You Cannot Download this book untill you login but you can read it .

---

Login Register

duban tausai, harga Allah tausayin Sameer yake don yasan wannan aure tilasta ma kansa kurum yayi..... Wayar da ake bugowa Sameer d’in ya sanyashi mik’ewa ya fice don amsa kiran yayinda Aunty Lami taci gaba da kid’inta tana rawarta don sam Abbah bai kulata ba tinda shi ba farin ciki yake da wannan aure ba....
***
Koda Mamy ta tuntub’i Nabilah da batun Khalid bata bata k’wakk’waran amsa kai tsaye ba, ita Nabilar gani take kaman anyi gaggawa, wai ita ake maganar aurenta bayan ga Addah Zulfah yanzu a gida ita kam da dai an bari ba yanzu ba har ta tafi IT, miyema na gaggawan....
Mik’ewa Mamy tai ta dubi Nabilah da har lokacin kanta ke duk’e k’asa kana tace “Idan nima kunyata kikeji ga Addarki nan sai ki sanar da ita, idan baki sonsa kar a b’ata masu lokaci na sanar da mahaifinku....”
Sai sannan ta d’ago tana duban Mamy da idanunta da sukai raurau, ita fah Wai son Khalid bane batayi hasalima bata tab’a soyayya da wani d’ah namiji ba bayan Khalid d’in, amma abinne yazo mata a bazata, sannan sai tana ganin kaman anyi hanzari, bata ce komai ba har Mamy ta fice...
Zulfa’u ta kamo hannayen ‘yar uwarta murmushi kwance saman fuskarta take fad’in “Nabilah karki dubi wai dan gani nan a gida, shi aure ba haka yake ba, koda ace ban tab’a aure ba kowa da lokacinsa, sau nawa k’arama a gida takanyi aure ta bar yayyenta, hakan ba yana nufin laifinsu bane ko gazawarsu ce, a’a lokacinsu ne baiyi ba don shi aure hab’o ne da zaran lokaci yayi toh fah sai anyi, haka nan wasu nasu lokacin a kusane ballantana ke da har kike jami’a da girmanki da hankalinki, nidai a nawa ganin idan har kina sonsa ki basu dama....”
D’ago idanu tai tana duban Zulfa’un kana tace “Nifah Addah Zulfah bawai son Khalid bane banayi, hasalima kinsanni banida wani saurayi tun tasowata idan bashi ba sabida no one stands me, fad’ata kawai ta ishesu shid’in dai shine nake tunanin fad’an nawa ne yafi komai birgesa, kuma Addah danginsa fah basa k’aunata especially wannan matar Ya Ma’aruf d’in meyasa all of a sudden zasu amince ya aureni, something doesn’t add up gaskiya....”
Girgiza kai Zulfah tai kana tace “A lokacin da basu k’aunarki basu san wacece ke ba, kumama banda abinki Siyama ai matar Yayanki ne so na tabbata abubuwan data miki da bazata miki yanzu ba indai har tana k’aunar d’an uwanki toh ko shakka babu kema zata k’aunceki, duk bama wannan ba, shi uban gayyan tinda yana sonki ai an gama komai tinda dashi zaki zauna badasu ba...”
Dubanta kurum Nabilah keyi kana tace “Amma Addah ke kinsan illar ace dangin miji basa k’aunarka tinda ya faru dake dasu Hajiyar Ya Hafiz da yaranta...”
Zulfah ta d’an murmusa kad’an had’ida girgiza kai “Wannan yasha bambam da nawa Nabilah, shi Khalid mutumin k’warai ne kuma shi ya nuna yana k’aunarki ni kuma Ya Hafiz dole aka mana kuma bai k’aunata shiyasa ya kasa karb’a mun mutuncina wajen ‘yanuwansa, na tabbata Khalid bazai bari wani nasa ya muzguna miki ba ko ya tozartaki, kuma kema shaidace akan hakan... Amma zab’i na gareki k’anwata, abinda kikeso muma shi muke so... Allah ya miki zab’i na alkhairi kinji koh....”
Nabilah na murmushi ta rungume ‘yar uwar nata tana fad’in “Allah ya shiga al’amranmu gaba d’aya Addah ta....”
Zulfa’u da ce ta sanarda Mamy yanda sukai da Nabilah, tabbas Khalid baida wani aibu idan ka cire mahaifiyarsa da ‘yaruwarsa Siyama, kuma ko wane aure dole yazo da kalan nasa tangard’an tinda abu ne wanda shaid’an bai k’aunar yaga anyishi, babban abinda ake buk’ata shine ma’arautan su kasance masoyan juna ne duk soyayyar wani daban akan iya samu daga baya, tabbas Abbah ya cika alk’awarinsa na baiwa yaransa dama wajen zab’en abokan zamansu...
Bayan kwana biyu ya sami Sameer da batun don bai kamata abar babban mutum irin Daddy yaita jiran tsammani ba, Abbah ya tabbatarwa Sameer sirkinsa Daddy ka iya zuwa neman auren d’iyarsa Nabilah ga d’ansa Khalid, dikda cewa har yanzu Sameer d’in bai shiryada Siyama ba sosai yaji dad’in wannan had’ida za’a kumayi Don ko babu komai Khalid d’an uwane a wajensa koda bai auren Siyama, tare suka taso k’aramin k’ani ne a wajenshi they’re practically brothers... Baiyi k’asa a gwiwa ba ya sami Daddy da batun.... Sosai Daddy yaji dad’in martanin da ya samu daga iyayen Sameer d’in tuni ya shirya ranan tunk’aran mahaifin Sameer da batun, mutum biyu ya wakilta tare dashi shine cikon na ukun, mutane biyun kuwa duka sirakansa ne, Mijin d’iyarsa Siyama Wato Sameer saiko Yayan matarsa Wato Engr Ma’aruf....
***

K’uri Muhibbah ta masa sanda yake ci gaba da feshe jikinsa da tiraren, kaman wacce ta tina wani abu ta mik’e ta amshi turaren tana mai ci gaba da fesa masa, hannu ya mik’a ya d’auki hukarsa dake saman drawer a nan closet d’in, tai saurin amsa tana k’ok’arin saka masa, tsaf ya sauk’e kyawawan idanunsa saman fuskarta, kana iya hango tsananin damuwa da tashin hankali cikin fuskar tata....
Hannunta ya kamo duka biyu har lokacin idanunsa na tsareda ita, ta d’ago idanunta da sukai rau rau, tai saurin sadda idanun nata k’asa yawa mutumiyar arziki... Hannu yasa ya tallafi hab’arta, ya d’ago,
A hankali ya furta “Kuka...?”
Kaman wacce akace nan hawaye suka soma zarya a fuskarta....Cikin murya irinta mai kuka take furta “What do you expect...? Aure fah zaka tafi nema.. Ba dole nayi kuka ba...” Ta k’arashe cikin salo na ban tausai....
Murmushi ya sakar mata kana yasa tafukan hannayensa duka biyu ya tallafi fuskarta “Ki kwantar da hankalinki neman aure zan tafi amma ba nawa bane wannan karon, rakiya zanyi wannan karon....”
D’an turo baki tai kana tace “But still naka na zuwa...”
Da gefen bakinsa ya d’an murmusa kana yace “I thought we’ve already talked about that...”
Jinjina masa kai tai kana tace “Haka ne Excellency na, and you’ve no idea how happy I’m daka zama pure and transparent baka b’oye mun komai ba, farin cikinka shine nawa mijina... You’ve my unconditional support ba’a siyasarka kawai ba harta a neman aurenka muddin zaka kasance cikin farin ciki.... Burina na faranta maka mijina...” Ta k’arashe cikin salo na kashe murya had’ida shafar fuskarsa...
K’uri kurum ya mata kaman mai son fahimtar wani abu.... Gajeren murmushi ya sakar mata kana ya shafi fuskarta kad’an yana mai duba agogon da bai jimada d’aurawa a tsintsiyar hannunsa ba.... “Suna jirana... Sai na dawo koh....” Ya k’arashe yana mai gyara zaman hularsa da tasha tangaran sai k’yalli take....

Karkace kai Muhibbah tai tana dubansa, shu’umin murmushi saman fuskarta take furta “A dawo lafiya Excellency na, you take care....”

Yana ficewa dariya ta tintsire dashi had’ida fad’awa kan gado da baya, a fili take furta “Ma’aruf kenan, lallai iska na wahal da mai kayan kara, kayi kuskure da ka amince nid’in zan zuba maka ta mujiya ka kawomin wata ‘yariska gidan nan da sunan amarya....”
Ta k’arashe tana mai kuma tintsirewa da dariya....
Wayarta dake gefen gado ta janyo ta shiga neman layin Akram....



SameenaAleeyou📚



*INDA RAI*
_................DA RABO_




*80*




*©️Sameena Aleeyou...✍🏽*




Shiru Akram yai yana saurarenta daga d’aya b’angaren, shi kansa baisan ina suka dosa ba shida Boss d’in nasa balle yace mata ga yanda suka nufa.. Fitowar Engr yasa Akram katse kiran yana mai sanar da ita zasuyi magana...
Cikin saurin ya fito da niyyan bud’e masa front seat, kaman ko yaushe jama’ansa suka nufosa, masu kawo koke da matsaloli nayi masu gaisuwa nayi... Gaba d’aya hak’uri ya basu kasancewar baiso ya makara dan yanda zaijesa nada matuk’ar mahimmanci, ya dubi Akram yace dashi ya tsaya yaji matsalar kowa ya kuma rubuta ya aje masa....
Akram ya d’an sosa kai kana yace “Your Excellency fitar namu fah....? Sannan waye zai tuk’aka, ko na kira Jalo ne...?”
Gyara zaman babban garensa yai kana yace “Karka damu zan driving da kaina, just stay here ka saurari matsololinsu....” Ya k’arashe yana mai nad’e babban rigar tasa sanda yake shiga mazaunin matuk’i.....
Jinjina kai Akram yai ba tareda zuciyarsa ta sami natsuwa ba, shi kansa baisan dalilin hakan ba... Har Engr ya fice daga gidan Akram bai koma daidai ba, zamewa yai daga cikin mutanen ya nufi sashen Muhibbah yana mai dialing wayarta....

***

“Ma’aruf d’an siyasa....” Daddy ya fad’i bayan sun gaisa....
Murmushi saman fuskar Engr Ma’aruf yake fad’in “Ya zamuyi Ya Engr mutane sun zab’omu sunce mu tsaya masu, kuma tinda ku manyanmu kunk’i ku tsaya...”Yai maganar yana mai d’an murmusawa kad’an...
Jinjina kai Daddy yai shima k’aramar dariyarce saman fuskarsa, lokaci guda yake furta “Da mahaifinka nada rai tabbas da yayi matuk’ar alfahari dakai....”
Wannan karon k’aramar murmushi ya d’an saki yana mai tuna Babanshi, mutuminda ya maidasu ‘ya’ya a lokacinda suka rasa iyaye, mutuminda ya maidasu masu galiho a lokacinda suka rasa gata, mutuminda ya masu sutura a lokacinda suturarsu ta yaye... Tabbas dole yaji hud’ubar Baba ya rik’e Muhibbah kaman yanda yai masa alk’awarin rik’eta amana da kuma yin hak’uri da ita.... Babanshi shine musabbabbin aurensa da Muhibbah kuma alk’awari ya masa wanda ya zama dole a gareshi ya cika muddin yana son gamawada duniya lafiya....
Jikin Daddy ya d’anyi sanyi ganin yanayin Engr d’in ya d’an canza....
Gyara zamansa ya d’anyi had’ida yin gyaran murya kad’an “Babanka mutumin kirkine Ma’aruf, har gobe shi d’in babban Yaya ne kuma uba ne a gareni, duk wani matsayi da na taka a yau ta dalilinsa ne, cikin k’udurar Ubangiji, banida abinda zan biyasa dashi bacin na rik’e masa amanar tilon d’iyarsa Daula, bazan tab’a bari wani ya muzgunawa Daula ba muddin ina numfashi a doron k’asa domin ita d’in amanace a gareni.. (Wannan na d’aya daga cikin abinda yasa Daddy ya kasa sanar da Matarsa Farida labarin aurensa na biyu..) Abubuwanda Babanka yaima mutane na alkhairi basa k’irguwa Ma’aruf, ko shakka banayi footsteps d’insa kake bi.... Ubangiji ya dafa maka ya kuma baka nasaran abinda ka sa gaba....”
Engr ya amsada “Ameen Yaya Engr,....” (Haka nan Ma’aruf ke kiran Daddy Ya Engr kasancewar shima Daddy d’in civil engineer ne)
Sallaman Sameer ne ya katse hiran tasu, Daddy ya mik’e yana fad’in “A’a Sameer ka iso...?”
K’arasowa cikin parlorn yai yana mai risinawa had’ida mik’awa Daddy hannu dan musabaha yake furta “Eh Daddy na iso, aiki ne ya d’an rik’eni a asibiti...”
“A’a babu komai, his Excellency d’inma gashi nan ya iso, ai sai mu d’au mik’ati koh...” Ya k’arashe yana mai d’aukan agogonsa saman center table had’ida d’aurawa a hannunsa na hagu...
Sameer ya k’arasa ga mutuminda tin shigowarsa suka kasa janye idanunsu daga barin duban junansu.... Hannu ya mik’awa Engr alamun musabaha... Shid’inma hannun ya mik’o masa har lokacin duban juna suke ido cikin ido, wani yanayine da su kansu bazasu iya cewa abinda sukeji ba.... Sanda hannunsu ya had’e waje guda haka nan ta mik’e tsaye tamkar wacce aka sinkaya, Hajja mai kulada gidanta na amana da tin bayan mutuwar mijinta take gidan take kuma kula da ita dubanta tai ganin yau d’in ta fito har yanda bata iya fitowa cikin gidan tin bayan mutuwar maigidan.... Cikin sauri ta k’arasa gareta kana tace “Hajiya akwai abinda kike buk’ata ne...?”
Dubanta tai da idanunta da kullum suke a kod’e kaman ta maras lafiya kana tace “Ma’aruf..!” Tana fad’in haka kuma sai ta juya ta koma cikin gida tamkar kazar da k’wai ya fashe mata a ciki....
Idan da sabo Hajjah ta saba da hakan, d’an fuzar da iska tai had’ida girgiza kai kana taci gaba da abinda take...

Introducing junansu Daddy yai kana suka d’auki hanyar gidan Abbah...
Tinda suka iso unguwar yakejin wani abu na tsargar masa, yakanzo unguwar sau tari yakan shige unguwar sau tari a matsayinsa na cikakken d’an siyasa mai neman takaran kujeran gwamna, amma wannan zuwan yanaji wani al’amari ne da baisan ya zai fasalta shi ba, tin bayan had’uwarsa da wannan matashi Sameer d’in yakejin wannan yanayi a tattaredashi, ji yake tamkar dik shekarun da yai a garin kaman akwai wani abu mai girma na rayuwarsa da ya rasa, sunan yayi rakiya ne amma sam hankalinsa bai jikinsa... Ji yake tamkar wani babban al’amari ne ke shirin faruwa dashi, wasu irin tunani yake tamkar wanda yake yunk’urin tina wani abu a shekaru masu tsawo.... Take kansa ya shiga mugun sara masa, bazaice ga maganganun da akai wajen neman auren ba, iyakacin abinda ya sani shine yayi rakiya amma duk wasu tattaunawa da akai da sunayen mutanen da aka ambata a wajen bazaice gasu nan ba, baisan kalan yanayin da yakeji ba, wasu irin tunani yake wad’anda kaman yana ganinsu a mafarkansa lokacinda yake k’uruciya, fuskar matar da ya hanga gittawarta a cikin gidan bai b’ace daga kwanyarsa da k’wayan idanunsa ba, kaman ya tab’a sanin mata mai irin fuskar a can baya wasu shekaru masu tsayi, saidai fuskar da ya sani tafi wannan yarinta da k’uruciya... Meke shirin faruwa dashi...? A ina yasan mai irin fuskar matar can...? Dafe kansa dake tsananin sarawa yai yana mai rintse idanunsa, lokaci guda ya mik’e ya shiga zagaye tapkeken parlorn nasa thoughts d’in bai k’yalesa ba har wannan lokaci, ji yake wasu abubuwa da suka faru dashi in his past suna yunk’urin dawo masa, ji yake bayansa na kiransa... Ji yake akwai wani babban gurbi na rayuwarsa da tsawon shekarun nan yake a bud’e yana yunk’urin cika kansa.... Yanda yaga rana haka yaga dare, wad’annan tunani sun kasa barinsa, kama daga had’uwarsa da Sameer izuwa zuwansa wancan gidan nemawa Khalid aure... Haka kurum yaji k’aunar Sameer ya shigesa har cikin ransa, zaiso su k’ulla alak’a da Sameer d’in don ko babu komai yanaji through Sameer zai sami amsoshin tambayoyin da suka k’ulle masa kai a halinda yake ciki... Harta Muhibbah bata gane kansa ba, dan koda ta tambayesa ya al’amarin ya kasance mai ya faru... Sam Engr bai iya bata amsa ba, ko bindiga za’a saka masa bazaice ga yanda al’amarin neman auren ta kaya ba, wad’annan tunani sunfi komai yawo a kwanyarsa, ya k’udiri niyyan binciko musabbabin abinda ya faru dashi da kuma k’anwarsa shekarun baya koda ace mutumin da ya kasance ya d’aukesu matsayin ‘ya’ya bai raye.....

Shiru yai had’ida d’aura hab’arsa saman tafukan hannayensa ya shiga tunanin abinda Baba ya sanar dashi gameda karan kansa da k’anwarsa Daula a lokacinda Baban ke jinyarsa ta ajali.....
_Ma’aruf! Ma’aruf!! Shine kalama guda tak da kake fad’i a lokacinda na tsinceku.... Ko an tambayeka sunanka iyakacin abinda kake fad’i kenan, hakan ya bamu tabbacin tashin hankali ne daka tsinci kanka ciki ya shafe maka tinaninka wanda ka mance komai saiko kalmar sunanka da bai fice a kwanyarka ba da kuma saman harshenka... K’asar duwatsu da muk’e tonon zinari a nan na tsinceku kaida yarinya jaririya k’udundune cikin zanin goyo, a lokacin bazaka wuce shekaru shida a duniya ba, ga kuma jaririyar daka rungumeta cikin hannunka... Na tambayeku ya akai kuka kasance a wannan k’ungurumin daji mai cikeda had’ari baka iya cemin komai ba sai kalmar sunanka Ma’aruf da kaketa nanatawa, a lokacin da muka tsinceku nida abokan tafiyata sai naso dank’aku hannun d’aya daga cikin yarana Kafin mu mik’a cigiyarku ga hukuma, amma koda mukazo tafiya sai kayi gudu ka kama k’afata kana fad’in kalmar Baba kuma kak’i kowa ya amshe jaririyar dake hannunka, ganin haka yasa na d’aukoku na kawoku gida wajen iyalina dashike ni a lokacin banida d’a ko k’wara dukda kasancewar nid’in sabon aure ne ban jima da yin aure ba, wani abin mamaki shine sanda na kawokuga Iyalina sai Allah ya jefa k’aunarku a zuciyarta, na sanar da ita yanda na sameku can Mining side k’asar duwatsu na tsinceku, tausayinku ya cika zuciyarta musamman wannan jaririya da aka raba da mahaifiyarta, na sanar da iyalina cewa zaku d’an zauna na kwana biyu likita ya dubaku a maku magani kafin na mik’akuga hukuma, mukai matsaya akan haka nida ita, bayan kwana biyu da shak’uwa ya kuma shiga tsakaninku sai cemin tai itakam bazata iya rabuwa daku ba, ba kaman Daula wacce ita da kanta ta rad’a mata wannan suna, dikda cewa dangina da nata basuso haka ba musamman da sukaga bamuda ‘ya’ya sai ku d’in kawai ga kuma tarin dukiya da mahaifina kedashi wanda ni kad’ai zan gajesa bayan bashi duniya ni kuma kune magadana don tuni nayi hakan a rubuce tinda banida mahaifiya banida yayye ko k’anne saiko dangin nesa dagaku sai iyalina Hafsatu wacce ta rigayemu gidan gaskiya kaman yanda ka sani, ciwon dajin mama shi yai ajalinta...._ Wannan karon Engr goge hawayen da suka siraro masa yai sanda ya tuna Mamarsa mai tsananin k’aunarsu wacce haihuwarsu ne kawai batayi ba amma duk wani kulawa da k’auna da uwa ke baiwa ‘ya’ya tabbas Mama Hafsatu ta basu wannan, Ubangiji yakai rahama makwancinki Mama, da ace mutanen duniya zasu zama irinki da Duniyarmu ta cika da albarka... Ya saki kalla uwar murmushi kafin yaci gaba da tuna jawabin Baba a gareshi...
_Kaman yanda ka sani mahaifina Alhaji Mutallab maiDala shine mammallakin MUTALLAB’S Mining Company... Kamfanin hak’an ma’adanai na k’asa kama daga zinari zuwa duk wasu duwatsu masu daraja, Babana Mutallab Maidala ni kad’ai Allah ya bashi baida kowa sai tarin dukiya, dukiyarda nan gaba zaku gada kaida ‘yaruwarka Daula... Ma’aruf ka rik’e Daula amana ka kula da ita dikda cewa nasan na mik’ata hannun da za’a kula da ita, amma kasa ido akanta dikda haka, Daula itace sanyin idaniyana... Ka kular min da ita.. Sannan Muhibbah..._ Wannan karon nannauyan ajiyan zuciya ya sauk’e kafin yaci gaba da tinanin wasiyayyar Baba gameda Muhibbah a gareshi...
_Muhibbah amanace a gareka kaman yanda ka sani mahaifinta amini ne a gareni, duk cikin d’iyoyinsa ya kasance yafi son Muhibbah, wannan dalili yai mata lak’abi da Muhibbah ya kuma rok’i alfarmata kan nai mata duk abinda takeso bayan bashi a raye ko menene matuk’a baifi k’arfina ba, wannan dalili yasa sanda tace duniyar nan bata son kowa sai kai banyi k’asa a gwiwa ba na aura maka ita, nasan baka sonta biyayya kawai kamin a matsayina na Uba a gareka... Ubangiji ya maka albarka yasa watarana kayi arba da danginka na asali dikda cewa kasha sanar dani cewa kaida Daula baku da iyayen da suka wuce nida Hafsatu, amma ina fata wataran INDA RAI Allah ya sake had’aku da asalin iyayenku... Ma’aruf ka rik’e amanan mutum Biyu Matarka Muhibbah ko mai zata maka da kuma K’anwarka Daula dikda cewa tana gidan aurenta..._
Wad’annan sune wasiyyan Babanshi a gareshi.... Yasa duka tafukan hanbayensa ya share fuskarsa had’ida fuzar da iska mai d’umin gaske, dubansa yakaiga Muhibbah wacce ke baccinta hankali kwance kana ya k’ura mata idanu tamkar mai tinanin wani abin, ya d’au lokaci yana duban nata kaman mai nazarin wani abu har saida ya soma jiyo kiraye kirayen farko na assalatu kana ya muk’e ya nufi bathroom da zummar d’auro alwala... Raka’atanil fajri ya soma gudanarwa a gida wanda dama d’abi’arsa ce duk ranar duniya kafin ya fice masallaci sallan asubahi....
Gaba d’aya yau d’in wane iri yake jinsa....

***

KADUNA


Babu abinda Ammi ta fasa na shirye shiryen Bikin Khalid da Yesmin, ko Daddy bai tsaida Rana ba a cewarta ita zata tsayar saidai dik abinda zai faru ya faru, yauma sun ida waya kenan da Aunty Mahaifiyar Yesmin Don Yesmin d’in ta matsa mata ita zata dawo taga Khalid d’inta ta gaji da zamar Abuja, Ammi tace ta dawo kayanta ai duka gida ne da Abujan da Kadunan tinda mahaifiya takema Yesmin...
Khalid na kishingid’e d’akinsa yana duban hotunan Nabilah da ya sata a dp d’inta shi kad’ai sai sakin murmushi yake yana tina farkon had’uwarsu da kalan tsiwar da tai masa gashi tin jiya yake neman wayarta ya kasa samu, ji yake kaman yai tsuntsuwa ya gansa a Kano, kaman daga sama sai ganin hamshak’an Gezna yai farare da kaloli Ammi ta watsa saman rug tana fad’in “Gasu nan tinda kai bakasan kai shiri ma kanka ba....”
Da tsananin mamaki ya tashi ya zauna sosai... “Ammi wad’annan fah... Na menene... Kinsan dai banson saka kayan da daga nesa za’ai noticing d’ina, banson saka kaya masu haske da d’aukan ido ni ba wani basarake ba...” Baikai aya ba ta katsesa da fad’in “Kai tafi can ka rufewa mutane baki, wane ango ne ka tab’a ganinsa babu kwalliya ranan bikinsa...”
Sai yanzu ya fahimci kayan na menene.... Ammi taci gaba da fad’in “Sai ka zab’i color d’in da zaku saka ranan dinnner shisa na had’o maka da Golden brown da kuma Royal blue tinda nasan ranan d’aurin aure White zaku saka... Amma inaga dai ka zab’i golden brown d’in tinda naji Yesmin d’in ma Momynta na cewa tafi son golden d’in akan blue d’in, tinda dukanku farare ne sosai zai haskaku... Gameda huluna kuma munyi magana da Maman Falmata ita take sak’ama akasarin gwamnoni da manyan ‘yan siyasa zata turo kalolin designs sai ka zab’a, hula ne masu kyau sak’ar Maiduguri, ai dai zanna kake sakawa inji...”Tinda ta soma magana ya rafka uban tagumi yana dubanta....
“Inata magana ka zuba mun ta mujiya, kaga bazan zauna na zuba maku idanu kaida Babanka ba, na biye nashi sam bazai maganar auren nan yanzu ba...”

“Toh wai Ammi saurin mi akene....? Kuma ma banda abinki Ammi Daddy ai shine mai karb’a min auren koh... Mu jira muga gudun ruwansa tinda shine wakilina....”
Tinda ya soma magana take aika masa muguwar kallo, k’wafa tai kana tace “Ai bakinku d’aya dakai dashi, idanma wani abin kuke b’oye mun Allah zai kamaku, dik abinda kuke k’ullawa Allah zai tonosa..” Tasa kai zata fice Khalid dake k’unshe murmushinsa don yanzu abin Ammin dariya ya soma basa ya bud’e murya yace “Kayan fah Ammi, na biyoki dasune....?”
Harara ta galla masa kana tace “Ka tattara ka kaisu d’inki ban janye k’udirina ba...”
Yai murmushi yana mai bin mahaifiyar nasa da kallo, dukda hali irin nata haka nan yake k’aunarta baida ya ita, tausayinta ya kamasa sanda ya tuna tabbas akwai gagarumin tashin hankalin dik randa tasan Daddy nada wata matar harda Yara... Khalid ya dafe fuskarsa da tafukan hannayensa biyu yana tunanin ko ba dad’e ko ba jima wannan ranan tana nan zuwa, ranan da Ammi zatasan wannan batu... Baisan mecece makomar family d’insu ba dik randa wannan labari ya fito fili... A hankali ya sauk’e siririyar ajiyan zuciya, murmushi kwance saman fuskarsa sanda ya tuna ‘yan k’annensa haka kurum yaji yana son magana dasu, lokaci guda ya shiga neman layin Aunty Daula....

***

ABUJA


Suna tsaka da batun auren Khalid d’in wayarsa ta shigo mata, nuna masa screen d’in tai murmushi saman fuskarta take furta “Kaga ango na kira ana batun shi....”
Daddy ya murmusa kad’an kana yace “Ai naga alama yanzu Khalid yafi ji dake sama dani, d’auka amma karki sanar dashi shirina, ba yanzu ba....”
Jinjina kai tai kana ta d’au wayar da sallama... Gaisawa sukai cikeda barkwanci kana ya tambayi k’annensa, Aunty Daula tace dama tasan kiran nasu ne, tuni ta mik’e ta nufi playground tana k’walla kiransu tana fad’in ga yayansu on the phone, ai har suna rige rigen amsar wayar suna zuba masa shagwab’an yaushe zaizo shi...
Daddy dai murmushi kurum yake zuciyarsa na masa wani irin sanyi...
Aunty Daula ta dubi Daddy tace “Toh ya maganan su lefe da sauransu fah...?”
Daddy ya jinjina kai yace “Wannan wuk’a da nama na hannunki uwar ango... Ke zaki shiga kasuwa kiyi komai...”
Aunty Daula ta jinjina kai tace “An gama rankashi dad’e... Amma nidai gani nake da an sanar da Khalid don shima yai nasa wasu ‘yan shirye shiryen k’asan aure fah ba wasa bane, maganan lifetime commitment ake...”
Jinjina kai yai a hankali kana yace “Nasan da wannan, abinda yasa banso maganar ya isa kunnen Khalid yanzu, nasan zai iya sanar da Farida tinda mahaifiyarsa ce, zaiji sam bai kyauta ba dole ya sanar da ita, itakuma zatai amfani da k’arfin ikon da take dashi akansa a matsayinta na mahaifiyarsa ta b’ata komai ta hanashi Farin cikinsa, I’m doing this for my son, b’oye masa da nayi ba komai bane face sabida cikan burinsa... Daula INDA RAI zan cika burin d’ahna Khalid da izinin Allah....”
Murmushi ta saki mai taushin gaske ta saki had’ida d’aura kanta bisa kafad’ar mijin nata tana mai lumshe kyawawan idanunta....

D’an dafa fuskarta kad’an yai suna shak’ar numfashin juna kana yace “Ji nake kaman kar na tafi na barki Daula...” Yai maganar yana mai rik’o hannayenta su duka biyun suna fuskantar juna....Murmushi ta sakar masa kana tace “INDA RAI wata rana zamu kasance tare gaba d’aya babu b’oye b’oye like a one big happy family, In sha Allah...”
Murmushi bai bar saman fuskar Daddy ba