You Cannot Download this book untill you login but you can read it .

---

Login Register

Ya ajiye jaridar dake hannun shi yana kallon su, Dr Saleema ta ƙaraso da sauri kusa dashi, ɗan sunkuyawa tayi ta sumbaci goshin shi sannan tace; "barka da hutawa ga sandwitch ɗin", ta ƙarasa tana ajiyae foil paper ɗin hannun ta.

Bece komai ba sai ɗaga kai da yayi, ta juya kenan aka buɗe wata ƙofa aka shigo, wata mata ce me kauri gajeruwa sai dai tana haske sosai koda ba'a faɗawa Nusram ba ta san cewa wannan itace kishiyar maman su Dr Saleemar.

"barka da hutawa Aunty", bata ma kalle ta ba ballantana ta amsa mata, Dr Saleema ta juya ta kama hannun Nusram.

"wacece wannan?", tambayar da Mahaifin nasu yayi mata kenan wanda yasa suka tsaya, ba tare da shakka ko fargaba ba tace; "ƙawata ce".

Bece komai ba sai dai kallo daya bi Nusram ɗin dashi, har taji kamar ta harɗe ta faɗi, suna fita tayi ajiyar zuciya.

Dr Saleema ta kalle ta tace; "ya dai?", Nusram tayi murmushi tace; "babu komai", babu wanda ya kuma cewa komai har suka ƙarasa harabar gidan.

A wajen suka sami Fadila da Muhibba da kuma Fadil, mukullin ta miƙawa Fadil ya amsa.

Duka suka buɗe suka shiga, Nusram, Muhibba da Fadila suna baya, yayin da Dr Saleema ke gefen Fadil ɗin a gaba.

Nusram taba hanyar da kallo, sai hada-hadar shigowa ake yi ga manya manyan motoci da suke shigowa cikin Estate ɗin wannan yake tabbatar mata da gaskiyar yanayin gidan wato gidane na ƴan boko.

suna daf da shiga motar su ta sako kai,, Fadil yayi murmushi yace; "gafa manya nan sun iso, Familyn Alƙali", ya ƙarasa yana dariya.

Fadila tace; "da gaske?", ya nuna mata motar yace; "gasu nan kina gani", tayi ihu tana faɗin; "ashe yau akwai show kenan?".

Ita dai Nusram bata fahimci me suke magana akai ba dan haka ta ja bakin ta tayi shiru, haka har suka isa wajen saloon ɗin.

Ko kallon wajen kayi ka san cewa waje ne na manya, abin mamakin suna zuwa aka tare su cikin sakin fuska hakan ya tabbatarwa Nusram da cewa an san Dr Saleema sosai.

Duka suka zauna, Dr Saleema aka fara yiwa kana Muhibba da Fadila, Nusram itace a ƙarshe.

Kasancewar duk ta fisu gashi yasa nata yafi kyau, Dr Saleema ta kalleta ta gefen ido tayi ajiyar zuciya, babu abinda zata ce ta ɗari Nusram ɗin dashi.

Muhibba da Fadila kuwa sai santi suke ita kuwa Nusram ɗin banda murmushi babu abinda take yi, gyaran fuska ƙafa da hannu akayi musu.

Kowacce a cikin su masha Allah domin dama ance idan kana da kyau ka ƙara da wanka, lalle aka fara yarfa musu me kyau.

Ɓangaren su Abdul kuwa, koda suka iso can wajen su Hajja suka sauka, ko'ina a cike yake dan haka babu tsayawa ɓata lokaci wajen ƙananan magan-ganu kowa gaisawa ake yi dashi cikin sakin fuska.

Ɗakin Malama Abdus-samad ya wuce, sai dai babu wasu mutane a ciki, banda Ummin su Fadil da kuma ƴaƴan ta, cikin girmamawa ya gaishe ta, ta amsa itama cikin sakin fuska.

Ita dai yaron yana birge ta sosai, Malama dake saman kujera hannun ta riƙe da littafin hisnul muslim ya sauke littafin.

Abdus-samad ya matsa kusa da ita ya gaishe ta, tayi murmushi ta amsa har tana ɗan tsokanar shi.

Wayar shi ya ciro kafin yace; "ina Fadil ne?", Malama tace; "ina jin ya tafi kai su Fadila gyaran kai", Abdus-samad ya taɓe baki.

Shifa baya jin zau iya wannan aikin, wai su mata basa gajiya da wannan ƙyale-ƙyalen kenan?.

Tashi yayi ya fito daga ɗakin, karo suka kusa yi da Surayya, ta turo baki tace; "kai Yaya Abdul, daga zuwa kuma sai ka gudu, Fadila na ciki ne?", bece mata komai ba ya raɓa ta gefen ta ya wuce.

Har ya fito Husna ta biyo shi da gudu tana ƙwala mishi kira, Abdus-samad ya ɗan ja tsaki shifa wannan takurar ce baya so.

"haba Yaya na sai kuma ka zo amma ko nema na baka yi ba", ya kalle ta sama zuwa ƙasa, riga da wando ne a jikin ta pakistan, tasha gyaran jiki ga wata ƙumba da aka saka mata zaƙo-zaƙo, haka an mata ƙarin gashin gira sai ƙifta ido take kamar ƴar baby.

Tayi fari da idanu tace; "Yaya na nayi kyau ko?", ya ɗan yi murmushi yana kauda kai gefe, shi dariya ta bashi ma, tafiya ya fara yi yayin da ta biyo shi a baya.

Shifa ta kasa fahimtar wani abu ne wannan shirmen da haukar basa wani birge shi yafi son natural beuty, Husna ganin hanyar da suka ɗauka yasa ta haɗe rai.

Ko kallon ta Abdus-samad beyi ba, ta ɗan ja tsaki ƙasa ƙasa, bata da yadda zata yi haka dole suka shiga appartment ɗin tare.

Da Kabeer da Hafeeza ke zaune saman kujerun dake balcony sai Aunty Maryam dake tsaye tana waya.

Sai da ya jira ta kammala ya gaishe ta sannan ya shiga ciki, Kamal da Aunty Muhsina ke zaune suma suna fira.

Ya gaishe da Muhsina ɗin ya kalli Kamal yace; "ina Saleema?", Kamal yace; "gaskiya ban sani ba sai dai ɗazu naga sun fita tare da Fadil amma ban san inda suka je ba".

Be kuma cewa komai ba sai kwanciya da yayi saman kujerar, har wajen ƙarfe shidan yamma basu dawo ba, kasa haƙuri yayi ya fara kiran Dr Saleemar.

"Hello Abdul, ya akayi?", abinda ta faɗa kenan bayan ta ɗaga, ya ɗan yi jim kafin yace; "kuna ina ne?".

Ta kalli gefen ta, "muna wajen gyaran gashi ne dake Sardauna crescent,an ma kusa gama mana ba jimawa zamu yi ba", bece komai ba ya kashe wayar.

Kiran sallar magrib aka fara wadda shine silar da ya saka ya tashi, Husna ta kuma miƙewa ta bishi suka fice, ganin yayi hanyar waje yasa tace; "Yaya na ina kuma zaka je".

"masallaci", abinda ya faɗa kenan a taƙaice, Husna taja ta tsaya tana kallon shi har ya ɓace daga ganin ta, tayi ajiyar zuciya kafin ta juya domin komawa appartment ɗin su.

Koda aka idar da sallah kiran Dr Saleema ya kuma yi amma ta sanar dashi basu taho ba tukunna.

Tana ajiye wayar ta maida kallon ta kan Nusram wacce gaba ɗaya hankalin ta ma baya kansu, take taji wani irin kishin ta, domin ita a ganin ta Abdus-samad ya damu su dawo ne saboda ita.

Koda ya isa gidan har sun fara shirye-shiryen cin abinci, dan haka shima saman dinning ɗin ya hau domin cin abinci.

Gaba ɗaya suka ci abinci cikin ƙaunar juna, kuma abin birgewar shine rashin samun matsala tsakanin Hajja da Brr Farida dan Brr Hauwa ma bata gidan kwata-kwata.

Shi dak Abdul kallon su kawai yake yi, suna gamawa ya riƙo hannun Brr Farida suka koma falo, kanshi ya kwantar saman ƙafar ta.

Ta saka hannu a saman kanshi tana shafawa, "baka ci komai ba fa?", ta faɗa fuskar ta ɗauke da damuwa, ya ɗan yi jim sannan yace; "bana jin yunwa ne".

Ta ɓalla mishi harara tace; "idan kana wani abin sai kace ƙaramin yaro amma kasan dai rabon ka da abinci tun a gida ko?", ya riƙo hannun ta yayi murmushi.

"First Love zan ci ne zuwa anjima kada ki damu", bata kuma cewa komai ba, kallon agogo yayi har takwas tayi.

Number ɗin Dr Saleema ya kuma kira, "wai har yanzu ba'a gama muku bane?", ya faɗa bayan ta ɗaga.

"eh idan an gama ai zamu taho ko, saura kaɗan a ƙarasa", ta faɗa a ɗan hasale domin ita a tunanin ta ya damu ne saboda matar shi.

Ya katse kiran kafin ya miƙe, Brr Farida tace; "ina zaka je ne?", be kalle ta ba yace; "zan je wajen Dr Saleema ne tun ɗazu ace wai ba'a gama ba, ko meye amfanin gyaran jikin ma oho".

Ita dai Brr Farida bata kuma cewa komai ba, juyawa yayi ya fice, a harabar gidan suka haɗu da Sumayya tace; "yaya wai ina Yaya Fadil ya shiga ne tun ɗazu nake neman shi?".

"nima ban ganshi ba", ya faɗa yana yin gaba, da sauri ta kuma biyo shi tace; "ina zaka je", be mata magana ba sai mota daya buɗe ya shiga, babu shiri Sumayya ta buɗe ɗayan gefen ta shiga, shi kuma yaja motar suka fice daga Estate ɗin.

Sai da suka yi nisa kafin ya kira Fadil, yana ɗagawa yace; "ka bani address ɗin inda kuke gani nan zuwa", Fadil yayi wani murmushi kafin yace; "ka gaza haƙuri ne mu dawo, kada ka damu yanzu zamu taho fa an kusa gama musu me kake ci na baka na zuba ai yanzu zata zo ka ganta".

Abdus-samad ya ja tsaki yace; "nifa ba wannan na tambaye ka ba, ka bani kawai idan zaka bani".

"kusa da Bio......graphics sabon Mall ɗin nan da aka buɗe to opposite ɗin shi", yana gama faɗar hakan Abdus-samad ya katse wayar.

Babu jimawa suka iso wajen, Fadil ya taso da sauri ganin ɗan uwan nashi, side hug suka yi da juna, Sumayya kuma ta gaishe dashi, Ya amsa yana tsokanar ta ita kuma tana dariya.

Ana haka suka buɗe ƙofar wajen suka fito, Muhibba da Fadila suna gaba sai Saleema da Nusram a baya, su Muhibba na ganin shi suka saki ihu sannan suka nufo wajen shi cike da murna.

Ya cire yatsun shi biyu daya saka ya danne kunnen shi yana hararar su, "kuna girma kuna cin ƙasa", Fadila ta kwashe da dariya tace; "aifa gyambo sarkin ƴan son girma ya zo".

Muhibba ta ɗago hannun ta tana nuna mishi lalle baƙi dake zane a hannun nata, "ga gayun da muka tsaya yi", ya kalla kana ya taɓe baki yace; "dama hutar da kanku kuka yi dan beyi kyau ba", Fadil ya kwashe da dariya yayin da Muhibba ta ɗaure fuska.

ya kai kallon shi wajen Dr Saleema wacce ta haɗe rai, gaban shi ya faɗi dan sam yama manta da ita, ita kanta Nusram din sai yanzu data ganshi ta tuna dashi kanta na ƙasa tana wasa da yatsun hannun ta.

muryar Fadil ta dawo dasu daga yanayin da suka shiga, "ni dai dan Allah kuzo mu tafi".

Duka suka nufi motar Fadil ɗin, dan dai ita Dr Saleema haushin shi take ji ganin kallon da yake bin Nusram dashi, ita kuma Nusram bin Dr Saleema kawai take yi.

Suna daf da shiga suka tsinkayi muryar shi yana faɗin; "Dr Saleema zo ku shiga nan", ita ba ƙaramar yarinya bace ta fahimci me yake nufi dan haka ta janyo hannun Nusram suka koma tashi motar.

Sumayya na gaba su kuma suna baya, Sumayya tace; "Aunty Saleema ina kika samo wannan kyakkyawar?".

Dr Saleema tayi yaƙe tace; "ƙawata ce karatu take a nan kaduna", Sumayya ta dinga santin Nusram.

Ita dai Nusram kanta yana ƙasa don duk ta takura kasancewar duk ɗagowar da zata yi zasu haɗa idanu ta madubi wanda yake saitin ta.

Haka har suka ƙarasa gida bata ce ko um ba, duka suka fito suka rankaya zuwa gidan, Abdus-samad ya saka hannu ya janyo Nusram ɗin ta dawo baya.

Hannun daya riƙe yake kallo, be taɓa ganin lallen daya birge shi kalar wannan ba, ja ne babu ɗigon baƙi ko kaɗan sai dai ya kama hannun nata sosai.

Dr Saleema dake baya ganin babu Nusram yasa ta juya, yayin da sai da tayi dana sanin juyar tata domin ganin abinda ke faruwa.

Cikin matuƙar damuwa ta sake juyar da kanta tana cigaba da tafiyar ta, wato Nusram ɗin ta san Abdul ya fi son lalle ja shiyasa taƙi yarda ayi mata baƙi don su dukkan su baƙi aka yi musu.

Hannun yake shafawa cike da birgewa, ya ɗago ya kalle ta kafin yace; "yayi kyau sosai", bata ce komai ba sai ƙoƙarin ƙwatar hannun ta da take yi.

Bata yi aune ba taga ya janyo ta jikin shi, hannu ya saka ya zame mayafin dake saman kanta, ya kuma zame ribbom ɗin dake kanta gashin ta ya sauka har gadon baya.

Cike da jin haushi Nusram ta fara ƙoƙarin ƙwacewa, doghnut ɗin da akayi shi da ƙyar saboda santsin gashin ta da kuma yawa shine ya kama ya wani kwance mata.

Bata dawo daga takaicin da take ciki ba taga ya buɗe motar shi ya shiga kana ya saka hannu ya janyo ta, kan jikin shi ta faɗa.

Hawayen takaici ya zubo mata, ita fa yanzu bata so ana takura mata, kanta ya ɗora saman ƙirjin shi ya saka hannun shi tsakiyar gashin ta yana shafawa a hankali.



#LIKE
#SHARE
#COMMENT


*Babyn Abdul, Maman Meenal Elham da Farouk*.



*ƳAR MUTAN ZAZZAU*




♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


*✍✍ G̾O̾L̾D̾E̾N̾ P̾E̾N̾ W̾R̾I̾T̾E̾R̾S̾ A̾S̾S̾O̾C̾I̾A̾T̾I̾O̾N̾✍✍*



https://www.facebook.com/groups/1569379426621615/



w̶̶є αr̶̶є вєαr̶̶єr̶̶'s̶̶ σf̶̶ s̶̶σ g̶̶σl̶̶d̶̶єn̶̶ p̶̶єn̶̶🖊
w̶̶є w̶̶r̶̶ít̶̶є αs̶̶s̶̶íd̶̶íσu̶̶s̶̶l̶̶ч p̶̶єr̶̶c̶̶єív̶̶є n̶̶σ p̶̶αín̶̶,
s̶̶σ m̶̶αg̶̶íc̶̶αl̶̶ σu̶̶r̶̶ c̶̶r̶̶єαt̶̶ív̶̶є g̶̶σl̶̶d̶̶єn̶̶ p̶̶єn̶̶✍,вєh̶̶σl̶̶d̶̶ σu̶̶r̶̶ w̶̶σr̶̶d̶̶s̶̶.
α p̶̶r̶̶σd̶̶u̶̶c̶̶t̶̶ σf̶̶ σu̶̶r̶̶ p̶̶єn̶̶🖊,s̶̶αv̶̶σu̶̶r̶̶ σu̶̶r̶̶ w̶̶σr̶̶d̶̶s̶̶, f̶̶σr̶̶ ít̶̶ w̶̶íl̶̶l̶̶ c̶̶αu̶̶s̶̶є чσu̶̶ n̶̶σ p̶̶αín̶̶.


*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*

📖📖63-64📖📖

Shiru Nusram tayi domin yadda yake yi mata kamar tafiyar tsutsa, sai dai takaicin ta da kuma baƙin cikin ta yadda yake lalata mata adon da aka yiwa kan.

Abdus-samad kuwa wata irin natsuwa ke saukar mishi a duniya yana ƙaunar mace me gashi, ko dan wannan yake ji a ranshi zai iya zama da yarinyar.

Sun kai minti ashirin a haka, jin saukar numfashi a ƙirjin shi hakan ya tabbatar mishi da barci take yi, sannu a hankali ya ɗago da fuskar ta, fuskar ya zubawa idanu ba zai ce ga abinda yake ji akanta ba.

Idanun shi ya kai saman leɓen ta, barci take amma ta cuno shi gaba, "akwai tsiwa wannan", abinda ya faɗa kenan.

Abdul idan da kuma Nusreen ce fa🙄.

Bakin shi ya kai kan nata ya sumbata, yana ɗagowa suka haɗa idanu, saurin haɗe fuska yayi ya kauda kai, itama Nusram ɗin ta fara ƙoƙarin ƙwacewa.

Be sake ta sannan bece mata komai ba, sai ma kara ƙwaƙume ta da yayi, ganin ta kasa ƙwatar kanta yasa ta kalle shi tace; "dan Allah ka sake ni, Aunty Saleema na can na jira na".

Be sake ta ba kuma bece komai ba, shiru wajen yayi na ƴan daƙiƙu kana yace; "dama ashe kina magana kenan amma shine kika ganni a matsayi na na mijin ki ko gaisuwa ko?".

Nusram ta kauda kai tana taɓe baki, wai miji!? Shi har wani kiran kanshi miji yake yi, hannu ya saka saman fuskar ta shine abinda ya dawo da ita daga tunanin data faɗa.

"me kike tunani haka?", tace; "babu komai", hannun ta ya ɗago ya kuma kallon kunshin dake kwance saman fatar tata, "waye yayi miki wannan?".

"nima ban san sunan wajen ba, amma inda muka je da Aunty Saleema, beyi kyau ba ko", ita kanta bata san ƙarashen maganar ta fito ba.

Ya kalli ƙwayar idanun ta wacce ta kafe shi dashi tana jira taji me zai ce, ya ɗan kauda kai yayi murmushi yace; "idan nace beyi kyau ba me zaki ji", bata ce komai ba sai cuno baki da tayi gaba.

Ƙarar wayar shi ya katse shirun da suka yi, ganin First Love a jiki ya sa shi ɗagawa, ajiyeta yayi saman pocket ɗin motar ya maida ta handsfree.

"Baby kana ina ne?", tun daga jin sunan Nusram ta miƙe zumbur, cikin ranta ta maimaita "baby, lallai ma wato budurwar shi ce kenan?", kallon shi tayi shima ita yake kallo suna haɗa idanu ta wurga mishi wata harara kafin ta fara ƙoƙarin fita daga motar.

Lumshe idanu yayi sannan ya saka hannu ya maida ta jikin shi ya ƙara matsewa yadda tayi ba ƙaramin birge shi abin yayi ba ga wata dariya da tazo mishi, wai ita kishi take ko me?.

Nace; "oho muku munasirai😏😏 Kuna so kuna kaiwa kasuwa".

"hello Baby kana jina kuwa?", Brr Farida ta ƙara maimaitawa, cikin kasala yace; "First Love ina jin ki".

"kana ina?", tambayar data jefo mishi kenan, kai tsaye yace; "naje taɗi ne", cikin tsananin mamaki da tashin hankali tace; "tadi kuma?", bece komai ba.

Ta kuma cewa; "kaga minti biyar na baka ina buƙatar ganin ka, bana ciki da shirmen ka, kana jina minti biyar idan ka wuce ranka sai ya ɓace kana jina", bata jira me zai ce ba ta katse wayar.

Kallon shi ya maida kan Nusram data runtse idanu babu abinda take ji banda wani haushin shi wato sai ya nuna mata bata da amfani kenan.

Gefen fuskarta ya shafa, sannu a hankali ta buɗe idanun, kallo ɗaya tayi mishi ta kauda kai sakin ta yayi suka fito daga motar, kafin yace wani abu harta nufi ciki da sauri.

Cikin sauri ya biyo ta, hannu ya saka ya riƙota ya dawo da ita baya, wani kallo ya aika mata kana yace; "baki da hankali ne a haka zaki shiga gidan?".

Wannan yayi dai-dai da fitowar Dr Saleema wacce ta kasa haƙurin jure barin nasu tare, tunda ta shiga hankalin ta ke kansu idan tayi kamar ta kauda kai sai ta kasa.

Ƙarshe ma dai ɗaki ta shige tana zubar da hawaye, sosai hakan ke taɓa ranta ta rasa ina zata saka kanta a wannan lokacin ji take da ace tana da yadda zata yi ta cire soyayyar Abdus-samad ɗin a ranta da tayi kodan ta huta da wannan takaicin da tashin hankalin.

Fitowa tayi ta nufi waje domin dai haƙurin ta gaza yin shi, sai kuma tayi rashin sa'a da mugun gani domin wannan maganar tashi a kunnen ta ta sauka ga kuma yadda taga Nusram ɗin, mayafi da ribbom a hannu ga gashi a warwatse.

Runtse idanu tayi zuciyar ta na bugawa da sauri, shikenan aikin gama ya gama, ko ba'a faɗa mata ba yanayin yadda ta gansu kawai zuciyar ta bata me afkuwa ta afku.

kasancewar Nusram ta juya baya yasa bata ga Dr Saleemar ba, shi kuma Abdus-samad ɗin hankalin shi na kan Nusram ɗin bema lura da bayan ta ba.

Cikin kishin da bata san tana dashi ba tace; "a'a ba First Love ba saura Last Love", ta ƙarasa tana ajiyar zuciya.

Hannu ya saka a ƙugunta ya janyo ta jikin shi, fuskar su ya haɗe kafin yace; "ai zan samu Last Love ɗin kwanan nan", kan tace komai ya sumbaci goshinta da saman hancin ta.

Yana ƙoƙarin kaiwa bakin ta Dr Saleema da ta kasa haƙuri ta kira sunan ta, "Nusram!".

Da sauri suka waiwayo, Dr Saleema ta ɗan ja numfashi kafin tace; "dare nayi bana so Abba yazo ya same ki a nan ki shiga matsala nima ki jefa ni ya kamata ki dinga kiyayewa".

Hannun ta tazo ta kama, Abdul yayi saurin sakin ta, daga Dr Saleemar har Nusram ɗin babu wanda ya kalle shi suka wuce.

Ya bisu da kallo yana murmushi, a hankali ya shafa gashin kanshi yace; "na shiga uku na ni Abdus-samad", kowacce kishi take yi, ita Nusram tana kishi da First Love😁, ita kuma Dr Saleema da Nusram dan yadda fuskar ta tayi ya tabbatar mishi da ranta a ɓace yake.

Juyawa yayi ya shiga motar shi ya bar gidan, koda ya ƙarasa Appartment ɗin su Hajja da sauri ya shiga ciki.

Kafin ya ƙarasa falo ya sami Husna a tsaye kallon shi tayi idanun ta jajir alamar kuka tasha.

Cikin ɓacin rai tace; "Yaya na me nayi maka da baka so na?, me waccen yarinyar ta fini dashi, ka san irin son da nake yi maka amma baka taɓa kallo na a matsayin masoyiyar ka ba, sai dai kullum nayi ta wahala da son ka a cikin raina, ba zan hanaka zuwa taɗi ba amma zan ji zafi duk lokacin daka tafi, sai dai duk da haka ina roko da fatan Allah yasa nima wata rana ka soni kamar yadda kake son waccen", tana gama faɗar haka ta shige ciki tana cigaba da kukan ta.

ya sa hannu ya dafe kanshi, shi kam yau yaga ta kanshi kowacce tana