You Cannot Download this book untill you login but you can read it .

---

Login Register

yanzu Khamis da wani ido kakeso na kalli mahaifiyarka nace mata ɗanta wanda har kusan rasa ranta tayi, wajen ƙoƙarin haihuwarsa mazinaci ne, kanaga akwai wani farinciki ko soyayyarka da zaiyi saura azuciyarta? Sabida gudun lalacewar tarbiyar ka yasa mukaƙi barinka ka tafi karatu ƙasashen turawa, ashe bamu saniba tana ƙasa tana dabo wai sai wanda yaje yayi karatu a ƙasashen woje ke lalacewa ba." Kuka Khamis ya fashe dashi me tsuma zuciya, wanda hakanne yasa Hayatudeen ma fashewa da kuka.
Kai Saifuddeen ya girgiza, cikin takaicin rayuwar da ƙannen nasa suka jefa kansu aciki, ƙazamar rayuwa marar ɓullewa.
Saida sukayi kuka sosai, kafun Baban Khamis ɗin yayi musu faɗa sosai, tare dayi musu nasiha mai ratsa jiki, wanda yasa atake sukaji duk sun tsani wayoyinsu ma, balle kuma akai ga kallace kallacen batsa da sukeyi.

Sosai kuwa Baban Khamis yayiwa Saifuddeen godiya, dan yaji daɗin zuwan Saifuddeen ɗin, saboda yayi imani badon shi ba, da Khamis ɗinsa zai jima yana aikata aikin ashsha, wanda bazai tashi ganewa ba, sai lokaci ya ƙure masa.
Haka dai suka ɗan taɓa hira da Baban Khamis ɗin, bayan sun sake yiwa yaran faɗa sosai, Khamis kam yasha kuka, musamman ma da Hamma Saifuddeen ɗin ya ƙara tunatar dashi, girman laifin Zina, da irin hukuncin da za'aiwa wanda ya aikata ta, yayi kuka sosai kuma yayi nadama ƙwarai, gaba ɗaya haka yaji ya tsani abokansa wanda su suka fara ɗorasa ahanyar, har shime yake ƙoƙarin ɗora Hayatuddeen, duk dama shi shaida ne kan cewa Hayatuddeen bai taɓayin zina ba, hasalima baya taɓa shiga sabgan ƴan mata, baya kula wata mace ko ɗaya.
Haka dai sai kusan sallan jumma'a, kafun su Hamma sukayi yunƙurin barin gidan.
Nan Baban Khamis ke ƙara yiwa Saifuddeen ɗin godiya, tare da cewa. "Ya bashi amanan Khamis ya kula masa dashi."
kasancewar Khamis ɗin bashi da ɗan uwa ko ƴar uwa, shi kaɗai ne awajen su, saboda haka bayansu babu wani mesanya idan akanshi, wanda babansa kuma ɗan kasuwa ne, da kuma siyasa, hakan yasa baya yawan zama agida, mamansa kuwa babbar ma'aikaciyar banki ne, itama bawai ta cika zama agida bane. Saifuddeen yaji daɗin hakan kuma ya amshi, amanar da Baban Khamis ɗin ya basa, hakanne ma yasa koda suka tashi tafiya.
Khamis ɗin yace zai bisu, suje masallaci, dan dama daga nan gidan su Khamis ɗin masallacin jumma'a zasu wuce. Direct kuwa daga gidan su Khamis ɗin, Buba Yero Central Mosque suka nufa, wato masallacin sarki kenan. Koda aka idar da sallan jumma'an, ba gida suka nufa ba, can ƙungiyar su Saifuddeen na Jonapwd suka nufa, anan cikin mota Saifuddeen ya barsu, shikuwa ya shige wajen amininsa Ishaq, sosai suka sha hira, anan ma sukayi sallan La'asar, daga nan ne suka biya suka sauƙe Khamis agida, su kuma suka wuce gidan Adda Rahma hira sosai sukayi ta ƴan uwan juna, Dr Adnan da Saifuddeen suna falo sunata hira, nan Ya Adnan yake tuntuɓarsa batun komawarsa India, dariya ya ɗanyi tare da mishi alamun, shifa ya worke.
Adda Rahma kuwa da Hayatuddeen kitchin suke, gaba ɗaya gidan ya cika da ƙamshin zazzafan gashin kaji da Adda Rahma keyiwa Umminta duk bayan wani lokaci.
Koda ta gama a kula ta juyesu da zafinsu sunata turiri, kana ta sawa auta kura a filet, ya fita falo yanaci yana sjishita.
Ita kuwa Adda Rahma sanin Saifuddeen baya cin kazane, yasa ta zaro dangwaleliyar zabuwa a firijin, wonke zabuwar tayi a gudarta ba tare da ta yayyanka kataba ta sata cikin tukunya, wadataccen al'basa ta yanka ta zuba a kai kana ta watsa tafarnuwa akai, maggi da time da corry ta yaryaɗa, kana ta ɗebi dakekken citta da kanamfari ta yayyarfa dai-dai misali, sannan ta rufe ta ɗaura a huta, attaruhu da al'basa da tafarnuwa ta jajjaga mai rai da lafiya, wani irin fitinenne ƙamshi ya cika side ɗin nata gaba ɗaya, har zata ɗaura wata tukunyar jin kiran da Ya Adnan ɗinta ke mata yasa ta fito da sauri,
Ganin Hayatuddeen a tsayene yasata cewa.
"Ina zuwa?".
Saifuddeen ne ya mata alamar.
"Zamu tafi gida lokacin salla ya ƙara to".
Kai ta juya tare da nunawa Hayatuddeen kujera kana tace.
"Koma ka zauna bari in gasa mishi zabuwa nasan baya cin kaza".
Zama yayi tare da cewa.
"To amman dai hardani a zabuwar ma ko?".
Ya Adnan ne yayi dariya tare da cewa.
"Kai Auta wai kai baka gajiya da namane".
Da sauri ya gyaɗa kansa alamar eh,
Saifuddeen kuwa, hannun Adda Rahma ya kama tare da mata alamun ta bari karta damu ta sani shi ba wani damuwa da nama yakeba".
Kai ta juya tare da cewa.
"Bana son gardama Saifuddeen ku jira yanzu zan gama".
Baya iya mata musu shiyasa yace to.
Cikin awa ɗaya da ƴan mintuna tayiwa zabuwar nan wani irin fitinenne gashin tukunya mai ɗan karen daɗi da azabar ƙamshi,
a wata kekyawar kula ta saka mishi ita da zafinta sai tururi takeyi,
ta fitowa ta miƙawa Hayatuddeen tace.
"Gashi wannan kuna komawa ka kai mishi ɗakinshi, ga madarar shanun shima ka kai mishi, bance da kaiba a zubuwar da madarar uban ciye-ciye".
Tura baki yayi tare da cewa.
"To ni dai gsky ki bani mgnar rabona in ba haka sai nasha nashin."
Dr Adnan ne yayi dariya kana yace.
"Ɗauko mishi gora ɗaya".
Jin haka yasa ta ɗauko mishi ai da murnarshi ya amsa ya fita kana suka bishi a baya suna dariyar sangarcin autan Ummi saida Saifuddeen ya shiga gidan Baba Bello ya gaidashi kafin suka shiga mota suka wuce gida.

Acan gida kuwa, gaba ɗayansu zaune suke afalon Ummi, Zaleeha wanda gama girkinsu yasa taje tayi wanka, wani sabuwar shiga ta sanja, inda tasha kyau cikin wata tighty gown sky blue me kyau, sosai tayi, kyau yayinda ta tubke gashinta ta bar jelanshi sake , hakan yasa ta zama kamar wata ba india.
Zaune take agefen Raleeya yayinda taɗan jingina kanta da kafaɗan Raleeyan daketa kitse mata jelan gashin yana kuma koncewa sabida santsinshi kuma ba iya kitson tayiba,
sai kuma Adeel dake gefenta yana ta wasan sa,
shigowarsu cikin falonne yasa taɗan yunƙura tare da matse jikinta waje ɗaya, kasancewar babu mayafi akusa da ita, sam kuma batayi tunanin dawowarsa yanzu ba. Ƙarasowa cikin falon yayi,
Ameena dake zaune ne ta sakar masa murmushi, shima murmushin yayi mata tare da lumshe mata ido, cikin nutsuwa ta miƙe ta ƙarasa gaban fridge inda ta ɗauko masa lemo maisanyi, karɓa yayi yaɗan sha, sannan ya juya ya ya karɓi kulan zabuwarshi da madararshi dake hannun Hayatuddeen kana ya juya ya koma part ɗinsa, dan yanaso yaɗan watsa ruwa.
Raleeya kuwa kitchine ta shiga, inda ta haɗo musu fruit salad wanda ta cika madara acikinsa, Kaɗan Ameena tasha dan ita haka take kayan fruits basu wani dame ta ba kayan zaƙima duka bai dameta ba.
Zaleeha kam dama abincinta ne, saboda haka sosai tasha, ɗago idanu tayi ta kalli Hayatuddeen wanda gaba ɗaya yazama wani silently dashi, da duk kan alama akwai abun dake damunshi, hakanan taji duk ba daɗi, saboda tasa aranta damuwar Hayatuddeen damuwarta ne, tashi tayi daga zaunen da take, tare da ƙarasawa kan kujeran da yake zaune, zama tayi gefenshi, cikin kulawa tace.
"Sweet bro me yake damunka? ko baka da lafiga ne autanmu?." Ɗan ɗagowa yayi ya kalleta, asanyaye ya jingina kansa da da jikin kujera.
Yana jin yadda ƙirjinsa ke bugawa, wani irin tsoro yakeji, yasan idan Hamma ya faɗawa Ummi halin da yake ciki, zatayi fushi dashi sosai, shi kuma tsoron hakan yakeji, gashi kuma yaga Hamman nasa ma, bawai ya sake dashi bane, ganin yanda ya marairaice fuska yasa Zaleehan ɗan gyara zama ta fuskanceshi da kyau, ahankali ta miƙa masa cup ɗin fruit salad din dake hannunta, babu musu kuwa ya amsa ya sha, cokali huɗu kawai, ta ɗan hararesa tare da cewa.
"To ya isheka haka malam, dan naga alaman idan na biyeka zaka shanyemin."
Dariya sukayi gaba ɗayansu, miƙewa tayi, tare da ɗaukan Adeel, ɗayan hannunta kuwa bowl ɗin fruit salad ɗinta ne, wanda bata gama shanyewa ba, zata je ta sanya acikin fridge. Kaitsaye part ɗinta ta nufa, nan cikin firdge ta sanya bowl ɗin fruit ɗin, sannan ta ajiye Adeel akan gado, jin anata ƙiraye ƙirayen sallan magriba ne, yasa taje ta ɗauro al'wala, koda ta fito daga toilet ɗin sallaya ta shumfuɗa tare da tada sallah.
Tana idarwa kuwa taji anayi mata knocking ƙofa, tana buɗewa kuwa ta ga Ameena ce tsaye cikin shirinta na zuwa wajen aiki.
Ɗan faɗaɗa murmushin kan fuskarta tayi tare da cewa. "Ummu Adeel har kin shirya."
Murmushi itama Ameenan tayi tare da cewa.
"Eh wallahi, kinsan idan na tsaya saina makara, ni kuma banason makara wallahi sam, ina Adeel ɗin yake sarkin son jiki, yazo na goyashi".
Murmushi Zaleeha tayi, tare da komawa cikin ɗakin ta ɗauko Adeel ɗin, miƙawa Ameenan shi tayi, tare da cewa "Gashinan ai sai wasan sa yake tayi abinsa."
Karɓansa Ameenan tayi tare da goyasa, sai wutsil-wutsil yake wai shi adole wajen Amminsa zai zauna, har bakin ƙofa Zaleehan ta rako Ameena, tare dayi mata adawo lafiya, da "Ameen." ta amsa, sannan ta juya ta koma ciki.
Zama tayi akan sallayan tana ɗan addu'o'i, tana nan azaune kuwa har aka ƙira sallan isha.
Tana idar da sallan kuwa ta wuce sashin Ummi, nan kan dining ta taradda Saifuddeen, da kuma Hayatuddeen ɗin azaune, sai kuma Ahmad, shigowarta yayi dai-dai da fitowar Ummi daga ɗaki, ƙarasowa tayi cikin girmamawa tayiwa Ummin
"Barka da dare." fuska asake Ummi ta amsa mata, sannan suka zauna akan dinning table ɗin.
Raleeya ne tayi seving ɗinsu, nan suka fara cin abincin cikin nutsuwa. Bata wani ci abincin mai yawa ba, dan ta ƙosa da irin kallon da Saifuddeen ɗin keyi mata, gaba ɗaya jinta take wani iri, kuma dama bawai yunwa takeji ba, dan tasha fruit salad, kuma shi kaɗai ma ya ƙosar da ita, miƙewa tsaye tayi tana goge bakinta, dubanta Ummi tayi tare da cewa. "Zaleeha ya kika tashi, badai kin ƙoshi ba." Kanta ta jinjina tare da cewa.
"Eh Ummi naƙoshi sosai, kinsan ɗazu munsha fruit salad, kuma ma inaso ne naɗanyi aiki a system ɗina."
Kai Ummi ta jinjina cike da gamsuwa tace.
"To masha Allah, ayi aiki lafiya, Allah ya tashemu lafiya."
da "Ameen" ta amsa, , cikin kulawa tace.
"My Autan Ummi good night da safe zamuyi magana kaji."
Kansa ya jinjina mata yana murmushi, duban Raleeya da Ahmad tayi, tare dayi musu saida safe, fuska asake duka suka amsa mata, sannan ta fice daga cikin falon, kaitsaye ɗakinta ta wuce.
Su kuwa cikin nutsuwa suka kammala cin abincinsu, Hayatuddeen ne ya soma ƙoƙarin tashi tsaye, hannunsa Ummi ta kamo tare da zaunar dashi, ɗago idanunsa da sukayi rau-rau dasu yayi ya kalli Ummi'n, wanda tun ɗazu kunyan kallonta yake, idanu Ummi ta zuba masa, tare da ɗan watsa masa harara, cikin bayyanar masa da ɓacin ranta dan shi baida nitsuwar Saifuddeen shiyasa bata mishi irin Hukuncin da takewa Saifuddeen wanda shi da idoma yakan ɗimauce in tana hukuntashi da kallon tuhuma, to shi autanta yafi gane zahirin zance yafi gane yaren faɗa, cikin haɗe fuska tace.
"Koma ka zauna, Hayatuddeen, wato abun da kake aikatawa kenan ko?, kai atunaninka cewa idanunmu ba akan ka su ba ne, hmmm najima ina zarginka da aikata rashin gaskiya da kuma abun da bai dace ba Hayatuddeen, musamman ma ga yanda bakaso ko wayarka aɗauka, wato shine wannan rayuwar daka zaɓawa kanka Hayatuddeen kana ganin me kyauce? ko irin tarbiyan dana baka kenan?."
Hawayene suka cika idanunsa, sosai jikinsa yayi sanyi, ahankali yaɗan shiga girgiza mata kai alaman "A'a." cikin muryan kuka yace.
"Dan Allah kiyi haƙuri Ummi, wallahi bazan sake ba, kuma hakan ba halina bane, bansan me ya ruɗeni ba Ummi, bansan meyasa nake aikata haka ba, bayan kuma nasan da cewa babu kyau, nasan nabiyewa sharrin zuciya da kuma na aboki, amma bazan ƙara ba, wallahi dama Khamis ne ya koya min, kuma nayi miki rantsuwa Ummi, Wallahi ko hannun mace ban taɓa riƙewa ba, tsoro nakeji Ummi, idan keda Hamma kukayi fushi dani, wallahi rayuwata watsewa zatayi, bazan iya jure fushinku ba Ummi, dan Allah kuyi haƙuri."
Fashewa yayi da wani irin kuka, mai ɗauke da zallan nadama haɗi da danasani.
Kai kawai Ummi ta girgiza cikin sanyi tace. "Bansan yaushe kazama haka ba Hayatuddeen, a iya sanina dakai babu ruwanka da duk irin waƴannan abubuwan na banza, saboda ban koyar daku hakan ba, nasan giyar samartaka ne ke ɗibanka daga kai har Khamis ɗin, kunajin cewa kuma kun tasa, kun fara zama samari, shiyasa kuke ƙoƙarin gurɓata rayuwarku amaimakon gyarata, bahaka na tarbiyantar dakai ba, wannan ɗabi'ar kuma ba irin ta cikin gidan nan bane, na lura kuma barinka da waya da mukayi ne, duk ya jawo hakan insha Allah kuma, daga yau kadaina riƙe babbar waya har abadan kenan, domin da mummunar rawa gwamma ƙin tashi." kuka ya sake fashewa dashi, har acikin ransa yayi danasani da kuma nadama.
Ganin yanda yake kuka sosai ne, yasa Ummi kwantar da murya, cikin nutsuwa ta shigayi masa nasiha mai ratsa jiki, tana gamawa kuwa Ahmad da Saifuddeen harma da Raleeya suka ɗaura nasu, sosai jikinsa yayi, sanyi haka ya dinga sakin sheshsheƙan kuka, tare dayi musu rantsuwa kan cewar bazai sake ba. Nan dai sukayi masa faɗa sosai. Ummi ne ta fara tashi ta wuce ɗakinta, saboda akwai abun da zatayi aciki, Saifuddeen ne nabiyun tashi, saida safe yayiwa su Ahmad sannan ya fice daga cikin falon.
Hayatuddeen kuwa cikin falon ya koma, ya zauna tare da kunna tv, tashar MBC Action ya kamo, inda ya samu suna haska film ɗin MULAN, sanin cewa yaga tallen film ɗin a net, ya sashi maida hankalinsa ga tv'n yana kallo duk hankalinshi na kan tv.
Ganin haka ne yasa Ahmad sanya hannu ya jawo Raleeya jikinsa, ɗan shagwaɓe masa tayi, akasalance tace.
"Nifa Allah ko Habibi jikina ciwo yake." Murmushi yayi, tare da sanya hannu ya shafi kyakkyawar fuskarta, harshensa yasanya inda yaɗan lashi lips ɗinta, cikin mayen sonta yace. "Muje maza namiki maganin gajiya my kyakkyawar matata." Yana gama faɗan haka, ya ɗagata sama, ƙoƙarin zillewa take amma yaƙi bata daman hakan, haka suka haura sama, yana ɗauke da ita kaman ƴar ƙaramar baby. Hayatuddeen kuwa baisan ma me sukeyi ba, dan gaba ɗaya hankalinsa naga tv. Acan part ɗin Zaleeha kuwa fitowarta daga wanka kenan, towel ta sanya inda taɗan goge ruwan dake jikinta, wani fitinannen body lotion mai ƙamshin gaske ta shafa ajikinta, tare da bin kowani lungu da saƙo na jikinta da daddaɗan turare.
Wata irin fitinanniyar sleep gown ta sanya ajikinta, wanda gaba ɗayanta net ne, sannan an ƙawata gabanta da wasu igiyoyi, sosai rigar tayi mata kyau, yayinda kuma ta bayyana komai na jikinta, gaba ɗaya shape ɗin jikinta a bayyane yake, kasancewar rigar nada breast cup hakan yasa, bata sa brezia ba, wanda hakan yasa shatin pink nipples ɗinta suka bayyana acikin rigar. Wani perfumed ta fesa lungu da saƙo na jikinta tare da yin parking dogon gashinta, atsakiyan kanta.
Tayi kyau sosai,
A hankali ts hayewa saman gado, tare da jawo laptop ɗinta, wayarta ta shiga ɗan duddubawa, tunowa cewar ta manta shi a falon Ummi yasa taɗan dafe goshinta tare da cewa.
"Mitsee wlh na gaji". tsai kuma ta tashi tare da zaro wani ƙaton hijab daga cikin drawer'nta, sanya hijab ɗin tayi, tare da zura wani bedroom slipper aƙafanta, har zata fita kuma sai idanunta suka sauƙa akan sweet ɗin da ta ciro acikin firij wanda har sun zama dutsen ƙanƙara, guda uku ta ɗauka sweet ɗin masu ƙamshin strowberry, ɗaya ta ɓarewa ta jefa a bakinta, kana ta riƙe biyu a hannunta tanajin sanyi su na ratsata, niyarta inma ta shanye ɗayan kafin ta dawo ga biyu a hannu, handle din ƙofar ta murɗa sannan ta fice daga cikin ɗakin, kaitsaye sashin Ummi ta nufa.

Da sallama abakinta ta shiga falon, Hayatuddeen dake zaune ne ya amsa mata, ƙarasowa cikin falon tayi, tare da dubansa cikin kulawa tace.
"Auta har yanzu bakayi bacci ba."
Kansa ya jinjina mata, tare da cewa.
"Wani latest film nake kallo Adda Zaleeha, yayi kyau sosai."
Murmushi tayi, tare da ƙarasawa kan kujeran da ta zauna ɗazu, tana ɗage pillown dake jikin kujeran kuwa, taga wayarta, ɗaukan wayar tayi, dai-dai lokacin Ummi ta fito daga cikin ɗaki. Ganin Zaleeha yasa tace. "Ikon Allah Zaleeha dama baki shiga bane." Ɗan murmushi tayi tare da cewa.
"A'a Ummi na shiga, harma na kwantama saina tuna nabar wayata shine na dawo na ɗauka." Kai Ummi ta jinjina tare da cewa.
"Ai kuwa naji daɗin dawowanki, dama yanzu Hamman ku ya turo min text wai Hayatuddeen ya kai masa coffee, tunda gaki ai shikenan, shiga kitchine ki haɗa masa saiki kai masa ko." Kanta taɗan sunkuyar cikin yanayi na ɗan jin kunya tace.
"To Ummi." kitchine ta wuce, inda Ummi kuma ta zauna anan falon. haɗaɗɗen coffee ta haɗa masa, wanda lokaci ɗaya ya cika falon da ƙamshi, fitowa tayi daga kitchine ɗin, hannunta ɗauke da ɗan tray wanda samansa ke ɗauke da ɗan ƙaramin flask da kuma cup, saida safe tayiwa su Ummin, sannan ta fice daga cikin ɗakin. Koda ta doshi sashin nasa, hakanan taji ƙirjinta na bugawa, wani irin fargaba ta samu kanta aciki, ɗan dakewa tayi tare da murɗa handle ɗin kofar falon nasa ta shiga.
Komai dake cikin falon nead, babu abun dake tashi sai ƙamshi, da kuma wani irin fitinannen sanyin ac mai ratsa sassan jiki da zuciya, ɗan Adam lumshe idanunta tayi, ahankali take ƙarewa falon nasa kallo, komai na cikinsa me kyau da burgewa ne, musamman royal chairs din da suka matuƙar burgeta, ɗan waige-waige ta somayi, ganin baya cikin falon yasa taɗan turo ƙaramin bakinta gaba, ashagwaɓe tace.
"To kuma ina yake?." ƙoƙarin aje tray ɗin dake hannunta tayi, wani tunani dayazo ranta ne, yasa ta juya tare da nufar ƙofar bedroom ɗinsa, sanin cewar idan ta ajiye masa coffee ɗin afalo, balallaine ya gani ba, maybe kuma yasake ƙiran Ummi yace akawo masa coffee, bata so kuma Ummi tayi zaton bata kai mishiba ne. ahankali ta murɗa handle ɗin ƙofar ta shiga, bakinta ɗauke da sallama, daddaɗan ƙamshin airfreshener ne ya daki hancinta da wani shegen sanyin ac daya ninka na falo, cikin ranta tace.
"Na shiga uku wannan sanyin baya damunshi ne, haba shiyasa ko matarsa mutun ya shiga sai kaji sanyi har cikin ƴaƴan hanjinka, Allah sarki Sule shi kam har ya saba,
da makaken gadonsa ta fara arba, ɗan zaro idanunta waje tayi, abayyane tace.
"Wow, wannan wani irin gado ne?".
Tsayawa tayi tana me ƙarewa ɗakin nasa kallo, cikin ranta tace.
"Chab aljannar duniya kenan mutun komanshi kamar na ɗawisu".
ɗan takowa tayi a hankali ta ƙaraso jikin gadon nasa, ahankali tasanya hannu taɗan shafa saman gadon, wanda design ɗinsa yayi matuƙar kyau.
Sam ta shagala cewar coffee ta kawo masa, hasali ma kuma rashin ganinsa aɗakin baida meta ba sai dai tanajin sanyi sweet ɗinta dake cikin tafin hannunta.

Ahankali ya buɗe ƙofar toilet ɗin yafito, sanye yake da white bathrobe, yayinda gaba ɗaya jikinsa ke ɗauke da danshin ruwa, da dukkan alama wanka yayi, ɗan tsayawa yayi, yana kallon ta fuskarsa cike da mamakin ganinta acikin ɗakinsa a ransa yace.
"Uhum yarinya kin kawo kanki".
Ita kuwa Zaleeha jin kaman motsin mutum abayanta, yasa tayi saurin juyowa, idanunsu ne suka sarƙe acikin na juna, da sauri taɗan ja da baya, tare da turo bakinta gaba, idanunsa ya ƙura mata, tare dayi mata alama kan in boddy language cewa.
"Wayace kishigo min ɗakinna?."
sake turo baki gaba tayi, ashagwaɓe tace.
"To ni ba Ummi bace, tace na kawo maka coffee."
tsumammun idanunsa yaɗan lumshe, tare da sakin wani irin killer smile, ahankali yaɗan soma turo kekensa zuwa gareta, ganin haka yasa da sauri ta ajiye tray ɗin, tare da juyawa ta nufi hanyar barin ɗaƙin, cikin azama ya rigata ƙarasawa bakin ƙofar ɗakin ganin guduwa takeda niyar yi, hannu ta ɗaura akan handle din ƙofar, dai-dai lokacin shikuwa ya sanya hannunsa ya kare ƙofar, ta yanda bazata iya buɗewa ba.
Idanu taɗan zaro waje cikin mamaki tace.
"To miye haka, nidai ka matsamin nafita, ai dama coffee akace na kawo maka, to kuma baga can coffee ɗin na ajiye maka ba."
tafaɗi maganar tana kakkarya ƴan yatsun hannunta tare da sunkuyar da kanta. Rikitattun idanunsa ya watsa mata, wanda har saida taji, tsikar jikinta sun mimmiƙe.
Ɗan rolling idanunsa yayi, tare dayi mata alaman cewa.
"Ai tunda kika shigo ba zaki fita ba."
Idanunta ta zaro, tare da ɗan murguɗa masa ƙaramin bakinta, asakalce tace.
"Dan Allah nidai kabarni na fita kaji."
ɗan karyar da wuyansa yayi, tare da girgiza mata kai, alaman yaƙi ɗin.
Hannunsa yasa inda ya murzawa ƙofar key, tare da zare key ɗin yasa a aljihunsa, ganin haka yasa ta kwaɓe fuska, take idanunta sukayi