You Cannot Download this book untill you login but you can read it .

---

Login Register

kafin tasa kai ta juya sashenta, sauri sauri ta soma shirin fita....
Nabila da shigowarta kenan ta tadda Aunty Lami a kid’ime na shirin fita...
“Aunty fita ne zakiyi...?” Nabila ta tambaya sanda take zama bisa sofa...

Aunty Lami da gaba d’aya ba’a hayyacinta take ba tace “Eh..eh a’a dama gidan k’anwata Zubaidah zanje yanzu akamin waya akemin bataji dad’i ba...”

Nabila ta tsareta da idanu kana tace “Laa toh Aunty bara naje na fad’iwa Mamy zan maki rakiya...”

Aunty Lami tai saurin d’agowa tana dubanta kana tace “A’a Nabilah kiyi zamanki kawai aima ba jimawa zanyi ba...”

Nabilah ta murmusa tace “Allah babu komai Aunty bara na d’auko hijab d’ina....”

Tasa kai zata fice Aunty Lami da k’atutun bak’in ciki ya tokare mata mak’oshi saurin dakatar da Nabilah tai da fad’in “A’a... um aima inaga bazan samu fita yanzu ba don ban sanar da Alhaji ba, ko zuwa gobe idan na sanar mashi sai muje kinji koh....” Ta k’arashe tana kwab’e mayafinta...

Nabilah tai mata k’uri tana karantar ta kana ta murmusa tace “Shikenan Aunty yanda kikace....”

Lami ta sakar mata murmushi wacce iyakanta fatar baki cikin zuciyarta banda tsinewa Nabilah bata komai domin kaw ta b’ata mata plan d’inta...

***

A parlorn sashensu ya tadda Shamsu na kallon tashan ball as usual, shi kad’ai sai sakin murmushi yake zuciyarsa na masa wani irin sanyi....
Shamsu ya bishi da kallo cikeda mamaki sanin cewa k’unsheda tarin damuwa da bak’in ciki ya dawo garin, amma gashi daga d’an fitarshi ya dawo yalwace da fari’a....
Shamsu ya gyara zama had’ida ‘yar gyaran murya yace “Abokina wannan murmushin fah...?”

Sameer ya kuma murmusawa yana mai zama cikin kujera ya dubi Shamsu kana yace “You know Friend.... I feel we’re connected somehow... Like something very strong connects us... I don’t know, but deep down inaji wani babban al’amari ya had’amu....”

Shamsu gyara zama sosai yana dubansa kana yace “Wa kenan...?”

Sameer yace “Alhaji Usman Mailafiya da iyalinsa....”

K’uri Shamsu ya mashi kana yace “Wane irin connection kake tunanin zai iya kasancewa tsakaninku besides babu abinda ya had’aka da garin Kano....”

Sameer ya sauk’e nannauyan ajiyan zuciya kana yace “I don’t know how... But I can feel it....”

Jinjina kai Shamsu yai yana nazarin abin kana yace “By the way... You’ve a guest... A very special one...”

Sameer ya d’an kaikaito yana masa duba mai nuna alamun tambaya “Guest... Wa kenan...?”

“Your wife of course...”

Take annurin fuskarsa ya d’auke...



SameenaAleeyou 📚
*INDA RAI*
_...............DA RABO_


*34*



*©Sameena Aleeyou...✍🏽*




Hafiz ya shiga mutsuka idanunsa da duka hannayensa biyu yana mai kai duba wajen da ya tabbata nan ya aje babur d’insa, lokaci guda yake ci gaba da sauraren muryan mutanen suna fad’in “Wllhi d’an banza ya arce da babur d’in babu irin binshi da gudu da bamuyi ba amma yayi nasaran arcewa da ita... Waima babur d’in waye...?”

Hafiz bai iya amsawa ba sai silalewa da yayi a wajen had’ida dafe hannuwa biyu aka yana furta innalillahi, hankalin mutane ya dawo gareshi sukayo kanshi sunai jajanta mashi abinda ya faru...

***

Ko wacce ta rik’e ‘ya’yan calbi d’aid’ai a hannunta suna jiran cewar Malam dake faman zanen k’asa yana motsa baki a hankali...
Bayan wasu ‘yan lokuta Malam ya amshi cazbahan dake hannayensu dai dai yanda suka rik’e....
Duba ya shiga binsu dashi d’aya bayan d’aya kana yai gyaran murya yace “Abune da kamar wuya....”

Suka kalli juna su duka biyun kana suka maida dubansu ga Malam...
Hajiya Haule ta gyara zama sosai kana tace “Malam ban fahimceka ba, kaman yaya abune mai kamar wuya, b’atar da Ma’aruf a karo na biyu kake nufi ko kuwa salwantar da rayuwarsa....? Kai mana bayani yanda zamu fahimta...”
Ta k’arashe k’irjinta na tsananin bugu...

Dubansu yaci gaba dayi kana ya kuma gyaran murya yace “Abinda nake nufi duka biyu abune mai matuk’ar wahala, kasancewar kun riga da kunci galaba shekaru talatin baya zai wuya ku kuma cin galaba akan Ma’aruf, da ace kunyi amfani da damar da kuka samu tuntuni da yanzu kun wuce babin Ma’aruf amma baku kashe shi ba tun wancen lokacin hakan na nunida mai yuwa Allah ya k’addara masa rayuwa mai tsawo nan gaba.... Watak’ila ku kuma tonan asirinku ne yazo shiyasa Ma’aruf ke bibiyan tsakaninku...”

Baikai aya ba Haule ta dakatar dashi da fad’in “Kai dalla can rufe man baki, yo har akwai wanda ya isa yaja damu wllhi k’aryarsa tasha k’arya, kai wannan dama da ganinka baza’ai abin arziki dakai ba, ke Lami tashi mu tafi kinji gidan Malamai da bokaye fad’i garesu har yaushe zamu tsaya wannan shashashan yana d’ura mana ruwa a ciki, yanda mukaci galaba kan Mariya shekaru talatin baya haka zamu sakeci....” Ta k’arashe tana mik’ewa tsaye had’ida mak’ale posa d’inta a hammata, bata daina sababi tana zagin bokan nasu ba cewa baisan komai ba...
Malamin nasu ya murmusa kana yace “Kuje duk yanda zakuje a fad’in duniya saidai a fad’a maku abu guda domin kaw wannan dalili yasa na sanya ko wacce cikinku d’aukan k’waran cazbaha kuma kun d’auka kun d’auki k’addararku da yatsunku don haka ku k’ara gaba kar bala’inku ta shafeni...”

Haba nan fah Haule taci gaba da sababi tana fad’in “K’arya kake mak’aryacin banza da wofi bala’i saidai ta k’are maka kuma k’addararmu ba hannunka take ba hannun Allah take ehe don haka nasara na garemu da izinin Allah...”

Malam ya katseta da fad’in “Da ace kinsan k’addarar taku da gaske hannun Allah take da baki b’ata k’afarki tun fari kinzo nan ba, idan baki daina kumfan baki kin fice min a gida ba wllhi saidai ki bar gidan nan da shenyenyyun k’afafu...”

Jin haka yasa Aunty Lami saurin janyo Haule dakeci gaba da kumfan baki suka fice a d’ari Lami naci gaba da kwab’arta....
Suna tsaye bakin layin suna neman adaidaita Lami ke ci gaba da fad’in “Kinga Hajiya Haule karma ki d’aurawa Malamin nan laifi, idan akwai wacce zamu d’aurwa laifi bai wuce tsinanniyar matar can ba....”

“AMINIYAR SIRRI...!” Haule tace tana sakin huci, lokaci guda taci gaba da fad’in “Yo Makirar Sirri dai... Amma matar nan ta cucemu da har ta bari muka amince da ita....”

Aunty Lami tace “Ba abin mu tona mata asiri ba mu tono asirin kanmu...”
“Babu batun tone tonen asiri amma sai mun gunsura mata rashin mutunci inkaw ba hakaba ba sunana Haulatu ba....” Ta k’arashe tana mai sakin k’wafa sanda suka sakawa Adaidaita hannu...

***

Sawwama dake make gaban motar saurayinta Alhaji Liti sai aikin taunar chewing gum take tana juya idanu mayafi a kafad’a... A d’an yatsine tace dashi Alhajin Shagali a nan bakin layi zaka ajeni zan k’arasa....”

Alhaji Liti ya washe baki yana wani kanne idanu da hularsa dake karkace gefen goshi ya kai hannu ya d’an shafi cinyarta yace “Haba sahiba bazaki bari a k’arasa dake ba yanda yau kika farantan rai ya kamata na kaiki har makwancinki da mota basai kin taka k’asa ba....”

Ta wani murmusa had’ida juya idanu tana mai gyara zaman rigarta take fad’in “Karka damu aljihuna daka cikamin yafimin komai, kaga idan ka k’arasa dani cikin layin za’a sami matsala....”

Ya washe baki cikeda jin dad’i kana yace “Yanzu sai yaushe kinsan dai bazan jure rashinki na tsawon kwanaki ba...”

Sawwama ta kuma taune chewing gum tace “Alhaji kenan, kar ka damu idan don wannan ne aljihuna nayin k’asa zakajini...”
Alhaji na matsowa kusanta yake furta “Anya kuwa zan iya..?”
Ta murmusa tace “Zaka iya Alhaji.. Sai ka jini...” Ta k’arashe tana bud’e marfin motar had’ida d’aukar ledar kaji da ya sai mata... Harda hura masa iska a fuska kafin ta fice, Alhaji ya saki murmushi yana mai washe dargajejjiyar bakinsa cikeda fatan su kuma had’uwa bada jimawa ba...

Tana tafe tana kad’a jiki kaman yanda ta saba tana taunar chewing gum, nan ta hangi dandatson mutane sai faman jajantawa mijinta suke, tai saurin k’arasowa tana son jin abindake faruwa, durk’ushe ta tadda Hafiz ya rapka uban tagumi tsananin damuwa kwance saman fuskarsa....
Tana tambayar sababi Hafiz bai iya amsata ba sai duban da ya bita dashi yana mamakin ina ta fito haka, mutanen dake wajen ne suka koro mata bayani had’ida jajanta mata...
Halin ko inkula ta nuna kana ta tallafo Hafiz tana fad’in “Yo sai mai zaka sami fin haka Habibi tashi mu shige ga kaji na kawo mana...”

Tamkar rak’umi da akala haka Hafiz ya mik’e yabi Sawwama dake rik’eda hannunsa, yana son tambayarta yanda ta fito amma wani mugun shakkanta yake, suka isa parlor tana basa baki sanda take kwab’e mayafinta, k’amshin turaren maza da ya daki hancinsa shi ya sanyashi kuma d’agowa yanai mata wani irin duba, saida turarruka sana’arce don haka yasan k’amshin turare da dama kuma zai iya banbance maka turaren mace da na namiji...

Zama gefensa tai ta bud’e k’ullin kajinta ba tareda ta masa tayi ba ta sanayasa gaba tana yagan kaji tana fad’in “Tsautsayi ne Habibi, kawai kaje ka sami Alhaji da batun ya sai maka wata tinda dai kaga kayan wancan shashashar matar taka sun k’are da an d’aga ko gado ne an saida ni na cika maka ka sai sabo...” Ta k’arashe tana gwigwiyan k’ashi da bakinta...
Tinda ta soma magana banda binta da kallo baya komai, shi tinda yake bai tab’a ganin d’an Adam mai cin abinci irin Sawwama ba, idan ta aje kwanon abinci a gabanta saita mak’erin kwanon uwa uba ta samu kaza, kaza ko nawa ne zata iya b’addawa, shi da yake namiji quarter d’in abincin da Sawwama ke ci bazai iya ci ba, tinda ya aurota komai na gidan baya yakeyi, gashi yanzu ba wadataccen ciniki yake samu ba, nan da nan kayan abinci ya k’are yanda kasan a rumbu ake zubawa kuma shi gashi ba bashi abincin ake yaci ya k’oshi ba wani jik’on sai ya dangana da gidan Hajiya, kasancewar cinikinsa yaja baya a dole ya shiga saida wasu kayayyakin Zulfah dake rufe d’aki yana wasu hidiman da kud’ad’en ballantana yanda Sawwama ke son kaji ba’a kwana biyu sai an sai kaji kuma ba’a sayan d’aya don d’aya ya kasa mata... Kan ya ankara Sawwama ta d’age ledar kajin dake gabanta ta shiga saki masa gyatsa tana tanne hannaye...

Ya d’an kauda kai gefe had’ida yin k’wafa kana yace “Wai ke bakisan abu ya sami mijinki ki kwantar masa da hankali ba saidai ki baje ledar kaji kinaci, haba Sawwama wace irin mata ce ke..?” Ya k’arashe cikin taushesahiyar murya...

Tsegege take dubansa kana ta yatsina fuska tace “Toh kuka kakeso na sanyaka gaba inayi ko kuwa don kana cikin damuwa sai akace kar naci abinci... Kaga Hafiz karma mu soma wannan wasar dakai, kai da anzo kusanka sai ka soma jada baya kanajin tsoro kaman wanda za’a yanki naman jikinka toh ya kake so nayi dakai... A’a wllhi kar ka tak’urama rayuwata...” Ta k’arashe tana kad’a masa mazaunai had’ida ficewa ta nufi kitchen don neman abinsha wanda zai kwantar da kajin da ta nad’a...

Yai k’wafa had’ida sauk’e ajiyan zuciya kafin ya nufi yanda ta aje mayafinta yana faman shinshinawa don tabbatarwa hancinsa abinda yake jiyowa... Yanajin motsinta alamun tana k’ok’arin shigowa yai saurin aje mayafin ya koma wajen zamansa... Tabisa da kallo a kaikaice kana ta d’auki mayafinta da handbag d’inta ta shige d’aki...
Hafiz ya dafe kansa abubuwa da dama k’unshe cikin zuciyarsa....

***

Basmah jikarta d’iyar Baffah Ado ne ke rik’eda hannunta guda zasu tsallake kwalta sun fito gidan bikin jikar k’awarta, sai faman sababi take tana fad’i Basmah ta kula da hanya kar taja a bigesu...
Basmah ta d’an b’ata fuska tace “Allah Mamani shiyasa duk yanda zakije babu mai maki rakiya, fisabilillahi wani irin kula ne banayi...?”

Mamani ta katseta da fad’in “Ke rufe min baki banason salon rashin kunya da kuka sha a nonon iyayenku mata, iyayenku basuda aiki sai aifo mana mata a zuri’a wanda ba tallafa mana zasuyi ba saidai su cinye mana gara, yo da ace inada jikoki maza ai da ba haka ba nima ‘yar Hajjin nan da duk shekara sai na koma duk azumi kuwa na tafi umarah amma tinda naje sau d’aya ban koma ba, yanzu duba jikan Yayale yanda yayi bajinta a bikin nan ko uban yarinyar baiyi ba... Ke d’iyar Ado ce koh...?” Ta k’arashe tana duban Basmar wacce tazo wuya don takaici, tsaban jikokin basa gabanta bama ta tantance d’iyar waye cikin yarantan ba..
Jin Basmah tai mata banza ya sanyata d’ago ‘yar sandarta zata kwad’a mata tana fad’in “Ke koh ubanki bai isa na masa magana yamin banza ba... Nace ke d’in d’iyar waye...”

Cikeda k’unk’uni Basmah tace “Baffah Ado mana autanki Mamani...”

Mamani ta yab’e baki tace “Ai kaji gashi shi Adamu gaba d’ayama kaman baizo duniyar a sa’a ba, shi ba k’wakk’waran sana’a ba shi ba haihuwan yara maza wanda zasu taimaka masa a gaba yake ba ga matan nasa yawa agwagi kullum gasar haihuwar nan suke ga ba abinda akeso suke haifowa ba... Oh ni Halimatu...”

Basmah data gaza hak’uri tace “Amma ai Mamani ‘ya’ya mata rahama ne baki zuwa islamiyya da kinji falala da yara mata ke k’unshe dashi ba, wllhi kekam inaga ko aji guda bakije ba a islamiyya yanda kasan zamanin jahiliya aka d’aukoki...”

Batakai aya ba Mamani ta sauk’e mata sanda a baya tana fad’in “Toh islamiyya babu kalan wanda banyi ba ja’irar yarinya mai halin tsiya na uwarta... Yo wani alfanu zakuyiwa Adamu bayan cinye masa d’an abincin da yake fafutika da kuke...” Batakai aya ba ta hangi Basmah ta tsallake abinta ta barta nan tsaye tana sababin da babu gaira balle dalili...

Mamani ta shiga doka salallami tana aikawa Basmah zagi daga tsallake had’ida nunata da sanda, lokaci guda tasa kai zata tsallake k’iris ya rage mai motar dake tafe saman kwalta d’in bai d’agata ba, Allah yaso ba wani tsananin gudu yake ba...

Mamani ta d’ago masa hannu biyu sanda yaci birki tana fad’in “Toh bawan Allah naga dai kwalta d’in nan ta gwamnati ce don haka a dakata a barni na shige....” Tana tsallakewa tanai masa gwalo had’ida furta “Oho dai baka kad’eni ba dai jeka dai...”

Maimaikon tsohuwar ta basa takaici saima dariya data basa, yaja gefe yai parking ya fito yana gaida Mamani had’ida furta “Sannu Baaba bakidaiji ciwo ba....?”

Basmah tabishi da kallo tana tunanin inda ta sanshi nan ta tuna k’ofar gidansu ta tab’a ganinshi tareda Addah Nabilan Baffah Usman.....

Mamani tace “Yanda ka gani yaro am babu abinda ya sameni, kyan k’irane dani...”

Khalid ya d’an dara kana yace “Gaskiya Baaba na yarda kinada kyaun k’ira, ayi hak’uri dai ba tuk’in ganganci nake ba...”

Mamani data fahimci ya mata zubin masu kud’i tace “Ahtoh idan kunga talaka saman kwalta yanda kasan gwamnatin nakune ku kad’ai, yaro yanzu dubi maton da kake tuk’awa saikace ta gwamna da shugaban k’asa... Oh wasu iyayen dai Allah ya amshi addu’arsu sun haifi masu mulki da masu arziki...”
Jin zata saki layi yasa Basmah janyota tana fad’in “Mamani muje kar dare ya mana...”

“Ke da Allah cikani dacan ba guduna kike ba, saidai ki k’arasa tafiyarki amma nikam saina d’ana wannan maton mai kama data gwamna, yaro zoka bud’emin...”

Khalid na murmushi ya bud’e mata ya rik’e mata sandarta ya gyara mata yanda zataji dad’in zama, Basmah dai sai kallon ikon Allah take wato da ace bata gane Mutumin ba ahikenan idanma d’an yanke kai ne Mamani sabida tsabagen kwad’ayi da son abin duniyarta ta shige abinta, girgiza kai Basmah tai had’ida yin k’wafa ta shige ta rik’e Mamani kafin tai masa wani b’aranb’araman a motar, lokaci guda take tunanin yanda Nabilah zata d’au abin...
Khalid na tafe Dattijuwar na jansa da hira wanda akasarin hiran nata marassa kangado ne ko ba’ace maka ba kasan tsufa ke d’awainiya da ita..

Bai ida shan mamaki ba saida Basmah ta nuna masa gidan nasu... Ya dubesu yana mamaki zuciyarsa na masa fari k’al don idan har wannan Kakar Nabilah ce tabbas yasan zai samu wajen zama sosai ta wajenta...

Mamani sai yaba hankalinsa take yayinda Khalid yaji dad’in ci gaba da janta da fira... K’arahe dai har Basmah ta shige gida takaiwa iyayenta rahoton abindake faruwa, sukakaw yo gangami don ganema idanunsu dama tun kwanakin baya suke kad’a gurmi tsakaninsu cewa wani had’edd’en saurayi ke zuwa wajen Nabilah saidai babu wanda ya isa ya fito fili ya fasa gurmin sanin cewa wacece Nabilah...

Nan suka hangesu tafe sun nufi sahen Mamanin da Khalid d’in...

Nabilah kaw da dawowarta kenan daga makaranta ta sauk’a a adaidaita ta hangi motar Khalid k’ofar gidansu, mamaki ya isheta musamman data iso wajen taga alamun babu kowa cikin motar.. Gabanta na dukan tara tara ta nufi cikin gida....





SameenaAleeyou📚
*INDA RAI*
_...............DA RABO_



*35*


*©Sameena Aleeyou...✍🏽*



Tinda ta shigo gida ta kasa zaune ta kasa tsaye, yanda take tunanin zataga Khalid bata ganshi ba, toh kodai ba motarsa bace... No she can’t be mistaken tabbas motarsa ce, toh ina yake...? Kodai aje motar kawai yai k’ofar gidansu...? Amma mai zai kawo motar tasa k’ofar gidan nasu...?

Ita kad’ai sai sak’e sak’e take, ta sak’a wannan ta warware wancan, Marliya dake zaune gaban socket tana gugan kaya hankalce take da ‘yar uwar tata, a ‘yan kwanakin sosai ta fahimci canzawa da Nabilah tai, wasu lokutan ko magana kake mata bata amsawa sai ta dawo daga duniyar tunanin da ta tafi, balle daren jiya yanda taji tana waya ta tabbata da wani take wayar...
Nabilah ta kuma mik’ewa zata fice a karo na kusan hud’u... Marliya ta katseta da fad’in “Wai ina kike zuwa ne... Lafiya kuwa...?”

D’an dubanta Nabilah tai a yatsine kana tace “Toh uwar sa ido kitchen zani wajen Mamy, koda magana ne... Uwata...?”

K’unshe dariyarta Marliya tai kana tace “A’a Allah baki hak’uri...”

Nabilah tai gajeren tsuka kana ta fice... Saida ta kuma sad’ad’awa ta lek’a sashen Abbah kaman wata munafuka kafin ta dawo kitchen ta tadda Mamy tuni ta ida abincin dare ta zuzzuba...
Gaisar da Mamy ta somayi tana tayata jere abincin....
Mamy da tun ganin Sameer take fama da tinane tinane sama sama ta amsa Nabilar kana ta umarceta ta d’au abincin Mamani takai, Nabilah a duniyarta ta tsani a aiketa sashen Mamani, gaisuwa ma don dole ke kaita tasan saura sarai idan ta tsallake kwana guda bataje ta gaidata ba d’aid’aya Mamy zata mata...
Babu halin ta doje taje ga Marliya a parlor na zaune bataga fuskan hakan ba balle ma ko a mafarki bata isa ta fad’iwa mahaifiyar tata haka ba...
D’aukan abincin tai ta fice yanda taci karo da Marliya a hanya ta ida gugan zata nufo kitchen wajen Mamy kafin Mamy tai mata tatas daga ita har gugan nata tace wasanta ta zaunayi tana ganinta a kitchen donma itace ba Nabilah ba datasaba shan mitan Mamy wanda gwara ai maka duka a cewar Nabilah...

Tareta Nabilah tai da fad’in “Ke Leeya wai bakiga bak’o ya shigo gidan nan ba....?”

Marliya ta dubeta da mamaki kana ta girgiza kai tace bak’o kuma...?”
Nabilah ta jinjina kai tace “Eh mana Abbah baiyi bak’o ba...?”

Marliya ta d’anyi shiru tamkar mai tunani kana ta girgiza kai tace “Gaskiya ni banga wani bak’o ba hasalima Abbah bai dawo ba ko kinga motarsa a gareji ne...?”

Nabilah ta d’an tab’e baki tace “Yo ina na lura, kinga zo kishige kafin Mamy ta lek’o...”
Aiko bata kai aya ba Mamyn ta lek’o tana fad’in “Wai ba aikanki akai ba Nabilah... Ke kuma kin tsaya biyeta naki aikan na jiranki.... Tsayuwar mai kuke ne..?”

Ko wacce tai hanyarta suna baiwa Mamy hak’uri, Marliya ta rab’a ta gefenta ta shige tana tunanin yau d’ain kaman wani abin na damun Mamy...

Tana tafe tana tunanin mai ya kawo motarsa k’ofar gidansu, kaman daga sama ta hangesa da Mamani biyedashi da alama ya fito tafiya ne...
K’iris ya rage Nabilah bata kifar da abincin ba, wannan wane irin mutum ne... Yau Abbanta gobe Kakarta... Shin miye tsakanin Khalid da mutanen gidan....
K’irjinta yaci gaba da wani irin bugu.... Tai saurin sa kai zata juya saidai tuni Khalid ya hangota...
Bud’e murya yai kafin ta fice a k’ofar Mamanin yace “Aah k’araso mana aima tafiya zanyi....”

Maganar da yayi ya sanya Mamani dake faman masa zuba kai dubanta ga k’ofar...
Nabilah ta tsaya cak ta kasa ci gaba da tafiya, tamkar ta zunduma a guje haka taji gashi ta kasa juyowa...
Mamani kaw ganin yarinyar da ake magana da ita tak’i juyowa ya sanyata yab’e baki tace “Ke wacece tsaye wajen nan ko bakijin magana ne...?” Nan ma Nabilah bata juyo ba sai rintse idanunta da tai da k’arfin gaske...
Mamani ta nufeta cikin dogara sandarta tana fad’in “Ai wato ina fad’a maka Haladu sam yaran gidan nan basajin magana, gado sukai wajen iyayensu mata...”

Jin zata saki layi ya sanya Nabilah saurin juyowa tana aika mata mugun kallo baki a cune, fuska babu alamun walwala tace “Aini aika na kawo kuma bansan kinada bak’o ba...” Tasa kai abinta zata shige d’akin dukda cewa Khalid tsaye yake wajen, da k’yar ta wuce gabansa musamman data tuna ko mayafi babu jikinta...

Mamani ta dawo da baya tana fad’in “Kaga rashin kunyar tasu koh... Toh wannan ina fad’i maka itace babbarsu a rashin ta ido, batada kunya ina fad’a maka babban abin takaicinma wai sunana gareta...”

Khalid kaw banda murmushi yana satan kallon Nabilah data had’e gabas da yamma baya komai, Mamani tace dashi shigo ai kaci abinci, baka bar gidan nan ba sai kaci abinci Yaron arziki Haladu....”

Wato har cikin ransa yakejin banbarak’wai d’in nan idan ta kirasa Haladu shi bai tab’a sanin mai suna Khalid ake fad’iwa hakan ba sai a baki Mamani...
Ya d’an shafi kansa kad’an yace “Baaba ba Haladu ba Khalid sunan...”

Mamani ta dubesa tsegege kana tace “Kajimin dai, wayace maka ba sunan kenan ba, ai asalin sunan kenan Haladu mu haka muka sani, kuma ka kirani Mamani don haka kowa ke kirana kaji koh shige muje...” Ta k’arashe tana turo shi ciki ta dawo dashi parlorn, sosai sukaso baiwa Nabilah dariya ganin draman Khalid kesha shida Mamani...
Batabi takansu ba ta mik’e zata fice Khalid ya bita da kallo yanda tai tamkar bata tab’a saninsa ba ko gaisuwar fatar baki bata masa ba...
Mamani ta tsareta da fad’in “Ke ke dakata shige ki kawo masa faranti da cokali yaci abinci... Kuma ki kawo na ‘yan gayu don kin gansa sarai d’an gaye ne...”

Nabilah ta dubeta a kufule kana takai dubanta ga Khalid wanda fuskarsa kega wayar salulansa, tana jira taji yace bazaici ba ta sami excuse d’in tafiya amma da yake d’an duniya ne shiru yai alamun zaicin kenan...

Mamani ta katseta da fad’in “Zaki wuce ne kokuwa....?”

K’wafa tai a hankali kana tasa kai ta shige kitchen d’in Mamanin da ba girki ake ciki ba kawai dai kayan amfani ne ciki...
Plate da spoon ta d’auko ta d’auraye had’ida serving spoon ta ijiye saman tray ta dawo fuska a d’aure ta dangwala kusada k’afafunsa....

“Kaga rashin hankalin nata koh, toh k’one masa k’afafu su zama bak’ak’e tinda naki bak’i ne....”

Nabilah datazo wuya hak’urinta ya gaza tace “Aidai wajenki na samo bak’in k’afar tinda na Mamy na fari ne tass....” Tai maganar tana murgud’a baki....

“Kaji koh.. Kaji rashin kunyar tata, ai Manu ya rasa d’ah tinda ya Ma’aruf sauran kam duk gayyan yuyuyu ne... Zuba mashi abincin...” Ta k’arashe tana gwagwiyan goro lokaci guda ta mik’e ta nufi d’aki kaman mai neman wani abin...

Nabilah tai k’wafa kana ta bud’e flask d’in, tuwon shinkafa ce fara sol d’auri d’auri a leda, leda guda ta d’auka ta kwance ta saka cikin plate d’in zata kuma d’auko wata ledar yace da ita “Ya isa haka idan kuma ba tayani ci zakiyi ba...”

Takai masa mugun kallo had’ida d’auke idanu tana mai gyara zaman rigarta duk gaba d’aya a tsarge take ga Mamani ta gama yarfata...
Gaba d’aya a tak’ure take, ta soma k’ok’arin mik’a hannu zata janyo d’aya flask d’in yai saurin mik’a hannunsa ya tura mata kusanta, ba tareda dubeshi ba ta shiga kiciniyar bud’ewa...
Khalid ya mik’o hannu zai bud’e tai saurin janye hannunta...
K’uri ya mata yanda tai tsananin b’ata fuska, ya tab’e baki alamun ko inkula kana yace da ita “Na fasa taimakon ki bud’e da kanki kafin na kira Mamani nace mata rowa kike min...”

Ta kalle shi a kufule kana ta janye idanunta tana tab’a marfin taji ya bud’u alamun ya bud’e kenan....
Lafiyayyar miyar taushe ne wanda yaji bushesshen kifi da naman Sa... K’amshin ya daki hancin Khalid sanda taci gaba da serving d’insa bawai don ranta naso ba...
Tana gama serving d’insa ta soma k’ok’arin mik’ewa amma saiji tai ta kasa tashi sabida kallon da yake binta dashi, tai k’wafa cikin zuciyarta don ko magana ta kasa masa...
Khalid ya janyo plate d’in kaman zai soma cin abincin, itakoh sai satan kallonsa take ganin kaman hankalinsa ya koma kan plate ya sanyata mik’ewa a hankali, daidai sanda Mamani ta fito hannunta rik’eda takardan foster Clark...
“Ungo jeki had’o masa