You Cannot Download this book untill you login but you can read it .

---

Login Register

daidai lokacin da Mehran ya bude kofar dakin kenan.. shi kuma ya fisgoni na fada kanshi. Ya kuma yi amfani da karfin ya juyar dani akan idanun Mehran.

         Juyawa yayi tare da barin kofar d'akin, ina mik'ewa na kai mishi duka a gaban shi dai da ya suma..sannan na fita na damu yana tafi ko dokin shi yaki dauka haka Fudail shima ya kasa hawa kan dokin Nawwas yana bin shi tare da mishi magana. Amma bai kula shi ba. Da sauri na sha gaban shi.
"Aamaan ka saurarre Ni, wallahi yadda kake tsammani ba haka bane."
Dariya ya saka wanda tunda nake dashi ban tab'a ganin shi yana dariya ba, sai murmushi. Sosai yake dariya har da dafe bishiya.
"Aamaan don Allah ka saurarre ni, wallahi nayi kuskuren zuwa amma kayi alakari da abinda ya baro ya kawo ni gurin shi."

    Kura min ido yayi sannan yace min.
"Kiyi yadda kike so! Gashi nan nan da sati daya zaki koma inda ake bukatar ki."
"Mehran me yasa kake son tilasta zuciyarka ganin laifin da ba nawa ba?"
"Akan me ba Zanga laifin ballagaza karuwa makashiya, sha-sha-sha me kwanciya da mijin Kanwar mahaifiyarta? Akan me zan yiwa kaina adalci bayan ta sani kawo datti cikin masarautan da babu dad'i a cikin shi. Ke kazama ce. Wallahi da iya auren Numan kika yi zan yarda na zauna dake akan kwanciya da wancan kazamin, zaki iya tafiya. Amma karki yarda ki bar min kome da yafito daga hannunki."

      Ban tab'a ganin abinda ya sani kuka har na kasa hawaye ba, sai kalaman Mehran, yayi min zafi da ciwo. Ina kallon shi ya bar ni a gurin kuka nake sosai. Kamar raina zai bar jikina Mehran ya min mugun zato. Haka suka tafi Nawwas kadai ya zauna a kusadani yayi ta bani hakurin. Karshe haka na mike tare da barin gurin.

       ***
Tunda na shiga cikin gidan ban kuma sha'awan fita ko kofar gidan ba, sai da naji labarin ana bikin maidawa Mehran kujeran shi, ban ko leko ba Kwarkwarorin shi suka yi ta bidiri, a lokacin Fazilatul nisa ta Fahimci akwai tashin hankalin a tsakanin mu,  ta same shi ayi magana yaki bata lokacin shi sai uzirin da yayi ta kawo mata, ni kuma na kasa cewa kome.

     Ranar da akayi bikin da yamma Baƙi daga Merocco da Askandariya suka zo. Kukan da nake sabida farin ciki ya kasa misaltawa.
Tunda suka shiga falon shi.  Yake juye- juye, yana niman ta inda zata fito.  Cikin shigar alfarma nayi sallama a katon falon shi. Suna zaune.

Da sauri ya mike tare da nufar inda nake yana faɗin.
"Salsabilah na." Rungume ni yayi tare da sauke ajiyar zuciya. Kuka ne ya kwace min tare da kai hannuna na rungume shi..ina kuka sosai.

    "Kiyi hakuri, gani nan nazo gare ki babu wanda zai kuma saka ki kuka kinji.". Jinjina mishi kai nayi tare da rike rigar shi.  Kokarin danne tashin hankalin da yake ciki yake amma tabbas da ace mutanen gurin zasu Fahimci halin da yake ciki da su da kansu zasu bukaci Amir Rahil ya sake Ikram dan ji yake kamar kirjin shi zai fashe da tashin hankali.

      Zafin da yake ji ya hana shi sakat, dan haka ya dauki ruwa ya shanye tass, sannan ya dauke kanshi daga gare su. Janye jikin nayi tare da kallon yan uwa da dangin mu, zama nayi a kusa da sultanah Amrah,. Wacce kamar ta daya da Ummyn mu, zama nayi ina me jin kuka yazo min tunda na kifa kaina a kafad'arta nake kuka, domin nayi imani da Allah idan na tafi ba zan kuma dawowa SAMAIND ba. 
"Ya isa haka?" Ta faɗa min a sanyayye, Wazir din Merocco ne ya fara bayani a hankali tare da girmama juna, sannan ya kuma faɗa mana makasudin zuwan su.

   "Alhamdulillahi mun gode Sultan Mehran, gashi zamu dauke maka ita, sannan muna me baka hakuri abisa abinda zamu gaya maka. Mun yiwa Ikram Miji Amir Rahil. Wanda shine Sarkin mu na gaba, dan haka zaka yi hakuri da yadda muka zo a makare."

A razane na d'ago kai na, ina kallon Rahil da yake ta zabga min murmushi. Sannan na maida kai na, ga Mehran wanda ko a jikin shi babu abinda ya dame shi.

   Cikin dakewa ya kalli inda nake amma kuma zuciyar shi sai girgiza take, sannan ya fesar da iskar bakin shi kafin tace musu.
"Babu damuwa! Allah ya bata zaman lafiya..Insha Allah nima zan so zuwa bikin"

Kura mishi ido nayi hawaye na zuba daga cikin idanuna. Ina kuma kallon shi. Dani zai yi Yakana??? A kaina zai saukar da YAKANA?? Wato sabida rashin adalci ya gwammace ya hakura da aurena saboda na tab'a mu'amalantar wani da namiji, rike hannun na, Sultanah Amratu tayi tare da cewa.
"A duk lokacin da muka ga hawaye a kan idanun jama'ar muna da yakinin suna cutuwa ne da mulkin mu. Amma idan aka wayi gari munga wahale akan sarauniyar mu, tabbas muna da yakinin abu biyu ya sata kuka. Farin ciki da bakin ciki,. imma soyayya mara iyaka,.indai akwai daya cikin biyun da nayi magana akai toh wajibi ne Ikram tayi hakuri tare da YAKANA!"

   Yadda take maganar babu wanda zai fahimci magana take sabida yadda take yi a sanyayye, share kwalla nayi sannan.. na sake mata murmushi, kafin muka nufi cikin gidan. Muka shiga hada kayana,. Ita kuma Sultanah Amrah ta nufi Shashin Sultanah Fazilatul nisa, anan suka shiga hira, mazan kuma aka kai su masaukin su.

Banda Rahil da yace babu inda zai je, ina zaune ya turo naje. Tunda na isa gurin a bakin wani tafkin da agwagi suke wanka, muna zauna dashi.
"Tun bayan tafiyar ki nayi ta jinya."
"Toh Sannun;"
Rau-rau yayi da fuska, kamar zai fasa ihu.
"Na zata zaki tambaye ni akan me nayi jinyar?"
"Toh kayi hakuri, ?gaya min akan me kayi jinyar."

     Dariya yayi sannan yace min.
"Akan sonki mana" kallon shi nayi domin banyi mamaki ba, amma kuma ni bana jin wannan yanayin a tare dashi, ji nayi kamar ana kallon mu na juya. A hankali, sake labulen tagar shi yayi. Nima a sanyayye nake kallon ruwan gabana. Ina me jin zafi da ciwon abinda ya faru.

---
Kallon  yake tun da suka fito yake kallon su, bai tab'a ganin mutanen da suka dace da juna kamar Rahil da Ikram, a hankali ya sauke ajiyar zuciya bayan ta juyo tana kallon shi, sake labulen yayi.sannan ya kalli Fudail ya ya jima da shigowa.

"Me yasa kayi shiru ba tare da ka gaya musu yadda kake kaunar ta ba? Me yasa ka xabi'a YAKANA akan kaunar da kake mata? Wannan babu adalci.".
"Ya isa haka. Karka manta na ce maka na rabu da ita, na rabu da ita har karshen rayuwata, dan haka karka kuma kawo min batun wata Ikram." Ya dakawa Fudail tsawa, ka rabu da ita kake leken ta? Ka rabu da ita ka gaza rike hawayen Soyayya! Dubi Cikin idanunka zaka Fahimci itace muradinka don Allah karka kashe abinda ba zaka iya raya shi ba. Zaka iya kashe so amma raya shi nada matukar wahala, don Allah karka rabu da ita, ka koma ka gaya musu ita ce zab'inka zasu Fahimce ka."

Kamar ya daki Fudail yake ta huci, shi dai bai fasa ba kuma bai daina gaya mishi gaskiya ba, har dai da ya kore shi daga dakin sannan yace mishi.
"Kaje ka aure ta, na yafe maka ita."
Dariya Fudail yayi sannan yace mishi.
"Tun duniya na kwance naso aurenta Allah bai nufa ba dai yanzun da nasan tana cikin zuciyar Mehran. Kawai kayi wani abu a gyarota."

   "Ba zanyi ba! Ba zan iya ba. Ba zan tab'a yarda na zubda kimata ba dan haka ka barta ta tafi. Ni dai na yafe Ikram har karshen rayuwata.
  Ta zalunci rayuwa ta, ta lalata min rayuwa,tayi nasarar jefani ....
[5/19, 4:13 PM] Addah Ramla💃🏼: *200₦ ta bank GTBNK Ramlat Abdulrahman 0472282105 ki katin mtn 300 ta wannan Number +2347035133148 Zahrah Adda Ramlat ko ta wannan Number 08130269641..* Mai_Dambu...

_Wannan littafin na kuɗi ne! Idan baka siya ba, karka karanta! Idan ka karanta kuma ka fadi ALKHAIRI ko kayi shiru Allah ya jikan Iyayena_

37

"Wani irin rayuwa ta lalata maka? Wannan ni banga wani laifin da kake danganta da shi ba, sabida ai a baiwa tazo masarautan nan, kai kana da tabbacin." Kasa fadar abinda yake son ya faɗa yayi tare da kallon Mehran dan yasan maganar ya yi mishi girma.

"Ba budurcin ta nakewa hidima ba, itace nakewa hidima. Idan har zan iya hakura da shugabanci na, domin laifinta an kansa bata da abinda zan iya samun a gare ta fansan abinda na rasa, kawai na hakura da ita ne." Ya faɗa a sanyayye. Sannan ya juya, yabar gurin baki daya.

   ~~~
"Sultanah ga koshi ga kwanan yunwa, domin kuwa nasan Ikram na barin SAMAIND Za'a daurawa Sultan Mehran Jasrah abinda ake gudu zai faru." Inji Narjis.

Cikin dakewa tare da ɓoye tashin hankalin ta, ta sake murmushi sannan tace mata.
"Allah yana tare da Mehran, shi yasa koda an ɓullo mishi ta wani gurin ,zai kauce ta wani gurin. Ita kuma Jasrah karki damu da ita." Ta faɗi haka tare da ɗauke kanta.

    Wato kuka take son yi, amma bata son Narjis da Shairah su karaya,. Balle shima Uban garin yaji labarin. Kasa dannewa tayi ta mike zuwa ban daki ta zauna tare da fashewa da kuka. Kuka irin me tab'a zuciya da ruhi, kuka take tare da jin ina wannan ranar bata zo ba,.me yasa Ƙaddarar su take da zafi ne haka? Ga baki daya bata da inda zata kama tace gashi shine mafita a gare ta.

  Tana ji tana gani zata kuma rasa  Ikram, a hankali ta wanke fuskarta tare da fitowa d'akinta, ta same su. Suma kuka suke, cikin juriya ta zauna tana kallon su.
"Idan Allah ya baka lafiya sai kai ta jin dadi da farin ciki, idan kuma ya baka Arziki baka da kwanciyar hankali, idan ya baka mulki kai da farin ciki har abada.

      Gashi ya bashi kome amma ya hana shi farin cikin rayuwar shi, soyayyar da yake riritawa itama ta subuce mishi. Mulkin da yake kai ya rasa, dukiyar da yake da ita bata amfane shi da kome ba, sai tarin tashin hankalin da damuwa. Ita da nake ganin itace kwarin gwiwar shi ashe ba haka bane.." ta karshe maganar cikin rawan murya alamar zata yi kuka. Duk wanda yake dakin sai da ya zubda kwalla. Dan haka suka zube gwiwar su a kasa suna kuka.

       Murmushin tausayin MEHRAN tayi sannan ta juya tare da cewa.
"Ku kira min Ikram"
Da sauri Narjis ta fita.
...“Mace idan ta isa mace ta zauna a daularta ba sai ta biyo namiji ba, amma ayi mace mara daraja da kima, don Allah ku hada kaya ku koma can."

   Kallon Yesmin nayi sannan na sake murmushi kafin nace mata.
"Zan bar muku Aamaan Abdus Samad Mehran na biyu, zan tafi na barshi kamar yadda nazo na same shi." Dariya ne ya kwace min sannan na cigaba da cewa.
"Idan na tafi kunyi ban kwana da farin ciki, kun daina ganin dariyar shi da murmushin sa. Kuma ai dama ba ma'abocin yi bane dan haka sai kinyi danasanin mara amfani."

    Shigowar Narjis ya sani kallonta, kafin na juya zan tafi tace min.
"Amirah Ikram!" Juyawa nayi tare da amsa mata.
"Sultanah tana mahaifiyar Sultan Aamaan Mehran, tana son ganawa dake. Sirikae mafi soyuwa a zuciyar Sultanah Fazilatul nisa"

   .kallon Jasrah nayi sannan na juya kai na, kafin nace musu.
"Mulki ya haife ni, amma yadda nake jin shi ko kuda aka haifa cikin masarauta ba zaku nuna min mulki ba.  Uwar Mehran! Mahaifiyar Aamaan Mehran take don ganawa dani. Daga mahaifiyar shi sai ni kaf daular nan babu wanda ya isa  ya kira shi da Mehran! Dan haka kadangarun bariki bani da lokacin da zan b'ata akan shi ina kishi.

  Duk macen da bata had'a zakuna a gabanta suna yaƙi akanta ba. Sunanta lusara jakar mata macen da ta isa da kanta take haɗa zaratan maza! Ko yau Mehran bai isa yace na biyo shi dan soyayyar shi ce, kudirina ya kawo ni gare shi bayan haka bani da wani abin da zan ce nazo daukar daga gare shi."

Ina gama gaya musu haka, na fita tare da barin su a gurin suna mamaki na, nauyin da yake raina na sauke tare da jin nutsuwa a raina, sannan na Barsu da kallona. Har muka b'ace.
"Ne yarinyar nan take nufi? Wato duk cikin mu babu wacce zata iya kiran shi da Mehran."

    Inji Sawda,
"Ga alamu nan, dukda nasan na tab'a haduwa dashi amma ban sami zarrar kiran shi da Mehran ko Aamaan ba, amma kiga ita yadda take kiran sunan shi gaskiya Sultan Mehran ya bata dama dayawa." Inji Yasmin.

    Jasrah bata ce musu kome ba, amma kuma a hankali take fuskarta abinda suke tattaunawa, ita dai tasan ko kwanakin da tayi a dakin shi bata iya d'aga kai ta kira sunan shi ba, a iya kwanakin da tayi bata da wani sabon abu da zata iya nunawa nacewa yana tare da ita, domin duk zamanta a dakin babu abinda ya haɗa su. . Sai tausa da bashi ruwa da wasu labarai har ta cika kwanakin babu abinda zata ce gashi ya faru a tsakanin su.

    Shi kuma dan ya tuzira Ikram ya bawa Jasrah damar zama wani abu a jikin shi sannan yace ta iya da bakinta ta nuna cewa kome a tsakanin su ya faru, sannan ya tara mata manyan gwala-gwalai ya sallame ta dashi tare da bata wani babban daki wanda ya kusan kai na Ikram girma. Duk yayi haka ne dan ya tinzira ikram, kuma ya yi nasarar haka, domin kuwa ranar da tafito take farin ciki tare da habaici.

Kasa barci Ikram tayi, kuka kuwa dannewa tayi tayi, a cikin daren sau uku tana zuwa turakar shi yana cewa ace yana aiki ne ta tafi sai ya sami lokaci zai kirata.

    Har yanzun yau da yaki sauraronta, tana jin zafin haka balle kuma da ya kamata da laifin zuwa gidan Abrad. Shi yasa yaji ta bashi haushi baki daya, yaji ya tsane ta baki daya, baya kaunar ganinta koda wasa, amma kuma haka bai hana shi jin tashin hankali da damuwa ba, domin kuwa yana jin ba zai iya hakuri ya rabu da ita ba,.idan ya tuna abinda take aikatawa sai yaji kamar ya cire zuciyar shi ya huta domin kuwa yana zaune kalau ta haɗa mishi tashin hankalin da bai taɓa kawowa a rayuwar shi ba.

    ......
Koda muka isa dakin Sultanah, Narjis ta gaya mata abinda matan suka min.  Murmushi tayi sannan tace mana.
"Ita ikram kallon su tayi bata ce musu kala ba?"
Sunkuyar da kai kasa tayi tare da rike hannunta tace mata.
"A'a ai tana da kaifin basira ta gaya musu abinda ba zasu iya ba koda zasu shekara dubu da Sultan Aamaan Mehran"

   "Hmm!" Tace tare da kallona ta nuna min guri na zauna, shayi ta mika min. Na amsa cikin nutsuwa tare da cewa.
"Nagode!"
Kurb'a tayi tare da kallona. Ina juya kofin a hannuna, nakasa sha. Kallon fuskana tayi tayi. Ganin yadda damuwa da firgici ya cika kanshi tam. Murmushi tayi sannan tace min.
"Baki son komawa gida ne?" Da sauri na d'ago kai tare da kallonta, sannan na maida kaina kan kofin nace mata.
"Ina son komawa!" Shiru nayi nakasa koda furta kalama daya ne.
"Gaya min meke faruwa?"ta kuma tambayana,
"Laifi na mishi wanda har ta kai ya tsane ni a duniyar shi!" Na faɗi haka ina jin kamar na fashe da kuka.
"Kina son shi ne?"
Da wani irin sauri na d'ago kaina, girgiza mata kai nayi sannan nace mata.
"Kallon Ɗan uwana nake mishi ban tab'a jin son shi ko kaunar shi a rai na ba."
Na fadi haka kamar zanyi kuka.
"Wato keda shi kuna kokarin kashe junar ku, wannan lafazin zai iya tab'a darajar ku keda shi. Amma babu damuwa, Allah yasa hakan itace mafi alkhairi. Amma ki sani zamu yi kewar ki ni da sauran mutanen cikin gidan nan!"

   A hankali na mike tare da mata godiya sannan na fice daga dakin.  A hanyar d'akinta muna hadu ni zan fita shi kuma zai shigo. Kallon juna muke tare da kasa furtawa juna koda da kalmar sannun ce, karshe sai gashi mun tsincin kan mu da kasa bawa juna hanya idan ya kuma gefe nima zan koma gefe,.

.idan ya tsaya zan tsaya karshe ture ni yayi gefe ya shige abin shi ina kallon shi. Wannan wacce irin rayuwa ce haka? Meye nayiwa Mehran da ba zai yafe min ba yake bani wahala har haka? Zan tafi zan yi nesa dashi yadda zai gane bani da laifin da yake zargina, amma tabbas Mehran ya zalince ni sosai. Babu kome Allah zai bayyana gaskiya koda bana tare dashi. Duk tsawon lokacin da na dauka, da fansar da nace zan dauka na ƙasa daukar haka sabida Mehran yau gashi sabida abin da yake da yakinin bai faru ba, ya kirani mazinaciya, karuwa, datti,shara, bolar kowa.

      Share kwalla nayi tare da barin kofar d'akin, na nufi hanyar da zai fitar dani, Fudail muka ci karo.
"Ikram yanzun  ɗan uwanki yake ta niman ki kamar wani karamin Yaro." Murmushi nayi sannan nace mishi.
"Rahil rigima!" Har zan wuce yace min.
"Kiyi hakuri! Kishi yake damun Sultan Mehran, amma kece rayuwar shi."

   Ganin shi muka yi a gaban mu, jikin shi yana kerma.
"Waye kake magana akan shi? Ni Allah yayi min tsari indai ni ne, wannan itace rayuwata? Kishinta nake?" Riko hannuna ya yi tare da jana zai kai ni cikin Kwarkwarorin shi ya tozartani. Sai ji nayi an rike hannuna, tare da fisgo ni. Dukkan mu a tunanin mu Fudail ne. Amma abinda mamaki Amir Rahil ne.

     Cikin b'acin rai,.wanda tunda nake ban tab'a ganin shi ita ba. Fuskar shi har wani jajja jjaa tayi. Ya karasa takowa gaban Mehran ya. ya janyo ne jikin shi tare da sakala hannun sa a kafadana, yana kallon Mehran.

       "Ba zaka wulakantatta ba, matukar ina raye. Muje Salsabila ke kadara ce me tsada baki yi wannan arahan nan da za a tozartaki ba. Dan haka muje cikin Zuri'ar mu kiga yadda ake kaunarki.  Mulki yake yawo a jininka shi yake yawo a jininta. Ya zaka ji idan na gaya maka ita kanta Sultanah ce a kasar Masar!

       Ya zamani idan mace maka ita Sultanah ce a Merocco. Dan haka karka tozarta ta, domin zan iya sare hannunka." Ya faɗa mishi yana kallon cikin idanun sa, juyawa muka yi tare da fita daga gidan baki daya. Kukan da nake rikewa ne yazo min, sosai nayi tare da kifa kai na a kirjin shi.
Har muka isa masaukin su, anan ya ajiye Ni a dakin shi, yayi ta min hira tare da bani labarin abinda zai sani da dariya. Nayi kokarin koran b'acin rai da damuwa, akan fuskana amma a zuciyata kawai ina jin babu dadi. Dan haka nayi ta biye mishi muna ta hira har ya ga nasake ina dariya.

    Tausayi ya bani sabida yadda yake nuna min so ba karya bane, kaunar da yake min yana shimfiɗe akan fuskar shi. Dan haka yake kokarin sai ya sani dariya kota halin k'ak'a.

  ~~~
Har suka bar gidan yana tsaye kamar gumki, idanun shi jajjur.  Dan ji yaƙe kamar an tafi mishi da zuciyar shi, niman faduwa yake. Fudail ya rike shi. Kallon shi yayi sannan yace mishi.
"Sultan MEHRAN! Kayi kuskure babba. Duk abinda za a gaya maka akan Ikram bai dace ka dauka ba, sannan itama kanta taje taji meye ya faru har ka tsane ta haka.

      Mehran ko yanzun haka Nawwas yana jiranka zai maka bayanin abinda ya faru, amma ka sani sai ka cire wannan tsanar da kake mata, tare da fahimtar wacece ita. Sai ka haɗa abinda ya gaya maka da mahaunin hankali matukar kace ba zaka yi haka ba, tabbas yanzun ka fara nadama, domin zaka yi ta kuka har karshen rayuwar ka......
[5/19, 4:13 PM] Addah Ramla💃🏼: *200₦ ta bank GTBNK Ramlat Abdulrahman 0472282105 ki katin mtn 300 ta wannan Number +2347035133148 Zahrah Adda Ramlat ko ta wannan Number 08130269641..* Mai_Dambu...

_Wannan littafin na kuɗi ne! Idan baka siya ba, karka karanta! Idan ka karanta kuma ka fadi ALKHAIRI ko kayi shiru Allah ya jikan Iyayena_

38

Kallon Fudail yayi cikin damuwa, amma kuma idan ka kalli yadda ya ɓoye haka zaka iya rantsewa har da Allah babu kome a ranshi, Mehran yana cikin mutanen da Allah yayi musu baiwar ɓoye damuwar su, zai yi wuya ka zauna dasu su ka gane  akwai damuwa a tare dasu  dan yana da irin zurfin cikin nan ne wanda idan ba shi yayi magana ba ba, ba zaka yi yarda ba.

    Sannan yana iya ɓoye abin a ranshi ba tare da ya gayawa kowa ba, yayi ta cin shi ba tare da kowa ya fahimci haka. Ko Fudail yana saurin d'ago shi ne ta hanyar tsananta binciken motsin shi. Wannan d'anyen halin  nashi ba karamin damun Sultanah FAZILATUL gani take kamar da gayya yake k'in faɗa mata, ita bata damu da kanta ba, koda wani zai iya gaya mishi. Amma fir yaki nuna damuwar shi sai dai ya rufe kanshi a daki yayi ta zaman kunci.

   Duk lokacin da ya shiga wannan yanayin, kowa yana shiga damuwa. Shi yasa basu son Ikram tayi nesa da shi. Kuma da alamu haka ce zata faru, tunda ya kasa furta kalmomin da ya dace, gashi nan danginta zasu tafi da ita.

   Juyawa yayi yana kallon waje. Kalmomin Abrad ne yake yawo a kunnen shi.
_Ko mijin da ta aura ba zai iya cewa shi ya dauke abinda kake hari ba! Ka tambaye ta ni na fara kwanciya da ita! Ni na bude idanun ta. Ni na nuna mata yadda namiji yaƙe_

Rintsa idanun shi yayi tare da jin bakin ciki dama da kullum, ji yaƙe kamar ya cire zuciyar shi ya huta, ga baki daya ya tsani kanshi da Abrad ina ma da yana da damar kashe Abrad tabbas sai ya kashe shi.

      "Sultan!" D'aga mishi hannu yayi tare da cewa.
"Bana son ganin shi."
"Amma wannan kuskure ne kake tafkawa, kana kuskure ne babba. Me yasa ba zaka Fahimci yarinyar nan ba? Me yasa ba zaka gane meke faruwa ba, Idan abinda kake zargi haka ne me yasa ba zaka ajiye shi a wani guri na daban ba, kake kuntatta mata da hanyar da bai dace ba! Gaskiya baka mata adalci ba. Shi kenan Allah yasa haka shine mafi alkhairi ga sakon daga Fada Amir Hood ya baka auren jikar shi. Amma sai nan da wata uku zuwa huɗu. Tunda sun sami labarin Ikram an mata bai ko da Amir Rahil. Allah ya tabbatar da alkhairi."

   Daga haka ya juya tare da barin d'akin, tunda ya fara magana bai juya ba, har sai da ya bar dakin sannan ya juya yana kallon kofar tabbas yana son ganinta. Yana son jin meye ta sauke shi. Yana son ganinta kome dare ba zai ya fita da rana tsaka ba, dole ya fita cikin dare ya isa gare ta.  Amma kuma meye makomar shi. Ajiyar zuciya ya sauke tare da dauke kanshi kasa. Yana shafa kan shi tare da murmushi.

      ~~~
Kasa magana nayi ina kallon yadda Sultanah Amrah take kallon Nimrah, mayar da Nimrah baya nayi. Sannan na tsaya a gaban ta, nace.
"Kiyi hakuri Ummyn, bata da laifi. Kuma nasan ke me adalci ne."
Dakatar da ita tayi ta hanyar d'aga mata Hannun, tare da kura mata ido.
"Ban ce zan mata kome ba, amma ina tsoron abinda Mahaifiyarta tayi mana ne, domin ba lallai bane ta fahimci abinda ta aikata."

  "Insha Allah, Nimrah ba zata aikata kome ba, wallahi ki yarda dani bata da wannan tunanin a ranta ban dai sani ba, amma babu wannan karsashin a ranta."

       Haka nayi ta lallab'a Sultanah  Amrah kafin ta sake jiki, tana kallona daga lokaci zuwa lokaci. Musamman idan ta fahimci na shiga yanayin damuwa,.sai ta ce min.
"Kina son zama da Mehran ne?"
"A'a nafi son zama daku."
"A'a Ikram bamu shiga hakkin ki ba?"
"A'a" nace tare da mik'ewa zan bar dakin domin na tsani hirar da zata kawo min zancen Mehran. Shi yasa bana son zama koda su Izmah