You Cannot Download this book untill you login but you can read it .

---

Login Register

koba haka ba?", Nusram ba tare da ta san me Nusreen ɗin ke magana akai ba ta ɗaga mata kai kawai tana miƙewa ta bar wajen.

Duka suka bita da kallo, Aunty tace; "Allah sarki ni dama na san Nusram ba zata taɓa farin ciki da wannan auren ba kawai dai zata yi shi ne".

Ummi tace; "nima na lura da bata wani farin ciki da bikin amma ko meye addu'a zamu taya ta dashi sai dai har yanzu ina kan baka ta matuƙar tace bata son shi to kuwa sai dai a fasa auren".

Nusram kuwa kan katifar su ta faɗa hawaye na zubo mata, ita ta san ba zata ce ga wani zaɓi da take dashi na wanda zata aura ba amma tabbas bata son auren me yara irin wa'innan yaƴa ashirin da ɗaya!".

Haka ta dinga zubar da hawaye cikin baƙin ciki da zafin abinda ke faruwa a kanta, cikin ƙarfin hali ta miƙe a zuciyar ta tana maimaita addu'ar da mutum keyi idan musiba ta same shi tana kuma me neman zaɓin Allah.

Haka ranar Auntyn wuni tayi a gidan suna ta shirye-shirye domin kuwa gobe ake saka ran dawowar mahaifiyar Shureim ɗin.

Kuma tabbas Baba ba zai ɗaga auren ba dan yace tana dawowa da sati biyu ko sati uku, Shureim kam dole ya amsa a hakan har yaje ya sanar da dangin mahaifin shi.

Su kansu sai da suka ce; "wannan wane kalar aure ne kamar an gaji dasu ai a bari mu muyi bincike idan su ba zasu yi ba ko", shi dai Shureim beda abin cewa nan suka gama maganganun su kafin wan baban nashi ya saka ƴaƴan shi guda biyu akan su zo suyi bincike.

Alhamdulillahi koda suka zo suka yi bincike basu sami wata tangarɗa ba domin kuwa an basu amsoshi me kyau sosai, dan an sheda musu ma ko ƙawa basu da ita mahaifiyar su ma basu taɓa ganin tana yawon gidan maƙwabta ba.

Sun komawa da mahaifin su da sakamako me kyau inda ya kira Shureim ya sheda mishi, aikuwa Shureim yayi murna sosai da sosai wannan shine abinda ya kira Abdus-samad ɗin yana faɗa mishi.

Sai dare sannan Yaya Sulaiman yazo ɗaukar Aunty, duka suka fito domin rakata Auntyn tace; yanzu sai ku fara zuwa gyaran jiki ko?", Nusreen ta amsa da to shikenan.

Yaya Sulaiman yace; "ke kuma meye ya ramar dake haka?, ko duk fargabar auren ne?", Nusram tayi yaƙe kawai.

Auntyn tace; "to ni dai kunji abinda na faɗa muku dan haka zanyi zaman jiran ku idan har kun dawo daga makaranta sai ku dinga wucewa can.

Yaya Sulaiman ya kalli Nusram bayan sun matsa gefe yace; "ƴar ƙanwata faɗa mini matsalarki mana", Nusram ta sauke ajiyar zuciya sannan tace; "babu komai, yauwa kayi bincike akan Shureim ɗin".

Yayi murmushi yace; "bashi da wata matsala, hakama mahaifiyar shi da mahaifin shi kan ya rasu, gidan su gidan mutunci ne, yanzu abinda ya rage shine wannan alhajin naki Baballe".

Nusram tayi saurin girgiza kai tace; "a'a kada kayi Yaya domin koda kayi ko baka yi aurena dashi babu fashi", Yaya Sulaiman cikin tsokana yace; "duk soyayyar ce haka?", Nusram ta saukar da kai ƙasa.

Haka suka yi sallama cike da ƙaunar juna kamar ƴan uwa na jini sosai, suna ƙoƙarin shiga Isa ya ƙaraso, Nusram taja hannun Nusreen dan su shige ya tare hanyar.

Ta gefe ta koma nan ma ya sake tarewa, ita dai Nusreen kallon ikon Allah take yi, Nusram ganin hakan yasa tace; "Rim shiga ciki gani nan zuwa", Nusreen ta taɓe baki sannan ta wuce.

Isa ya matso kusa da Nusram ɗin ta ja baya, ya kuma matsawa ta kuma jan baya, har sai da ta kai jikin bango, hannu ya kai kan saman fuskar ta, Nusram ta runtse idanu tana faɗin; wai Isa meye haka ne an faɗa maka ni ƴar iskace ko me?".

Yace; "ok nine ɗan iskan kenan? To ki ajiye a cikin ranki kema sai na maida ke ƴar iskar, sannan ki sani wallahi matuƙar baki janye auren da kike so kiyi ba nima ba zan janye ba nayi miki alƙawarin sai kinzo kina roƙo na akan na aure ki", yana gama faɗar haka ya fice ya barta a wajen.

Nusram taja dogon numfashi sannan ta shige cikin gida, Mama Jummai ta kalle ta tayi tsaki tace; "ayi dai mu gani".

Ita dai Nusram bata wani kula ta ba, koda ta shiga ɗaki ta samu an kawar da kayan nasu hakan ba ƙaramin daɗi yayi mata ba domin bata ƙaunar ganin kayan daya danganci bikin kwata-kwata.

Da yamma zasu tafi makaranta Nusreen tace; "baki faɗa mini meye tsakanin ki da Isa ba", Nusram ta kwashe komai ta faɗawa Nusreen ɗin nan fa Nusreen ta hau masifa.

Ita dai Nusram ɗin sai toshe kunne tayi dan yanzu hayaniya damunta yake yi, haka har suka isa makarantar Nusreen bata bar mita ba.

Ƙarshe dai Nusram ɗin ta bar mata bencin, koda aka tashi haka ta dasa daga inda ta tsaya faɗi take; "wallahi ke kika bashi dama idan banda haka taya zai iya buɗe baki ya faɗa miki cewa wai yana son ki ko an gaya mishi bamu san asalin shi bane?, yaushe zai haɗa ɗan sunnah da ɗan zina".

Nusram cikin takaici tace; "wai ke Nusreen kin manta a kan titi muke ne", Nusreen ta dalla mata harara tace; "ina ruwa na ko filin arfa muke", jin hakan yasa Nusram ɗin ƙyale ta.

********** *************

Cikin farin ciki take saukowa daga matattakalar jirgin babu abinda idanun ta ke son gani kamar ɗan nata.

Dr Abubakar ya riƙo hannun ta ganin tana ƙoƙarin barin shi, cikin kunnen ta yace; "haba mana rabin raina ya zaki tafi ki barni", Brr Farida ta saki murmushi.

Abdul dake tsaye a can wajen da ake jiran ƴan tafiyar ya saki murmushi ganin yadda iyayen nashi suka yi, sai da ya ɗauke su hoto.

Dole Brr Farida ta jira mijin nata suka jero tare, Abdul ya saki hannun Adnan ɗin ya nufi wajen Mummyn tashi, ta buɗe hannayen ta ya shige ciki suka rungume juna cike da ƙauna da so.

Daddy kuwa wajen ƴaƴan nashi ya ƙarasa inda ya bisu ɗai-ɗai yana rungume su, suma cikin farin ciki suke.

Brr Farida ta shafa kan Abdus-samad tace;"nayi kewar ka sosai", shima cikin shagwaɓa yace; "nima ai kika tafi ki barni", taja kumatun shi tana faɗin; "kai ai ka fara tafiya ka barni", suka yi dariya duka.

Hannun su sarke dana juna suka ƙaraso inda sauran suke, Abdus-samad ya saki hannun Brr Faridar ya ƙarasa wajen mahaifin nashi suka rungume juna.

Dr Abubakar ya shafa kan Abdul ɗin yace; "Allah yayi maka albarka", Abdus-samad ya amsa da ameen, itama Brr Farida haka tabi yaran nata duka ta rungume su har da Fadila har tana tsokanar ta, Fadila kam murmushi kawai tayi.

Abdus-samad ya haɗa rai ganin sun nufi motar Tameer, Brr Farida tayi dariya tace; "sarkin kishi to muje na shiga taka", Dr Abubakar ya riƙo hannun ta yace; "gaskiya ban yarda ba, nifa kin ga kishi nake yi dashi", duka akayi dariya.

Abdus-samad ya shafa sumar kanshi yace; "shikenan kuje a tashi kawai", Brr Farida tace; "Surayya kije motar Abdus-samad ɗin".

Surayya ta zunɓuro baki tace; "ni wallahi ba zan shiga jar mota ba kamar wata ƴar shan jini", Brr Farida zata kuma magana Fadila tace; "Mummy ki ƙyale ta zo ki shiga ta Yaya Sameer ni bari naje ta Abdul ɗin".

Surayya ta shiga ta Sameer ɗin, Adnan kuwa yana wajen Mummyn shi, dan haka Sumayya da Fadila sune suka shiga motar Abdul ɗin.

Motar Sameer ɗin ke gaba sai motar Tameer sai ta Abdul, suna cikin tafiya Fadila ta kalli Abdul ɗin tace; "gaskiya yau kun birge ni".

Ya saki murmushi yace; "meya birge ki", ta ɗan kaɗa idanu tace; "yadda kuke son junan ku mana", Sumayya dake baya tace; "ai dama muna son iyayen mu sosai", Fadila ta jinjina kai tana faɗin; "na tabbatar da hakan".

Sumayya ta buɗe baki zata yi magana Babbar mota ta nufo inda suke, kan Abdul yayi wani yunƙurin kaucewa motar ta buge su.

Dr Abubakar ya kalli matar tashi, hannun ta ya riƙe yace; "na lura gangar jikin ki ke nan amma zuciyar ki na wajen Abdul".

Brr Farida ta ƙara kai kallon ta jikin madubin a karo na babu adadi tayi murmushi tace; "ka dena haɗa kanka da ɗana fa", kan ta rufe baki ta hangi abinda ya faru, cikin sauri tace; "innalillahi wa'inna ilaihir-rajiiuun.

Cikin sauri suka tsayar da motocin nasu, sai ga Brr Farida na gudu zuwa wajen motar tasu yau babu ƙasaita ba mulki ba gayu.

Duka su Daddy suma suka nufi wajen, can gefen titi motar ta faɗa kusa da wata bishiya, gashi wajen babu mutane kasancewar bayan gari ne basu riga sun shiga cikin gari ba suna kallo me motar ya gudu.

Da ƙyar aka iya zaro Fadila da Sumayya daga ciki, Abdus-samad kuwa sai da aka juya motar duk ta komatse, haka aka zaro shi kamar gawa.

Brr Farida ta faɗi a wajen sumammiya, Tameer ya kira abokin shi wanda ya kasance likita ne aka turo musu da ambulance, Sumayya kuwa dama ɗan kujewa tayi, Fadila kuwa hankalin ta na nan amma kuma gefen fuskar ta da hannun ta na dama duka jini ne, Abdul ne ko numfashi babu tare dashi.



#LIKE
#SHARE
#COMMENT


*Babyn Abdul, Maman Meenal Elham da Farouk*.



*ƳAR MUTAN ZAZZAU*.


♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*







*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*

*Sannan ga masu son shiga whatsapp group na Rayuwar Abdus-samad kuyi searching Aishatu Babayo sai ku tura mata da number ɗin ku ta pc zata saka ku a ciki amma dan Allah iya mata kawai banda maza, Na gode sosai*

📖📖29-30📖📖


Babu wanda hankalin shi ke jikin shi, koda suka isa asibitin cikin sauri aka wuce dasu *A&E* aka fara basu taimakon gaggawa. Daddy kuwa duk da kasancewar shi likita ya kasa taimakawa da komai.

Sumayya da Fadila aka yiwa dressing ɗin inda suka ji ciwo, har ita Fadilan aka ce ta ɗan kwanta domin ta huta.

Likitan ya fito yana cire handgloves ɗin hannun shi, da sauri suka bishi suna tambayar lafiya??.

Likitan yace; "Dr ka biyo ni Office", haka Daddy ya bishi, sauran kuwa ji suke kamar suyi tsuntsuwa su ji abinda ke faruwa.

Tameer ya zauna yana dafe kanshi, Sameer ya dafa shi yace; "ka dena damuwa Allah zai basu lafiya", Tameer yayi ajiyar zuciya yace; "yanzu wani sai yayi tunanin nina turo a kashe shi alhalin ba ni bane", Sameer ya girgiza mishi kai yace; "ka dena faɗin haka".

Cikin tashin hankali Tameer yace; "Sameer ko ma meye Abdul ɗan uwana ne kuma ba zan iya cutar dashi ba", ganin yadda hankalin Tameer ɗin ya tashi Sameer ɗin ya fara kwantar mishi da hankali.

"haba Tameer ai kowa ya san ba zaka taɓa iya aikata hakan a gare shi ba, domin kuwa ɗan uwa ya wuce wasa", Tameer dai babu abinda yake fata da buri banda Allah ya basu lafiya musamman ma Abdul ɗin wanda yake gani kamar shike da alhakin ciwon nashi.

Likitan yayi gyaran murya yace; "Dr ku kwantar da hankalin ku be wani ji mugun rauni ba, ya tafi doguwar suma ne saboda tsoratar da yayi, mun duba babu internal injuries a jikin shi, sai matar ka ita kam munyi mata allura domin ta samu ta huta kuma shima ɗin muna saka ran nan bada jimawa zai farka, Allah ya kiyaye gaba", Daddy ya miƙa mishi hannu suka yi musabaha yace; "ameen yana me fita daga ɗakin".

Koda ya shiga ɗakin, suna kwance zaka iya tunanin barci ma suke, sai dai shi Abdus-samad ɗin hannun shi ɗaure da drip.

Sameer da Adnan suna jikin gadon mahaifiyar su, Tameer kuwa yana can zaune a gefe ne jikin window ɗin ɗakin tana kallon waje yanzu ya gama waya da Surayya yana faɗa mata abinda ya faru.

Daddy ya koma jikin gadon Abdus-samad ɗin ya tsaya, yana me tausayawa yaron wannan wane irin abu ne rayuwar yaron tana cike da hatsarrurruka gashi be san komai daga rayuwar shi balle ya dinga ƙoƙarin kare kanshi daga hatsarin.

Surayya ta buɗe ƙofa ta shigo hankalin ta a tashe, ta faɗa jikin mahaifiyarta tana sakin kuka sosai. Tameer da Sameer suke rarrshin ta dan Adnan ganin Auntyn shi tana kuka shima kukan ya fara Daddy kuwa ya kasa ce musu komai.

Ta goge hawayenta tana mata addu'ar samun sauƙi, can ta ɗago kanta; "ina Sumayya?", kanta rufe baki Fadila ta bude ƙofa ta shigo bayan ta kuma Sumayya ce. Itama Sumayyar wajen ƴar uwarta ta nufa suka rungume juna suna kuka, Surayya ta sake ta sannan ta janyo Fadila itama ta rungume".

Daddy kam ikon Allah yake kallo, babu wanda ya kalli gadon da ɗan nashi yake kwance lallai ya tabbatar da cewa har yanzu Brr Farida bata shirya kan yaran nata ba.

Daddyn Fadila yayi sallama ya shigo tare da mahaifiyar su, cikin sauri Fadilar tayi wajen iyayen nata ana jajantawa juna, Fadil da Salima sune suka shigo daga ƙarshe.

Wajen gadon Abdus-samad ɗin suka nufa su direct, cikin damuwa Fadil yace; "Daddy har yanzu be farka bane?", Daddy ya dafa kanshi yace; "zai farka insha Allahu nan bada jimawa ba kuyi haƙuri tukunna.

Nan suka koma suka zauna jugum domin kuwa daga Brr Faridar har Abdul ɗin babu wanda ya farka har zuwa lokacin kowa kuma a ciki fatan shi shine su tashi lafiya lau.

Salima na riƙe da hannun shi tana zubar da hawaye domin kuwa hankalin ta ya kasa kwanciya, bata so ta rasa abinda take so.

Fadila ta kalle ta sannan ta taɓe baki, ita fa ba wannan bane ya dameta, kuma ta san suna son abinda ba zasu taɓa samu bane daga Husnar har Salimar.

Fadila ta dubi Fadil tace; "ina su Hajja banga sun zo ba?", Fadil ya taɓe baki yace; "kema kin san halin ƙasaitar matar nan waye zai iya zaman jiran ta, Malama tana so ta biyo mu amma matar nan ta hana wai sai dai ta jira ta su taho tare, baki ga yadda hankalin Malama ya tashi ba ina jin har kuka sai da tayi amma wai Hajja taƙi bari a taho da ita......". Daddyn shi ya kai mishi duka a ƙeya yace; "Fadil baka da hankali ko uwar tamu kake faɗawa haka muna wajen", be kuma cewa komai ba sai shafa wajen da yayi yana turo baki.

*********** ************
*UNGUWAR RIMI, KADUNA*


Shureim ya zauna kusa da mahaifiyar shi wacce ke zaune cikin kayayyaki, tunda taji labarin bikin nan hankalin ta ya koma kai.

Tace; "ya akayi fatan an gama komai, ka san bana so azo a sami matsala ga Sharifa har yanzu bata iso ba", Shureim yace; "me kuma Aunty Sharifar zata yi?", Mama tayi mishi daƙuwa tace; "zaku je a ƙaro abubuwan da babu ne, Usman ma munyi waya akan sarƙoƙi da zai ƙaro ya dai ce yana tunanin a satin nan kayan zasu iso".

Shureim ya kwantar da kanshi jikin mahaifiyar tashi yace; "Mama lallai kina ji dani", ta shafa kanshi tace; "wa nake dashi banda kai, Shureim kai nake gani na tuna da mahaifinka, dole na fito na nuna bajinta akan aurenka, ɗana guda ɗaya tilo. Sharifa tayi dariya tana karasa shigowa gidan tace; "Aunty kenan, kullum firar ku kenan".

Mama tace; "to idan bashi ba ɗin da waye zanyi", Sharifa ta zauna kusa ɗa ƴar uwar tata sannan ta tura mata ledar gaban ta tace; "gashi mun riga da mun siyo da naga mun biyo ta wajen Mall ɗin tare da Baban Naufal shine nace mu ƙarasa kawai mu siyo".

Mama ta fara ɓuɗewa tana faɗin; "yauwa gaskiya na gode sun kuma yi kyau sosai", ta ƙarasa tana ɗaga ɗogunayen rigunan".

Aunty Sharifa tace; "nima sun birge ni shi yasa na ɗauko su", Shureim ya miƙe yana faɗin; "bari na tafi wajen aiki".

Mama tace; "yanzu ƴar tawa sai bayan biki zan ganta kenan?", Shureim yace; "Mama kinfa santa ina wacce ranar da zan kai ki Airport.....".

Kafin ya ƙarasa ta miƙe tana washe baki tace; "madallah kamar ka san yarinyar tana cikin raina, saboda hankalin ta nayi maka sha'awar ta gaskiya naji daɗi na san zan ji daɗin zama da ita ba kamar ƴar uwar ta ba, yarinya sai tsiwa". Gaban Shureim ya faɗi kada dai Mama tace bata son Nusreen.

Aunty Sharifa tace; "wai wacece kuke magana akai", nan Mama ta shiga bata labarin ƴan biyun da suka haɗu a hanya da yadda ɗaya tayi musu rashin kunya ɗayar kuma ta basu haƙuri. Sharifa ta washe baki tana faɗin; "lallai kam tana da hankali sosai kuma ta cancanci ta shigo cikin wannan familyn".

Shi dai Shureim a jiki a sanyaye ya bar falon domin kuwa abun yana so ya caɓe masa dole ya san yadda zai yi, ya kira Naufal a waya nan ya shiga faɗa mishi abinda ke faruwa.

Naufal yace; "yanzu meye abin yi tunda dai biki ya matso ni ina ganin kawai ka faɗa mata gaskiya, dan koda baka faɗa mata ba wata rana zata gane idan kayi la'akari da yadda Nusreen take da tsiwa ba iya ɓoyewa zata yi ba".

Shureim yace; "nima abinda nake tsoro kenan kada fa garin son zuciyana na nemo abinda zai zo ya ɓatawa Mama ya kuma janyo matsala tsakani na da ita, banda kowa a yanzu sai ita".

Naufal yace; "hakane amma duk da haka baka sani ba ko meye dalilin da abubuwan suke faruwa a haka ba ta yiwu alkhairi ne auren ku".

Shureim yace; "hakane", Naufal yace; "ni ina ganin ka faɗa mata kawai", Shureim yace; "shikenan zan gwada ɗin", daga nan kuma Naufal ya koma tsokanar Shureim ɗin har sai da Naufal ɗin yaga Shureim ya saki jikin shi sannan suka rabu a wayar.

******** ***********

*HAYIN RIGASA, KADUNA*

Ummi ta zauna kusa da Nusram wacce ta zuba uban tagumi kamar anyi mata mutuwa, ta dafa ta tace; "Nusram na faɗa miki tƴmun farko idan har bakya son wannan auren to ki faɗa mini ni kuma zan saka a hana".

Nusram ta ɗago idanun ta wanda yake cike da hawaye tace; "Ummi kada ki damu da wannan insha Allahu zan yiwa Baba biyayya koda kuwa me zai faru".

Ummi tace; "ban tambaye ki biyayya ga mahaifinki ba ko akasin hakan, tambayar da nayi miki shine kina son shi ko bakya son shi?".

Nusram tayi murmushi me ciwo tana saukar da kai ƙasa, sanin cewa ba zata yi magana ba yasa Ummi miƙewa tana faɗin; "ke kika sani tunda ba zaki iya buɗe baki kiyi magana ba".

Nusreen dake ƙoƙarin shigowa hannun ta riƙe da babbar leda don ta dawo ne daga Tudun Nufawa tace; "Ummi meya faru".

Ummi tace; "meye kuwa be faru ba ni da ƴar uwar ki ne gata can taƙi ta faɗi abinda ke ranta game da auren nan".

"ni wallahi abin na damuna Ummi, Nusram duk tabi ta lalace ta ƙare, gashi wajen gyaran jikin ma ta dena zuwa kana yi mata magana sai kuka Ummi ina tsoron kada damuwar da take ciki ya kaita ga halaka", Nusreen ta ƙarasa cikin damuwa.

Ummi taja tsaki tace; "to ba ita taso ba, Nusreen ta fito ta cewa Baban ku bata son auren ta kasa sai dai ta zauna a cutar da ita".

Nusreen tace; "bari naje wajen ta naji meke faruwa", tana faɗin hakan ta wuce Ummi zuwa cikin ɗakin.

A zaune kamar yadda Ummi ta barta haka ta zo ta same ta, Nusreen tace; "Nusram ki yiwa Allah ki faɗa mana menene damuwar ki".

"auren ne Nusreen bana so, kuma ba zan iya faɗawa Baba ba", wannan shine abinda zuciyar ta ta faɗa amma sai tace; "Nusreen ki taya ni da Addua kawai".

Koda Nusreen ta takura mata kuka ta sakar mata kawai, cike da tausayi Nusreen ɗin ta biye mata suka dinga rera kukan tare sai da Ummi ta shigo tayi musu tatas sannan suka yi shiru.

********* **********


*UNGUWAR SARKI, KADUNA*.

Tameer ya kalli agogo sannan ya kalli Daddy yace; "Daddy har yanzu shiru basu farka ba kome ke faruwa kuwa".

Daddy shima cikin damuwa yace; "ku cigaba da addu'a zasu farka ne", haka suka yarda da shawarar mahaifin nasu.

tana tsugunne tana kuka cikin tashin hankali, taji an dafa kafaɗarta, cikin sauri ta waigo fuskar da ba zata taɓa mantawa bace take kallon ta.

Itama ta tsaya tana kallon ta, waccen matar tace; "Bestyy kin yi sanyi dole ki ƙara gudun tafiyar ki idan ba haka ba Mustafa yana daf da cin miki".

Cikin yanayi na rashin madogara da kuma karyewar zuciya Brr Farida tace; " taya zan aikata hakan bayan ban san inda Abdul yake ba, ji nake kamar ya tafi ya bar ni, Abdus-samad shine ƙarfi na yanzu kuma babu shi".

Matar tayi murmushi tace; "kada ki damu ɗanki na nan be tafi ba, zo muje ki ganshi", ta kama hannun Brr Farida zuwa wani kyakykyawa Lambu ta ɗaga hannu ta nuna mata inda Abdus-samad yake zaune fuskar shi ɗauke da murmushi yana kallon ta.

Cikin jin daɗi ta nufi inda yake sai dai kafin ta kai wani irin jibgegen Shaho da jajayen kaya yazo ya sungume Abdul ɗin yayi sama dashi, nan fa Brr Farida ta fara Kuka tana ƙwalawa Abdul ɗin kira.

Daddy ya riƙo ta yana tofa mata addu'a, ita kuwa da bata san yanayi ba kukan ta kawai take sha tana kiran sunan Abdul ɗin.

A hankali kuma idanun ta ya fara buɗewa har ta buɗe shi tas, shiru tayi tana kallon su ɗai-ɗai sai taji ranta yayi sanyi sanin