ya zazzaga dasu sauran wajajen... Kasancewar Nabilah na makaranta shiyasa ma basu had’uda ita ba, gidan Aunty Bara’atu sukaje daga k’arshe yanda suka sanar da ita mak’asudin zuwan nasu gashi basu sami Nabilah ba kuma ance yini zatai a makaranta...
Aunty Bara’atu tasan yanda Nabilah ta d’auki zancen auren nan, kuma Daula ta sanar da ita duk shirin mahaifin Khalid, bata tantama turo abokan Khalid d’in da Daddy yai nada nasaba da shirye shiryensa... Dan haka bata b’oyema Baffa komai ba sanin cewa ta riga tasan shirin Daddy, kuma yanzu idan sukace zasuga Nabilah wani rikicin zasu kuma b’allowa domin kaw sosai Nabilar Ke fushi da Khalid... Duk wasu shirye shirye daga bakin Aunty Bara’atu suka samu suka kuma dank’a mata sak’on Daddy, da fari k’in amsa tai a cewarta basai Daddy yayi haka ba... Baffah yace wannan ai na amaryace kuma dama ko wacce amarya anai mata hakan... Zaiso su gana da Nabilah amma saidai goben fitar sassafe zasuyi, Aunty B tace kar ya damu zata tura masa layin k’awar Nabilar Yusra idan duk da abinda zasu tattauna sai ya dinga communicating da Yusran... Sosai hakan yaiwa Baffah, Har ransa yake jin karamci irin na Aunty Bara’atu, kuma ya yarda Khalid gidan Dattako yazo..
***

A b’angaren Akram kaw tinda suka komo daga campaign hankalinsa ya gaza kwanciya, ya k’agu ya had’uda Yusuf yaji yanda ya kaya masa da bak’in gidan Engr... Ga mahaifiyarsa data tsaresa da wasu tambayoyi had’ida tuhuma...
“Akram ni tinda ka k’irgo kawunanka a masu zuwa nema maka aure babu Gwamna mai jiran gado ciki zuciyata Ke fad’amin wani abin... Akram anya kuwa...? Wane irin aure ne wannan zakace ko gayya da yawa bakaso ayi, shifa aure d’an shela ne ba b’oye b’oye... Ka fad’a min mai kake b’oyewa Akram ni mahaifiyarka ce....”
Shafa sumarsa yai a hankali kana yace “Umma ni babu abinda nake b’oyewa, kuma abinda yasa ban saka his Excellency a masu zuwa tambayamin aure ba sabida shine zaije ya amsa min auren, kinga bai kamata na d’aura masa d’awainiya da yawa ba, kuma Umma wane gayya za’ai tinda ita Zulfa’un ita tace batason babban buki...Babu yanda banyi da ita ba amma sai ce min tai wannan ba aurenta na fari ba kenan dan haka ita batason a kambaba Bikin, ni babu wani abinda nake b’oye miki Umma ki yarda dani....”

Numfasawa tai kana tace “Shikenan tinda kace haka, biki naka ne kaida ita sai yanda kuka tsara abinku... Amma ka tabbata Gwamna shine Wakilinka...Dan sanin kanka ne shid’in tamkar uba ne a wajenka... Tin bayan rasa mahaifinka babu wanda yai d’awainiya dakai da danginka sama dashi, toh kada kayi wasa da amana... Har kullum wasiyyata a gareka kenan...”
Jinjina kai yai dikda k’irjinsa dake tsananin bugu kana yace “In sha Allahu Umma, na miki alk’awari Excellency shi zai karb’a min aure...”
“Shikenan tashi kaje, Allah shi maka albarka ya kuma dafa maka...”
Ameen Umma ya amsa dashi kana ya mik’e ya fice yana neman layin Yusuf...

Koda suka had’uda Yusuf yasha mamakin jin cewa masu neman auren k’anwar Zulfa’u ne wad’ancan d’in... Toh ko mai ya had’asu da Engr..??? Wannan tambayarce shi kansa Yusuf d’in bai sani ba shima...

***

A can Abuja kuwa Khalid da ‘yan uwansa lullub’e suke cikeda Farin ciki, sosai sukai murnan zuwansa, baga Aunty Daula ba baga yaranta ba... Shi kanshi Khalid d’in bazai k’arya ta cewa dik sanda yake taredasu yakan tsinci kanshi cikin Farin ciki, yana samun farin ciki a tattaredasu wanda ya rasa daga nashi ‘yanuwan da sukafi kusanci dashi... Wani rayuwa yake experiencing wanda baiyi ba a baya, rayuwace da ‘yanuwa Ke k’aunar juna suka kuma damu da damuwar juna, where everybody’s opinion matters... Ba irin rayuwar gidansu ba da ba’ayin abu sai idan abinda wanda sukeda k’arfin iko ne suka fad’i, ba kuma a d’aukan shawarin kowa da mahimmanci sai nasu...
Ya kuma sakin murmushi yana duban yanda yaran keta tsalle kowacce tana fad’in saidai yaci abinda suka tarbesa dashi, dangin chocolates ne da kayan mak’ulashe, abinka da yaro...
Aunty Daula ta shige tsakiyan yaran tana fad’in “Toh a k’yale Yaya ya huta, kunga bai jima da isowa ba...”
Khalid na murmushi yace “No it’s ok Aunty... Nayi kewarsu nima ...” Ya kamo hannayensu yana amsar kyautukansu d’aya bayan d’aya yana nuna Farin cikinsa... Lokaci guda shima yake dank’a masu nasa tsaraban da yayo masu... Haba nan fah suka kuma shagala da murna da farin ciki, wata irin k’aunace tsakanin Khalid da yaran... Aunty Daula dai k’yalesu tai ta tafi kitchen dan ci gaba da shirya masu dinner d’in tareda taimakon mai aikinta Karima....

Da dare bayan sun ida cin abinci take tanbayarsa mutan gidan su Ammi da Siyama, Khalid yace duk lafiya suke...
Yanda yai maganar tamkar mai d’aukeda damuwa, dan ta kula tinda yaran suka bar parlorn suka nufi b’angaren karatu dan yin homework d’insu yanayin Khalid d’in ya canza sosai tamkar wanda yai nisa cikin tunani...
D’an gyara zamanta tai tana mai karantarsa kana tace “Problem..?”
Murmusawa yai a hankali ba tareda yace komai ba...
Muskutawa ta kumayi kana tace “Kaman kayi nisa cikin tunani tunda yaran suka tashi... Akwai matsala ne..? Ko akwai abinda kake so ne...?”
Murmusawa ya kumayi had’ida d’an fuzar da siririyar iska kana yace “It’s about my Dad, he’s been acting strange lately.... Inaji kaman akwai abinda yake b’oyemin... Like he’s up to something.. Na kasa gane mai yake shiryawa... Da fari yamin introducing d’inku abinda ya kasa yi tsawon shekarun nan, kwatsam yanzu yaji ya had’ani daku... Na biyu wani sabo da kirki na musamman na shiga tsakaninsa da abokaina, and now kwatsam ya sakani kular masa da gyaran gidansa na nan Gwarimpa har yana tambayar ra’ayina.... Wad’Annan abubuwan sun d’aure min kai.... Like, what is he planning..? Could it be aurena da Yesmin suke shiryawa ba tareda sanina ba shida Ammi... I know my Dad nasan yanda yakejin maganar Ammi, kuma na sani yanda Ammi tai niyyan had’a aurena da d’iyar sister d’inta toh fah sai tayi... And shi kuma Daddy abinda tace shi zaiyi.... Idan hakan ta kasance da gaske I don’t know... Ban sani ba ko inada k’arfin hak’urin da zan iya jurewa nai masu biyayya...” Ya k’arashe cikin tsananin nuna damuwa...

Numfasawa Aunty Daula tai cikeda tausayinsa kana tace “Toh kai baka son zab’insu ne...?”
D’agowa yai ya d’an dubeta kad’an kana yace “I’ll be honest with you Aunty... Yesmin ‘yar uwatace, toh zaifi kyau idan ta tsaya a matsayinta na ‘yar uwata... Amma any other relationship aside from wannan bazai tab’a yuwa ba tsakaninmu....”

Numfasawa kad’an Aunty Daula ta kumayi kana ya ambato sunansa...
Wannan karon ma d’an duban nata yai

“Ka yarda da mahaifinka....?”
Ya jinjina mata kai a hankali...
“Ka yarda bazai maka abinda zai cutar dakai ba....?”
Shiru yai wannan karon tamkar mai nazari kana yace “Na yarda...” Yai maganar cikin murya mai rauni....

Jinjina kai Aunty Daula tai kana tace “Wasu lokutan iyaye sukan hanga mana abinda yafi kyau da dacewa a garemu... Ko yaya ne believe me babu iyayenda zasuso suga ‘ya’yansu ba cikin Farin ciki ba, shiyasa wasu lokutan idan sun mana zab’i sai muga kaman sunyi katsalandan ma rayuwarmu ne ko suna nuna k’arfin ikonsu akanmu ne, Toh ba haka bane tsaban soyayyace da suke mana wanda su a nasu Ganin akwai abinda suka hango wanda mu ba lallai mu hango ba... Khalid Iyayenka suna sonka suna kuma k’aunarka, saidai su irin nasu hanyar da zasu nuna maka nasu k’aunar kenan... Never kada ka tab’a doubting wannan... Sannan a koda yaushe dik yanda kakai da son abu toh ka nemi zab’in Allah ciki sai Kaga nasara, farin ciki da kwanciyar hankali wanda bakai tsammanin samu ciki ba...”
Khalid da zuciyarsa tai matuk’ar masa sanyi da jawaban Aunty Daula, samun kansa yai yana mai jinjina mata kai kana yace “Hak’ik’a naji dad’in shawarwarinki gareni Aunty... Kuma kaman yanda kikace zab’in Allah is always the best... Na gode k’warai for listening to me, and also for your kind advice...”
Aunty Daula ta murmusa kana tace “Babu komai, this is what family are for after all... Yanzu yaushe zakaje duba gidan...?”
D’an numfasawa ya d’anyi kad’an kana yace “Gobe nake son lek’awa in sha Allah, dan already tin ina kaduna nayi magana da wani company.. So idan naje naga yanayin aikin sai a soma right away...”
Jinjina masa kai ta d’anyi kana tace “Shikenan idan ka dawo goben sai ka kaimu shopping together with the kids, I’m sure that will be fun....”
Khalid ya murmusa yace “An gama Aunty na...”
Itama murmushin tai daidai sanda yaran suka shigo parlorn rik’eda littafansu da suka ida homework ciki...

Washe gari sosai sukaji dad’in fita shopping gaba d’ayansu, malls da dama suka dinga zagyawa Aunty Daula na jidan kaya abin har ya soma baiwa Khalid mamaki tamkar wata mai had’a lefe irin kayan da take jida, sannan akasarin kayan sai ta tambayi ra’ayinsa take d’auka ko kuma idan ta kula ya k’urama wasu kayan idanu Toh su take zab’a.... Shi dai bai kawo komai ba, dik cikin kirkinta ne da girmama opinion d’in duk wanda take taredasu ya d’auki Hakan....
Basu dawo gida ba saida ta tabbata rabin kayan da zasu zuba a lefe choice d’in Khalid ne....
Wani Sabo na musamman na kuma shiga tsakaninsu gaba d’aya, sosai yak’e ganin girman Matar Baban nashi dikda a zahiri baifi ta k’ere masa da wasu shekaru k’alilan ba... K’annensa kaw jinsu yake tamkar ciki d’aya suka fito, basuda maraba da Siyama a wajensa...

A b’angaren Ammi kaw bata damu dan Khalid d’in na Kaduna