You Cannot Download this book untill you login but you can read it .

---

Login Register

sanyin murya tace.
"Ummi ɗazu fi ta na aiki nasamu ankai Adda Maryam ɗin su Zakariyya haihuwa, kuma bazata iya haihuwa da kanta ba, sabida yaron ya rasu a cikinta sai anyi mata theater, kuma anyi mata theater'n, an ciro ɗan ba rai, bayan anfito da ita daga ɗakin theater'n ne kuma Allah yayi mata rasuwa, Ummi Adda Maryam ɗin su Zakariyya ta rasu."
Ta ƙare maganan tana kuka, don dama ita akwaita da tsoron mutuwa, kona wanda bata sani ba ma kuwa. Salati su Ummi suka sa, cikin matsanancin tashin hankali Ummi tace.
"Innalillahi wa'inna ilaihirraju'un, Maryam ta rasu? Innalillahi wa'inna ilaihirraju'un!." taƙare maganar hawaye nabin kan fuskarta, Raliya ma salatin tayi take kuma sai idanunta suka kawo ƙwalla, Kuka Ummi ta fashe dashi, tare da sanya hannu ta rufe fuskarta, haka nan rasuwar maryam ya daki zuciyarta, yatuno mata rasuwar Abbansu Saifuddeen da Ya Nuruddeen ɗinsu sosai kuka yaci ƙarfinta.
Saifuddeen kuwa hankalinsa ne ya tashi matuƙa, sakamakon jin rasuwar Adda Maryam ɗin, Ahmad ma dake gefe shi da kansa saida yaji ƙwalla a idanunsa, saboda alokacin bikin Zaleeha da Saifuddeen sosai suka ɗan saba da Adda Maryam ɗin, kasancewar itace ta tsaya akan duk wani abu da ya shafi bikin, macece me sauƙin kai, da sakin fuska.

Hayatuddeen ne ya shigo falon afujajan fuskarsa gaba ɗaya tayi caɓa caɓa da hawaye, dan yanzun Zakariyya ke sanar dashi, rasuwar Adda Maryam ɗin, yazo faɗawa su Ummi kenan ya iske su ahaka, faɗawa jikin Ummi yayi tare da sakin kuka, cikin kukan yace.
"Ummi dagaske Adda Maryam ta rasu, yanzu Zakariyya ke faɗamin, Ummi Zakariyya kuka yake sosai har kaman zai shiɗe."
ɗan shafa bayansa tayi, tare da ciresa ajikinta, dan kukan nasa, ƙara mata nata kukan zaiyi.
Duban Saifuddeen wanda yayi ƙasa da kansa tayi, kana ta kai duban ta ga Ahmad, cikin sanyin murya tace. "Ahmad kuje can gidan Baba Malam ɗin da Saifuddeen"
Jin jina kai Ahmad yayi, nan ya miƙe tsaye, zunbur Hayatuddeen yayi tare da cewa zai bisu, basu hanashi ba, haka suka shiga mota, kai tsaye suka nufi gidan Baba Malam, zuciyoyinsu cike da alhinin abun da ya faru.

Ummi kuwa miƙewa tayi ta shige ɗaki, dan taji mutuwar Maryam din sosai, tabbas Maryam yarinyace me hankali, da kuma daɗin zama, uwa uba mutunta na gaba da ita, Ameena ma asanyaye ta koma ɓangarenta, Raliya kuwa bayan Ummi ta bi, ɗauke da Adeel akan kafaɗanta.

Koda su Saifuddeen suka isa gidan, Ya Habu wanda idanunsa suka kumbura shi yayi musu jagora zuwa falon Baba Malam, domin anan gaba ɗaya mazan familyn suke tare, sun saka gawan agaba suna tayi mata karatun alƙur'ani, bayan sunyiwa Baba Malam ɗin ta'aziyya da kuma Ya Ameenu wanda har yanzu idanunsa ke tsiyayar da hawaye, nan dai sukayiwa sauran jama'an dake cikin falon gaisuwa, alƙur'anin suma suka ɗauka suka soma karantawa, muryan kowa na tashi amma banda na Saifuddeen, danshi koda yaushe saidai yayi karatunsa azuciyarsa.

Can Abuja kuwa, Ya Ahmad hankalinsa amatuƙar tashe yake, yayi kuka harsaida yaji numfashinsa na ƙoƙarin ƙwacewa, haka Aunty Lubna ma tsakaninsu babu me rarrashin wani, sam baiduba cewa dare yayi ba, haka ya haɗa kayansa, inda yasa Aunty lubna ma tahaɗo nata kayan dana yaransu, duk da ƙaramin yaronsu data ƙara haihuwa, nan suka zuba yaransu amota suma suka shiga, kaitsaye suka kama hanyar Gombe, dan bayajin zai iya bari har gobe kafun ya taho, gaba ɗaya ma ya manta da wani batun hawa jirgi, ya ƙudurta aransa cewa bazai taɓa tsayawa ba harsai ya gansa acikin garin Gombe, haka yake tuƙin mota yana hawaye, tsananin tausayin mahaifinsu yakeji, dan yasan Baba Malam ɗin saiya fisu jin mutuwan Maryam ɗin, saboda kowa yasan Baba Malam, to yasan akwai ƙauna me zafi tsakanin sa da Maryam, daga gefe guda kuwa idan ya tuna da ɗan uwansa Ameenu, sai yaji kukan nasa ya tsananta, saboda yasan mutuwar Maryam ɗin zata wujijjiga Ameenu, domin kuwa yasan Ya Ameenu'n nayiwa Maryam wani irin ninkekken so.

Zakariyya kuwa wanda yasha kuka har dana fitar hayyaci ne, ya jawo wayarsa, number'n Zaleeha ya nema tare da danna mata ƙira.
Dai-dai lokacin kuwa Zaleeha na kwance akan ƴar katifarta, gaba ɗaya yau ɗin tun safe tarasa mekeyi mata daɗi, hakanan take yawanjin faɗuwar gaba, da kuma tsinkewar zuciya, wanda bata san dalili ba, saidai addu'a kawai take ta yi abakinta, kasancewar kwana biyun Balkeesu na yawan matsa mata da ƙira, hakan yasa, yau ta sanya wayarta a silent, dan kwata-kwata bata son damuwa, wannan dalilin yasa, sam bataga ƙiran da Zakariyyan keyi mata ba.
Zakariyya kuwa saida yayi mata 10 missed calls, ganin bata ɗaga ba yasashi fashewa da wani sabon kuka, da ƙyar Hayatuddeen ke iya tausansa.

Su Saifuddeen basu bar gidan Baba Malam ba, sai wajen ƙarfe shaɗayan dare.
Dan bayau ne za a kai Maryam din makwancinta ba, dole sai tayi kwanan keso, gobe kuwa da ƙarfe goma insha Allah za ayi sallan jana'izar ta, koda suka koma gida direct ɗakinsa ya wuce, inda ya murzawa ƙofarsa key, sam yau baison Ameena ta dameshi, dan ƙwarai rasuwar Adda Maryam ta daki jiki da zuciyarshi.

Ɓangaren Mama kuwa taso tahowa yau ɗin, amma babu abun hawan da zata hau tazo, haka taci kuka har idanunta suka kumbura, Zahira ma kukan take sosai, bata iya rarrashin Mama, haka Maman ma bata iya rarrashinta Maman Mama da Babantama sosai mutuwar Maryam ta shigesu.

Agidan Baba Malam kuwa kwana akayi anawa gawan Maryam karatun alƙur'ani, yanda suka ga safiya haka suka ga dare, kab gidan babu wanda ya iya runtsawa, Mamy tayi kuka harta godewa Allah, idanunta sunyi luhu luhu dasu, sam bata banbance su Maryam da ɗanta na cikinta, har gaban abada kallonsu take mazaunin ƴaƴanta na cikinta, haka suma sun ɗauketa uwace, basa taɓa banbantata da mahaifiyarsu, wannan dalilin yasa shaƙuwa me ƙarfi ta shiga tsakaninsu, sau da yawa Maryam saitayi shawara da Mamy, batayi da Mama mahaifiyarta ba, haka ma Zakariyya duk wata damuwarsa koda ta kuɗi ce, Mamyn yake faɗawa, dan gaba ɗaya uwa suka ɗauketa.

Washegari ana idar da sallan asuba kuwa Ya Ahmad wanda suka kwana ahanya suka samu isowa gidan, nanne fa wani sabon kuka ya tashi, dan ganin gawan Maryam da kuma yanda ƴan uwansa ke kuka yasa gaba ɗaya hankalinsa yayi masifar tashi, haka yazauna yana kuka kaman ƙaramin yaro.


Zakariyya kuwa koda ya sallame sallan asuba, wayarsa ya ɗauka still ƙiran Zaleeha yayi amma no answer, nan ya shiga rubuta mata saƙo kamar haka.
_"Adda Zaleeha Ina ta ƙiranki bakya ɗagawa ko, kowa yaƙira wayanki bazaki ɗaga bako?, saboda kinsawa kanki zuciyar kafurci aranki, kin bijirewa Baba Malam, kin bijirewa kowa, kin gujewa gaba ɗaya danginki, kinƙi bin umarnin mahaifin mu, kin tafi can wata uwa duniya cikin kafurai kinje kin zauna, wataƙila ke kam bazaki dawo ba harsai gaba ɗayanmu mun ƙare, har sai kin rasa kowa naki na a faɗin duniya sannan zaki dawo, shikenan kici gaba da zama Adda Zaleeha, Adda Maryam kam tatafi ta barmu, tabar mana duniya'n, tayi nesa damu inda bazamu ƙara ji da ganinta ba yadda kika gujewa dangi duk suma sun guje miki gashi babu wanda ya tunaki,sannan nidana tunakin na kiraki baki amsaba."_
Yana rubuta saƙon yana kuka sosai, yana gamawa kuwa ya tura mata, inda ya kifa kansa ya cigaba da kuka."

Da duru-durun Asuba Mama da Zahira da wasu ƴan uwanta suka samu isowa gidan, ganin gidan nasu acike shiya ƙara ɗaga musu hankali, Nan Mama ta buɗe ɓangarenta ta shiga, anan falonta ta zauna tana wani irin kuka me cike da ban tausayi da tsantsar nadama.

Zaleeha kuwa yau makara tasoyi, tana tashi tayi alwala tayi salla, tana nan zaune akan sallaya tajiyo sallaman Aisha, cike da ɗan mamaki ta amsa mata tare da bata izinin shigowa.
Aishan ne ta shigo ta zauna hannunta ɗauke daɗan kula, agaban Zaleehan ta aje kulan tare da cewa.
"Kinganni da sassafe ko, wallahi kinsan yau ƙarfe 6 dai-dai muke da lecture shiyasa da zan fito nace Inna tabani abun karin kumallonki na kawo miki."
Murmushi Zaleehan tayi, tana ƙoƙarin cewa wani abune taga screen ɗin wayarta ya kawo haske, hakanan taji ƙirjinta ya buga, zuciyarta ta tsinke, jawo wayartata tayi tare da dubawa, text message ta gani da sunan Zakariyya, nan ta cire wayan a key, tare da shiga cikin message ɗin.
Hannunta na ɓari jikinta na rawa, haka tashiga karanta message ɗin, maganansa na kusa da na ƙarshe shine abun dayasa taji gaba ɗaya duniyar ta tsaya mata kanta yayi wani irin mugun sarawa duhu ya wulgawa ganinta, azabure ta miƙe tsaye, cikin wani irin gigita haɗi da kiɗima da tsananin tashin hankali ta dannawa numbern Zakariyyan ƙira, bugu biyu kuwa ya ɗauka, yana kara wayar akan kunnensa ya saki kuka, abun dayasa hankalin Zaleeha tashi kenan, lokaci guda bakinta ya soma ɓari, murya asarƙafe tace. "Zak....kar iya, ina Adda Maryam, meya sameta, mekakeson faɗamin Zakariyya?"
Cikin matsanancin kuka Zakariyya, yace.
"Adda Maryam tarasu Zaleeha, Adda Maryam ta rasu tun daren jiya, tatafi inda bazata ƙara dawowa ba, tayi nisa nisa irin na har abada....."
Kuka ne ya ci ƙarfinsa hakan yasa ya kasa ƙarasa maganan.

Tun afaɗan maganganunsa na farko, ta dainajin komai, duk wani abu najikinta tsayawa yayi, wayar hannunta ne ta sulale inda ta faɗi ƙasa, wani irin ƙara ta saki take kuma ta faɗi awajen sumammiya, cikin matsanancin tashin hankali, Aisha tayi kanta tana jijjigata, haɗi da ƙiran sunanta, ihunta da su Elizabet sukaji ne yasasu shigowa aguje, ganin Zaleehan asume yasa Elizabet dafe ƙirji cikin ɗaga murya tace.
"Innalillahi, a madadin tace Oh jesus meya ke faruwa?" Uncle solomon ne ya fita da gudu, bajimawa ya shigo hannunsa riƙe da kofin ruwa, ƙarasowa yayi inda ya ɗan yayyafawa Zaleehan ruwa afuskarta.

Azabure tatashi, cikin wani irin tashin hankali, damƙo Aisha tayi tana me jujjuya kanta, take kuma sai ta fashe da wani irin kuka mai matuƙar tada hankali, cikin kukan take ja da baya, tana me sake girgiza kanta, hankalinta amatuƙar tashe tace.
"Aisha Adda Maryam, Adda Maryam ɗina ta rasu, Adda Maryam tabar duniya batare da na sake sanyata a idanuna ba, wayyo Allah na wayyo ni, kaicon rayuwata, kaicona !!!" Wani irin azababben kuka ta saka kukane mai cushe zuciya da numfashi, lokaci ɗaya ta miƙe tsaye wayarta kawai ta ɗauka tare da buɗe jakanta, kuɗi ta ɗauko wanda batamasan ko nawa bane, takalmi ta zura aƙafafunta, ƙoƙarin fita daga cikin ɗakin take Elizabet ta riƙota cikin kulawa tace.
"Zaleeha ina zakije, dan Allah kitsaya ki nutsu tukun"

Faɗawa jikin Aishan tayi tana wani irin kuka, kanta ta girgiza cikin kuka tace.
"Adda Maryam ɗina Uncle Solomo Addana, Adda Maryam ɗina ta rasu"
Hawayen tausayin Zaleehan ne suka kwaranyo daga cikin idanun baki ɗayansu cikin sanyin murya Aisha tace.
"Muje to na rakaki ki hau mota, amma kafun nan ki kimtsa tukunna."
Kai Zaleeha ta girgiza cikin matsanancin kukan dake neman shiɗar da ita ya tafi da rants.
Hannunta Aisha ta kama suka nufi ƙofar fita daga gidan Solo da martasa na biye dasu a baya.
Gaba ɗaya Zaleeha bata cikin hayyacinta, hakanne yasa Aisha mannata da jikinta, domin kukan da Zaleehan keyi yasa bata ko iya ganin gabanta.
Suna kawo bakin titi kuwa sukai sa'a nan suka samu wata mota, wanda kaitsaye Gombe zata taho, da kwai ma mutane cike acikinta, Aisha ce tayi mata komai, tasata acikin motar, hannun Zaleehan dake kuka ta kamo, nan ta ɗan ɗaga mata hannu, itama hawayene ke zuba akan fuskarta, murya asanyaye tace.
"Allah yajiƙanta yasa al'janna tazamo makoma agareta, kiyi haƙuri kinji Zaleeha, dukkan me rai dama mamaci ne, kowa lokacinsa yake jira, dayazo kuma babu jinkiri."
Kai Zaleeha ta jinjina, tare da sakin sabon kuka, nandai Me motar yaja suka tafi, kowa dake cikin motar kallon yanda Zaleeha ke kuka suke, wasu kukan nata ya damesu, wasu kuwa matsanancin tausayinta ne ya kamasu, domin kukan da take irin kukan nanne me karƴar da zuciya, kukan da take, kukane me fitar da irin tsananin tashin hankalin da take ciki, kukane da duk me imani dole zaiji tausayinta.




Littafina na kuɗine in kin gashi yana yawoma na satane, in kina buƙatan saya ga no ɗina 09097853276




By
*GARKUWAR FULANI*
10/4/20, 7:04 PM - Mmn Khalid: *(heart touching)*

Sbpejy Su Baba Malam kuwa tsayuwa sukayi, gaba ɗaya jikinsu asanyaye y'ake, babu wanda yayi yunƙurin zama acikinsu, Mamy kuwa hawaye take ta sharewa, zuciyarta cike take da tausayin Maryam.
Can cikin theater room kuwa, alluran nan dake gusar da hankali, likitotin sukayiwa Adda Maryam, Doctors kusan guda huɗu ne suka duƙufa akanta, cikin ƙwarewa kuwa suka soma yi mata aiki.
Shiru ɗakin theater'n yayi bakajin motsin komai, sai na kayayyakin aikin da likitotin ke amfani dasu.
Sosai aikin nasu ya ɗauko nisa, gefe kuwa Ameena ne da wata nurse wanda sune ke taimakawa wajen miƙawa doctors ɗin kayan aiki.
Ahankali ƙwayar idanunta ke tsiyayar da wasu sassanyan hawaye, sosai kuma hawaye suka rinƙa kwaranyowa daga cikin idanunta, Ameena wanda gaba ɗaya hankalinta naga Maryam din ne, ganin idanun Maryam ɗin na zubda hawaye, yasa amatuƙar firgice ta matso kusa da ɗaya daga cikin doctors ɗin dake yi mata aiki'n, ɗan taɓasa tayi yana juyowa kuwa tayi masa nuni da fuskar Maryam, cikin yanayin tsoro haɗi da mamakin ikon Allah likitan yayiwa ƴan uwansa nuni da Maryam ɗin, wanda idanunta suke ta zubda hawaye, koda suma suka ga yanda Maryam ɗin take , sosai suka shiga shock, saboda sunsan sunyi mata alluran gusar da hankali masu ƙarfi, wanda baiyiwuwa ma ta farfaɗo koda nan da awa 2 ne, sai gashi abun mamaki ko mintuna 30 ba acika ba idanunta na zubda hawaye kamar dai kuka takeyi mamakin hakanne yakamasu ƙwarai, saboda koda jinin mutum nada ƙarfi, idan akayi masa wannan alluran yana tasiri sosai ajikinsa, ɗaya daga cikin doctors ɗinne ya sake haɗa wani alluran yayi mata, bayan ya mata alluran da kamar mintuna uku ne, suka ga idanunta sunyi lib sun dena ɗan motsawan da sukeyi saidai kuma har yanzu hawaye na fita daga cikin idanunta, yana bi ta cikin kunnenta, kana yana sauƙa akan matashin kanta.
Sosai abun ya ɗaure musu kai, dan kuwa basu taɓa samun irin haka a cikin aikin su ba, nan dai suka maida hankalinsu wajen ciro yaron dake cikin nata.
Cikin ikon Allah kuwa suka fito da santalelen yaro, saidai kuma yariga daya rasu, tun jiya shiyasa ma haihuwar ta gagara, ya zama sai an mata tiyata, ɗayar nurse ɗin da suke aiki tare da Ameena suka miƙawa yaron, sannan suka duƙufa wajen ɗinke ta, cikin mintuna kaɗan suka gama yi mata duk wani abun daya dace cikin iya da kwarewa da sanin makaman aikinsu.
Ɗaya daga cikin doctors ɗinne yayiwa su Ameena alama kan cewa su fita da ita, zuwa ɗakin hutu.
Hakan kuwa akayi, inda Ameena da wannan nurse din suka turo gadon da Adda Maryan ɗin ke kai.
Gaba ɗaya jikin Ameena yayi sanyi, tausayin maryam ɗinne ya cika zuciyarta, tana tausayin halin da Maryam din zata shiga, idan ta tashi, taji cewa yaron nata baizo da rai ba, tasan tabbas zata shiga damuwa.
Haka dai suka turo gadon, inda suka fito daga theater room ɗin, direct ɗakin da zasu kaita dan hutuwa suka nufa, wanda yazama kuma dole sai sun wuce ta gaban su Baba Malam, kasancewar su Baba Malam ɗin sunyi kusa da ɗakin theater'n.
Dab da sun kusa ƙarasowa wajen su Baba Malam ɗinne, Maryam ta bude idanunta a hankali lokaci guda kuwa hankalinta ya dawo jikinta, ahankali ta buɗe idanunta, cikin wata irin murya me sanyi, da kuma yanayin mayen jinya taƙira sunan.
"Baba Malam!!."
Al'amarin daya sanya su Baba Malam ɗago kansu kenan, dan dukansu kansu aƙasa yake, basu ma lura da fitowar su daga ɗakin theater'n ba, cikin hanzari su Baba Malam suka nufo ta, da sauri ɗayar nurse ɗin ta dakatar dasu, cikin sauri tashiga tura gadon, don ba aso kowa yaje kan wanda akaiwa theater sai bayan mutum ya huta tukun, Ameena kuwa cikin sauri haɗi da tashin hankali tanufi office ɗin babban doctor ɗinsu, hankalinta amatuƙar tashe yake, domin farfaɗowan Adda Maryam ɗin akaro na biyu, zai iya zama hatsari.
Maryam kuwa a hankali ta samu ta ɗaga ƴan yatsunta cikin wata dashashshiyar murya tace.
"Yaya Ameenu kazo, kazo kada su hanaka zuwa Yaya Ameenu mutuwa zanyi."
Dai-dai lokacin kuma nurse ɗin ta shige da ita wani ɗaki, cikin matsanancin sauri Ya Ameenu yazo dan bin bayan matarsa, wata nurse ce ta taresa dan ba'a shiga kai tsaye, sai an baka izini, cikin wani irin gigita Ya Ameenu ya daka mata tsawa, ransa amatuƙar ɓace hankali a tashe yace. "Matatace fa, tana ƙirana kuma kuce bazan je ba." Hannu yasa ya ture nurse ɗin gefe, nan ya faɗa cikin ɗakin su Baba Malam suka rufa masa baya.
Yana shiga cikin sauri ya ƙarasa jikin gadon, Adda Maryam kuwa da hawaye ke zuba daga cikin idanunta hannunsa ta kama, dai-dai lokacin su Baba Malam suka iso, ɗayan hannunta tasa ta kamo hannun Baba Malam ɗin.
Ƙam ta riƙe hannun Baba Malam, cikin wata irin murya me ɗauke da tsananin sanyi tace.
"Tun kwanaki nake ta ji ajikina cewa, mutuwa zanyi Baba, rayuwata tazo ƙarshe, Dan Allah Baba Malam kayafemin, sannan kaya fewa Zaleeha, nasan duk inda take tana cike da kewa, da kuma nadamar abun da ta aikata, natabbata kuma idan ta dawo zatayi maka biyayya fiye da wanda ni nayi ma, dan Allah Baba Malam ka yafewa Mama, ka barta ta dawo ɗakinta ta zauna, dan nasan itama tayi nadama, nikam nasan bazan sake zama acikin ku ba, nasan daga nan bazan koma gida da numfashi ba, lokaci na yazo, zan tafi na barku badan naso ba, zan yi nesa daku, zan tafi inda bazaku sake gani, ko jina ba."
Hannu ya Ameenu yakai ya rufe bakinta, tuni wani irin kuka ya taso masa, kansa ya shiga girgiza wa, murya na rawa yace.
"Bazaki mutuba Maryam, bazaki mutu kibarni ba Insha Allah zaki samu lfy. Rayuwata bazata taɓayin inganci ba, matuƙar babu ke acikinta, dan Allah kidaina faɗin cewa zaki tafi ki barmu, muna tsananin buƙatarki agaremu."
Hawaye ne suka tsananta zuba daga cikin idanunta, wani irin murmushi me ciwo tayi tare da girgiza kanta cikin sanyi tace.
"Dan Allah ya Ameenu idan na cika, ku maidani gidan Baba Malam kuyi mini wanka acan, sannan kusamin sutura, idan kun sallaceni, inaso kusani cikin kabarina da hannuwanku."
Shiru tayi sakamakon shaƙuwan daya taso mata, kuka Ya Ameenu ya fashe dashi, tare da soma girgiza kansa, sake damƙe hannun Yaa Ameenu da kuma Baba Malam tayi, cikin wani irin yanayi da muryarta wanda bata fita sosai tace.
"Kuyafewa Zaleeha, kada kuyi mummunan kuma dogon fushi da ita, Mamy ke da Ya Habu ku yafe mata, nikam zantafi na barku nasan da cewa zakuyimin addu'a aduk lokacin da kuka tuna dani, sannan Baba Malam zan tafi, ina me al'faharin kasancewar ka mahaifi agareni." Hawayen da suka cika idanun Baba Malam ne suka samu daman gangarowa, take wani irin kuka ya taso masa, sake damƙe hannun Maryam ɗin yayi, Mamy kuwa tuni ta koma gefe tana kuka, Ya Habu ma kukan yake sosai. Idanunta wanda sukayi farare fat ta ɗago ta zubawa Ya Ameenu dake kuka, yana ta faman girgiza mata kai, murmushi tayi masa, kana kuma tamaida dubanta ga Baban Malam, lokaci guda ta soma wani irin shaƙuwa, ganin haka yasa Baba Malam fashewa da wani irin kuka, mai tsuma zuciya, sosai ya kama hannunta yana ji yana gani ƙudirin Allah na wakana bashida iko ko da, da ace duk duniya gatan Maryam ne da masoyanta bazasu tseratar da ita koda na second ɗaya ba, cikin muryar kukan yake. faɗin kalmar.
"La'ila ha'illallah, muhammadur rasulullah, sallallahu alaihi wasallam!!!." Haka yake faɗan kalman ararrabe saboda matsanancin kukan dayaci ƙarfinsa. Cikin muryarta, dake ɗauke da shaƙuwa itama tasoma bin bakinsa, tana faɗan kalman shahada'n, duk abun daya faɗa itama sai ta faɗa, atare suka kai ƙarshen salati'n shida ita, nan take yaji jikinta yayi sanyi, komai nata ya sake, idanunta sun kafe suna kallon sama, yayinda baƙin cikin ƙwayar idanun nata ya ɓace ɓat, sai farin kawai kake gani.
Ya Ameenu kuwa dama tuni ya daina gane komai, hakanne ma yasa bai lura da cewar ta daina motsi ba, cikin wani irin yanayi Baba Malam yaja da baya tare da fashewa da wani irin kuka mai tsuma zuciya, kuka irin wanda bai taɓayi ba arayuwarsa, wannan kukan nasa shine abun dayasa Mamy da kuma Ya Ameenu da Habu, suka kai dubansu garesa, ganin irin kukan da yake, yasa Mamy da Ya Habu suka tabbatar da cewa, Maryam ɗin tarasu, kuka Mamy tasa sosai, shima Ya Habu haka, Ya Ameenu kuwa hannunta dake cikin nasa yaɗan murza, idanunsa sun cika tab da ƙwalla, hakan yasa baya ganin yanda idanunta suka juye, cikin muryar kuka yace.
"Bazaki mutu ba Maryam, in sha Allah bazaki mutu yanzu ba, saboda muna da buƙatarki acikin rayuwarmu, kidaina faɗin cewa zaki mutu, mutuwa bazata ɗaukeki yanzu ba, idan kika mutu kuma ya kikeso ni nayi da rayuwata? bazan iya zama babu ke ba, ki tashi kinji!."
ya ƙare maganar yana meɗan jijjigata, jin hannunta dake cikin nasa, jin yayi nauyi ne, yasashi matse hawayen da suka cika idanunsa, har suka hanasa gani da kyau, duban fuskarta yayi, nan yaga idanunta sunkafe, take yaji wani irin abu ya bugi kansa, dai-dai lokacin kuma, Doctor'n da Ameena ta ƙira ya shigo cikin ɗakin da sauri, ganin yanda su Baba Malam ke kuka, ya sa shi ƙarasowa jikin gadon, idanunta daya gani akakkafe yasashi girgiza kansa, nan yaja wani ɗan mayafin dake jikinta ya rufe fuskarta bayan yasa hannu ya shafe idanunta. Girgiza kai Ya Ameenu yashiga yi, cikin kiɗima yace.
"Miye haka? meyasa ka rufe mata fuska?"
Cikin tsananin tausayawa Dr. ɗin yace. "Am sorry to say Allah yayi mata rasuwa."
Tamkar sauƙan guduma haka Ya Ameenu yaji maganan doctor'n acikin kai da kunnuwansa, lokaci guda yaji gaba ɗaya lakar jikinsa ta tsinke, ƙafafunsa ne suka gaza ɗaukan nauyinsa, take yazube akan guiwowinsa,