You Cannot Download this book untill you login but you can read it .

---

Login Register

kun riga da kun san halin wannan domin samun maslaha ka ƙyaleta kawai ta wuce", haka dole yasa Malam Abbas ya barta ta wuce ya koma kan sauran yana jibgar su, koda yazo kan Nusram sai da ya sauke haushin Nusreen akan ta tsaf sannan ya ƙyaleta gaba ɗaya ya farfasa mata hannu, haka ta tafi aji tana kuka.


🔸🔸🔸🔸🔸🔸🔸🔸🔸🔸🔸🔸🔸🔸

Ta ɗagawa ƴar matashiyar data kawo mata Coffee ɗin hannu tana me cigaba da amsa wayar ta hankali kwance.

"Baby ban san wannan ƙorafe-ƙorafe,dole fa ka dawo gida gobe na ƙara jadadda maka, shiru tayi alamun magana yake har zuwa lokaci me tsayi kafin tayi murmushi tace; "yauwa ko kaifa", ra ƙara sakin murmushi tana fadin; "Mummy loves you more, bye", daga haka ta ƙatse wayar.

Cikin isa da ƙasaita ta hau kiran; "Aziza! Aziza!!", kan tayi kira na uku ta iso gare ta, cikin isa da bada umarni tace; "kije ki faɗawa sauran ma'aikatan gidan kan cewa Baby yana kan hanya gobe sannan ki tura Salma ta buɗe ɓangaren shi gani nan zuwa na gyara mishi", jiki yana rawa Aziza ta amsa da"to", haka ta tafi cikin murna da farin ciki domin kuwa sun san cewa hanyar ƙofar samun su ta kusa dan akwaishi da kyauta sannan ko ita kanta uwargidan tasu bataso yin abu ba indai kayi kamun ƙafa dashi tofa aikin ya gama cika,koda ta sanar da ma'aikatan gidan nan suka hau murna suna sam barka da dawowar tashi.

Babu jimawa ta miƙe ƙafafunta sanye da slippers ta fice daga ɗakin nata zuwa part ɗin shi, a falon ƙasa ta tarar dasu kamar koda yaushe, Surayya ta danna waya, Sumayya kuma littafi ke hannun ta da alamu karatu take, Sameer kuma yana operating system ne yayin da Tameer ke kwance idanun shi a lumshe kamar me barci, duka suka yi mata sannu da fitowa ta ɗaga musu hannu sannan ta kalli Surayya tace; "kije kan drower a ɗaki na zaki ga box saƙon sarƙar ki ne da kika ce".

Cikin farinciki ta hau godiya, kallonta ta mayar kan Tameer kamar zata ce wani abu sai kuma ta fasa ta kalli Sumayya tace; "ina Auta na?", tayi murmushi tace; "Mummy Auta yayi barci", ta nufi hanyar fita kan tace; "kije ki tashe shi yamma tayi", ta amsa da to sannan tace; "Mummy ina zaki je?", sai da ta juyo ta kalle ta sannan tace; "Baby zai dawo gobe zanje na gyara mishi part ɗin shi ne".

Sumayya tayi tsallen murna sannan tace; "Mummy nazo na raka ki", tayi gaba tana faɗin; "ki fara tashin Fahad daga barci tukunna", Sumayya cikin murna tayi hanyar ɗaki domin tashin Fahad ɗin.

Tameer ya buɗe idanu sannan yaja tsaki yana faɗin; "aikin banza kawai", Sameer ya kalle shi ya girgiza kai kan ya cigaba da abinda yake yi.

Babu jimawa Sumayya ta tashi Fahad, sai da tasa Salma tayi mishi wanka sannan ta fito cikin gaggawa, tana zuwa falon Tameer yace; "banza mara tausayin kanta", ko kallon shi bata yi ba ta wuce.

A buɗe ta tarar da part ɗin da kuma alamu Mummy ta riga da ta fara aikin ta, aikuwa kamar yadda ta zata tana shiga ta tarar falon ƙyal-ƙyal ko'ina tsaf-tsaf, tayi hanyar bedroom ɗin, Mummy na tsaye tana gyara kan madubi ta ɗago ta kalle ta, Sumayya tayi murmushi tace; "Mummy na gama", ta ɗaga mata kai tana me cigaba da abinda take yi.

Sumayya na tsaye tana kallo har ta gama gyaran bedroom ɗin ta canza bedsheet saman gadon sannan ta shiga bathroom ta wanke tass, Sumayya tayi murmushi tana me jinjina soyayyar dake tsakanin ɗa da uwar, ta san cewa idan zata kwana tana tambayar ta akan ta bari ta taya ta ba zata bari ba shiyasa taja baki tayi gum.

Tana gama wankewa ta ɗauko turare ta zuba a burner ta kunna sannan ta hau fesa Room freshner sai da ta tabbatar da ko'ina ya ɗauki ƙamshi sannan ta fito daga bedroom ɗin Sumayya tana bin bayan ta.

Ɗakin dake kallon wannan ta shiga, shima bedroom ne sai dai a maimakon gado sai aka saka ƙatuwar katifa babu wasu tarkace a nan, wardrobe ne sai dressing mirror shikenan, sai dai jikin bangon dake ɗauke da manya-manyan hotunan ƴan ƙwallo.

Shima ta gyara shi tsaf ta saka mishi turare ta wanke bayin sannan ta rufo ɗakin ta fito Sumayya ma na bayan ta, haka ta rufe part ɗin ta fice.

Suna isowa parking space ta ɗaga kai ta kalli motocin dake wajen, "Bala! Bala!!", cikin sauri ya ƙaraso, ta dube shi tace; "banga ka gyara motocin da za'a ɗauko Baby bane".

Ya shafa kanshi yace; "Hajiya walllahi Tameer ne yace na wanke tashi na bar wa'inn..", kan ya ƙarasa ta dakatar dashi ta hanyar cewa; "dakata mini, Bala ban san cewa Tameer ka fara yiwa aiki ba sai yau", jiki na rawa ya fara bata haƙuri, bata kalle shi ba tace; "kasan bana iya haƙuri da abinda ya shafi Baby a gidan nan amma kake neman ka maidani abokiyar wasan ka".

"Hajiya dan Allah kiyi haƙuri", ta girgiza kai tace; "magana ta ƙare kaje wajen Aziza ta baka dubu hamsin ka kama gaban ka bana buƙatar ƙara ganin ka", jiki na rawa ya tsuguna yana bata haƙuri haka tayi wucewar ta.

Nan sauran ƴan aikin suka fara bashi haƙuri shi kuma yana kuka, yaje ya tattara kayan shi sannan yaje wajen Aziza ya amshi kuɗin.

Aziza tace; "ka bari gobe idan ƙaramin oga ya dawo sai ka dawo ka roƙe shi", ya yarda da shawarar ta sannan yayi godiya ya tafi.

"waye nake magana yake canza mini ita a gidan nan", ta tambaya bayan ta shigo ta sami Tameer da Surayya a zaune, ganin yadda fuskar ta ke ɗaure yasa duka suka sauke kan su ƙasa.

"ina tambayar ku, wane ishashshe ne wannan?", ta faɗa cikin daka tsawa, a sanyaye duka suka hau bata haƙuri, ta ɗaga hannu ta nuna su tace; "har yanzu dai nice Brr Farida suna na be canza ba, kuma nima ban canza ba", tana faɗin haka ta kalli Tameer tace; "kaje ka cewa Ali ya mayi aikin Bala a fito da motocin da za'a je ɗauko Baby a wanke su", tana faɗin haka ta wuce sama ta barsu cike da baƙin ciki.

Tameer na ganin ta wuce ya buga tsaki cikin ƙuluwa yace; "wallahi idan na cigaba da zama a gidan nan wata rana mutuwa zan yi", Surayya tace; "to Yaya ka fito da mata mana kayi aure", yace; "ai dole ma idan ba haka ba baƙin ciki sai ya kashe ni", haka dole ya tafi inda ta aike shi cike da jin haushin wannan so da Mummy ke yiwa ƙanin shi.

Haka ya basu umarni daga nan ya wuce part ɗin su dan haushin halin Mummy yake ji, gashi basu da yadda zata yi, ita komai Baby.

🔸🔸🔸🔸🔸🔸🔸🔸🔸🔸🔸
🔸🔸🔸🔸🔸🔸🔸🔸🔸
🔸🔸🔸🔸🔸🔸🔸

Koda aka taso su daga makarantar a hanya Nusram keta bata baki akan abinda take yi, "haba Rim kinga fa rashin jin magana da kuma yiwa babba rashin kunya baya haifar da komai face ci baya, dan Allah ki dena".

Nusreen tace; "Allah ko! Yau kuma wa'azi kika koma, to bari kiji ni ba zan iya rayuwa kalar taki ba ina kallo ana cuta ta nayi shiru ko kuma na koma ina kuka wannan ba zai taɓa yiwuwa ba".

Nusram tace; "ai na sani amma dan Allah ki rage tsiwar nan ko zamu sami wanda zai kalle mu, muma mu wuce gori", Nusreen ta kwashe da dariya tace; "kice ga inda maganar ki ta dosa ta ki sani wannan kuma daga Allah ne ba daga ni bane kuma ki faɗa mini shekarar mu nawa ne just 24yrs da ƙuruciyar mu fa".

Nusram tace; "Nusreen ki duba fa kiga ƙannen mu nawa aka yiwa aure, uku fa sannan ki duba ƴaƴan Auntyn Tudu, itama ta aurar da yara biyu Safeena da Halima kuma duka mun girme su, dan Allah ki maida hankali".

Nusreen ta kalli ƴar uwar ta na wani lokaci sannan tace; "Ram ba zan taɓa yin aure na barki ba kema kin sani kuma alƙwari ne na ɗauka kan cewa sai kin sami naki mijin sannan nima zan tsayar beside ma duk wa'inda ke zuwa waje na babu wanda yayi mini".

"Rim ki manta da ni kiyi auren ki wataƙila tawa ƙaddarar kenan, bazan taɓa samin miji ba ke kuwa fa ko jiya fa wani yazo kan yana son ki kika ƙi fita".

Nusreen ta taɓe baki tace; "ai sai kiyi tayi wallahi ba zan yi aure na barki a wajen wannan matar mara tausayi ba ta dinga muzguna miki a hakan ma wai duk da tana tsoro na ya aka cika ina ga na tafi na barki, kuma maganar wai ke taki ƙaddarar kenan ashe kema zaki iya yanke ƙauna daga rahamar Ubangiji?, to bari kiji Allah yana sane dake kuma na san addu'ar da mahaifiyar mu take mana ba zata taɓa faɗuwa ƙasa banz.....", bata ƙarasa ba saboda ruwa da wata mota ta shiga ya fallatso mata duk ya ɓata mata jiki.

Nusram na ganin yadda ta haɗe rai yasa tayi saurin riƙo ta tace; "dan Allah Rim mu tafi kada kice komai", Nusreen ta ɓalla mata harara tana kallon motar da ta rage gudu a hankali kuma motar ta fara dawowa baya.

Nusreen na ganin motar tayi parking ta fincike hannun ta daga na ƴar uwar ta tayi kan motar cikin sauri kuma ɗauke da fushi.

Tana zuwa yana fitowa ta galla mishi harara kafin tace; "kai ɗin waye da har zaka zubawa mutum ruwa kuma ka cigaba da tafiya, kodan kana taƙama da cewa mahaifin ka nada kuɗi shikenan dama haka halin ku yake kallon talaka kuke a banza a wofi to wallahi ni ba irin sauran bace banda haƙuri mutum nayi mini zan yi mishi, mutum ya hayo titi kamar na ubanshi to kaji ka sani ba ɗauka zanyi", ya tsaya yana kallon ta cike da mamaki.

Ta ɗaga hannu ta nuna kanta tace; "kalle ni da kyau na wuce raini kuma idan taƙamar ka kuɗi ni kuma ina da Allah domin shiya tsaya mini......", kafin ta ƙarasa abinda zata faɗa aka buɗe ɗayar ƙofar aka fito.

Wata dattijuwar mata ce fara sosai, tana ɗingisa ƙafa ta ƙaraso gaban ta, tayi murmushi sannan tace; "Ƴan mata kiyi haƙuri bada sani bane, sauri yake ya kaini airport domin zan tafi syria inda za'a mini aikin ƙafa da take damuna".

Nusreen ta kalle shi, shima dai itan yake kallo yana murmushi ta galla mishi harara tace; "Allah ya taimake ka da wallahi saina ɗauke ka da mari", tana gama faɗin haka ta juya ta bar wajen.

Nusram ta saukar da kai ƙasa tace; "dan Allah kuyi haƙuri kuna sauri mun tsayar daku", ta maida kallon ta kan shi wanda shima ita yake kallo cike da mamakin kamar ta da waccen har muryar su sai dai ita wannan muryar ta sanyi-sanyi take; "kayi haƙuri ba haka take ba ranta ne ya ɓaci, Mama Allah ya baki lafiya yasa ayi aikin a sa'a", tana gama faɗin haka ta juya tabi bayan ƴar uwar ta.

Duka suka bita da kallo wanda kowa da irin nashi ma'anar, shi yana mata kallon girmamawa yayin da mahaifiyar shi ke mata kallon sha'awa da birgewa tana fatan inama ƴar ta ce.

Ta maida kallon ta kan ɗan nata sannan tace; "Shureim muje ko", yayi ajiyar zuciya sannan ya shiga motar ya jata suka tafi.

Nusram duk iya saurin data yi bata tarar da ƴar uwar tata ba har ta isa gida, tun kan ta shiga gidan ta jiyo muryar ta tana faɗin; "wallahi mutum yayi mini na mishi dukan mutuwa".

Tana ƙarasa shiga, Mama Jummai na fitowa tana faɗin; "to shegiya fitsararriya sai kizo ki dake tan a gaba na, anƙi aure anzo an ishi ƴaƴan masu gida", Nusreen tace; "to mu ai sai a sheganta mu, yadda yake gidan uban su haka yake gidan uban mu, maganar aure kuma naga wata ma tsabar daɗewa sai da ta shekara talatin da biyar sannan tayi auren fari, aka kuma tafi da me daka gidan mijin gwara mu ma muna da kyan jiki, mtsew abu kamar guzuma", saukar mari taji wanda ya hanata ƙarasawa ta juyo ta kalli Ummi, Ummi kuwa cikin ɓacin rai tace; "wuce ɗaki", babu musu ta wuce tana faɗin; "wallahi sai na dake ta sai dai ta dena fita".

Mama jummai kuwa sanin da ita Nusreen take yasa tana huci tana faɗin; "bari uban naki ya dawo sai na tambaye shi idan shi ya zauna ya kitsa miki, shegiyar ƴar tasha".

Nusram ta fara zubar da hawaye tana me baƙin ciki da halin da gidan nasu yake, Allah yayi ta da rauni shiyasa hayaniya koya take bata iya jure ta.

Ummi ta kallo ta cikin tausayawa kasancewar ta mahaifiya gare su ta san halin su ya bambamta duk da kamar da suke, tace; "Nusram jeki cire hijab ɗin mana kizo ki share gidan", ta amsa da to sannan ta wuce.

Tana shiga ɗakin ta tarar da Nusreen har ta fara gyara ɗakin, ta wuce ta ta ajiye hijab ɗin sannan ta fito ta ɗauki tsintsiya ta share gidan tas.

Ummi kuwa kan lokacin ta gama girki dan haka ta tattara kayan da Ummin tayi amfani dashi ta wanke sannan ta wuce tayi alwala ta shiga ɗakin nasu domin yin sallah.

Koda suka idar nan suka zauna kowa yana nashi karatun har aka yi kiran isha'i sannan suka tashi suka yi sallar.

Sun fara cin abinci kenan suka jiyo Mama Jummai na kasawa yaranta tallan kunun aya da kuma ƙwai, Nusram cike da baƙin cikin halin Mama Jumman ta kauda kai kawai.

Nusreen kuwa bata ce komai ba banda zama data gyarawa Kubra suna cigaba da cin abincin su, babu jimawa Baban nasu yayi sallama ya shiga, gaban Nusram ya yanke ya faɗi.

Suna gama cin abincin Nusreen ta kwashe kwanukan ta gyara wajen sannan ta koma kusa da ƴar uwar ta suka yi zaman fira.

Babu zato babu tsammani ya banko ɗakin ya shigo, yana hango su yayi kan su ya hau dukan su, yana faɗin; "marasa mutunci kawai".

Nusreen ta miƙe domin guduwa yasa ƙafa ya taɗiyo ta ta faɗi a wajen yayi kanta yana duka, daman ita yake so ya daka rashin gane wacece a ciki yasa ya haɗa su duka amma da ƙoƙarin gudun da tayi ya gano itace wacce yake nema dan haka ya rabu da Nusram yayi kanta.

Nusram kuwa tana kuka tana bashi haƙuri amma yaƙi haƙura, Ummi kuwa tunda ta saukar da kanta ƙasa bata kuma ɗagowa ta kalle shi ba, ganin hakan yasa Nusram faɗawa jikin ƴar uwar tata tana tare mata dukan.

Haka ya haɗa yayi musu duka sannan ya ƙyale su ya fice, ganin fitar shi yasa Nusram janye jikin ta cikin wahala domin ita fatar ta bata jure duka ko yaya yake, ita koda wanki ne ya cika yawa sai ya fasa mata hannu balle duka gashi kuma dama ɗazu tasha na Malam Abbas yanzu kuma tasha na Yayan su Isa.

Da ƙyar itama Nusreen ɗin ta miƙe ta zauna tana dafe da gefen cikin ta inda tasha ƙasa ɗazu, sai dai abin baƙin ciki kan su gama jimamin wannan duka suka jiyo hargagin mahaifin nasu ya nufo ɗakin nasu.

Nusreen haka taja jiki ta gudu ɗaki yayin da baƙin ciki ya hana Nusram tashi daga wajen, yana shigowa ya fara zuba mata wayar wutan dake hannun shi, tun tana zaune har sai da ta kwanta a wajen haka ya bita ya cigaba da duka sai da ya tabbatar da ko yatsa ba zata iya ɗagawa sannan ya ƙyale ta.

"kuma wallahi ko ku fito da mijin aure ko nayi ta azabtar daku a cikin gidan nan shegu masu baƙin jini irin na mahaifiyar su", ya cillar da ragowar wayar yayi waje yana bambami.

Sai da suka dena jiyo hargagin shi sannan Nusreen ta fito da sauri tazo ta kama ƴar uwar ta, Ummi kuwa tsabar ɓacin rai numfashin ta har sarkewa yake yi.

Duk yaji mata ciwo a fuska da jikin ta, Nusreen tace; "Ram ki dinga guduwar wa dukan Baba dana Yaya Isa", yadda tayi da fuska ya tabbatarwa da Nusreen cewa ranta ya ɓace.

Ummi ta miƙe ta juye mata ruwan data ɗora saman murhu bayan ta sauke abinci, kaɗan ta sirka mata sannan tace; "Nusreen kai mata bayi, ke kuma ki tashi ki cire kayan kije ki gaggasa jikin ki", babu musu duka suka miƙe suka hau aikata abinda Ummi ta umarce su.

Mama Jummai tayi shewa tace; "ai dama ni na wuce tunanin mutum gobe ma ki kuma turo su suyi mini rashin kunya ni kuma na kuma sa su gashi ahayye sai ni Jummala ƴa ga Habu sarkin wanzamai", babu wanda ya kula ta har tayi ta gama.

Nusram kuwa taji daɗin jikin ta data gasa tana fitowa Nusreen ta shiga tayi nata wankan.

Koda Nusram ta shigo ɗaki Ummi ta miƙo mata mansileta tace; "amshi wannan ki shafa", ta amsa ta shafa inda hannun ta ba zai kai ba Ummi ta taya ta ta shafa sannan ta miƙo mata wata doguwar riga mara nauyi hannun vest gare ta tace ta saka ta ansa ta saka sannan ta kwanta.

Nusreen ma koda tayi wanka kayan barci kawai ta saka riga da wando,rigar iya gwiwa sai wando dogo tana gama shiryawa ta haye bayan ƴar uwar ta ta kwanta.

Ummi ta kalle su cike da tausayawa tana me tausayin su, gasu duka mata Allah ya basu sai dai Allah ya bata ɗaya wacce ita ke ɗan ƙwato musu ƴancin, ta share hawayen ta tace; "Allah kana kallon wannan zalunci".

*WACECE NUSRAM DA NUSREEN*.

#LIKE
#SHARE
#COMMENT

*babyn Abdul, Maman Meenal, Elham da Farouk*.

*ƳAR MUTAN ZAZZAU*.

♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*







*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*

📖📖5-6📖📖

Malam Abdullahi haifaffen ƙauyen dabai ne, mahaifin shi tun yana ƙarami Allah yayi mishi rasuwa sai mahaifiyar shi ta auri me garin Dabai.

Me garin Dabai kamar yadda yake tura ƴaƴan shi suyi karatu haka ya tura Abdullahi shima Zaria domin yin karatun, da yake me ƙwazo ne ya samu ya gama secondry yana dawowa me gari ya haɗa shi aure da Maimuna ƴar wazirin shi.

Sun zauna a garin dabai tsayin shekara ɗaya cikin so da kulawa daga nan sai ya sami aikin messenger na wani company a kaduna hakan shine silar dawowar su Kaduna, Tudun Nufawa

Anan Allah ya azurta su da yara guda biyu duka mata, shine aka saka musu Nusram da Nusreen, Malam Abdullahi ƴaƴa maza yaso amma Allah be bashi ba haka dole ya haƙura ya barwa Allah.

Anan inda suke suka haɗu da Hajiya Kaltume wacce ke zaune tare da mijin ta itama sai dai su suna da rufin asiri babu laifi.

Kamar ƴan uwan juna haka suke ita da Maimuna, ita ta raini Nusram kasancewar tafi Nusreen haƙuri tun suna ƙanana, babu ƙyashi ba komai duk abinda ta samu zata basu.

Har su Nusram suka kai shekaru bakwai amma Maimuna bata kuma samin ciki ba wannan fa ya soma kawo matsala a tsakanin zaman Abdullahi da kuma Maimuna.

Ita dai sai dai idan abin ya ishe ta tayi kukan ta godewa Allah, haka suke zaune cikin rufin asiri.

Nusram yarinya ce data biyo halin mahaifiyar ta na haƙuri da rashin son tashin hankali, yayin da Nusreen ta kasance me tsiwa da faɗa ga saurin fushi, sha yanzu magana yanzu.

Haka rayuwar su take gangarawa har lokacin da Abdullahi ya samu aikin zama a plaza wanda shine silar tashin su suka koma Hayin Rigasa domin can zai fi mishi sauƙi.

Maimuna da Kaltume sun ji zafin rabuwa da juna sai dai basu da yadda zasu yi, ita Kaltumen a lokacin tana da yara guda shida, Sulaiman shine babba sai Halima,mai bi mata Safeena sai Sadiya, Musa sai ƙaramin su Adam.

Shi kanshi Sulaiman ɗin shekara ɗaya kacal ya bawa su Nusram yayin da sauran ƙannen nashi duka su Nusram sun girme su da shekara biyu saboda shekara uku ke tsakanin ƴaƴan Kaltumen.

Anan wajen aiki anan Abdullahi ya haɗu da Jamila wacce ake kira da Jummai, ta kan kawo abinci ɗan gaban wajen kaɗan inda su kuma ƙananan ma'aikata su kan fita su siya.

Nan soyayya ta ƙullu a tsakanin su, har ta kaisu ga yin aure, Jummai macece da take ganin ta kai ta isa wacce taƙi aure da wuri tana ganin ai yawancin masu jinkirin nan sun fi samun mazaje masu kuɗi, sai da ta shekara ashirin da takwas sannan ta fara neman ya zata yi ta auru, nan fa mazaje suka ce basu san wannan ba.

Ana haka wani yaro wanda ba zai wuce shekara ashirin da biyar ba ya fito a kan yana son ta, nan fa ta hau tsalle tana murna ita da mahaifiyar ta Iya Nafi, ganin su zaman alkhairi ne.

Yayan ta Adamu ya kira ta yayi mata faɗa ya kuma yiwa yaron tatas domin ya san yaron zai yi wuya ya aure ta, aikuwa ta miƙe ta ci mishi mutunci ita da mahaifiyar ta ganin haka sai kowa ya saka musu idanu.

Aikuwa ta kira yaro suka cigaba da soyewa kan ta ankara ya ɗirka mata ciki ya gudu, koda suka farga sun ji takaici da haushi yayin da sauran ƴan uba suka shiga farin ciki da murna.

Babu abinda ba'a ɗurawa cikin ba amma da yake Allah ya raya kayan shi babu abinda ya sami cikin wannan ya ƙara ɗaga hankalin su, suna ji suna gani ta haifi yaron nata aka saka mishi suna Isa.

Daga nan mahaifiyar ta ta cigaba da rainon yaron inda ita kuma ta cigaba da ɗaukar tallar duk da ranta baya so tana ganin ta wuce talla haka mahaifiyarta ta lallaɓa ta domin kuwa idan tayi a gida babu me zuwa ya siya sai dai a barta dashi.

Lokacin da Abdullahi ya nuna yana son ta, sunyi matuƙar farin ciki da hakan, jin tsoron kada ya fasa idan yaji tana ɗa a waje yasa suka je aka rufe bakin shi ruf.

Lokacin da labarin auren yaje kunnen Maimuna bata wani tada hankalin ta ba domin kuwa babu rashin ci ko rashin sha, ƴaƴan ta suna zuwa makaranta