You Cannot Download this book untill you login but you can read it .

---

Login Register

yasa itama bata kuma magana ba haka suka zauna tsayin minti goma sha biyar kowa yana ji da nashi miskilancin, dan kanshi ya miƙe ya fice, ita ma kuma bata ko kalli inda yake ba.

Yana fita ma ya fasa zuwa can ɗin dan haka ya nufi ɗakin Malama, har Abban Fadil ɗin ya fita.

Da kyar ya iya yin sallama ya shiga, ganin hakan itama Malamar tunda ta amsa mishi bata kuma cewa komai ba sai ma sallah data tayar.

Kan gadon ta kawai ya faɗa wanda yake tsaf-tsaf ya san aikin Fadila ne domin tare suke kwana da Malamar yana kwanciya babu jimawa barci yayi awon gaba dashi.

Malama tana idar da Sallah ta juyo tana kallon shi, cikin idanun ta babu abinda kake gani sai Ƙauna, tausayi da kuma bege, a hankali ta ƙarasa gaban shi tana kallon shi.

Hannu ta kai wanda har rawa yake yi ta shafa fuskar shi hawayen da ban san kona meye ba ya zubo daga idanun ta.

Baki take motsawa alamar addu'a take yi, sai da ta gama sannan ta shafa mishi tana cigaba da zubar da hawayen ta, tana gamawa ta tashi ta koma kan sallayar ta tana me ɗaga hannu sama tana addu'o'i hawaye na kuma zubowa wanda hakan zai nunar maka da tana cikin baƙin ciki.

Sai bayan azahar sannan ya farka, babu kowa a ɗakin hakan ya nuna mishi kenan Malama ta fita.

Ya sauko daga saman gadon ya shiga bayin ta yayi Alwala sannan ya fito, yana fitowa daga ɗakin Hajja na fitowa daga nata ɗakin.

Ta kalle shi cikin masifa tace; "ina raba ka da Malama da abinda ta haifa kana ƙara maƙale mata ko?, kana sane da cewa ba ita ta haifi Uban ka ba amma kabi duk ka shige mata, so kake yadda ta cinye ƴar ta kaima ta cinye ka?".

Ya juya cike da jin kunya domin kuwa Malama dake tsaye a wajen ya kuma san taji abinda Hajjar ta faɗa.

Malama cikin rawar murya tace; "Hajja me yasa kike faɗin haka ne taya uwa zata lashe kuruwar ƴar ta?, meyasa kike so ki raba ƴan uwan taka ne ki sani da Fiddausi da Baban Abdul Uban su ɗaya fa".

Hajja tace; "ai Uba kika ce ba Uwa da Uba ba sannan Baban Abdul ɗana ne Fiddausi kuwa ƴar ki ce wacce tsabar maita kike lashe kuwar ta dan haka ki tattara ki ƙyale mun jika dan yafi karfin ki".

Malama kasa cewa komai tayi dan haka ta shige ɗakin ta yayinda Abdul ya juya ya bar wajen da sauri.

*Fiddausi* shi kuwa ya jima yana jin wannan sunan, domin kuwa sunan Muhibba kenan, sannan Nihal ma sunan ta kenan sunan wata ne suka ci?.

Shi tunda yake be taɓa jin wannan sunan a wajen Mummyn shi ba, amma ya kan ɗan ji shi cikin Estate idan ya shigo wanda alama ya nuna ƴace ga Malama kuma ta rasu ne shekaru masu yawa.

Sai yamma sannan su Fadil suka dawo nan ya manta duk sauran damuwar shi ya dawo dai-dai.

Suna fitowa sanye da riga baƙa yayin da Abdul yasa wando fari, shi kuma Fadil ya saka baƙi sunyi kyau sosai idan ka gansu.

Sai dai duk da haka Abdul ya ɗara Fadil ɗin kyau, Saleema tayi sallama ta shigo jikin ta sanye da abaya baƙa tayi rolling da farin gyale.

Murmushi ɗauke a fuskar ta, Fadila da Husna da suka fito, suka kalli juna Fadila ta kwashe da dariya yayin da Husna ta ja tsaki.

"Yaya Abdul dan Allah mu tafi kawai", faɗar husna kenan cike da kishin ƴar uwar tata kuma yayar ta.

Saleema ta dubi Abdul tace; "fita zaku yi ne?", gira kawai ya ɗaga mata tayi murmushi tace; "da naga babu abinda zan yi ne shine nace bari nazo muyi fira amma tunda fita zaku yi shikenan bazan dakatar daku ba Allah ya kikaye hanya".

Abdul ya ɗan yi jim sannan yace; "ko dai zakije ne kinga sai muyi having fun tare?", Saleema ta ɗan yi dariya tace; "anya kuwa naga tafiyar ta yara ce amma tunda anyi mini tayi bana ƙi ba", da fadil da fadila suka kwashe da dariya saleemar na taya su.

Abdul kuwa kallon shi ya kai kan Husna yana sakin wani murmushi na rainin wayo, Husna kamar tayi kuka ta juya.

Fadil yace; "ya haka Husna kizo muje mana", cike da jin haushi tace; "ba zani ba na fasa", kan su ce wani abu ta shiga ɗakin Hajja.

Basu ƙara bi ta kanta ba suka yi waje, Abdul ke tuƙi a motar Saleemar yayin da Saleema ke gefen shi sai Fadil da Fadila a baya.

Ba wani fira suke ba dan Abdul ya maida hankalin shi kan tuƙi ne, ita kuma Saleema kacokan ta maida hankalin ta kan kallon shi, tana jin wani irin wuta ta ƙaunar shi kuma tane me fatan zamowa mata agare shi duk da tarin kunya da matsalar data hangowa a game da hakan.

Sun ɗan taɓa tafiya sannan ya juyo ya kalle ta yace; "Gamji get ko Peach palace?, wani irin abu taji daga kanta har zuwa ƙafafunta wanda yasa ta koma ta jingina da kujerar tana me lumshe idanu.

Tsinkayar muryar Fadila suka yi tana faɗin; "Abdul B mall Pls", ya juyo ya kalle ta sannan yace; "shikenan muje can ɗin kawai".

Yana tada motar ita kuma tana tsallako titin zata shiga unguwar su hakan yasa ya ɗan bangaje ta, da yake bangazar mota ne da mutum dan haka sai da ta faɗi kayan hannun ta suka zube.

Cikin sauri ya fito yana jan Innalillahi, suma su Fadil duk suka fito, kusa da ita ya ƙarasa yana taimaka mata wajen miƙewa.

Sai da ta miƙe tsaye sannan ya tsuguna yana tattaro mata kayan da suka zube sai dai abin ban haushi duk wasu sun fashe don taje kasuwa ne ta siyo, Flask, glass cup dinner set sai kuma plates na roba wanda Ummi ta bata kuɗi akan ta siyo mata.

Anyi sa'a dai dinner set ɗin da kayan robobin basu fashe ba amma flask da glass cup duk sun fashe.

Ya ɗauko dinner set ɗin da robobin ya zuba mata a ledar, ta ɗan ƙuje saman goshin ta sai kuma gwiwar hannun ta.

Sai da ya fara miƙa mata kayan sannan ya ga fuskar ta, gaban shi ya faɗi ganin yarinyar rannan wacce ya buge har ta nemi ta zage shi.

Itama Nusram gaban ta sai da ya faɗi sannan jikin ta ya ɗau rawa, ita kuwa bata son idanun wannan mutumin a kanta, ta kauda kai.

Abdul ya taɓe baki sannan yace; "kiyi haƙuri kuskure ne, ga wa'innan sauran kuma sun fashe".

"babu komai ai tsautsayi ne, na gode", ta faɗa in cool voice tana amsar kayan, mutanen dake wajen dai cece kuce suke yi.

Ya juya wajen Fadil yace; "akwai kuɗi a hannun ka?",Fadil ya girgiza kai yace; "babu wallahi Atm ne kawai".

Saleema da tausayin yarinyar ya kamata tayi saurin zaro kuɗi cikin jakarta dubu goma sha biyar ta miƙa ma Abdul akan ya bata.

Yayi murmushi yace; "thanks", sannan ya amsa ya miƙawa Nusram.

Nusram ta girgiza kai tace; "ba sai kun biyani ba tunda Allah yayi saiya fashe koba ta sanadiyar ku ba zai fashe ɗin".

Abdul ya damƙo hannun ta, wani yar suka ji gaba ɗaya hakan yasa ya kuma riƙe hannun, ita kuma da sauri ta ɗago ta kalle shi, kuɗin ya saka mata a tafin hannu sannan yace; "ba wai biyanki muka yi ba kya rage asara kiyi hakuri", daga haka ya saki hannun ta ya juya ya bar wajen.

Har suka tada motar suka tafi tana tsaye a wajen kamar statue sai da taga ɓacewar su sannan taja numfashi ta damƙe kuɗin ta juya ta fara tafiya itama jiki a sanyaye, mutanen wajen suna ta faɗin Allah ya kyauta amma ko samun damar amsa musu bata yi ba.


#LIKE
#SHARE
#COMMENT
#FOLLOW @ WATTPAD 13DEEJA
#VOTE

*ga tambaya yau dai ku amsa mini naga masu bibiyar buk ɗin nan*.

-waye yafi birge ki a cikin su kuma ki kawo dalilin da yasa yafi birge ki?.

-wacece a cikin ukun nan kike tunanin itace jarumar littafin *Saleema,Nusreen ko Nusram* sannan ki kawo dalilin ki?.

-shin ko zaki iya cankar meke saka Malama kuka? Kuma menene dalilin da yasa Brr Farida tafi son Abdul kan sauran yaranta?.

-wai meke tsakanin Brr Farida da Brr Hauwa da yasa basa zama waje ɗaya, kuma meke tsakanin Brr Farida da surukanta wanda yasa bata son yayan ta suje gidan musamman ma Abdul?.

-Wai waye a tunanin ki su Tuge suke son kaiwa gaban matsafin su domin su bada jinin shi?.

-zuwa yanzu wane darasi kika koya daga wannan littafin? Idan babu ko ɗaya shin kina ganin a nan gaba zaki dauki wani darasi a ciki?.

-ya kika ɗauki littafin a ranki?

*bari muga wa'inda ke bibiyar littafin, idan kun amsa mini a dadinku ya kai na cigaba da idan baku bani amsa ba na dakata da littafin*

*Babyn Abdul, Maman Elham, Farouk da Meenal*.


*ƳAR MUTAN ZAZZAU*.



♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*







*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*



*Zulaihat isma'il kamar yadda na alƙawaranta ga page ɗin ki ke ɗaya na gode sosai*

*Aunty oum deedat ina godiya sosai keda Aunty Ummee*.

*My Aunty Fatima mazadu barka da dawowa Allah ya kawo twins next time ya kuma raya mana baby*.

*ibnatu Baballe kinfi kowa son littafin nan kema na gode da kulawa*

📖📖17-18📖📖

Abin ya haɗe mata biyu ga yanayin da take ciki ga kuma dama sanyin da take dashi dan haka sai taga kamar an ƙarawa gidan nasu tsawo.

Tana shan kwanar lungun gidan su ta haɗu da Isa zai fito hannun shi riƙe da jaka, yana ganin ta ya washe baki, ita kuwa ta saukar da kanta ƙasa tana ƙoƙarin wucewa.

Ganin bata tanka ba ya gane Nusram ce dan haka ya ƙara washe baki sosai yana faɗin; "ƴar ƙanwa ta har an dawo", sosai mamaki ya kashe Nusram ganin ba haka suka saba ba a duk lokacin da suka haɗu hantara ce da tsana ke biyo baya.

"dama ina so muyi magana dake anjima fatan zaki tsaya ki saurare ni", ya katse mata tunani.

Kai kawai ta ɗaga mishi domin har yanzu tana jin hannun wannan mutumin a jikin ta ga yanayin daya saukar mata a jiki.

"yauwa ki same ni anjima bayan isha'i anan waje", nan ma dai ɗaga kai kawai tayi, daga haka ya wuce itama kuwa ta wuce.

Tana shiga ta tarar da Aziza da Ameera suna wanke-wanken kwanukan da suka yi talla yau gefe kuma sahura keta rizgar kuka.

Nusram ta matsa kusa da ita tace; "Sahura lafiya kuwa?", Sahura cikin zubar da hawaye tace; "Nusram har yanzu Idris be zo ba biko ni kuma na gaji da zaman gidan nan wallahi ina so na koma ɗaki na".

Sai da Nusram ta waiga taga babu kowa sannan taja Sahurar suka yi wajen famfo, ƙasa-ƙasa gudun kada a jiyo su tace; "Sahura ki faɗa mini ainihin abinda ya haɗaki da mijin ki".

Sahura ta ɗanyi shiru sannan tace; "Wallahi Nusram komai yana kawo mini ya ajiye to wani lokacin bana da kuɗin adashi shine sai na ɗauka na siyar ko kuma idan ina so na canza wani abin kamar shinkafa ko taliya tofa shine mamar shi ta faɗa mishi wai satar abinci nake mishi shine ya mini faɗa ni kuma naja tsaki shine ya tsinka mini mari ya koro ni gida".

Nusram ta ɗan yi jim sannan tace; "kinga Sahura ki yiwa kanki karatun ta natsu ki tsaya ki gyara gidan auren ki, ki san yadda rayuwar gidan nan take idan kuma ba tallan kike so ki sake komawa cikin shi ba to shikenan, kina ganin yadda har yanzu muke fama da rayuwa gashi nan Allah be kawo mana masoya ba da wuri dan haka ki tsaya ki yiwa mijin ki biyayya, ki bani number ɗin Idris ɗin zan neme shi gobe duk yadda muka yi zaki ji".

Sahura ta washe baki tana faɗin; "wallahi kinfi Nusreen hankali ke har Baba kinfi shi hankali, gashi nan ina so na koma ina tsoron na tunkare shi".

Nusram tayi murmushi har dimple ɗinta ya lotsa tace; "kai Sahura kece ai tun farko baki fada mishi gaskiya ba, ki bani zuwa gobe sai na neme shi kawai".

Sahura tace; "yanzu kuwa ƴar uwa Allah ya baki miji wanda yafi ɗan gote kuɗi muzo mu kwashi arziƙi", Nusram ta kwashe da dariya tace; "kada kiyi mini wannan fatan ai kuma sai abin ya shafe ku, kuna son gani na abu ya gagara ke dai bani kawai kada wani yazo ya gan mu tare, idan zakiyi mini addu'a kice ne Allah ya bani nagari".

Sahura ta janyo wayar ta Techno T345 ta nemo number ɗin shi da ƙyar sannan ta bata, ita kuma Nusram ta kwafe Number ɗin.

Tana miƙawa Sahura wayar ta Mama Jummai na fitowa daga ɗaki, ta kama baki tace; "au yanzu kuma abinda aka koma kenan? Kai ni Jummala ina ganin abu a gidan nan, ke kuma uwar me kike tare da wannan uwar matan?".

Sahura ta zumɓuro baki tace; "kai Mama wannan ai tsakanin mu ne ba sai kinji ba", Mama Jummai tace; "ni kike faɗawa haka wallahi idan baki baro wajen nan ba sai na kusa karya ki".

Ta ƙara zumɓurar baki tace; "ai shiyasa nake so na koma gidan miji na kona huta da matsalar ki, kinji Nusram sai gobe kawai duk yadda kuka yi ki neme ni".

Mama Jummai ta buga salati tana tafa hannu; "Sahura ba dai mijin ki kika bawa wannan ba? Sahura yaushe zakiyi hankali ki fahimci me sanki ne da wanda basu son ki, shikenan ta fitar mini da ƴa ita kuma tana so ta shiga gidan wallahi bari uban ku ya dawo sai na faɗa mishi".

Nusreen dake tsaye a ƙofar ɗaki dan hayaniyar Mama ta fito da ita taja tsaki tana faɗin; "me za'a yi da wannan me zubin ƴan daudun".

Nan Mama Jummai tayi kanta dama kamar jira take yi, ita dai Nusram ɗaki kawai ta shige domin bata da lokacin tsayawa shirmen su dsn yanzu abin ya dena bata tsoro ya koma bata dariya suyi ta abu kamar ƙananan yara.

Ummi dake tsaye bakin ƙofa Nusram tace; "Ummi dan Allah kizo ki zauna ki ƙyale wa'innan da suka koma kamar Annabi da kafiri".

Ummi ta shigo ɗakin ta tsaya kusa da ita tace; "Nusram faɗa mini gaskiya meya haɗa ki da Sahura kuma meta baki a wayar ta".

Nan Nusram ta kwashe komai ta faɗa mata, Ummi ta ɗan yi jim sannan tace; "eh to hakan ma abu ne me kyau amma baki tunanin wata matsalar ta biyo baya?".

"insha Allahu babu abinda zai biyo baya sai alkhairi", abinda Nusram ta faɗa kenan tana maida kallon ta kan Nusreen ɗin data shigo tana faman haki.

Ummi tace; "ke wai yaushe zakiyi hankali ne, wannan fa matsayin mu ɗaya da ita a wajen ku amma ke kullum baki da abokiyar faɗa sai ita".

Waje ta nema ta zauna tana faɗin; "zan dena ne Ummi, Ramluv muga kayan?", Nusram ɗin tayi banza da ita.

Nusreen ta taɓe baki, "nifa na shiga uku na manta nayi alƙawarin denawa yanzu sai na sake ladabi kenan", ta faɗa cikin ranta.

"wallahi Ramluv na manta da munyi alƙawarin na dena kuma ai kinga itace ta fara nema na da faɗa, kiyi haƙuri ba zan sake ba na miki alƙawari".

Nusram ta mata wani kallo sannan tace; "alƙawarin ki na banza Nusreen anjima nan karya shi zaki yi dan haka ki hutar da bakin ki kawai bana buƙata", daga hakan ta juya ta maida kallon ta kan Ummi sannan ta fara bata labarin abinda ya faru amma ce mata tayi kawai tazo tsallaka titi suka bugeta ta kuma ɗauko kuɗin ta nuna ma Ummin.

Ummi tace; "Allah sarki an gode sosai amma kuɗin yafi na kayan da kin sani ma baki amsa ba".

Nusram tace; "wallahi Ummi naso naƙi amsa amma yadda suka bani tasa dole na amsa", Ummi tayi ajiyar zuciya tace; "shikenan ai".

Nusreen tace; "yauwa Rimluv sai mu siyo cooler kawai dashi", Nusram tayi kamar bata ji ta ba, Ummi tace; "eh hakan yayi idan yaso gaba sai ku siyo flask ɗin".

Nusram tace; "shikenan Ummi yadda kika ce haka za'a yi", Ummi tace; "yauwa Allah yayi muku albarka amma cooler ɗin ki siyo ku biyu".

Nusram tayi murmushi tace; "Ummi cooler ta nawa-nawa kenan ki bari dai gaba idan na sami kuɗi na sayi tawa".

Haka Nusram ta ƙara yinin ta tana me share Nusreen ɗin, ita kuma Nusreen ɗin abin duk ya dame ta hakan yasa ta dinga aunawa Mama Jummai harara a ganin ta itace silar ɓatawar ta da ƴar uwar ta.

Da daddare suna zaune suna cin abinci, Baban nasu ya shigo kamar ko wane lokaci be amsa sannu da zuwan da Ummi da Nusram suke mishi ba.

Suna jiyo lokacin da Mama ke faɗa mishi ƙarya da gaskiya akan wai Nusram tana so ta ƙwacewa Sahurar miji.

Nan ya fara bambami tun daga ƙofar ɗakin nasu, yana faɗin; "ba'a nan gidan ba kina babbar banza har yanzu kin kasa fitar da miji yanzu kuma muguntar da zaku koma kenan?".

Nusreen ta cuno baki, yana ƙarasowa kusa dasu ya rarumi itace yayi kansu, Nusreen dai Allah ya taimake ta tayi ɗaki da gudu dan haka dukan akan Nusram aka sauke shi.

Babu wanda yace yayi haƙuri sai Sahura dake ƙoƙarin fahimtar da Baban ba haka bane, amma ina bema bi ta kanta ba, Isa ne daya shigo yayi kan Baban ya samu ya ƙwace itacen yana bashi haƙuri.

Tunda yaga Baban na duka ita kuma bata motsa ba ya tabbatar mishi da Nusreen ce, dan haka yaje ƙwatar ta.

Allah yasa beji mata ciwo ba sai dai duk jikin ta ya tashi, kuma ko ɗigon hawaye domin kuwa idan da sabo yanzu ta saba da dukan baban nasu.

Isa yace; "Baba kayi.mata haƙuri ba zata kuma ba, ke Nusram ki sako hijabi ki same ni a waje", bata amsa ba domin baƙin cikin dake cikin ranta.

Yana fita itama ta miƙe ta shige ɗaki domin zuwa lokacin Nusreen ɗin ta buɗe ƙofar tabbatar da cewa Baban ya fita zuwa lokacin.

Nusreen na ganin Nusram tace; "Ramluv ki dena tsayawa Baba na dukan ki", wata irin tsawa ta daka mata sosai Nusreen ta tsorata dan haka ta ja baya.

"idan ma ya kashe ni ina ruwan ki, ko kina da asara ne?", Nusreen kam ta kasa magana sai dai binta da idanu dan ta san tana misbehave zata iya jibguwa a hannun ta dan idan tayi zuciya babu kyau.

Nusram taja tsaki sannan ta ɗauki hijab ta fice, Mama Jummai na zaune tana guɗa tana kuma sakin habaici.

Nusram ta matsa kusa da Ummi tace; "Ummi zan je kiran Isa ba zan daɗe ba zan dawo", Ummi ta ɗaga mata kai kawai, ita kuma ta juya ta fice.

A saman dakali ta same shi zaune, jiki na rawa ya miƙe yana bata wuri ta zauna, Nusram dai abin har mamaki yake bata.

Sun ɗan jima a haka yana kame-kame kafin yace; "abinda yasa na kira ki shine, kinga wannan dukan da Baba yake miki bana jin daɗin shi kwata-kwata shi yasa na yanke wani hukunci akan mu ni da ke, kinga dama banyi aure ba kema kuma kina zaune bakiyi aure ba shine nace me zai hana mu auri juna kawai".

Wani irin bugawa zuciyar ta tayi bata taɓa kawo haka ba idan tayi la'akari da yadda yake ɗaya daga cikin maƙiyan su na cikin gidan, cikin kiɗima da tashin hankali tace; "me kace Isa ban fahimta ba?".

Yace; "ina nufin mu dai-dai ta kanmu kawai ki amince mini naje da maganar gaban Baba akan cewa mun dai-daita juna a ɗaura mana aure hankali kwance na san Baba ma zai yi farin ciki sosai domin hakan kamar taimakon juna ne".

Wani irin gumi ne ya karyo mata tasa hannu ta share, miyan da zata haɗiya ma.ya gagare ta, gaba ɗaya ƙwaƙwalwar ta bata aiki hakan yasa kawai ta lumshe idanu tana me karanto duk addu'ar da tazo ranta.

Can wata dabara ta faɗo mata rai dan haka ta kalle shi tace; "Isa ka bari naje nayi tunani a kai", ya jinjina kai yace; "shikenan na baki wannan damar amma ki sani idan har kika sake kika ƙi amince mini wallahi sai na faɗawa Baba cewa mun amince da juna sannan kuma in aure ki in gallazawa rayuwar ki sai kin gwammaci zaman ki a nan gidan dan haka kada ki sake ki ƙauracewa magana ta".

Nusram ta girgiza kai hawaye ya zubo mata tace; "dan Allah Isa ka bari na san abinda zan yi akai", Isa ya ɗaga kafaɗa yace; wannan kuma ruwan ki ne?", yana gama faɗin hakan ya wuce ya barta a wajen.

Ta saka hannu ta share hawayen daya zubo mata sannan ta juya domin shiga gida.

Cikin sauri Naufal yace; "Nusreen", jin sunan yasa taja tsaya, juyowa tayi tana kallon su, mutane biyu ne a tsaye kasancewar da hasken farin wata kuma suna cikin hasken yasa ta hango su sai dai basa kusa hakan yasa bata gane ko wasu waye ba.

Jiki a sanyaye ta ƙarasa kusa dasu, ta bisu da kallo Nuafal yace; "sannun ki ko?", ta kalle shi sannan ta kalli wanda ke gefen shi gani take kamar ta taɓa ganin fuskar amma ta manta waye.

"yauwa sannu", Naufal ya kuma cewa; "dama muna neman wanda zai kira ki ne ashe kece ma a nan waje".

Cikin tsananin kisha Shureim yace; "fisabilillahi haka muka yi dake? ni ina can na kasa samun sukuni saboda zullumin amsar da zaki bani amma ke kina nan kina rayuwar ki tare da wani na wai ya kike so nayi ne?".

Naufal ya galla mishi harara domin tunda suka fahimci itace Shureim ɗin yaso yaje ya yiwa saurayin nata rashin mutunci ya hanashi kuma ko yanzu sai da yace; "idan tazo kada yayi mata maganar".

Nusram tayi murmushi domin sai yanzu ta fahimci waye domin kuwa Nusreen ta faɗa mata yadda suka yi, tace; "ya jikin Mama