You Cannot Download this book untill you login but you can read it .

---

Login Register

inda shima ya ɗauki matar shi suka wuce gida, sun fara tafiya Fadil yace; "Abdul me kenan?".

Bece komai ba, shima ganin hakan yasa yaja bakin shi yayi shiru, har suka shiga Estate ɗin babu wanda yace komai.

"dakata anan", cikin sauri Fadil ɗin yayi parking, Abdus-samad yayi ajiyar zuciya yace; "fito sai muyi magana", Fadil ya amsa da to yana fita.

Kan wasu kujeru suka ƙarasa suka zauna, wajen dama daga gani irin na hutawa ne, Abdus-samad ya dafe da kanshi.

Fadil yace; "ka kira ni kuma ba kace komai ba", Abdus samad yaja ajiyar zuciya sannan yace; "Fadil banda abinda zance maka ne yanzu, shawarar ka nake nema kaina gaba ɗaya ya kulle, kaga tun ɗazu First Love ke kirana amma na kasa ɗagawa saboda tension ɗin dana shiga", ya ƙarasa yana ɗago mishi wayar shi.

Fadil ya tsaya yana kallon shi, Abdus-samad ya cigaba da cewa; "ka dai ga duk abinda ya faru yanzu wace shawara zaka bani?".

Fadil yace; "to ni dai ban san me zance maka ba a halin yanzu, dan na san ko giyar wake ka sha ba zaka doshi su Abba kace wai an ɗaura maka aure ba, haka ma Mahaifiyar ka, wannan kam ba me yiwuwa bane idan kayi la'akari da tsarin gidan nan".

Abdus-samad yayi shiru yana nazari tabbas abinda ɗan uwan shi ya faɗa gaskiya ne, yanzu me zai yi kenan, ya dafe kanshi.

Shi ji yake ina ma ace Baba wuƙa ya samu ya caka mishi ko kuma marin shi ya dinga yi, wannan wane irin abu ne?🙄.

Haka dama ake auren ko kuwa nashi ne yazo a haka, yanzu waye zai tunkara da wannan auren?, Abban Nihal ko Abban Fadil?, taɓ babu ko ɗaya, First Love ya san abinda ba zai yiwu ba kenan, me zai ce mata yaja bawa Uba haƙauri akan kada ya aurar da ƴar shi, shi kuma ya aura mishi ko me?".

Fadil yace; "ina jin ina da shawara", da sauri Abdus-samad ya buɗe idanu, Fadil yace; "me zai hana ka faɗawa Malama, idan yaso sai ta riƙe yarinyar a matsayin ƴar aiki?".

Ya jima yana kallon Fadil ɗin kafin ya girgiza kai, "wannan ba zai yiwu ba, taya kake ganin Malama zata iya ɓoye baban al'amari kamar wannan?".

Fadil yace; "hakane kuma gaskiya, sannan Hajja zata iya matsawa abin da bincike, to ka kai ta wani gidan mana sai ka ɓoye ta".

"wannan ma bana ji hakan me yiwuwa ne, ka duba ka ga yanayin yarinyar tana buƙatar me ɗebe mata kewa wanda zasu ɗan dinga fira, idan na kaita gida na ajiye ita kaɗai ban yi mata adalci ba".

Fadil yace; "kai sai ka dinga zuwa", wani kallo Abdus-samad yayi mishi kafin ya ɗauke kai, "kaima ka san Firzt Love ba zata yarda da fita ta any how ba, dole ta dinga bincikar ina naje, ina jin tsoron ranar da zata gane cewa mace na ajiye a gida nake kula da ita, ka nemo wata shawarar".

Fadil ya miƙe yace; "to ni gaskiya banda wata shawarar, ko kuma zaka kaita wajen Fadila ne sai ta kasance a matsayin ƙawarta?".

Abdul yayi jim kafin yace; "Fadila da zata yi aure babu jimawa, dole idan tayi aure na samu wajen ajiye ta", Fadil yace; "hakane kuma ka san bikin Familyn nan ba wani jan shi suke yi ba".

Shiru ya biyo bayan haka, kowa tunanin da yake yi daban, sun jima a haka kafin Fadil yace; "to ka kaita wajen Aunty Saleema mana".

Sai da ya tsaya yayi nazari kafin yace; "kana ganin hakan zai yiwu kuwa", Fadil cikin ƙwarin gwiwa yace; "tabbas kuwa zai yiwu, Aunty Saleema nada sauƙin kai kaga kenan zaka sami sauƙin kula da ita, na san soyayyar da take yi maka zai sa ta kula da ita sosai kuma kaga bata da wata damuwa sosai", Abdul ya jinjina kai.

Wayar shi ya zaro ya kira Saleemar akan ta same shi Garden yana jiran ta, cikin ɗoki da murna ta amsa da gata nan zuwa, shi kanshi sai da yayi murmushi saboda yadda ta nuna murnarta a fili.

Anya ba kasada zai yi ba, idan kuma kishi yasa ta ƙi amsarta fa ko kuma ta tona mishi asiri fa?, wannan kam anya ba ganganci bane zai aikata🙄.


#LIKE
#SHARE
#COMMENTS.

*Babyn Abdul, Maman Meenal, Elham da Farouk*.


*ƳAR MUTAN ZAZZAU*.




♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*


*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*

📖📖53-54📖📖

Tunda ya hangota gaban shi ya yanke ya faɗi, kada fa garin neman mafita ya jefa kanshi a matsala idan kuma bata amince bafa ta faɗawa Abban ta.

Ƙarasowar ta shine abinda ya katse mishi tunani, cikin natsuwa tayi sallama suka amsa mata, da murmushi taja kujera ta zauna sannan ta kalle shi tace; "lafiya kuwa?".

Abdus-samad ya juya ya kalli Fadil wanda dama shi yake kallo, Fadil yayi saurin girgiza mishi kai, Abdus-samad ya maida kanshi ya lumshe idanu.

Shiru ya biyo baya, ganin ba zasu yi magana bane yasa Saleema riƙo hannun shi tace; "Abdus-samad ka faɗa mini meke faruwa mana, damuwarka ai tamu ce, kada ka manta bakada wanda zai yaye maka damuwarka bayan Ubangijin daya halicceka sama da mu, idan har akwai shi to bayan mu yake kada kaji komai ka faɗa mini abinda ke faruwa nayi maka alkwari zan taimakeka kuma zan rufa maka asiri".

Ya buɗe idanu ya kalleta, gaban shi babu abinda yake yi banda dukan uku-uku ga wasi-wasin ya faɗa mata ko kada ya faɗa mata, can ya girgiza kai baya jin wannan mafitar zata ɓulle mishi.

Fadil yayi gyaran murya, ta juya ɓangaren shi nan ya bata labarin iya abinda ya sani akan yadda aka ɗaura auren ɗan uwan nashi da yarinyar da haƙuri yaje bawa Babanta.

Saleema tayi murmushi bayan ta gama jin abinda ya faru ta maida kallonta kan Abdul wanda ita ya zubawa idanu yana so yaga yanayin yadda fuskarta zata yi.

"taɓ, yanzu me kuke so ayi?", ta tambaya, Fadil ya sosa kai yace; "dama wai cewa muka yi ko zaki kaita appartment ɗinku, sai kice ƙawarki ce kafin komai ya dai-daita".

Saleema taja ajiyar zuciya tace; "Abban Nihal ya dawo jiya, Abban mu kuma nan da kwana biyar zai dawo amma zan yi ƙoƙari naga ba'a sami matsala ba, yanzu tana ina?".

"tana mota", amsar da Fadil ya bata kenan, bata kuma cewa komai ba sai wajen motar data nufa ta ɗan ƙwanƙwasa, Nusram da har lokaci banda kuka babu abinda take yi ta saka hannu ta buɗe ƙofar.

Saleema ta sakar mata murmushi sannan tace; "fito ko?", babu musu ta fito a ranta tace; "gidan yankan kai harda mace?", bata samu amsar tambayar ta ba, Saleema ta riƙo hannun ta suka nufi inda su Abdul ke zaune.

Tunda suka taho Abdus-samad ya zuba mata idanu, gaban shi sai faɗuwa yake yi, suna zama Nusram ta ɗago ta kalle shi yayi saurin kauda kai yana zaro wayar dake aljihun shi wacce keta faman tsuwwa tun ɗazu, kamar yadda ya zata Brr Farida ke kiran shi.

"Hello First Love", bata amsa ba sai cewa da tayi; "haba Baby ina ka shiga ne?, me kake aikatawa haka ka san dai ban fiye son yawo ba jiya ma Surayya tace mini da wuri ka bar Company amma baka taho gida ba yauma haka".

Abdul yaja numfashi yace; "First Love bafa wani waje naje ba, ina........", tayi saurin dakatar dashi; "kaga niba wannan ba duk inda kake ka tabbatar ka iso gida nan da minti talatin", tana faɗin haka ta katse wayar, ya bi wayar da kallo yana sakin ajiyar zuciya.

Saleema tace; "abinda za'ayi shine ka tafi gida kawai insha Allahu babu me sani har zuwa lokacin da zaka faɗa musu, zan yi iya ƙoƙari na mu bar wajen nan kada wani yazo ya gan mu", duka suka miƙe itama hannun Nusram ta kama suka miƙe tare.

Ta ɗan saki hannun ta sannan ta juya ta sauka, Fadil ma fita yayi daga rumfar, ya kalle ta ya kauda kai me kenan? Wai su nan sun bar su suyi sallama, yayi wani miskilin murmushi.

Nusram kuwa gabanta ke faɗuwa kawai, Abdus-samad yace; "kinga zaki zauna da wannan da tazo na san zata yi miki bayanin komai ki kwantar da hankalin ki insha Allahu komai zai dai-daita, yanzu ba zan iya fitowa nace an ɗaura mini aure dake ba duk abinda kike buƙata ki mata magana", be jira me zata ce ba ya fara tafiya.

Nusram ta saka hannu ta share hawayen dake zubo mata daga idanu kafin ta fito itama daga wajen, a bakin mota ta same su, Fadil na fito mata da kayanta.

Saleema tace; "ya sunanta ne?", Abdus-samad ya ɗan kalle ta ya basar, maida hankalin shi yayi kan Fadil yace; "zan tafi sai da safe", Fadil yace; "baka ji abinda Aunty Saleema tace bane?".

Ya ɗan lumshe idanu shifa wannan auren har ya fara zama takura a gare shi,cike da ƙagara yace; "Nusram", yana faɗin haka ya buɗe mota ya shiga.

Saleema na riƙe da hannun Nusram tana murmushi har suka dena hango shi, Saleema tayi murmushi kafin ta kalli Fadil tace; "shigar mana da kayan", suna gaba yana bin su a baya.

Da sallama suka shiga Mommy dake karatun jarida ta ɗago ta kalle su, Dr Saleema taja Nusram suka zauna a kujera.

"wannan fa daga ina?" ta jefo mata tambaya, Dr Saleema tace; "ƙawata ce dake karatu a KASU bata sami Hostel ba shine ta roƙe ni akan tana so ta zauna anan na ɗan wani lokaci", Mommy ta jinjina kai tana ƙara bin Nusram da kallo.

Nusram sai sake saukar da kai ƙasa take yi, cikin dashashshiyar muryar ta gaishe da Mommyn, ta amsa babu yabo ba fallasa.

Dr Saleema tace; "muje ciki ki ɗan huta tukunna", daga haka ta miƙe itama Nusram ta bita a baya, kayan da Fadil ya shigar mata dashi Dr Saleema ta gyara musu wajen zama sannan ta kalli Nusram tace; "ga bayi nan ki shiga kiyi wanka sai kizo muyi magana", ta amsa da to.

Hijab ta cire, Dr Saleema gabanta ya faɗi ganin irin yadda Nusram take da kyau na halitta, lallai kwanan nan Abdus-samad zai fara sonta, towel ta miƙa mata cike da kunya Nusram ta cire kayan ta ta saka towel ɗin, ita dai Dr Saleema babu abinda take sai binta da idanu, "fatabarakallahu Ahsanal khaliƙeen", abinda Dr Saleema ke maimaitawa cikin ranta kenan.

Nusram ta jima a bayin tana kuka ganin yadda rayuwa take wulagegeduwa da ita, daga nan sai nan, sai da Dr Saleema taji shirun yayi yawa sannan ta ƙwanƙwasa bayin, cikin sauri Nusram ta fara wankan.

Koda ta fito wajen madubi ta nufa, mayuka da turarruka da kayan kwalliya duka ta gansu masu tsada da kyau duk da kasancewar ta me yin kwalliya kuma tana yawan binciken kayan kwalliya ta network amma sai da taga abinda bata sani ba.

Mai ta shafa da powder sai ɗan man baki, ko kwalli bata saka ba, wajen jakarta ta nufa ta zage ta ciro riga half gown da wando blue and pink ta saka, ba tare da ta ɗaura ɗankwalin ba ta ɗora shi saman kai kawai.

Kusa da Dr Saleema tazo ta zauna kafin tace; "na gama Aunty", Dr Saleema tayi murmushi tace; "kinga nan shine gidan mu ni da Babana da Mama na da kishiyar ta da kuma ƴan uwana, gidan da kike ciki gida ne me mutane da yawa saboda haka sai kinyi taka tsantsan, kasancewar kinga mun kusa Family meeting duk wani wanda yake da jinin gidan nan zai halarta dan haka ki ƙara kulawa, kamar yadda nace ke ƙawata ce to zaki zauna a matsayin ƙawata, kullum idan zan tafi wajen aiki zan tafi da ke idan na dawo ma zamu dawo tare kin fahimta".

Nusram ta ɗaga kai, Dr Saleema tayi murmushi tace; " na san zaki ce me yasa Abdus-samad be kaiki gidan su ba ya kawo ki nan, dalili kuwa shine kinga gidan nan gidane na ƴan boko duk wanda kika gani a ciki mace da namiji ko ɗalibi ko ma'aikaci, sannan namiji aƙalla yakan kai shekara talatin kafin a bar shi yayi aure mace kuma ashirin da bakwai zuwa da takwas har ma sama da haka dan haka wannan shine dalili, ina so ki ɗauke ni ƴar uwar ki duk wani abu da kike buƙata kizo ki tambaye ni insha Allahu zan yi ƙoƙari ganin baki zauna cikin damuwa ba, Abdus-samad nada mahimmaci a rayuwata saboda haka duk wani abu daya dangance shi ina mahimmanta shi kin fahimta".

Nusram ta kuma ɗaga kai, Dr Saleema ta ɗan kishingiɗa jikin couch tace; "yanzu ki bani labarin rayuwar ki", Nusram tayi murmushi me ciwo kafin ta fara bata labari.

Dr Saleema har da hawaye sai da ta yi, cikin shesheƙar kuka tace; "lallai duk wanda kuka haɗu dashi akwai dalilin haɗuwar ku, kuma ko a jima ko a daɗe zaka ga akwai wani abu wanda kuke kamanceceniya dashi, kin ganni Nusram shekaruna talatin da huɗu na kusa shiga talatin da biyar amma babu aure".

Nusram tace; "babu wanda ya taɓa cewa yana son ki ne kamar ni", Dr Saleema ta girgiza kai tace; " na samu samari lokacin da nake tashen ƴan matanci amma sanin halin gidan mu yasa dole na ɗauke kaina, a cikin su akwai wanda ya nace sosai har gidan nan sai da ya turo amma iyayena suka ci mishi mutunci dalilin haka mahaifan sa suka yi fushi suka ce ko a hanya ya kuma kulani basu yafe ba, na damu sosai amma haka na haƙura yanzu gashi da zama na likita shekara takwas kenan, Nusram kuɗi iya kuɗi ina dashi babu abinda nake nema, duk wani abu da kika sani ina da kuɗin siyan shi sai dai aure kawai".

Nusram ta kuma cewa; "toke yanzu baki da wanda kike so ne", Dr Saleema ta share hawaye tace; "ina dashi mana sai dai na sani cewa ba zai taɓa maido mini da soyayya ba, ni kaɗai kawai nake son shi, a da dai ina saka ran koda da idanun rahama zai kalle ni amma zuwa yau na tabbatar da yayi mini nisa Nusram ba zan taɓa samun shi ba".

Kafin Nusram tace wani abu Dr Saleema ta ƙwalawa Sakina ne aikin su kira, ta shigo cikin sauri.

"ki kawo mini abinci", abinda ta faɗa kena, Sakina ta amsa da to sannan ta fita, Dr Saleema ta miƙe ta fara cire kaya, ita dai Nusram tana ta binta da kallo har ta shige bayi.

Nusram tayi shiru tana mamakin rayuwar wannan baiwar Allah, ta sake ɗaga kai ta kalli ɗakin nata komai yaji dangane da alatu na rayuwar duniya, ta shafa gadon da take zaune a kai shi kanshi royal bed ne me tsada, ƙaton wardrobe wacce ta cike bango ɗaya, change room da kuma dressing mirror, wasu irin manya-manyan glass masu shape ɗin duniya sai me heart a tsakiya, cikin su wasu irin ruwa ne me ƙalƙali, ƙasa kuwa italian carpet ne me taushi da kyau, sai flower vase dake kusa da window guda biyu manya-manya, duka kuma ash and milk ne,

Tana nan zaune Sakina ta shigo da ƙaton tray a hannun ta, ƙaramin teburin dake jingine ta janyo ta ɗora tray ɗin sannan ta juya ta fice bayan ta yiwa Nusram sannu.

Dr Saleema ta fito ta kalli Nusram tace; "ya baki ci abincin ba", Nusram tayi murmushi tace; "jira nake ki fito sai muci tare", bata kuma cewa komai ba sai ma nufar madubi da tayi.

Nan fa ta hau ƙalƙale jiki, itama ba wata kwalliya tayi sosai ba, powder ne sai jan baki light pink da kwalli shikenan.

Ta buɗe wardrobe ta ciro rigar bacci me shegen kyau pink colour ta saka, nan ta hau feshe jiki da turare, kan kace me ɗakin ya hau ƙamshi.

Sai da ta dawo ta zauna sannan tace; "komai ma zai zo da sauƙi tunda dama kina karatun ki kinga da an koma makaranta sati biyu masu zuwa sai ki cigaba da karatun ki kawai, zuwa ƙarshen satin nan zamu je muyi registration", Nusram cikin farin ciki ta amsa da to, abinda ta cire rai akai.

Lafiyayyen tuwun shinkafa ne da biyar taushe, ba me yawa ba ta zuba musu suka hau ci, babu sabo a tsakanin su hakan ya haifar da yin shiru, suna gamawa suka wanke hannu.

Dr Saleema ta janyo laptop ta fara dannawa ganin hakan yasa Nusram zama ta zuba mata idanu.

Sun jima a haka kafin Dr Saleema tace; "kiyi shirin barci mana", cikin sauri Nusram ta miƙe, kayan barci ta ciro cikin jakar ta sannan ta hau sakawa.

Dr Saleema tayi mata kallo ɗaya ta kauda kai, wani abu ta danna sai ga plasma yana fitowa, Nusram ta ƙwalalo idanu, Dr Saleema ta miƙa mata remote ɗin tace; "gashi idan zaki rage dare", Nusram ta saka hannu ta amsa sannan ta koma ta zauna.

Tana zaune tana kallon kamar dole don ita ba wai ya dame ta bane, haka har barci ya ɗauke ta wanda bata san lokacin da hakan ya faru ba.

Dr Saleema ta kalleta tayi murmushi, ta ajiye Laptop ɗin ta matso gare ta, kallonta tayi sosai tana jinjina kyawunta waye za'a bawa mace kamar wannan yaƙi amsa tabbas Abdus-samad ta tabbatar yanzu yafi ƙarfinta, ta share hawayen da ya zubo mata kafin itama ta fara canza kaya zuwa na barci.

Kan couch ta kwanta har lokacin ranta a cunkushe yake, a yanzu kam tana jin cewa wata kila harta koma ga ubangijinta bata da rabon yin aure.

******** ************

koda ya bar gidan babu abinda yake yi banda tunani, Allah ne ya taimake shi har ya kai gida lafiya, yana yin parking suka haɗu da Sameer.

"kai kam zaka tashi office da wuri amma duk zamu riga ka isowa gida", cewar Sameer ɗin kenan, Abdus-samad yayi murmushi kawai.

Part ɗin shi ya fara wucewa, sai da ya shiga bayi yayi wanka kafin ya fito ya hau shiryawa, gaban madubi yaja ya tsaya hannun shi riƙe da comb, wai yau shine da mata!?, shi Abdus-samad Abubakar Nagimi?, ya sauke nannauyar ajiyar zuciya.

Turo ƙofar da akayi itace tasa ya kalli wajen, duk da sanin wacece ta shigo, kamar yadda ta zuba mishi idanu haka shima ya zuba mata idanu, tsoron shi ɗaya kada ace ta gane cewa an ɗaura mishi aure.

Dr Farida ta kauda kai tace; "idan ka gama shiryawa kazo kaci abinci", be amsa ba itama kuma bata tsaya jiran amsar tashi ba.

Tana daf da fita sai kuma ta juyo tace; "wai baka kuma magana akan yarinyar da aka harba ba a shopping mall?".

Ya ajiye comb ɗin hannun shi ya ɗauki kwalbar turare ya hau fesawa, har ta cire rai da zai yi magana sai kuma taji yace; "First Love komai yana faruwa saboda ɓoye mini abubuwa da yawa da kuke yi".

Cikin sauri ta kalle shi ya kauda kai yama cigaba da abinda yake yi, ta jima tsaye ko zai kuma cewa wani abu amma be kuma magana ba hakan yasa ta ɗaga ƙafa ta fara tafiya, wannan murɗaɗɗen hali irin na uban shi ne", abinda ke ranta kenan ita kanta duk da take lauya wani lokacin idan yayi magana a murɗe ta kan jima bata fahimta ba.

"ita ɗin ƴa ce ga Alhaji Mustapha Tuge", abinda ya faɗa kenan tana dafa da fita, Brr Farida gabanta ya yanke ya faɗi, cikin sauri ta juyo ta sake kallon shi kamar ma bashi yayi maganar ba.

Taja ajiyar numfashi tace; "Baby ita ɗin ta faɗa maka haka?, taya akayi ka sani ko ka sake binta asibitin ne?, kun haɗu dashi Alhaji Mustaphan?", duka ta jero mishi tambayar babu amsa ɗaya da ya bata hakan yasa ta fice kawai.

Abdus-samad ya bi bayanta da kallo tana ficewa ya saki ajiyar zuciya, ƙarar wayar shi itace ta dawo dashi daga duniyar tunanin daya faɗa.

Number ce babu suna hakan yasa be ɗaga ba, tana yankewa wata ta shigo itama tana yankewa wani kiran ya sake shigowa, ya saka hannu ya ɗauka ya kai kunne.

"Hi!", shine abinda ta faɗa, a gajarce shima yace; "barka", ta ɗan yi gyaran murya sannan tace; "ka gane me maganar".

Cikin ƙagara yace; "a'a wacece?", jin abinda ya faɗa yasa jikin ta yin sanyi, "Khausar ce", ta faɗa cikin sauri.

"oh ya gida?, fatan komai lafiya", ya tambaye ta, murmushi tayi kana tace; "lafiya lau, dama cewa nayi bari na kira mu gaisa", ya ɗan shafa gefen fuskar shi yace; "na gode" kan ta kuma magana ya yanke kiran.

Sororo ta tsaya hannun ta riƙe da wayar, Hajiya Salma data ji duk abinda ya fara ta taɓe baki tace; "wai ke qace irin wahalalliya ce?, bafa shi kaɗai bane namiji".

Khausar ta saki murmushi tace; "ni fa Mommy ina son shi kodan kama da yake yi da Daddy", ta ƙarasa tana me juyawa ta kalli Mahaifin nata.

Alhaji Mustapha kuwa banda zufa da take karyo mishi babu abinda yake yi. be iya cewa komai ba.

"Daddy ai ka ganshi kwanaki ko?, kana nan yazo gaishe dani a asibiti, wallahi da badan na san cewa nida Khalee kawai Mummy ta haifa ba da sai nace ɗan kane".

"Umm", shine abinda Alhaji Mustafan ya faɗa, Hajiya Salma ta ƙunshe dariya, Khausar zata kuma magana Hajiya Salma ta dakatar da ita.

"wai ke baki ga Mahaifin naki baya son surutu bane, gobe ƴar uwar ki zata dawo dan haka kije ki kwanta kin san dai isowar wuri zata yi", Khausar ta miƙe tana zumɓurar baki tayi ɗaki.

Hajiya Salma ta miƙe itama ta shige nata ɗakin, Alhaji Mustafa ya dafa kanshi da hannu biyu yana