You Cannot Download this book untill you login but you can read it .

---

Login Register

♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*


*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*

*Fatima Janyau (Teeymer) Shadown mu, keda Fatima Umar Modibbo (Bloody na), ku sani nima ina sonku sosai kamar yadda kuke sona*


📖📖59-60📖📖

Ƙarar wayar shi shine yayi sanadiyar da ya fasa kai abincin bakin shi, ya zaro wayar daga aljihun shi ganin Brr Farida yasa gaban shi faɗuwa.

Miƙewa yayi cikin sauri sannan ya ɗaga, Brr Farida najin an ɗaga cikin tashin hankali tace; "Abdus-samad meye ya kaika gidan Alhaji Mustapha?? Me kake nema wanda banyi maka shi ba?? Me yasa baka gudun ɓacin rai na duk irin son da na nuna maka shine kake ƙoƙarin juya mini bay............", bata sami damar ƙarasawa ba saboda kukan daya kufce mata, cikin sauri ta katse kiran.

Idan hankalin Abdus-samad ya kai dubu to sai da ya tashi, sakato ya tsaya riƙe da waya a hannun shi, what! A dalilin shi First Love ke zubar da hawaye🙄 Lallai ya aikata laifi mafi girma a rayuwar shi.

Khausar dake tsaye bayan shi tayi saurin ƙarasowa kusa dashi, hannu ta kai ta riƙo nashi tace; "Abdul meya faru?".

"Dan Allah ki ƙyale ni", abinda ya sami damar faɗa kenan yana kuma ƙoƙarin zare hannun shi dake cikin nata.

Khausar ta kuma riƙe hannun gam tace; "Abdul dan Allah kada ka rabu dani, ka tsaya dan Allah.....", wata tsawa ya daka mata wacce ta saka da sauri ta janye daga inda yake.

Ya jefe ta da wani kallo kafin ya juya ya fice daga falon, dai-dai zai shiga motar shi Alhaji Mustapha ya shigo, kallo ɗaya Abdus-samad yayi mishi ya ɗauke kai.

A halin yanzu duk sai yaji ya tsani Alhaji Mustaphan da duk wani abu daya shafe shi, ba zai iya jure ganin abinda zai zama sanadiyar zubar hawayen Mahaifiyar shi ba.

Cikin sauri ya buɗe motar shi ya shige kana ya fice daga gidan cikin matuƙar tashin hankali.

Alhaji Mustapha ya bishi da kallo hankali tashe, meya same shi?, ko dai wani abu ne ya faru dashi?", menene silar shi zuwa gidan?".

Cikin sauri ya nufi hanyar da zata sada shi da cikin gidan shi amma hakan ya gagara, dan haka ya juyo ɗaya daga cikin securities ɗin shi ya kira.

"Muhsin ka tabbatar da cewa yaron da ya fita ya isa inda yake son zuwa cikin ƙoshin lafiya", abinda ya faɗa kenan kana ya juya ya shige gida.

Ɓangaren Khausar kuwa tana ganin fitar Abdul ɗin ta saki wani irin kuka me ban tausayi, ita kuwa ya zata yi da rayuwar ta kenan?", kamar wacce aka tsikara ta miƙe da gudu ta bar ɗakin.

Hajiya Salma dake zaune tana huci, duk abinda ya faru akan idanun ta ya faru, kwata-kwata sun kasa ida nufin su kan wannan yaron gaba ɗaya so yake ya zamar musu *RAINA KAMA*.

Duk wani buri nasu da suke dashi ba zai taɓa cika ba matuƙar wannan yaron yana raye a duniya lallai dole su san yadda zasu yi ya bar duniya.

Faɗowar Khausar jikin ta shine ya dawo da ita daga kogin tunanin da ta faɗa, Khausar cikin kuka tace; "Mummy soyayyar Abdul zata kashe ni".

Wannan maganar karaf a kunnen Alhaji Mustapha, saukar ta kuma dai-dai da saukar aradu ya jita, cikin sanyin jiki ya ƙaraso falon inda Hajiya Salma ke aikawa da Khausar ɗin harara.

"yauwa Alhaji gwara daka dawo, yarinyar nan kan wannan yaron so take ta kashe kanta", abinda Hajiya Salma ta faɗa kenan cikin jin haushi.

Alhaji Mustapha dake zare idanu kamar wanda yayiwa Sarki ƙarya cikin inda-inda yace; "ki barni da ita Hajiya sai na ɗauki mataki akan ta tukunna zata ƙyale yaron nan, Khausar wannan yaron ba sa'an auren ki bane, ki manta dashi da wata banzar soyayyar da kike yi mishi kinji".

Khausar ta cuno baki kana ta miƙe ta bar wajen, ita bata san me yasa iyayen nata suke ƙinta da Abdul ba, ita kuma tayi alƙawari akan soyayyar Abdus-samad babu gudu babu ja da baya.

Hajiya Salma ta miƙe ta bar falon cikin sauri, ita wallahi da be ci ba ji take kamar ta ɗora hannu a kai ta saki ihu ko zata sami sauƙin abinda taƙe ji a ranta.

Ta zaro wayar ta sannan ta kira Alhaji Sa'eed, yana ɗagawa tace; "Alhaji kaga wacan ɗan iskan yaron beci wannan abincin ba?".

Alhaji Sa'eed yayi wani ihu kana ya zunduma ashar yace; "Salma wasa kike yi mini ko?, kin san kuɗin dana kashe wajen samo wannan maganin ko kin san irin wahalar dana sha kan na samo wannan maganin?".

Jin shiru ya kuma hasala shi, cikin ɗaga murya yace; "sai da naje har ƙasar India, a Kashmir na sami bokan daya bani wannan maganin, da ƙafa na hau saman dutse me ƙanƙara, ya bani tabbacin mutuwar Abdus-samad wanda ba zata bar alamar komai ba, zai yi hauka kafin nan ya mutu mutuwar wulaƙanci, na yarda dake na ɗauki maganin na baki ga dama ta samu amma kika bari har ya tafi be ci wannan maganin ba?".

Salma tayi huci tace; "wallahi komai ya tafi dai-dai bansan ɗan iskan yaron nan meya tuna ba wanda ya hana shi kai abincin nan bakin shi".

Alhaji Sa'eed yace; "duk yadda za'a yi ki tabbatar da cewa yaci wannan abincin idan ba haka sharrin da zai biyo baya ban san nima wane kala ba ne", daga haka ya katse wayar.

Hajiya Salma ta zuba uban tagumi yanzu ita yaya zata yi ta janyo Abdus-samad ɗin har yaci wannan abincin?, tunawa da bata kwashe abincin ba a wajen yasa ta miƙe zumbur.

Ɓangaren Alhaji Mustapha kuwa jiki a sanyaye ya wuce nashi ɗakin, zarya ya fara yi tsakanin falo zuwa bedroom ɗin shi, lallai dole ya ɗauki mataki idan ba haka ba kwaɓar shi zata yi ruwa.

Hannu ya ɗaga sama yace; "ya Allah duk da na san cewa ni me laifi ne amma ina roƙon ka daka kawo mini mafita da gaggawa".

Wayar shi ya ciro ya fara kiran Brr Jabeer, bata jima tana ringing ba Brr Jabeer ya ɗaga.

"Alhaji dama ina so mu haɗu domin magana akan takardun wannan companyn naka na garin jos".

Alhaji Mustapha ya tare shi; "dakata Brr ba wannan yasa na kira ba, Brr asirina yana daf da tonowa, Khausar da gaske son Abdus-samad take yi, na rasa ina zan saka kaina".

Brr Jabeer ya ɗan yi jim kana yace; "Alhaji Mustapha lokaci yayi daya kamata ka fito ka shaidawa duniya cewa Abdus-samad ɗan ka ne koda Brr Farida taso ko bata so ba".

Alhaji Mustapha yace; "wannan ba zai taɓa yiwuwa ba, Brr nafi so wannan maganar ta cigaba da kasancewa sirri sama da bayyanar ta domin idan ta bayyana tofa tawa ta ƙare".

Brr Jabeer yace; "Alhaji Babu fa abinda yake kasancewa sirri har abada dole watan wata rana Abdus-samad ya san gaskiyar abinda ya faru".

"bayan mutuwa ta ko?, da wane idanu kake so na kalli yaron nan idan gaskiyar lamari ya fito wallahi bana da wannan ƙarfin halin, dan haka ka canza shawara kawai".

"to shikenan Alhaji duk yadda kayi ma ai dai dai ne domin kuwa banda shawarar data wuce wacce na baka, sai anjima zan shigo insha Allahu".

Daga haka ya katse wayar, Alhaji Mustapha dai shiru yayi yana nazari kan wannan lamarin dake neman dagula mishi lissafi.

******* ********
*HAYIN RIGASA, KADUNA*

Yau saura kwana biyu a gudanar da meeting ɗin iyalin na wannan gidan wanda yayi dai-dai da kwanan Nusram takwas a gidan.

Zuwa wannan lokacin Nusram ta saba da ƴan gidan sosai musamman ma Dr Saleema wacce bata barin ta cikin kaɗaici sannan ga Muhibba da kuma Fadila wa'inda suka bi suka liƙe mata.

Duk yadda Nusram taso kaucewa Kabeer da Kamal abin ya faskara domin da zarar sun zauna ita da Muhibba a falo tofa suma zasu zo su zauna ga kallo da suke binta dashi.

Ɓangaren Nusram hankalinta ya kwanta sosai da sosai, sai dai har lokacin tunanin ta da zuciyar ta yana kan ƴan uwanta da mahaifiyar ta, sauƙin ta ma da yake yau suka je suka yi registration, wannan abu shine ya ƙara sauƙaƙa mata abinda yake damun ta domin ta san cewa idan har ta shiga makaranta zata samu damar ganin ƴar uwarta.

Abdus-samad kuwa rabon data ganshi tun ranar da yazo ya murɗe mata hannu, bata damu da rashin ganin shi ba domin Dr Saleema ta tsaya mata akan komai.

Gidan sosai ya kacame domin duk wani na nesa ya iso, na kusa kuma washe gari ake saka ran na kusa su iso suma, wannan dalilin yasa Nusram ja baya don tunda suka dawo daga asibiti bata leƙo falo ba domin komai taga na ƴan boko ne.

Dole Muhibba da Fadila suka biyo ta har ɗaki suna tambayar ta lafiya nan dai ta sanar dasu ita lafiyar ta lau, ita kuwa Dr Saleema bata ce mata komai ba dan itama ba hayaniyar ta cika so ba.

Ɓangaren Abdus-samad kuwa a gigice ya isa gida, ko gyara parking beyi ba ya afka cikin gidan.

A falo ya sami Brr Farida ƴaƴan ta kuma duka sun zagaye ta fuskar su ɗauke da damuwa.

Cikin sauri ya nufo inda take amma tsawar data daka mishi shine silar da ta saka ya dakata.

Ta ɗago fuskarta tayi ja alamun tasha kuka ta ƙoshi da hannu take nuna mishi hanyar waje.

Wannan karon kam har su Sameer sun tsorata da yanayin mahaifiyar tasu, "ba magana nake maka ba ka fita nace!!!!", ta sake faɗa da ƙarfi

Abdus-samad gaba ɗaya ruɗewa yayi ya rasa ina zai saka kanshi, shin fitar zai yi ko kuwa tsayawa zai yi.

Brr Farida ta miƙe a fusace tace; "tunda kai ba zaka fita ba ni bari na fita", jin hakan yasa da sauri Abdus-samad ya juya ya fice daga gidan.

Kan sitiyarin motar shi ya ɗora kanshi yana sakin ajiyar zuciya, idanun shi jajir saboda tashin hankali, be taɓa zaton ƙiyayyar da Mahaifiyar shi take yiwa Alhaji Mustapha ta kai haka ba.

Yanzu ina zai saka ranshi kenan?", wata zuciyar tace; "ka wuce Hayin Rigasa kawai", ya girgiza kai a fili yace; "babu inda zan je".

Shigowar motar Dr Abubakar itace ta saka shi sauke ajiyar zuciiya, cikin sauri ya fito, Dr Abubakar ɗin yayi saurin taro shi zuwa jikin shi ganin halin da yake ciki.

"Meya same ka?, baka da lafiya ne?", tambayar da Mahaifin nashi ya cillo mishi kenan.

Abdus-samad ya girgiza kai, cikin dasashshiyar murya yace; "Daddy First Love ce".

jin sunan da ya ambata ya saka hankalin Dr Abubakar tashi sosai a gigice yace; "meya same ta ne?".

Abdus-samad ya kwashe duk abinda ya faru ya sanar dashi, sai lokacin hankalin Dr Abubakar ya ɗan kwanta.

Ya riƙo hannun Abdus-samad yace; "Abdul Mahaifiyar ku tana ƙoƙari wajen inganta rayuwar ku ya kamata ace duk abinda ta nuna bata so to ku guje shi", ya ɗan yi mishi nasiha sannan yace su shiga ciki.

Babu kowa a falon don haka sama suka wuce ɗakin ta, Brr Farida dake jikin window tana kallon komai ta sauke ajiyar zuciya ta koma ta zauna saman gadon ta.

Ita da kanta tace ya bar gidan amma kuma zuciyar ta taƙi bata haɗin kai, ta gode Allah da mijin nata ya dawo dashi, bata so ta nunawa maƙiyanta ta gaza.

Sallamar da suka yi itace ta dawo da ota daga tunanin da take yi, kallo ɗaya tayi musu ta ɗauke kai.

Ta miƙe zata bar ɗakin Dr Abuɓakar yayi saurin riƙota, "Haba Brr kada ki kwashe ladan aikin da kika yi tsayin shekaru ashirin da bakwai mana".

"dan Allah First Love kiyi haƙuri, banyi tunani zuwana gidan Alhaji Mustapha zai ɓata miki rai har haka ba" , Brr Farida tayi shiru kamar bata ji shi ba.

Kusa da ita ya matsa ya ɗora kanshi saman kafar ta, bata kalle shi ba balle ya saka ran zata saurare shi, zuwa yanzu ya fara gazawa.

Cikin murya me rauni yace; "na san nayi laifi dan Allah ki yafe mini, idan baki yafe mini ba ban san inda zan saka raina ba", zata ture shi Dr Abubakar ya girgiza mata kai.

Cikin dauriya tace; "naji zan yafe maka amma da sharaɗin ba zaka kuma aikata wannan kuskuren ba, matuƙar ka kuma gigin zuwa inda Alhaji Mustapha yake to sai dai ka nemi wata uwar bani ba".

Ya ɗan yi jim yana kallon ta, a matuƙar tsorace yace; "First Love naji na amince amma dan Allah kada kiyi mini baki", ta ɗan yi murmushi tace; "ba zan yi maka baki ba Abdul ko dan soyayyar da nake yi maka, amma matuƙar ka cigaba da bibiyar Alhaji Mustapha tofa zamu raba hanya dan mutum ne dana tsane shi na tsani wanda ke son shi".

"to ki faɗa mini abinda ya shiga tsakanin ku har kike mishi wannan ƙiyayyar", kamar ya watsa mata wuta haka ta miƙe, idanun ta ya kaɗa yayi jajir, da hannu ta nuna shi tace; "ba sai kaji ba, na sha gargaɗin ka da cewa ka fita tsakani na da Alhaji Mustapha ba abinda ya shafe ka bane amma kana neman ka zama mara jin magana ko".

Ganin abin zai yi tsayi ne yasa Dr Abubakar jan hannun Abdul zuwa waje, "Abdul ka rufawa kanka asiri ka dena tambayar mahaifiyar ku menene tsakanin ta da Alhaji Mustapha idan ba haka ba zaka nemowa kanka bacin rai ne kawai".

Kan shi a ƙasa yace; "in Allah ya yarda Daddy ba zan kuma ba dan na lura abinda ke tsakanin su be shafe ni ba", Dr Abubakar ya jinjina mishi kai.

Abdus-samad cikin sanyin jiki ya juya ya bar wajen, Dr Abubakar ya bishi da kallo cikin tausayawa, rayuwar yaron tana cikin hatsari me girma gashi shi kanshi yaron be san menene takamaimai ainihin abinda ya janyo hakan ba, tun ba yanzu ba yake fama da matar tashi akan ta fito ta faɗawa yaron gaskiya amma hakan ya gagara.

kuka ya same ta tana ta faman yi, Dr Abubakar ya zauna kusa da ita ya riƙo hannun ta kana yace; "Brr Farida ya kamata ace zuwa yanzu kin zama jarumar da zaki dena zubar da hawayen ki akan Alhaji Mustapha, ki dinga daurewa idan ba haka ba zaki saka shakku a zuciyar yaran ki musamman Abdus-samad".

Brr Farida ta girgiza kai cikin kuka tace; "Alhaji Mustapha ya cuce ni, cutar da bazan taɓa yafe mishk ba, kuka kuma dole ne inyi ko dan rage raɗaɗin da zuciyata take yi mini".

Cikin tausayawa ya janyota zuwa jikin shi, yace; "Brr Farida ki zama jaruma sannan ki daure ki bari a sanar da Abdus-samad abinda ya shafi rayuwar shi idan ba haka ba zai cigaba da zama da maƙiyan shi kana kuma yana musu kallon masoyan shi".

Cikin kuka tace; "tsoro nake ji dakta, kada Abdul ya guje ni, kada hakan yayi sanadiyar rushewar farin cikin shi, kada na shiga jerin wa'inda zai dinga zargi, ba zan iya ba, a kullum idan naga farin ciki da ƙaunata a idanun shi ina jin farin ciki sosai bana so wa'innan abin so kuma ƙiyayya da kuma damuwa ba zan so abinda zai nisanta ni da ɗana ba".

#LIKE
#SHARE
#COMMENT

*Babyn Abdul, Maman Meenal, Elham da Farouk*.

*ƳAR MUTAN ZAZZAU*.




♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*


*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*

📖📖61-62📖📖

tunda ya bar ɗakin, part ɗinshi ya wuce kai tsaye, saman gadon shi ya faɗa, ya saki ajiyar zuciya me ƙarfi, be san meyasa ba sai yake jin kamar akwai wani abu da Mahaifiyar tashi bata so ya sani.

"zan barta har zuwa lokacin data faɗa mini da kanta", wannan shine abinda zuciyar shi take faɗa mishi.

Runtse idanu yayi ga gaban shi dake faɗuwa, gobe ne zasu tafi Hayin Rigasa be san me zai faru ba wajen taron.

Tashi yayi ya faɗa bayi, yayi wanka sannan yazo ya kwanta, ya san cewa rayuwar shi yanzu ta fara zama abin tausayi.

Brr Farida ta turo ƙofar a hankali ta shigo, ja tayi ta tsaya tana kallon shi, ɗakin babu haske sosai sai dai dim light daya kunna wacce ke gefen gado, da wannan ta sami damar ganin fuskar tashi.

Nannauyar ajiyar zuciya ta sauke kana ta matsa kusa dashi, tun daga saman kanshi ta shafa har zuwa fuskar shi, hawayen dake kwance gefen idanun ta suka zubo.

Ta haɗiye wani abu me ɗaci a maƙogoronta, bata so ta bata da kanta, bata so ace Alhaji Mustapha yaci nasara akanta, amma babu yadda zata yi tausayin abar ƙaunar nata ya hana ta nuna jarumta.

A nutse ta fara jero addu'o'i haka hawayen dake fuskarta be dena zuba ba, ta shafe mishi jiki dashi.

Hannun shi ta riƙe gam tana sakin kuka me ban tausayi, "ya zanyi Abdus-samad, tausayi da ƙaunar da nake yi maka tana neman ta zamar dani raguwa", hannun ta sumbata kana ta miƙe ta fice daga ɗakin tana sharar hawaye.

Washe gari da safe kowa ya kama shiri domin tafiya Hayin Rigasa, shi dai Abdus-samad ba wani daɗin tafiyar yake ji ba, dan gaba ɗaya gaban shi faɗuwa yake yi.

Brr Farida dake shirya abubuwan da zasu buƙata ta kalle shi sannan tace; "meya faru ne?", ya shagwaɓe fuska yace; "First Love bana son wannan tafiyar".

Brr Farida tayi mishi hararar wasa tace; "so kake yi kenan ka ɗauko mini magana, daman nice kullum me laifi".

Sameer yaja tsaki yace; "nifa wallahi wannan gidan ba ɗaɗa ni da ƙasa yayi ba, haka kawai duk sun bi sun ishi mutane, dan dai baka da yadda zaka yi ne".

"to idan baka je ba waye kake gani zai yi maganar auren ku, ni dan Allah tashi ka bani waje", abinda Brr Farida ta faɗa kenan.

Sameer ya tashi yana ƙunƙunai ya fice, duk wannan abin dake faruwa idanun Abdul a lumshe suke, har wannan lokacin baya jin tafiyar a cikin ran shi.

******* *********


Fadila ta tuntsire da dariya, Muhibba ta harare ta kana tace; "ai wallahi gadkiya na faɗa, kuma zaki gani gobe ko kwalliyar da zan yi sai tafi ta kowa kyau".

Fadila ta kuma dariya kana tace; "hakane sarauniyar gidan mu, amma dai kin san a kwalliya akwai Nihal ko sannan akwai kuma akwai Abdus-samad, dan haka kema kin san ba zasu bari ki kada su gobe ba amma Allah ya kaimu goben ban san wane tanadi kika yi ba".

Muhibba taja tsaki tace; "sai anyi magana ki wani kawo maganar waccen banzar nifa bata dame ni ba, kowa ma ai ɗan gatan iyayen shi ne".

Nusram dai kawai da idanu take bin su, ita kanta zuwa yanzu ta fara shan jinin jikin ta domin baƙin da suke zuwa da kuma yadda estate ɗin ke cika.

Dr Saleema ta shigo ɗakin hannun ta riƙe da foil paper, "ku baku san kuyi shiru bane duk kun damu mutane da hayaniya", duka suka ja bakin su suka yi gum.

Hannun Nusram ta riƙo tace; "taso muje ki rakani wani waje", Nusram ta miƙe yayinda Fadila da Muhibba suka turo baki gaba.

"dan Allah ke Aunty Saleemar nan sai muna cikin farin ciki zaki zo ki wani ɗauke ta", faɗar Fadila kenan.

Dr Saleema tace; "ni dan Allah ku ƙyale ni, Saloon zamu tafi tare da ita", da sauri duka suka miƙe suna faɗin muma zamu je.

Dr Saleema tayi murmushi tana faɗin; "ai sai kuyi sauri ku shirya, bari naje na kaiwa Abba wannan saƙon", ta ƙarasa tana jan hannun Nusram ɗin.

Wata ƙofa taga ta buɗe sai wani siririn corridor da suka bi, sun ɗan yi tafi me tsayi kafin suka iso matattakala, nan suka hau suna buɗe ƙofa wani haɗaɗɗen falo suka shigo.

Nusram ta saki baki tana kallo, koda wasa ba zaka ce gidan ya kai girman haka ba, shiru falon sai tibin dake magana.

Wani mutumi suka samu zaune wanda Nusram ke kyautata zaton shine mahaifin nasu dan ita basu taɓa haɗuwa ba tunda yazo.