You Cannot Download this book untill you login but you can read it .

---

Login Register

sosai.

Babu yadda Safeena bata yi da ita akan ta tsaya ta ɗaura mata ɗan kwalin ba amma taƙi, dan haka gyale fari ta yane kanta dashi zuwa kafaɗar ta kawai.

Tana zaune tana kallon Nusreen yadda take ta sakin murmushi cikin farin ciki da annashuwa.

Nusram ta miƙe tsaye sannan ta ɗauki ɗan ƙaramin memo wanda ke ajiye saman cabinet ɗin su, ta zame ta fice.

Jan gyalen tayi ta rufe rabin fuskar ta hakan yasa har ta gifta Ummi da Aunty wainda ke tsaye suma sanye da shaddar duka kala ɗaya da tasu basu lura da ita ba.

Koda ta fito ƙofar gida babu kowa domin kuwa duk suna masallacin dake gaban gidan kaɗan inda anan ne za'a ɗaura auren.

Haka kawai zuciyar ta ke zafi dan haka ta yanke shawarar fitowa ta dan miƙe ƙafa domin ta ɗan sha iska.

A hankali take tafiya hawaye na zubowa daga idanun ta, yanzu shikenan ta san cewa ba zata taɓa farin ciki a rayuwar ta ba kamar mahaifiyar ta ƙila gwara Ummi ma domin ƙila tana amarya ta ɗan ji daɗi.

Abdus-samad dake sanye da shadda kalar ruwan toka yayi kyau sosai duk da be cika wannan shigar ba, tare suka zo da Fadil domin halartar ɗaurin auren saboda Shureim.

Jin hayaniya tayi yawa yasa ya fito daga masallacin domin ya sha iska, yana tsaye yana danna waya ta bullo hanyar.

Jin ƙamshi me daɗi da sanyi yasa Abdus-samad ɗagowa ya kalle ta, ganin wannan yarinyar ce yasa gaban shi faduwa, ya tsura mata idanu.

Tayi baƙi ta rame yabi ta da kallo tun daga sama har ƙasa tayi kyau sosai sai dai kuka take kuma hankalin ta baya kan inda take tafiya.

Ba lallai ka lura da kukan da take yi ba idan ba ka lura sosai ba, tana zuwa daf dashi ta ɗan bigi hannun shi wayar ta faɗi.

Sai lokacin hankalin ta ya dawo jikin ta, cikin sauri ta tsugunna domin ɗauƙo wayar, a tare suka miƙa hannu domin ɗauƙo wayar. Da sauri ya janye hannun shi ta ɗauka, tana ƙoƙarin miƙewa gyalen kanta ya zame gashin ta ya bayyana wanda yake dogo ga baƙi ga santsi wanda kuma ya sha gyara da mayuka me kyau da ƙamshi.

Saura kaɗan Abdus-samad ya suma a wajen domin Allah yayi shi da son mace me gashi, baya manta lokacin yana yaro haka zai zaunar da First Love ɗin shi ya saka mata rigima akan zai mata tsifa yayi ta wasa da gashin.

Kan ya ankara har Nusram ta miƙe tana ƙoƙarin gyara gashin nata, Abdus-samad ya kai hannu ya ɗauko ribbom ɗin ta ya miƙe domin miƙa mata wanda itama Nusram din sai lokacin ta lura da ko waye.

Zaro idanu tayi jikin ta ya ɗauki rawa, da sauri ta fara ja da baya kafin ta juya da sauri, Abdus-samad yayi saurin binta domin amsar wayar shi ya kuma bata ribbom ɗin ta amma ina ko ƙeyar ta be gani ba.

Cikin sauri yake bin lungunan domin neman ta sai can ƙarshen lungun ya hango ta, tana tafe tana waige-waige kan ya ƙaraso ta fice daga lungun.

Tana isowa ƙofar gida ta samu jama'a cike alamu dai an gama daurin aure, Sahura ta tare ta tace; " Yaya Nusram ina kika shiga", da sauri Nusram ta juya ganin Abdus-samad ya kusa ƙarasowa inda take yasa taja hannun Sahurar suka shige cikin gidan.

Abdus-samad ganin ta shige gidan yasa yayi murmushi yana faɗin; "Nusram! Nice name".

Fadil ya ƙaraso wajen shi da sauri Abdus-samad ya saka ribbom ɗin cikin aljihun shi gudun kada Fadil ya gani.

"ina ka shiga ne ga Shureim.can da abokanan shi suna neman ka", Fadil ya faɗa, Abdul yace; "muje wajen nasu yanzu me zasu yi?".

"zasu shiga a gaisa da ƴan uwan amarya ne", Abdul yace; "ok to.muje wajen nasu", haka suka ɗunguma zuwa cikin gidan su Nusram ɗin.

Sun gaisa da jama'a an kuma ɗauki hotuna inda suka yi al'adar kaduna wato kiɗan ƙwarya nan abokanan ango suka cashe da kakanin amarya akayi wasa da dariya kafin suka bawa kakar su Nusreen ɗin kuɗin cin goro sannan suka fito ana ta sam barka.

Abdus-samad dai duk yadda ya baza idanu Allah be bashi sa'ar hango Nusram ɗin ba haka ya haƙura suka tafi.

Nusram kuwa suna shiga gidan ta saki hannun Sahurar sannan tayi nasu ɗakin, anan ta tarar dasu Ummi ana ta guɗa ana faɗin; "an ɗaura".

Zuciyar Nusram kamar ta faɗo ƙasa tsabar takaici, tana shiga wata cikin abokan wasan su tazo ta turare ta hau fesa mata, Nusram ɗin ta saki kuka sannan tayi cikin ɗaki.

Tana shiga taji ana sanar da shigowar su Shureim ɗin dan haka ta koma gefen katifa ta zauna tana me sauke ajiyar zuciya tana kallon su Nusreen suna leƙe ta window amma ta ita ta kasa leƙawa har suka fita.

Babu jimawa aka sanar da shigowar Alhaji Baballen tare da nashi tawagar, nan suma aka yi wasa da dariya inda ya bawa kakannin Nusram ɗin maƙudan kuɗi na cin goro nan fa waje ya ɗauki shewa da guɗa.

Anan wasu suka ƙara jinjina kuɗin na Alhaji Baballe inda Baba keta washe baki shi a dole ga sirikin me kuɗi.

Abdul dake ƙoƙarin shiga mota yaji an riƙo mishi hannu, da sauri ya kalli wanda ya riƙo shin.

Cikin tsananin mamaki yake kallon shi ya kalli inda Fadil yake yaga hankalin shi yana kan abokan ango.

Cikin mamaki ya nuna shi, da sauri yaja hannun shi ya bar wajen dashi, sai da suka isa inda babu mutane sannan ya sake shi, Abdus-samad yace; "waye kai".

Alhaji Mustapha yayi murmushi yace; "Ka tambayi Brr Farida kace waye Mustapha Tuge a wajen ka?, ka sani koda baka tare dani ni ina tare da kai idan kaje ka tambaye ta", daga haka ya bar wajen.

Abdus-samad ya daɗe be motsa daga wajen ba, ya ja ajiyar zuciya sannan ya koma inda motar shi take har lokacin Fadil yana tare da Angon dan haka ya danna mishi horn cikin sauri ya taho dan ya san kaɗan ga aikin shi ya tafi ya barshi.

Koda yazo sai da yaja tsaki sannan yaja motar suka tafi.

Bayan sallar isha'i aka fara cewa amare su fito nan fa idanun amaren ya fara raina fata, Nusram da Nusreen suka rungume juna suna kuka me tsanani.

Sai da suka saka mutane da yawa a wajen kuka, kafin a samu a raba su, an kaisu wajen Ummi inda suka yi musu nasiha sosai da sosai suna zubar da hawaye suka rabu Ummi tana saka musu albarka da yi musu addu'ar tafiya a sa'a.

An kaisu wajen Mama Jummai wanda babu abinda ta dinga faɗa banda habaici, Baba ma dai cewa yayi idan sun zauna kansu idan basu zauna ba to sai dai su nemi wani uban ba dai shi ba.

Nan aka saka kowacce a mota domin tafiya dasu zuwa gidajen su, nan fa mutane suka rabu gida biyu wasu suka tafi raka Nusreen wasu kuma Nusram.

Aunty tace; "Nusram ki shiga da ƙafar dama", haka ta shiga da kafar dama tana me addu'a, duk da gabanta dake faɗuwa.

Gida fa ya haɗu sosai da sosai dan faɗan kyawun shi ɓata lokaci ne, kowa sai yaba kyawun gidan yake yi.

Amma Nusram ita kyawun gida bashi ya dame ta ba, sai ma zazzaɓi daya rufe ta, babu jimawa ƴan kawo amarya suka gama abinda zasu yi sannan suka tafi, suka bar amarya daga ita sai halin ta.


#LIKE
#SHARE
#COMMENTS

*Babyn Abdul, Maman Meenal, Elham da Farouk*.


*ƳAR MUTAN ZAZZAU*


♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*







*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*


*yau kam kamar na zubar da hawaye saboda comments ɗin ku naji daɗi sosai Allah ya bar ƙauna.

*godiya gare ku ABDUS-SAMAD FANS CLUB, naji dadin comments ɗin ku, ku sani ina son ku sosai akan san ku zan iya shanye maltina gwangwani biyu😁*.

*Innalillahi wa'inna ilaihirraji'uun, haƙiƙa wannan jarabta ce da Allah ya saukar miki Zulaihat Ubangiji Allah yasa ayi aikin cikin nasara ya bata lafiya yasa ya zama kaffara, ya kuma ƙara muku juriya ya bata lada domin lallai cuta bata da daɗi*.

*ƴan uwa muna barar addu'ar ku za'a yiwa yarinyar ƴar uwarku a musulunci Zulaihat Isma'il aiki yanzu haka suna Asibiti a India dan tana fama da heart attack, dan haka muke roƙon ku taya mu da addu'a Allah yasa ayi a sa'a ameen*.

📖📖35-36📖📖


*HAYIN RIGASA, KADUNA*.

Abdul ya shiga get ɗin Estate ɗin sannan ya sami waje yayi parking motar, cikin sauri Fadil ya kalle shi yace; "me hakan ke nufi?" bece komai ba sai ma kifa kanshi da yayi akan steering motar.

Sanin cewa ba zai tanka mishi bane yasa Fadil buɗe motar ya fice, be jima sosai da fita ba Saleema ta ƙaraso wajen motar ta buɗe ta shiga.

A hankali ta dafa shi sannan tace; "kayi haƙuri, komai yayi zafi maganin shi Allah ka kaiwa Allah kukan ka shi zai share maka hawaye".

Ya ɗago yana kallon ta, tayi murmushi sannan tace; "damuwa da tashin hankali bata yiwa wannan kyakkyawar fuskar kyau, a koda yaushe murmushi da dariya sune suke ƙara ƙawata wannan fuskar me girma da kwarjini, shin ko kasan murmushin ka yana sanyaya zuciya nawa ne a gidan nan?, suna da yawa ciki kuwa harda tawa fatan za'a duba tamu zuciyar a dena shiga damuwa".

Wani sanyi yaji yana ratsa zuciyar tashi, haƙiƙa iya magana ma wani abu ne lallai kam a cikin mata Saleema ta ciri tuta.

Ya saki murmushi sannan yace; "kai Aunty na ke ɗin ta dabance", itama tayi murmushi kan ta riƙo hannun shi tace; "kai ɗin wani ɓangare ne na rayuwata na sani cewa zuciya ta tana girmama abinda duk ya shafe ka".

Kan wani lokaci me tsayi sai ga Abdus-samad harda dariya, sai da Saleema ta tabbatar da bata bar Abdul cikin damuwa ko kaɗan ba sannan ta buɗe motar ta fice.

A hankali ya ja motar ya fice daga gidan, Husna taja tsaki tace; "katuwar banza ta ɓige a wajen ɗan cikin ta", sannan ta juya cikin gida cike da kishi.

Dr Saleema kuwa da batama san Husna nayi ba ganin ya bar gidan yasa ta koma cikin gidan su tana me jin daɗin yadda ta sami nasarar kawar wa da masoyin nata damuwar da yake ciki.

Koda ya isa gida duka ƴan uwan nashi suna falo, Fadila da Sumayya suka hau rige-rigen yi mishi sannu da zuwa, ya amsa musu duka yana ɗaga Adnan sama yana cillashi yayin da shi kuma Adnan ɗin ke yin dariya.

Dr Abubakar da Brr Farida da suke saukowa daga sama suna fira da dariya, Dr Abubakar yace; "kai lallai ma maza sauke mini autana kada ka faɗar dashi".

Brr Farida tayi dariya tace; "aikuwa dai Baby ba zai taɓa faɗar da Autan ka ba, sai dai ya ƙara kula dashi", Abdul yayi dariya har gefen kumatun shi ya lotsa yace; "dat's mah first love".

Dr Abubakar yace; "lallai ma wato shigar mishi kika yi kenan?", tace; "a'a fa ni ban shigar mishi ba", nan suka cigaba da firar su gwanin ban sha'awa.

A hankali Abdul ya zame ya shige nashi ɗakin, wayar Sumayya ya kira akan yana neman ta, babu jimawa ta ƙaraso hannun ta ɗauke da ƙaramin bowl me ɗauke da Fruit salad.

"Ya Abdus-samad gani", ta faɗa tana gyara tsayuwar ta dan ta fara gajiya, ya ƙara gyara ƙafar shi dake saman ƙaramin table din dake tsakiyar ɗakin.

Yana cigaba da danna laptop ɗin dake saman cinyar shi yana yi yana cin fruit salad ɗin, kamar ba zai amsa ba dan har ta cire rai da amsawar tashi sai kuma taji yace; "ranar nan firar me kuke yi ke da Yaya Tameer?".

Sumayya ta zaro idanu tace; "wallahi Yaya yace.....yac......yace kada na faɗ........kada na faɗ", kallon da yayi mata yasa tayi saurin haɗiye wani yawu.

"ki bani amsata kawai", ya faɗa yana cigaba da abinda yake yi, tace; "dama cewa yayi na shawo kan Mummy akan......akan.....aka......akan yarinyar da yake so ya au.....aura", ta ƙarasa tana jan numfashi.

Abdus-samad ya ɗago ya mata wani kallo sannan yace; "ke zaki mata maganar aure ko wato kin girma ko? Kema auren kike so kenan?", da sauri ta girgiza kai, cikin daka tsawa yace; "fita ki bani waje shashasha", har tana harɗewa wajen fita.

Sai da ta ganta a waje sannan tayi ajiyar zuciya kafin ta bawa bujen ta iska, Fadila dake kallo a falo ganin yadda Sumayyar ta shigo yasa itama ta ruɗe.

Nan ta hau tambayar ta abinda ya faru ba tare da ta bata amsa ba ta wuce ɗakin su, Surayya tayi murmushi tana girgiza kai.

"kada ki damu da wannan mashirmanciyar wata ƙila laifi ta yiwa Ya Abdul shi yasa ya tsoratata haka", Fadila banda ɗaga kai babu abinda take yi.

Koda aka yi kiran sallar la'asar ta ƙofar baya ya fice inda yaje yayi sallar shi sannan ya shigo ta ƙofar gaba.

Tun daga nesa ya hango su a tsaye da alama akwai abinda suke tattaunawa, ya ƙaraso wajen su da sallama, ya miƙawa Sameer hannu suka yi musabaha sannan ya kalli Fadila yace; "kinyi sallah ne?".

Ta girgiza kai da sauri, ya mata wani kallo babu shiri har tana harɗewa wajen barin wajen, Sameer na ƙwala mata kira amma ko juyowa bata yi ba, dan bata manta yadda Sumayya ta shigo ba ɗazu.

Sameer ya ɓalla mishi harara yace; "ka kore ta ko?", Abdul ya shafa gashin kanshi kan ya kalli Sameer ya taɓe fuska yace; "dan Allah yanzu me kuma nace ni", Sameer yayi dariya yana dukan kafaɗar Abdul ɗin.

Tameer daya shigo ya kalle su yace; "me kuke yi kuma anan?", Abdul yace; "firar auren ka muke yi Yaya", Tameer ya harare shi yace; "ina wasa da kai kenan?", Abdul ya shagwaɓe fuska.

Tameer yace; "maganar gaskiya na kasa tarar Mumny da maganar, wallahi", Abdul yace; "shikenan sai ka zauna a matsayin gauron ka", Tameer ya riƙo shi yace; "dan Allah mana, ka faɗa mata", yace; "me zance".

Tameer ya sosa kai yace; "ka gane yarinyar da nake so ne na tabbatar Mummy ba zata amince ba, ƴar wani ma'aikaci ne a company ɗin mu, kuma kasan halin Mummy tafi son ƴar me kuɗi".

Abdul ya ɗaga kafaɗa yace; "taɓ ai ra'ayi ne me sunan shi da sunan ta?", Tameer ya kuma washe baki yace; "Sunan ta Bilkisu ƴar Malam Sunusi Ladan", Abdul yace; "shikenan zan gwada sa'a ta".

Tameer yace; "nama san zata amince dan inda kaine magana ta ƙare", Abdul yace; "to idan ta amince meye tukuici na?", Tameer yace; "baƙar motar ka", Abdul ya shafa kai yana murmushi.

Sameer kuwa dariya yayi ganin yadda ɗan uwan nashi ya sallama haka da wuri, Abdul na barin wajen Sameer ya janyo Tameer yace; "anya kuwa soyayyar da kake nunawa Abdus-samad yanzu ta gaske ce?".

Tameer yace; "har cikin raina da gaske nake a da ɗin ma ina tunanin shine matsalar rayuwata ne sai da naga na kusa rasa shi sannan na tabbatar da ina son shi sai dai maganar gaskiya har yanzu ina kishin shi", Sameer yayi murmushi.

"bari naje nayi sallah", daga nan Sameer ɗin ya fice shi kuma Tameer ɗin ya shige cikin gida domin kuwa shi yayi sallar shi dama.

Fadila tana zuwa ta tarar da Sumayya ta idar da sallah, cikin sauri ta shige bayi ta hau alwala, Sumayya ta kwashe da dariya domin ta san kome ya faru.

Ta san cewa Abdus-samad babu abinda ya tsana irin mutum me wasa da Sallah duk shirin da kuke yi idan har kana wasa da Sallah to lallai zai ci ƙaniyar ka ne.

Fadila ta fito daga bayi, ganin Sumayya na dariya yasa ta kwaɗa mata harara sannan ta tada kabbarar sallah sai da ta idar sannan ta bata labarin abinda ya faru.

Nan itama Sumayya ta bata nata labarin, lokacin Surayya ta shigo haka suka haɗu suka dinga yiwa juna dariya.

Surayya tace; "haba Aunty Fadila ina shekarun ku kusan ɗaya me yasa kike tsoron shi", Fadila ta galla mata harara sannan tace; "ke baki san wannan bane wani lokacin fuskar yara gare shi wani lokacin kuma babu wasa wallahi ban san lokacin dana bar wajen ba", suka kuma kwashewa da dariya.

A falo ya same su zaune Bayan Sallar isha'i, ya kalle su yace; "kun yi sallah ko?", duka suka amsa da eh, yace; "First love fa?", Surayya tace; "tana sama", be kuma magana ba ya nufi saman.

Da sallama ya shiga ɗakin, Dr Abubakar na zaune saman carpet inda Brr Farida ke gefen shi tana mishi fira, Abdus-samad yayi murmushi soyayyar dake tsakanin iyayen shi abin yana bashi mamaki kuma yana birge shi.

Brr Farida ta tashi ta riƙo hannun shi har suka zo suka zauna, Dr Abubakar cikin zolaya yace; "gaskiya na kusa fara kishi da kai, waye ma ya kawo ka a wannan lokacin da nake buƙatar kulawar mata ta".

Abdus-samad yasa hannu biyu ya rufe fuskar shi, a dole nan yaji kunya, Brr Farida ta kwantar da Abdus-samad saman ƙafar ta sannan ta harari Dr Abubakar ɗin cikin wasa tace; "ai shi koda yaushe nake kulawa dashi kaine ma kake da ƙaiyadajjen lokaci".

Dr Abubakar ya ciza yatsa yace; "wayyo Allah na zasu haɗe mini kai", su kam banda dariya babu abinda suke yi.

Abdus-samad ya gyara zaman shi sannan yace; "Daddy dama magana nazo muyi", Dr Abubakar yace; "akan me fa?".

"dama magana ce akan Yaya Sameer da Yaya Tameer sune suka samu wa'inda zasu aura shine suka ce a sanar maka".

Ya ɗan saci kallon Brr Farida idanu kawai ta zuba mishi ya kauda kai ya maida kan Dr Abubakar sannan yace;

"To shine nace bari a sanar da kai", Dr Abubakar yayi murmushi sannan yace; "ka kira mini su yanzu", Abdus-samad ya ɗauki wayar shi ya kira su duka wanda babu ɓata lokaci suka zo.

Dr Abubakar ya kalle su yace; "naji saƙon ku a wajen Abdus-samad kuma insha Allahu zan bibiya na kuma yi bincike akan gidajen nasu yanzu sai ku mini bayanin su waye?".

Sameer ya shafa kai sannan yace; "ni dai yarinyar da nake so ita ce Fadila", Dr Abubakar yace; "wace Fadilar?", Sameer yace; "Fadilar nan gidan".

Brr Farida ta zaro idanu cikin sauri tace; "ba zai taɓa yiwuwa ba da raina ba zaka janyo mini abin ɓacin rai ba wallahi tun wuri ka canza ba zan taɓa amincewa ba".

"me yasa kike hakane Farida?", da sauri Brr Farida ta miƙe tace; "dangin ka Dr dangin ka fa ba zai taɓa yiwuwa ba kaima ka sani ba zan taɓa amimcewa ba".

Dr Abubakar yace; "Farida ki tsaya ki duba wannan lamarin mana", ba dan ranta yaso ba ta koma ta zauna ta wurgawa Sameer harara.

Dr Abubakar yace; "naji naka saura kai kuma", Tameer yace; "Bilkisu ce ƴar gidan Sunusi Ladan".

Brr Farida ta miƙe cikin sauri tace; "wane Sunusin ba dai wannan talakan ba?", Tameer ya ɗaga kai cike da tsoron kada taƙi amincewa.

Ta girgiza kai sannan tace; "ni Farida Alƙali zaka ɗaukowa ƴar talaka wanda beda cin yau balle na gobe, ni talaka wallahi ba zai yiwu ba".

Duka suka bita da kallo cike da mamakin abinda take faɗa, duk tabi ta birkice lokaci kaɗan.

Dr Abubakar yace; "ku tashi ku tafi Allah yayi muku albarka", suka amsa da ameen jikin su duk a sanyaye.

Dr Abubakar ya kalli Abdus-samad yace; "kaima jeka mana", Abdus-samad cike da damuwa ya fice daga ɗakin.

Bayan fitar shi sannan Dr Abubakar ya miƙe ya riƙo hannun ta, kusa dashi ya zaunar da ita sannan ya cika kofi da ruwa ya miƙo mata, ta amsa ta shaye tass.

Ya matse hannun ta sannan yace; " haba My Brr ki dena irin wannan shifa komai a rayuwa yana zuwa ne dai-dai yadda ka ɗauka, ki daure ki rage ƙiyayyar da kike yiwa ƴan uwa na da kuma talaka".

Brr Farida ta zame hannun ta sannan tace; "Dr har kana tunanin zan manta ƙiyayyar da ƴan uwan ka suka nuna mini?, ko kuwa na manta abinda talaka yayi mini ya rabani da abar ƙauna ta ƙawata aminiya ta wacce nake matuƙar ƙaunar ta".

Dr Abubakar yace; "Assha! Be kamata ace kin riƙe abinda ya faru a baya ba a cikin ranki, ki sani su ɗin yan uwa na ne kuma ba zan taɓa canza su ba shin ke ba zaki ɗauke su a matsayin ƴan uwa ba, haba Farida ki dinga haƙuri mana babu fa abinda yake tabbata a rayuwa komai da kika gani wucewa yake yi kada ki riƙe abinda ya faru cikin ranki, sannan maganar talaka ina so ki fahimci wani abu a ciki talaka akwai mutumin kirki akwai wanda yake akasin haka, haka acikin masu kuɗi akwai mutumin kirki akwai akasin haka, sannan baki san me Allah ya shirya musu ba a rayuwa, ki saka musu Albarka a matsayin ki na mahaifiyar su sai suga haske a rayuwar auren nasu amma fushin da zaki yi dasu shine zai bawa maƙiyin su da kuma wanda yake ƙoƙaerin cutar dasu dama wajen aiwatar da nufin su".

Lallai magan-ganun na Dr Abubakar ya shige ta, cikin sanyin jiki tace; "shikenan Allah ya zaɓa abinda yafi alkhairi", Dr Abubakar yayi murmushi yace" yauwa ko ke fa".

Zata yi magana ya dakatar da ita yayinda yace; "tashi muje muci abinci", Brr Farida ta miƙe haka suka jero cikin farin ciki.