You Cannot Download this book untill you login but you can read it .

---

Login Register

cikin falon, inda ta jawo wani babban table dake tsakiyan falon ta kawosa har gaban Baba Malam ɗin, nan ta ɗaura ɗan ƙaramin tray din akan table ɗin,  duban Baba Malam tayi fuska ɗauke da Murmushi tace.
"Barka da hutawa!."
Shima Baba Malam ɗin fuskarsa ɗauke da murmushi, ya jinjina mata kai alaman ya amsa.

Su Baffa Ali kuwa koda suka isa gidan nasu Saifudden kai tsaye ɓangaren Ummi suka nufa,  zaune suka isketa ababban falon nata, gefenta kuwa Hayatudeen ne wanda keta faman buga game ɗin Drok Stack Ball awayarsa.
ganinsu yasa Hayatuddeen ya gaishesu cikin ladabi, don kuwa hadda Dirankadi akazo,  nan ya miƙe ya haura sama zuwa ɗakinsa.
Ummi kuwa tashi tayi ta kawo musu drinks masu ɗan sanyi,   nan ta zauna suka shiga ɗan gaisawa, musamman da Dirankaɗi wanda suka jima basu haɗu ba.
Bayan sungama gaisawa ne, Dirankaɗi ya gyara zamansa tare da fuskantar Ummi'n, sanin cewa ita ɗin mai yawan haƙuri da sauƙin kai ne yasanyasa tausasa lafuzansa, tayanda zata fahimcesa sosai, ahankali yace.
"Kamar yanda kika buƙata da muje gidan su Zaleeha, munje munkuma sanar musu cewar mun janye batun auren!.".
Ajiyan zuciya sauƙe a hankali tare da cewa.
"Alhamdulillah".
murmushi suka ɗanyi, sai kuma Dirankadi ya ɗan numfasa tare da cewa.
"Kiyi haƙuri Hajiya..  kisa aranki cewa auren Saifuddeen da Zaleeha haɗine na Allah bawai yin kanmu ba, sannan kada ki manta ance matar mutum kabarinsa, sannan idan Allah Ya nufa cewa Saifuddeen sai ya auri Zaleeha bamu isa hanawa ba."
shiru tayi jiki a mace taci gaba da sauraronshi.
"Tabbas nasan mekikeji nakuma fahimci irin fargaban da kike ciki, ƙwarai kowacce uwa bazata taɓa son wani abu dazai cutar mata da ɗanta ba, nasan kina gujewa Saifuddeen auren Zaleeha ne badon komai ba saidan, kina jin tsoron abunda kaje kazo, da kuma irin tsananin ƙiyayyar da Zaleehan ke nuna masa,  ƙwarai hakan abun tsorone to amma kada ki manta, babu wani abu dazai samu bawa me kyau ko akasinsa,  face dama tuntuni anrubuta acikin littafin ƙaddaransa."
Kai ta gyaɗa tare da cewa .
"Haƙƙun".
Cikin jin daɗin tana gamsuwa yaci ga da cewa.
"Wani baya taɓa iya cutar da wani harsai Allah Ne ya tsara hakan,  saboda haka inaso ki kwantar da hankalinki, munyi magana ta fahimta da mahaifin yarinyar, mutum ne shi mai tsananin dattako da kamala, kema kinsan hakan tuntuni, ya ƙasƙantar da kansa ya bamu haƙuri, ya haɗamu da Allah cewa kada a fasa auren! yakuma taushemu da lafuzza masu daɗi, saboda haka mu dai mun aminta cewa Saifuddeen zai auri Zaleeha, saboda haka yana ɗaya daga cikin ƙaddaransa, komai zai wuce kuma watarana sai labari, kema inaso
kisa aranki cewa Insha Allah auren Saifuddeen da Zaleeha al'khairine mai tarin yawa, wanda zaisa dukkanmu farinciki anan gaba,   mudai addu'an al'khairi yadace munayi musu ako da yaushe!."

Baffa Aline yaɗan nisa tare da amsawa da cewa.
"Ƙwarai kuwa, abun da Dirankaɗi ya faɗa gaskiyace, haƙiƙa dukanmu nan munsan cewa ke uwa ta gari ce,  munsanki da haƙuri Ummi, dan Allah inaso ki ƙara akan nada, ki-kumayi duba da irin tarin soyayyar da Saifuddeen keyiwa yarinyarnan tunfa suna ƙanana, kuma rauninki zaisa Saifuddeen fasa auren nan!."

Malam Ashiru ne yace. "Ƙwarai kuwa, ayanzu dai fatan al'khairi da sa al'barka kawai suke buƙata daga garemu."
Ajiyar zuciya Ummi ta sauƙe tare dayin ƙasa da kanta, sosai taji zuciyarta tayi mata nauyi, yayinda matsanancin rauni ya bayyana acikin idanunta, haƙiƙa ita abu ɗaya take gujewa Saifuddeen shine halin dazai faɗa bayan aurensa da Zaleeha, matuƙar bata sanja hali ba, tasan Saifuddeen bazaiji daɗin zaman auren ba, wanda ita kuma duk wani fata da burinta baiwuce Saifuddeen ɗinta ya samu mace tagari, mai share hawayensa.
Hawayen dake ƙoƙarin cika idanunta ta shanye tare da ɗan sakin murmushi, cikin sanyi tace.
"Babu komai, duk yanda kukace shikenan, dama ni baƙin Zaleeha nake ba kawai dai munanan kalamai da ƙudurinta akan Saifuddeen shine ke bani tsoro, amma zantayi musu addu'a Allah yasa auren yazama alkhairi, wanda kowa zai amfana dashi!."
Cikin jin daɗin sauƙin kai irin na Ummin dukansu suka amsa da "Ameen Ameen."
Nan Dirankadi yace acigaba da shirye shiryen biki kada afasa komai da akayi niya, baiwani jima agidan ba yashiga motarsa inda ya nufi gida, su kuwa su Baffa Ali can cikin BQ suka sauƙa, saboda dare yayi babu yiyuwar komawarsu Dukku aranan, saidai gobe da safe zasu kama hanya.

Jin ƙiran da Baban nata keyi mata yasanya taji gabanta ya faɗi, take tsoro ya shigeta saidai kuma babu yanda ta iya dolenta ta amsa ƙiran nasa, zumbuleliyar hijab ɗinta ta zura, kana tanufi ɓangaren mahaifin nasu.
Da sallama ɗauke abakinta ta kutsa kanta cikin falon,   cikin sanyi Baba Malam ya amsa mata,   ƙarasowa tayi inda ta zauna akan lallausan carpet ɗin dake malale bisa tsakiyan falon, duƙunƙune jikinta tayi acikin hijabin, cikin ƴar siririyar muryarta dake rawa tace.
"Barka da dare Baba Malam!."
Kansa kawai ya jinjina mata alamar "Yauwa."
Aƙalla ta ɗau sama da mintuna 5 baice da ita komai ba, nanfa bugawar zuciyarta ya tsananta, don amatuƙar tsorace take.
Gyara zama Baba Malam yayi tare da fuskantar ta,  cikin kulawa yaƙira sunanta.
Ɗagowa tayi ta kalleshi tare da amsa masa murya na rawa jiki asanyaye.
Ajiyar zuciya Baba Malam ya sauƙe tare da yi mata duban tsab, cikin son tausasa lafuzansa agareta dan yi mta nasihar da wala Allah imaninta zai sabunta cikin kula yace.
"Haƙiƙa kowani uba yana al'fahari da ƴarsa ko ɗansa matuƙar sukayi masa biyayya,."
Sosai lafazinshi ya ratsa jikinta,
Shi kuwa cigaba yayi da cewa.
  "Bazance bana al'fahari dake ba Zaleeha saboda ke jininace, sannan kuma ko ba komai kin amshi zaɓin dana baki, kin kuma yi na am, saidai kuma labari yazo kunnena akan cewar kina rubuta saƙo irin na ɓaƙaƙen maganganu da kuma gargaɗi da barazana da kisan kai kina turawa Saifuddeen".
Tuni jikinta yake tsuma.
  "Kada ki watsamin ƙasa a ido Zaleeha! Dan in kikamin haka ,wallahi Allah zan barranta dake, kada kimin fuska biyu.
tabbas nasan cewa rashin sanin wanene Saifuddeen agareki shiyasa kike wulaƙantasa, yanunamiki ƙauna da gata tun kina ƴar ƙanƙanuwan yarinya, haka kuma har kawo yanzu bai janye ƙaunarsa daga gareki ba,  Saifuddeen maganarci ne wanda nayi imani samun kamarsa nada matuƙar wahala, ba'akowani gida ne ake haihuwar irin Saifuddeen ba haka kuma irinsu basu da yawa acikin al'umma, nazaɓa miki Saifuddeen amatsayin mijine saboda nasan bazaki taɓa danasanin aurensa ba, Saifuddeen bazai barki kiyi baƙinciki ba Zaleeha."
Tuni hawaye ke kwaranyo mata a ranta take faɗin.
"Wannan musakin wanne farin ciki zai samar min,mutun da bashi da bakin da zai furta min kalaman so, mutumin dake kamar dutse duk daɗin kalmar da zan masa ba ji zaiba,
haka zan rayu dashi babu so bare soyayya da ƙauna! muryar baban natane ya katse mata hasashenta. "Zaleeha kina ganin nakasasshe ne ko, to Saifuddeen da kike gani shi zai zame miki GARKUWA sannan bongo majingina na rayuwarki,  shin Zaleeha menene aibun Saifuddeen dan yakasance Nakasashshe? saboda shi nakasashshene shiyasa kawai kike gudunsa? Baki san cewa Nakasa Ba Kasawa Bace Zaleeha, kuma babu nakasasshe sai kasasshe musamman nakasa irin ta Saifuddeen da bata shafi lafiyarsa ba, sannan nakasar zuci itace nakasa ba wai ta gangar jiki ba,  Saifuddeen yana da kyakkyawar zuciya, kyawawan ɗabi'u, kyawawan halayya, ga  wadatan zuci  duk ya haɗa in kuma kyau ne tako ina Allah ya mishi kyau da haiba, haƙiƙa amatsayina na uba mahaifinki, ina matuƙar yi miki kwaɗayin samun managarcin miji kamar Saifuddeen, sanin cewa miƙa aurenki ga Saifuddeen danayi bazaisa nayi dana sani ba, shiya zuciyata ta aminta da shi sosai,  dan Allah Zaleeha, ki nutsu ki dawo cikin hankalinki, ki watsar da duk wani buri ki rungumi auren Saifuddeen amatsayin ƙaddarar rayuwarki,  kin kuma san idan kikayi haka Allah bazai bari ki taɓe ba,  ni mahaifinki ne Zaleeha, idan ban nusar dake ba, babu wani wanda zai nusar dake, saboda haka maganan tura ɓaƙaƙen maganganu ga Saifuddeen banasonshi dan Allah ki daina kinji ko Mamana?."
A hankali ta gyaɗa kanta alamar to yayinda cikin zuciyarta kamar ta mutu dan baƙin ciki.
"Saura ƴan kwanaki kaɗan yazamanto miji agareki saboda haka yazama dole ki girmamasa kamar yanda kike girmamani harma fiye da haka domin shi mijinki ne kuma al'jannarki tana ƙarkashi diga-diginshi ,sai ya ɗaga zaki shiga".
A ranta take cewa.
"Wannan gurgun kam ai ɗaga ƙafarma ba iyawa zaiba." hannu tasa tana share hawayenta jin Baba malam ɗiɓ yaci gaba da cewa. "Saboda matsayinsa na miji agareki yazama dole kiyi masa biyayya da ɗa'a, koda wasa kada kice zaki bijirewa umarninsa, ƙin bin umarninsa tamkar saɓawa Allah Ne saboda haka ki kiyaye!."

Tuni hawaye sun wanke fuskar Zaleeha, sosai zuciyarta keyi mata ƙuna so take tasaki kuka mai sauti, hakan yasa tasanya hannuwanta duka biyu ta toshe bakinta, gudun kada kukan ya fito, kai kawai taketa gyaɗawa kamar Ƙadangaruwa.
Ganin haka yasa Baba Malam cewa.
"Tashi kije, sannan koda wasa kada ki taɓa mantawa da maganganu na, domin kuwa idan akace yau bana raye babu wani wanda zai faɗamiki makamancinsu." still kai ta gyaɗan
Da sauri ta-tashi ta fice daga cikin falon, tana rufo ƙofar falon tashiga tafiya cikin yanayi na gudu-gudu sauri-sauri, koda ta shiga falo, tsaye ta samu Mama tanata kaiwa da komowa,  Mama naganin Zaleehan tayo kanta, cike dason tambayarta me Baba Malam ɗin yace mata, saidai me tuni Zaleeha ta shiga ɗakinta inda ta rufo ƙofar tare da murza mata key, sulalewa tayi ajikin ƙofar tare da sakin kuka mai sauti,   galala haka Mama tasaki baki tana kallon ƙofar ɗakin Zaleehan, kana daga inda take tsaye tanajiyo sautin kukan da  Zaleehan keyi, rantane yayi matuƙar ɓaci, domin tasan babu wani abu dazaisa Zaleeha kuka haka, idan ba maganar auren wancan nakasashshen ba, gashi tanaji tana gani aka kwashi kayan Abdussalam aka meda, tsuka tayi cike da baƙin ciki haɗi da takaici ta wuce ɗakinta.
Kuka sosai Zaleeha tayi harsaida muryarta ta dashe, lokaci guda wani irin zazzafan ciwon kai ya kawo mata ziyara, gaba ɗaya ƙwaƙwalwarta ta toshe harta rasa ma tunanin me zatayi, kullum kwanan duniya soyayyarsa ne keyi mata tsaye acikin rai da zuciyarta, sannan gefe guda kuwa ga yanda rayuwa keneman juya mata baya, tahanyar haɗa ta aure da wani wanda takejin tsanarsa acikin zuciyarta fiye da kowa.
Da ƙyar ta iya tashi daga jikin ƙofar, haka ta nufi bathroom, ko gani sosai bata iyawa saboda yanda idanunta suka kumbura sukayi luhu-luhu dasu,  wanke fuskarta tayi tare da dawowa ta kwanta luf akan lallausan gadonta,  sosai kanta ke ciwo kamar zai rabe gida biyu haka takeji, gawani irin zazzaɓi daya sauƙar mata, babban blanket ta jawo tare da rufe jikinta, kanta ta tura acikin pillow, sannu ahankali take fitar da sheshsheƙan kuka, cikin haka wani bacci wanda sam batayishi cikin daɗin rai ba yazo ya ɗauketa.
**

Yau ya kama saura kwana biyu biki, inda ake ta hidima haɗi da shirye-shirye daga ɓangarori guda biyun,  gidan su Saifuddeen sosai ake hidima inda tuni ƴan uwansu dake nesa sun zo, nanfa shirin biki ya ƙara armishi, ɓangaren Ango Saifuddeen da abokansa kuwa sunshiga busy sosai, babuma kamar yashi Saifuddeen, gaba ɗaya yanzu bashida wani lokaci koda na hutawa ne, yadage tuƙuru wajen ganin yaƙawata bikin nasa, inda yaketa ɓarnatar da kuɗi wajen ganin ya ƙawatar da kansa da kuma amaryarsa,  gudumawa yake samu sosai takota ina, wanda abun har mamaki yake bashi, sam shi baison mutane suna wahalar da kansu akanshi, musamman ma akan auren nasa yafiso yayi komai da kanshi, haka ƙungiyarsu ta Jonapwd ma ta basa gudumawarta mai tarin yawa, wanda bisa dole ya amsa, don ƙa'idar ƙungiyanne dazaran abu ya samu mutum na hidima, walau farin ciki walau akasinsa, to fa saisun bada nasu taimakon suma.

Birnin gombe da kewaye duk sun cika sun ɗauka batun auren Zaleeha da Saifuddeen wanda aketa tallashi a dukkan gidajen Radio kama daganan FM Gombe, PROGRESS, RAYPOWER, AMANA uwa uba, vision FM gidan radio su Zaleeha, yan uwa ƙawaye maƙota ,duk anji labari, Bilkeesu kuwa da gangan ta sanarwa duniya mijin da Zaleeha zata aura nakasasshe ne, wannan abun ya ƙara tada hankalin Zaleeha.
Rashida kuwa tuni ta gayyato ƙawayensu baki ɗaya harda waɗanda sukayi aure, haiƙan gadaran suketa shiryawa bikin ita da sauran ƙawayen nasu.

Kamar yanda ake ta shirye shirye shiryen biki agidan nasu Saifuddeen cike da farin ciki, aɓangaren gidansu Zaleeha kuwa abun ya banbanta, domin kuwa Baba Malam da Mamy haɗi da su Ya Ahmad ne kaɗai suke shirin auren, sai kuma Mamy wanda tazama kamar itace uwar amarya, don Mama kam fir tamaƙi zama agidan hakanan ta tsiro da tafiya garinsu, tayi hakanne kuma don bazata iya juran tarin baƙin cikin dake tunkarota ba, sam Baba Malam baihanata ba, dan yasan hanatan ma wani babban bala'i zai zama, kuma tama tafi ta basu fili ayi komai ba fitina, shiyasan tunda Mamy nanan bai da muwa da tafiyar Mama.
Ita kuwa Mama bazama tayi gidan bokayenta.

Yau Baba Malam yace aje ayiwa Amarya Zaleeha jere, saboda haka tun safe Aunty Lubna da kuma Maryam, sai wata Aunty Aseeya wacce take ƙanwar Mamy sai Aunty Shatu suka kimtsa don zuwa yin jeren,   cikin motar Aunty Aseeyan suka shiga, inda aka haɗasu da ƙatuwar motar dake cike da kayan na Zaleeha wanda su Baba Malam ne ya ƙara matasu duk dan wai ta kwantar da hankalinta, daga gefe kuwa musamman Ya Ahmad yayiwa wani babban company magana, wanda suke da ma'aikata wanda suka iya tsara ɗaki, nan yaɗauki hayan ma'aikata guda biyu wanda sune zasu tsarawa Zaleehan ɗakin nata.
Koda suka isa gidan nasu Saifuddeen wanda sosai ya amshi gyaran da akayi masa, Ummi da kanta ta amashesu, inda tayi Musu tarba me kyau, sosai sukaji daɗin hakan, inda Maryam tacika da farin ciki, domin kuwa sosai taji daɗin karamcin Ummin, dan tasan Zaleeha ta dace da uwar miji, sannan tasan Ummi bazata bar ƴar uwartata ta wulaƙanta ba,   Raihana mutan Kd da Adda Rahma matar Dr Ummi tasanya su kaisu zuwa ɓangaren Zaleeha,   koda sukaje part ɗin da Zaleehan zata zauna sosai suka cika da mamakin yanda aka ƙawata part ɗin, sosai part ɗin yayi kyau, anyi masa tsari mai ɗaukar hankali, inda aka ƙawata komai dake cikinsa,  tabbas sun yaba da haɗuwar part ɗin na Zaleeha, sunkuma yarda cewa Saifuddeen masoyine agareta, don ko ba a faɗa musu ba sunsan sosai ya ɓarnatar da dukiyansa wajen ƙawata wajen,    tuni ma'aikatan da Ya Ahmad ya turo suka haɗu da maikatan da Salisu ya ɗauko sun shiga aikinsu na shirya wajen don kuwa har sun gama kimtsa falo,  sabida su biyarne dan haka aikin ke gudu,
sosai falon ya tsaru haɗaɗɗen falone wanda aka ƙawata gaba ɗaya jikin bangon da wani haɗaɗɗen magic paint me tsananin kyau, yayinda aka watsa wasu   haɗaɗɗun royal chairs atsakiyan falon, kujerune ƴan ubansu wanda aka narka kuɗi sosai wajen sayansu, asalin royal ne masu kyau da tsada, inda kalansu suka kasance milk colour and light sky blue sai kuma ratsin golding ash dake jiki,  sosai kujerun sukayi kyau, yayinda aka malale wani lallausan carpet mai taushin gaske a tsakiyan falon, wanda dazaran ka takashi ƙafafunka zasu nutse aciki saboda tsabar laushi,inda shima yake da kalar milk, and sky,   da wasu irin tsadaddun cottings aka ƙawata jikin window da kuma ƙofar falon, kalan cottings ɗin sun kasance ligh blue irin mai hasken nan,  sannan gaba ɗaya cottings ɗin simples suke basu da wani ado, sai ɗan ratsin golding ash kawai dake jikinsu, cotting ne masu azabar kyau da tsada, wanda suka ɗai ma sun isa ƙawata kyawun ɗakin,   can gefe kuwa wani irin ƙaton tv plasma ne wanda saboda tsabar girmansa yasanya ba'a kafasa ajikin bango ba, kan wani haɗaɗɗen table na glass aka ɗaurasa, wanda kalan table ɗin yakasance sky blue, sai kuma adon jikinsa daya kasance golding ash mai walwali,  gefe da gefen tv'n wasu irin haɗaɗɗun flowers aka sanya guda biyu, ƴan madaidaita, inda flowers ɗin suka kasance kowanne da kalansa, ɗaya milk ɗaya kuma sky, sosai haka ya ƙara ƙawata haɗuwan falon, can gefe kaɗan kuwa, rantsatstsen dinning area ne wanda aka ƙawatasa da haɗaɗɗen decoration mai masifar kyau, inda aka shirya wasu haɗaɗɗun royal chairs wanda suke kalan kujerun dake cikin falon saidai kuma yanayin tsarinsu baizo ɗaya ba, tsakiyan kujerun kuwa wani babban table aka sanya me masifar kyau,  gaba ɗaya falon walwali dake sheƙi yake inda yake fidda ƙyallin haɗuwa, sam ba acika shirgi acikin falon ba, komai antsarasa ne cikin nutsuwa da wayewa, sosai su Aunty Lubna ke yaba falon, saboda ko ƴar gwamna sai haka, sosai Yaya ahmad ya kashe maƙudan kuɗaɗe wajen sayan kayan furnitures ɗin, saboda yana matuƙar son Zaleeha taji daɗi ta zauna ɗakinta shiyasa zai iya kashe ko nawane akanta.

Koda suka ƙarasa zuwa bedroom nansuka samu tuni angama shirya komai, inda acikin ɗakin ma aka zuba wani haɗaɗɗen furnitures mai azaban kyau,  don kuwa haɗaɗɗen royal bed mai kalan white and golding aka kafa mata, inda saman kan gadon ya kasance light blue colour,  sosai gadon ya tsaru da ado haɗi da ƙyale ƙyale irin na zamani, yanayin tsarin gadon kaɗai ya isa nusar dakai cewa ba ƙiran Nigeria bane, inda ajikin gadon akayi wasu haɗaɗɗun bedsite masu kyaun gaske,  gefe da gadon kaɗan kuwa wani tangamemen drawer ne wanda aka cika jikinsa da wani irin zanen ado mai masifar kyau haɗi da wani irin mirror glass me matsanancin kyau, kana can gefe kuwa wani haɗaɗɗen dressing mirror ne me kyaun gaske,  sai kuma stool ɗin sa wanda shima aka ƙawata jikinsa da ado mai ɗaukar hankali, again kuma wani dressing mirror ne ɗan madaidaici mai kyau aka aje aɗan gefe kaɗan,   tsananin tsaruwan da ɗakin yayi yasanya gaba ɗayansu suka shagala, tabbas ɗakin Zaleeha ya ƙawatu iya ƙawatuwa ko aturai al'barka,  komai dake cikin ɗakin abun so da burgewane, tabbas idan za a ƙiyasta kuɗin furnitures ɗin a iya ɗakima kaɗai banda parlour kayan sunkai na 4 million,  domin kuwa kayane masu masifar kyaun gaske,  haka suka dinga yaba kayan, koda suka buɗe bathroom kuwa mamakine yakusan kashesu, sosai aka ƙawatasa kamar ba bathroom ba,  inda wajen wanka ma na glass akayi mai masifar kyau wanda shi kaɗai ya isa ɗaukar hankalinka, sannan gefe ga wani haɗaɗɗen jakuzzie wanda aka ƙawatasa sosai, koda suka fito daga ɗakin na Zaleeha ɗayan ɗakin dake gefen nata suka shiga, don dama 2 bedrooms ne acikin falon,  shima sosai aka zuba masa wasu haɗaɗɗun furnitures masu kalan grey, sosai shima ɗakin yayi kyau, fitowa sukayi daga ɗakin inda suka ƙarasa zuwa cikin kitchine ɗin dake cikin falon, hmmmm wani kaya sai amale, anan fa haɗuwar take, komai dake cikin kitchine ɗin light pink and white colour ne,  sosai aka ƙawata kitchine ɗin, inda aka shirya komai na amfani acikinsa tsab,  da wasu zafafan food flask aka ƙawata jeren kitchine ɗin wanda aƙalla kowanni food flask ɗaya yakai 100k wato dubu ɗari, wani kamma harda ɗori, kaya masu kyau da inganci aka zuba acikin kitchine ɗin, tabbas Zaleeha kam anyi mata auren gata, Ya Ahmad da Baba Malam sun kashe mata kuɗi na fitan hankali wai duk dan su faranta mata rai ko sa samu ta zauna ɗakinta tayiwa mijinta biyayya,  haka dai suka dinga zagaya part ɗin suna yabawa da kyawun komai, inda Aunty Lubna ke ɗaukar komai awayarta, saboda haɗuwan kayan ya zarce misali.
A sashin Saifuddeen ma a ranar aka shirya mishi sabbin kayan gadonshi masu masifar kyau, abundai sai wanda ya gani.
Basu sukabar gidansu Saifuddeen ɗinba sai da sukayi sallan la'asar, bayan sun cika cikinsu da daddaɗan girkin Ummi, inda tayi musu haɗaɗɗiyar fried rice wanda yaji chicken, sai kuma kunun aya mai masifar daɗi,  ga kuma dambun kifi wanda yaji kayan ƙamshi, sosai sukaci abincin don yayi musu masifar daɗi, haka sukayi sallama da Ummi cikin girmamawa kana suka kamo hanyar dawowa gida.

Itadai Zaleeha duk wannan wainar da ake toyawa babu idanunta aciki, don tun jiya takulle kanta aɗaki, bata fita koda cikin falo ne, hasalima zazzaɓi ne ke ɗawainiya da ita kwana biyun.
A dare randa akaje akayi mata jeren ne,
tayi mafarkin wai tana ɗakinta na gidan Saifuddeen ɗin tana zaune kan gadon,
sai ta hango wani ƙaton maciji baƙiƙƙirin dashi yazo bakin ƙofar ɗakin nata yayi zuɗuɗuɗu ya shige ƙarƙashin gadonta, tana ganin har ya gama shiga ta kasa ihi ko neman taimako, saida taga binɗinshi ma ya shigene, sai kawai ta miƙe a guje ta fita daga ɗakin ta bar gidanma baki ɗaya, tanata gudu bata san inda zata jeba sai Mamanta da Bilkeesu da Ruda ta nuna mata bakin kogi, kawai sai ta nufi cikn kogin har ta fara nisa cikin ruwan da zai iya cinyeta sai taga wani farin dottijo bafulatani ya riƙo hannunta sun fita.
To anan ta farka daga baccin kuma sai ta tashi da zazzafan ciwon kai. hakan yasa sam batason hayaniya.

Musamman Mamy ta sa aka ɗauko mata ƙwararriyar mai zanen lalle da kitso don tazanawa Zaleehan, amma haka Zaleeha ta tubure tace sam ita babu wani lalle da za ayi mata, koda taga Mamy ta matsa kawai saita sa kuka, dan dole haka Mamy ta ƙyaleta, duk wani gyaran amarya kuwa dasuka shirya yi mata haka taƙi basu haɗin kai duk wani abun da za'a bata ace tasha ko taci sai ta buɗe musu shafin kuka, bisa dole suka ƙyaleta, itakuwa Zaleeha shawaran Bilkeesu ne ke yawo acikin ƙwaƙwalwarta, don kuwa Balkeesu ce tayi mata huɗuba akan kada ta yarda ta amince da komai na hidiman bikin, aure ne dai tabari a ɗaura idan yaso bayan an ɗaura auren an kaita gidan musakin plan ɗinsu da suka shirya zai soma aiki.

Koda Rashida dasu Aunty Lumbna da Maryam a Mommy matar Malam Adam sukazo mata da zancen walima ƙi tayi fir taƙi yarda akayi ganin zata kunyatasu yasa suka shereta.

Yau takama ranan jumma'a inda gobe take asabar wato ranan ɗaurin aure kenan, sosai su Saifuddeen suka shiga busy fiye dako yaushe,  hidiman ɗaurin auren na gobe kawai suketayi. Ɓangaren su Hayatuddeen da abokansa suma ba'abarsu a baya ba, don musamman suka ɗinka zafafan shaddodi wanda zasuyi fitan bikin dashi, inda Saifuddeen da kansa ya saya kowannensu haɗaɗɗen getzner wanda zasu saka wajen dinner inda kalan kayannasu ya kasance daban dana abokan ango.
Tunda aka fara hidiman bikin har kawo yau Saifuddeen bai nemi Zaleeha ba koda awaya ne, duk wani abu na hidiman biki da  Rashida da Amira ƙanwar Ya Aminu a sauran ƙawayenta naa gari sukeyi don sunbasu haɗin kae sosai, Bilkeesu kuwa sai tsula rashin ɗa'a takeyi.

Adaren na Jumma'a ne zazzaɓi mai zafi ya rufe Zaleeha, haka taƙi sanar da kowa saima ɓoye kanta da tayi inda ta duƙunƙune acikin bargo tana rawan sanyi, fatanta ɗaya shine Allah yasa ma zazzaɓin yazamo sanadin mutuwarta ta huta da baƙin cikin rayuwa.

Ɓangaren Dalla kuwa aranan yaransa sukazo masa da labarin gano gidansu Zaleeha, harma da wajen aikinta, nan Dalla yacika da matsanancin murna, sai-dai kuma murnar tasa taso komawa alokacin da suka sanar dashi labarin aurenta da ake shirin ɗaurawa gobe, inda suka sanar masa cewar wani kurma kana gurgu zata aura, dariyan mugunta Dalla ya fashe dashi, inda yace.
  "Ta kwana gidan sauƙi" nan yatsara irin rashin mutumcin da zaiyi mata,  nan ya ƙudurta aransa cewa dazaran an ɗaura mata aure da gurgun mijinnata ayayin da ake ƙoƙarin ɗaukan aure alokacin shikuma zaisa yaransa su ɗauko masa ita, tabbas shine zaisha wannan romon budurcin, al'ƙawari yaƴiwa kansa cewa saiyayi mata dalla-dalla tayanda bazata sake moruwaba.

Saturday. 26/january/2019

Rana bata ƙarya.

Ranan yau takasance wata muhimmiyar rana awajen Saifuddeen da duk wani mai ƙaunarsa, haka ranan tayau takasance wata rana wanda Zaleeha bazata taɓa mantawa da itaba a iyaka tsawon tarihin rayuwarta, ayau ne baƙin cikinta yafi na koyaushe ninkuwa acikin zuciyarta, ayaune takejin tsanan kanta da rayuwa fiye da kullum, ayau tanaji tana gani zata zama mata ga ga wani ba wanda ya taimaketa ba zata zama matar wancan mutumin da kyawawan manyan idanunshi ke bata tsoro.

Federal lowcost.

9:30 am, gaba ɗaya gidan nasu acike yake da jama'a, ƴan uwa maza da mata haɗi da abokan ariziki, ko ina dake cikin gidan cike yake da mutane kowa ka gani fuskarsa ɗauke take da zallan farinciki.
Can ɓangaren Saifudden nake jiyo hayaniyan mutane