You Cannot Download this book untill you login but you can read it .

---

Login Register

hau kai ta tada sallah.

Ta jima tana sallah kafin barci kuma ya kwashe ta wanda bata farka ba sai asuba, tana idar da sallah Nusram itama ta farka, zuwa lokacin ruwan ya kusa ƙarewa Ummi ta ɗauko mata roba me faɗi ta taimaka mata tayi alwala sannan tayi sallar a saman gadon.


***********⬇️⬇️⬇️******

*MAƘARFI ROAD, KADUNA*.

Hajiya Salma ta shigo ɗakin hannun ta ɗauke da kofi, ya juyo ya kalle ta, da sauri ta ja ɗan ƙaramin table ta ajiye a kai sannan ta nufi inda yake.

Ta taimaka mishi ya ƙarasa shirin shi, sannan ta riƙo hannun shi ta zaunar dashi, ta ɗauki cup ɗin data ajiye ta fara bashi a baki da kanta.

Tana gama bashi ya miƙe ta bishi da kallo yace; "meya faru ne Hajiyata?", tayi fari da idanu sannan tace; "account ɗina yayi low", yace; "zan miki transfer yanzu, baki da matsala sai ta kuɗi", ta ɗaga kai tana murmushi.

Ya matso kusa da ita yace; "har ni ba zaki yi kewa ba?", ta riƙo hannun shi cikin kissa tace; "shine ma kan gaba da zanyi, muje na raka ka, kada kayi missing flight", yana gaba tana bayan shi hannun ta riƙe da jakar shi don tafiya.

Suna saukowa akan steps yace; "ki kula da Khausar kin san yanayin rawar kanta and dan Allah ga amanar gidana nan da kuma yarana da dukiya dake kanki na damƙata a hannun ki, ki kula kinji".

Tace; "kada ka damu yadda ka tafi ka barmu haka zaka dawo ka same mu, zan kula da duk wata amana taka har kaje ka dawo".

Har bakin mota ta raka shi, masu tsaron lafiya suka buɗe mishi mota ya shiga, tana ɗaga mishi hannu har ya fice.

Taja tsaki tace; "taya zan so ɗanka bayan ni baka son nawa ƴaƴan", ta juya cikin sauri ta nufi cikin gida.

Tana shiga falon ta tarar da Khausar ta fito sanye da wando ɗan ƙarami zuwa cinya sai kuwa riga iya cibiya.

"kin tashi Baby?", Hajiya Salma ta faɗa, Khausar ta ɗaga kai sannan ta nufi dinning table domin karyawa yayin da Hajiya Salma kuma ta nufi ɗakin ta.

babu Jimawa Hajiya Salmar ta fito jikin ta sanye da Riga pink da ratsin fari sai wando pink, ta ɗora after dress a sama pink me shara-shara, sai ƙaramar jaka data rataya itama pink sai kuma makulli, ta yiwa Khausar peck a kumatu tana faɗin; "Baby na tafi sai na dawo", Khausar tace; "to Mummy".

Tana fita masu tsaron lafiya suka taho tayi saurin ɗaga musu hannu hakan yasa suka koma, motarta ta shiga ta tayar ta fice daga gidan cikin sauri.

Khausar na ganin fitar Mahaifiyar tata, ta ɗauki waya ta fara kira, bayan an ɗaga tace; "Baby dan Allah kiyi sauri ina jiran ki".

Ba'a ɗau lokaci ba sai ga ƙwanƙwasa ƙofa, cikin sauri Khausar ta buɗe mata ƙofa, suka kalli juna fuska ɗauke da murmushi kafin Khausar ta rungumo yarinyar suka yi cikin falon.

Hajiya Salma tana fita bata zarce ko'ina ba sai guest house ɗin Alhaji Sa'eed, kamar koda yaushe a can ta same shi sai dai wannan karon shi kaɗai ta samu babu Brr Hauwa.

"Kamar yadda muka tsara Alhaji Mustafa ya bar ƙasar nan", cewar Hajiya Salma kenan lokacin da take ƙoƙarin cire After Dress ɗin dake jikin ta.

Alhaji Sa'eed yayi murmushin mugun ta daga kwancen da yake yace; "kamar yadda muka tsara komai yana tafiya dai-dai, saƙon mutuwar ɗan shi zata riske shi a can", Hajiya Salma tayi murmushi tana kwanciya a jikin Alhaji Sa'eed.

******* ***********

*HAYIN RIGASA, KADUNA*.

sai da gari yayi haske sannan Ummi ta miƙe tace da Nusram; "bari na fita na ɗan zagaya na san ba za'a rasa abin siyarwa nan kusa ba da zaki karya dashi", Nusram tace; "to", dan har lokacin bata gama dawowa dai-dai ba.

Ummi kuwa ficewa tayi daga asibitin domin neman abinda zasu karya ɗin hannun ta riƙe da wasu daga cikin kuɗin da bawan Allan da taji an kira da Alhaji Mustafa.

Bata daɗe da fita ba Nusram taji anyi sallama an turo ƙofar, ta ɗago tana me amsa sallamar, tsayawa tayi tana kallon mutumin, tabbas fuskar shi ce, wannan dai wanda takewa laƙabi da ɗan yankan kai sai dai wannan ya ɗan manyanta.

Duk ta ruɗe jikinta har rawa yake yi mata, tunanin ta shine kada dai canza kama yayi yazo domin cin galaba akanta wato ya tafi da ita.

Alhaji Mustafa ya zauna saman kujerar yana satar kallon yarinyar, a ranshi yana mamakin meye dalilin birkicewar ta lokaci ɗaya.

Sun jima a haka ɗakin shiru babu wanda yayi magana a tsakanin su, Ummi ta shigo da sallama hannun ta ɗauke da baƙar leda me ɗan girma.

Tana ganin Alhaji Mustafan ta washe baki tana faɗin; "sannu da zuwa Alhaji", ya shafa kanshi tare da yin murmushi har kumatun shi ya lotsa yace; "sannu da ƙoƙari ya me jikin".

Kaɗan ya rage Nusram ta suma, lallai ma wannan wato canza kama yayi dan yazo ya yaudare su kenan?, "tabbas shine wannan", Kallon da suke mata yasa ta gane a fili tayi maganar.

Ummi tace; "waye kenan?", Nusram kuwa duk yadda gabanta ke faɗuwa be hana tace; "wato kazo ka yaudare mu ne ko?, shine har da yin shigar dattijai to Allah ya tona maka asiri", bin ta kawai suke da idanu.

Ganin hakan yasa ta cigaba da cewa; "to ai na gane ka, dan fuskarka bata canza ba sannan ɗabi'ar ka ma haka", Ummi tazo kusa da ita ta riƙe ta.

"Nusram ki dawo hayyacin ki, wannan fa shine mutumin daya taimake mu jiya ya kawo mu nan asibitin", Nusram ta kalli Ummi tace; "na sani mana Ummi ai ba yau ya saba ɗauko ni ba kwanaki ma haka ya kawo ni.har ƙofar gida sai dai ba mutumin arziƙi bane kamar yadda kike faɗa, wannan da kike gani mugu ne ɗan yankan kai ne".

Tofa! Nan zufa ta fara karyowa Alhaji Mustafa, cikin inda-inda yace; "karya take yi ni ban taɓa ganin ta ba sai jiya daga taimako", Ummi tace; "ina jin dai bata hayyacin ta ne bari na kira likita", ta ƙarasa tana ficewa da sauri.

Alhaji Mustafa ya kuma kallon yarinyar, Nusram ta balla mishi harara tace; "wallahi idan ma wayar ka kake so ka amsa ba zan taɓa baka ba har sai ka bani ribbom ɗina, me fuska biyu kawai, a wajen bikin da akayi kwana huɗu daya wuce kayi shigar yarinta amma anan kayi shigar tsofaffi".

Kafin Alhaji Mustafa yace wani abu likita da Ummi sun shigo dan haka yaja bakin shi yayi shiru, banda zare idanu babu abinda yake yi, likita ya dubata babu abinda yake damunta amma gudun kada Alhaji Mustafa yace be san aikin shi ba gashi ya san cewa babban mutum ne yasa yayi mata allurar barci.

"kada ki damu stress ne yayi mata yawa insha Allahu zata dawo dai-dai zuwa anjima", Ummi ta sauke ajiyar zuciya tace; "to likita angode sosai".

Bayan fitar likitan Alhaji Mustafa yace; "ni zan wuce dama na biyo na duba yadda jikinta yake ne, ga wasu kuɗin ko zaku nemi wani abin, yanzu zan bar ƙasar ne gabaki ɗaya Allah ya ƙara mata lafiya", Ummi ta amsa da "ameen", tana kuma me amsar kuɗin da ya miƙo mata.

"Alhaji a ƙara haƙuri dai, shirme ne irin na mara lafiya", Alhaji Mustafa yace; "babu komai Allah ya bata lafiya", daga haka ya fice daga ɗakin.

bayan fitar Alhaji Mustafan Ummi ta kira Aunty a waya ta faɗa mata cewa suna asibiti, Aunty tayi salati tana me faɗin gata nan zuwa yanzu Sulaiman zai kawo ta.

Ummi ta zubawa Nusram idanu lallai Allah kaɗai ya san wahalar da yarinyar nan tasha, abu kuma harda taɓin ƙwaƙwalwa.

Koda Aunty tazo kamar ta zubar da hawaye dan tausayi bayan Ummi ta gama bata labarin abinda ya faru, shi kanshi Sulaiman ɗin ya kai matuƙa wajen ɓacin rai.

"ki zauna dai Maman Nusreen wata rana sai kin kashe kanki da kuma yaranki, kada ki miƙe ki ƙwaci ƴancin ki", faɗar Aunty kenan.

Ummi ta miƙe tace; "ba haka ba Maman Adam haƙuri shine kan gaba kuma shine gimshiƙin zaman aure, bari naje gida na bar Kubra ita kaɗai babu kowa na san ba wanda zai kula da ita a gidan", Sulaiman ya miƙe yace; "muje tare Mama sai na rage miki hanya", tare suka fice yayinda suka bar Aunty a wajen Nusram ɗin.

Alhaji Mustafa kuwa koda ya dangana da motar shi, babu abinda yake sai sauke ajiyar zuciya, kada dai ace yarinyar nan ta san ainihin abinda yake aikatawa.

Magan-ganun ta babu abinda ya tsinta a ciki sai shirme wai ribbom da waya? Yaushe kuma akayi hakan?, ya kasa fahimtar inda ta dosa.

Can naga ya saki murmushi har kumatun shi ya lotsa, ya lumshe idanu yana ƙarara gasgata abinda zuciyar shi ke raya mishi🙄.

Ya girgiza kai yana me yin dariya, a fili yace; "lallai ta haɗu da Murad ne wajen ɗaurin auren su Alhaji Baballe".

Ya sauke ajiyar zuciya kafin yace; " *ABDUS-SAMAD ƊANA GUDA ƊAYA TILO, YAUSHE ZAKA DAWO GARE NI NE?*.




#LIKE
#SHARE
#COMMENT


*Babyn Abdul, Maman Meenal, Elham da Farouk*



*ƳAR MUTAN ZAZZAU*



♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*







*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*

📖📖41-42📖📖

Kwanan Nusram biyu a asibiti sannan aka sallameta, zuwa lokacin kuwa ta sami sauƙi sosai sai dai har lokacin gefen cikin ya kan mata ciwo lokaci zuwa lokaci, likitan kuwa yace kada ta damu zai dena a hankali.

Babu wanda yazo daga gida dan ya dubata, dama kuma bata saka rai ba, Aunty ce dama ita kullum sai tazo.

Babu yadda Ummi bata yi ba akan Nusram din ta bari Yaya Sulaiman yazo sai ya kaisu gida taƙi yarda, domin ita asibitin ya ishe ta dole hakan nan Ummi ta tattara musu kayan su, suka taho.

Me Keke Napep suka ɗauka shata har ƙofar gida, abin ban haushi suna dawowa maƙwabta suka fara leƙe, ita dama Nusram Kubra ta ɗauka suka shige gida.

Tana jiyo yadda mutane ke ƙananan magan-ganu suna dariya, wasu harda yiwa Ummi ya mai jiki, ta ɗauka da zuciya ɗaya ne ko kuwa ta sani ita dai Nusram taji ta amsa daga nan kuma ta shige bata ƙara jiyo su ba.

Ameera na zaune tayi sallama amma ko ɗago kai bata yi ta kalle ta ba, Mama Jummai dake bayi tayi wuf ta fito, ta kalli Nusram ta riƙe haɓa tace; "eh lallai Abdullahi yayi gaskiya ciki ne fa aka zubar gashi nan tayi haske kamar me jego".

Nusram ta bita da kallo kawai, Ummi na zuwa ta ja hannunta, ta kaita ƙofar ɗaki sannan ta buɗe mata ƙofar tace; "shiga ciki", Nusram tabi umarnin Mahaifiyar ta.

Kubra ta ajiye saman kujera sannan ta fara kakkabe ɗakin kafin ta ɗauko tsintsiya ta hau shara, Ummi kuwa ruwa ta ɗora saman murhu don suyi wanka.

Yana yi zafi Nusram ta juye ta fara yi ta sawa Ummi wani, ta fito daga wankan kenan Isa ya shigo, bata ko kalli inda yake ba.

Ya matso kusa da ita yace; "ya jiki?", ba tare da ta kalle shi ba tace; "da sauƙi", yace; "Allah ya ƙara lafiya ya kawo me amfani", bata amsa ba sai dai cigaba da tayi da abinda take yi wato shanya Soson wankanta a sama.

Ya kuma cewa; "Nusram ni duk abinda kika yi a hakan ina sonki, kada ki damu tunda dai an zubar da cikin kawai ki amince muyi auren mu", ta ɗan juyo ta kalle shi kan ta juya tayi tafiyar ta.

Isa cikin takaici ya bita da kallo, wato abinda ya faru da ita har shine take da damar jan aji ko?, ya yi murmushi mugunta yace; "zan riƙe ki ne a hannu na", shima ya juya ya fice.

A hankali komai ke tafiya haka ranaku ke kwaranyewa kamar ƙiftawar idanu, yau dai bikin Nusreen keda wata ɗaya yayin da bikin Atika yake da wata ɗaya babu kwana ɗaya.

Idan kaga Nusram a lokacin ta dawo yadda take babu wani abu dake damun ta, bata dai fita ko'ina saboda Baba ya hanata kai koda ace ma be hanata ba zata iya fita ba saboda tsegumin ƴan unguwa.

Bayan sunci abincin dare Nusram ta shafe Kubra da ruwan Addu'a sannan ta kwantar da ita, daga waje ta fara jiyo muryar Baba yana faman ƙwala mata kira.

Cikin hanzari ta ɗauki hijab ta saka sannan ta fito, yana tsaye a ƙofar ɗakin shi ya kalle ta sannan yace; "kira mini uwarki", sai da ta ɗan yi jim tukunna ta juya zuwa ɗakin nasu.

A zaune ta tarar da Ummi da alamu taji abinda Baba ya faɗa dan tana zuwa ta miƙe tace; "muje", Nusram ta juya kawai suka kuma ficewa.

Da sallama suka shiga ɗakin, Baba na zaune gefen shi kuma Isa ne sai Mama Jummai itama tana zaune a wajen.

Baba yace; "kin dai san kowa ya san meke faruwa a rayuwar ku ko, kuma tarbiya daidai gwargwado na baku amma da yake ance duk wanda ya hau motar kwaɗayi zai sauka a tashar wulaƙanci, gashi dai abinda kika gani ko ince kike kan gani".

"babu irin abinda bana yi muku a gidan nan babu rashin ci🙄 Babu rashin sha, amma kuka zama karuwan cikin gida kuma a gida na wannan ya ɗauka wannan ya ajiye na yanke shawara ta ƙarshe shine aurar daku, Alhaji Baballe yazo da Allah na haɗa shi ya amince zai aure ki ya rufa mana asiri, kowa ya sani babban mutum ne a Nigeria gabaki ɗaya, amma kika ɗebi ƙasa kika watsa mini a idanu abin ban haushi a daren da aka kaiki gidan mijin ki Nusram kwarto aka kamaki dashi, ya ɗirka miki ciki kuka je zubarwa yazo da matsala shine kuka kwana biyu a asibiti, ina faɗa miki wa'innan magan-ganun ne dan ki san cewa na san duk abinda kike aikatawa, Nusram Allah yayi miki baƙin jini ko kare be taɓa zuwa ƙofar gidan nan da sunan yana son ki ba, ga Ameera nan ƙanwarki ce amma ta fiki yawan samari, na kuma ƙoƙarta domin sauke nauyin da Allah ya ɗora mini naku amma kika aikata yadda kike so saboda ban isaba, Nusram ba zan yi miki baki ba amma kije yadda kika baƙanta mini kema zaki gani".

Izuwa yanzu kukan Nusram ya fara tsananta, jin abinda Mahaifin nata yace yasa ta ɗagowa tana girgiza kai, cikin kuka tace; "Baba kayi haƙuri kada kayi mini baki wallahi bana da masaniya akan duk abinda kake magana akai".

Baba yace; "ayya Nusram rayuwace fa gaki ga tanan, ni dai Allah ya gani nayi iya ƙoƙarina a kanki na ganin na sauke haƙƙin dake kanku, sannan magana ta biyu shine ɗazu ɗan uwanki Isa yazo mini da wani batu, yace shi ya yadda a duk yadda kike zai aure ki dan haka na saka ranar bikin ku nan da wata biyu".

Ummi ta miƙe tace; "a matsayina na Mahaifiyar Nusram ban amince ba, maganar da kake yi duka naji kuma bazan amince ba, kana magana akan haƙƙin yara daka sauke kai bakaji kunyar kanka ba, wanne haƙƙi nasu ka sauke ci ko shayarwa ko kuwa tufatarwa? Wallahi matuƙar ina numfashi ba zan taɓa bari ƴata ta auri wanda beda asali ba".

Duka ɗakin tsit yayi, abin mamaki yau Ummi da kanta take maida martani akan abinda ake mata a gidan, Mama Jummai ta kalli Baba ganin ba zai yi magana ba yasa tace; "au Abdullahi kana ji dan za'a rufawa ƴarta asiri shine take cewa bata amince ba wai har karuwa tana da damar da zata zaɓi miji".

Ummi ta kalli Mama Jummai tace; "me zai hana kuwa tunda har ɗan shege ma ya sami damar zaɓar mata ai ina ganin ba laifi bane dan karuwa ta zaɓi nata, da kike wannan maganar naga ke har sheda kike dashi gashi nan a gabanki, kuma kike tare mishi faɗa to wallahi babu wanda ya isa ya kuma takani ko ƴata a gidan nan".

Mama Jummai tace; "haka kika ce? To shima ya fasa auren nata", Ummi tace; "wannan kuma matsalarku ce", ta kama hannun Nusram zasu fice Baba ya dakatar dasu.

"dawo ki zauna kun gama naku nima yanzu zanyi nawa", Ummi ta dawo kamar yadda ya umarta ta xauna.

"na riga na gama magana aure tsakanin Isa da Nusram babu fashi, tunda ita bata da wanda zai aure ta", Nusram ta girgiza kai tace; "Baba kayi haƙuri ni bana son Isa dan Allah ka nemo wani amma ba Isa ba".

Baba yace; "to shikenan tunda baki son Isa sai ki kawo wanda kike so na baki nan da sati biyu idan baki kawo wanda kike so ba zan aura miki Isa nan da sati uku".

Ummi tace; "ko bata kawo wanda take so ba, ba zan bari ta auri Isa ba", Baba yace; "to idan kuwa har sati biyu ya cika bata kawo wanda take so ki tattara kayanki ki tafi Dabai".

Cikin dakewa Ummi tace; "na yarda zan tafi amma ka sani ko bayan bana nan ka aurar da Nusram wa Isa ba zan yafe ba", Baba ya juya ya kalli Nusram yace; "to auren Mahaifiyar ki a hannun ki yake idan kin so kada ki kawo wanda kike so", ya miƙe ya fice.

Isa cikin takaici ya miƙe yace; "ni na tabbata baki da wanda kike so, nine kika tsana kuma ki sani aure na dake babu fashi, ƙarin gargaɗi shine matuƙar kika shigo hannu na to wallahi sai na illata ki, ki sani sai ka fanshe duk wani wulaƙancin da kika yi mini".

Ummi ta riƙo hannun Nusram tace; "ta Allah ba taka ba", daga haka taja hannun Nusram suka fice.

Mama Jummai tana huci tace; "wallahi sai na wulaƙanta Maimuna da zuri'ar ta, gobe dole mu koma wajen Malam", Isa ya ciza yatsa sannan ya fice.

Baba ya tsaya a waje yana mamakin yau yadda Maimuna ta iya maida mishi da martani kuma a yadda ya sani tsaf zata iya rabuwa dashi, gashi suɓutar baki yasa shi yin katoɓara.

Shi kuwa ya zaiyi da rayuwar shi🙆 Allah yasa dai Nusram ta sami miji kan lokacin, idan ba haka ba to be san ya zai yi ba dan be shirya rabuwa da matar shi wacce itace rufin asirin shi ba.

Ummi kuwa koda suka koma ɗaki bata nuna wata damuwa ba, sai ma sakayau da take jin ranta da zuciyar ta tayi ashe haka mutum yake ji idan har ya maida martani na wani abu da ake mishi lallai ƴanci yana da daɗi.

Ta kalli Nusram wacce ta zuba mata idanu cike da fargaba, tayi mata murmushi tace; "ki kwanta mana kada wani abu ya dame ki", Nusram jiki har rawa yake yi wajen cika umarnin Mahaifiyar ta.

Ummi ma sallah tayi sannan ta kwanta, babu ko ɗar a cikin zuciyar ta, tabbatar ko yanzu ta koma Dabai bata da wata matsala domin kuwa tana da gatanta.

Nusram tayi shiru dama gashi dare ya tsala sosai, tunani ta faɗa na neman mafitar abinda ya tinkaro ta, yanzu ita a ina zata sami mijin aure🙆.

Ba zata taɓa yadda ta zama sanadin rabuwar iyayen ta ba, kai bama ita ba ta san Nusreen da Kubra ba zasu yafe mata ba idan ta zama silar gutsirewar auren nasu musamman Kubra wacce take halin buƙatar iyayen nata, gata dai a kwance shekara shida tana kwance babu ƙafa sai dai zama.

Ta tashi ta zauna tare da zuba uban tagumi yanzu ina zata saka ranta?, bata da mataimaki sai Allah kullum da abinda ke tinkarota.

"ina da ɓuƙatar ganin Nusreen dole, muyi magana da ita", to wacce waya kike dashi? Wayar ta tun ranar da aka kaita gidan Alhaji Baballe bata kuma sanin inda take ba.

Zumbur naga ta miƙe, wata jaka dake rataye ta fara zazzagewa cikin sa'a kuwa ta gano wayar data ajiye tun ranar bikin nasu.

Kamar wacce ke tsoron taɓawa ta ɗauko, addu'arta ɗaya Allah yasa babu password, tana dannawa hoton shi ya bayyana.

Kyakkyawan saurayi, me zubin fulani, jersey a jikin shi blue da ratsin fari, gashin kanshi a kwance ya jingina da kujerar da yake zaune idanun shi ya ɗan ƙara ware su da alama wani abu ya gani ko kuma style ne na ɗaukar hoto bata sani ba, murmushi ke kwance saman fuskar shi har sai da ƙananan haƙoranshi farare tas suka bayyan.

Ta kai hannu daidai kumatunshi daya lotsa ta shafa, bata san ta shagala da kallon shi ba, itama dai murmushin take yi kawai, tama manta da wata matsala dake gaban