You Cannot Download this book untill you login but you can read it .

---

Login Register

Koda ta fito ta samu har ya koma ya kwanta, yana ƙoƙarin rufawa jikinsa blanket, kayan baccinta ta sanya sannan itama ta hawo gadon, idanu ya zuba mata, cikin body language ɗinsa yace. "Ina Adeel?"
tana me ƙulle gashinta tace.
"Ai tun ɗazu yana can wajen Amminsa." Ɗan jinjina kansa yayi tare da lumshe idanunsa, dan ya gaji ƙwarai so yake yayi bacci. Ganin baice komai ba yasa ta ce.
"Na karɓoshi ne?" akasalance cikin body language ɗinsa yace. "No idan bazaiyi kuka ba, ki barshi kawai." idanu ta ɗan zaro tare da cewa.
"Chab aikuwa zaiyi kuka kam, halan dai kamanta Adeel ne, abunda kusan kullum da dare sai ya tashi shan nono, ba naje na karɓosa kada ma ya tashi tsakiyar dare ya hanasu bacci."
ta ƙare maganar tana me sauƙowa daga kan gadon, ficewa tayi daga ɗakin, shikuwa blanket yaja ya sake rufe jikinsa, kasancewar har wani sanyi sanyi yakeji saboda gajiya, waist ɗinsa kuwa ciwo yake mai, shikansa yasan me raunine shi awannan ɓigeren, zaiyi ƙoƙarin jurewa, amma fa da za'aran komai ya kammala zaiji gaba ɗaya gaɓɓan jikinsa nayi masa ciwo hakan kuma baya rasa nasaba da larurarsa. Ameena kuwa saida ta fara biyawa ta ɗakinta ta ɗauko hijab kafun ta wucewa sashin Ummi'n, koda taje haka ta samu falon shiru, sai Hayatuddeen kawai dake zaune yana ta faman latsa wayarsa, yayinda ya saƙala earpiece akunnensa, hakanne ma yasa ko shigowan Ameenan bai ji ba, murmushi kawai Ameena tayi, sannan ta wucesa, kai tsaye ɗakin Zaleehan ta nufa, anan bakin ƙofan ta tsaya tare da ɗan ƙwanƙwansawa, jin shiru babu amsa yasa ta ɗan tura ƙofar ɗakin ahankali tasaka kanta ciki. Hango Zaleehan tayi kwance akan gado, yayinda ta ɗaura Adeel asaman cikinta, baccinsu suke cikin kwanciyar hankali, bisa duk kan alama ma Adeel ɗin ya riga Zaleehan bacci, dan yanayin da suke cike ya nuna, kaman cewa Zaleehan na shafa bayansa ne bacci ya ɗauke ta.
Ɗan tsayawa ajikin ƙofar tayi, tana tunanin yanda za'ayi ta tashe su. Ummi wanda fitowrta daga ɗaki kenan ganin Ameena tsaye aƙofar ɗakin Zaleeha yasa ta ƙaraso, cikin kulawa tace.
"Ameena lafiya kuwa, dama bakije kin kwanta bane?".
Ɗan murmushi Ameenan tayi tare da cewa.
"Lafiya ƙalau Ummi, dama Adeel ne nazo ɗauka, gudun kada ya tashi cikin dare yayi ta muku kuka, shine kuma nasamu daga shi har Ammin nasa bacci suke." Murmushi Ummi taɗanyi, ganin yanda Zaleehan ke rungume da Adeel akan cikinta, cikin yanayin ɗan tsokana irin na jika da kaka tace.
"Aikuwa gwara da kikazo dan ban yiyuwa yaro da tsamin murya yazo cikin dare yayita mana kuka, duk ya hanu bacci."
Murmushi Ameena tayi, wanda yayi kama da dariya.
Ƙarasawa Ummi tayi inda ahankali ta ɗan soma janye Adeel ɗin daga jikin Zaleeha, dan bataso ta tashe ta. Zaleeha kuwa dama baccin nata bawai wani nisa yayi ba, cikin bacci taji kaman Adeel din zai faɗi, arazane ta farka tana faɗin.
"Innalillahi Adeel karka faɗi."
Murmushi Ummi tasaki tare da cewa.
"Au dama baccin naki beyi nisa ba kenan, to ba faɗowa zaiyi ba, mamansa ne tazo ɗaukansa, in kuma so kike abarmiki shi ya isheki da kukan dare to." Ɗan mutsutstsuka idanunta tayi, ƙoƙarin tashi daga kan gadon take. Ummi tace.
"Koma ki kwanta, zan miƙa mata shi." Komawa tayi kuwa ta kwanta, ita kuwa Ummi miƙawa Ameenan yaron tayi, tare da sanya hannu ta ragewa Zaleeha hasken wutan ɗakin. Haka suka fito daga cikin ɗakin, Ameena sai murmushi takeyi, tabbas ita kanta ta shida cewar Zaleeha na matuƙar son Adeel, so kuma na tsakani da Allah bawai so na ganin ido ba, kuma har acikin ranta tanajin daɗin hakan, ita dai kishin Saifuddeen ne kawai kesawa taji batason Zaleehan takejin ta tsaneta, amma bacin haka batajin tsanarta acikin ranta. Saida safe tayiwa Ummi kafun ta ficewa daga cikin falon, Ummi kuwa kaɗa kan Hayatuddeen tayi tare da cewa.
Maza yaje ya kwanta, dan tasan halinsa sarai idan ta biyesa sai yakai kusan ƙarfe 1:00 am yana ta faman latsa waya batare da yaje ya kwantaba, sai da asuba kuwa ayita faman tashinsa yaƙi tashi, yana cewa mutane, bacci ne bai ishesa ba, bayan ɓata lokacinsa yake wajen kalle-kalle da kuma rubuce rubucen banza. Falon Ummi ta rufe sannan ta koma ɗaki ta kwanta.
Hayatuddeen kuwa yana shiga ɗakinsa, ya murzawa ƙofar key, nan kan gado ya kwanta, tare dayin playing sabon BF ɗin daya yi downloading.

Ɓangaren Ameena kuwa tana komawa ta samu har Saifuddeen yayi bacci nan ta kwantar da Adeel akan ɗan gadonsa na yara, sannan itama ta haye gado ta kwanta.

Washe gari.
Zaleeha ne zaune nan kan ɗaya daga cikin kujerun falon, kamar kullum sanye take da baƙar doguwar riga, Adeel ne riƙ ahannunta, wanda yasha wanka aka kuma shiryasa tsab cikin wasu haɗaɗɗun riga da wando na yara.
Sosai Zaleeha ke tayiwa Adeel ɗin wasa, shi kuma sai ƙyaƙyata dariya yake.
Raleeya dake zaune agefensu kuwa murmushi kawai take ta yi musu, dan ita kanta tanajin daɗin yanda Zaleehan ke nunawa Adeel ɗin ƙauna.
Ameena ce ta shigo falon cikin ɗan sauri sauri tare da shirinta na zuwa aiki,
Raleeya ne ta dubeta da murmushi akan fuskarta tace.
"Monday tushen aiki ko na sara na tsoranka, kina ta sauri karki makara kenan." Jakan dake hannunta ta rayata tare da cewa.
"Eh wallahi, kinga lokaci nata tafiya, gashi sam banason yin late wallahi." ta ƙare maganar tana me ɗan miƙawa Adeel dake kallonta hannu, Murmushi Zaleeha tayi tare da cewa.
"Ummun Adeel barka da safiya."
Itama Ameenan murmushin tayi tare da cewa.
"Yauwa Auntyn Adeel barka, yi haƙuri na ɗaura miki ɗawainiya, ai danaga idan na tsaya shiryasa zan makara ne, shi yasa naƙira Hayatuddeen nace kawai ya kawosa ashiryamin shi anan ɗin."
Ɗan murmushi Zaleehan tayi tare da cewa.
"Ayya to ki barmin shi yau kam mu wuni mana."
Haɓa Ameenan ta kama tare da cewa.
"Chab aikuwa zaki sha kuka, dan Adeel baya wasa da ci, nan da anjima zakiga ya fara neman nono."
Murmushi Zaleeha tayi tare da cewa.
"Ya gado Bappanshi autan Ummi a cici kazar birni."
dariya sukayi baki ɗaya su,
shi kuwa Hayatuddeen da yanzu yake fitowa tura baki yayi tare da cewa.
"A,a zakarar birni dai." Ummi wanda fitowarta kenan daga ɗaki ta kawar musu rigimar autanta da cewa.
" To ki barshi mana, ba akwai madara da kuma abincin nan na yara basai adama masa yasha ba." Ɗan murmushi Ameenan tayi, tare da cewa.
"Ai idan na fita yau Ummi bazan dawo ba har sai bayan magriba, kuma kinga kafun nan zaita damunku da kuka, saidai gobe ƙarfe 5 zan tashi a aiki, kinga saina bar muku shi goben ko." Kai Ummi ta jinjina tare da cewa.
"To Adawo lafiya, dan dama nasan idan kika barsa ni zai dama da wannan rakaɗin muryan nasa."
Dukansu murmushi sukayi sannan Ameena, ta amshi Adeel ɗin ta saɓashi akan kafaɗunta, suka fice daga cikin falon, sai kallon Zaleeha yake, har yanayi kaman zaiyi kuka. Ita kuma Zaleeha hannu ta ɗaga masa tana murmushi.

A can side ɗinsu kuma Saifuddeen ne zaune akan wheelchair ɗinsa, bayan ya gama shirya kansa tsab dan yanaso yaɗan fita.
Har ya juya xai fita daga ɗakin, kuma sai ya ɗan dakata, wayarsa ya ɗauka tare da shiga Whatsapp chat ɗinsa, sunan Ahmad ya nemo dan dama yanaso suyi magana,
cikin sa'a kuwa ya samu Ahmad ɗin online. typing ya shigayi inda yace da Ahmad ɗin. "Aikin kenan always online baka ko gajiya, dama magana nakeso muyi."
Ahmad dake zaune nan kusa da Raleeya ganin saƙon Saifuddeen ɗin ya sashi buɗewa ya karanta, ɗan murmushi yayi tare da cewa "Inajinka wace magana ce?".
ganin saƙon Ahmad ɗin yasa ya ɗan gyara zamansa ataƙaice yace.
"Dama furnitures ɗin bedroom ɗina zan sanja, so na ga wasu a online kuma har na biya kuɗinsu, abun da dai ya rage kawai shine akawomin." Idanu Ahmad yaɗan zaro, cikin mamaki yace. "wani furnitures kuma Saifudeen, meya samu na ɗakin naka, kwata kwata ma yaushe ka saya da har kakeson sanjawa?". Ɗan guntun murmushi Saifuddeen yayi tare da cewa.
"To nidai banason gulma, na faɗa mane dan katsaya min akan kayan saboda suna da tsada sosai, mungama yin magana da masu company'n kuma sunce zasu kawomin har gida, dan na fiso idan aka cire na ɗakina akaiwa Goggo Dada dan naga itama furnitures ɗinta sun tsufa."
Kai Ahmad ya girgiza tare da ɗanyin murmushi yace.
"Agaskiya yaron nan kana wasa da kuɗi da yawa."
Ahmad ya ƙare typing ɗin yana sakin dariya.
Ganin abun da Ahmad ɗin ya rubuta, yasa Saifuddeen ɗin cewa. "Lallaima Ahmad ni kake ƙira da yaro, koda kanmu ɗaya kardai ka manta cewar ƙanwata kake aure, saboda haka yazama dole kaƙirani da sunan Yaya." Dariya sosai Ahmad yayi, sannan yace wa Saifuddeen ɗin, "Bakomai zaiyi duk abun da ya dace, amma ya barshi yanzu lokacin matarsa ce tukun." Murmushi kawai Saifuddeen yayi, tare da aje wayar, dan yasan idan ya biye Ahmad, sai ya zaro masa wata maganar kuma.
Ɗan jingina bayansa yayi da jikin wheelchair'n ɗinsa, tare da ɗan juyowa ya kalli gadon nasa,
cute smile yayi, cikin zuciyarsa yace. "Wannan gadon ayanzu bashi da amfani agareni, saboda Ameena taci amarcinta akai son ranta, yanzu kuma lokacin Zaleeha yayi, saboda haka dole nakawo sabin furnitures kodan saboda Zaleeha, dan kamar yanda take sabuwa, haka ma dole gadona yakasance sabo bazan haɗa mata komi sauran ta'annabina ba."
wani murmushi ya sake yi, wanda shi kaɗai yasan ma'anarsa da kuma abunda yake nufi. Ahankali ya tura wheelchair ɗinsa ya fice daga cikin ɗakin, kaitsaye part ɗin Ummi ya wuce.
A falo ya sameta zaune ita da Raleeya, ƙarasowa cikin falon yayi, ganin haka yasa Raleeya tashi taje ta kawo masa kunun aya me sanyi, wanda ɗazu Zaleeha ta haɗa. Babu musu ya amsa kuwa yasha, tun aɗanɗanon farko yasan cewa ba Raleeya bace tayi, haka yaji kunun yayi masa daɗi, har baisan sanda yasha fiye da rabin ƙofin ba.
Ɗan ɗagowa yayi ya dubi Ummi, cikin body language ɗinsa yake faɗa mata cewar, zai sanja bedroom furnitures ɗinsa.
Da mamaki Ummi tace. "Zaka sanja kayan ɗaki kuma Saifuddeen, me ya samu waƴan can ɗin, da kake ƙoƙarin sanjasu ka kawo wasu?". Murmushi ya ɗanyi cikin body language ɗinsa yace.
"Ummi basuyi komai ba, kawai dai naga furnitures ɗin Goggo Dada duk sun tsufa ne, shiyasa nakeso idan aka kawomin sabi sai akai mata waƴancan ɗin." Murmushi Ummi tayi tare da jinjina kai, cikin kulawa da jin daɗi tace.
"Masha Allah, to Allah ya ƙara arziki, ai kuwa kam gaskiya Goggo Dada taci sabin furnitures, gaskiya ka kyauta."
da "Ameen" ya amsa, sannan ya ce da ita
"Zai dan fita wajen aiki." "Adawo lafiya." Ummi da Raleeya sukayi masa, sannan ya juya yafita daga falon, bayan ya shanye gaba ɗaya kunun ayan da Raleeya ta zubo masa cikin kofi.

Cikin ikon Allah da yamma kuwa sai gashi ankawo furnitures ɗin, wanda kyawunsu ya zarta gaba ɗaya kayan ƴan gidan, wasu irin haɗɗaɗɗun white furnitures ne masu kyau da tsadar gaske, saboda tsabar haɗuwansu haka akayi design ɗinsu kaman na sarauta. Ma'aikatan companyn da kansu suka shirya masa kayan bayan suncire tsofin furnitures ɗin.
Gadon da aka sanya masa, irin gadon nan ne da ake ƙira aljannar duniya.
Makeken gadone me ɗauke da tambarin MEGO luxury furnitures, wanda aka ƙawata kwalliyan jikinsa, da white and golden colour, yayinda samansa kuwa aka ɗanyi masa wani abu kaman rumfa, wanda yasha decoration mai masifar kyau, shikansa gadon kaɗai abun kallone, domin ya isa tafiya da hankalin mutum, gefe dashi kuwa, wasu haɗaɗɗun bedside ne wanda samansu ke ɗauke da mirror gold, sunyi kyau har sun gaji, idan aka matsa daga gefen dama kuwa, wani irin haɗaɗɗen drawer ne mai girma da tsari, kusan duka murafensa mirrors ne amma me zubin gold, ga kuma design na royal da akayi ajikinsa, yayi masifar kyau da burgewa.
Daga gefen hagu kuwa, wani dan ƙareren dressing mirror ne wanda shima aka tsara masa zane me kyau na royal, wanda suke shige da zubin gold, daga gefen mirrorn kuwa wani ɗan ƙaramin drawer ne, irin wanda ake aje takardu ciki, asaman sa anyi masa wani design na gold me masifar kyau da burgewa, har wani ɗan flower green aka sanya aciki. Sosai kayan furnitures ɗin sukayi kyau, sun kuma dace da ɗakin nasa ƙwarai, Ummi ita kanta da ta shigo ta matuƙar yabawa da kayan, gashi sun zauna aɗakin sunyi ɗas, saikace fadar shugaban ƙasa, saidai kuma kallo ɗaya zakaiwa kayan kasan sunja million's of Naira, dan kayane masu kyaun gaskene. Haka dai aka kwashi furnitures ɗin daya cire din, aka wuce dashi Dukku gidan Goggo Dada.

Koda ya dawo daga wajen aikin nasa kuwa sashin Ummi ya wuce. Anan ne Ummi take sake tambayar sa kan cewa. "Har yanzu baiga key ɗin ɗakin Zaleehan ba?" wani irin murmushi yayi tare da jinjina mata kai alaman.
"Eh." Idanu Ummi ta zuba masa, aɓoye itama tasaki murmushi, cikin ranta tace.
"Hmm dama ni ai najima da sanin cewa akwai abun da kake ƙoƙarin shiryawa, ajuri zuwa rafi dai wata rana dai tulu saiya fashe." Hira suka ɗan taɓa kaɗan a falon Ummi kafun daga bisani ya tashi ya tafi ɓangarensa, shikansa ya yaba sosai da kyawun furnitures ɗin daya saya ɗin, wanka yayi sannan ya nufi ɗakin Ameena, dan yasa aransa cewar bazai sake barinta taje ɗakinsa ba, shi zaike binta ɗalibta , har sai randa ya amshe budurcin Zaleeha bisa gadon kenan, saboda kwata kwata shi bai sayi wannan gadon saboda ita ba ya sayane dan cin amarci in ya amshe m'budurcin in yaso suci gaba da zuwa turakanshi.
Ameena kuwa koda ta gansa aɗakinta tayi mamaki ƙwarai, amma sanin cewa bayason yawan tambaye tambaye yasa taja bakinta tayi gum, sai hakan ma ya zame mata kamar abun farinciki, dan yaune rana ta farko daya biyota ɗakinta shiyasa hakan yayi masifar mata daɗi.

Washe gari.
kamar yanda ta faɗa jiya, yau awajen Zaleeha tabar Adeel, bayan ta aje madara da duk kuma wani abun daya kamata da za'a bashi.
Sosai Zaleeha taji daɗin barin Adeel ɗin awajenta, haka ta saɓasa akafaɗanta tanayi masa wasa, cikin ikon Allah kuwa ko kuka baiyi ba. Da rana ne kuwa Hayatuddeen yaje ya kwaso su Zakariyya, Isma'il, Imran, Sulaiman, Zaleeha taji daɗin zuwansu ƙwarai, nan falon Ummi suka baje, haka suka kafe kai da fata wai dole ita zata shiga kitchine tayi musu ferfesu, acewarsu wajenta suka zo ba wajen Ummi ko Adda Raleeya ba, haka dole ta sauƙe Adeel ta shiga kitchine ɗin, cikin ƴan mintuna ƙalilan kuwa ta dafa musu indomie, da kuma ferfesun naman kaji, nan tsakiyan falon suka zauna su kaci, gaba ɗaya surutunsu ya cika gidan, haka sukayi wa Ummi kaca-kaca da falo. Sunjima sosai agidan dan sai wajen bayan sallan la'asar kafun suka tafi.

Ameena kuwa yau ƙarfe 5 ta dawo, koda ta dawo kuwa bata karɓi Adeel ba, yana nan awajen Zaleeha, saima da akayi sallan magriba ne ta karɓeshi ta bashi nono.

*Bayan Kwana ɗaya*

Sannu ahankali haka rayuwa ta cigaba da tafiya, inda acikin kwanaki biyun nan kullum sai Ameena tabarwa Zaleeha Adeel, awajenta yake wuni harta dawo daga wajen aiki. Hakanne yasanya shaƙuwa me ƙarfi ta shiga tsakanin Adeel ɗin da kuma Zaleeha tana jin yaron har cikin ranta.

Saifuddeen ne zaune kan wheelchair ɗinsa, wayarsa ya jawo sannan ya turawa Raleeya, text akan taƙira Hayatuddeen suzo tare yana son ganinsu, kasancewar yau Hayatuddeen ɗin baida lecture'n safe shiyasa baije school ba.
Suna shigowa cikin part ɗin nasa ya miƙowa Hayatuddeen key tare da cewa.
"Karɓi key ɗin part ɗin Zaleeha ne."
cikin yanayin zumuɗi Hayatuddeen yace. "Nakai mata." Hararansa Saifuddeen ɗin yayi, cikin body language ɗinsa yace. "To sarkin azarɓaɓi bahaka nakeson cewa ba."
Ɗan zumɓura baki Hayatuddeen ɗin yayi, cikin shagwaɓa yace.
"To me za ayi dashi."
Duban Raleeya Saifuddeen ɗin yayi, cikin body language ɗinsa yayi mata alaman cewa.
"Su shiga ɓangaren Zaleehan, suɗanyi share share."
Murmushi Raleeyan tayi, har acikin ranta taji daɗi, saboda hakan alama ne dake nuna cewa Zaleehan ta kusa dawowa ɓangarenta, jan hannun Hayatuddeen tayi suka wuce sashin Zaleehan, shikuwa Saifuddeen laptop ɗinsa ya ɗauka ya cigaba da aikinsa.
Raleeya da Hayatuddeen kuwa suna shiga sashin Zaleehan, suka soma ƴan share share da goge goge, kafun awa biyu tuni sun tsab tace ko ina sun gyara komai, haka falon yadawo sabo fil sai sheƙi yake, inda suka fesa turaren air feshener,
suna tsaka da aikin ne Ahmad ya ƙira Raleeya dan tun ɗazu ya dawo baiganta ba, ya kuma sauƙo har ƙasa bai ganta ba.
Nan take sanar masa cewa tana ɓangaren Zaleeha Hamma Saifuddeen yaɗan sasu suyi mata share-share da gyare-gyare.
Ƙwafa Ahmad yayi tare da cewa.
"Lalle ma Saifuddeen so yake ya maidamin da mata baiwa ko? yarasa wazai sa yayiwa Zaleehan share-share sai ke, zanyi maganinsa ne badai yayi mata biyu ba yaseen zamu ƙaura." Dariya Raleeya tayi sannan ta kashe wayan, nan dai suka kammala komai suka fice daga sashin.

Washe gari ne Goggo Dada taturowa Saifuddeen saƙon godiya, da kuma fatan al'khairi kala-kala, dan sosai taji daɗin kyautar nasa.
Nan yake ce mata. "Bakomai, Goggo Dada ai kema uwace agareni kuma uba".
ananne ma yake ce mata.
"Lafiya ko batazo tayi ta'aziyyan rasuwar Adda Maryam ba".
cewa tayi.
"Itama tana tason zuwa to amma Allah ne