You Cannot Download this book untill you login but you can read it .

---

Login Register

kasan a shirye take ta juye ruwan bala’i....

Wutan babban kwalta na streetlights sun haske wajen tamkar rana, kana iya ganin mutane masu kai komo, Almajiran nan dake faman warwason abinci kallo guda Nabila ta masu suka shiga taitayinsu, tayi k’wafa ta shigesu tana waigen ta yanda zata gansa....

Tsaye ta hangi k’eyarsa jingine jikin mota ya bada baya waya manne kunnensa da alama waya yake amsawa....

Saida ta gama jifansa da harara kafin ta nufesa a fusace.....

Jikin mirror d’in motarsa ya hangeta tana zuwa hasken wutan lantarki ya haske fuskarta wanda bai faye haske sosai ba, tafiyarta kawai zaka gani ka fahimci tayi shirin juye ruwan masifa...

Cikin sauri Khalid ya katse wayar da yake da ‘yar uwarsa Siyama kafin ya juyo domin fuskantar masifatunsa....

“Malam lafiya meye kuma ya kawoka k’ofar gidanmu...? Yama akai kasan cewa nan ne gidanmu...?” Ta k’arashe tana mai d’ora hannaye a kunkumi tamkar mai shirin rufesa da duka....

Tamkar bazaice komai ba haka ya tsareta da idanunsa har saida Nabilah ta soma taarguwa da irin duban da yake mata gashi ita ta kasa jure kallonsa cikin idanu....

Kallo guda zaka mata ka fahimci she’s not comfortable....

Harara ta jefo masa suka kuwa had’a idanu, lokaci guda ta d’auke kanta had’ida doka uban tsaki tace “Banda lokacin tsayuwa a nan, kuma wllhi idan Abbah na ya fito ya taddaka a nan kace wajena kazo zan sa almajiran nan su rakaka da duwatsu....”

Daga haka sa kai tai zata shige saiji tayi ya finciko hijab d’inta ta dawo da baya.....

Tsoro da mamaki ya wanzu saman fuskarta, ta lura wannan baida niyan ficewa daga rayuwarta cikin gagggawa, a hasale take fad’in “Wai don Allah mai kake nema daga wajena, what exactly do want from me....?”

“You wannan know...?”

Ya tambaya yana kashe mata rikitattun idanunsa had’ida murmusawa da gefen baki, lokaci guda kuma ya gimtse kana yace “First of all tambayarki nakeso nayi... Shin a gidanku ba’a koya miki furta sallamawa mutane ba... Ko kuma ba’a koya miki gaida manya ba....?”

Murmushin rainin hankali Nabilah tayi kana ta fad’i cikeda tsiwa “Wannan kuma kanka ya kamata ka tambaya, k’ilan ba’a koya maka daraja mace ba a duk yanda ka ganta... Kuma wllhi ka kuma janyomin hijabi zan maka ihu a unguwar nan....”

Khalid ya kafeta da idanu yana mamakin hali irin na Nabilah...

Sakai tai zata kuma tafiya taji ya ambato sunanta karo na farko sannan batasan ya akai yasan sunan nata ba, take k’irjinta yayi wani irin bugawa...

“Nabeelah....!”

Cak ta tsaya ba tareda ta juyo ba, saida wasu dak’ik’ai suka d’an gifta kafin yaci gaba da fad’in “Idan kinfiso na baiwa Abbanki sak’on ya shiga miki dashi fine zan jirashi ya fito na bashi don na tabbata shi zai tsaya ya saurareni...”

Saurin juyowa tai tana dubansa hannunsa rik’eda envelop fuskarsa babu alamun wasa....

Mamaki ya kamata, wani sak’o ne wannan ita mai ma ya had’ata da wannan mutumin...

Cikin sauri ta dawo da baya tamkar zata kifa da k’asa... Khalid ya saki murmushi wanda idan bashi d’inba babu mai fahimtar yayi....

Wannan karon cikin kwantar da murya take maganar

“Malam don Allah mai kake nema wajena, I don’t know you, bansanka ba bansan mai kake nema a wajena ba, ka kuskureni da mota kamin wanka da ruwan tab’o kaje na yafe maka, amma Dan Allah ka fice a rayuwata, I beg of you please....” Ta k’arashe tana had’e tafukan hannayenta waje guda...

Gyara tsayuwarsa yayi kana yace “Karkiyi tunanin bibiyarki nake... You see this bruise...” ya k’arashe yana nuna mata ciwon goshinsa da Sameer bai jima da masa dressing ba kana yace “Don’t you think I’m too handsome to have it on my face....?”

Dubansa Nabilah tayi baki a sake don batai zaton abinda zaice ba kenan, lokaci guda yaci gaba da fad’in “And my car... Ke tinda kike a wannan lungun naku kin tab’a ganin new brand irin wannan....?”

Izuwa lokacin Nabilah ta gama isa wuya, ta lura wannan d’an rainin hankalin wulak’anci kawai yazo ya mata... Zatai magana ya mik’o mata envelope d’in yace “I want you to take look at this....” Yayi maganar yana bud’e envelop d’in.... Lokaci guda yaci gaba da fad’in “This is a list of all the expenses on the car that you’ll need to cover... Take... Karb’a mana....”. Ya k’arashe yana d’aura takardan saman hannunta....

Huci kawai Nabilah keyi sanda tabi takardan da kallo, Khalid ya kuma murmusawa kafin ya nufi motarsa yana fad’in “Make sure kud’in sun zama ready kafin na bar garin nan only then zan fice a rayuwarki kaman yanda kika buk’ata....”

Kallo ta bisa dashi da gaske motarsa ya nufa ya barta da zungureriyar takarda cikeda zeros, cikin sauri ta take masa baya, zamansa cikin motar da wuya yajiyo k’aran keta takarda, da tsananin mamaki ya juyo yana dubanta...

Tas ta keta takardan kafin ta watsa masa cikin motar nasa tana fad’in “Bazan biya ba, ai bani nace kayi tuk’in ganganci, kuma wllhi ka sake zuwa k’ofar gidan nan duk abinda ka gani kai ka jiyo....”

Tana ida fad’in haka tasa kai tayi shigewarta cikin gida... Su Sadiya da Mamanta Karima suna lab’e suna gulma Nabilah tazo shigewa nan kaw suka sha jinin jikinsu don sarai tasan sun jima wajen suna kwasan gulma....

Tsuka ta buga had’ida furta aikin kenan, tasan tinda Sadiya da mamanta suka ganta Mamani taji wannan batu an gama amma ita yanzu bata Mamani take ba damuwarta wannan d’an rainin hankalin ya fice mata daga rayuwa.....

***
Yau bayan an ida sallan asuba Sameer ma zama yayi kaman yanda yaga dattijan unguwan suna zama d’aukan karatu wanda ya danganci wasu littafan na addini...

Sosai abin ya birge Sameer, yanaso yaga mutum na neman lahirarsa ba duniya kurum ba kaman yanda nasa iyayen suka d’ora rayuwarsa bisa neman duniya zalla, ya lura da mutumin da ya gyara masa mota kwanaki biyu da suka shige, dukda cewa mutumin ba mutum bane mai yawan magana hankalin Sameer ya kwanta dashi...

Bayan an ida karatu, Sameer ya k’arasa ya gaida liman kana yabi sauran dattawan d’aya bayan d’aya suna gaisawa da yazo kan Abbah fari’arsa ta k’aru, shima Abban sai yaji wani shauk’i na d’ibansa na ganin saurayin....

Shi kanshi Sameer d’in ya lura da yanda Abbah yaji dad’in gaisar dashi da yayi tareda alamun bai mance shi ba, tare suka fito daga masallacin Sameer ya gyarawa Abbah takalmansa ya saka...

Suna tafe Abbah ya dubesa fuska d’aukeda murmushi kana yace “A nan unguwar kake ne...?”

Sameer ya d’an girgiza kai kana yace “A’a zuwa dai nayi Baba, asalina mutumin Kaduna ne iyayena da dangina duk suna can, aiki ya kawoni garin nan nake zaune gidansu Abokina, gidan Marigayi Alhaji Sa’adu Sharubutu... Munyi karatu tareda d’ansa Shamsudden...”

Abbah ya jinjina kai jiki a sanyaye tabbas babu yanda za’ai wannan saurayi ya zama nasa d’an hasashensa ne kurum ya basa hakan, baisan dalili ba amma har cikin ransa yakejin wannan saurayi da ya sanar dashi sunansa Sameer...

Har k’ofar gida Sameer ya rako Abbah kana ya masa sallama, ya lura da yanda yanayin Abban ya canza tinda ya basa tak’aitaccen labarinsa...

Sameer yasa kai zai shige Abbah ya kirawo sunansa....

Dawowa da baya yayi cikeda risinawa,

Abbah yace “Idan bazaka damu ba kazo muci abincin dare a gidana...”

Sameer ya fad’ad’a murmushinsa kana yace “Kai Baba na gode matuk’a da wannan karammawa In sha Allahu zanzo...”

“Amma Baba wani hanzari ba gudu ba shin zan iya zuwa da abokina Shamsu..?”

Abbah ya jinjina kai yace “Kazo da duk mutanen da kayi niyya Malam Sameer ni na gayyaceku...”

Sameer ya jinjina kai cikeda jin dad’i kana yace “Godiya muke Baba In sha Allah zamuzo...”

Abbah yace “Ka kirani Abbah haka yarana ke kirana...”

Sameer ya kuma jinjina kai had’ida furta “Abbah...!”

Ba Sameer d’in kawai da ya tsinci kansa cikin wani irin yanayi harta Abbah saida yaji wani shauk’i na sauk’ar masa...

Fuskar Abbah kurum zaka kalla ka fahimci na cikin farin ciki, Mamy ta lura da hakan saidai bata tambayesa ba, yinin ranan zubur Abbah cikin farin ciki yake, Mamy na hankalce dashi ba abin ta tambayeshi ba ta janyo wani abin don ba kasafai yakeson yawan tambaya ba tun bayan b’acewar Ma’aruf, don haka taja bakinta ta d’inke..

Da yamma da zai fita yace da ita sunada bak’i a shirya masu sauk’a..

Babu musu Mamy ta amsa mishi had’ida mishi a dawo lafiya, as usual a ciki ya amsa mata...


Shamsu sai mita yakewa Sameer cewa shi babu ruwansa da kowa a unguwar ba abinda zai kaisa wani gida dinner, da k’yar Sameer ya shawo kan Shamsu ya yarda zai rakasa, Khalid da yazo masu sallama ma aka had’a dashi sam yak’i shikam a cewarsa yanada wajen zuwa, Khalid d’in ne ya basu ride sanda zai koma...

Ganin gidan da suka nufa ya sanyasa canza ra’ayi ya bisu suka d’unguma zuwa gidan gaba d’aya....


SameenaAleeyou 📚
[12/01, 22:08] +234 703 745 3539: *INDA RAI*
_...............DA RABO_




*17*




*©Sameena Aleeyou...✍🏽*




Cak Nabila ta tsaya tana kuma jin sauk’ar ruwan tab’on nan a jikinta wanda ya wanketa har fuskarta... Tayi k’ok’arin bud’e idanunta da harta suma tab’on ya tab’a... Babban abinda yafi bata takaici shine da alama shashashan matuk’in motar da ya mata wannan aika aika baisan yayi ba....

Kallo tabi motar tasa dashi wanda yake ruwan shud’i k’irar Mercedes, duk duniya babu wanda ya tab’a mata wannan wulak’ancin, lallai wannan mutumin da gani babban d’an rainin hankali ne wanda baisan mutunci tinda baisan ya tsaya ya bada hak’uri.... Zuciyar Nabila taci gaba da tafarfasa, kasancewar hanyar unguwar cike yakeda kwarai da k’wazazzafo yasa sam motar bai b’ace ma ganinta ba, tamkar mai neman wani abin haka ta shiga waige-waige..., Can ta hangi wata dutse, tuni ta k’arasa ta d’auki dutsen tana mai ci gaba da huci da tafarfasa...

Cikin sassarfa ta kusan isa ga wannan had’edd’iyar mota data mata mummunar wulak’anci da babu wanda ya tab’a mata irin hakan..,

Daidai gate din gidan da yake tunanin nan ne gidan da Sameer ya turo masa address yayi parking motar naci gaba da diri still idanunsa kan wayarsa da alama layin Sameer yake nema...

Khalid bai ankara ba saijin sauk’an ringimemen dutse yayi daidai glass din k’ofar glass din dake saitinsa na matuk’in mota...

Tuni wayarsa ta zame yai saurin kare fuskarsa da hannayensa yana karanto innalillahi... Saidai tuni glass din ta sameshi a goshinsa yanda ta tarwatse lokaci guda....

Cikin tsananin tashin hankali had’ida firgici ya finciki marfin motar nasa ya fito yana rarraba idanu don ganin maike faruwa dashi., tsawa ya sauk’a masa ko kuwa bomb ne ya kuskuri tashi dashi...

Dashike glass din motar tasa mai duhu ne sam bazata iya gano matuk’in motar ba, ba tareda tsoro ko gudun waye zata gani ya fito daga motar ba taja ta kafe gefe tana jiran fitowar koma wanene don bata tsoron ta kife sannan bata barin saita kwana balle tai tsami....

Had’edd’en saurayi ne maiji da gayu da kyau ya fito daga cikin motar....

Cikin sakanni da basu wuce uku ba ta k’are masa kallo, nan ta kuma tinzira don ta lura irin yaran masu hannu da shuninnan ne marassa tarbiya balle sanin darajan d’an adam wanda tasan akasarinsu sai sun buga shaye shayensu suke d’aukan mota suyita tuk’in ganganci wasuma su dinga kad’e mutane....

Waige waige ya somayi sanda ya fito daga motar amma baiga kowa ba sannan baiga komai ba dashike duhun mangariba ta soma shigowa....

Wata murya mai zak’i cikeda fad’a ne yaji dirarta cikin dodon kunnuwarsa...

“Gani nan behind you....!” Tayi maganar tamkar d’an wasan kokawa dake neman d’an uwansa...

Karkatowa Khalid ya somayi har saida ya waigo zuwa gareta....

Take gabansa yayi mummunar bugawa ganin wata halitta gabansa domin kuwa sam baka gane kalan fuskarta yanda tab’o ya mata dama dama, gashi ta murtuk’e fuska ta d’ora hannu bisa kunkuminta... Nan ya soma tunanin idanba gamo yayi ba toh kuwa shakka babu wannan mahaukaciyace data k’wace daga turu...

Cikin masifa muryar nata ya kuma katse masa tunanin nasa...

“Don kana cikin mota wani na tafiyar k’afa wa ya baka damar ka wulak’antashi.... Ko kuwa dai shaye shayen naka bai fad’i maka gaskiya ne... Kodai baka gani ne aka d’auki mota aka baka a gidanku...?”

D tsananin mamaki Khalid ke dubanta zuciyarsa na k’una, jin k’aramar yarinya na yab’a masa maganganu, nan kuma yayi tunanin ai wannan zai wuya idan tanada lafiyar kwanya ma....

Murmushi ya sakar mata kana yace “Zaki iya gane asibitinku..? Seems guduwa kikai daga asibitin mahaukata koh... Fad’a min sunan asibitin naku I can take you back...”

Nabila ta kuma zuwa wuya jin ya kirata mahaukaciya bayan wanka da tab’o da ya mata... Maimakon ta rama bak’ar maganar da ya fad’i mata sai kallo data bishi dashi zuciyarta na harbawa da sauri wanda ta danganta hakan da tsananin b’acin rai...,

Khalid ya shafi goshinsa yaji jini..... Duban yatsun hannunsa yayi yanda ya lakato jinin kana ya kuma duban Nabila dake ci gaba da huci.....

Kiraye kirayen sallan magrib ne yasa Nabilah jan tsuka had’ida furta “Nan gaba ka dinga kula idan kana tuk’i...”

Tasa kai zata shige Khalid yayi saurin tare gabanta fuskarsa a murtuke....

“Ina kike tunanin zaki tafi da wannan ciwon da kikaji min sannan a tunaninki waye zai gyara min motata...?”

Dab da fuskarta yake maganar wanda hakan ya sauk’ar mata da matsanancin fad’uwar gaba, domin kuwa sam batada tsoro amma wannan mutumin ya firgitata don babu wanda ya tab’a mata irin hakan....

Kasa furta komai tai sai k’ok’arin jada baya da take sannan bata daina aika masa harara ba....

Ganin mutane sun soma fitowa masallaci yasa hankalin Nabila ya kuma tashi kada Abbah ya fito ya taddata a nan, take kuwa wayarta ta hau ruri Mamy na kira....

Murya a tamke tace “Malam ka bani hanya na wuce ai bani nace kake tuk’in ganganci ba...”

Khalid ya kuma yunk’urin matsowa kusanta, jikin Nabila ya d’auki rawa tana k’ok’arin jada baya, fitowarsu Sameer da Shamsu ne ya ceceta hankalin Khalid ya koma garesu.... Tamkar wulk’awar walk’iya haka ta b’ace a wajen....

Mamaki duk ya cikasu ganin Khalid da ciwo a goshi ga kuma motarsa a fashe...

“Subhanallahi wai hakan ta faru ne...? Na kiraka naji baka d’aga ba I thought ma rasa gidan kayi kuma sai naji baka d’aga ba...” cewar Sameer cikeda kulawa

Gajeren murmushi Khalid yayi kana yace “Na d’an sami accident ne...”

Shamsu ya cab’e zancen da fad’in “Ai idan ka shigo unguwar nan kawai ka d’aura hannunka saman horn idanba haka ba kayita kuskuren bige yaran kenan don iyayensu sakesu suke tamkar shanu....”

Sameer yace “Ai sai muje asibiti a dubaka....”

Khalid yayi saurin girgiza kai yace “No no basai munje asibiti ba ko a gida zaka min dressing doc...”

“Are you sure basai munje ba...?” Sameer ya kuma bid’a

“Yeah I’m sure Dr...”

Khalid ya fad’i yana murmushi had’ida waigan ta inda yarinyar can tabi wacce ko k’yallinta bai kuma gani ba, cikin sa’a ya hangi wulk’awan hijab d’inta ta shige gate d’in wani gida... Harda sauk’e ajiyan zuciya Khalid yayi don da ace ta b’ace masa baisan ta yanda zai samota ba a wannan unguwa mai tarin gidaje...

Masallacin ya bisu shima domin gudanar da sallan magrib...

Daga sahun da Abbah yake ya hangi bayan Sameer, take yaji zuciyarsa na masa wani irin sanyi ya k’udirin niyyan da zaran an ida sallah zai cimma saurayin nan ya tambayeshi sunan shi saidai hakan bata samu domin kuwa ana ida sallah ya nemi saurayin cikin masallacin ya rasa nan ma jikin Abbah a mace ya komo gida....

***

Ta yanda Mamy ke shiga bata nan take fita ba, haka taiwa Nabila tas akan daren da tayo a unguwa, Nabilah sai ture turen baki take tana fad’in “Amma dai Mamy kiga fah yanda na dawo gidan nan jagab da tab’o koma tausayina bakiji ba kuma baki tunanin ko lafiya nake ba... Mamy fah motar k’iris ya rage bata bigeni ba shine mai motar ya wankeni da ruwan tab’o...”

“Rufe min baki sakarcin banza, rashin hankalin da kika tsaya yaja hakan ya sameki ai, banda sakarci tun yaushe ya kamata ki dawo gida sai yanzu, itama Bara’atun ai hankali bai isheta ba dama... C’mon ni wuce ki cire wannan kaya kafin ki b’ata min waje.... Sa’arki d’aya Abbanku bai tambayi ina kike ba...”

Fuuu Nabilah ta shige d’aki yanda ta tadda Marliya na aikin gyaran wardrobe d’insu wanda sanda zata fita tai d’ai d’ai dashi wajen neman hijab....

Marliya na mata welcome Sisi ko takanta batabi ba ta fad’a toilet, Nabila ta fita zakka cikin yaran Mamy gata batajin magana gata batason aikin gida idan kaga ana aiki toh Marliya ce wai donma Mamy na tak’ura mata, ita dai barta da masifarta....

Babu yanda Sameer da Shamsu basuyi ba Khalid ya tsaya yaci dinner koma ya bar motar tasa gobe da safe bakanike yazo ya duba amma fir yak’i ya tak’ura tafiya zaiyi yanda ya sanardasu da safen zai mik’a motar wajen gyara...

Gidan da yaga ta shige nan ya nufa yanda ya tadda wasu Almajirai zaune daga can gefen gate d’in gidan alamun wajen tamkar wajen zamansu ne.....

Daga can gefe yayi parking kafin ya fito yana zira hannaye cikin aljihun wando sai wani faman yatsina fuska yake...

Yaro guda ya kira cikin almajiran kana ya tambayesa ko yaga shigan wata yarinya cikin gidan d’azu bada jimawa ba...

Yaron ya d’an tsaya tamkar mai nazari.... Tuni sauran almajiran sun k’araso wajen sabida sun zata sadaka mutumin zai bayar kar a bawa guda cikinsu su rasa...

Daga yanda suke tsaitsaye rungume da kwanukan baransu d’aya yace “Ba Nabilah bace uwar masifa ta shige har muna k’ok’arin mata dariya tayi wanka da tab’o...”

Sauran sukace “Tab wa ka tab’a gani yazo wajen wannan masifaffiyar inaga dai cikin sauran yaran gidan ne..”

D’ayan ya kuma cewa “A’a Garzali itace kawai ta shige da mangariban nan...”

Zasuci gaba da musu Khalid yace “Ku dakata, sunanta Nabila...?”

A tare suka jinjina kai had’ida furta “Eh sunanta kenan uwar masifa...”

Khalid ya jinjina kai kana yace “D’ayanku ya shiga ya min sallama da ita..”

A tare yaran suka kalli juna fuskokinsu cikeda tsoro...

Khalid ya kuma dubansu cikeda mamaki kana yace “Tsoro kukeji..?”

D’aya wanda yafisu k’ank’anta yayi saurin jinjina kai had’ida furta “Zata iya hanamu zaman wajen nan idan muka shiga hark’arta, babu mai iya koda gaisheta ne cikinmu sabida masifarta...”

Khalid ya Kuma jinjina kai kana yace “Karku damu bazata maku komai ba tasan da zuwana....” Ya k’arashe yana mai saka hannu cikin aljihu...

Sadakan kud’i ya basu wanda tsaban mamakin yawan kud’in basusan sanda suka soma had’e baki wajen cewa bari suyi masa iso da ita ba... Sai zuba masa godiya suke tsananin tausayin yaran na d’awainiya dashi, yaran da basu wuce ace suna makaranta ba, wasu ba takalma wasu kayan duk a b’arke... Sosai suka baiwa Khalid tausayi sanda yaji suna fad’in abubuwan da zasuyi da kud’in da yanda zasu b’oye kada matar Malam ta gani ta k’wace.. Wasu na fad’in zasu sai takalmi wasu na fad’in sun samu kud’in karin kumallo na sati guda koma fiyeda haka...

Kasancewar jikinta ya b’aci yasa tai wankan darenta mai iyanin ta sauya shiga cikin kayan bacci, suna zube parlorn Mamy suna kallon tashan wasan kwaikwayo lokaci guda suna cin tuwo itada Marliya Mamy na gefe tana ci gabada yiwa Nbilah fad’an rashin natsuwarta...

Cin tuwon kawai Nabila take tasan yau sai gari ya waye Mamy ta daina d’ago maganar gashi ba itace a d’akin Abbah ba, babban abinda yafi bak’anta mata rai shine yanda ake cewa tai koyi da k’anwarta Marliya...

Sallaman yaro almajirine ya katse Mamy yanda ya sanar dasu ana sallama da Nabilah a waje...

Tuwon da Nabilah kenan bata had’iyeba ya tsaya mata a mak’oshi....


SameenaAleeyou 📚
*INDA RAI*
_..............DA RABO_




*19*



*©Sameena Aleeyou...✍🏽*









Mamaki bai saki Khalid ba ganin gidansu Nabieela suka nufa, har k’asan ransa yake jin dad’i don dama nan yayi niyyan zuwa ya danna mata wani wulak’ancin kafin ya tafi tinda itace silan kwanansa har biyu a garin.....

Marliya ce ta masu iso har parlorn Abbah, Khalid sai dubanta yake yana hango tsananin kamanninsu da Nabila gashi dai ita wannan ga dukkan alamu saliha ce kuma mai hankali ba kaman wancan uwar bala’in ba....

Haka kurum Sameer yaji yarinyar ta kwanta masa sai murmushi yake yana dubanta yanda take kaikomo da kayan ciye ciye da shaye shaye gabansu....

Tambayarta sunanta yayi ta d’ago a hankali tana dubansa kana tace “Marliya...”

Sameer yace “Sannu koh Marliya mun gode.....”

Kanta a k’asa tana murmushi ta fice....

Jim kad’an Abbah ya shigo ya taddasu, nan suka soma gaidashi gaba d’ayansu, Khalid sai yafi kowa zak’ewa da son suyi sabo sosai da Abbah saidai ya lura shi Abban wani irin mutum ne wanda yakeda tsananin tsarewa, harta uban gayyan wato Sameer ba wani hira suke ba da alama kawai Allah ne ya had’a jininsu...

Tray mai d’aukeda ruwan sanyi Mamy ta hanga gefen fridge da alama Marliya ta mance bata kai masu ba, Nabilah ce gefenta tana had’a tray d’in abincin Mamani nan Mamy ta umarceta ta bar abinda take takaiwasu Abbah da bak’insa ruwa...

Sam Nabila batason shiga kan mutane don tasan wani cikin bak’in ya fad’i mata ba daidai ba tana iya danna masa mummunar kallo wanda har sai sun had’a idanu bak’on ya fahimci haka idan kuwa babu Abbah wajen ta jifa masa magana tai gaba abinta....

Badon taso ba ta d’auki tray d’in ta nufi sashen Abbah, sam bata kawo zatai artabo da mutum mai irin kamanninsa ba cikin gidansu, wani wawan birki ta danna tana mai kuma k’yafta idanu alamun badai gizo yake mata ba, tabbas shi d’in ne, Innalillahi toh mai yakeyi a gidansu, mai ya kawosa gidansu harma parlorn Abbanta, wannan wane irin mutum ne tai gamo dashi, kardai yasan Abbanta ne...?

Haka tayita jerowa kanta tambayoyi babu mai amsa mata su, Khalid kuwa tamkar ance ya juya sukayi idanu hud’u da Nabilah dake tsaye wajen tamkar an dasata, murmushi ya sakar mata had’ida kashe idanu guda irin taji mamakin nan koh....

Lokaci guda tai saurin saita kanta kana ta nufi parlorn kanta a k’asa, gaisuwan jam’u ta masu don bata fatan dogon gaisuwa ya shiga tsakaninta da d’aya daga cikinsu....

Sauri sauri ta fice daga parlorn k’irjinta naci gaba da bugu....

Saida ta sami bango ta tokare take iya sauk’e numfashi mai nauyin gaske, murmushinsa kurum take hangowa wanda ya kasa b’acewa daga k’wayan idanunta, da ace bata ganshi sau biyu kafin yau ba k’ila tace kamanni sukayi don ta tabbata babu abinda ya had’a Abbanta da wannan mutumin, toh amma shid’in ne dai, toh wai waye shi ne kam.... A hankali ta lumshe idanunta domin kuwa izuwa wannan lokaci lamuran mutumin ya soma bata tsoro...

Aunty Lami ce tazo zata shige ta kafe Nabilah da idanun ganinta cikin yanayi wanda bata tab’a ganinta cikin irinta ba...

K’arasowa tayi had’ida dafata kana tace “Nabila lafiya kike....?”

Sai sannan Nabilah ta bud’e idanu tana duban Aunty Lami....

Saurin turb’une fuska tayi kana tace “Lafiya mana Aunty... Barin shige...”

Bata jira cewan Aunty Lami d’inba tai shigewarta....

Kallo Aunty Lami ta rakata dashi tana mai nazarinta, gyara mayafinta tai kana tasa kai ta nufi parlorn Abbah....

Ganin da bak’i a parlorn ya sanyata sakin fuska sosai yawa mutuniyar k’warai tana wani aza mayafi ta k’arasa tana fad’in “Bak’i ne mukayi... Sannunku da zuwa....”

A tare Shamsu da Khalid suka soma gaidata kafin Sameer ya had’iye abincin dake bakinsa shima ya d’ora da gaisuwan a lokacin da ya d’ago fuskarsa....

Wani irin mummunar fad’uwan gaba ne ya dirarwa Aunty Lami sanda tayi tozali da idanun Sameer, ta kasa amsa gaisuwan da ya mata ta kuma kasa daina kallonsa, badon a zaune take ba tabbas da jiri ya iya kayarda ita....

Abubuwan da suka faru shekaru 30 baya suka shiga dawowa kwanyarta, har saida Abbah ya furta “Lami ana gaisheki ko bakiji bane...”

Sannan Aunty Lami ta iya kimtsa kanta....

Murya a d’an sark’afe ta amsa murmushin yak’e bai bar saman fuskarta ba....

Sauri sauri ta fice daga parlorn ta nufi nata sashen ta d’auki wayarta babu shiri....

Hajiya na faman rabon fad’an Hafiz da Sahariyya kan tak’urawa d’iyarsa Kausar da Sahariyya keyi taji wayarta na faman ruri cikin d’aka...

Fad’i take “Ku kuka sani ku cinye kanku idan bazakuji maganata ba, wannan yarinya taka mai jinin tsiya a tareda ita gwarama kayi auren ka kaita can wajen matarka ta kular maka da ita...” Tana ida fad’in haka ta nufi d’aki tana lalumar wayarta yanda ta tadda wayar ta katse, ganin wacce tai mata kiran ya sanyata saurin sake dialing layin....

Hafiz dake mak’ure da wuyan Sahariyya fad’i yake “Wllhi kinji na rantse babu yanda zankai Kausar nan gidan zata girma tinda ku kuka tilastama uwarta barinta don haka dole ku kula da ita, kin sanni kinsan banida kyau kukan yarinyar nan na sakeji wllhi sai nayi ajalin idanunki k’wara... Shashashar banza...”

Yana ida fad’in haka yayi jifa da ita kana yayi ficewarsa sai faman fito yake hula a karkace ya nufi