You Cannot Download this book untill you login but you can read it .

---

Login Register

ba.... Kai hak’uri Yaya ban...”

Dakatar dashi Baba Alhaji yai ta hanyar d’aga masa hannu kana ya mik’e yana sab’a babbar riga lokaci guda yake fad’in “Dakata Usman banaso na kuma jin komai... Har nine zaka watsan k’asa a idanu kawai don nazo neman alfarma wajenka.... Na jima da sanin cewa baka d’aukeni da wata daraja ba..... Kaje jik’a ‘ya’yanka ka shanyesu.... Amma ka sani muna gab da raba zumunta ta har abada dani dakai....”
Daga haka ficewa yayi fuuu kaman zai tashi sama... Mamy dake k’ok’arin shigowa rik’eda flask d’in ruwan zafi ta kawo masu shayi, tana gaishesa ko amsata bai sami zarafin yi ba ya fice kaman zai kifa da k’asa ba daina furta Aikin aikin wofi ba....

A hankali ta ije flask d’in tana duban mijin nata da alamun tambaya....

Abbah ya fuzar da iska a hankali had’ida lumshe idanunsa....
Mamy ta sami waje daga gefensa ta zauna....
“Abbah lafiya dai koh....?” Ta fad’i fuskarta d’aukeda damuwa....

“Inafah lafiya Hannatu.... Kina jin zancen da Yaya ya kuma zuwa min da ita.....?” Abbah yace yana mai duban Mamy.....
Jinjina kai Mamy tai don tasan hakan zata faru bayan bayanan Baba Alhajin dataji a asibiti can wajen duba Hajiya Haule da sukaje....
Matsowa tai sosai kusan mijin nata had’ida dafa hannunsa dake aje saman cinyarsa kana tace “Ka kwantar da hankalinka mijina, kuma kada kasa damuwa a ranka... Munayima ‘ya’yanmu addu’a kuma nayi imani bazasu tab’e ba sannan da sannu zasu sami abokan zama na k’warai..... Wannan ba abin d’aga hankali bane kaji koh....”
Tai maganar sihirtaccen murmushi kwance saman kyakkyawar fuskarta...

K’uri Abbah ya mata yanajin sanyi da wani irin kwanciyar hankali cikin zuciyarsa, a hankali yakai hannu ya shafi fuskarta kana yace “Allah ya maki albarka Hanne na.... Hak’ik’a kin tuna min shekarun aurenmu na fari... Kafin b’acewar Ma’aruf...”

Mamy ta kuma murmusawa tana mai dubansa itama...

Aunty Lami dake lab’e jikin window wacce tin shigowar Baba Alhaji tazo jikin window d’in ta mak’ale don taji komai, zuciyarta banda k’una da tafarfasa babu abinda yake sanda taga farin ciki da kalan soyayya da Abbah ke nunawa Mamy.... Ta kuma d’ingile k’afa tana aikin lek’ensu yanda ta hango Mamy ta tsiyayawa Abbah ruwan shayi yana sha yana kuma jifanta da kalamai masu dad’in sauraro ga duk wanda ake fad’iwa....
K’walla da takaici sukaima Aunty Lami diran mik’iya, har saida tai datasanin lek’ensu.... Ji take kaman ta isa ta shak’e Mamy ko zata sami sanyi cikin zuciyarta... Duk abubuwan da tai ganin ta dasawa Abbah tsanar Mamy ciki harda salwantar da Ma’aruf sam basuyi aiki ba tsawon wannan shekarun, soyayyar Hannatu sam bazai gushe zuciyar Abbah ba... Hawaye masu zafi suka shiga keto mata sanda ta hangi Abbah na baiwa Mamy shayi ta yanda bakinsa ya goga jikin kofin... Mamy na nok’ewa tana darawa yayinda shi kuma Abbah ke kuma janyota yana mai magana k’asa k’asa wanda bata iya ji.... Shikenan Hannatu Farin cikinta ya dawo,gata da yaranta gaba d’aya a tattareda ita, ga soyayyar miji dana yaranta kai harma da duk wani wanda ke tarayya da ita, itako batada tsuntsu batada tarko, hasalima idan asiri ya bayyana cewa tana d’aya daga cikin wanda sukaso ganin bayan Ma’aruf kashi da shara sai sunfita daraja... Take taji batak’i taga gawan Mamy ba kowama ya huta.... Wani irin jiri ne ya kusa kifawa da ita ganin Abbah tsofai tsofai na nunawa Mamy soyayya da kulawa a shekarunsu na tsufa wanda ita koda wasa ko a baya da takeda k’uruciya sam bai tab’a nuna mata ba.... Ji kake Dimmm ta fad’o daga saman dakalin dake jikin window d’in da take lek’ensu... Babu halin tai ihu don kada su jiyota, ga uban azaba da takeji don da k’yar idan bata cire k’ugunta ba.... Tanajin sanda Abbah ya taso yana lek’en ko wani abin ne ya fad’i... Haka ta matse bakinta da hannayenta da iyaka k’arfinta tana mai tamke idanu had’ida mak’alewa jikin garu don kar ya ganta... Har saida taji juyawan Abban kafin ta lallab’a da jada ciki ta nufi sashenta, Allah ya rufa mata asiri bata ci karo da kowa cikin yaran gidan a hanya ba....

***

Sahariyya da Hajiya su duka biyun tare suke jinya, Hajiy fuska a kumbure ga jiki duk tabo, ita kaw Sahariyya k’afafu a d’aure sabida tun bugun da Hafiz ya mata bata warke daga kariyan data samu a k’afa ba, shi kaw Hafiz yana can asibiti yana nasa jinyar....
Naja’atu ita ce a tsakani tana taimaka masu....
Hajiya taci gaba da fad’in “Wacce duk ta dace Ma’aruf ya zab’eta ta more miji cikinku, gashi gangariya gashi likita....”

Sahariyya dake faman washe baki tai saurin taran zancen Hajiya da fad’in “Ai Hajiya ni zai zab’a ma don nafi dacewa dashi kuma ma ai nice babba ni ya kamata a bashi matsayin mata...”

“K’ya dai tsaya ya zab’a da kanshi cikinku....” Hajiya tace sanda take kuma fifita fuskarta da mahuci....

Sahariyya ta b’ata fuska tace “Hajiya Wllhi gwarama kiyi fatan ya zab’eni don Wllhi duk wacce ya zab’a ba bari mata zanyi ba babu ruwana da cewa ita k’anwatace....”

Tinda suka soma zancensu, Naja’atu dake zaune gefe da lantern tana karatu kasancewar babu wutar nepa batace dasu komai ba sai sannan ta rufe littafinta tace “Addah Sahariyya da ma kin kwantar da hankalinki don indai nice Wllhi bana fatan a lik’ani ga wani namijin da baisona, saikace wacce ake neman kai da....” Ta k’arashe tana mai kuma bud’e littafinta.....

Sahariyya ta harzuk’ota da fad’in “Dilla rufewa mutane baki yarinya, wa zaiga gaye kaman Ya Ma’aruf yace baiso, dama mai zaiyi dake k’arama dake wacce baki jima da soma k’irgen dangi ba, ko a k’afa aka aura masa ke wllhi kwanceki zai ya gudu..... Ni ce nan na dace dashi....”
Ta k’arashe tana juya idanu daga yanda take zaune....

Girgiza kai Naja’atu tai kana tace “Allah shi kyauta ya baki sa’a yasa kada Ya Ma’aruf yace baki masa ba... Dear sister...” Ta k’arashe tana mai kuma duba littafinta...

Haba nan fah Sahariyya ta hau sababiga ‘yar uwarta har saida Hajiya tasa baki.....
“Banaso kuna samu banbancin ra’ayi, gaba d’aya Naja’atu kin zama munafuka.... Kina nema ki juyawa ‘yan uwanki baya, Wai har tarewa kike ki tafi wajen mayyan can Raihanah.... Toh kici gaba kar ki fasa..... Shashashar banza wacce batasan yanda ke mata ciwo ba....”

Da tsananin mamaki Raihanah ke duban Hajiya, har itace Hajiya ke kira munafuka bayan taji bak’in k’ullin da suka shirya itada Alhaji wanda badon tana tsoron rasa iyayenta ba da tuni ta fallasasu kowa ya sani.... A hankali ta girgiza kai cikin zuciyarta tana addu’an shiriya ma iyayen nata...
Ana a haka Baba Alhaji ya shigo tagan magajan sai bambamin bala’i yake....
Hajiya ta tareshi da fad’in “Yaya yaya meke faruwa.... Ya na ganka haka nan.....”

Cikin huci yake furta “Ai komai ma ya faru.... Wai har nine Usman zai dubi tsaban idona yace baiyi na’am da shawarina ba.... Wai shi bazai kuma tilasta yaransa cikin aurenda basa so ba... wata tsiya wata tsiya, ke kijimin yaron nan.....”

Hajiya dake dubansa ido a kanne cewa tai, “Yo ai kaine baka iya ba, cewa zakayi ka bada tinda daga yaran nasa har naka kanada iko dasu, nifa ko ba’a sulhunta auren Zulfa’u da Hafiz ba to fah ya zama dole a had’a auren Sahariyya da Ma’aruf....”

Hajiya bata rufe baki ba Sahariyya tace “Yauwa eh wllhi Hajiya....”
Baba Alhaji ya watsa mata harara yayinda Najah ta mik’e ta bar tsakar gidan sabida tsaban takaici, ta gwammace tasha zafinta a d’aki data zauna sauraren kayan bak’in cikin ahalinta.....

****

A can asibiti wajen Hafiz kuwa bacci yake yana mafarkin abin k’aunarsa Zulfa’u,fuskarsa ta cika da annuri cikin baccin nasa, farkawar da zaiyi sukayi idanu hud’u da abokinsa Magaji....
Magaji ya sakar masa murmushi had’ida masa sannu da jiki.... Hafiz ya amsa yana mai bud’e idanunsa gaba d’aya.... Lokaci guda kuma ya d’an lumshesu kana yace “Batazo ba...?”

Magaji yace “Wa fah....?”

“Zulfa’u...” Hafiz ya fad’i idanunsa na kallon sama....
Girgiza kai Magaji yai kana yace “Wai har yanzu bazaka sarara da tunanin Zulfa’u har ka sami lafiya ba....? Haba Hafiz kodai bakaji abinda likitoci sukace bane.....”
Lumshe idanunsa yai a hankali kana yace “Magaji idan kaga na cire tunanin Zulfa’u toh ka shaida shakka babu na daina numfashi ne... Numfashina yana ficewane tareda tunaninta... Magaji ban tab’a zaton ina k’aunarta har haka ba... Zulfa’u itace rayuwata domin kaw tin daga lokacin data bar cikin rayuwata ban kuma samun natsuwa da kwanciyar hankali da na kasance cikinsu a baya ba... Kai shaida ne...”

Magaji ya jinjina kai a hankali kana yace “Duk naji wannan amma ka d’ibar mata lokaci kaima ka sami sauk’i tukuna....”
Wata duba Hafiz ya watsa masa kana yace “Inaga dai baka fahimci abinda nake nufi bane... Na k’agu su sallameni a wajen nan na tafi na maidoda matata... Nifah idan basu sallameni cikin satin nan ba Toh fah gaskiya zan sallami kaina....”

Magaji ya d’an murmusa kana yace “Lallai ka sami sauk’i abokina tinda har kake fad’in haka...” Shigowan Likita ya katse masu zancen....

***

Koda Aunty Lami ta isa d’aki da k’yar da jin jiki, nan ta nemi man zafi ta shafe kwankwasonta yanda ta buga, ga k’afarta guda da tuni tayi fushi ta kumbura abu kaman wasa....

Bayan kwanaki biyu aka sallami Hafiz ya koma gida, a b’angaren Baba Alhaji da Abbah kuwa sam babu sararawa a batun da Baba Alhajin yazo dashi, gaba d’aya ya d’aure Abbah da jijiyoyin jikinsa, Allah ya sani bai kasance mai tirjiya da tsaurin idanu ga na gaba dashi ba, Abbah irin mutanen nan ne da idan na gaba dasu yace ga yanda za’ai toh fah bai iya tsallakewa sannan bai iya cewa a’a, har yanzu dai bai fayyace ya wacce ya baiwa Sameer cikin yaransa ba sannan shima Sameer d’in sam baida wannan labarin, a b’angaren Zulfa’u kuwa Aunty Bara’atu dole ta kuma d’auketa daga gidan ta maidata nata gidan ganin idan ta barta gaban Abbah da Mamy Baba Alhaji na kuma sake aura mata Hafiz wanda a yanzu kusan baida buri da ya wuce yaga ya kuma mallakar matarsa Zulfa’u....

Yau tana zaune tsakar gida tana duba wasu takardun, shirin da zata gudanar safiyar washe gari idan Allah yakai rai sai jin ana knocking tai.... Tasan kuma dai ba Aunty bace ta dawo don da itace da horn d’in motarta zataji.... Kira ta shiga rangad’awa Safinatu mai aikin Aunty B, Jim kad’an Safinatu ta iso tana fad’in “Gani Aunty Zulfa’u....”

Zulfah tace “Ki duba gate kaman knocking ake...”

Safinatu ta amsa kana ta shige duba gate....

Zulfah ta maida hankalinta kan aikin dake gabanta.....
Tana cikin duba wani k’aramar takarda ne a hannunta tana rehearsals kawai sai hango k’afafun mutum tai yana shigowa.... Tai saurin d’agowa don tabbatarwa don tasan shi kad’aine mai irin wad’annan k’afafun....Tai saurin rintse idanunta cikeda takaici don ko jiya ma saida ya bita har wajen aikinta...

Safinatu ta k’araso tana fad’in “Aunty Zulfa’u nace dashi Aunty Babba bata nan amma yace shi wajenki yazo....”
Zulfah ta jinjina kai kana taceda Safinatu “Jeki kawai....”
Safinatu ta shige abinta....

Take ta had’e rai tamkar ba Zulfa’un da ya sani ma’abociya sakin fuska da son mutane ba....
“Ya Hafiz mai kuma ya kawoka gidan nan fisabilillahi... Sanin kanka ne idan Aunty ta dawo ta taddaka gidan nan bazai maka kyau ba ko nace bazai mana kyau ba....” Ta k’arashe maganar tana mai warware gyalen abaya dake d’aure kanta ta yafe shi zuwa kafad’unta...

Farar kujera dake gefe ya zauna bisa kana yace “Wannan itace irin tarban da zakiwa mijinki...?”

Girgiza kai Zulfah tai kana tace “Kana mancewa nifa ba matarka bace... Don girman Allah ka daina bibiyata kayi zamarka da matarka Sawwama don gaskiya ni dai kam bazan koma gidanka ba....”

Hafiz ya mata tsuri yana dubanta kaman ba Zulfa’un da ya sani ba kana yace “Kar ki sake kiran wancan ballagazar da sunan matata... Matata d’aya ce nan gidan duniya, kuma kece Zulfa’u.... Karmu wahalar da kanmu na sani munason juna.... Wllhi a shirye nake na sake aurenki Zulfa’u, I’m ever ready....”

Kauda kanta gefe ta d’anyi kana tace “Kayi hak’uri Ya Hafiz ina maka fatan alkhairi a rayuwarka, Allah kuma ya datar dakai da mace ta k’warai amma badai ni Zulfa’u ba....”

Zuciyar Hafiz ta soma sosuwa, har shine Zulfah ke turning d’insa down, matar da a fari dangin sadaka aka basa, amma Wai yau har shi ke kwantar da kai yana rok’on ta koma gidansa tana sha masa k’amshi bayan yasan deep down tana mutuwar sonsa itama....
Mik’ewa yayi had’ida zira hannaye cikin aljihun wando ya d’an soma takowa gabanta kad’an....
Ta d’ago idanu tana mamakin yanda yai mata tsaye aka ya wani lank’washe wuya harda karkace hula ga hannaye cikin aljihu....
Bud’e baki yai kana yace “Tell it to my face that you don’t love me, you don’t feel anything for me.....” Yayi maganar cikeda gadara...
Itakam ma dariya abin yaso bata yanda har yanzu Ya Hafiz bai daina jin kansa ba kana ta ijiye takardan hannunta tace “Dama can akwai wata soyayya ce tsakaninmu....? Ko ka mance dagani har kai dole aka mana, kuma gudan jinin dake tsakaninmu Allah ya amshi abinsa.... Don haka kamar yanda nace maka kaje Allah ya had’aka da madadina saliha, wacce zata so ka tsakani da Allah....”

Fuzar da iska yai kana yace “Baki amsa min tambayata ba....Ki fito fili ki fad’a min baki sona idan har da gaske babu d’and’anin soyayyata cikin zuciyarki.....”

Shiru ya d’an biyo baya, bata furta komai ba sai k’urama waje guda idanu da tai.....

D’ago kai tai da niyyar magana K’aran horn d’in motar Aunty B ya katseta... Gabanta yai mugun fad’uwa, idanunta sukai rau rau tana mai dubansa, lokaci guda ya mik’e tana fad’in “Ka gani koh... Dan Allah ka fice kafin ta shigo ta taddaka....”

Ko gizau baiyi ba banda kallon k’urilla da yake mata.....
“Ya Hafiz magana nake maka... Dan Allah ka fice before she sees you here....”

Bai kuma cewa komai ba sai juyawa da yai ya soma tafiya, lokaci guda ya juyo yana dubanta itama d’in shi take duba
Hafiz ya furta “I won’t give up on you....” Daga haka sa kai yai ya fice kaman mai shirin tashi sama...

Zulfah ta lumshe idanunta a hankali tana ambaton Allah....

Shiko Hafiz a k’ofar da zai sadaka da cikin gidan suka had’uda Aunty B....
Ta bisa da kallon mai ya kawosa gidanta....
Gaisar da ita ya soma ta dakatar dashi da fad’in “Lafiya mai ya kawoka gidana.......?”
Hafiz ya d’ago idanu yana dubanta... Ta kuma jinjina kai kana tace “Ina saurarenka, mai kazo min gida...?”

“Matata nazo gani....” Ya bata amsa kai tsaye...
‘Yar bazawarar murmushi Aunty Bara’atu tai kana tace “Matarka...? Matarka fah kace....? Ikon Allah.... Ita Sawwamar ce tazo nan gidan...?”

Hafiz ya had’iye wani abu mai zafi kana yace “Matata Zulfa’u....”
Nan ma murmusawa ta kumayi kana tace “Ai bari kaji na fad’a maka Hafiz, Zulfa’u tai maka nisa, nisan da bazaka tab’a samu ba.... A iya sanina Zulfa’u ba matarka bace a halin yanzu domin kaw babu aurenka akanta... Saidai ka shiga jerin masu neman aurenta, amma abin takaicin shine bazaka sameta ba domin kaw wutsiyar rak’umi ya riga yayi nesa da k’asa... Saidai a k’ara gaba amma ba nan ba.... Kaje can Allah had’aka da rabonka.... And to make it clear to you, banso na dake ganin k’afafunka cikin gidana... Ina kuma fatan hakan ya zamto kashedi na k’arshe....”

Tana ida fad’in haka ta danna lock wa motarta ta nufi cikin gida....
Hafiz ya bita da kallo tamkar wanda ruwa ya shanye, da k’yar ya iya d’aga k’afafunsa ya fice daga gidan....

Wani mugun kallo Aunty B ta watsawa Zulfah dake mata sannu da zuwa, kana ta shige d’aki ba tareda ta amsata ba... Zulfah ta dafe kanta a hankali tana ambaton Allah, ko shakka babu tasan Aunty ta had’uda Hafiz ne a hanyarsa na ficewa daga gidan....

***

Bayan sun fito daga taron jama’an ne suka d’an samu keb’ewa, abinka da mutumin da jama’a ke matuk’ar so, da k’yar Engr ya samu ya silale daga dandatson jama’an dake fatan samun kujerar muk’ami ta gwamna da yake nema....
Ya cire hularsa ya shiga fifita da ita, kana iya hango kwantacciyar sumarsa da suka jik’e da zufa, dukda AC dake hurawa dashike lokacine na tsananin zafin rana.....Akram ya k’araso rik’eda wata ‘yar takarda hannunsa kana ya mik’ama ubangidan nasa cikeda risinawa...
Ya amsa yana mai murmusawa lokaci guda yana mai duba takardan...
Baiso ya fahimci halinda yake ciki don haka k’ok’arin saita kansa yayi kana ya soma koro masa bayani....
“Rankashi dad’e duk wani bayanai gameda ita da zan iya samu suna k’unshe cikin takardan nan.... Sannan k’asa kad’an lambar wayartace.....”

Engr ya jinjina kai a hankali, murmushin bata gushe saman fuskarsa ba...
Lokaci guda ya soma furta “Na gode k’warai Akram....”
Akram ya girgiza kai yana mai furta “Ka wuce haka a wajena your Excellency, bacin duk abubuwan daka min a rayuwa, ina fata watarana nima nayi abinda zan saka maka....”

K’uri Engr ya masa yana mai son karantar yanayinsa.... D’an aje takardan yai saman table dake gabansa kana yace “Akram... Akwai matsala ne... Akwai abindake damunka ne wanda baka sanar dani ba...?”

Akram ya d’an k’ak’aro murmushi had’ida girgiza kai yace “Babu... Babu komai your Excellency.... Zan iya tafiya... Zanje na duba idan jama’anmu kowa ya sami motar shiga....” Ya k’arashe maganar yana mai mik’ewa ya nufi k’ofa.....

Engr ya kirawosa ya dawo da baya.... Kansa a k’asa,don ko duban idanunsa baisonyi bacin abinda Muhibbah ta bijiro masa dashi....

“Zauna....!” Engr yace yana mai dubansa....
Babu musu Akram ya zauna....
Gyara zama Engr yai kana yace “Banso kana d’aukan duk wasu abubuwan da nake maka a matsayin watarana zaka biyani, cos to me you’re my younger brother.... You’re not only an employee Akram... You’re family.....”
Akram yai saurin d’agowa yana duban Ubangidan nasa... Engr ya jinjina masa kai a hankali kana yace “So babu ramuwa tsakaninmu kaji koh....”
Akram ya jinjina kai a hankali...

Engr yaci gaba da fad’in “Inaso ka wakilceni a wajenta, ma’ana inaso ka soma gabatar dani kafin na gabatar da kaina.... Amma banso ka sanar da ita ko ni wanene har sai nan da wani lokaci... For now zan dinga kiranta a waya amma kai zaka dinga zuwa a madadina.....”
Banda bugu babu abinda k’irjin Akram keyi.... Mai yasa yana k’ok’arin manceta da yunk’urin cireta cikin zuciyarsa Engr zai masa haka... This will be hard for him... Gashi babu hali yace masa a’a... Shin kodai ya sanar dashi gaskiya ne cewa sunyi tarayya wajen son mace guda ne....?


SameenaAleeyou📚



*INDA RAI*
_................DA RABO_






*69*



Akram na ficewa Engr yaci gaba da juya takardan hannunsa, har lokacin murmushi ne kwance saman fuskarsa... Idanunsa ya sauk’a kan lambar wayar da aka kawo masa a matsayin nata, ya d’auki lokaci mai d’an tsawo yana duban lambar wayar tamkar wani mai niyyar haddace lambar.... Ya d’an sauk’e ajiyan zuciya kad’an had’ida fuzar da iska... Wayarsa dake aje gefensa yakai dubansa ga fuskar wayar, nan ma saida ya jima yana duban wayar tasa kafin yasa hannu ya d’auki wayar, ya shafi screen d’in wayar ya kawo haske... A hankali ya soma loda lambar wayar cikin tsanaki a wayar tasa.... Koda ya gama jera lambobin saida ya tsaya ya d’auki lokaci yana tunanin abinda yake shirin yi... This is not like him, bai tab’a zata rana irinta yau zata riskesa a rayuwarsa ba bayan duk zaman hak’uri da yayi da Muhibbah ko ince yake kanyi.... Anya kuwa ba damuwa yake shirin k’aro ma kansa ba kan wanda yake ciki da matarsa Muhibba...? What if itama ta kasance kaman Muhibbah ko ma worse than Muhibbah....? Yayi saurin shafar sumarsa a hankali kana yace toh amma according to Akram yarinyar ‘yar gidan tarbiyace kuma rashin dacen miji tai a fari wanda yayi sanadiyar mutuwar aurenta....
Ya d’an mik’e tsaye a hankali yana zagaye tangamemen parlorn mai d’aukeda kujeru kusan set uku.... Idanunsa suka sauk’a ga tangamemen k’ofan glass da aka k’awata parlorn da ita, yana hango mutane yanda suke faman kai komo wanda da dama fitowarsa suke jira.....
Ya kuma tsurawa lambar idanu, samun yatsarsa yai yana mai dialing lambar da ya gama lodawa a wayarsa da sunan lambar yarinyar kenan....

Zulfah na faman baiwa Aunty B hak’uri gameda riskan Hafiz da tai a gidan wayarta ta d’auki ruri.... Ko takan wayar batabi ba ita dai damuwarta Auntynta ta bar fushi da ita...
Aunty B ta d’an aika mata harara kana tace “Ki amsa kiran nan da ya ishemu ya cika mana kunnuwa...”

Zulfah ta d’an turo baki gaba tace “Nidai bani amsawa Aunty sai kince kinyi hak’uri....”
Dariya taso bata kana tace “Naji nayi... Maza tashi ki amsa kiranki....”

Zulfa’u ta rungumeta da sauri cikeda farin ciki tana mai furta “Ko kefa Aunty na...” Har wayar ta tsinke kafin aka sake kira....
Aunty B tace “Ni d’agani kada ki k’arasani... Gwara dai na sanar dake don wllhi idan giyan soyayya ya d’ibeki Hafiz ya hure maki kunne kika kuma aurensa saidai ki nemi mai tsaya maki badai ni Bara’atu ba kuma ba ‘yar uwata ba.... Ki amsa kiran nan haka...”

Zulfah na murmushi take fad’in “Ba dolenki ki tsaya min ba Auntyna... Kinga wata lamba ce bansan mai ita ba, banson d’agawa kardai Ya Hafiz ne....”

Aunty B tace “Ki dai d’aga kiji koma waye, it might be something urgent....”

Zulfa’u ta d’aga wayar da sallama tana mai k’arawa a kunnenta....

Wani abu yaji yana tsargar masa cikin zuciyarsa sanda muryar nata ya daki dodon kunnensa, tabbas itace Muryar da ya saba saurare ne a radio.... Daga can b’agaren kuwa Zulfa’u taci gaba da fad’in “Hello... Assalamu’alaikum... Wake magana...? Hello....”

Shiru ba’a amsata ba.... Muryar matarsa Muhibba da ya sauraro tana shigowa ya katse masa hanzarinsa... D’if ya katse kiran ba tareda yace komai ba.... Muhibbah ta k’araso yayinda Suwaiba maid d’inta ke biyeda ita rik’eda basket d’in abinci nik’i nik’i.... Batai wata wata ba ta k’arasa ta rungume mijin nata tana fad’in “Excellency na nayi kewarka, mutanen nan basa barinka ka huta... Jibi duk yanda ka rame kai bak’i....”Ta dubi Suwaiba tace ta ije abincin a wajen ta fice, Suwaiba tai yanda tace....

Cireta yai daga jikinsa yana mai bintada kallon mamaki ganin abinda bai saba gani ba, Wai shine yau Muhibbah ke biyosa da abinci office.... A hankali ya k’arasa ya zauna saman kujera bai daina binta da duban mamaki ba... Muhibbah ta ije ‘yar mayafinta saman hannun kujeran kana ta isa ta janyo basket d’in ta bud’e zip d’in dake sama ta d’auki plate da serving spoon ta shiga k’ok’arin serving d’insa.... Lokaci guda take furta “I know you must be hungry Excellency na...... It’s your favorite, look... Nasan zakaci s....”

Dakatar da ita yai da fad’in “Wait... I just don’t get it.... Wani kika kawo abinci....? Since when kika soma kawo min abinci wajen aiki....?”

D’an murmusawa tai kana tace “Tun sanda na maka alk’awarin canzawa... Kaga fah nice da kaina na girka maka..... And I’m here to feed you myself....” Ta k’arashe tana mai ci gaba da zuba abincin cikin bowl.....

Girgiza kai yai cikeda takaici kana yace “Drop the act Muhibbah... Kar muyi wannan wasan dake, na sani sarai kinyi hiring cook da take abinci ba ke kikeyi ba, har restaurant d’in da kikaje kikai hiring cook d’in inada labari, kawai na zuba maki ido ne naga gudun ruwanki.... I’m pretty sure canzawa overnight zai maki wahala so na d’ibar maki lokaci na tabbatar shin da gaske kinyi shirin canzawan ko kuwa dai zaki koma ruwa....”

Ta d’an muskuta kana tace “Haba Excellency na Haka ake encouraging mutum, kamata yai kake ganin good side d’ina ba kullum kaita kusheni ba... Wllhi I’m changing for the better, I promise you...”

D’an tab’e baki yai a hankali kana yace “Idan kin canza don kanki Muhibbah don ba mani kikai ba, ki sani ko mai bawa yake aikatawa shi zai accounting kayansa babu wanda zai masa... Kin fahimta....”

A hankali ta jinjina kai kana tace “Haka ne Excellency na.... Dad’ina dakai akwai matsowa mutane Allah kusa shiyasa nake dad’a sonka kuma wannan kyakkyawar d’abi’a taka kad’ai ta isa ta saye zukatan mutane wajen zab’inka matsayin mutumin da zai shugabancesu ya kuma jagorancesu... Allah ya shige maka gaba a duk abinda kasa gabanka Excellency na... Amma kuma banda neman aure idan har yana cikin agenda d’inka....” Ta k’arashe tana dubanshi wanda shid’inma ita yake duba, hab’arsa bisa hannayesa guda biyu ya mata tsuri yana dubanta...

A hankali ya furta “Ita addu’ar taki ta k’arshe bazaki min fatan Allah yamin zab’i ba...”
Saurin mik’ewa tai ta k’araso ta zauna gefensa ta kamo hannunsa guda kana ta shige cikin jikinsa, idanunta a lumshe take furta “I can share you with my children but not with any woman.... Ni Muhibbah ni kad’aice Matar Ma’aruf, haka