You Cannot Download this book untill you login but you can read it .

---

Login Register

yatsun su na hannun hagu, sannan atamfar da suka saka me Blue da light yellow duka kala ɗaya ne haka flat ɗin takalmin dake ƙafar su shima kala ɗaya ne wanda ya kasance blue.

Shi dai bashi da wani abu da zai bambamce su, ya maida kallon shi kan abokin nashi daya zuba musu idanu kamar zai cinye abin ban dariyar shine yana ganin sun yi murmushi shima zai, Naufal ya kalle shi ya kuma kalle su ya kwashe da dariya yana faɗin;

"Allah Shureim kana daf da ka zare", Shureim ya kwaɗa mishi harara yace; "so kenan ake faɗa maka malam".

Naufal ya kuma juyawa ya kalle su dan har sun gifta su yace; "nifa bana jin ko mahaifiyar su zata banbance su", Shureim dake tada motar yace; "me zai hana ta bambamce su tunda ita tayi naƙudar su ko kai kayi mata?", ya girgiza kai yana taɓe baki.

Bin su suka yi a baya har zuwa lungun da gidan nasu yake,daga bakin lungun suka yi parking sannan suka fito suna kallon gidan da suka shiga, gida na uku a cikin jerin gidajen dake lungun.

Nusreen da Nusram kuwa suna shiga gida suka tarar da Sahura da uban jibgin kaya a gaba sai kuka take sha, Mama Jummai kuma na gefe tana kallon ta.

Nusram tace; "sannun ku da gida Mama", Mama Jummai tace; "yauwa sannu", sosai hakan ya basu mamaki saboda zagi ne ke biyo baya amma yau ta amsa jiki a sanyaye.

Nusram ta kai dubanta ga ƴar uwar ta tace; "lafiya kuwa ke kuma?", Mama Jumman ta taɓe baki tace; "ina fa lafiya Nusram Nura ne ya sake ta saki ɗaya mahaifiyar shi tace idan be sake ta Allah ya isa shine ya sako ta".

Sosai Nusram ta tsorata, ta tsugunna kusa da Sahurar tana bata haƙuri, Sahura dake zubar da hawaye ta galla mata harara tana jan tsaki.

Nusreen haushi ya cika ta itama kuwa ta ja tsaki tace; "ai ga shi nan garin neman gindin zama kin jawa kanki raini a wajen ƙanwar ƙanwar ki, dama ai duk abinda mutum ya shuka shi zai girba kuma taya zaka kasance mowa a gidan mijin ka ƴaƴan ka ma kace dole sai sun zama wannan ƙaryane yadda kake gasa ƴaƴan wasu haka za'a gasa naka".

Mama Jummai ta miƙe tana wuci tace; "wallahi ki fita hanya ta Shegiyar ƴar Allah bani", Nusreen tayi shewa tace; "ga ƴaƴan Allah bani nan ana korowa gidan Mama, ai duk wanda yace tukunyar wani ba zata tafasa ba nashi ko ɗumi ba zata yi ba".

Mama jummai cikin hayagaga tace; "ai gwara su an shaida dan har aure sun yi kufa babu wacce keda mashinshini,ai ko yanzu kasuwa ta tashi ɗan koli yaci riba", ta ƙarasa tana cewa.

"ai da aure irin na ƴaƴan ki wallahi gwara na zauna har abada babu aure, auren jeka nayi ka ita kanta wannan ɗin da take kamar muciya saki biyu ke akanta, waccan kamar turmin( Sakeena🤣) saki ɗaya ƴar baƙa ma(😂 Habiba) itama saki ɗaya gaskiya ki canza boka wannan inaji batirin shi yayi sanyi😮.

Ba Mama jummai ba har Ummi dake ƙofar ɗaki tana girki sai da ta ɗago ta kalli yarinyar tata balle Nusram da har kusa faɗuwa sai da tayi, duka kallon Nusreen ɗin suke yi ita kuma ta maze kamar babu abinda tayi.

Sahura ta taso cikin rashin kunya tace; "malama ya ishe ki haka, ai naga aiki da bokan ba ita kaɗai ta fara ba wata ma abinda take yi kenan, banza wacce taƙi auruwa".

Mari ta kai mata da sauri Nusram ta tare tace; "kada ki fara ai ke kika janyo ma kanki", Nusreen ta gallawa Nusram harara tace; "ai wallahi sai na mare ta, sai na nuna mata niba sa'ar yin ta bace sa'ar yin uwar ta ce".

Sahurar itama cikin haki da masifa tace; "kamar yadda nake ba sa'ar yin ki ba sa'ar yin taki Uwar ce ba", ai kuwa tana rufe baki Nusreen na sauke mata tafi a fuska.

Jijjiga ta tayi ta wullar ƙasa ta hau kai ta fara duka, Nusram kuwa ta tsaya tana kallon ikon Allah, Mama Jummai ta ɗauki roba ta fara ƙwalawa Nusreen ɗin tana faɗin; "au baƙin ciki yasa zaki kashe mini ƴa ne?",.

Ummi ta kalli Nusram tace; "zo ki wuce ciki", babu musu ta ƙyale su ta wuce ta ɗauki buta domin yin sallar magrib, Nusreen kuwa sai da ta gama kirɓar Sahurar sannan ta ɗaga ta dan kanta tayi ɗaki.

Mama Jumman ta dinga jero mata zagi, yayin da Sahura ke zabga ihu domin ta daku sosai, haka taja jikin ta tayi ɗaki domin dai ta jibgu sosai da sosai.

Nusreen na idar da sallah ta kalli ƴar uwar ta, Nusram taja tsaki tana miƙewa ta bar wajen, Nusreen tayi murmushi tana shafa fuska ta san cewa sai da ta ƙara yin ladabi kafin su shirya da ƴar uwar tata.

Ta kalli Ummi, Ummi kuwa ta zuba mata harara hakan yasa ta saukar da kai tace; "Ummi kiyi haƙuri", shiru ne ya biyo baya domin sallamar wani yaro.

Mama Jummai dake waje ita ta amsa tana faɗin ya akayi me zaka siya?", yace; "yan biyu aka ce na kira", Mama Jummai taja tsaki cike da takaici da kuma mamaki wanda ya bayyana ƙarara a kan fuskar ta.

Nusram dake yanka latas ta ɗago ta saci kallon ƴar uwar tata, ita kuwa Nusreen dama neman hanyar yiwa ƴar uwar tata magana take dan haka tace; "Ram baki ji ba ana kiran ki".

Nusram ta juyar da kai tace; "kada Allah yasa ki tashi kije ki zauna neman magana har Baba ya dawo kinga koda ace kuturu ne ya nemi ɗaura muku aure", ai kan ta ƙarasa ta miƙe ɗauki hijab ɗin ta.

Koda ta fita Mama Jummai ce kawai a waje hakan yasa tayi waje kawai, Mama Jumman tace; "Allah yasa gurgu ne", Nusreen ta saki dariya tana ƙarasa ficewa.

Suna tsaye suna kallon ƙofar gidan, kallon su take ƙasa zuwa sama, ita dai ba zata tuna kosu waye ba domin bata san su ba, amma kuma daga ganin su kaga wa'inda hutu ya samu waje ya zauna a jikin su.

Suna sanye da shadda bugaggiya kalar ruwan madara wacce tasha aikin wuta sosai a jiki, ɗayan kan shi da hula ɗayan kuma babu hula, duka har agogon su kala ɗaya ne haka takalmin su.

Ɗaya baƙi ne ɗayan kuma yana da haske kuma yana da ƴar ƙiba kaɗan yayin da ɗayan yake dogo, dogon baƙin wanda ya zuba mata idanu itama haka ta zuba mishi idanu.

A hankali ta fara takowa zuwa wajen su, Shureim kuwa ji yake kamar ya ɗauke ta su gudu tsabar son da yake mata, Nusreen kuwa sai da ta matso kusa dasu sannan ta gane shi.

Wani irin ɗaure fuska tayi tana mishi kallon uku saura kwata, tana sakin musu harara ganin yadda ya raina mata wayo wato har ma ƙofar gidan su yazo kenan?, da alamu sai ta nuna mishi ita ba sa'ar shi bace.

" marin kazo nayi maka ko kuwa waccan wankin dana yi maka yayi kaɗan ne? Ko dai kazo ƙara zuba mini datti ne? Ko ƴan sanda ka kwaso mini? Ko kazo ganin ni ƴar wacece?", duka ta jero mishi tambayar idanun ta na kanshi.

Shureim da Naufal suka kalli juna cike da mamaki, Naufal kam da ƙyar ya iya riƙe dariyar dake cin shi ganin yadda abokin nashi ke zare idanu, gashi ita kuma ta ɗaure fuska yadda kasan uwa ta titsiye ɗan ta yayi mata laifi, shi kuma sai zare idanu yake kamar yayi wa sarki ƙarya.


#LIKE
#SHARE
#COMMENT

*Babyn Abdul, Maman Meenal, Elham da Farouk*.


*ƳAR MUTAN ZAZZAU*.




♠♠♠♠♠♠♠♠♠♠♠
*RAYUWAR ABDUS-SAMAD*
♠♠♠♠♠♠♠♠♠♠♠


https://www.facebook.com/groups/1569379426621615/


*~✍🏽✍🏽GOLDEN PEN WRITERS ASSOCIATION✍🏽✍🏽~*




*~We are bearer's of so golden pen🖊~*

*~we write assidiously perceive no pain~.*

*~So magical,Our creative golden pen✍,behold our words.~*

*~A product of our pen🖊,savour our words, for it will cause you no pain.~*







*_daga alƙalamin ✍_*


*ƴar mutan zazzau*
*(one love)*

*sadaukarwa gare ku*


*Bashier Sufyan(Sardaunan gauraye)*

*Ibraheem Aliyu (Jikan Nufawa)*

*Heart you so much*

📖📖11-12📖📖


Tsit wajen yayi Shureim dai kallon ta kawai yake yi cike da birgewa yayin da gaban shi ke dukan uku, Nusreen ta kuma balla mishi harara tace; "baka da baki ne?".

Cikin sauri Shureim ya girgiza kai yace; "abinda ya kawo ni daban".

"me kenan? Ko kana bina bashi ne?", ta ƙara jefo mishi tambaya, wacce tasa Naufal ya kasa riƙe dariyar shi.

Ta juya ta kalle shi ta taɓe baki tace; "kai kuma ka sami taɓin hankali ne, ko kuwa sabon wulaƙanci ne da kuka samo ku ƴaƴan masu kuɗi", Naufal ya kauda kai yana mamakin ƙarfin halin yarinyar da kwata-kwata ta hana su maganar.

"ya wani je ya kwaso ka, kai kuma ka wani biyo shi dunƙul-dunƙul, to ko zaka tare mishi, wai yanzu zamani yazo da rashin mutunci ma har ƙofar gidan ku ake zuwa ayi maka, to wallahi ku tattara komatsen ku kubar nan kafin nasa ayi muku rashin mutunci na ƙarshe wanda ko hanyar nan ba zaku kuma kallo ba", tana gama faɗar haka ta shige gida ta bar su a tsaye.

Shureim ya dafe kai da sauri, shi kuwa Naufal banda dariya babu abinda yake yi, lallai wannan yarinyar ta wuce yadda yake tunani, cikin masifa Shureim ya kalle shi yace;

"nifa ba na kira ka nan bane ka ƙara mini matsala, matsala ta nazo ka warware mini amma ji yadda kazo ka lalata komai", Naufal ya kuma tuntsirewa da dariya.

Shureim kamar zai yi kuka yace; "na gode da irin sakamakon da kayi mini", nan ya shige motar ya barshi, shima Naufal ɗin haka ya gaji ya shigo sannan yaja suka bar unguwar.

Nusreen na shiga gida ta nemi waje kusa da Nusram ta zauna, Nusram dake cin abinci ta kalle ta, ta kauda kai.

Nusreen ta janye abincin dake gaban Nusram din ta hau ci, Nusram kuwa bata ce mata komai ba sai tashi da tayi ta wanko hannun ta.

Ummi ta dube ta tace; "wai waye yazo ne?", Nusreen ta taɓe baki tace; "nima ban san shi ba wai ashe kwatancen da akayi mishi ne ba dai-dai ba", Ummi ta bita da kallon tuhuma, ita kuma ta fuske tana me cigaba da cin abincin ta.

Tana gama cin abincin Baban su yayi sallama ya shigo, duka suka amsa mishi, ɗakin Mama Jummai ya nufa suma kuma basu wani damu ba.

Ita kuwa sai dai tayi wata ƴar shewa sannan ta bishi ɗakin nata, Nusreen ta taɓe baki tana jan tsaki.

Ummi ta dube su tace; "tashi ku shiga daga ciki aje a kwanta", babu wanda ya musa haka suka tashi suka shige cikin ɗakin.

Sun kwanta babu jimawa Baban yayi kiran Nusreen, ta amsa tana ƙunƙunai, "shi baban nan ya iya kiran mutane idan tashi ce ta haɗo ku amma hakan nan ba zai tsaya yaji matsalar ku ba", haka ta fice tana mita, ita kuwa Nusram tana jin ta murmushi tayi tana me yiwa ƴar uwar tata fatan shiriya.

Baban ya kalle ta yace; "ance wani yazo wajen ki", ta ɗago ta kalli Baban sannan ta juya ta kalli wacce ke bayan shi Mama Jummai, ta ɗan ja tsaki ƙasa-ƙasa tace; "nifa wallahi gulma ce bana so".

Baba yace; "me kika ce?", ta girgiza kai tana faɗin; "babu komai, ni babu wanda yazo waje na".

Mama Jummai ta sako baki tace; "waye zai miki ƙarya, ina zaune aka aiko kiran naki zaki ce babu wanda yazo ko dadiron naki ne, yara basu son aure sun fi so su zauna suyi ta iskancin su a gidan uban su".

Baba ya ɗaga mata hannu sannan yace; "ya isa haka! Kince babu wanda yazo ko?", Nusreen ta ɗaga kai, yace; "tashi kije zan saka a bincika mini idan na samu akasin abinda kika faɗa sai na ɓata ranki kuma, tashi ki bani waje".

Babu musu ta miƙe kamar mutuniyar arziƙi tayi ɗakin su, Mama Jummai baƙin ciki ya ishe ta hakan yasa ta tashi fuu tayi nata ɗakin.

Baban ya kalli Sahura yace; "ke kuma sai ki faɗa mini lafiya kika dawo gida", cikin sauri tace; "Baba Nura ya sake ni", sai da Baba ya zage Nuran tas sannan yace ta tashi taje zai nemi nuran.

Nusreen na shiga ɗaki ta tuntsire da dariya, jin hakan yasa hankalin Nusram ɗin kwantawa don tayi tunanin ko wani abu ne ya faru.

Nusreen ta zauna gefen katifar su tace; "Ram kinji Mama Jummai da gulma wai har ta kaiwa Baba gulmar wani yazo nema na?", Nusram ta juya kwanciyar ta tana ƙara runtse idanu.

Nusreen taja tsaki tace; "dama na san ba zaki kula ni ba tunda yanzu kin dena ƴar uwar dani", har lokacin Nusram bata motsa ba hakan yasa Nusreen ɗin taɓa ta tace; "Ram ki tashi kiji me nake cewa mana".

Ta turo baki tace; "ai dai nace kiyi haƙuri ba zan kuma ba", saura kadan Nusram da Ummi su kwashe da dariya amma suka dake, Nusram ta tashi ta zauna sannan tace;

"Nusreen kin cika ladabin ƴan Jos 🙄 ne, yanzu zaki tuba anjima ki sake komawa ki aikata kalar wannan aikin, wannan ba hali bane me kyau".

Nusreen tace; "kiyi haƙuri na dena", Nusram ta girgiza kai tace; "ai wannan abin da kike shine ladabin ƴan Jos ɗin, ba dai kince kin dena ba to gobe ma kuma yi zaki yi nafa san halin ki".

Nusreen ta riƙo hannun ƴar uwar ta tace; "Nusram tunda nace na dena na dena ne ba zan kuma ba ki yarda dani", Nusram tace;

"shikenan zamu gani idan da gaske ne, ni nafi so ki fahimci wani abu Mama mahaifiya take a wajen mu dan tana auren mahaifin mu atleast u deserves our respect, amma ke bakya ganewa yanzu kiwon mutum ake ba dabba ba sannan ki sani babu alkhairi a barin wa ƴaƴan ka tarihi ko tabon rashin kunya, ki fahimta wasu abubuwan kauda kai ake yi kada ki manta daba dan haƙurin manzon mu ba da yanzu addinin musulunci be kawo mana ba amma da yayi haƙuri fa ba gashi yayi nasara ba, wallahi haƙuri akwai nasara da dacewa a cikin shi ba komai ake maka kace sai ka rama ba ki dinga sanyawa zuciyar ki haƙuri da salama mana ko zaki dace wajen koyo da ma'aiki".

Kamar da gaske Nusreen tayi shiru tana saurara d most funny part ɗin ma yadda ta maida fuskar ta kai kace da gaske maganar na shigar ta, cikin sanyin murya tace; "nayi nadama sosai ƴar uwata kuma insha Allahu zan yi koyi da Annabin mu(SAW), nasan kina ƙauna ta shi yasa kike faɗa mini gaskiya na gode sosai".

Nusram tace; "yauwa ƴar ƙanwa ta yanzu mu kwanta ko sai da safe", babu musu Nusreen ta zame ta kwanta, Ummi ta girgiza kai tana me yin murmushi.

Sau nawa ana yin irin hakan amma babu abinda ya canza yanzun ma bata jin zata canza zani.

🔸🔸🔸🔸🔸🔸🔸🔸🔸🔸🔸🔸🔸🔸🔸🔸

*UNGUWAR SARKI, KADUNA*.

Brr Farida dake zaune ta zuba tagumi tana kallon gefen ɗaya wanda alamu ya nuna cikin damuwa take, gefen ta Surayya ce ke danna waya sai Adnan dake game a tab dake hannun shi.

Wani irin ƙamshi ne ya ziyarci falon kafin ya sako kai ciki bakin shi ɗauke da sallama, cikin sauri Brr Farida ta ɗago tana kallon shi.

Riga ce a jikin shi kalar Blue sai wando fari, sosai kayan suka yi mishi kyau, dan duk kayan da zai saka to suna amsar shi sosai, Surayya kallo ɗaya tayi mishi ta kauda kai, Adnan kuwa wajen shi ya nufa da gudu.

Abdul ya riƙo hannun shi yace: "yauwa boy", Adnan yayi dariya sannan yace; "Ya Abdul zaka je dani wajen Farha?", Abdul yayi murmushi har kumatun shi ya lotsa sannan yace; "me zai hana kuwa?", Brr Farida ta ɗaure fuska tana me kallon gefe.

Kusa da ita yazo ya tsaya, ta juyo ta kalle shi yana rataye da ƙamar jaka wacce ya zuba kayan amfanin shi a ciki, fuskar ta ɗauke da damuwa tace; "fatan ba zaka jima ba a can ko?".

Riƙo hannun ta yayi yace; "eh bana jin zan wuce sati ɗaya", wani kallo ta wurga mishi sannan tace; "sati ɗaya shine baka jima ba?, ko dai kafi son zaman can ne?", ya girgiza kai yace; "haba first love taya zan so zaman wajen da babu ke".

"to kayi kwana biyu kawai ka dawo", ta faɗa tana kallon shi, yayi murmushi yace; "shikenan First love to amma bakya ganin Daddy zai ce ban cika umarnin daya bani ba munyi dashi one week fa?".

"kaga Allah ya kiyaye hanya", tana gama faɗin haka tana fara ƙoƙarin barin wajen, cikin sauri ya sha gaban ta fuska ɗauke da damuwa yace; "bana so muyi irin wannan rabuwar Mum, dan Allah kada kiyi fushi dani, idan hakan ya ɓata ranki, to kiyi haƙuri", ya ƙarasa muryar shi na rawa.

Ita kanta bata san wane kalar so take wa ɗan nata ba, tana ji dashi sosai kuma bata son ganin shi a damuwa, amma kuma zuwan shi Hayin Rigasa ta san ba wani kula zai samu a can ba.

"shikenan zan haƙura amma da sharaɗi", cikin sauri ya tambaya; "meye sharaɗin?", ta riƙo hannun shi sannan tace; "zaka yarda securities su raka ka har can.

Yayi ajiyar zuciya dama ya san sharaɗin ba zai wuce wannan ba to shi kuma ba wani birge shi hakan yake yi ba balle hakan ya ɗaɗa shi da ƙasa sannan kuma shi baya son hayaniya amma ya zai yi tunda shiri yake nema.

Yace; "shikenan, na yarda", tayi murmushi tana me amsar jakar hannun shi tace; "muje na raka ka", haka suka jera har zuwa inda motocin suke sannan suka shiga a ka jasu, yayin da baya da gaba take cike da motocin securities.

Duk inda suka gifta kallon su ake wanda hakan shine abinda Abdul ɗin baya so amma babu yadda ya iya.

Cikin mintina kaɗan suka iso Unguwar, haka suka fara shiga cikin ta, shi dai ba zai ce ga yanayin da yake ciki ba amma ya san cewa gaban shi yana faɗuwa.

Ya kwantar da kan shi saman kafaɗar Brr Farida yana me lumshe idanu, bakin shi ɗauke da addu'a.

A bakin ƙaton estate ɗin suka dakata, sai da securities ɗin suka duba su sannan suka bar su domin su shiga.

Gida ne me apartment daban-daban gasu nan jere sama da ashirin da biyar kowanne kalar shi ɗaya da ɗan uwan shi, gefe da gefen titin da aka shinfiɗa kuwa flowers ne aka jera wanda suka ƙara ƙawata wajen.

Daga saman get na biyu naga an rubuta *NAGIMI'S ESTATE*, nan ma sai dai aka duba aka ga ko su waye sannan aka basu hanyar wucewa.

Nan fa suka fara wuce gidaje dake jere wa'inda duka kalar su ɗaya, kuma kowanne da get ɗin shi, babu kowa a waje sai masu aiki suma jefi-jefi sun yi tafiya me tsayi kafin su iso ƙarshen wannan titin inda wani get ɗin ke kallon su.

Sai da suka yi horn sannan aka buɗe musu get ɗin suka shiga, gida ne madai-daici me cike da ƙawa da kayan alatu kai daga gani ka san me gidan yana da dukiya sosai.

Haka suka jera parking a harabar wajen, Abdul ya kalli Brr Farida yayi murmushi sannan yace; "First Love muje ko?", wani shegen kallo ta wurga mishi sannan taja tsaki tana kauda kai.

Ɗan langwaɓar da kai yayi sannan yace; "Mum pls ki shiga ki gaida Malama dan na san tana nan ga kuma Hajja itama", cikin haɗe rai tace; "amma ai bance maka ina da buƙatar gaishe dasu ba ko sannan suma basu gaya maka cewa suna buƙatar tawa gaisuwar ba ko?".

"Mum sufa ɗin Ƴan uwan Daddy ne sannan surukai suke a wajen ki dan Allah ki shigo", ba dan ranta yaso ba tace; "sauka muje".

Cikin jin daɗi ya sauko suka fito tare, haka suka jera har cikin gidan, koda suka shiga falon farko babu kowa a ciki dole haka suka shiga falo na biyu wanda wata yar ƙaramar varender ce ta raba tsakani.

Ƙarami ne wannan falon don kujeru set biyu ne kawai a ciki sai wajen dinning a gefe sai ƙofofi guda biyu nan ma babu kowa sai dai hayaniyar su da ake jiyowa daga ciki.

Ya janyo hannun ta yana faɗin; "Mummy mu shiga daka ciki ina jin suna falon ciki", babu musu suka ƙara kutsa kai ƙofar dake ɓangaren daman su.

Shima falon babu tarkace sosai a ciki dan shi be kai falon tsakiya girma ba, suka yi sallama matar dake zaune saman kujera gaban ta ƙaramin table ne tana rubutu a sama ta ɗago tana kallon su.

Da mamaki take bin su da kallo tana me ƙara duba zuwa gare su, wacce ke zaune saman dinning ce ta amsa sallamar tasu tana me cigaba da cin abincin ta.

Sun tsaya sama da minti biyar kafin Brr Farida ta haɗe fuska ta ƙarasa cikin falon ta sami kujera ta zauna, ganin hakan yasa Abdul wucewa ya shiga ƙofar dake can corridor.

Da sallama ya shiga ɗakin, Ƴar tsohuwar dake zaune saman dardumar da alqur'ani gaban ta, ta ɗago tana me kallon shi.

Kusa da ita yaje ya zauna ya ɗora kan shi saman ƙafar ta, ta saki murmushi tana me shafa kanshi, ya lumshe idanu yana ajiyar zuciya.

A hankali yace; "First love na falo tana jiran ki", ya ɗago yana kallon ta, fuskar ta babu yabo babu fallasa don haka ba zai tantance yanayin da take ciki ba.

Sai da tayi jimm sannan tace; "tashi muje", babu musu ya miƙe haka itama ta miƙe, sai lokacin naga irin tsahon da matar take dashi gata fara sosai.

Cikin taƙama da ƙasaita take takun nata, na dafe baki ina faɗin; "Lallai Abdul baka yardar a ƙasa ba ashe abin naku gado ne?".

Yadda ya shiga ya barsu haka ya dawo ya ssme su, baya jin magana ta haɗasu a tsakani, shi kam wannan abu yana bashi mamaki.

Har sai da suka zauna sannan Brr Farida ta ɗago daga danna wayar da take yi ta kuma sauke ƙafar ta ƙasa tace; "Ina wuni?", sai da tsohuwar tayi daƙiƙu kafin ta amsa da ; "fatan kuna lafiya".

Brr Farida tace; "lafiya lau",