You Cannot Download this book untill you login but you can read it .

---

Login Register

abin sha, kya bashi abinci haka babu ruwan zak’i ce maki akai shi ya saba cin abinci haka ne babu ruwan zak’i...?”

“Mamani fah baice maki zaisha ba don Allah ki k’yaleni na tafi aiki fah nake...” Tai maganar kaman zata runtuma kuka...
Shiko Khalid yana cin tuwon yana satan kallonsu ko tofawa baiyi ba...

“Aiki a’a kecema agogo, nace kece ma agogo... Shige ki had’o masa aikin naki ya jiraki...”

Nabilah ta gallawa Khalid da ya maida hankalinsa kan abincin da yakeci harara tai k’wafa a hankali... “Mamani da gaske baisha ki tambayeshi kiji....”

“Ke banson rashin kunyar banza a ina yace miki bayasha... Kai Haladu wai bakasha abin zak’in d’akin tsohuwa ba...?”

Khalid da bawai yama fahimci meye abinda ake shirin bashin ba amma duk dai salon kada Nabilah ta tafi yace “Idan an bani zansha Mamani....”

“Toh kaji d’an gari.... Maza shige ki had’a masa d’auki k’ank’ara a firiji (Fridge)...” Mamani ta fad’i tana zama kujeran data tashi...

Kaman zatai kuka haka ta shige kitchen, Hajiya Mamani taci gaba dajan Khalid da hira, idan tace Haladu shiko sai ya gyara mata yace Khalid ne, k’arashe ya fahimci Mamani ba daina ce masa Haladu zatai ba, sosai yaci abinci saida yaji mamakin kansa shida ba gwanin son tuwo ba amma tass ya cinye wanda Nabilah ta zuba masa...
Nabilah ta shigo d’aukeda k’aramar tray da jug had’ida cup bisa, wannan karon ta warware d’ankwalin kanta ta d’an rufe jikinta dashike yanada d’an girma...
Ta dire tray d’in gabansa, zata tashi Mamani ta kuma umartanta cewa ta zuba masa...
Badon taso ba ta d’au cup d’in ta shiga tsiyaya lemun, citta ta samu a kitchen d’in ta d’an markad’a ta tace ta had’e da lemon tsami kad’an sai d’an fosterclarck d’in data zuba kad’an sai sugar nan koh ya bada flavor mai dad’i tamkar lemonade...
Salon kar Mamani ta barta ta tafi yace ya gama cin abincin da an tattare wajen...
Nanma Mamani ta umarci Nabilah data tattare wajen....
Nabilah data cika fam k’iris ya rage bata fashe ba ta d’ago tana watsa masa mugun kallo kaman zatai kuka...
Murmushi ya sakar mata a hankali had’ida kashe mata idanu guda yana mai ci gaba da sipping drink d’insa...
Fuuu ta wuce da kwanukan kaman zata tashi sama...
Mamani tace “Maza ki fasa kwanukan na uwarkice babu asarana ciki ehe...”

Ko amsata Nabilah batai ba ta shige abinta, ai komawa sashen Mamani da bata iyayiba kenan, ko kitchen wajen Mamy bata biya ba ta fad’a d’aki tana maida numfashi...
Kaman wacce aka zabura tai saurin k’arasawa drawer d’in data aje teddy bear d’in da bata ta ciro tana duba...
“Who are you... Maiyasa kake bibiyan kowa a family na... Mai kake nema....?” Tamkar mai magana da mutum haka take maganar... Ta jima tana duban Teddy d’in tamkar mai jiran amsa daga gareshi saiji tai wayarta na faman ruri... Ta d’an firgita kana ta aje teddy d’in zata nufi wayar nan teddy d’in wanda idan yai babban motsi ke fad’in wasu kalmomi ya kuma fad’i mata kalaman _I love you_

Kallo tabi teddy d’in dashi kana ta nufi wayarta dake k’aran alamun shigowar sak’o...
Ta rausayar da idanu had’ida fuzar da iska kana ta d’aga wayar tana k’ok’arin karance sak’on...
_I’m waiting for you outside.._
Saida ta karance kusan sau uku kafin ta zauna saman gado tana tunanin martanin da zata maida masa bayan haushin da suka k’unsa mata shida Mamani...

_Mantuwa kai ko abincin ne bai isheka ba_ Ta rubuta ta tura masa..

Murmushi Khalid yai kana ya shiga tura mata reply kaman haka _Idan baki fito ba zan shigo har yanda kike na sameki kinsan zan iya... So you’ve 2minutes to decide, is either ki fito ko na shigo na sameki... Just 2 minutes.._

Rausayar da idanu tai kana takaima teddy d’in harara tace “Bazan fita ba saidai kai duk abinda kaga dama...”

Marliya dake tsaye bakin k’ofa tsoro da mamaki suka kamata ganin Nabilah ta saka teddy gaba tana tsigalesa...
“Addah Naby lafia..?”

Marliya ta tambaya tana dubanta...
Nabila ta d’an shafi goshinta tace “Lafiya mana mai kika gani...”

Marliya ta k’arashe shigowa d’akin kana tace “Yo niko naga komai, kin saka gunki gaba kina masa masifa, waima ba cewa kikai ma Kausar zaki kai ba.. Addah Naby anya lafiya kike...? Marliya ta k’arashe tsoro kwance saman fuskarta..

Janyo hannunta Nabilah tai sanda wayarta ta d’auki ruri kana tace “I’ll explain to you later, bani hijab d’inki kiga na fita yanzu zan dawo, karma Mamy ta sani dan Allah...” Ta k’arashe tana kwab’e hijab d’in daka kan Marliya ta zira ta fice cikin sauri...
Marliya ta bita da kallon mamaki tafito parlor a sanyaye....

A b’angaren Mamani kuwa sai k’irga kud’ad’en da Khalid ya bata take tana zirawa k’ark’ashin kwalla tana shimai albarka yanda kasan bata tab’a ganin tsaban kud’i ba ko sallama taji anayi zata tura k’ofa da sandarta sannan ta zaune akai kafin ta amsa sallamar...
***
Jingine jikin motarsa ta taddashi ya bada baya waya manne kunnensa na hagu abinka da lefty.....
Tai tsaye tana k’arema kwantattun sumarsa da a kullum cikin shek’i suke kallo, yanda ya bada bayan nan tamkar ta suri dutse ta runtuma ma k’eyarsa haka taji, tayi tsaye tana tunanin Khalid ya juyo yana dubanta, kaman wanda akacemasa juyo...
Kallo guda ya mata ya d’auke kansa yana ci gaba da amsa wayarsa, wani takaicin ya kuma lullub’e Nabilah, tasa kai zata juya cikin gida sabida tsananin takaici saijiyo muryarsa tai yana fad’in “Ina zaki...?”

Ta tsaya cak ba tareda ta juyo ba.. Badon Teddy d’insa dake duk’unk’une cikin hijab d’inta ba da tuni ta juya cikin gida hasalima da ko fitowa bazatai ba kawai dai don tana son maida mashi kayanshi ne...

A hankali ta juyo ta taddashi yanda yake tsaye....
Khalid ya murmusa a hankali had’ida zira hannaye cikin aljihu ganin yanda Nabilah tasha mur...

“Thanks for the food... it was delicious...” Ya fad’i idnunsa akanta....

Tinda ya soma magana idanunta ke k’asa tana duban k’fafunsa da Mamani ta zage mata nata k’afafun akansu, ta kuma duban nata k’afafun sai taji kaman yanzu Mamani ke zage mata nata k’afafun tai saurin maida yatsun k’afafunta cikin takalami, hankalin Khalid ya karkata kan abinda take duba yatsun k’afafunsa...
Murmushi ya kusa kufce masa, lokaci guda yake furta “Sun maki kyau ne..?”

Tai Saurin d’agowa a d’an razane tamkar wacce aka mintsila, lokaci guda ta had’e fuska tace “Allah ya sawak’e...”

Khalid ya murmusa a hankali kana ya tab’e baki yana mai furta “You know there’re some certain things that we can’t simply hide...”

D’agowa tai had’ida d’an masa wani duba “And there’re some certain people that we can’t simply stand them...”

“Are you sure about that...?” Ya tambaya cikin kashe murya....

Bata kuma tsayuwa basa amsa ba ta mik’a masa teddy d’insa tana fad’in “Ga abinka nan banso, just stop stalking me please..”

Khalid ya shiga kad’a d’an makulin hannunsa yana dubanta murmushi kwance saman fuskarsa....

Tai tsaye tana jiran taji ya amsa abinsa dashike kauda kanta gefe tai... Bata ankara ba sai k’aran tashin motarsa ta jiyo kafin tai wani aune ya bad’eta da k’ura ya bar wajen....

Tai saurin matsawa baya don kar ya had’eda ita baki sake tabi bayan motar tasa da kallo zuciyarta na k’una, amma wannan shi a sahun rainin hankalinma ajin k’arshe yake, kaman ta fashe da kuka haka ta shak’e wuyan teddy d’in ta nufi cikin gida ga ‘yansa idon unguwar zaune benci benci bakin kantina...

Hango Aunty Lami da tai ta sauk’a a adaidaita kuma wannan karon ma Hajiyar Ya Hafiz na cikin keken ya sanyata d’an lab’ewa cikin sauri ta lalumi wayarta ta shiga neman layin Aunty B da shike ta sanar da Aunty B d’in komai gameda zarginda takewa Aunty Lami kuma Aunty B tace she should keep her updated gameda komai don tasha alwashin tayata zak’ulo gaskiyar al’amari, idan har da gaske su Lami su suka sanadiyan gushewar farin cikin ‘yar uwarta sai yanda k’arfinta ya k’are wajen d’aukan fansa ga ‘yar uwarta....

***


Sameer ya kuma dubanta da mamaki kana yace “Are you serious zaki baro aikinki a Kaduna ki dawo ki zauna dani a nan...?”

Siyama ta kuma janyo hannunsa guda ta shige ciki tana mai furta “Of course Partner, na amince zan biyo aurena na kula da kai...”

Sameer ya tura yatsun hannunshi guda cikin nata yayinda ya mata matashi da b’angaren kafad’arsa guda kana yace “Baki tunanin Uncle bazaiso hakan ba...?”

D’an dubansa tai kana tace “Kaman ka mance Daddy duk abinda nakeso shi yake so, that won’t be an issue besides nayi serving company d’inshi na tsawon shekaru ya kamata yanzu kuma nabi mijina duk yanda zaije, I can’t afford to lose you Partner...” Ta k’arashe murya cikeda shagwab’a...

Har cikin zuciyarsa yake mamakin canzawa da Siyama tai lokaci guda, wata b’angare na zuciyarshi kuwa najin dad’in canzawan da tai dukda cewa har yanzu yanaji kwance k’asar zuciyarsa kaman akwai abinda take b’oye masa, amma sam baiso tunanin nasa yaci galaba a zuciyarsa abinda ya bayyana dashi ake amfani yafi aminta da ya yardarwa kansa cewa da gaske she’s changed tinda gashi har kitchen yau d’in ta shiga tana tambayar Mama ta nuna mata yanda ake wasu abubuwan....

Washe gari Siyamar tai shirin tafiya don Khalid ya sanar da ita da wuri zasu koma Kaduna sabida aiki da ya taso masa, saida ya biya yayiwa Mamani sallama ya kuma cikata da goma na arziki kafin ya wuce d’aukar Siyama, duk wannan bidiri Nabilah batasan Khalid yayi ba don tana makaranta saidai ta labartawa Yusrah yanda taga Khalid jiya gidansu wajen Mamani da yanda suka wanye...

Yusrah dai dariya ta dingayi tana fad’in lallai Khalid ya iya kamun k’afa ta k’arada “K’awata wllhi da gaske yake tinda ya soma biyo gida da kamun k’afa, kekam addu’arki ta amsu ki nemi lahira kawai wannan zankad’ed’en saurayi, ga kyau ga kud’i ga aji ga gayu mai kuma kike nema...”

Banda harara Nabilah bata aika mata komai, takai mata duka da handouts d’in dake hannunta tana fad’in “Ke nake nema, toh ni ina ruwana da duk futures d’in da kika k’irgo maza duk halinsu d’aya ina nan kan bakata bazanyi aure ba..”

Yusrah tace “Daina wannan fatan k’arshen shekara In Allah ya yarda zamukai teddy bear gidan oga bear...!” Nabilah ta kuma kai mata duka su duka suna dariya Nabilah na fad’in “Aifa saidai ku kai masa teddy bear amma bani ba...!” A haka suka rankaya zauren karatu...

***
“Shamsu duk yanda za’ai a unguwar nan nakeso na samu gida tinda kaga Siyama ta dage zata dawo...” Sameer yace yana duban Shamsun...

Jinjina kai Shamsu yai kana yace “Amma gidajen hayan unguwar nan ba taste d’inka bane Dr why not ka nema a wani wajen ga gidaje masu kyau daidai tsarinka da yanayinka, kai idanma kai gidajen hayan unguwar nan sun maka na tabbata Siyama bazata so ba, so kawai mu nema ta wani wajen....

Lokaci guda Sameer d’in ke girgiza kai alamun rashin amincewa kana yace “Kai ina, nifah unguwar nan nakeso duk yanda za’ai kawai ka sama min gida, batun Siyama kuma ai zama ne na temporary bawai permanent ba, nidai kasan yanda za’ai na sami gida a unguwar nan...”

Shamsu dai k’uri kurum ya masa yana mamakin yanda sam Sameer baiso ya bar unguwar, a hankali ya d’an jinjina kai kana yace “Alright I’ll see what I can do...”

“You must...” Sameer ya fad’i yana duba irinta abokan usul...

Shamsu ya murmusa yace “Ok I must...”

Murmushi Sameer d’inma yai yace “Now you’re talking bro....” Kafad’arsa ya rik’o suka shige cikin gidan....

***

*Kaduna*

Kallon mamaki Ammi tabi Siyama dashi tana sallalami “No wonder yaron nan ya mak’ale baida aiki sai zuwa Kano ya maida Kaduna to Kano tamkar zuwa unguwa, ke kuma baki nemi gidansu yarinyar kinga waye ubanta ba...? Domin sanin kanki ne bazan bari ya kawo min ko wacce shirgi ba matsayin sirka...”

Siyama ta tab’e baki had’ida yatsina fuska “Tab ai wllhi Ammi saima kinga yarinyar low class da ita wacce idan akace min Khalid zai kalli irinta matsayin mace zanyi musu, kwatakwata she isn’t his type, wllhi Ammi sai kinga yarinyar Yesmin ta d’arata a komai, bak’a k’irin da ita balle nace kyaune ya tsole idanunsa toh babu ko d’aya... Wannan ma kunya zakiji azo bikin one and only son d’inki aga wannan kucakar ya d’auko... Wllhi Daddy ma bazai bari ayi wannan shiriritan dashi ba...” Ta k’arashe tana cakalan grapes d’in dake hannunta cikin bowl ta tsinken toothpick....

Jinjina kai kurum Ammi take tana tsuma ita kad’ai, Khalid na nema ya tozartasu ya jajab’o masu d’iyar matsiyata, banda sakin huci bata komai, ta kuma kai dubanta ga Siyama wacce ke cin grapes d’inta hankali kwance kana tace “Shikenan duk kun watse kunyi garin Kano kun k’yaleni, shi yana can yana neman auren da ba yuwa zaiyi ba kekuma zaki tattare kibi mijinki toh ni kuma ku barni da wane tinda shi uban naku nacan wajen matarsa wata k’asar daban...”

Dariya ta kufcewa Siyama ta aje bowl d’in hannunta tana fad’in “Wai Ammi ba kece mai bani shawarin nabi mijina a baya ba, toh yanzu na yanke shawarin binshi kaman yanda kikaso a baya zan aje aikina...”

Ammi ta rakata da mugun kallo had’ida tab’e baki “Ke ni dama aurenki da Sameer bawai ya kwantamin bane tun farko don dai kawai keda mahaifinki kunfi k’arfina ne, mai za’ai da maras asali...”

Siyama ta d’an tab’e baki tace “Ammi nifa I don’t care koma baida asali all I know is that I love him, besides baida wani mummunan hali...”

“Ke dalla can rufemin baki, sanda kika haifu aka d’aga idanu aka kalli yaranki akace ina dangin mahaifinsu mai zakice..? Ko kuma yaran su girma su tambayeki su waye iyayen Babansu wane explanation zaki basu...?”

Siyama tai shiru tamkar mai nazari tana duban wani b’angaren...

Ammi ta kuma jinjina kai tace “Ina horonki da haihuwa da mutumin nan dukda nasan haihuwa ba ra’ayinki bane amma kada ki bari soyayya ta kaiki ta baroki, ya kalallameki da dad’in baki ki haifa masa yaran da a baya zakizo kina danasani, tun ba’aje ko ina ba ya rinjayeki kin aje aikinki zaki bishi, shin waima wane irin apartment ya kama maku...?”

Siyama da gaba d’aya jikinta yai sanyi a hankali ta sauk’e ajiyan zuciya “Oho Ammi don’t know gaskiya but koma wane iri ne I’m pretty sure to my taste zai kama, saima kinga unguwar da yake zama Ammi asubahin fari Almajirai ke tashinku a bacci... Gosh! So annoying, waima don gidan da yake d’in nada d’an fasali...”

Ammi ta jinjina kai tace “Toh kinga abinda nake fad’i maki koh... Amma idan kinason binshi a haka fine kijeki...”

D’an tsuke baki Siyama tai ba tareda ta kuma cewa komai ba, nan ta b’atar da zancen da tambayar Ammi yaushe Daddy zai dawo...

***

A satin Sameer ya sama masu gida a nan cikin unguwar, gidane madaidaici mai k’unshe da madaidaitan d’akuna guda biyu wanda basu faye girma ba sai parlor da kitchen a cikin parlorn saiko d’an wajen wanki da shanya dake a wajen kitchen d’in....

Banda yatsina fuska Siyama bata komai, ita da yace mata ya sama masu gida a zatonta gidan gaske ne ashe wannan abin ne wanda ko BQ bazata amsa ba....

Sameer ya k’araso ya rungumeta ta baya yana fad’in “Partner ya kikaga gidan ya miki...?”

Yatsina fuska ta kumayi kana tace “You call this a house..? Wait waima dan Allah Partner waye ya baka shawarin kama wannan gidan, of all gidajen hayan dake garin nan ka rasa apartment d’in da zaka kama mana sai wannan, nibama wannan ba gaskiya unguwar baimin ba...”

Tinda ta soma magana ya hard’e hannaye had’ida lank’washe k’afa dake jingine jikin k’ofa yake yanai mata wani irin duba fuska babu walwala...
“Zaki iya zaman gidan ko bazaki iya ba...?”

Taji tambayar tai mata wani banbarak’wai gaba d’aya tamkar an canza mata Sameer d’inta, da a bayane ta tabbata da saidai abi nata zab’in amma yanzu gaba d’aya duk ya canza kaman bashi ba...
Tai kicin kicin da fuska ba tareda ta amsa shi ba, bai kumabi takanta ba yayi ficewarsa...

Siyama data cika tayi fam zama tai cikin kujera tana tunanin abinyi ita datasan hakanema da bata soma cewa zata dawo garin ba, bak’in ciki bai gama gauraye mata zuciya ba saida ta jiyo muryar Almajirai sahu sahu suna rangad’a mata bara tamkar ta d’aura hannu aka ta kurma ihu haka taji...
A hankali ta zamo saman carpet tana furta “Na shiga uku ni Siyama what have I got myself into...” K’aranda wayarta tai ya dawo da hankalinta, a hankali tasa hannu ta d’aga wayar Laila ce mai kiran nata....



SameenaAleeyou📚

*INDA RAI*
_................DA RABO_





*36*





*©Sameena Aleeyou....✍🏽*





“K’awata ya najiki haka.... hope all is well with you....?” Laila tace daga d’aya b’angaren....

Siyama na zaune dirshan saman carpet take fad’in “Laila na kawo kaina halak’a...”

“Ban gane ba... Wani abin Sameer d’in ya miki ne...?”

“Komai ma yamin, ke kinga gidan da ya ijeni ne, anya ba ramuwar gayyar abinda nai masa yakesonyi ba, if not na tabbata babu abinda zai zaunar da Sameer a wannan gida.... Wllhi bazan iya zaman wannan environment d’inba....”

Laila ta sauk’e ajiyan zuciya tana mai furta “Ya gane kin zubda ciki ne ko kuwa kin bud’e baki kin fad’a masa da zai maki wannan horon...?”

Siyama ta shiga girgiza kai tamkar Lailar na kallonta kana tace “Babu abinda ya gane, kuma kinsan bazan tab’a bud’e baki na fad’i masa ba, duk wannan rigimar dai kan pills ne da ya gani.... Gaba d’aya kaman an canza masa rayuwarsa da tunaninsa..”

Laila ta jinjina kai tace “Toh ke kuma yanzu wanne shawarin kika yanke, zaki daina shan maganin ko kuwa....?”

Fuzar da iska Siyama ta d’anyi kana tace “Wllhi I’m lost Laila, gaba d’aya ma yanzu bansan wanne zanyi ba, kinsan dai inason Sameer so na gaskiya....”

Laila ta jinjina kai tace “Na sani amma dai ki duba maganar Ammi da kyau k’arshe kece za’a bari da kayan kunya, nidai a nawa shawarin kici gaba da shan pills d’inki har lokacin da asalin Sameer zai bayyana miki, idan kinji kina iya haihuwa dashi fine sai ki saki jiki kiyita zubo masa ‘ya’yaye har yanda kike so tinda ra’ayinsa na haihuwa ya rinjayeki, idan kuwa kikaji asalinsa abin k’yamatane shawari ki nemi tsira ma kanki kisan yanda zakiyi ki guntile aurenshi dake, shawari ne...”

Siyama ta zaro idanu waje tana fad’in “Laila na raba aurena da Partner fah kike nufi...?”

“Toh saime don auren naku ya rabu, shi yak’i biyema ra’ayinki na rayuwa babu stress d’in haihuwa da yara sai kece zakici gaba da zama da wanda baisan asalinsa ba balle tushensa sabida kece uwar soyayya koh... Toh ki zauna kinaji kina gani duk wannan sadaukarwar da kike masa a rayuwa abu mai sauk’i ne wataran yayi replacing d’inki da wata lokacin kin zama chus uwar ‘ya’ya kinaji kina gani saidai ki zama ‘yar kallo a gidanki idan dai mazan zamani ne, ga babban misali nan a gidanku... Ni dai shawari nake baki idan kin d’auka don kanki idan kuma baki d’auka ba rayuwarkice kiyi yanda kika so da ita zaki fad’a min watarana....”

Siyama tai shiru tamkar wacce ruwa ya shanye tana sauraren Laila tana kuma auna shawarin Laila dana Amminta, a hankali ta furta “Shikenan k’awata I’ll think about it....”

“You don’t need to think about it, amintaka da soyayyar dake tsakaninmu bazai tab’a sa na cutar dake ko na baki shawari maras kyau ba Siyama, don’t ruin your own life da kanki, ked’in ‘yar asalice ‘yar dangi, mai ilimi kyau da gata kar ki tab’a bari rayuwarki ta gurb’ace kan wani namijin da a gaba bazaiga hakan ba k’awata....”

Siyama da zauciyarta ta gama kwanciya da shawarin Laila a hankali ta shiga jinjina kai tana mai kuma nazarin kan batun, shawarwari Laila taci gaba bata tana d’orata bisa, Laila bata bari sun ida wayar ba har saida ta fahimci Siyama ta zama fully convinced da shawarwarinta kan nan sukai sallama.....

****

A can Kaduna kuwa Ammi gaba d’aya ta d’aukewa Khalid wuta, shi kanshi saida ya fahimci hakan don gaisheta ya shigoyi ciki ciki take amsa masa, bai kawo komai a ransa ba face rashin kula Yesmin da yakene ya saka Ammi fushi dashi haka, dukda abin ya damesa sosai bai d’ago mata zancen ba don yasan Amminsa bata juran fushi dashi zata sauk’one da kanta su sasanta....

Yauma a d’aki ya taddata Yesmin na tayata sorting drawers na jewelries d’inta, kallo d’aya yayiwa Yesmin ya d’auke idanunsa daga b’angaren da take, itakoh nan ta shiga gaisar dashi tana faman kwainane, ya amsa mata a tak’aice fuskarsa babu yabo babu fallasa kaman bashine wanda idan ta gaisar dashi baiko amsawa ba, mamaki da wani irin dad’i suka kama Yesmin, yau ita Khalid ke amsa gaisuwarta har k’wayar idanunsu na hard’ewa, kaman ta buga tsallen murna haka taji, shikaw ba don komai yayi hakan ba saidon Ammi ta amsa nasa gaisuwar ta daina fushi dashi.....

Saman stool ya zauna yana satan kallon Ammin wacce ta had’e gabas da yamma, yau d’inma ciki ciki ta amsa masa gaisuwar tasa...
Ya had’iyi miyau yana mai kai duba gefen bedside yanda takan ije kayan motsa baki wanda ba sai ta buk’ata daga downstairs ba, robar dambun naman kaza ya hango amma saidai kad’an ne ya rage a ciki, ya d’an mik’a hannu ya janyo k’aramar bokatin ya bud’e ya somaci ba wai don son ci d’in yake ba...
Cikeda rawar jiki Yesmin ta mik’e ta nufi k’ofa tana fad’in “Ya Khalid bara na k’aro maka downstairs...”

Kafin ya sami zarafin magana ta fice cikeda rawar jiki ta sauk’a k’asa...

Ammi da kaman jira take Yesmin d’in ta fice ta aje awarwaron hannun had’ida gyara zama tana kuma jefowa Khalid muguwar kallo wanda yai kaman baisan Ammin na jefa masa kallon ba, sai tura dambun naman yake bakinsa...
Jin yanda Ammi ta ambaci sunansa yasa k’iris dmbun baibi masa wata hanyar ba...

“Khalid..!!”

Ala dole ya kasa had’iyar abindake bakinsa yai shiru yana saurarenta...

“Kana jina wllhi bazaka maidani mutuniyar banza ka janyo min abin fad’i a duniya ba, tun wuri tun dare bai maka ba gwara ka sake tunanin kaji na fad’a maka...”

Ya had’iyi dambun dake bakinsa ya janyo bottle water dake gefe ya bud’e ya d’an kurb’a kana yace “Ammi mai nayi kuma fisabilillahi, tinda na dawo daga Kano kike fushi dani, what have I done kuma...?”

Ta kafesa da idanu tanai masa duban eh lallai ka cika...
Jinjina kai tai a hankali kana tace “Kadaka nemi rainamin hankali, uban mai ke kaika Kano...?”

Ya d’an dubeta cikeda mamakin tambayar da ta masa kana ya d’an kauda kai gefe yace “Ammi how many times do I have to answer this question... Ammi for goodness sakes aiki ke kaini....”

Baikai aya ba ta katse shi da fad’in “Uban aiki... nace uban aiki, wato kama maidani shashasha bansan mai nake ba, toh Siyama ta sanar dani komai, dama wannan uban rawar k’afar dakake hanyar Kano bazai wuce akan mace ba, toh wllhi ka saurareni da kyau, ni bazan bari kaci mutuncina ka kawo min ko wacce irin shirgi ba, idan da gaske auren zakai ga matarka nan gida tana jiranka....”

Khalid ya murmusa a hankali kana yace “Ammi I thought alhakin zab’ar macen da nake son ta kasance lifetime Partner d’ina a hannuna yake, dan Allah kar mu sake maganar nan Ammi...”

Ya k’arashe yana k’ok’arin mik’ewa a daidai sanda Yesmin tai tsaye bakin k’ofa da tray d’inta k’arama ta dambu a hannunta hawaye na neman gangarowa daga idanunta...

Cikin saurin Ammi ta katsesa da fad’in “Khalid karka fice a d’akin nan, ban gama magana da kai ba...”

Cak ya tsaya yana saurarenta ba tareda ya juyo ba hannayensa skale cikin aljihun wandonsa...

“Tell me who she’s, su waye iyayenta, meye sana’arsu idan ma’aikatan gwabnati ne wani mataki suka taka, idan masu mulki ne wace sarauta garesu.... ina saurarenka.....” Ta k’arashe tana mai takowa yanda yake...

Sai lokacin ya d’ago yanaiwa mahaifiyar tasa wani irin duba cikin rashin yarda da kalaman dake fitowa daga bakinta...

“Kai nake saurare Khalid....” Ammi ta kuma katse shi...

Idnuwanshi sunyi jazir cikin wane irin yanayi yake furta “Is that what really matters Ammi... Is that what matters to you...?”

“K’warai kuwa, a matsayinka na tilon d’anah namiji dole na bukaci sanin duk abinda na jero gameda macen da kake son kasancewa da ita....”

Khalid ya kuma dubanta cikeda mamaki kana yace “I thought zaki tambayeni if I really love her, if I’ll be happy with her....?”

Cikeda karaji tace “Farin cikinka kenan nake nema maka Khalid, farin cikinka shine namu kuma ba kowa bace farin cikinka illa Yesmin, yarinyar dake sonka tsakaninta da Allah....”

“Well! I don’t love her Ammi....!” Ya kasteta cikin d’an d’aga murya idanunsa na firfitowa waje...

Ammi bata daina huci ba take fad’in