You Cannot Download this book untill you login but you can read it .

---

Login Register

hankalin da take ciki, kukane da duk me imani dole zaiji tausayinta.




Littafina na kuɗine in kin gashi yana yawoma na satane, in kina buƙatan saya ga no ɗina 09097853276




By
*GARKUWAR FULANI*
10/4/20, 7:04 PM - Mmn Khalid: Sbpejg Acan gidan Baba Malam kuwa, kamar yadda Maryam ta buƙata kafun rasuwarta, Ya Ameenu da kuma Baba Malam ne sukayi mata wanka, wanda da ƙƴar suka iya daure zuciyarsu, nan ma Ya Ameenu saida ya durƙushe awajen yayi kuka sosai, har saida yaji numfashinsa na ƙoƙarin cushewa a ƙirjinsa, Baba Malam ma hawaye ne keta tsiyaya daga cikin idanunsa, haka dai suka kammala yi mata wanka, Ya Ameenu ne ya zura mata likkafani, sannan yayi mata duk wani abun daya dace, sosai jikinsa yake rawa, sakamakon kukan da yakeyi, ga wani irin jiri dake neman kadashi.
Bayan sun kimtsa ta ne suka koma gefe suka zauna, dan kuwa da sauran lokaci, ƙarfe goma ne za a sallaceta, yanzu kuwa ƙarfe 9 ne dai-dai.

Can ɓangaren Zaleeha kuwa, tunda ta shiga cikin motar, ta tura kanta tsakankanun cinyoyinta har zuwa yanzu bata ɗago ba, kuka take sosai harsaida numfashinta ya soma ƙoƙarin ɗaukewa, sosai motar tasu ke tsula gudu akan titi, hakanne yasa cikin abun dabai wuce awa uku ba suka iso cikin garin Gombe, nan cikin tashan gombe line aka sauƙe su, zuwa lokacin idanunta sun kunbura sunyi luhu-luhu dasu,
kaitsaye bakin titi ta nufa, wani mai adai-dai ta sahu wato keke napep ne, ya tsaya agabanta tare da ɗan leƙo kansa, cikin kulawa yace. "Ranki ya daɗe tafiya ne?".
Bata iya cewa dashi komai ba, kawai faɗawa cikin keke napep ɗin tayi, nan ta jingina kanta da jikin keken, kana ta rumtse idanunta, wasu hawaye masu ɗumi ne suka silalo daga cikin idanunta, dubanta me adai-dai-ta sahun yayi, cikin yanayi naɗan mamakin ganin hawaye akan fuskarta, yace.
"Hajiya ina zamu ne?".
Kasa amsa masa tayi domi , bakinta yayi mata nauyi sosai, batajin bayan kuka zata iya motsa laɓɓanta dan tace wani abu, wayarta dake hannunta ta kunna, cikin text message ta shiga, ataƙaice ta rubuta masa.
"New G.R.A, da kuma layin da zai sauƙe ta."
miƙa masa wayar tayi, amsa yayi ya karanta, yana gama karantawa ya miƙa mata wayar, cikin ransa yace.
"Masha Allah wannan gata kyakkyawa amma kuma da dukkan alama kurmace bata magana, amma dai Allah yayi baiwar kyau anan, ko me yasata kuka kuma oho?" Ganin zancen zucin bazai kaisa ko ina ba, ya sashi tuƙa keken nasa yaja sukai gaba.
Kamar yanda ta rubuta masa arubuce kai tsaye cikin G.R.A ɗin ya nufa da ita, har kuwa cikin layin da tayi masa kwatancen ya kawo ta, gaba ɗaya bata cikin hayyacinta saboda haka batasan da cewa sun iso ba, dawani idanu zata kalli ƴan gidansu? da wani bakin zata basu haƙuri? mezata ce dasu? da wani idanun zata kalli gawan Adda Maryam ɗinta? Da wanne ƙafar zata shiga gidansu da wanne ido zata kalli Baba malam me zata ce mishi?.
waƴannan tambayoyin sune abun da suka cika zuciyarta, juyowa me adai-dai-ta sahun yayi, cikin kulawa yace.
"Ranki ya daɗe mun iso fa."
Sai alokacin ta buɗe idanunta da suke alumshe, gaba ɗaya kuɗin dake hannunta ta damƙa masa, wanda ita kanta bata masan ko dubu nawa bane, idanunsa ya waro waje, cike da mamaki, dai-dai lokacin ita kuma tafice daga cikin napep ɗin, ƙofar gidan nasu cike yake da jama'a wanda suka fara taruwa danyin sallan jana'iza, tsaye tayi tana kallon tankamemen gidan nasu, lokaci guda kuma wasu hawaye masu tsananin zafi suka fito daga cikin idanunta, da ƙyar take iya jan ƙafanta haka ta nufi cikin gidan, bataji bakuma ta ganin kowa agabanta, hakan yasa tafiya kawai take, sai faman cin tuntuɓe take tayi, amma bata ko kulawa, da wani dutse ta buge har saida babban ƴar yatsar ƙafarta ta fashe, amma koda kaɗanne bata ji zafi ajikinta ba, domin kuwa zafin dake cikin zuciyarta, ya zarce na wannan ciwon, wannanne yasa wasu daga cikin mutanen da suka zo jana'izan suka tsura mata idanu, saboda yanayinta ya gama nuna cewa bata cikin hayyacinta.
Tana jefa ƙafanta acikin gidan taji wani irin abu ya daki zuciyarta, kaitsaye sashin Baba Malam ta nufa, sai faman gauraya hanya take, tana zuwa dai-dai bakin ƙofar shiga falon Zakariyya yazo zai fito sukayi karo da juna, amatuƙar mamakance Zakariyya yasoma ja da baya yana komawa cikin falon, dai-dai lokacin kuwa nan cikin falon Baba Malam ne zaune yana kuka mai tsananin taɓa zuciya, kuka yake sosai wanda hakan yasa gaba ɗaya mutanen falon suma suka fara zubda ƙwalla, cikin kuka murya na rawa Baba Malam ke cewa.
"Ya Allah ka jiƙan Maryam kayi mata rahama,ya Allah ka ƙara mana haƙurin rashinta.
Tabbas mutuwa ta yanke mana ƙauna, mutuwa ta nesantani da ƴata me tsananin biyayya agareni."
Sai ya kuma saki shessheƙan kuka mai cike da ciwo a zuciya murya a disashe yace.
"Inama ina ma da ace mutuwa tana bada zaɓi.
To wallahi dana bata zaɓi ta ɗauki min Zaleeha a doron duniya tabarmin Maryam, dana bata zaɓi ta nesantamin Zaleeha daga wannan duniyar ta barmin Maryam! Da ta ɗauke Zaleeha dana huta da baƙin cikin da take ƙunsamin."
Ya ƙare maganar yana kuka sosai.
Waɗannan maganganun sune suka dira acikin kunnuwan Zaleeha, Zakariyya kuwa bakinsa na rawa, cikin ɗan ɗaga murya yace.
"Adda Zaleeha!." Ƙiran sunan Zaleehan da yayi, shiya sanya gaba ɗaya mutanen falon suka kai dubansu ga ƙofan shigowa, ae kuwa tabbas suka ga Zaleehan ce tsaye, hawaye na shatata akan fuskarta kaman an buɗe famfo, dai-dai lokacin kuwa aka fito da gawar Adda Maryam daga ɗakin Baba Malam, angama kimtsata tsaf saura ai mata sallah kawai akaita makwancinta na gaskiya.
Cikin wani irin gigita Zaleeha ta ɗaga ƙafanta da niyar ƙarasowa cikin falon, Baba Malam ne ya ɗaga mata hannu, alaman dakatarwa, kanta ta shiga jujjuyawa tana kallon gawar Adda Maryam ɗin, take ta saki wani irin firgitaccen kuka mai tsananin ƙarfi, tare da sulalewa anan jikin ƙofan falon, tana wani irin kuka mai tada hankali.

Daga Ya Ahmad zuwa kan sauran ƴan uwanta kuwa babu wanda ya dubeta, dai-dai za afita da gawan Adda Maryam ɗinne, Ya Ameenu yasake sakin wani irin kuka mai tsuma zuciya, take kuma sai wani irin jiri ya ɗebesa haka yatafi luuu, ya faɗi ƙasa sumamme, abun daya ƙara ɗaga hankalin su Baba Malam kenan, Cikin kuka Baba Malam yace amiƙo masa ruwa, Zakariyya wanda ke kuka sosai ne ya miƙowa Baba Malam ɗin ruwa, nan Baba Malam ya ɗan yayyafa ruwan akan fuskar Ya
Ameenu'n, saida ya ɗauki kusan mintuna 7 bai farfaɗo ba koda ya farfaɗo kuwa da wani irin kuka mai tsanani ya tashi, kuka yake sosai tare da rirriƙe Baba Malam yana nuna masa gawar Adda Maryam, Wannan abun shiya ƙara sanya gaba ɗaya mutanen falon kuka, cikin kuka Baba Malam yasanya hannu ya dafa kafaɗan Ya Ameenu'n, cikin matsanancin tausayawa yace.
"Muyi haƙuri Ameenu, kada rasuwar Maryam yasa imaninmu gushewa, tabbas duk wani me rai mamaci ne, mutuwa bata barin wani dan wani, da ace tana bari kuwa da ta barmana Maryam, kayi haƙuri ka tuna da wasiyan da ta barmaka, kacika mata wasiyarta, katashi muje asallace ta, kasata acikin kabarinta kamar yanda ta buƙata."
Zaleeha dake durƙushe tana kuka, duk abun dake faruwa akan idanunta, hakanne yasa ta ƙara gigicewa, kuka take jikinta na tsuma, ko ina na jikinta rawa yake.
Ya Ahmad dake kuka sosai idanunsa gaba ɗaya sun kunbura sunyi suntum, shi ya riƙo Ya Ameenu, Haka duk jama'an dake cikin falon suka mimmiƙe, Zaleeha dake durƙushe bakin ƙofa ganin za a fita da gawan Adda Maryam ɗin yasa,ta sakin wani irin gigitaccen ƙara me ɗauke da kuka, zubewa tayi awajen takama ƙafan Yaya Fahad, da kuma na Yaya Sudais, wato ƙannen Ya Ameenu kenan, wanda suke ɗauke da gawan, sai kuma wasu abokan Baba Malam na kusa, cikin fusata Ya Fahad da Sudais suka ƙwace ƙafafunsu, dan kuwa gaba ɗaya family'n cike suke da baƙin cikin ta, haka tanaji tana gani suka fita da gawan Adda Maryam, Wani kukan kuma ta sake wanda yafi kowanne zafi, haka Baba Malam da kuma sauran jama'an dake cikin falon suka tsallake Zaleeha suka wuce, Ya Ahmad ne yayi fitan ƙarshe, cikin matsanancin kuka Zaleeha ta kama ƙafan Ya Ahmad ɗin tana wani irin kuka, cikin matsanancin kukan da yake cinsa ya ƙwace ƙafarsa, tare da wucewa ko waiwayenta baiyi ba. Wannan dalilin yasa ta soma buga kanta ajikin bango tana kuka, mai ɗauke da fitar hayyaci.

Acan waje kuwa ana fita da gawan nata, jama'a suka soma kimtsawa, Baba Malam shikansa ya shiga mamakin irin yawan mutanen da sukazo sallan jana'izar Maryam ɗin, saboda mutanene da yawa kamar ƙasa, ga wanda baisani ba ma zai iya cewa wani babban malami ko kuwa babban ɗan siyasa ne ya rasu, dan jama'an sun zarce tunaninsa, daga gidan su Saifuddeen kuwa babu wanda baizo ba, kama daga kan Saifudeeen, Ahmad, Dr Adnan, Bappa Ali Malam Ashiru Hayatuddeen, Harma dasu Wareesu abokan Saifudeen gaba ɗaya sunzo, ga Ishaq ma da Babansa Dirankadi da ƙananinsa Imran duk sunzo.
Haka akayiwa Maryam Sallah, nan aka ɗauketa aka sata acikin motan gawa, Dayawansu kuka suke me tsuma zuciya, haka dai waƴanda zasu rakata zuwa maƙabarta suka shiga cikin motocin da zasu tafi, ciki kuwa harda Ahmad da Dr Adnan da kuma Hayatuddeen, Saifuddeen kuwa anan ƙofar gidan suka zauna, saboda shi bazai samu zuwa maƙabartan ba, saboda larurarsa.

Acan cikin gida kuwa, Zaleeha har yanzu na zaune anan bakin ƙofar falon na Baba Malam, tana wani irin kuka, tariga da ta zauce, gaba ɗaya ta shiɗe bata wani cikin hayyacinta, wani irin kuka take wanda duk wani wanda ke cikin hayyacinsa dole ya tausaya mata, tun muryarta na fita har ya zamana kukan kawai takeyi, idanunta sunyi wani irin kumbura, fuskarta tayi jajur, cikin haka numfashinta ya soma ƙoƙarin ɗaukewa, duhu ne ya soma rufe ganinta, take kuwa ta sulele ƙasa daga durƙushen da take, lokaci guda numfashinta ya ɗauke, haka dai takejin kanta kamar ba aduniya take ba.

Sama da mintuna 20 ta ɗauka batare datasan inda hankalinta yake ba, harzuwa wannan lokacin kuwa babu wanda yazo yabi ta kanta, zafin ranan dake dukan jikinta shine abunda yasanya taɗan buɗe idanunta wanda suka wani irin ƙanƙancewa, hawayene suka kwaranyo daga cikin idanun nata, ahankali ta tashi inda ta jingina bayanta da jikin ƙofan falon, kuka ta fashe dashi tare da dafe saitin ƙirjinta wanda keyi mata zafi.
Aunty Lubna da tazo wucewa ne taga Zaleehan ahaka, ɗan tsayawa tayi tana meyi mata kallon mamaki, ganin Aunty Lubna yasa tasoma yunƙurin tashi dan zuwa ga Aunty Lubna'n, cikin sauri Aunty Lubna taja baya, hawayen dake cikin idanunta ta share, ɗauke kanta tayi daga kallon Zaleehan taci gaba da tafiyanta.
Abun daya ƙara sautin kukan Zaleehan kenan, nan ta zube akan guiwowinta tana kuka, gaba ɗaya aduniya babu inda zata shiga taji sanyi, kowa fushi yake da ita, gaba ɗaya danginta sun ƙita, harma da wanda take tunanin zasuji tausayinta, sun nuna mata fushi alokacin da take tsananin buƙatarsu.

Acan maƙabarta kuwa, Baba Malam da Ya Ameenu ne suka sanya Adda Maryam cikin ramin ƙabarinta, shikuwa Ya Ameenu zuwa yanzu gaba ɗaya hawayensa sun kafe, idan kuwa ya maka kallo ɗaya bazaka so ya ƙara ba, saboda gaba ɗaya idanunsa sun rune, sun zama jajur kamar wanda aka watsa masa garin barkono, zuwa yanzu yadaina tunanin komai, haka ya zama kaman mutum mutumi wato, statue, hatta da buɗe bakinsa baya iyawa, lokaci ɗaya yazama wani iri dashi, cikin rana ɗaya yayi wani irin muguwar rama, suna gama bunneta suka soma ƙoƙarin barin maƙabartan, amma me Ya Ameenu zama yayi anan bakin kabarin nata, da ƙyar su Malam Adam da Dirankadi suka lallashesa, Ya Ahmad dake wani irin kuka ne ya kama hannun Ya Ameenun suka fito daga maƙabarta'n, dan kuwa Ameenun yazama kamar wani ƙaramin yaro, ba ya um baya um um saidai shiru kawai, harkuwa suka shiga cikin mota bai daina kallon kabarin Maryam ɗin ba.
Dahaka suka nufo gida. Suna ƙarasowa ƙofar gida kuwa suka samu ankakkafa manyan runfuna, nan suka zauna ko cikin gida basu shiga ba, dan amsar gaisuwa, Baba Malam wanda da taimakon addu'o'in da yakeyi, yaji zuciyarsa ta ɗan samu salama, duban Zakariyya, dake zaune abayansa yayi, cikin muryarsa dake nuna tsananin ɓacin rai yace. "Zakariyya kaje kacewa Zaleeha ta fice min daga gida, bana buƙatarta, kome kama da da ita bana buƙata, matuƙar bata fitamin daga gida, nan da mintuna goma ba, Allah Ya isa bazan taɓa yafe mata ba." Hankalin Zakariyya ne ya tashi, take yaji wani kuka ya taso masa, shikenan zai rasa ƴan uwansa har guda biyu alokaci ɗaya, amma ya sani kome ya faru da Zaleeha ita ta jama kanta.
Nan ya miƙe cikin sanyin jiki, ya nufi cikin gidan.
Haryanzu tana nan adurƙushe kaman yanda suka fita suka barta tun da farko, kuka take harda majina, kaman ranta zai fita, fuskarta gaba ɗaya tayi jawur.
Ƙarasowa inda take Zakariyya yayi, muryarsa asanyaye ya ƙira sunanta.
Ɗago kanta tayi ta kalleshi, da idanunta wanda ko gani sosai basayi, kai Zakariyya ya girgiza tare da kawar da kansa gefe, cikin shanye kukansa yace.
"Baba Malam yace kifita masa daga gidansa, idan kika kara wasu mintuna sama da mintuna 10 acikin gidannan yace. Allah Ya isa baiyafe ba."
Cikin matsanancin tashin hankali Zaleehan ta riƙo hannun Zakariyya, cikin muryarta wanda ta dashe saboda kuka tace.
"Nashiga Uku, Zakariyya ya zanyi, ina zanje? nima Zakariyya mutuwa zanyi, bazan iya jure wannan baƙin cikin ba, kowa guduna yake kowa baya sona, waƴanda nake tunanin zasuji ƙaina, sunyi watsi dani, Adda Maryam ta rasu ta barni, Zakariyya bansan inda zanje ba, bani da kowa sama daku aduniya!.."
Taƙare maganar tana tsananta kukanta, kai Zakariyya ya girgiza mata hawaye na fita daga idanunsa yace.
"Kina dasu mana Adda Zaleeha, kina da wasu bayan mu mana, dan da ace kinsa azuciyarki cewa baki da wasu bayan mu, da baki gudu kin bar Mahaifinmu da mu kanmu acikin baƙinciki ba, ki koma inda kika fito, ki koma cikin arna'n da kika zaɓesu sama damu."
kanta ta shiga girgizawa, cikin kuka tace.
"Bazan iya jurewa ba Zakariyya, inama mutuwa tazo ta ɗaukeni, inama da ace mutuwa ni ta ɗauka ba Adda Maryam ba, kamar yanda Baba Malam ya faɗa, wayyo Allah na, ya Allah ka ka kawo min ɗauki a rayuwa ta!!!."
tafaɗi maganar tana wani irin kuka, Zakariyya ma fashewa da kuka yayi, dan kuwa yana matuƙar jin tausayin Yayartasa, saidai kuma laifin da ta aikata kowa ya sani me girma ne.
Dai-dai lokacin Malam Adam ya shigo cikin gidan, bayansa wasu baƙine, wanda zai sauƙesu anan falon na Baba Malam, ganin Malam Adam yasa ta rarrafa, ta faɗi agabansa, cikin kuka tace. "Dan Allah Daddy kataimakeni, (Daddy shine sunan da suke ƙiran Malam Adam ɗin dashi.) Baba Malam yayi fushi dani ya koreni, dan Allah kabashi haƙuri!!."

Fuska Malam Adam ya haɗe, cikin cushewar murya yace.
"Babu abun da zan iya miki, ba haƙurin kuma da zan bashi, abun da kika shuka shikike girba."
Daga haka yasa kai ya wuce cikin falon, baƙin nasa suka rufa masa baya.
Cikin kuka Zaleeha ta miƙe tsaye, duban Zakariyya tayi, sai kawai ta faɗa jikinsa ta saki wani irin fitinannen kuka, shima Zakariyyan kuka ya saka, tare da rungume ta, jin tausayinta yake kamar zai fasa masa zuciya.
Saida tayi kuka sosai kafun Zakariyya ya janyeta daga jikinsa, cikin sheshsheƙan kuka yace.
"Lokaci yana daɗa ƙurewa ki tafi kawai."
Juyawa yayi cikin sauri yana kuka ya nufi boys guater.
Cikin kuka haka ta nufi ƙofar fita daga gidan, kasancewar wajen gidan cike yake da jama'a, hakan yasa tabi ta ƙofar baya, tana cire ƙafanta daga cikin gidan tasaki wani irin kuka, haka ta miƙi titi, ta fiya take tana gauraya hanya, hawaye kuwa wani na koran wani akan fuskarta, gaba ɗaya ta fita hayyacinta, tayi wani wujiga-wujiga da ita, batasan inda zataje ba, bata da kowa aduniya bayansu da Adda Maryam na raye nema tasan ko duk zasu tsaneta ita bazata tsaneta ba, kuma tasan ko Ya Ameenu baya so zata bata mafaka kuma da Adda Maryam ta roƙa mata gafara wurin mahaifinsu, sukaɗaine gatan ta, gefe guda kuwa ga ƙafanta wanda taji ciwo har ta ɗan kumbura, ga wani busashshen jini da ya zauna akan fatarta.
Tafiya kawai take batare da ta san inda ta dosa ba, Jin an riƙe hijabinta ta baya yasanyata juyowa, Zakariyya ta gani hakan yasa ta fashe masa da wani sabon kuka, hannunta Zakariyya'n ya kama, suka ci gaba da tafiya, kasancewar unguwar tasu ta masu kuɗi ce, hakan yasa ko masu abun hawa irin na hayan nan basu cika shigowa sosai ba, sun ɗanyi tafiya, kafun Zakariyya ya hango wani mai adai-dai-ta sahu, wanda ya kawo wata mata, hannu Zakariyya yasa ya tare mai adai-dai-ta sahun, mai adai-dai-ta sahun na ƙarasowa gabansu, Zakariyya ya shiga cikin napep ɗin, tare da jawota itama ta shigo, har zuwa lokacin kuka take, sannan kuma yana riƙe da hannunta, duban me napep ɗin Zakariyya yayi asanyaye yace.
"Malam Shango estate zaka kaimu."
Kai me napep ɗin ya jinjina, sannan ya tada keken suka tafi. Ɗaura kanta akan kafaɗan Zakariyyan tayi, tare da sanya hannu ta dafe ƙirjinta dake mata zafi, nunfashinta nata ƙoƙarin yankewa saboda kukan da tayi har ta godewa Allah.
Koda suka ƙarasa Shango Estate ɗin anan ƙofar haɗaɗɗen sabon gidan Hajja Inna aka sauƙesu, Zakariyya ne ya ciro kuɗi ya bawa me napep ɗin, yana riƙe da hannun Zaleeha ya tura ƙofar gate ɗin gidan ya shiga, jin motsin buɗe ƙofa yasa me gadi dake kishingiɗe ya taso da sauri, ganin Zakariyya ne yasashi sakin numfashi ya koma ya zauna, Zakariyya kuwa yana riƙe da hannun Zaleehan har zuwa jikin bakin ƙofar da zata sadasu da babban falon gidan, key yaciro daga cikin aljihunsa ya buɗe ƙofar, sannan yaja Zaleehan suka shiga ciki. Akan kujera ya zaunar da ita, tare da ƙarasawa gaban fridge, goran ruwa me sanyi ya ɗauko sannan yazo ya aje mata agabanta, dubanta yayi cikin sanyi yace.
"Ki zauna anan, tunda Hajja Inna batanan tana can gida, wata ƙila gobe idan kika koma Baba Malam zaiyi haƙuri ya yafe miki".
Kuka ta fashe dashi tare da faɗawa jikin Zakariyya'n, cikin kuka tace.
"Na cuci kaina Zakariyya, nadasawa ƴan uwana baƙin ciki da ɓacin rai, nayi nesa da ku gashi har Adda Maryam tarasu batare da mun sake ganawa ba, lokacin dana tafi taƙira wayana, yafi sau 20 amma ban taɓa ɗagawa ba, kowa yaƙini sai bayan nayi wata biyu a can na fara amsa kiranta Zakariyya kai kaɗaine kaji tausayina, ya zanyi Zakariyya idan Baba Malam be yafemin ba, ya zanyi?".
Kukane yaci ƙarfinta sosai.
Zakariyya ma kukan yake. Zamewa yayi ya zauna tare da ɗaura kanta akan cinyarsa, ganin haka yasa ta takure jikinta waje ɗaya, nan tashiga rera sabon kuka, ita tanayi Zakariyya nayi, an rasa me rarrashin wani acikinsu, tayi kuka kam bana wasa ba, ita kanta bazata iya faɗin yaushe ne kuma tayaya ne, bacci ya ɗauketa ba, haka tayi bacci kanta nakan cinyan Zakariyya, yin baccin nata kuwa bairasa nasaba da irin kukan da tasha ta ƙoshiba, saboda yawan kuka nasanya mutum bacci, batare daya shiryawa hakan ba.
Ganin tayi bacci yasa Zakariyya zame jikinsa, pillown kujera ya ɗauka ya ɗora mata kanta akai, dubanta yayi, bacci take amma kuma sheshsheƙan kuka take tayi, hawayen da suka zubo daga cikin idanunsa ya goge, sannan ya tashi ya fita daga falon, kaitsaye ya koma gida.

Ita kuwa Zaleeha ko mintuna 20 batayi tana baccin ba, azabure tatashi, ganin bataga Zakariyyan ba, yasata dasa wani sabon kukan.
Tayi kukan tayi kukan harsaida taji kamar ma ba aduniya ta ke ba, ciwon kai kuwa ba'a magana, domin saboda tsabar ciwon da kanta keyi mata, har wani dishi dishi take gani

Haka dai ta zauna agidan idan tayi shiru yanzu anjima kuwa tayi kuka, da ƙyar ma ta iya tashi tayi sallah.
Tana nan tana kuka har dare ya rufa, yanda taga rana kuwa haka taga dare, ko lumshewa idanunta batayi ba, balle bacci ya ɗauketa, batun ciwon kai kuwa sai abun da yayi gaba, dan kuwa zuwa yanzu harwani ji take kaman kannata ya kumbura, saboda tsabar ciwo da yakeyi mata.
Haka ta kwana azaune tana karatu qur'an da kuka har gari yayi haske.
Nan dai daga falon babu inda ta gusa, banda toilet da ta shiga ta ɗauro alwala, tana nan zaune Zakariyya ya buɗe kofar falon ya shigo, ganin yanda idanunta suka kumbura kana sukai jajur yasa shi ɗan zaro idanunsa, cikin sauri ya ƙaraso cikin falon, agabanta ya zauna tare da aje ƴar ƙaramar kulan dake hannunsa, hankalinsa amatuƙar tashe yace.
"Kwana kikayi kina kuka ko?."
Yafaɗa yana me sanya hannunsa ya share mata hawayen dake kan fuskarta, kulan da ya shigo dashi ya buɗe, soyayyen dankali da ƙwai ne, sai sauce ɗin egg, turo mata kulan gabanta yayi, cikin tausayawa yace.
"Waima rabonki da abinci tun yaushe ne Adda Zaleeha? kici wannan abincin kinji." Kanta ta girgiza masa, cikin da shashshiyar muryarta tace.
"Banajin zan