You Cannot Download this book untill you login but you can read it .

---

Login Register

kifa kansa da jikin gadon Maryam ɗin yayi, yasaki wani irin kuka mai tada hankali, wani irin kukane, me matuƙar jijjiga zuciya, wanda hakanne yasa Ameena dake waje shigowa cikin ɗakin. kuka Ya Ameenu keyi me tsanani, irin wanda duk wanda yaji sa, dole ya tausaya masa, lokaci ɗaya jikinsa ya soma rawa, numfashinsa ne yayi wani irin fusga, take ya faɗi awajen sumamme.
Cikin sauri Ya Habu da Dr. ɗin sukayo kansa, dan Baba Malam kam kuka yake sosai da sosai.

Hawaye ne suka silalo daga cikin idanun Ameena, wanda ke tsaye agefe, sosai jikinta yayi sanyi da rasuwan Adda Maryam ɗin, Da taimakon Ya Habu doctor ɗin ya ɗan yayyafawa Ya Ameenu dake sume ruwa akan fuskarsa, cikin abun da baiwuce minti ɗaya ba kuwa Ya Ameenu'n ya farfaɗo da wani irin gigitaccen kuka, dukansu kuka suke anrasa wanda zai rarrashi wani acikinsu, da ƙyar Baba Malam ya iya tsaida kukansa, ganin cewa magriba ta kawo kai, tasowa yayi inda ya ƙaraso har wajen da Ya Ameenu'n ke zaune, har yanzu kuka yake me tsuma zuciya, yayinda ya jingina kansa da jikin gadon da gawar Maryam ɗin take, dafa kafaɗansa Baba Malam yayi, cikin da shashshiyar muryarsa yace.
"Kayi haƙuri Ameenu, ayanzu Maryam bata buƙatar kukan mu, tafi buƙatar addu'ar mu fiye da komai."
kai Ya Ameenu ya shiga jijjigawa cikin matsanancin kuka, yace.
"Yazanyi na daina kuka Baba, bazan iya ba, bazan iya daina kuka ba, bazan iya jure rashin Maryam ba Baba, mutuwa ta ɗauki Maryam ta barni, mutuwa ta nisanta ni da Matata, mace mafi soyuwa agareni, tayaya zan iya jure rashin Maryam, wanda koda sau ɗaya ne bata taɓa ɗaga min murya, ko ƙin abun da nakeso ba, komai nakeso shi take so, idan nace kada tayi, har abada bata taɓa yi, idan na umurceta bata taɓa tsallakewa, farinciki na shine nata, ta amince da aure na batare da tana sona ba, hakan kuma baisa taƙi min biyayya ba, Dama mutuwa ta sani da ta barmin Maryam saboda ina da buƙatarta acikin rayuwata!."
sake rushewa da wani sabon kuka mai tsuma zuciya yayi, idanu Baba Malam ya lumshe take wasu hawaye masu zafi suka gangaro daga cikin idanunsa, matuwar Maryam tayi matukar girgizasa ƙwarai, yanaji yana gani mutuwa ta ɗauki ƴarsa agaban idanunsa, mutuwa ta ɗauki ƴarsa mafi soyuwa agaresa, ina ma da ace mutuwa tana neman zaɓi, tabbas daya bata zaɓi ta ɗauke Zaleeha tabar masa Maryam, saboda Maryam takasance tamkar haske ne awajensa, takasance meyi masa biyayya, ita da Ahmad sun kasance suɗin daban suke acikin ƴaƴansa, masu tsananin biyayyya ne suɗin.

Sanin cewa kuka bazai bawa Maryam ɗin komai ba, yasa can cikin zuciyarsa ya soma ambaton sunan Allah, yana meyi mata addu'a, cikin ransa kuwa, yanajin cewa Insha Allah, Maryam ɗin zata dace da rahamar Allah.
Duban Mamy dake kuka sosai yayi, kana ya kalli Ya Habu wanda shima kukan yake kaman ƙaramin yaro, dai-dai nan Dr Adnan ya shigo cikin ɗakin, gaba ɗaya jikinsa amace yake, dan kuwa labarin rasuwar Maryam ɗin yaje kunnensa, ganin yanda Ya Ameenu dasu Ya Habu ke kuka, yasa yaji idanunsa sun cika da ƙwalla, haƙiƙa mutuwa wata abace dake ruguza duk wani farincikin iyali, sannan kuma bata barin wani dan wani yaji daɗi.
Cikin matsanancin tausayawa Dr Adnan yayiwa Baba Malam ɗin ta'aziyyan rasuwar, Ya Habu ne ya miƙe ya fita daga cikin ɗakin, nan cikin kuka ya laluɓo wayarsa daga aljihun rigarsa, number'n Yaa Ahmad ya fara dannawa ƙira.
Ya Ahmad dake zaune afalo shida Aunty Lubna, hakanan yana ganin ƙiran Ya Habu'n yaji zuciyarsa ta tsinke, gabansa ya faɗi, Yana ɗaga wayan kuwa zuciyarsa ta soma bugawa da ƙarfi, sakamakon yanda yaji Ya Habu'n na kuka wiwi.
Cikin matsanancin tashin hankali Ya Ahmad yamiƙe tsaye akiɗime yace.
"Habu lafiya meke faruwa ina Baba Malam?". cikin muryan kuka Ya Habu yace.
"Ya Ahmad, Allah yayiwa Maryam rasuwa!."
Ɗaɓas haka Ya Ahmad ya sulale ya zauna aƙasa, cikin matsanancin tashin hankali da kuma mugun kaɗuwa, take jikinsa ya soma ɓari, inda yaji kunnensa sunyi masa wani irin luuuuuu, sake wayar tasa yayi lokaci guda kuma sai ya fashe da wani irin kuka me sauti, wanda har Ya Habu da bai katse ƙiran ba yana jiyo sautin kukan.
Cikin matsanancin tashin hankali Aunty Lubna tace.
"Lafiya kuwa wani abune ya faru agida? dan Allah meke faruwa?".
Tayi masa tambayar aruɗe.
Cikin matsanancin kukan da yakeyi, ya ɗago kansa, ya dubeta, yana kuka sosai yace.
" Lubna Allah yayiwa Maryam rasuwa."
Wani irin hajijiyane taji naneman ɗaukanta, domin maganar tazo mata abazata, durƙushewa tayi kan ƙafafunta, take wasu irin hawaye suka silalo daga cikin idanunta, sai kawai itama ta fashe da kuka, Ya Habu kuwa yana katse ƙiran, Goggo Maryama yaƙira inda ya sanar mata maganan rasuwan, amatuƙar rikice Goggo Maryama tasa masa kuka, jin tana kuka itama yasashi katse wayan, Nan ya dannawa lambar Malam Adam ƙira, bugu biyu kuwa ya ɗauka, jin abun da Ya Habun ke faɗi, yasa Malam Adam, sanya salati, hankalinsa amatuƙar tashe, yace zaizo nan asibitin ya samesu.
Lambar Hajja Inna ya kuma laluɓa, saida wayar ta kusa tsinkewa kafun ta ɗaga, tana shirin masifance sa kan cewa ya dameta da ƙira, jinsa yana kuka yasa cikin matsanancin tashin hankali tace.
"Kai Habu lafiyanka kuwa? me yake faruwa naji kana kuka?"
Cikin matsanancin kuka yace.
"Maryam ne."
Cikin sauri Hajja Inna da ƙirjinta ke bugu tace. "Maryam ne me? Meya sameta."
Zakariyya da Ziyada dake zaune nan falon, tun da Hajja Inna ta fara wayan suka tsura mata ido.
Cikin kukan da yaci ƙarfinsa yace.
"Allah yayi mata rasuwa."
Sa ke wayan Hajja Inna tayi, tare da sulalewa ƙasa.
Cikin sauri Zakariyya ya ɗauki wayar ya kara akan kunnensa, jin muryan Ya Habu na kuka, yasa aruɗe yace.
"Ya Habu, meya samu Adda Maryam ɗin."
Jin muryan Zakariyya yasa, Yaya Habu cewa.
"Maryam ta rasu Zakariyya, Allah ya karɓi rayuwarta." azabure Zakariyya yasoma girgiza kai, lokaci guda kuma wani irin kuka ya ƙwace masa, nan ya durƙushe gaban Hajja Inna dake kuka, shima kukan yasa me tsuma zuciya, fahimtar abun daya faru yasa Ziyada faɗawa jikin Zakariyyan ta rungumesa tana kuka. Hajja Inna, Zakariyya, Ziyada, duka kuka suke, an rasa mai rarrashin wani acikinsu.
Ya Habu kuwa haka ya dinga ƙiran ƴan uwa yana sanar musu da rasuwan, kowa yaji saiya girgiza, saboda Maryam macece abun soyuwa ga kowa, bata banbance kowa natane.

Nan take labarin rasuwar ya kewaya gaba ɗaya cikin danginsu yan uwa da maƙoto, lokaci ɗaya kuwa iyalan familyn suka ruɗe da koke koke.
Saida Ya Habu yagama sanarwa kowa, kafun yake dannawa number'n Mama ƙira, wayar bata wani jima tana ringing ba Mama ta ɗaga, Kukan da taji Habun nayi ne yasa hankalin ta matuƙar tashi, cikin ruɗewa tace.
"Tun safe nakejin gabana na faɗuwa, Habu faɗamin wani abune ya samu Zaleeha ko?".
Jin abun da ta faɗa yasa Ya Habu sake fashewa da kuka, cikin matsanancin kuka yace. "Mama Maryam ne, Maryam tatafi ta barmu, Maryam tayi nesa damu ta yanda har abada bazamu sake ganinta ba, Mama Allah ya karɓi rayuwar Maryam ɗazun nan, shikenan Mama Maryam tatafi inda bazamu sake ganinta ba...."
Tunda Mama taji yace Maryam ta rasu, shikenan ta daina fahimtan sauran maganganun da yake faɗi, har wayar hannunta ta faɗi kasa batare da ta sani ba, akiɗime ta shiga jujjuya kanta, maganan rasuwan ƴarta ta Maryam ne ke yawo acikin kunnuwanta, ƙafafunta ne sukai mata nauyi, hannu ta ɗaura aka ta saki wani irin fitinannen kuka, wanda yasa Zahira fitowa daga cikin ɗaki da sauri, ganin Maman zaune daɓas aƙasa tana kuka, yasa Zahiran ƙarasowa cikin tashin hankali tace.
"Mama meya faru?." Cikin kuka Mama tace.
"Tarasu Zahira, Maryam ta rasu, tabar mana duniyar."
Wani irin ƙara Zahira tayi take kuma ta faɗi awajen tana kuka.

Can cikin asibiti kuwa Dr. Adnan ne ya nemo ambulance inda aka sanya gawar Maryam aciki.
Da ƙyar Baba Malam ya iya rarrashin Ya Ameenu, sai-dai kuma har yanzu bai-daina kuka ba,
Cikin minti kaɗan saiga Malam Adam yazo, zuwan Malam Adam ɗin shiya taimaka wajen rarrashin Baba Malam da kuma su Ya Habu da Mamy, suka bar kuka, amma Ya Ameenu kam hawaye sun kasa daina zuba, daga cikin idanunsa.
Malam Adam ne yayi duk wani abun da ya dace, shine ma yasanya Ya Ameenu amota, sannan dukansu suka nufo gida.

Nan gidan nasu kuwa tunkan isowan su tuni ya cika da ƴan uwansu na kusa, nan fa kuka ya dawo sabo, kaitsaye falon Baba Malam aka wuce da gawan, nan kan tiles ɗin falon aka kwantar da ita kudu da arewa tana fuskantar gabas Ya Ameenu ne ya zauna inda yasa gawan agaba ya fashe da wani irin kuka, wanda saida yasa kowa kuka awajen, ganin kukan yayi yawane yasa, Malam Adam ya tara gaba ɗaya jama'an gidan, nan ya bawa kowa alƙur'ani, yace sufara karatu, sannan ayanzu Maryam addu'a take buƙata, bawai kuka ba, nan aka fara karanta mata al'ƙur'ani, Baba Malam ne yasa gawan agaba, yana mata karatun al'ƙur'ani hawaye na tsiyaya daga idanunsa, Ya Ameenu kuwa muryarsa kwata kwata ta daina fita saboda tsabar kuka.

Ɓangaren Ameena kuwa, koda taga tafiyan su Baba Malam gida tare da gawan Adda Maryam ɗin, excuse ta ɗauka, dan batajin zata iya zama, mutuwar Adda Maryam ɗin yasa gaba ɗaya jikinta yayi sanyi, koda ta fito daga asibitin, adai-dai-ta sahu ta hau, dan bawani iya mota tayi ba, shiyasa bata fitowa da motar da Saifuddeen ɗin ya saya mata wajen aiki, sannan kuma tasani sarai, duk wani abu na ƙarfe ba karɓanta yake yi ba, da ta fara amfani dashi zai lalace, shiyasa ma kawai ta ajiye motar, gudun kada Motar ta mutu da wuri.

Zaune suke dukansu afalon Ummi suna hira, lokacin dawowar su Saifuddeen da Ahmad kenan daga sallan magriba.
Bakinta ɗauke da sallama ta shigo ɗakin, jikinta amatuƙar sanyaye.
Da mamaki Ummi ke kallonta, dan kuwa tasan bayanzu ne lokacin dawowanta ba, kasancewar duty'n dare takeyi sai nanda kwana uku zata koma na rana, cikin kulawa Ummi tace. "Ameena lafiya kuwa naganki haka asanyaye."
Hawaye ne suka zubo daga cikin idanunta, hakanne yasa hankalin su Ummi tashi, hannu Raliya tasa ta amshi Adeel dake riƙe ahannunta, cikin sanyin murya tace.
"Ummi ɗazu fi ta na aiki nasamu ankai Adda Maryam ɗin su Zakariyya haihuwa, kuma bazata iya haihuwa da kanta ba, sabida yaron ya rasu a cikinta sai anyi mata theater, kuma anyi mata theater'n, an ciro ɗan ba rai, bayan anfito da ita daga ɗakin theater'n ne kuma Allah yayi mata rasuwa, Ummi Adda Maryam ɗin su Zakariyya ta rasu."
Ta ƙare maganan tana kuka, don dama ita akwaita da tsoron mutuwa, kona wanda bata sani ba ma kuwa. Salati su Ummi suka sa, cikin matsanancin tashin hankali Ummi tace.
"Innalillahi wa'inna ilaihirraju'un, Maryam ta rasu? Innalillahi wa'inna ilaihirraju'un!." taƙare maganar hawaye nabin kan fuskarta, Raliya ma salatin tayi take kuma sai idanunta suka kawo ƙwalla, Kuka Ummi ta fashe dashi, tare da sanya hannu ta rufe fuskarta, haka nan rasuwar maryam ya daki zuciyarta, yatuno mata rasuwar Abbansu Saifuddeen da Ya Nuruddeen ɗinsu sosai kuka yaci ƙarfinta.
Saifuddeen kuwa hankalinsa ne ya tashi matuƙa, sakamakon jin rasuwar Adda Maryam ɗin, Ahmad ma dake gefe shi da kansa saida yaji ƙwalla a idanunsa, saboda alokacin bikin Zaleeha da Saifuddeen sosai suka ɗan saba da Adda Maryam ɗin, kasancewar itace ta tsaya akan duk wani abu da ya shafi bikin, macece me sauƙin kai, da sakin fuska.

Hayatuddeen ne ya shigo falon afujajan fuskarsa gaba ɗaya tayi caɓa caɓa da hawaye, dan yanzun Zakariyya ke sanar dashi, rasuwar Adda Maryam ɗin, yazo faɗawa su Ummi kenan ya iske su ahaka, faɗawa jikin Ummi yayi tare da sakin kuka, cikin kukan yace.
"Ummi dagaske Adda Maryam ta rasu, yanzu Zakariyya ke faɗamin, Ummi Zakariyya kuka yake sosai har kaman zai shiɗe."
ɗan shafa bayansa tayi, tare da ciresa ajikinta, dan kukan nasa, ƙara mata nata kukan zaiyi.
Duban Saifuddeen wanda yayi ƙasa da kansa tayi, kana ta kai duban ta ga Ahmad, cikin sanyin murya tace. "Ahmad kuje can gidan Baba Malam ɗin da Saifuddeen"
Jin jina kai Ahmad yayi, nan ya miƙe tsaye, zunbur Hayatuddeen yayi tare da cewa zai bisu, basu hanashi ba, haka suka shiga mota, kai tsaye suka nufi gidan Baba Malam, zuciyoyinsu cike da alhinin abun da ya faru.

Ummi kuwa miƙewa tayi ta shige ɗaki, dan taji mutuwar Maryam din sosai, tabbas Maryam yarinyace me hankali, da kuma daɗin zama, uwa uba mutunta na gaba da ita, Ameena ma asanyaye ta koma ɓangarenta, Raliya kuwa bayan Ummi ta bi, ɗauke da Adeel akan kafaɗanta.

Koda su Saifuddeen suka isa gidan, Ya Habu wanda idanunsa suka kumbura shi yayi musu jagora zuwa falon Baba Malam, domin anan gaba ɗaya mazan familyn suke tare, sun saka gawan agaba suna tayi mata karatun alƙur'ani, bayan sunyiwa Baba Malam ɗin ta'aziyya da kuma Ya Ameenu wanda har yanzu idanunsa ke tsiyayar da hawaye, nan dai sukayiwa sauran jama'an dake cikin falon gaisuwa, alƙur'anin suma suka ɗauka suka soma karantawa, muryan kowa na tashi amma banda na Saifuddeen, danshi koda yaushe saidai yayi karatunsa azuciyarsa.

Can Abuja kuwa, Ya Ahmad hankalinsa amatuƙar tashe yake, yayi kuka harsaida yaji numfashinsa na ƙoƙarin ƙwacewa, haka Aunty Lubna ma tsakaninsu babu me rarrashin wani, sam baiduba cewa dare yayi ba, haka ya haɗa kayansa, inda yasa Aunty lubna ma tahaɗo nata kayan dana yaransu, duk da ƙaramin yaronsu data ƙara haihuwa, nan suka zuba yaransu amota suma suka shiga, kaitsaye suka kama hanyar Gombe, dan bayajin zai iya bari har gobe kafun ya taho, gaba ɗaya ma ya manta da wani batun hawa jirgi, ya ƙudurta aransa cewa bazai taɓa tsayawa ba harsai ya gansa acikin garin Gombe, haka yake tuƙin mota yana hawaye, tsananin tausayin mahaifinsu yakeji, dan yasan Baba Malam ɗin saiya fisu jin mutuwan Maryam ɗin, saboda kowa yasan Baba Malam, to yasan akwai ƙauna me zafi tsakanin sa da Maryam, daga gefe guda kuwa idan ya tuna da ɗan uwansa Ameenu, sai yaji kukan nasa ya tsananta, saboda yasan mutuwar Maryam ɗin zata wujijjiga Ameenu, domin kuwa yasan Ya Ameenu'n nayiwa Maryam wani irin ninkekken so.

Zakariyya kuwa wanda yasha kuka har dana fitar hayyaci ne, ya jawo wayarsa, number'n Zaleeha ya nema tare da danna mata ƙira.
Dai-dai lokacin kuwa Zaleeha na kwance akan ƴar katifarta, gaba ɗaya yau ɗin tun safe tarasa mekeyi mata daɗi, hakanan take yawanjin faɗuwar gaba, da kuma tsinkewar zuciya, wanda bata san dalili ba, saidai addu'a kawai take ta yi abakinta, kasancewar kwana biyun Balkeesu na yawan matsa mata da ƙira, hakan yasa, yau ta sanya wayarta a silent, dan kwata-kwata bata son damuwa, wannan dalilin yasa, sam bataga ƙiran da Zakariyyan keyi mata ba.
Zakariyya kuwa saida yayi mata 10 missed calls, ganin bata ɗaga ba yasashi fashewa da wani sabon kuka, da ƙyar Hayatuddeen ke iya tausansa.

Su Saifuddeen basu bar gidan Baba Malam ba, sai wajen ƙarfe shaɗayan dare.
Dan bayau ne za a kai Maryam din makwancinta ba, dole sai tayi kwanan keso, gobe kuwa da ƙarfe goma insha Allah za ayi sallan jana'izar ta, koda suka koma gida direct ɗakinsa ya wuce, inda ya murzawa ƙofarsa key, sam yau baison Ameena ta dameshi, dan ƙwarai rasuwar Adda Maryam ta daki jiki da zuciyarshi.

Ɓangaren Mama kuwa taso tahowa yau ɗin, amma babu abun hawan da zata hau tazo, haka taci kuka har idanunta suka kumbura, Zahira ma kukan take sosai, bata iya rarrashin Mama, haka Maman ma bata iya rarrashinta Maman Mama da Babantama sosai mutuwar Maryam ta shigesu.

Agidan Baba Malam kuwa kwana akayi anawa gawan Maryam karatun alƙur'ani, yanda suka ga safiya haka suka ga dare, kab gidan babu wanda ya iya runtsawa, Mamy tayi kuka harta godewa Allah, idanunta sunyi luhu luhu dasu, sam bata banbance su Maryam da ɗanta na cikinta, har gaban abada kallonsu take mazaunin ƴaƴanta na cikinta, haka suma sun ɗauketa uwace, basa taɓa banbantata da mahaifiyarsu, wannan dalilin yasa shaƙuwa me ƙarfi ta shiga tsakaninsu, sau da yawa Maryam saitayi shawara da Mamy, batayi da Mama mahaifiyarta ba, haka ma Zakariyya duk wata damuwarsa koda ta kuɗi ce, Mamyn yake faɗawa, dan gaba ɗaya uwa suka ɗauketa.

Washegari ana idar da sallan asuba kuwa Ya Ahmad wanda suka kwana ahanya suka samu isowa gidan, nanne fa wani sabon kuka ya tashi, dan ganin gawan Maryam da kuma yanda ƴan uwansa ke kuka yasa gaba ɗaya hankalinsa yayi masifar tashi, haka yazauna yana kuka kaman ƙaramin yaro.


Zakariyya kuwa koda ya sallame sallan asuba, wayarsa ya ɗauka still ƙiran Zaleeha yayi amma no answer, nan ya shiga rubuta mata saƙo kamar haka.
_"Adda Zaleeha Ina ta ƙiranki bakya ɗagawa ko, kowa yaƙira wayanki bazaki ɗaga bako?, saboda kinsawa kanki zuciyar kafurci aranki, kin bijirewa Baba Malam, kin bijirewa kowa, kin gujewa gaba ɗaya danginki, kinƙi bin umarnin mahaifin mu, kin tafi can wata uwa duniya cikin kafurai kinje kin zauna, wataƙila ke kam bazaki dawo ba harsai gaba ɗayanmu mun ƙare, har sai kin rasa kowa naki na a faɗin duniya sannan zaki dawo, shikenan kici gaba da zama Adda Zaleeha, Adda Maryam kam tatafi ta barmu, tabar mana duniya'n, tayi nesa damu inda bazamu ƙara ji da ganinta ba yadda kika gujewa dangi duk suma sun guje miki gashi babu wanda ya tunaki,sannan nidana tunakin na kiraki baki amsaba."_
Yana rubuta saƙon yana kuka sosai, yana gamawa kuwa ya tura mata, inda ya kifa kansa ya cigaba da kuka."

Da duru-durun Asuba Mama da Zahira da wasu ƴan uwanta suka samu isowa gidan, ganin gidan nasu acike shiya ƙara ɗaga musu hankali, Nan Mama ta buɗe ɓangarenta ta shiga, anan falonta ta zauna tana wani irin kuka me cike da ban tausayi da tsantsar nadama.

Zaleeha kuwa yau makara tasoyi, tana tashi tayi alwala tayi salla, tana nan zaune akan sallaya tajiyo sallaman Aisha, cike da ɗan mamaki ta amsa mata tare da bata izinin shigowa.
Aishan ne ta shigo ta zauna hannunta ɗauke daɗan kula, agaban Zaleehan ta aje kulan tare da cewa.
"Kinganni da sassafe ko, wallahi kinsan yau ƙarfe 6 dai-dai muke da lecture shiyasa da zan fito nace Inna tabani abun karin kumallonki na kawo miki."
Murmushi Zaleehan tayi, tana ƙoƙarin cewa wani abune taga screen ɗin wayarta ya kawo haske, hakanan taji ƙirjinta ya buga, zuciyarta ta tsinke, jawo wayartata tayi tare da dubawa, text message ta gani da sunan Zakariyya, nan ta cire wayan a key, tare da shiga cikin message ɗin.
Hannunta na ɓari jikinta na rawa, haka tashiga karanta message ɗin, maganansa na kusa da na ƙarshe shine abun dayasa taji gaba ɗaya duniyar ta tsaya mata kanta yayi wani irin mugun sarawa duhu ya wulgawa ganinta, azabure ta miƙe tsaye, cikin wani irin gigita haɗi da kiɗima da tsananin tashin hankali ta dannawa numbern Zakariyyan ƙira, bugu biyu kuwa ya ɗauka, yana kara wayar akan kunnensa ya saki kuka, abun dayasa hankalin Zaleeha tashi kenan, lokaci guda bakinta ya soma ɓari, murya asarƙafe tace. "Zak....kar iya, ina Adda Maryam, meya sameta, mekakeson faɗamin Zakariyya?"
Cikin matsanancin kuka Zakariyya, yace.
"Adda Maryam tarasu Zaleeha, Adda Maryam ta rasu tun daren jiya, tatafi inda bazata ƙara dawowa ba, tayi nisa nisa irin na har abada....."
Kuka ne ya ci ƙarfinsa hakan yasa ya kasa ƙarasa maganan.

Tun afaɗan maganganunsa na farko, ta dainajin komai, duk wani abu najikinta tsayawa yayi, wayar hannunta ne ta sulale inda ta faɗi ƙasa, wani irin ƙara ta saki take kuma ta faɗi awajen sumammiya, cikin matsanancin tashin hankali, Aisha tayi kanta tana jijjigata, haɗi da ƙiran sunanta, ihunta da su Elizabet sukaji ne yasasu shigowa aguje, ganin Zaleehan asume yasa Elizabet dafe ƙirji cikin ɗaga murya tace.
"Innalillahi, a madadin tace Oh jesus meya ke faruwa?" Uncle solomon ne ya fita da gudu, bajimawa ya shigo hannunsa riƙe da kofin ruwa, ƙarasowa yayi inda ya ɗan yayyafawa Zaleehan ruwa afuskarta.

Azabure tatashi, cikin wani irin tashin hankali, damƙo Aisha tayi tana me jujjuya kanta, take kuma sai ta fashe da wani irin kuka mai matuƙar tada hankali, cikin kukan take ja da baya, tana me sake girgiza kanta, hankalinta amatuƙar tashe tace.
"Aisha Adda Maryam, Adda Maryam ɗina ta rasu, Adda Maryam tabar duniya batare da na sake sanyata a idanuna ba, wayyo Allah na wayyo ni, kaicon rayuwata, kaicona !!!" Wani irin azababben kuka ta saka kukane mai cushe zuciya da numfashi, lokaci ɗaya ta miƙe tsaye wayarta kawai ta ɗauka tare da buɗe jakanta, kuɗi ta ɗauko wanda batamasan ko nawa bane, takalmi ta zura aƙafafunta, ƙoƙarin fita daga cikin ɗakin take Elizabet ta riƙota cikin kulawa tace.
"Zaleeha ina zakije, dan Allah kitsaya ki nutsu tukun"

Faɗawa jikin Aishan tayi tana wani irin kuka, kanta ta girgiza cikin kuka tace.
"Adda Maryam ɗina Uncle Solomo Addana, Adda Maryam ɗina ta rasu"
Hawayen tausayin Zaleehan ne suka kwaranyo daga cikin idanun baki ɗayansu cikin sanyin murya Aisha tace.
"Muje to na rakaki ki hau mota, amma kafun nan ki kimtsa tukunna."
Kai Zaleeha ta girgiza cikin matsanancin kukan dake neman shiɗar da ita ya tafi da rants.
Hannunta Aisha ta kama suka nufi ƙofar fita daga gidan Solo da martasa na biye dasu a baya.
Gaba ɗaya Zaleeha bata cikin hayyacinta, hakanne yasa Aisha mannata da jikinta, domin kukan da Zaleehan keyi yasa bata ko iya ganin gabanta.
Suna kawo bakin titi kuwa sukai sa'a nan suka samu wata mota, wanda kaitsaye Gombe zata taho, da kwai ma mutane cike acikinta, Aisha ce tayi mata komai, tasata acikin motar, hannun Zaleehan dake kuka ta kamo, nan ta ɗan ɗaga mata hannu, itama hawayene ke zuba akan fuskarta, murya asanyaye tace.
"Allah yajiƙanta yasa al'janna tazamo makoma agareta, kiyi haƙuri kinji Zaleeha, dukkan me rai dama mamaci ne, kowa lokacinsa yake jira, dayazo kuma babu jinkiri."
Kai Zaleeha ta jinjina, tare da sakin sabon kuka, nandai Me motar yaja suka tafi, kowa dake cikin motar kallon yanda Zaleeha ke kuka suke, wasu kukan nata ya damesu, wasu kuwa matsanancin tausayinta ne ya kamasu, domin kukan da take irin kukan nanne me karƴar da zuciya, kukan da take, kukane me fitar da irin tsananin tashin