You Cannot Download this book untill you login but you can read it .

---

Login Register

“Kaman yaya...?”

Haule ta nurmusa ta gyara zamanta da kyau kana ta soma fad’in “Lami da aminiyar sirri su zamu d’aurawa alhakin laifin... Ita dama Lami batada wayo batada ra’ayin kanta sai abinda na fad’i mata, ita kuma Aminiyar sirri Hajiya Hannatu mahaifiyar Ma’aruf tanada dalilai masu k’arfi da zata yarda tabbas ita ta rabata da d’anta tsawon shekarun nan.... Abu mafi sauk’i a nan ni yanzu zan nuna cewa nayi nadama ne bisa abubuwan da nayima Zulfa’u a baya, kaima zaka nuna kaji dad’in nadaman da nayi sannan ka gyara alak’arka da d’an uwanka, abu na gaba ka nemi Ma’aruf ya auri d’aya daga cikin ‘ya’anmu Sahariyya ko Naja’atu.... Kaga shikenan mun rufe bakin kowa ruf don babu yanda za’ai koda asirinmu tonuwa zaiyi Ma’aruf yace zai maka sirakansa a kotu....”

Baba Alhaji yayi shiru yana nazarin Hajiya kafin ya d ‘ago yana dubanta yace “Anya Haule.....? Anya Usman zai kuma yarda ayi wannan had’in bayan ga yanda ta kasance da Zulfa’u da Hafiz....?”

Haule ta d’an hareresa kana tace “Wannan karon ba irin auren Zulfa’u da Hafiz za’ai ba, wannan karon zamu nuna duka munason abun ne sannan shima Hafiz d’in zamu sa ya kuma neman auren Zulfa’u don a daidaita komai, kada ka mance idan auratayya ta shiga tsakanin ‘ya’yanmu shikenan mufa mun tsira... Kuma nunawa zamuyi hakan shi zai k’ara dank’on zumunci, ga Sahariyya ga Naja’atu ka bashi auren d’aya daga cikinsu....”

Baba Alhaji ya kuma dubanta yace “Toh idan shi Ma’aruf d’in baiso fah...?”

Hajiya Haule ta yatsina fuska tace “Auren biyayya zaiyi domin ga dukkan alamu yaron yanada nutsuwa, kuma na tabbata idan ka sami d’an uwanka da wannan batu bazai maka jayayya ba domin sanin kanka ne Usman na ganin girma da kimanka bacin duk abubuwan da kake masa....”

Baba Alhaji ya jinjina kai had’ida murmusawa yace “Shiyasa nake sonki Haule kin iya kawo solution ma komai... Yanzu daga nan wajen d’anuwana zan wuce na fara neman gafaransa bisa abinda ya wakana tsakanin Hafiz da Zulfa’u kafin daga bisani na bijiro masa da batun auren d’ansa Ma’aruf da d’aya daga cikin ‘ya’yana domin k’ara dank’on zumunci....”

Haule ta fashe da dariya tace “An gama, nima daga yanzu nayi hankali na zama saliha Haule...”

Suka fashe da dariya a tare....

Naja’atu dake rakub’e jikin k’ofa a kunnenta komai ya faru, wasu irin hawayene ke kwararowa daga idanunta, ta kasa yarda da abinda taji iyayenta sun aikata..... Ta rintse idanunta wasu hawayen suka kuma kwaranyo mata, fasa shiga d’akin tai sai komawa da baya da tayi idanunta basu daina zuban hawaye ba.....


SameenaAleeyou📚




*INDA RAI*
_................DA RABO_


*67*





Sallaman Mamy harmada Aunty Lami ne ya katse hiran Baba Alhaji da Hajiya Haule.... Tuni Haule ta koma ta narke kan gado yayinda Baba Alhaji ya mik’e yana mai amsa sallamarsu had’ida masu iso.....
Kan kace mai Haule ta shiga tattaro bakin zani tana mai sake kuka tamkar an kunna engine, Baba Alhaji da idanunsa ke kannare yana duban yanayin Mamyn cikin sauri ya soma fad’iwa Hajiya Haule...
“Haba Haulatu kukan nan ya isa haka, tin shigowata kike abu guda, shi ciwo ba’a masa kuka addu’a ake.....
Cikeda makirci ta soma fad’in “Inyi dole nayi kuka Alhaji... Kuka ya zamemin dole, ace duk abubuwan da nayima Zulfa’u itace ta taimaka min, bata barni bakin kwalta na halak’a ba koma wajen wancan tsinanniyar matar Hafizun....”
Katseta yayi cikin zaro idanuwa kana yace “Kina nufin matar Hafiz ne ta maki wannan wulak’anci sannan Zulfa’u ce ta taimakeki....?”

Haule bakin zani a hannu ana goge hawaye take jinjina kai, cikin muryar kuka take furta “Saima kaga d’iban Albarkan da wannan tantiriyar yarinyar tamin, ashe annoba Hafiz ya auro ya kawo cikin gidansa bamu sani ba... Ohni Haule nayi uwa nayi mad’auki saida ya saki baiwar Allah Zulfa’u.... Matar arziki ‘yar uwarsa ta jini....” Ta k’arashe tana mai kamo hannayen Mamy... Banda bugu babu abinda k’irjin Aunty Lami keyi... Mai Haule take nufi...? Shin abinda idanunta ke nuna mata gaskiya ne...? Haule na neman yafiyar Mamy gabanta....? Lokaci guda k’irjinta ya kuma bugawa tamkar an sauk’e mata k’aton guduma..... Tinaninta ya katse sanda taci gaba da sauraro muryar Hajiya Haule dake rik’eda hannayen Mamy tana hawaye...

“Wllhi sharrin shaid’an ne, ni dama tin can bana k’in auren Hafiz da Zulfa’u... Hanne ki yafeni ki rok’ar min Zulfa’u ta yafeni...”

Girgiza kai Mamy tai had’ida rik’o hannayen Hajiya Haule kana tace “Ni ban k’ullaceki ba Hajiya, sannan Zulfa’u ma bata k’ullaceki ba, ai duk d’an adam ajizine, gaba d’ayanmu muna kure... Mukayi laifuka ma Ubangijinmu ma ya yafe mana ballanta mu ‘yan adam da muke ajizai... Ban tab’a rik’eki ba haka d’iyata ma bata tab’a rik’e kowa cikinku ba ko a baya da ta fuskanci k’yama da tsangwama daga dangi... Don haka ki kwantar da hankalinki fatanmu duka shine ki sami lafiya... Allah ya yafemu gaba d’aya...”
Haule na share hawaye take amsawa da ameen yayinda taci gaba da fad’in “Ina Zulfa’un take... Ina d’iyata, na rok’eta gafara da bakina tinda Allah ya bani damar ci gaba da rayuwa bayan na zaci rayuwata ta k’are hannun mahaukaciyar matar Hafiz...Ohni Haule zan jima ina jin zafin abinda nayima yaran nan... Suna son juna da k’arfi na rabasu na sanya Hafiz ya rubuta mata takardar saki....”
Batakai aya ba Baba Alhaji ya tari zancen da fad’in “Kinga irin mugun halin naki koh Haulatu... Ni dama nasan haka kurum Hafiz bazai saki matarsa ba idan ba umartansa kikai ba.... Zanje na sami d’an uwana na kuma basa hak’uri na fad’i masa wannan duk sharrinki ne Haule...”

Hajiya ta kuma kamo bakin zani tana furta “Alhaji Wllhi na tuba.... Bada son raina bane sharrin shaid’an ne...”
Ita kaw Aunty Lami kallon kallo kurum sukema juna itada k’awarta Haule, tabbas Haule nada tarin bayanai da zatayi mata....

***


KADUNA

Kishingid’e yake saman sofa dake a cikin d’akinsa, idanunsa duka biyu a lumshe, tin daga ranar da suka soma had’uwa yake kan tunowa, ya tuna duba na farko da ya mata yaji wani abu ya tsargar masa tin daga tsakar kansa har zuwa ‘yar yatsarsa dukda cewa tab’o ya rufe mata Fuska, a lokacin ya zaci razana ne ya haifar masa da wannan yanayin, sai yanzu yake tabbatar ma kansa abinda ake kira love at first sight shine yanayin da ya tsinci kansa... Gaba d’aya rayuwarsa bai tab’a jin irin hakan ga wata mace ba, ta ya zai cireta a zuciyarsa rana tsaka, just how...?! A hankali ya sauk’e nannauyan ajiyan zuciya had’ida furta “I love you... I love you Teddy Bear.... So much....”

Kaman daga sama yaji ana murd’a handle d’in k’ofar... Ya d’an bud’e idanunsa da suke a lumshe ba tareda ya mik’e ba yana mamakin waye zai shigo masa d’aki babu neman izini....
To his greatest surprise ba kowa bace illa Yesmin, an cab’a uban kwalliya sai kwarkwasa ake... Ya ma rasa mai zaice tsaban tsananin takaicin yarinyar da yakeji....

Ganin bai tankata ba bai koreta ba ya sanyata samun k’warin gwiwan zama gefen k’afafunsa... Tamkar wanda aka zabura haka ya mik’e yana wani irin huci yake dubanta....
Maimakon ta mik’e saima sakin murmushi da tai had’ida gyara zaman gashin kantin dake kanta da tai...

“My Kay.... Dama kan batun wedding preparations d’in nan ne, kaga I want something big... A very grand....” Bata kai aya ba ya katseta da fad’in “Uban wa ya baki izinin shigo min d’aki....?”

Dubansa tai had’ida shagwab’e fuska kana tace “Haba my Kay gani fah nayi yanzu nida kai mun zama d’aya... Aurenmu fah duka duka watanni ya rage, and I’m here to plan our wedding together kafin na wuce Abuja, already Momy nata cewa na koma don a fara gyara maka ni....” Ta k’arashe tana juya idanu...

Murmushin takaici yai kana ya d’ago ya dubeta daga sama har k’asa...
Fuskarsa dab nata yake furta “Oh really! A gyaraki..? For who....? Me...?” Ya saki murmushi a hankali had’ida shafar hab’arsa kana yace “Well I’m not interested... Kicewa Aunty Kar tayi asaran kud’inta, cos to me ke ba mace bace, bana miki kallon mace balle har ajega gyaraki....Now get out of my room, and don’t you dare.... Kada ki kuskura ki sake shigo min d’aki haka balle har kiyi tunanin zama kusa dani... Tashi ki fice nace kafin na watsar maki da hak’wara....!!”
Ya k’arashe cikin daka tsawa....

K’walla tab idanunta take dubansa....
“Leave I said...!!!”

Cikin sauri ta mik’e ta fice a guje tana mai fashewa da kuka bata zarce ko ina ba sai wajen Ammi, Ammi na zaune saman rug tayi d’ai d’ai ga laces zube gabanta sai d’add’agawa take waya manne kunnenta da alama da mai kayan take wayar, yayinda Kubura ke faman gyare gadon Ammin....
A guje Yesmin ta shigo ta fad’a kan Ammi tana kuka harda shesshek’a....
Cikin sauri Ammi ta katse kiran tana mai sanarda matar da suke wayar zata sake kiranta....

“Lafiya.... Ke Yesmin ki tashi kimin bayani.....”
Cikin kuka Yesmin ke fad’in “Ammi Khalid ne....”
Cikin d’an daburcewa Ammi tace “Khalid..? Mai ya sami Khalid d’in...?”

“Cewa yayi babu abinda zaiyi dani Ammi... Ammi I did everything I could for him to love me back amma yak’i cewa yayi baya min kallon mace banida abinda yake so jikin mace....” Ta k’arashe tana mai kuma fashewa da kuka....
Kubura tamkar ta daka tsalle haka taji, ta shiga k’arewa kanta kallo tana mai ayyanawa cikin ranta mace irinta Khalid ke buk’ata...
Ammi kaw gajeren tsuka tai kana tace “Kedai bakida wayo sam Wllhi Yesmina, saikace bakisan halin Khalid ba, Yo da baison naki zai amince da aurenki ne...? Banda abinki shi namiji ai d’an lallami ne, Kar kiyi k’asa a gwiwa kici gaba da binsa a sannu sai kiga ki samu kansa, share hawayenki ki bar kuka yanzu zanje na samesa muyi maganar lefe, sadaki da sauran hidima dama Daddynsa yace duk zaiji dasu... meye abin kuka bayan ya kusa zama naki gaba d’aya... D’akin da ya koreki d’inma ya kusa zama naki, da sannu zaki koya masa yanda zai soki....Share hawayenki banson ganinsu kinji koh...” Yesmin ta jinjina kai cikeda jin dad’i tana mai furta “Thank you Ammi na you the best...”

Kubura ta rakasu da harara daga Ammin har Yesmin, cikin ranta take furta Khalid d’ina bazai tab’a sonki ba bak’ar mayya....

***

“Magana fah nake maka Khalid amma kayi banza dani...? Ko nima karata zakai daga d’akin naka...Inyi...?” Ammi ta k’arashe tana watsa masa kallo...

Fuzar da iska ya d’anyi kana yace “Ammi nifa bani da choice ita Yesmin d’in ba tana nan ba, ta zab’i duk kayan da take so zanyi transferring kud’in to account d’in Siyama idan yaso sai suje da Yesmin d’in ta zab’i kayayyakin da duk take so to her own choice...”

Ammi ta kad’a kai kana tace “Kenan bazaka d’auketa kuje tare ba, ai kai ya kamata ka tayata sayayya ka tayata zab’a tinda kaine mijin nata kuma kwalliyar ai ma kai za’ai bama Siyama ba...”

Shafa sumar kansa ya d’anyi ga wani irin nauyi da kan nasa ya masa sakamakon kwana da yini da yai yana aikin abu guda tunanin Nabilah....
A hankali ya furta “Ammi Ammi please ki k’yaleni haka nan, don’t push me to do something that later I’ll regret....”

Baki sake take dubansa kana tace “Inye... Eh lallai Khalid ni kake kallon tsaban ido kake cewa na daina pushing d’inka... Toh yayi, naji bazan bazaka je sayayyan lefe ba amma ka sani dole ka shirya ka maidata Abuja....”

A zabure ya d’ago kai yana dubanta... Jinjina masa kai tai alamun jadaddawa kana tace “Sarai kaji abinda nace, idan Yesmin ta tashi tafiya gida kai zaka kaita, iyanin ka gaishe da iyayen nata had’ida godiyar baka d’iya da sukai tinda kai bakasan abinda ya kamata ba....” Tana ida fad’in haka bata jira cewarsa ba ta fice...

Kame kansa yai had’ida zama cikin kujera gijif yana mai furta “God! This is getting too stressful.... what have I gotten myself into, anya banyi gangancin amincewa da auren Yesmin ba....?” Ya lumshe idanunsa a hankali yana mai ambaton Allah....

***


Kano


A tare Mamani da Sameer suka shigo d’akin, Hafiz na ganinsu ya saki murmushi... Harda d’an gyara zamansa yana masu sannu da zuwa... Sameer ne ya amsa gaisuwar nasa yana mai k’arasawa jikin drawer had’ida aje manyan ledojin dake hannunsa, lokaci guda ya isa jikin gadon yana ma Hafiz d’in sannu da jiki... Hafiz ya amsa da sakin fuska yana mai masa godiya da fad’in maiyasa zai d’aura ma kansa wahala haka yayo sayayya...
Sameer na murmushi yace “Kai haba babu komai, ya jikin naka dai... Dr din bai shigo bane...?”

Hafiz yace “Da sauk’i sosai, ya shigo round d’azu yace X-ray d’in sai an sakeyi...”

Sameer ya jinjina kai yana mai furta “Karfa ka damu babu wani abu kaji koh...”

Mamani ta katsesu da fad’in “Wato ka sami d’an uwanka ka mance da cewa nima gaisheka nazo ko...? Toh idan ban fasa jinyar nayi tafiyata ba, d’an uwan naka ya tsaya yayi jinyarka.....” Ta k’arashe tana k’arasowa d’ingis d’ingis Sameer na taimakata lokaci guda murmushi saman fuskarsa....
Hafiz d’inma murmushi yake kana yace “Haba ‘yar tsohuwata kinsan nayi kewarki da yawa...”

Mamani ta k’araso tana masa sannu da jiki kana ta yab’e baki tace “Lallai wannan mata taka ta cika hatsabibiya Hafizu, koda shike hakkine hakkin Zulfa’u ne ke bibiyarku daga kai har uwar taka, ince itama yanzu nikeji an sallameta a asibiti sabida Sawwama da hatsabibanta sun kusan rabata da rayuwarta...”
Hafiz ya d’an mik’e da sauri yana duban Mamani kana yace “Hajiya suka daka....?”

Mamani tace “Bakaji da kyau ba kenan...?”
Daidai sanda wayar Sameer ya d’auki ruri ya d’an fice daga d’akin...

Hafiz ya shak’i iska da k’yar had’ida fuzarwa lokaci guda ya lumshe idanunsa, ya waresu yana duban Mamani tamkar wani maraya kana yace “Gaskiyarki ne Mamani hakkin Zulfa’u ne.... Shi yake bibiyarmu....”

Mamani ta jinjina kai tace “Naji dad’i daka fahimci haka..... Na bud’e maka lemun ne....?” Tai maganar tana k’ok’arin d’auko lemon kwali da suka shigo dashi....

Bata iya bud’ewar ba sai mik’a masa da tai tana fad’in “Abubuwanku na zamani ungo nan ni ban iya bud’ewa....”

Hafiz ya amsa yana murmushin kasancewar tsohuwar taredashi lokaci guda Mamani ta gyara masa pillow dake kishingid’e bisa, Hafiz ya d’an kurb’i drink d’in kana ya sace duban Mamani dake faman zuba yace “Mamani nace ina Zulfa’un take...? Batasan banida lafiya bane batazo ba...?”

Shek’ek’e Mamani ke dubansa kana tace “Tazo tai maka wata uwar....? Ince ka sallameta a rayuwarka gaba d’aya....?”

Kusan k’warewa yayi da drink d’in kana yace “Mamani sallamarta fah kikace....?”

“Aw na maimaita maka ne....?”

Fuzar da iska ya d’anyi kana yace “Mamani nifa ina son matata kuma ai sakin da na mata ba cikin hayyacina nai ba.... Kuma ma ai duk laifin Hajiya ne....” Yai saurin kamo hannayen Mamani yana mai rau rau da idanu yake fad’in “Mamanitah please don Allah ki taimaka min kisa baki matata ta dawo, idan Zulfa’u bata dawo rayuwata ba mutuwa zanyi Mamani kinga likita yace zuciyata dab take da kamuwa da cuta.... Don Allah Mamani kisa baki Zulfa’u ta dawo gareni....”

Shek’ek’e take dubansa kana tace “K’wak’walwarka ta sami matsala koh....? Toh ka jini da kyau koda ace Zulfa’u ta zab’i komawa gidanka bazan bari ba.... Bazan kuma zama na zuba idanu kaida Haule ku kuma kassara mata rayuwa ba, kaidai Allah baka lafiya kurum ka nemi wata ka aura...”

Fuska babu walwala yace “Ni matata nake so, ita kad’ai.... Kawai idan kin daina sona ne bazaki taimaka min ba sai ki fad’a min.....”

Mamani ta tab’e baki tace “Eh lallai ka kuwa d’auko Dala ba gamo..... Toh bazan taimaka ba Ubana, wani yace kai wasa da damarka sanda ka sameta, saima kaji ana sanarwar aurenta ka kuma yin danasani....” Ta k’arashe tana gyara mayafinta... Banda mugun kallo babu abinda Hafiz ke aika mata, shigowar Sameer da Dr ya katsesu....

***

Zaune yake a parlorn ganin bak’in nasa, shi kad’ai sai faman sak’e sak’e yake..... He couldn’t get over it, duk yanda yayi ya yakice tunanin cikin zuciyarsa abin yaci tura... Kaman wanda aka sinkaya ya janyo wayar salulansa dake bisa centre table.... Layin Akram ya kira ya sanar dashi yana son ganinsa... Akram ya amsa cikeda risinawa sannan ya sanar dashi yana zuwa right away...

Jim kad’an Akram ya k’araso, Muhibbah dake tsaye saman balcony d’inta idanunta k’yam sashen ganin bak’in na mijinta domin kaw gaba d’aya a ‘yan kwanakin ta fahimci yana acting very strange, ta k’udiri niyyan gano abindake damun mijin nata, kuma tasan through Akram kawai zata iya sanin komai.... Cikin sauri ta sauk’o k’asa ta nufi section d’in ganin Akram ya shige....

Cikeda risinawa Akram ya gaida maigidan nasa, Engr ya masa nuni da kujera kana yace “Bismillah shigo ka zauna....”

Akram ya k’araso ya zauna yana mai tunanin ko tafiya ce ta taso masu...

Engr yace “Akram wani aiki nake so kamin a matsayinka na wanda na yarda dakai....”

Akram ya d’an dubesa jin maganar nasa sounds serious dukda cewa shi d’in ba mai magana maras amfani bane amma yau d’in yaji wani irin jadaddawa cikin muryar Uban gidan nasa....

Engr yaci gaba da fad’in “Inaso kamin wani bincike....”

Akram ya jinjina kai a hankali yana mai amsawa da alright...

Engr Ma’aruf yaci gaba da fad’in “Akan matar nan that work with the radio station....”

Gaban Akram yayi wani irin yankewa ya fad’i, zuciyarsa ta shiga harbawa da sauri da sauri, sinkayo muryar uban gidan nasa yai sanda yaci gaba da fad’in “I mean everything about her, her family background and all....Nasan ka tab’a fad’a min batada aure a yanzu, I need to know more... I mean more about her, ka fahimta...”

Akram ya jinjina kai a hankali kana yace cikin sark’ewar murya “Oh...Ok your excellency.... Right away.... Zan binciko maka komai in two days time in sha Allah....”

Engr ya jinjina kansa kana yace “Shikenan kana iya tafiya....”

Kasa mik’ewa Akram yayi da fari domin kaw duru duru ya soma gani, da k’yar ya iya mik’ewa...
Engr ya dubesa da kyau kana yace “Are you alright...?”

Akram ya jinjina kai cikin sauri kana yace “La....Lau nake your Excellency.... Zan tafi yanzu...”

Engr ya jinjina kai kana yace “Good...” Kana yace “Ka kira Kabir ka fad’a masa I need him to reschedule all my activities na gobe.....”

Akram ya jinjina kai yana mai furta “Ok... Ok Sir...” Lokaci guda ya fice gabansa bai daina tsinkewa ba...

Yana fitowa Muhibbah tai saurin bin bayansa....


SameenaAleeyou 📚




*INDA RAI*
_................DA RABO_







*68*






“Akram....” Ta kirawo sunansa tana mai d’an waige waige....
Tsayawa cak yai yana dubanta cikeda mamaki don tinda yake tareda mijinta yau kusan shekaru goma bai tab’aji ta ambaci sunansa ba koda wasa sai yau, tsakaninsa da ita saidai ta watsa masa kallon k’ask’anci ko gaisheta yai a gadarance take amsasa yau sai gashi ta ambaci sunansa dole abin ya basa mamaki....
D’an gyara tsayuwarsa yai kana yace “Da ni kike magana Hajiya...?”

Muhibbah ta k’araso kusansa tana mai jinjina kai kana tace “Can I have a word with you...?”

Kuma daidaita tsayuwarsa yai kana yace “Yes... Sure....”

Muhibbah ta kuma waigawa gefe da gefe kana tace “I want you to be completely honest with me....”

Akram ya d’an jinjina kai yace “Ina saurarenki Hajiya...”

Muhibbah ta jinjina kai tace “Inaso ka fad’a min what exactly my husband is up to... And don’t lie to me....”

Mamaki maganar nata yaso basa, ya d’an gyara tsayuwarsa kana yace “Hajiya... Ban fahimci abinda kike nufi ba...”

Wannan karon d’an nurmusawa tai kana tace “Nasan ka fahimci abinda nake nufi sarai, domin kuwa sanin kanka ne akwai abubuwa da dama da mijina ke b’oye min wanda kai baya b’oye maka... So tell me mai yake shiryawa....?”

D’an kauda kai gefe Akram yai kana yace “A gaskiya kiyi hak’uri domin kuwa wannan ba hurumina bane, tsakaninki da mijinki ne wannan...”

Banda uwar harara babu abinda take aika masa, bata zaci wannan wawan zata sami matsala dashi ba.... K’ak’aro murmushi tai kana tace “Kar ka damu da tsakanina da mijina ai ni ce na tambayeka, so just tell me...”

Nan ma shiru Akram yai kana yace “A gaskiya kiyi hak’uri Hajiya.... Ni zan wuce.....” Yasa kai daga haka..

Shayeda mamaki Muhibbah take dubansa, a ranta take ayyana lallai wannan banzan ya cika d’an rainin hankali... Har ya soma tafiya ya sinkayo muryarta tana furta “Kai Akram kake ko wa... Umarni nake baka a matsayina na matar uban gidanka idan kuma baso kake ka rasa aikinka ba....”

D’an waiwayowa kad’an yai kana yace “I’m sorry.... I’m also following orders here... Hajiya kiyi hak’uri.... It’s really confidential....”

Murmushin yak’e ta saki kana ta matso kusansa sosai tana wani kannare idanu had’ida d’aura hannu a kunkumi kana tace “You seems very tough....Kaga a fuska kafi kama da salihai marassa son hayaniya da tashin hankali just like your Boss....”
Ganin tana kuma k’ok’arin kawo fuskarta kusan nasa ya sanyashi saurin matsawa da baya cikeda tsoro had’ida firgici....
Maimakon ta bada tazara tsakaninsu saima murmusawa da tai tana mai kuma ci gaba da kannare masa idanu kana tace “Ya dai.... don’t you like women.... Oh c’on pretty boy Don’t tell me tsoro kake....?” Tai maganar cikin sigan rad’a...
Izuwa lokacin k’afafun Akram sun soma rawa... Fitowar wata Cook daga can gefen shuke shuke ya ceci Akram daga tarkon Muhibbah tai saurin saita kanta kana tace “Kana iya tafiya Akram... Ina saurarenka idan komai ya zama ready....”

Bai iya bata amsa ba sai sa kai da yai cikin sauri yana k’ok’arin ficewa daga gidan....
Muhibbah ta kalli sabuwar Cook d’in da ta kawo ba tareda sanin mijinta ba don shi cewa yai a rage ma’aikatan gidan musamman masu girki ita kaw ba iyawa tai ba hasalima ko ta iya bazatayi ba... Kiranta tai ta k’araso da sauri kana tace “Vanessa ba na hanaki yawo cikin gidan nan ba...? Ko so kike ki rasa aikin ki...?”
Matar tai saurin girgiza kai tana mai bata hak’uri....
Harara Muhibbah ta dalla mata kana tace ta shige ta bata waje kafin ta canza zuciyarta ta sallameta....
Har saida Vanessa ta shige kafin Muhibbah taja wani dogon tsaki ta nufi sashen bak’i yanda mijin nata yake...

***

Shiru Abbah yai yana sauraren d’an uwan nasa da batun da yazo masa.... A hankali ya sauk’e ajiyan zuciya kana yace “Yayah wani hanzari ba gudu ba... Bawai nak’i batun a maida auren yaran nan bane, zanfiso a tambayi ita Zulfa’un aji daga bakinta idan ta amince ta yarda zata kuma auren Hafiz a karo na biyu... Sannan Zulfa’u yanzu bazawarace hakkin zab’an miji a hannunta yake a shari’ance, ni a halin yanzu ma Yaya gaskiya alk’awari nayi babu d’ahnah guda da zan kuma ma auren dole, idan suna so falillahil hamdu ai hannunka bazai rub’e ka yanke ka yar ba, idan kuma basa so toh a gaskiya Yaya ina ganin hak’uran shi yafi alkhairi... Batun shi Ma’aruf kuma zanji ta bakinsa, idan ya amince yana son d’aya daga cikin Sahariyyar ko Naja’atun ba matsala bane, kamar yadda kace k’ara dank’on zumunci ne kuma Ma’aruf zai yarda cewa lallai ‘yan uwansa na k’aunarsa dukda cewa yayi shekaru ba taredasu ba... Amma Yaya saifa idan yace yana so.....”

Baba Alhaji ya maida hularsa baya don ba haka yaso ba, yaso da zaran yazowa Abbah da batun yayi na’am ba tareda wani shamak’i ba... D’an jinjina kai yai kaman mutunin kirki kana ya sauk’ar da ajiyar zuciya yace “A zatona Usman bazan baka umarni kace zakayi shawari ko zaka nemi zab’in ‘ya’ya ba... Yaran da mu muka haifesu basu suka haifemu ba... Haba Usman shin har Yaushe ka zamto haka...?”

Abbah ya d’anyi shiru kad’an kana ya gyara zamansa had’ida soma fad’in “Wato Yaya duk bank’i abinda kazo dashi ba... Amma baka duba munyi hakan da farko baiyi kyau ba... Ko ka mance da fari ikonmu muka nuna kan Zulfa’u da Hafiz amma k’arshe mai ya haifar...? Ina ganin iyaye suna tapka babban kure wajen tilasta wa yaransu auren wad’anda basaso sannan musulnci cewa yayi budurwa a shawarceta kar a bata mijin da ita bata so, tanada hakki a bata zab’i itama, ita kuwa wacce ta tab’a aure ragamar zab’an mijinta a hannunta yake... Shi kuwa Ma’aruf baka ganin idan mun tilasta masa auren wacce baya so bazaisa ya kallemu da wata manufa ba tinda yaron nan ba hannunmu ya tashi ba, cinsa shansa karatunsa fad’i tashinsa duk bamu sani ba, hasalima haihuwarsa kawai mukayi... Shi baka tunanin bazaiga munyi karan tsayewa rayuwarsa ba...? Sannan iyayensa na can da suka rainesa watak’ila sunada mu’amala kyakkyawa da fahimtar juna tsakaninsu... Baka tunanin ya kamata muyi koyi dasu... Sannan Yaya Ma’aruf yanada iyali, bamuda tabbacin idan yanada ra’ayin zama da mace sama da guda.... Wad’annan dalilai kad’ai Yaya ya isa mu d’agawa yaran nan k’afafu mu barsu su zab’i wad’anda suke so kar muyi karan tsayewa rayuwarsu tinda bamu zamuje mu zauna masu