You Cannot Download this book untill you login but you can read it .

---

Login Register

nata faman basu dariya Nabilah na tayata saikace ba Amarya ba abinka da gwana wajen surutu... Ita dai Raihanah har yanzu bata dawo daidai ba tinanin abinda ya faru tsakaninta da Ya Ma’aruf a mota bai saketa ba, zata iya cewa har yanzu tana jin kaman sauk’an d’umin numfashinsa saman fuskanta sanda yazo zare mata seatbelt d’in... Allah ya gani dik yanda za’ai a komawa bazata yarda ta shiga gaban motarsa ba... Tana jin su Atika da Nabilah na kuma kwashewa Haule da Lami albarka Zulfa’u na kwab’arsu amma kaman ingizasu take....
Marliya silent crook ta shiga labarta masu yanda aka fasa auren Sahariyya da Ya Ma’aruf da irin kuka da ihun da Sahariyya ta dingayi da yanda su Amara suka tisata gaba da habaici da rashin daraja, dan Basma ta kawo mata labarin komai... Haba nan fah suka kuma samun abin yi sai dariya suke harda kwanciya saman gado, Nabilah tace inama tana wajen akai wannan drama a gidan Hajiya, Wayaga losers... Babun bad’inu, Sahariyya bata auri Ya Ma’aruf ba ga kuma Ya Hafiz bai Auri Zulfah ba.... Atika tace “Ai saidai ya hangomu cikin annakiyan BMW k’irar Jeep muna daga sama muna masa waving tsakaninmu dashi kenan...” Suka kuma tintsirewa da dariya yayinda Zulfah ta katsesu da fad’in “Ku dai haka babu kyau wllhi, never return evil with evil, kuyi masu fatan samun sauk’i cikin iftila’in da suka tsinci kansu ciki, duk fah yanda kukaje kukazo ‘yanuwanku ne kuma dik d’an adam ajizine... Babu fah wanda yafi k’arfin kuskure...”
Nabilah tace “Chapp! Ai duk kuskuren da za’a maimaitasa ba sau d’aya ba ba sau biyu ba sunansa ganganci da son zuciya... Wllhi abinda suka shuka ne suke girban kayansu... Yanzu ke har kin mance abinda wad’annan azzalumai suka maki keda Khausar... Wllhi ko tausayi basu bani ba, Aima basuga komai ba wllhi, sai Ya Hafiz da Addah Sahariyya sun koma ‘yan jagoran barawa Hajiya.....”
Atika tace “Gayamata Beels nawa shiyasa nake sonki...”
Zulfah ta tab’e baki tace “Da shike hali yazo d’aya ba ai dole ki sota...”
Atika ta kuma mik’ama Nabilah hannu suka tafe suna dariya...Zulfah dai girgiza kai kurum tai kana tace “Allah ya yaye maku..”
Atika na dariya tace “Ameen dai Akaramakiya matar Akr...” Tamakar wacce ta tuna wani abu haka ta kame bakinta da duka hanayenta biyu bata k’arasa ambato sunan Akram d’in ba....Zulfah ta aika mata harara kurum had’ida girgiza kai, idan kabi na Nabila da Atika sai su zautarka....A haka Aunty Bara’atu ta shigo ta taddasu ta sanar dasu maza su fito parlor suyi gaisuwa....
Kowaccensu ta mik’e tana neman mayafi, gaban Zulfah sai fad’uwa take yau zata gaisa da Mutallab....
Ganin ta fad’ad’a murmushinta yasa Atika janyota baya tai k’asa k’asa da murya tace “Nidai karkije kiyita Washe baki, kuma karkice Ke supporter d’insa ce ehe...”
Harara kurum Zulfah ta galla mata had’ida murmusawa....

Gaba d’aya suka nufo parlorn suka dudduk’a suna gaidasu d’aya bayan d’aya.... Sanda Nabilah take gaida Daddy ta saci kallon Khalid dake faman aika mata duban zamu gamu... Sai wani fuskewa yake shi a dole fushi yake da ita.... Daddy kaw da fari’a yaketa amsa masu gaisuwar nasu yana saka masu albarka.... Shiko Engr tinda ta fito idanunsa akanta suke... Ya kasa janyesu daga barin duban nata, dik yanda yake kissima kamanninta daga muryarta da yake saurare harta zarce masa nan, ita d’ince da gaske gabansa, shid’in ma’abocin sauraren muryarta ne, yau gata nan gabanshi cikin idanunshi masu muradin ganinta.... Tina cewa da yai ita d’in kuma matarsa ce sai ya saki wani sassanyar murmushi a hankali....K’uri yai mata yanda take sakin murmushin nan nata mai sanyaya zuciya ga duk wanda takema, he couldn’t believe this is happening.... Muhibbah tai masa k’uri tana karantarsa, ta kuma juyowa tana duban Zulfa’u dake magana da Aunty Daula kyakkyawan murmushi saman fuskarta, ita kanta saida ta raina kanta da ganin wannan mata, tayi kyau sosai cikin d’inki atampa ruwan shud’i had’ida mayafi ruwan shud’i shima, kana ganinta Kaga Amarya sabida wani annuri da fuskarta keyi... Muhibbah ta kuma duban Engr sai taga kaman kaya iri guda suka sa... Tana tsaka da tinanin wayarta ya d’auki ruri Shamzy ce mai kira, lokaci guda ta saci idanun jama’an dake wajen ta d’an fice tana amsa wayan....
Sai bayan ficewarta Zulfa’u ta waigo sashen da Engr yake, wani irin fad’uwan gaba ta tsinci kanta dashi... Gabanta yai wane irin bugawa ba tareda sanin dalili ba... Shid’inma ita yake duba, tai k’ok’arin saita kanta kana ta soma gaidashi... Saida ya saita kansa kafin ya iya amsa mata gaisuwan... Gani tai ya kasa janye idanunsa daga barin dubanta, gaba d’aya sai tajita a tsarge musamman sanin cewa da tai itafah matar aure ce yanzun.... K’arasowan yaransa ne ya ceci Zulfa’u daga irin duban da Engr Ma’aruf ke mata, gabanta sai faman bugawa yake da sauri da sauri harsaida ta tuhumi kanta meke faruwa da ita... Kiraye kirayen sallan zuhur da aka soma yasa mazan ficewa masallaci dan gabatar da nasu sallan, Irfaan na tsakaninsu rik’eda hannun Daddynsa suka nufi masallacin gaba d’ai...

A cikin gida kaw bayan wad’anda zasuyi sallah sun ida Mamy cewa tai dik su shige kitchen su taya Hajja shirya abinci... Aunty Daula tace “A’a Mamy akwai amare cikinsu da dai an bari nida sister ma taya Hajjah ta k’arashe tana duban Aunty B... Mamy tace “A’a, idan amaren ne fah...? Ince gidajen mazajensu zasu tafi... Maza maza kowa ta shige, division of labour Daula Ki d’ebe maki group d’in Zulfa’u Raihanah da Marliya kema Bara’atu Ki tasa naki team d’in gaba, Atika da Nabilah....”
Zulfah ta zaro ido tace “Mamy ai dai da baki had’e wad’annan fitinannun waje guda ba wllhi babu aikin da zasuyi...”
Mamy tace “Shisa na had’e su biyun k’ark’ashin Bara’atu daidansu....”
Gaba d’aya dan darawa sukai kafin Aunty B tace “An gama Hajiya Mamy....”
A parlor suka tadda matar Engr k’afafu d’aya bisa d’aya sai chatting d’inta take....
Aunty Daula tace “A’a Mummy Irfaan sorry mun barki Ke kad’ai mu k’arasa kitchen mana....”
D’an yatsina fuska tai kana tace “Um um Daula kinsan kitchen ba wajen zuwana da garaje bane, ni tafiya ma zanyi K’awata Shamzy na Emergency yanzu aka kirani, idan Excellency na yazo pls sai ki sanar dashi....” Ta k’arashe tana yafa mayafinta had’ida d’aukan handbag d’inta....
Nabilah da Atika yawa sun samu Tv haka suka bi matar nan da kallo, ko darajan sallama su Mamy basu samu ba balle Ya Abidah uwar mijin nata...Aunty B ta dubi Daula tace “Haka d’an uwan naki yake fama....”
Daula dai murmusawa kawai ta d’anyi kana tace “Ai a haka ta rage wasu abubuwan....”
Aunty B tace “Ni yaran ne ma abin tausayi....” Daula tace “Hm muje kedai na baki labari...”
Aiko babu musu Aunty B ta take mata baya....

Zulfah da k’arasowarta kenan ta taddasu Atika da Nabilah suna zancen matar Ya Ma’aruf Babba.... Girgiza kai kurum Zulfah tai kana tace “Ku dai ba’a rabaku da abin magana, yanzu itama wannan d’in daga had’uwarku rana guda har kun nemo makusarta, matarda ko saninta bakuyi ba... Ni dai ina fad’a maku ku dai yi a hankali kuma mata ne... Barin Ke Nabilah gidan sirakai zaki tafi, wllhi ku bi duniya a sannu....”
Nabilah ta b’ata fuska had’ida turo baki “Ni wllhi Addah Ke komai sai kince ba haka ba ba’ai dadai ba... Kuma bayan gaskiya kawai muke fad’i tinda ba shaidan zir mukai ba da idanunmu muka gani...”
Zulfah ta girgiza kai tace “Nidai bazan fasa fad’a maku gaskiya ba....”
Atika tace “Allah huci ran matar gwamna...!” Sai kuma tai saurin k’unshe bakinta sanda Zulfah ta kuma tambayarta “Matar wa kikace...?”
Atika na Washe baki tace “Matar aure nace....”
Zulfah tace “Ce miki akai banji abinda kika fad’i ba.. Wane gwamnan kike nufi...?” Batakaiga bata amsa ba Mamy ta katsesu da fad’in “Mai kuma kuka tsayayi wajen kunaji an fito daga nasallaci....” Ai bata kai aya ba suka shige gaba d’aya...
Sameer Mamy ta hanga ya shigo rik’eda hannun Irfaan d’an gidan Engr... Mamy ta tsaresa da tambayar ko ya lek’a Abbansa Kafin ya taho nan...
Sameer ya d’an numfasa yace “Mamy dama inaso muyi maganan...”
Mamy ta jinjina kai kana tace “Mu k’arasa daga can...”
Babu musu yabi bayan mahaifiyar tasa ya saki hannun Irfaan da tuni ya nufi wajen k’annensa da Kakarsu da suka santa a yau... Yaran sun baibayeta harda yaran Daula gaba d’aya sai zuba mata shirirta suke tana biyesu... Allah sarki rayuwa, wata irin rayuwa ce mai cikeda nishad’i Yaya Abidar Ke experiencing a halin yanzu wanda bata fatan abinda zai datse wannan Farin ciki da annashuwa da take ciki.... Hak’ik’a ba tarin dukiya bane jin dad’in rayuwa, Farin ciki da annashuwa wasu aba ne da dukiya bata iya sayensu...

Sosai Engr yasha mamaki sanda ya dawo ya tadda Wai Muhibbah ta tafi...
Zancen cewa k’awarta na emergency sam bai shiga kansa ba tinda tin suna mota ga ya fahimci take takenta...
A b’a gareni yaran kaw tafiyar mahaifiyar tasu baiko damesu ba saima cewa da sukai a barsu gidan Ammah su kwana koda d’aya ne, kakar tasu ma ta goyi bayan hakan dan tanason taji d’umin jikokinta wanda bata samu taji ba tsawon shekarun nan....

Wajajen la’asar Daddy yai masu sallama da niyyan washe gari idan Allah ya kai rai zai tafi Abuja akwai aikin da zai gudanar can kafin ya wuce Kaduna... Sukai sallama da matarsa Daula da yaransa dan cewa yai su bari kawai sa taho tareda Khalid da Nabilah tinda gobe take gama exams d’inta suma sai su samu time sosai da ‘yanuwansu.... Hakan sosai yaima Daula dad’i.... Bayan sun ida sallama da mijin nata Khalid ne ya mik’e yai masa rakiya zuwa mota....




SameenaAleeyou 📚



*INDA RAI*
_................DA RABO_



*96*



*©️Sameena Aleeyou...✍🏽*



Tsaye suke jikin motar Daddy sanda Daddyn yaci gaba da fad’in “You’re a gentleman now Khalid... Soon enough zaka soma aje Iyalai, har kullum wasiyyata a gareka ka kula da family d’inka Khalid... Take care of our family, my family.... Kai hak’uri da mahaifiyarka da kuma ‘yaruwarka Siyama, na sani idan labarin aurenka ya riskesu komai ka iya faruwa, amma a matsayinka na namiji kuma magidanci a halin yanzu... Inaso kabi komai a sannu sannan kai hak’uri da kowa kaji koh....”
Khalid ya jinjina kai a hankali kana yace a sanyaye “Amma Daddy maiyasa shayibun bazai kaika ba, idan yaso ni sai na taho dasu gaba d’aya...”
Daddy ya d’an murmusa kad’an “Banda abinka Khalid idan na tafi da Shayibu ita matar taka ai baza’a rasa wad’anda zasu mata rakiya ba koh... Toh gani ai motar tai maku kad’an, shi Shayibun dai ya zauna ni zan tuk’a kaina kada ka damu kaji koh...”
D’an jim Khalid yai kana yace “Amma Daddy....!”
Katsesa Daddy yai da fad’in “Ya isa Khalid kayi abinda nace kawai... Allah shi maku albarka gaba d’aya....”
Khalid ya amsada “Ameen Daddy, Allah ya tsare ya kiyaye hanya...” Dik jiki a mace yake maganar...
Daddy ma ya amsa mar da Ameen.... Har yasa kai zai shige mota sai ya kuma juyowa ya dubi Khalid....
Lokaci guda ya rubgumesa sosai, saitin kunnensa yake rad’a masa “Take care of my family...!”
Wani irin bugu Khalid yaji k’irjinsa na mai haka kurum... Yanaji yana gani har Daddy ya shige mota yai mata key, kaman wanda aka dasa haka yai tsaye a wajen har saida Daddy ya fice daga gate d’in gidan.... Jiki babu laka Khalid ya furta “Be safe Daddy...!” Jiki a natuk’ar sanyaye ya juya ya komo cikin gida, harta Nabilah saida ta kula da canzawan Khalid d’in... Dikda fushi yake da ita amma sai taji tana son sanin matsalarsa saidai Khalid d’in sam bai bata k’ofar jin damuwar tasa ba, k’arshe ma sallama yai masu ya koma masauk’insa.... Suma dai daga nan gida suka tattafi yayinda Aunty B ta tsare Zulfa’u a d’aki tai mata nasiha sosai mai ratsa zuciya sannan ta k’arada “Idan mijin naki ya iso kafin ku wuce gidanku zai biya dake wajen Abbah kinji koh....”
Tana danne hawayenta take jinjina kai alamun taji, saidai tuni hawayen sun soma zubowa.... Gaba d’aya sai jikin Aunty B d’inma yai sanyi.... Matsowa kusanta tai sosai kana ta kamo hannayenta tace “Zulfa’u d’ago ki dubeni....” kasa d’agowan tai har saida Aunty Bara’atu ta maimaita... Nan ya ta d’ago idanunta masu zuban ruwa tana dubanta... Lokaci guda Aunty B d’in ta rungumeta cikeda tausaya mata, take kukan Zulfah ya k’aru sosai.... Har saida Aunty B ta matse nata k’wallan kana tace “Haba Zulfa’u kukan nan ya isa haka, aure fah bafa mutuwa bace, idan kina haka ita kuma Nabilah tai yaya....? Kukan nan ya isa haka kinji koh....”
Zulfah naci gaba da goge fuska cikin muryar kuka take fad’in “Aunty shin meye makomar aurena a karo na biyu... Shin iftila’in dana fuskanta a gidan aurena na fari shi zan kuma fuskanta... Aunty ina mijina...? Baisan an d’aura mana aure bane... Maiyasa ya kasa koda kirana a waya balle na sakashi a idanuna.... Aunty tsoro nake kada na kuma tarar da rayuwa irin wacce nayi a gidan tsohon mijina... Ni kuma kalan nawa jarabawar kenan Aunty...?” Ta k’arashe cikin tsananin rawar murya...
Ga tsananin mamakinta murmushi taga Aunty Bara’atu tai wannan karon kana ta kuma kamo hannayenta kad’an tace “In sha Allah kin baro wancan rayuwar kenan, rabuwa ta har abada... In sha Allahu zaki tadda Farin ciki da haske mai wanzuwa a sabuwar rayuwar da kika tsinci kanki ciki.... Ki kwantar da hankalinki kuma ki karb’i zab’inda Allah yai maki dan a koda Yaushe zab’insa shine mafi alkhairi a garemu kinji koh...!”
Jikinta ya kuma yin sanyi sosai kana ta shiga jinjina mata kai a hankali... Sallama suka kumayi Aunty Bara’atu ta nufi wajen ‘yar uwarta Ya Abida suka kuma yin sallama....
Atika ma dai mik’ewa tai tana fad’in “Toh amarsu ta ango, yanzu kam sai munyi talaho kuma....”
Shaye da mamaki Zulfa’u Ke dubanta kana tace “Wai tsaya kina nufin kema tafiyar zakiyi ne....?”
Atika dake sab’a mayafi tace “Sake tambayata, mai kuma zan zauna na miki bayan ango yanzu zai shigo....”
Zulfah ta girgiza kai cikin rashin yarda kana tace “Kina nufin bazakimin rakiya ba kenan....?”
D’an darawa kad’an Atika tai kana tace “Yo rakiya na nawa kuma bayan wanda nai maki, ko so kike ango ya fatattakeni kam, ai sai na hau masa kai... Kinga kedai zamuyi waya kawai, daga baya kuma mazo ganin d’aki taredasu Aunty Zilai....”
Zulfah tai k’wafa ganin dai da gaske Atika ma tafiyarta zatai, gashi sai shak’iyanci take mata tana fad’in ta wanke idanunta da kyau dan ango shigowar bazata zai mata... Dik wannan hannunka mai sanda da Atika Ke tai mata itafah bata fahimci komai ba, hasalima bata kawo komai a ranta ba, suna a haka yaran Engr suka shigo a guje har suna rige rigen mik’awa Zulfah sabuwar hijabi da cazabaha Ammah ta basu su kawo mata... Ta amsa fuska fal fari’a had’ida yi masu godiya, ta ije saman abin sallah dake linke gefe...K’aramar ta d’auka ta d’aurata bisa cinya tana kuma tambayarsu sunayensu... Nan da na yaran suka saki jiki suna zuba mata zance musamman Najma da take jinta Tamkar d’iyarta Khausar... Suna a haka suka jiyo sallaman babansu, gabanta ya yanke ya fad’i... Tai saurin gyara zaman mayafinta had’ida amsa sallaman.... A guje yaran suka tafi suka rungume Babansu idan ka d’auke Najma da tak’i matsawa daga jikin Zulfah....
Yaran suka shiga zuba masa shagwab’a yana biyesu, Samha fad’i take “Daddy ni dai nafi son gidan Ammah please Daddy banso na koma gida... Shima Irfaan hakan yace baiso ya koma gida wajen Mummy....”
Shafa kansu yai kana yace “Alright za’a kawo maku uniforms d’inku sai kuyi kwana biyu ma granny ko...” Gaba d’aya tsalle suke suna murna harda rungumesa suna fad’in we love you Daddy.... Shima ya rungumesu yana kissing kansu... Abin sosai ya baiwa Zulfah sha’awa ganin yanda Engr Ma’aruf keda kyakkyawan alak’a da yaransa yanda ake so ko wane uba ya kasance da yaransa.... Ficewa yaran sukai suka nufi sashen Ammah dan sanar da ita Daddynsu yace zasu zauna a gidanta...

Ya d’ago yana duban Najma yanda tai kwance lif jikin Zulfa’u.... Murmushi ya saki a hankali kana yace “Princess ba oyoyo wa Daddy ne...?”
Sai sannan ta tashi ta nufoshi da gudu ta rungumeshi... Zulfah ta saki murmushi tana mai gaidashi....
Fuska a sake shima ya amsa mata, a zatonta fita zai dan harga Allah tinaninta ya biyo sahun yaransa ne... Amma ga tsananin mamakinta sai gani tai ya zauna daga saman kujera mai kallon gadon da take zaune bisa had’ida d’aura d’iyarsa saman cinyar sa dake ta faman zuba masa shagwab’a yana kan biyeta... Itakaw Zulfah k’uri ta masu dan harga Allah sosai suka birgeta... Sosai ta shagala da kallonsu har saida ta jiyo muryarsa yana fad’in taje taiwa Aunty goodnight kiss itama... A guje ta taho taima Zulfah peck a kumatu tana fad’in “Goodnight Aunty...!”
Zulfah ta Shafa kanta tace “Goodnight Princess...!” Daga haka ficewa yarinya tai cikin d’an tsalle da gudu irin na yara... Gaba d’aya suka bita da kallo murmushi saman fuskokinsu Engr na fad’in “Watch your steps baby...Be careful... I love you...!”
Maido da dubansaga Zulfah yai wacce har yanzu bata daina bin k’ofar da kallo tana murmushi ba, ya zuba mata kyawawan idanunsa yana dubanta, har saida taji bugun zuciyarta na k’aruwa... Tai saurin waigowa aiko nan idanunsu suka sark’e waje guda.... Tai saurin sadda nata k’asa dan bazata iya juran duban cikin idanunsa ba....
Engr ya d’an gyara zamansa kad’an yace “Amarya har kukan ya k’are ne.... Ko don bakiga an tafi dake gidan naki bane tinda har yanzu gidan Mamanki kike....” Yanda yai maganar dole ya baka dariya, dan dagaji had’o kalaman kawai yake amma bawai ya saba da surutun bane....
D’an murmusawa tai kad’an ba tareda tace komai ba, shiru ne na ‘yan wasu dak’ik’ai ya raba tsakani.... Kowa da abinda yake sak’awa cikin zuciyarsa... A b’angaren Zulfah ma iya cewa tambayar kanta take ta faman yi shin mai ya zaunar da bawan Allahn nan a d’akin... Idan sawun yaransa ya biyo ai sun tafi... Toh mai kuma yakeyi...? Batakaiga samo amsar ba ta sinkayo muryarsa mai cikeda charisma yana fad’in “Emmm... Munyi magana da Ammah zaki zauna a nan for the meantime before a ida gyaran naki sashen.... Idan akwai dik wani abinda kike buk’ata Ammah ba sirkarki bace mamarki ce... Ko mai kike so don’t hesitate to tell her kinji koh...”
A’a gaba d’aya kan Zulfah fah ya k’ulle Wai meke faruwa ne....? Batakaiga samo amsar ba ta kuma sinkayo muryarsa naci gaba da fad’in “Nasan you might be a little confused, but karki damu... Ga wannan Ki karanta, idan kin gama karantawa anjima kad’an zan shigo nai maki bayanin komai... But for now read this first...” Ya k’arashe yana mai aje mata takardan da Akram ya bariwa Yusuf ya bata saman gado....
Innalillahi wa inna’ilaihi raji’un... What’s all this... Wai meke faruwa ne...? Meye wannan yake faruwa yanzu da ita...? Gaba d’aya jikinta ya koma sanyi k’alau... Itafah bata fahimci komai ba... Wai me hakan yake nufi ne...? Ta k’arashe tinanin tana mai bin bayan Engr da ya fice yana amsa waya da kallo....
Tamkar wacce aka zabura tai wuf ta d’au takardan tana juyawa k’irjinta bai daina bugu ba.... Sosai hannayentake rawa sanda ta soma warware takardan.... Taji jiri na neman d’ibanta.... Ta mik’e zumbur zuciyarta naci gaba da wani irin tsinkewa... Shin abinda take gani gaskiya ne koko akasinsa... Shin dama Engr Mutallab shine mutumin da ya soma furta yana sonta, ashe Akram da fari ba kanshi ya kawo ba Ubangidansa ya kawo.... Zuciyarta taci gaba da tsinkewa sanda take ci gaba da karanta wasik’ar... Wasu irin hawaye taji suna gangaro mata d’aya bai jiran d’aya.... A hankali ta lumshe idanunta da suka jik’e shakaf da hawaye sanda takai k’arshen rubutun... Ta zauna gijif saman gado har lokacin takardan na rik’e hannunta.... Ita harga Allah tama rasa mai takeji... Wane irin al’amari ne wannan, abu saikace a film... Ji tai kukanta na k’aruwa sosai lokaci guda.... Bata ankara ba sai jinta tai cikin k’irjinsa ya mata runfa had’ida rungumeta.... Wani sabon fad’uwan gaba ta tsinci kanta ciki... Cak ta nemi kukan da take ta rasa sai bugu da k’irjinta yaci gaba dayi... Ita tsoro ma abin ya soma bata, sai yanzu abubuwan da suka faru sukaita dawo mata, hannunka mai sanda da Atika ta dinga mata, Aunty Bara’atu da tace mijin da Allah ya zab’ar mata shi ta aura... Ashe wannan shine nufinsu... Engr Mutallab mai neman takaran kujeran governor kuma Yayanta Ma’aruf shi ne mijinta.... Ya Salaam taji zuciyarta tamkar zillo yake cikin k’irjinta... Lokaci guda ta rintse idanunta dan gaba d’aya ta kasa katab’us cikin k’irjinsa... Jin tai tsit tamkar an d’auke ruwa ya sanyashi d’an sakinta kad’an yana mai dubanta.. Zulfah kaw jin ya saketa ya sanyata janye jikinta a hankali zuciyarta bai daina bugu ba... Yanada tabbacin koda bai bud’e baki ya sanar da ita cewa shid’in ne mijinta yanzu ta fahimci hakan... Ganin tana k’ok’arin ci gaba da janye jiki daga kusansa ya sanyashi d’aura hannunsa guda saman nata ya d’an rik’eta kad’an hakan ya hanata ci gaba da janye jikinta.... Jikinta yaci gaba da rawa sosai dan har yanzu bata dawo daidai ba... Ganin yanayin nata ya sanyashi d’an sakar mata hannun kana yai gayran murya kad’an yace “Ki huta idan Allah ya kaimu da safe zamuyi magana koh... Goodnight...!” Ya k’arashe yana mai mik’ewa tsaye had’ida ficewa daga d’akin...
Innalillahi wa inna’ilaihi raji’un... Ai yana ficewa Zulfah data koma tamkar mutum mutumi a d’ari ta mik’e ta nufi dressing mirror tana duban kanta... Itace matar shi Wai.... Wai shid’in shine mijin da aka aura mata... Shisa babu wanda ya damu dikda cewa babu wanda yaga idanun Akram...Ta lumshe idanunta a hankali wani irin abu na fizgar mata a zuciya... Motsi kad’an tai kaw sai taji har yanzu tamkar cikin k’irjinsa take... Tai saurin ware idanunta ta shiga lalumen wayanta... Atika dake zaune parlorn mahaifiyarta tana labarta mata yanda Al’amarin Allah ya juye sai ganin kiran Zulfa’u tai, ta d’aga tana darawa dan tasan by now k’awar tata tasan dawan garin....
Jin yanda Atika ke k’ek’yata dariya ya sanya Zulfan kuma kufula... “Kin kyauta ma kanki... Ya miki kyau...!” Ta fad’i a hasale....
Daga d’aya b’angaren Atika na dariya tace “Da nayi mai....? Ango shi zai breaking news d’in wa amaryarsa kinga laifina da ban fad’a miki ba...”
K’wafa Zulfa’u tai kana tace “Allah zan kamaki ne zaki sani....”
Atika ta kuma darawa kana tace “Haba ta His Excellency ni Ki rufamin asiri kafin kisa Excellency yaji na b’atawa amaryarsa rai a hanani shiga gidan gwamnati..”
Tsuka tai a hankali kana tace “Ke kika san wannan kuma maras m kawai...”
Atika ta kuma darawa kana tace “Ta Excellency kinga kashe wayar nan kafin ango ya shigo yace wannan k’awar taki ta faye gulma... Saida safe asha love lafiya....” Ko jiran amsar Zulfah batai ba ta katse kiran tana mai ci gaba da darawa....
Zulfah tai k’wafa kurum kana ta silale jiki ta kwanta kan gado, ko zarafin mik’ewa tai alwalwan shafa’i da wuturi ta kasa, tana jin Najma ta turo k’ofan ta shigo tana fad’in ita wajenta zata kwana, hakan sai yaima Zulfa’u dad’i sosai dan da batasan yanda zata kaya da tinanin nan da ya tsaya mata a rai ba, ko banza Najma zata d’ibe mata kewa.... Tuni ta rungumo yarinyar suka haye gado tanajinta tamkar d’iyarta...

***

Gaba d’aya hankalinsa gaza kwanciya yai, ga wasu irin mafarkai da yake gameda mahaifinsa... Ya kuma kiran wayan Daddy ya jita a kashe har yanzu... Innalillahi wa inna’ilaihi raji’un kurum zuciyar Khalid Ke nanata masa, haka kawai yake jin tamkar wani abu ya sami mahaifin nasa.... Time ya duba jikin wayarsa yaga lokacin sallan asuba ya kusa... Bathroom kurum ya fad’a ya d’auro alwala ga kansa dake matsanancin masa ciwo sakamon samun rashin wadataccen bacci da baiba daren jiyan.....

Raka’atanil fajir ya soma gabatarwa kafin ya fice masallaci kwatsam yaji wayarsa na ruri.... Gabansa ya yanke ya kuma fad’uwa.... Cikin sauri ya janyo wayar yana dubawa, bak’uwar lamba ce mai kiran nasa... Ya sauk’e ajiyan zuciya a hankali had’ida tattaro duk wani k’arfin halinsa ya d’aga kira..... Daga d’aya b’angaren aka soma tambayarsa “Am I speaking to Architect Khalid Mainasara...?”
Khalid ya jinjina kai yace “Yes speaking... How may I help you...?”
Mutumin yaci gaba da fad’in “I am calling from the National hospital here in Abuja... Your father Engr Mainasara had a terrible car accident a yammacin jiya.... And he was rushed.....”
Baikai aya ba Khalid ya mik’e a