You Cannot Download this book untill you login but you can read it .

---

Login Register

dan Allah ki kwantar da hankalinki, baki da magana koda yaushe sai maganar ciki, dan Allah ki daina damun kanki Allah yana sane damu bai manta damu ba kuma zai bamu a lokacin da ya dace"

Murmushi nayi saboda jin abin da yace saboda shi duk tunaninshi maganar ciki zanyi kamar yadda na saba ko kuma maganar zuwa ganin Dr sai dai a wannan karon ba haka bane,

"sweet what do you think?"

"baby ai na san duk maganarki bata wuce ta ciki..."

Kumatunsa na ja kafin na bashi amsa da "wannan karon to baka canki daidai ba, ɗazu da na fita kasuwa naga wani abu da ya burgeni shine nace zanyi shawara da kai idan har ka amince sai nima inyi joining...."

Jana jikinsa yayi ya rungume kafin yace "what's it baby?"

"Ɗazu naga wani shago na snacks leemat delicacies, wallahi abun ya burgeni idan zaka barni zanyi joining classes ɗinta har nima in zama expert a wannan fannin...."

Ina wasa da hannunshi dake cikin nawa naji yace,

"baby shine kadai bukatarki?" kai na daga masa,

"indai hakan zai saka ki cikin farin ciki zanyi miki, zan barki kiyi joining classes din"

Rungumeshi nayi kam kam ina kissing dinshi tako ina,

"baby duk murnar ce wannan? Please i need more...."

Dariya nayi na cigaba da sumbatarsa dama na san zai yi wahala yaki amincewa dan ban taba son abu ya nuna yana kin abinba, duk abinda nake so shima yana so. Tun a daren ranar na soma bibiyar shafinta na Instagram har na samu contact dinta,

Washe gari bayan ya fita office na kirata na fada mata duk abubuwan da nake son koya kama tun daga harkar snacks har kalolin abinci na zamani nan ta faɗa min abinda zan biya, muna gama waya da ita da ya kirani nake faɗa masa yadda muka yi da ita yace babu matsala, a ranar ya saka min kudin na tura mata tace nan da kwana biyu zamu fara.

Gaba ɗaya waɗannan kwanakin na zama busy banda lokacin zaman banza bare har in samu in shiga damuwa duk da wani lokacin ina tunawa da damuwar tawa amma a cikin 100% yanzu 80% ya ragu, wuni nake ina karance karancen abubuwan da take turo min sannan gefe ɗaya ina rubuta duk wani abu wanda yake da muhimmanci, sai dai fa duk da wannan tarin ayyukan da nake yi baisa nayi wasa ko sakaci da kulawa da mijina ba, bashi lokaci na nake sosai indai yana gida sai idan ya tafi office ne sannan nake mayar da hankali wurin koyon duk wasu abubuwa da nake buri amma da zarar ya dawo sai in hakura haka kuma da weekend bana ma ko bi ta kai dan a lokacinne muke kasancewa da juna sosai mu shaƙata mu shana. Wannan weekend din na shirya gwada irin abubuwan da na koya shiyasa yana bacci na tashi na shiga kitchen na hau aiki kafin ya tashi nayi duk abinda zanyi kuma babu laifi komai yayi yadda ake so,

Ina kokarin tubewa in shiga wanka ya tashi lokacin 12 ta ɗan gota, hararata naga yayi kafin yace,

"shine kika gudu ko?"

"to ai naga kana baccine sweet"

"to gashi na tashi"

"Barka da tashi my love love..."

Dariya yayi tare da miko min hannunshi na kama, tare muka yi wankan muna cike da nishadi da farin ciki, shiryawa muka yi na kai shi falo ina ce masa,

"yau ga jagwalgwalo na kaci kaji"

"baby girkin ki yafi karfin jagwalgwalo..... You are special"

Haka yake ta zugani yana sake bani ƙwarin gwiwa kuma shine yasa na sake mayar da hankali sosai kan fannin girke girke, idan na ɗanyi abuna babu yawa daga ni sai shi sai makota da nake bawa wani lokacin sai in dora akan shafi na da na bude nima wato chefweedat wadda yanzu har na soma samun followers sosai musamman ma da leemat ta ɗan tallata ni,

Ranar da na gwada yin birthday cake nayi masa nayi decorating a jiki na rubuta Happy birthday sweet nayi snapping na ajiye ban dora ba har sai da ya dawo daga office,

"baby which birthday again? Yau nawa date?"

Dariya nayi nai kissing dinsa kafin nace "Nifa bawai ina nufin birthday dinka bane kawai dai nayi maka ne,

" awwwwn.... Wow... When your wife is a baker" ya fada yana kissing dina shima,

"to yanzu zamu yanka cake din ko sai nayi shower?"

"go and shower first"

"no" yace dani yana kamoni ina kokarin guduwa, duk da bana so dole tare muka yi wankan sannan muka zo muka yanka cake muna ciyar da junanmu, duk sai da na mikawa neighbors dina da yake yana da girma step biyu nayishi, a daren na ɗora akan Instagram ai fa wurin mutum biyar suka yimin dm akan suna so,

Kallon samz nayi dake kwance bayana yana kokarin rufe system dinshi,

"sweet kaga wasu wai na so...."

"su yi order kiyi musu mana"

"Nifa gaba daya banma san yanda tsarin yake ba"

"you can contact your tutor"

"to shikenan"

Washe gari na kira leemat ta sanar dani yadda duk take abubuwanta da price dinta da komai, nan nima na dan fara da kadan kadan wani lokacin sai ayi order biyu ko uku, komai tare dashi muke yi ko girki idan na koya sai muyi tare da weekend shiyasa yanzu bani da matsalar girki duk ranar da sarautata ta motsa sai in hakimce ince yau girkinsa zan ci bawan Allah babu musu sai yaje ya girka mana. Tun zuwan da nayi Kano har yau ban koma ba kuma bana jin zan koma har sai bikin Bishra wanda aka saka nan da 6 months, nida kawalli muke hirar dazu da ta kirani nan take fada min wai zata yaye Irfan cikin week dinnan dan watanshi 11 yanzu,

"Haba kawalli ki barshi ya cika 12 months mana"

"kawalli ba zaki gane bane, barshi dai a yayeshi yanzun, babanshi ma ai da rigima yaketa yi wai ba za a yayeshi yanzu ba kaza da kaza to yanzu dai ya hakura dasu Annie suka saka baki"

"kawalli kararshi kika kai gida?"

"ya bazan kai ba yana neman ya jika min aiki"

Dariya muka yi gaba daya kuma sai lokacin na fahimci ciki gareta shiyasa zata yaye Irfan din, koda muka yi sallama jugum nayi araina inata tunani gashi kawalli zata yi na biyu amma ni ko na farkon ban samu ba take na fara hawaye damuwata ta sake dawowa sabuwa na gaza aikin komai a gidan na zauna sukuku a haka ya dawo ya sameni.......


*Garin dadi littafin kudi ne ga mai bukatar cigaban labarin sai ya tura 500 ta 0774712835 Aisha Ibrahim Access Bank sai a tura evidence of payment ta wannan no 07044644433 ko a tura katin waya da shaidar biya wannan no 07044644433*


_*Ummi Shatu*_👌🏻
[1/8, 10:14] Maman K: {58}

*Ina kuke manyan mata ƴan ƙwalisa ma'abota son gyara da kece raini, maza ku garzayo ku nemi maman Maryam domin samun lafiyayyu kuma haɗaɗɗun Lagos lace wanda zaku iya samun ɗinkakku da kuma sabbi a ledarsu, kaya iya zaɓinki, gefe ɗaya muna da GHT product, zaku samu*,

~MAI DA TSOHUWA YARINYA

~FEMALE CARE

~REODEO

~VIGOR MAX

~ LONGZIT

~B CLEAR

*DUK ZAKU SAMU WADANNAN KAYA CIKIN SAUKI DA RAHUSA MAZA KU NEMI MAMAN MARYAM AKAN WANNAN NO 07080222187, SIYAN NA GARI MAIDA KUƊI GIDA.....*


~~~Hannu tasa ta dafashi babu shiri ya juyo yana kallonta fuskarshi a mutukar daure wanda har hakan yaso sagar mata da gwiwa amma ta daure,

Bai jira tayi magana ba yasa hannu ya ture hannunta dake kan kafadarshi, "samz....." ta faɗa cikin sanyin murya da kirsa, da ido kawai yake kallonta bai ce mata komai ba,

"Samz me yasa kake ignoring duk wani umarnin mommy? Meyasa kake kin yin abinda take so? Samz ya kamata kayi tunani kan duk wani abu da mommy ta saka ko tayi maka fada akansa...."

"nagode, Insha Allah zanyi yadda kika ce" yana shirin juyawa ya tafi yaji ta sakalo hannunsa cikin nata,

"what?" ya bukata bayan ya juyo, langabe masa kai tayi batace komai ba nan ya zare hannunsa ya wuce cikin bedroom ba tare da shima yace mata wani abu ba,ɗayan bedroom din da babu kowa aciki anan suka sauka namu asalin bedroom din kuma shine aciki, wanka ya shiga duk cike da damuwa da kasala yana fitowa ya hangi Felicia saman gadon mu kwance, sake komawa yayi ya sako bathrobe sannan ya fito ransa ba dadi a mutukar bace,

"Felicia..... Me kike yi anan? Menene haka?"

Mikewa tayi tana kwarkwasa ta nufoshi sai dai tun kafin ta kai ga taɓa shi ya taka mata burki gami da dakatar da ita,

"Don't touch me..... Zo ki fita"

Duk da hakan da yayi mata bata hakura ba har sai da ta kamo shi, cikin tsawa ya hanata tare da janta kiiiyyyyyy har waje ya turata ya mayar da kofar dakin ya datse, gefen gado ya zauna kafin ya dauki wayar shi ya soma kirana ko Allah zai sa adace.

Ni kam ai tunda na sauka a gida na samu za a tafi gidan amarya kai kaya duk da ba wai jeran za ayi ba nan na bisu, gidan a hotoro yake kuma bamu muka baro gidan ba sai magriba sai lokacin na samu muka gaggaisa dasu mama bayan Abba ya shigo shima na shiga wurinsa na gaida shi sannan muka taɓa hira a takaice dai ban samu kaina ba sai wurin karfe 11 saura na dare, ina shirin bacci kenan naga samz ya kirani. Dauka nayi tare da yin kasa da murya sosai nan naji su anty suna cewa wannan yarinyar munafuka ce ban kula ba na soma yi masa shagwaba harda kukan karya,

"shine daga tafiyata har ka manta dani ko?"

"Haba baby tayaya zan iya hakan? Na tashi dake zuciya...... Ke zan yiwa baitukana...... Farar aniya....."

Dariya muka yi gaba daya daga ni har shi haka ya cigaba da sakani dariya har wurin karfe 1 na dare lokacinne muka yi sallama amma ya boye min zuwan su mommy sam bai sanar dani ba.

Washe gari tun kafin ya tashi su Felicia suka tashi suka shirya breakfast ita da Hadiza dama kuma kusan kwana suka yi suna zuzzuga mommy dan su a ganinsu wai samz ya tare a karkashina baya kyautatawa ko mahaifiyarsa kamar yadda yake yimin kuma fa ba komai suka gani ba iya wannan gidanne da muka sauya wanda tabbas kam ko nida kaina na san ya hadu kuma ya tsaru shikenan fa sai kayan abinci da suka zo suka iske babu abinda babu baya ga wannan shikenan amma sai yabi ya tsokale musu ido suka gaza hakuri ban saniba ko so suke su zo su ganmu a cikin mummunan yanayi oho,

Duk yadda ya so ya share Felicia kasawa yayi saboda idon mommy gashi ta kafa ta tsare haka ya zauna suka zuba masa breakfast din yaci,

"Samz ka auri yarinyar nan wallahi zaka ji dadi sannan ni ina hango maka abinda kai baka hangowa dangane da ita....." mommy ta fada bayan su Hadiza sun tashi ya rage daga shi sai ita,

"aure kuma mommy? Wanne irin aure zanyi bayan gashi ina da shi"

"kai kake daukar wannan yarinyar a matsayin mata amma ni kallon da nake yi mata bai kai na ta zama matarka ba..... Wai me yake damunka? Sannan auren yarinyar nan da me ya ƙareka? Yarinyar da har yanzu ta kasa haifa maka yaro, gashi nan duk mates dinka suna da yara wasu ma yaransu sun kusa gama primary school Amma kai kana nan ka zauna ƙaramar yarinya tana juyaka....... Childhood friend dinka Godwin yanzu yaransa uku last month muka yi naming ceremony din third baby dinshi a church and you are still here, look at your mate samz...... Ni baka son inga jikokina ne? Why do you want kill me before my time? "

Duk maganganun da take yi babu wanda ya tanka sai wannan na karshe da yaji ta ambaci maganar yana son ya kashe ta lokacinta bai yi ba,

" mommy ki daina fadin haka dan Allah..... Insha Allah ba zaki mutu ba har sai kinga jikokin naki... "

" indai kana son haka to kayi wani abu"

Da to kawai ya amsa mata dan kawai dai a zauna lafiya sannan yayi mata sallama ya fita office, nikam dama yau tun sassafe muka tashi tare dasu anty muka tafi jere shiyasa bamu samu munyi waya dashi sosai ba yadda muka saba amma dai munyi sama sama ina yi masa maganar daurin auren ko zai samu zuwa yace min zai zo in sha Allah da na tambayeshi me zan tanadar masa sai cemin yayi wai kaina, dariya nayi nai kasa da murya nace "wai kai baka koshi ne?",

"Ehh" ya amsa min kai tsaye dariya muka yi daga ni har shi nace to shikenan sai yazo daga nan muka yi sallama. Da yake yasan me ya bari a gida yau bai koma da wuri ba sai bayan sallar magriba, su mommy sun tafi church sai iya Felicia dama can ya dade da kwanan sanin ita zuwa church bai dameta ba, ta gama waya da mamanta kenan tana sake bata kwarin gwiwa sai gashi ya dawo, tana kwance kan doguwar kujera jin shigowarsa sai ta sake narkewa,

Kamar bazai yi mata magana ba amma sai ya tambayeta ina su mommy nan ta fada masa sun je church, kai ya girgiza ya wuce ciki a ransa yana takaicin wannan lamari wai mommy sai yaushe zata gane wannan abun ba daidai bane? Yanzu gashi ta dauko masa katuwa ta kawo gida kuma tana fita tana barinta a gidan ita kadai yayi magana kuma cibi ya zama kari,

Yana kokarin cire rigar jikinsa kawai yaji an rungumeshi ta baya wanda sam bai san da shigowarta ba sakamakon dogon tunanin da ya tafi,

"Baby....." ta faɗa daga can ƙasan makoshinta,

"Felicia..... Menene haka?"

"Samz please ka tsaya ka saurare ni...."

Janyeta yayi daga jikinsa amma ta sake komawa tana narkewa,

"dan Allah kabar duk wannan pretending din haka ka barmu muji dadin rayuwarmu.... Haba samz Meyasa kake yimin haka"

"Felicia kin san ina da mata, ki daina yaudarar kanki, bazan iya aurenki ba"

"baka da magana sai kana da mata, yanzu ina matar taka take? Please ka cire matarka a maganar mu, wai samz ka san yawan mazan dake sona suna son in basu lokaci amma duk bana basu, kai kadai nake bawa lokacina amma shine sai ka rinka wulakantani haka..."

Sai da ya tureta da karfin tsiya sannan cikin fada da masifar da bata taba sanin ya iya ba taga ya nuna ta da yatsa yace,

" Ni bana bukatar ki, bana bukatar kasancewa tare dake sannan bana bukatar duk wani lokacinki.... Me zai hana kije inda ake bukatarki? This is the last warning da zan yi miki wallahi karki yarda ki kuskura ki sake zuwa kusa dani har kice zaki tabani, idan kika sake hakan to zaki kuka da kanki..... Fita!!! "

Jin yadda yayi maganar yasa ta juyawa ta fita tana kokarin zubar da hawaye, shi kuma yaci gaba da abinda yake yi cikin takaici ya shiga wanka,

Tana nan zaune afalo jin dawowarsu mommy sai ta fara kuka shabe shabe, a haka suka shigo suka sameta nan mommy ta soma tambayarta me kuma ya faru har ya sakata kuka,

"mommy samz ya tsaneni, ina jin hakura dashi shi zai fi zamar min kwanciyar hankali, na fara gajiya da wulakancin da yake yimin, kwata kwata baya kaunata kuma da bakinsa ya fito ya fada min, yaci min mutunci yayi min duk wani wulakanci dan kawai ina nuna masa soyayyata.... "

" kiyi hakuri my dear and ki daina kuka, bazai sake yi miki ba dan zanyi masa magana, daina kuka "

Kamata Hadiza tayi suka shiga cikin bedroom ita kuma mommy ta samu wuri ta zauna tana jiran sa ya fito,

Sai da ya shirya ya saka kananan kaya sannan ya fito yanata kamshin turare,

" Samuel..... Samuel..... Wai Meyasa baka jin magana? Bana faɗa maka karka kuskura ka sake wulakanta Felicia ba?"

"mommy wai Meyasa baza a bar maganar Felicia ba kullum ita za ayi ta yi? Mommy ke kanki kin san maganar Felicia bazata taba yuyuwa ba a gare ni, inada matata i love her and she loves me too and we are happy, dan Allah mommy kubarni nayi rayuwar aurena cikin farin ciki da kwanciyar hankali kar ku rusa min gidana, ni na fada muku bazan taba auren Felicia ba dan haka kubar wannan maganar.... "

Tashi yayi ya fita bayan ya dasa aya nan mommy ta cigaba da sababi tana cewa ai kuwa ko za a mutu sai ya rabu dani ya auri Felicia, bawan Allah bai saba yawon dare ba amma yanzu nema yake ya koya saboda zuwansu mommy, gidan Ahmad abokinsa yaje a gidan suka ci dinner bayan ya dawo ya kirani yake faɗa min wai yau can yaje yaci abinci kuma yaga kamar ma matar ahmad din cikine da ita, bata rai nayi kamar yana kallona nace,

"ohh wato ma kallonta kayi ta yi har ka ga tana da ciki"

"no baby wallahi ba haka bane, cikin fa ya fito ne sosai dole kana kallonta sau daya zaka gane, kema kin san babu macen da nake iya kallo sama dake"

"babu wani nan, kawai dai zaka yimin wayo"

"ba wayo bane baby"

Har yayi shirin bacci muna waya sai da nace masa na gaji bacci zanyi sannan ya kyaleni muka yi sallama. Washe gari sassafe ya tafi office dan lokacin da ya tafi ma ko tashi su mommy basu yi ba, uban sammako ya buga kamar yadda ya saba bugawa a duk lokacin da yake da wani muhimmin abu a office din ko kuma baki,

Duk wulakancin da yayiwa Felicia a daren jiya bai sa yau tayi zuciya ba dan girki ta tsara masa wai zata kai masa office ita kuwa mommy dama haka take so shiyasa bata hana ba sai ma fatan alkhairi da tayi, nan ta sha wanka tasha damammiyar doguwar riga mai siririn hannu wacce ta kamata sosai to abinka da farar mace wacce tasa abu baki ai take ta haska ta saka hill ta dauki handbag dinta ta fita kuma bata zame ko ina ba sai office din su samz wanda dama ta sani tun lokacin suna tsaka da soyayya,

Yana zaune cikin office dinsa bayan ya fito daga meeting din da suka yi yana aiki da laptop dinsa agabanshi kan tebur din dake gaban kujerarsa sai gata ta shigo,

"Hey baby...." ta fada cikin kisisina yayinda shi kuma mamaki yaso sumar dashi a zaune, abincin ta ajiye masa kan tebur dinsa ta ajiye handbag dinta ta nufe shi kai tsaye inda yake zaune yana kallonta yama kasa magana dan tsananin mamakin da ta saka shi aciki,

Duk da cewa akwai kujeru guda biyu gaban teburinsa dan zaman baki amma sai bata zauna ba ta karasa har gabansa dab dashi ta zauna kan tebur din sai lokacin ya iya bude baki yayi mata magana,

"Felicia me ya kawo ki nan?"

"Na kawo maka abinci ne, naga ka fito very early baka yi breakfast ba"

Dafe kansa yayi ya kasa koda furta kalma daya har sai da yaga tana shirin kai hannu jikinsa.........


*Garin dadi na kudi ne game bukata sai ya tuntuɓi marubuciyar kai tsaye ta wannan no 07044644433*


_*Ummi Shatu*_👌🏻
[1/9, 13:15] Maman K: 59

*Ina kuke manyan mata ƴan ƙwalisa ma'abota son gyara da kece raini, maza ku garzayo ku nemi maman Maryam domin samun lafiyayyu kuma haɗaɗɗun Lagos lace wanda zaku iya samun ɗinkakku da kuma sabbi a ledarsu, kaya iya zaɓinki, gefe ɗaya muna da GHT product, zaku samu,*

~MAI DA TSOHUWA YARINYA

~FEMALE CARE

~REODEO

~VIGOR MAX

~ LONGZIT

~B CLEAR

*DUK ZAKU SAMU WADANNAN KAYA CIKIN SAUKI DA RAHUSA MAZA KU NEMI MAMAN MARYAM AKAN WANNAN NO 07080222187, SIYAN NA GARI MAIDA KUƊI GIDA.....*

~~~Saurin dakatar da ita yayi ta hanyar daga mata hannu,

"Felicia what are you trying to do? Kin manta nan office ne ba wurin shashanci ba? Ki daina cause i don't like it...."

"wai dan Allah samz Meyasa kake wulakanta ni haka? Duk yadda nake son in faranta maka kaki yarda ka bani dama kamar tun farko ba Kaine kace kana sona ba amma yanzu gaba daya kabi ka juya min baya why?"

"Felicia bawai kinyi min laifi bane, kuma bawai na juya miki baya bane, abinda nake so ki fahimta shine abinda ya wuce ya wuce babu bukatar koda yaushe muyi ta dawo da hannun agogo baya, mu dauka dama Allah ya kaddara ba zamu zama ma'aurata ba, ni yanzu kinga nayi aure kema sai kije ki duba wanda ya dace dake kuyi aure..... "

Ai bata jira ta gama jin abinda zai fada ba ta dauki handbag dinta ta fita daga office din tana jin zuciyarta kamar zata buga dan tsananin bacin rai, nan ta tare taxi ta nufi gida cikin matsanancin bakin ciki, tana zuwa bata saurari kowa ba ta wuce bedroom din da suka sauka wanda kayansu ke ciki ta soma hada kayanta a haka mommy ta shigo ta sameta,

"Felicia.... Me yake faruwa ne wai? Naga kin shigo cikin bacin rai yanzu kuma nazo na sameki kina hada kaya me zakiyi?"

Fuskarta shabe shabe da hawaye ta dago ta kalli mommy tace,

"mommy na gaji da wulakancin da samz yake yimin kawai ni ina ganin gara in hakura in koma gida dan kamar zamana atare daku bashida wani amfani...."

"kiyi hakuri my daughter.... Kar kiyi fushi, ni na haifi samz kuma na isa dashi zai yi miki duk abinda kike so, me kike so?"

"mommy so nake mu dan fita hang out dashi yau...."

"karki damu zaku fita bari ya dawo daga wurin aiki" mommy ta faɗa cikin rarrashi tare da kwantar da hankali,da haka dai ta samu ta lallabata tabar maganar tafiya,

Shi kam yana office yana fama da aikinsa yama manta da batun wata Felicia dan abincin da ta kawo ma bai ci ba, da ya dan samu saukin aikin da yake yi kirana yayi muka dan taba hira kadan duk da ina cikin kacaniyar biki dan mun fara, da kansa ya fahimci inada abubuwan yi shiyasa sai ya sallameni da wuri.

Lokacin da yakoma gida bayan ya tashi daga aiki mommy saka shi tayi a gaba da fada akan dole sai ya shirya sun fita da Felicia,

"mommy na gaji ina son in huta, menene amfanin fitar da zamu yi?"

"fahimtar juna, so nake ku fahimci juna...."

Bai tsaya jayayya ko dogon musu da ita ba kawai ya shiga yayi wanka kuma dagasken ya gaji hutu yake bukata amma babu yadda ya iya haka ya shirya cikin kananun kaya ya fito, a falo ya samesu itama Felicia tasha kwalliya kamar wacce zata je biki ta saka wasu arnan riga da wando ta gyara gashinta taci uban takalmi mai tsini, sallama suka yiwa su mommy suka fita dadi fal ranta yayin da shikuma yakama bakinsa yayi shiru dan shi kadai ya san me yake ji acikin ransa,

Taxi suka dauka drop har zuwa wani dan matsakaicin wurin shakatawa wanda sai yau Felicia ta san da wurin, ada sun taho tana murna amma zuwan su wurin da taga wurin da yakawo su sai ta sha mur ta hade fuska ta bata rai, nan yayi musu order din snacks da drinks,

"Samz..... Yanzu ka rasa wurin da zaka kai mu sai nan? Idan har ka san nan zaka kawo mu me amfanin kawo ni nan? Me zan ci anan? Menene wani abu sabo wanda ban sani ba anan? Wannan wanne irin wulakanci ne?" murmushi kawai taga yafara yi kafin yayi dariya yana kallonta, shi yanda ta dauki zafine ma abin ya bashi dariya,

" da ina kike son in kai ki? Ke kika ce kina son mu fita hang out kuma gashi na kawo ki nan kina complain...... "

Duk dariyar da yake yi ita tafi komai bata haushi shiyasa ta tashi ta barshi awurin tayi tafiyarta amma wannan karon tayi alkwarin bazata sanarwa da mommy komai ba da kanta zata magance matsalarta, ganin ta tafi cikin fushi sai bai bita ba yayi order din abinci nan aka kawo masa, video call ya kirani nikuma lokacin mun dawo daga wurin saloon nida su anty da sauran matan yayyenmu, nidai retouching aka yi min aka gyara min gashina sosai shiyasa muna fara wayar ya tsurawa kaina ido yana kallo kamar yau yafara ganin gashina,

"kwalelenka dai.... Yau na san da ina nan da ayau zaka bata min kwalliyata..." na fada ina yi masa gwalo, dariya yayi kafin ya bani amsa da,

"baby to ai zan zo ranar Saturday, kinga idan nazo sai in bata ranar...."