You Cannot Download this book untill you login but you can read it .

---

Login Register

shashin da Su Izmah suke ya shiga ya same su a tsaye Mahlika tana cin kaniyar su.
"Waye ya baki damar hukunta wasu?"
"Afuwa Sultan ba zan kuma ba!" Dauke kanshi yayi sannan yace musu.
"Muje" haka suka bishi, cikin jin dadi ya kawo musu dauki. Bayan sun bar gidan ya kai su lambun da yake cikin gidan, suka nufa. Tun da suka zauna yayi shiru kafin ya tambaye su.
"Izmah meye faru da Ikram domin na Fahimci kun jima tare," gyada mishi kai tayi sannan ta fara bashi labarin abinda ya faru, lumshe idanun shi yayi sannan yace musu.
"Lallai biri yayi kama da mutum, sai yanzun na fahimci dalilin da yasa take saurin fushi, dalilai na rayuwa sun sauya ta, Ikram din da na sani ba ita bace wannan,wancan Yarinyar bace da nasani,  halin wannan ya banbanta na wancan."

       A hankali yake gaya musu abinda ya faru, da yadda aka kashe Noman ba tare da sanin shi ba. Amma yasan koda yayi mata bayani ba kula shi zata yi ba, dan ranta yana kan fansa, dan haka ya kyale ta tayi yadda take so.

    ~~~
Sintiri take hannun shi goye a bayan shi, tun sati biyu ya sami labarin Ikram tana cikin Samaind bai yarda ba, sai da ya tura amintattun bayin shi mutane biyu, suka je har can suka binciko mishi ita, dan haka ba zai iya kyale ta ba, dan wallahi sai ya kuma dawowa da ita rayuwar shi. Shigowar Nawwas ne ya katse mishi shirun shi.
"Sultan Abrad!"
"Hmm!" Ya faɗa kamar zai zunduma ihu, kafin yace mishi..
"Ikram tana raye!". Cike da mamaki ya d'ago kanshi tare da kallon shi sannan yace mishi.."waye ya gaya maka?"
"Na tura har mutane biyu sun duba min ita, amma tana cikin masarautar bata da lafiya, ka tabbatar sunyi aure da Noman?"

Ya tambayi Nawwas yana me kallon shi. "Eh na tabbatar sunyi aure aka kashe shi." Murmushi Abrad yayi sannan yace mishi.
"Kace min a daren amarcin su ko?"ya tambaya tare da kallon Nawwas, had'iye yawun yayi sannan yace mishi."eh Sultan Abrad" wani irin murmushin mugunta yayi tare da kallon Nawwas sannan yace mishi. "Dole Mehran ya bar min ita, domin an ce min zai gabatar da ita a zab'en da zai yi, ya ka gani idan na fasa cewa ta tab'a aure?"

"Amma wannan kuskure ne babba, karka yi amfani da abinda kake ji akanta ka cutar da ita mana! Kayi mata adalci idan."
"Kayi min shiru! Ikram tawa ce!" Ya faɗa da karfi, kafin ya shiga wasu zautattun bayanai kamar tab'abbe, yana gaya mishi abinda yake ji akanta,  tare da yadda yake ji duk wanda ya shiga tsakanin su, sai uwar shi ta haifi wani amma tabbas sai ya kashe shi.  "Sultan MEHRAN kuma sai na tsaya da karfin tsiya na raba su, ko kuma na raba mishi hankalin shi akan mulkin shi."

"Gaskiya kana sonka ka da yawa, da yarinyar nan tana da ra'ayinka dangane da zama da kai da Nan zata dawo, amma dake bata da ra'ayin ka,  gurin shi ta nufa, don Allah karka shiga abinda zai dame ka har karshen rayuwar ka" ya  fadi haka a sanyayye. "Shawara kake bani ko gargadi na kake?" Murmushi yayi sannan yace mishi.
"Abrad bani da ikon baka umarni sai dai shawara idan zaka dauka idan na zaka dauka ba kabarshi Allah ya kyauta, an jima zamu bar garin!"
"Ka kira Samim! Zamu bar mishi garin zan biku!" D'ago kai yayi yana kallon Abrad cikin mamaki me tattare da damuwa. "Shi kenan!" Ya faɗa mishi, sannan ya bar d'akin. Wani irin murmushi yake irin na samun nasara akan abokin gaban ka. Yau zai je ya sami Ikram.
~~~>
Yau saura kwana uku,

A hankali na kalli Sultanah Fazilatul nisa, sannan na maida kai ma ga maganin gaba na, ina sha.
"Yau ma gani a gabanki kamar can baya, nazo domin Mehran yana bukatar ki shiga cikin zab'en."
"Tab" na fada tare da tab'e baki,
"Me yasa kike son ganin sai na sami  kusanci da shi? Wato dan d'anki ne ko? Toh gaskiya ni ba zan shiga dan shi ba, zan shiga ne dan biyan buƙatar kai na, dan haka ki kyale ni ba zan shiga dan shi ba sai dan rad'in kaina."

Kallonta Sultanah tayi tare da jin babu dadi.
"Amma me yasa baki jin Magana? Me yasa kike wahalar da mutanen da suka damu dake? Shi kenan, kiyi yadda kike so, amma ki sani, Allah ba zai tab'a barin hakkin shi ba, wallahi matukar kika jagoranci wulakanta shi, Allah sai ya saka mishi."

Kasa nayi da kaina sannan nace mata.
"Lokacin da ya kashe min mijina baki tausaya min ba, baki san yadda naji a lokacin b.."

Bamu san shigowar shi ba sai ji nayi ya shake wuyata ranshi a jagule. Huci yake kawai dan bai iya magana ba, sai ɓari jikin shi yake ya bani tsoro sosai.
"Sake ta nace" ta daka mishi tsawa, cikin fushi ya fita daga dakin bayan ya sake ta.  Itama fita tayi daga d'akin, Izmah da Nimra da suke bakin kofa suka shiga d'akin.
"Amma baki mutunci ko daya? Wallahi ba haka Mahaifiyar ki take ba, duk da sanin yarinta nayi mata Wallahi bata da rashin da'a, ke wacce irin shaidaniyar yarinya ce? Me kike bukata a rayuwarki? Kin san halin da Sultan Aamaan yake ciki? Ko damuwa da mutanen da suka kashe miki Mahaifiyarki baki yi ba, kin zo kin Buwayi rayuwar shi? Sabida ke yake rayuwa a nan,.sabida ke ya zabi ya xauka babu mulki wallahi Allah sai ya saka mishi, mutumin da bai ji ba bai gani ba kika tsana akan mutumin da bai kai iyayenki daraja ba,.na zata zaki tafi daukar fansan kanwarki ashe ke gurin bawan Allah zaki tsaya, jahilar banza jaka dabba,  idan kin so karki shiga dan Mehran ki shiga dan ki kashe shi wawuya doluwa wacce jahilci da rashin kunya ya cika mata kai,Mahaifiyarki koda ta kasance Sarkin yaki bata yi aiki da hauka irin taki ba, idan kin so karki bar Mehran a raye. Ban da shima da damuwa meye zai tsaya samun damun kanshi da yarinyar da babu mamora a jikinta. Dube ki har zaki kira kanki da mace, banziya kawai." Sake baki nayi ina kallon yadda ake tijara, domin tsakani da Allah suka zage ni tass, sannan kuma suka rabu dani.

  Ban kuma ganin su ba, sai ma suka daina shigo min, har ana gobe za ayi abun lokacin Sultanah Fazilatul nisa, ya ajiye ranar zata bayyana kanta. Sai dai bata da kwarin gwiwar haka,.ina zaune Fudail ya zagayo bayan gidan da nake zaune, zama yayi sannan yace min.
"Gobe Insha Allah za a gabatar da abubuwa da yawa,. Sannan Mehran zai so ki lashe zaben baki daya, Ikram Mehran yana raye cikin makiya ne, duk yadda nake son ki fahimta ba zaki gane ba, dan haka iya yau kike dashi tare da saka ido idan an gama zaben abinda sakamakon ya bada kina da karfin iko kashi talatin da biyar cikin dari, dan haka wannan damar da kike dashi ya isa ya tabbatar da cewa zamu sami sabon sauyi a Samaind, sannan don Allah karki saka idanu akan sauran matan, ki zuba musu ido idan suka tab'a ki ne zaki tab'a su karki yarda su miki tambarin da zai kai ki har fada domin matukar kika shiga makiyan Mehran da wasu zasu bayyana a rayuwarki.....
[5/19, 4:13 PM] Addah Ramla💃🏼: *200₦ ta bank GTBNK Ramlat Abdulrahman 0472282105 ki katin mtn 300 ta wannan Number +2347035133148 Zahrah Adda Ramlat ko ta wannan Number 08130269641..* Mai_Dambu...

_Wannan littafin na kuɗi ne! Idan baka siya ba, karka karanta! Idan ka karanta kuma ka fadi ALKHAIRI ko kayi shiru Allah ya jikan Iyayena_

33
"Sannan karki yarda wani yasan batun kinyi aure, idan ya fito daga cikin masarautan nan zamu dakatar idan ya fito daga wajen masarautan nan zamu kashe koma waye, Ikram Mehran ya shirya tsaf domin baki rayuwar shi, don Allah karki bari wannan damar ta subuce miki domin na rantse da Allah, mutane dayawa suna niman kusancin su da Mehran amma Allah bai nufa ba, ke da kika samu kina mishi rikon sakainar kashi, Mehran yana da kirki kuma yana da hakuri, rayuwa da kika ga yayi tsara mishi aka yi wanda Allah ya tsara mishi kuma aka ruguje shi don Allah karki juya mishi baya lokacin da yake bukatar ki, don Allah ki taimaka mishi wallahi yana cikin damuwa ainun."

"Yana ina ne?" Na tambaye shi..
"Yana dakin shi da yake sama" ya faɗa tare da barin gurin, a hankali na mike tare da nufar cikin gidan, dakin shi na wuce. Samun shi nayi a dakin shi. A hankali  na bude kofar d'akin shi.  Karatu yake dan naji muryan shi yana tashi,  da sallama na shiga d'akin. Ajiye Alqur'anin yayi tare da amsa mata, daga haka ya cigaba da abinda yake, tun da na shiga tare da niman guri na zauna. Ganin ya cigaba da karatun shi ya sani kallon dakin da yadda yake cikin. Kome a shirye yake sai kamshin turaren shi yake, ga wani sanyin dad'i da dakin yayi. Ya bada wani irin yanayi, me wiyar fassaruwa. Lumshe idanu nayi tare da ware su akan wani loka, haka kawai naji ina son ganin abinda yake cikin shi. Dan haka na kai hannuna zan bude naji yace min.
"Kinyi min ajiye ne?" Juyawa nayi tare da barin bude kofar, kallon shi nayi yadda ya tara kasumba, idanu shi sunyi zuru, faffarar kirjin shi me cike da gargasa, ya kara cikowa sakamakon tarin kwanjin da suka cika kirjin. Sunkuyar da kaina tare da cewa.
"Kayi hakuri da abinda na aikata" juya bayan shi yayi tare da Cigaba da abinda yake, domin idan ya cigaba da kallonta, ran shin ba zai so yadda take nuna nadamarta ba, dan haka ya juya abin shi zai bar dakin. Shan gaban shi nayi tare da cewa.
"Ya ina magana ka share ni?" Na tambaye shi,

  "Me kika ce?" Ya tambaye ni cikin gajiya da gani na, eh mana ya gaji da gani na, idan na gajiya ba meye zai wani ce bai ji me nace ba.
"Kenan baki ji me nace ba?" Na kuma kuma tambayar shi a karo na biyu. Tab'e baki yayi sannan ya girgiza min kai, da naga da gaske shiga ban daki zai yi nayi maza na tare kofar, zuba min ido yayi sannan ya bude baki zai min magana na riga shi.
"Kayi hakuri mana"
"Toh bani hanya na shiga wanka," matsawa nayi daga jikin kofar, da yazo shiga cikin banɗakin. Tsayawa yayi tare da bude kofar zai shiga. Riko hannuna yayi muka shiga tare, tunda muka shiga na fara hada mishi ruwan wanka, bayan na gama, na kalle shi.
"Zoki goge min baya!"
Ya faɗa min haka yana shiga ruwan wankan, zama nayi a saman gurin wankan na shiga wanke mishi kanshi tare da taimaka mishi har na gama na fito shima ya karasa, ina gamawa na fito daga dakin shi. Sannan na sami tawada da alkalami na rubuta musu karamar wasika, sannan na bar gidan tare da su Izmah basu so haka ba, amma babu yadda suka iya dani.

         Lokacin da ya fito yaga Anne da sakon ta karanta, murmushi tayi sannan tace mishi.
"Yarinyar nan tana da kaifin basira, zata shiga amma bada ikon ka ba, zata shiga da ikon Aabis Bin Ansar,  Sarkin sahara. Kenan idan ya shigo da tambarin wata masarautan."

"Amma lallai Ikram mahaukaciya ce, kinsan daga Masarautun da tafito? Daga Askandariya da kuma Merocco ne fa, taya ba zata shiga da ahalin ba? Me yasa ba zata iya tsayawa danginta ba,.idan tayi kyau sahara za a kira idan ta ɓaci kuma wa za'a kira?" Ya faɗa a zafaffe, yau da Ikram tana gaban shi babu abinda  zai hana shi ya mare ta, domin ya tsani renin hankali.

         "Ba zata so tab'awa daularta suna ba, sannan idan ta tsayawa danginta ta fadi abin kunya ce a gare ta,.idan kuma tayi nasara Cigaban su ce, dan haka ka kyale ta,.muga tsarinta tunda gobe za'ayi abin."

Ajiyar zuciya ya sauke tare da kallon Sultanah, "Ni yanzun ban," "gidan Mahaifiyar Fudail ne zasu zauna domin ina ganin yau sahara zasu tawo da wakilar su."

            Haka suka shiga tattaunawa da yadda abin zai tafi yadda ya dace.
---
Tunda na shiga dakin mahaifiyar Fudail,nake murmushi sabida dattijuwar tana da kirki da addini, tana yawan ganin yadda Nimrah ta takure guri guda, ni da Izmah kuwa hiran mu tayi da ita. shigowar Fudail ya kura mata ido, sunkuyar da kai tayi tana murmushi, murmushi mahaifiyar shi tayi tare da cewa.
"Fudail itace Nimrah ko?"  Kunyar Maman shi ce a kama shi yace min.
"Ikram Sultan Mehran yana farfajiya."

      Fuskar damuwa nayi sannan na mike tare da yafa alkyabar ta, ina fita ha hango shi hannun shi cikin aljuhun wando shi, ya jingina da bishiya, tare da juya min baya. Tausayi ya bani a karo na farko bayan na dawo da niyyar sai na kashe shi. A hankali na taki bayan shi, na tsaya.
"Amincin Allah ya tabbata a gare ka"
"Kema haka ya tabbatar a gare mu baki daya, sarauniyar yan taurin kai, wallahi Ikram ina tausaya miki ranar da zaki shiga hannuna, Kinga kwana biyu ban saka ki kuka ba ko? Shine kike min yadda kika so? Sama kin bani hakuri zaki bar cikin Harami ne? Me yasa kike son nunawa duniya baki da daraja ne?"

   D'ago kai nayi sannan nace mishi.
"Na sani mana, taya zan kai kaina cikin dangina nace musu nima daya ce daga cikin su? A'a kawai dai na zab'i muradun zuci ne nayi nisan da zasu nime ni ban sha'awa ace na kai kaina suyi tsammanin nazo yaudarar su ce!"

Ta fadi haka a matukar sanyayye, rike hannun ta yayi cikin nashi yana kallon yadda take sunkuya da kai kasa,
"Kina da hankali amma ba me yawwa ba, domin haukarki tafi yawa" murmushi nayi, bance mishi kome ba. Kuma ai bani da abinda zan ce, kawai dai na cigaba da zama kafada da kafada da shi, duk da hiran ta kurame ce amma kuma yana matukar muhimmanci.
"Ashe kin iya fada haka ranar da nazo ma zata zan samu an yi gunduwa gunduwa da yar kwailata sai naga ashe kwaila jaruma ce har ta iya salon Mehran?"
Kallon mamaki nayi mishi domin mutum ne da baida yawan magana, amma yadda yake surutun sai abin yazo min  wani sabon a gurina.
"Ki daina irin wannan dabi'ar mazan, ke mace ce bana son ki gaji mahaifanki. Sultanah nake so ki zama ba wata bardiya ba."

       "Kana sona ne?" Na tsinci bakina da tambayar shi, kallon juna muke tare da kasa furta kome, "kiyi hakuri! Ban tab'a sonki ba, kawai ina bukatar kine a rayuwata, kuma nasan kema kina bukata na a rayuwar ki!"

          Sunkuyar da kai nayi ban kuma cewa kome ba, kawai dai nasan nayi kuskuren tambayar shi, amma kuma me yasa kowa yake ganin kamar yana sona ne! Bayan shi ba sona yake ba, kawai ra'ayina yake.
"Ki daina abubuwa dayawa ki zama mace sosai, na bawa Fudail sako yabawa Umman shi zata miki bayani," juya fuskana yayi tare da hura min iskar bakin shi yana me kallon kwayar idanu na, d'ago kai nayi tare son zan mishi magana, ya zira min harshen shi cikin bakina, zaro idanu nayi cikin wani irin tsoro da shaƙar shi. Iska ta hancina hannun shi yakai keya na, ban san lokacin da na cusa hannuna cikin rigar shi ba, tare da shigewa jikin shi.  Ban tab'a jin yanayin da nake ji ba, mun jima a haka kafin na janye jikina daga cikin nashi, riko hannuna yayi tare da cewa.
"Don Allah ki tuna da wannan gobe karki bani kunya,!" A hankali ya mike tare da mikar dani, hannun shi ya kai k'uguna.

     "Ina bukatar ki daina wannan dabi'ar mazan ki koma mace, duk cikin su kin fisu yarinta, so nake ki zama yarinya kamar yadda nake so."

     Kallon shi nayi tare da jin tausayin shi, sam bana jin dadin kusancinsa dani, an haka dai na daure muka shiga cikin gidan, har cikin gidan, nan aka kuma buɗe sabon hira, duk idanun shi yana kai na, tare da kasa cewa kome. A hankali muke satar kallon juna, sabida yadda muke da d'an tazara a tsakanin mu, murmushi nayi sannan na kalle shi, shima murmushi yayi tare da kallon na, yana min magana da idanu. Girgiza kai yayi tare da nuna min Izmah, lumshe idanuna nayi tare da gyada mishi kai.
 
        A hankali muke tare da kallon Izmah da take kallon mu, mik'ewa yayi tare da kallon Umma yace..
"Zamu tafi umma!"
"Toh mun gode Sultan Mehran!" Murmushi tayi sannan ta bishi da addu'a, haka ya fita tare da kallon inda nake, dauke kai nayi tare da cewa.
"Allah ya kai mu lafiya"
Haka suka tafi,ina jin a raina  tausayin shi yana rinyana, sunkuyar da kai nayi, wato tunda suka fita yaja tunga ya tsaya, duk ya rasa me zai ce, can kuwa yacewa Fudail.
"Hmm, baka yi mantuwan ba?"
Dake shima ya harbo jirgin shi, sai yace mishi.
"Ban manta kome ba, sai dai ko kai?"
"Hmm! Ina jin kam nayi mantuwa a cikin gidan."
"Toh na kira maka Ikram sai ka saka ta ta dauko maka abin."
"Hmm! Manta kawai mu tafi dare yayi" haka suka  suka bar gidan babu wani armashi a fuskarshi.

        ----
Tunda suka tafi muke hira da Umma take min bayanin abubuwan da zanyi amfani dashi a cikin daren zuwa gobe da safe, sai kuma yadda take buƙatar nayi wasu abubuwan, kama daga tafiya na, kasa magana nayi ina kallon ta, har ta gama.

   ~~~
Da asuba su Abrad suka iso, garin SAMAIND ta jirgin ruwa, babban masauki aka tanadar musu, sannan suka kwanta Huce gajiyar su. Amma Allah ya gani baya ta matar shi,.Ikram ce yake bukata a lokacin. Dan haka ya kwanta da mafarkai akanta, washi gari suka shirya tsaf sannan aka ɗauki Azizatul Nissah aka tafi da ita su kuma suka take mata baya,

   A hankali ya'yan shuwagabannin yankunan da suka yi ta wucewa, wurin hatsi Sakeenatu binti Abu Waqqas ta iso, itama ta wuce sannan. Nima banyi tsammanin zan sami tawaga ba, aka turo na fito.  Haka na fita sanye da wata rigar da aka kawo mintin daga Masarautan Sahara, tare da shigar alfarma wanda idan ka ganin zaka Fahimci lallai tabbas na fito daga babban masarautan,haka muka nufi cikin masarautan.

   ***
Cikin shigar alfarma yake kallon yan matan da suke zuwa, har ya cire rai da zata shigo, domin ya kalli Fudail ya kai sau bakwai, kafin aka sanar cewa ga Amirah Bilqisul Ikram daga Masarautan Sahara.

    Yadda aka kawo ni tare da fitowa na, Yasaka zukatar mutane dayawa ya girgiza, dan haka na sunkuyar da kaina, tare da nufar inda aka ajiye mana kujerun mu,  su Izmah da Nimra suna kallona, Idanun Abrad kuwa ya kur akan Ikram, yarinyar ta kuma girma da kyau, sai wani sheki take, ga wani shegen annurin da take fitarwa, a gurin dai ta zame mishi fitilar shi.

            Haka yayi ta kallonta tare da jin cewa tabbas ya mallake ta, kowa kuwa haka zai kuma tinzira zuciyar su ga yaki ne sai ya amshi abin shi, dan haka ya sauke ajiyar zuciya, tare da yarda da cewa, dole ya kawo karshen Labarin. Domin koda taci kome bazata zama matar sarki ba sai Kanwar shi.

    A ɓangaren Mehran kuwa hankalin shi a tare yake.
A ranshi kuwa tambayar kanshi yake.
_Wani irin Girma kike dashi ne a zuciyata Ikram?_

Ya kasa samun amsar domin kuwa, ya gama lallubar kome....
*Ana dara ga dare yayi.....*
[5/19, 4:13 PM] Addah Ramla💃🏼: *200₦ ta bank GTBNK Ramlat Abdulrahman 0472282105 ki katin mtn 300 ta wannan Number +2347035133148 Zahrah Adda Ramlat ko ta wannan Number 08130269641..* Mai_Dambu...

_Wannan littafin na kuɗi ne! Idan baka siya ba, karka karanta! Idan ka karanta kuma ka fadi ALKHAIRI ko kayi shiru Allah ya jikan Iyayena_

34
MEROCCO

Da sauri wani Bafade ya shigo tare da zuɓewa a gaban Sultan Mu'allim, tare da sadda da kanshi, jikin shi yana rawa.
"Huzaif lafiya?" Amir Sulaiman ya tambaye shi,
"Allah ya taimaki Sultan, An sami inda Ikram take."

Jikin Rahil na rawa ya taso kamar zai fada kan Huzaif yace mishi.
"A ina? Tana ina ne? Waye ya bada labarin ganinta? Ina yaƙe?"
Yayi tambayar jikin shi yana rawa,
"Tana SAMAIND!" Ya faɗa a sanyayye, kallon kallo aka shiga yi da dattawan fadan, bakin shi na rawa yace mishi.
"Me ta jeyi a can?"

"Ta shiga cikin zab'en matan sarki da..." Wani irin duhu ya gani tare da jin faduwar gaba, kaman zai zube kasa, haka ya kasance dashi. Idanun shi da suke cike da kwalla, yake lumshe su. Rike shi aka yi tare da shafa kanshi. Amir Sulaiman yake yana kallon shi.

   Tausayin Amir Rahil suke gabaki daya ya sussuce musu.
"Nifa kawai ku tashi muje, kar mukara dan wallahi ba zan barwa kowa ita ba. Don Allah ku tashi mu tafi."  Haka suka wuce dashi cikin gidan, nan suka shiga tattaunawa daga nan suka ajiye maganar yadda zasu tinkari SAMAIND ba tare da sun sami matsala ba.

        Duk da sun so ba zasu tafi da Amir Rahil ba, amma suka hakura domin matukar suka ce ba zasu tafi da shi ba, zasu iya samun labarin ya mutu. A yanzu ma ya aka kare dashi. Dan haka zasu tafi dashi. Sai dai sun san ba tafiyar yau bane dole su hakura sai gobe.

   A ranar aka kuma tura wani bafade har askandariya. Domin kuwa idan ba haka ba babu wanda zai kaiwa Sultanah Amrah labarin.

   ~~~
SAMAIND.

Shiru gurin taron yayi kafin Fudail ya fara musu bayani kamar yadda ake yi, tare da nuna musu inda kayan abincin yake zasu diba. Sannan aka saka musu lokacin da zasu fara aikin.  Haka kowa yaje ya dauki nashi cikin ladabi. Sai dai yaran shuwagabannin yankunan ne basu da dad'i.

       Domin magana suke gaya min, dan haka ban damu ba. Na nufi inda zan dauki nawa kayan aikin ne na samu sun kwashe kome. Juyawa nayi tare da kallon su, sannan na tafi na dauki ruwan da duka bari,  haka na dauka tare da dawowa na rufe shi. Sai dariya suke min tare da kallona, ban damu ba ban kuma ji a raina zan fadi ba.

Fitowar Sultanah ya saka mutane dayawa mik'ewa cikin tashin hankali da dimuwa, cikin su har da Amir Hood, tare da Sultanah Hoyam. Zama tayi a inda Fudail ya ajiye mata kujeran domin kallon yadda ake gabatar da abubuwan. Awa daya ya wuce sannan aka kuma samun awa biyu yazo.

A lokacin kowa ya fara alaman ya gama abincin, ina kallon su.

      Mik'ewa suka yi nima haka, sannan Fudail yazo ya fara kwashe abincin yana kaiwa ana jerawa, tare da saka tambarin gidajen su. Da aka zo kaina suka dauki ruwan,.
"Me yasa haka?"
"Bani da zab'i."
"Baki tunanin zaki fadi!" Murmushi nayi mishi sannan nace.
" Allah zai tsaya min,Nasara a jini na take." Na fada mishi.
Juyawa yayi gurin sauran ya musu magana sannan ya wuce.

    An fara gabatar da abincin da kuma tambayar kowa yadda suka hada, babu laifi wannan karon sunyi bazata, domin idan kaci abincin wannan ,.ka kuma cin na wannan sai kaji na wannan yafi na wancan. Haka ayi ta jingina musu musamman iyayen su. Ruwa ka gabatar mishi , kallona yayi cikin tuhuma.
Sunkuyar da kai nayi, sabida yadda ake dariya daga manyan gurin har zuwa yaran su, sai Sultanah Fazilatul nisa ce ta kalle ni, Fudail yace min.
"Ikram muna jin hujjar ki na kawo ruwa a madadin abinci."

Mikewa nayi  tare da rike hannuna, sannan nace Mishi.
"Mulki ba iya abinci yake bukata ba ga talakawa, suna bukatar tsaro da kula da hakkokin su, sannan dole duk wacce zata kasance matar sarki ta kasance me tunanin rayuwar al'umma, babu wanda zai fito daga sahara ka dauki abinci ka bashi, sannan kayi tunanin zai yi rayuwa cikin nutsuwa.

   Ruwa yake bukata, kana bashi ruwa tamkar ka warware mishi duk wani abinda ya dauko ne daga can.
Sannan muhimmanci ruwa Yasaka ake mishi kirarin ruwa abokin aiki, duk  abinda zaka yi dole sai ka bukaci ruwa a cikin shi. Hatta masana kiwon lafiya su tabbatar da cewa. Kaso mafi yawa a jikin mutum ruwa ne, sai jini dan adam ba zai