You Cannot Download this book untill you login but you can read it .

---

Login Register

tayi hakan ko dan samun farin cikinsa ne, amma hakan bamai yuwa bane, zataci gaba da juran duk wani wulak’ancinsa tasan wuyarta suyi aure ne tuni zata koya masa yanda zai k’aunaceta... Ta saki murmushi a hankali had’ida goge hawaye mai d’umin da ya ziraro mata....
Fitowar Siyama da Laila kenan zatai rakiyawa Lailar ta hangi Yesmin tsaye tana faman goge hawaye ta k’urawa motar Khalid dake ficewa daga gidan idanu.... Sallama Siyama tai da Laila, dan mai d’aukar Lailar waje yai parking, kana Siyama ta k’araso wajen Yesmin... K’uri tai mata tana duban yanda take matsan k’walla....
Siyama ta dafata a hankali kana tace “Wa ya sakaki kuka cousin...? Tell me was it Khalid...?” Cikin sigan lallashi Siyama tai maganar
Yesmin ya kuma goge hawayenta tana mai jinjina kai ga tsananin rawa da muryarta keyi “Who else cousin...? Sauk’ata kenan, amma irin tarbar da zaimin kenan.... Tell me please cousin, Am I really a bad person... Why is it so hard for him to understand how much I love and care about him... Wllhi ina son Khalid fiyeda yanda nake son kaina cousin...” Ta k’arashe sabbin hawaye na ziraro mata...
Numfasawa Siyama tai kana ta d’an dafata kad’an “Yesmin ba laifinki bane dan Allah ya jarabceki da sonsa, amma kema bak’in nacin tsiya ne dake dole ki hau masa kai, karfa ki mance a train station yai tafiyarsa ya k’yaleki last rabuwarku amma har kin kuma kwasan k’afafu kin dawo masa, Ke ko ‘yar ajin nan ta mata baki d’an ja ne, kiga dai nida Sameer dikda na sani muna matuk’ar son juna nakan d’an basa space dan in nuna masa matsayina da darajata a wajensa amma ke ko yaushe sai ki bari Khalid yaita cin kashinsa akanki, toh wllhi ki farga dan in ba haka ba, hardai kina nan da wannan halin nacin tsiyar naki kika auresa a haka sai ya gasa miki gyad’a a tafin hannu, I know Khalid so well, girma ne ma ya d’an canzasa, sanda muke k’uruciya babu wanda ya ragarma toh wllhi kiyi hattara ki d’an koyi jan aji koda d’an kad’an ne....”
Baki a ture Yesmin Ke dubanta kana tace “Banja ajin ba ya cazga min wulak’anci balle naja masa, ni wllhi idan dai akan my Kay ne saidai na yarda banida ajin...” Ta k’arashe tana mai nufan cikin gida....
Siyama ta murmusa a hankali kana tace “Allah ya baki sa’a...”

A b’angaren Laila kuwa tana ficewa ya tadda Sultan na jiranta, front seat ya bud’e mata ta shige ta zauna...
“Toh ya..? Any improvement...?” Ya tambaya sanda take daidaita zamanta cikin motar...
Murmushi ta saki idanunta naga kwalta kana ta ware masa tafin hannunta tace “Siyama tana nan, tana nan tsakiyar tafin hannuna sai yanda na juyata a halin yanzu.... Ina mai tabbatar maka Sameer bai gabanta a yanzu...”
Murmushi mai sauti Sultan yai kana yace “Kinci sunanki Poison, kice kin gama poisoning zuciyarta....”
Ta kuma murmusawa tana jijjiga kana tace “I told you to trust me on that, yanzu abu na gaba zamu taking next step...”
Sultan ya kuma jinjina kai a hankali kana yace “Mai kenan....?”
Juyowa tai tana dubansa wannan karon kana tace “Zan zigata tasa Sameer ya rubuta mata takardan saki, idan tak’i zanyi amfani da nawa strategies d’in na sakashi ya saketa, Kaga you will finally have your chance, sannan nima zan mallaki Sameer ni kad’ai...”
Sauk’e ajiyan zuciya yai yana mai murmusawa kana yace “Da Bansan da mai zan saka miki ba idan hakan ta kasance....”
Laila ta kuma rausayar da idanu tana mai dubansa “K’iris ya rage burinmu ya cika.... “
***
A b’angaren Khalid kaw koda ya fice gidansu Baffah amininsa ya nufa.... Zaune suke su duka biyun a farfajiyan gidan saman fararen kujeru dake k’asar tapkeken bishiyar mangoro da yayiwa harabar k’awanya.... Ya d’auki lokaci yana shafa wayar salulansa ba tareda ya amsa tambayar da abokin nasa ya jefo masa ba... Baffah ya kuma d’ora k’afarsa d’aya bisa d’aya yana duban Khalid d’in da har lokacin natsuwarsa naga wayarsace..
“Khalid magana nake maka fah...?” Baffah ya kuma fad’i cikeda k’osawa...
Ba tareda ya dubesa ba yace “Ina saurarenka ai, ko ka mance kunne Ke sauraro ba ido ba, just go ahead and keep on talking, I’m listening to you... Mai ma kake tambaya...?”
Murmushi mai bayyan hak’wara wannan karon Baffah yai had’ida girgiza kansa kad’an “Idan bakai haka ba baka cika Khalid Mainasara ba.... Tambayarka nake miye shirye shiryenka na Bikin tinda Ammi ta rik’e wuta...?”
Wannan karon d’ago kai Khalid yai yana dubansa na wani lokaci kaman zaice wani abu sai kuma ya murmusa da gefen baki ya kuma maida kansaga wayarsa, saida ya kuma d’iban wasu dak’ik’ai, har Baffah ya cire rai bazai amsa shi ba sai kuma ya sinkayo muryarsa na fad’in “Tin jiya nake neman layinta but I couldn’t reached her...” Yai maganar damuwa na nunawa saman fuskarsa....
“Ita wa...?” Baffah ya tambaya.
D’agowa yai yanai masa wani duba kana yace “My teddy bear....”
Baffah ya murmusa a hankali kana yace “Toh ba sai kaje Kano ka dubata ba tinda zuwa Kano bai maka wuya....”
Kallon ya kuma watsa masa kana yace “Da inada halin yin hakan da nayi kaima ka sani.... Ammi tace idan na kuma tafiya Kano ba tareda saninta ba bazata tab’a yafemin ba.... Baffah do me a favor....”
D’agowa sosai Baffah yai yana dubansa had’ida ware idanu alamun yana sauraren abinda zaice.....
“Kaje Kano ka dubo min lafiyarta since I can’t call Sameer and ask him about her....”
Dariyar da tafi kama data almara Baffah yai kana yace “You can’t be serious.... Ni in d’auki k’afa in tafi har Kano sabida yarinyar da bakada tabbacin aurenta, Allah ya sawak’e bazanje ba....”
Tinda ya soma magana Khalid Ke danna masa harara “Kar ka sake cewa banida tabbacin aurenta tinda baka had’a sanida Allah ba....” Yai maganar yana mai mik’ewa tsaye....
Shima Baffah d’in tsaye ya mike yana dubansa “Ina kuma zaka....?”
“Babu ruwanka da yanda zanje Malam...” Yai maganar yana mai zira wayarsa cikin aljihun wandon jeans d’insa had’ida zaro car keys d’insa...
Bai kuma ceda Baffah komai ba yasa kai yai shigowarsa.... Baffah dake tsaye kameda kunkumi yana duban ikon Allah d’an bud’e murya yai yana ambato sunan Khalid d’in, amma ko tsayawa baiyi ba balle yai tunanin juyowa....
Gajeren murmushi Baffah yai had’ida girgiza kai, harga Allah bai tab’a tsammanin irin wannan ranar na zuwa ba, gaba d’aya wannan yarinyar ya canza Khalid... Lallai ya yarda soyayya ka iya canza mutum... Sauk’e gajerar ajiyan zuciya yai yana mai girgiza kai kad’an kana ya nifi cikin gida....

***

KANO

Suna zaune parlorn Mamy su duka ukun, kallon program d’in Ultimate Cake Off suke a tashar Real-time... Tayi tsuka kusan na uku kenan sanda ta hangi wayarta dake jikin socket ta kuma kawo farin haske ta d’auke, ya isa jikin socket d’in tana mai kuma jan tsuka a hankali... Tin shekaran jiya wayar tata take wannan haukar shisa mutane da dama basa iya samunta, gashi yau ta d’auke gaba d’aya.... Zulfah da hankalinta rabi kega tv rabi naga k’ofar shigowa dan tinda akace iyayen Akram mai neman aurenta sunzo gidan bata sami sukuni ba, sai duban k’ofa take tamkar mai jiran shigowar wani..... Duban ‘yaruwar tata dake jijjiga wayar salular nata tai kana tace “Wai mi ya sami wayar taki ne...?”
“Wllhi Addah k’ila battery taci k’ila kuma ta buga mai gaba d’aya ne...”
Mik’a hannu tai tana fad’in mu gani....
Babu musu Nabilah ta mik’a mata.... Sallamar Aunty Bara’atu ya mantar dasu batun duba wayar... Marliya ta mik’e a guje ta tafi ta rungumeta tana fad’in “Oyoyo Aunty....”
Gaba d’aya sannu da zuwa suka shiga mata had’ida gaidata.... Ta tambayesu Mamy sukace da ita tana kitchen...Jinjina kai tai kana tace “Shine ku na ganku a nan ba kitchen d’inba..”
Nabilah tai karaf tace “Yanzu shigowarmu mu mun isa Hajiya Mamy na kitchen muna kallo, ai da daga yau babu mai kuma kunna tv cikinmu...” Tai maganar tana kame baki...
Aunty B ta murmusa tace “Ai kekam maganinki sai Mamyn mijinki nada fama....”
Nabilah ta turo baki tace “Kai Aunty.. Toh ba sai ya shiga ya girka mana ba...”
“Tafi can ki rufe min baki” Aunty B tace tace kana ta dubi Zulfah “‘Yar gidan akwai maganar da zamuyi bara naga Mamy a kitchen ina zuwa....”
Jinjina mata kai kurum Zulfah tai ba tareda cewa komai ba... Ta kuma kai dubantaga Nabilah wacce Ke k’ok’arin yin filla filla da wayar salulanta k’irar samsung kana tace “Beels bani size d’in takalminki....”
Nabilah na Washe baki tace “Aunty takalmi zaki sai min....?”
Bata tsaya amsa shiriritar Nabilah ba ta nufi k’ofa tana duba size d’in takalmin da take tinanin nata ne...
Nabilah ta bud’e murya tace “Aunty 38/39 ne kar a sayo min kasasshe size d’in Marliya... Sai ni ‘yar gatan Aunty...”
Gaba d’aya darawa suka d’anyi kana Aunty B ta kuma jefo mata tambaya “Dogayen riguna fah, bani length d’insu, size d’in inners d’inki kam zan iya k’iyascewa....” Wannan karon da tsananin mamaki Nabilah Ke dubanta yayinda Zulfa’u da Marliya suka dubi juna murmushi saman fuskokinsu....
Take annurin fuskar Nabilah ya d’auke cak....
“Aunty harda ke a wannan auren had’in bakin da suke k’ok’arin yi....?” Tai maganar baki a ture
Galala Aunty B Ke dubanta kana tace “Da waye yace ki kawosa da kika san baki sansa..? saikace ba kece kwanaki kikai kuka akan danginsa sun tasamma rabaku ba, yanzu dan iyayi zaki wani ishi mutane....”
Har lokacin bakin Nabila a ture ne... “Ni wllhi Aunty bani na kawosa ba shi ya kawo kanshi, kuma fah Aunty mamarsa ba k’aunata take ba, aike shaida ce....”
Jinjina kai Aunty Bara’atu tai don tuni Aunty Daula ta sanar da ita shirin Daddy kana tace “Idan Mamarsa bata k’aunarki Babanshi na k’aunarki kuma shima Khalid d’in na k’aunarki sannan Auntynsa tana k’aunarki...Sannan kinada ilimin zama da mutane...” Bata kuma tsayuwa sauraren Nabilar ba ta shige kitchen wajen Mamy...
Auntynsa da Aunty B tace yasa Nabilah kuma dubanta, batace komai ba sai d’an tab’e baki da tai kad’an, Zulfa’u ta d’an dunguri k’eyarta tace “Inye Kaga amaryar Haladun Mamani, shikenan yarinya sai Kaduna....” Marliya kaw sai dariya take yayinda Nabilar tai raurau tana duban Zulfah...
Saurin rungumeta Zulfah tai tana fad’in “You’ve us all baby sis, zaki tadda alkhairi In sha Allahu....”
Nabilah bata iya cewa komai ba sai lumshe idanunta da tai tana tunanin Wai Khalid ya kusa zama mijinta in less than 2mnths.... Abin kaman wani almara..
Marliya kaw fad’i take azo a ciro masu ankon gida ko ‘yar kamun nan a masu a k’irawo masu DJ dan basa son biki lami ehe... Banda uwar harara Nabilah bata danna mata komai....
Zulfah dai mik’ewa tai ta nufi d’aki yanda wayarta Ke faman ruri zuciyarta cikeda k’aunar ‘yan uwan nata....
Gabanta ne ya mugun fad’uwa ganin lambar Mr Unknown ne dan jiya tayi saving layinsa d’aya.....
Kasa d’aukar wayar tai sai ma k’ura mata idanu da tai....
Saida har tsinke tana nan tsaye a haka... Nan take aka kuma sake kira, sunan sai nunawa yake Mr Unknown... A hankali ta d’an fuzar da iska kana tai bismillah ta d’aga wayar sallama saman bakinta.... Yau kam batai gaggawan katse kiran ba kaman yanda takeyi a kullum... Cikin wani irin sanyin jiki take furta “Bawan Allah shin maiyasa kake kirana kayi shiru...? Mutum ne kai kokuwa Aljan...? Shin wani abu kake nema wajena... Kokuwa na tab’a maka wani laifi ne....? Idan babu ko d’aya, Dan Allah ka dena kiran wayata na rok’i arzikinka... Banajin ajikina kai d’in mai cutarwa ne... Dan Allah ka dena kirata haka nan... Allah shi bamu alkhairi....” D’if ta kashe wayar zuciyarta na bugawa da sauri da sauri... Kashe kiran keda wuya taji k’aran shigowar sak’o
_Zuciya mai muradin k’auna bata cutarwa..._
A hankali ta furta “Anonymous..” Fuzar da iska kad’an tai had’ida zama bisa gado tana mai kuma karance sak’on nasa, wani irin sanyi da yanayi maras fasaltuwa jikinta keyi a dik sanda ta amsa kiransa ko ta karance sak’onsa....

***

Dariya suka kwashe dashi had’ida tafe hannaye, Haule ta mik’a mata hannu suka tafe.... Lami tace “Wato Haule bakida kyau, shikenan yanzu zaki had’asu fad’a ki jefa gaba mafi muni a tsakaninsu....”
Haule na jijjiga tana wani duban Lami take fad’in “A ranar d’aurin auren Sameer Aminiyar Sirri zata bayyana masu... Sannan duniyarsu zata sauya, ‘Ya’yan Mariya gaba d’aya bama Sameer kawai ba sai sun tsaneta, Mariya zatai ido hud’u da Butulci da kuma cin amana mafi muni.... Zamu zamto mu kad’ai muke shanawa... Zaki zamto tauraruwa a idanun ‘ya’yanta da kuma mijinta.... Na fad’a miki Lami idan kika rik’i Haule toh fah har abada bazakiyi kuka ba.... Wata d’aya jal ya rage muga rugujewarsu har k’asa, mu bayyana Aminiyar Sirri a tsakaninsu... Muga yanda fuskokinsu zasu sauya idan suka fahimci ko wacece ita da duk kalan k’uncin data jefasu ciki.... Tabbas zamu koma gefe muna dariya muna shagalin bikinmu....”
Lami ta kwashe da dariya suka kuma tafe hannaye kana tace “Ranar da gidan Biki zai koma tamkar gidan mutuwa a b’angaren wasu... Yayinda a namu b’angaren abin zai kasance mafarin Farin ciki mai dawamma....”
Suka kuma bushewa da dariya suna ci gaba da tafe hannaye....

Naja’atu dake lab’e bakin k’ofa hawaye masu tsananin d’umi suka gangaro mata, ta dubi Hajiya da Aunty Lami yanda suke dariya suna fad’in muguntarsu suna tafe hannaye... Shin ta aikata ne ko ta k’yalesu su cimma burinsu.... Yaya zatai ne...? Ta wane hanya zata b’ullo ganin burin Mahaifanta bai cika ba.....? Ta kuma saka bayan hannunta ta goge hawayenta sanda zuciyarta ke ayyana mata _Do the right thing_ A hankali ta janye jikinta ta shige daga wajen
Tsakar gida ta koma ta rapka uban tagumi had’ida k’urama waje guda idanu, a haka Sahariyya da aminiyar ya Fa’iza suka shigo nik’i nik’i da kayan anko na K’awayen su da suka riga suka bada kud’i...
A gajjiye suka zube saman tabarman da Najah Ke zaune bisa, Sahariyya ta ije crutches d’in da take dogarawa dashi tana watsawa ‘yar uwar tata muguwar duba, a yatsine take tambayarta Hajiya....
“Tana d’aki tareda Aunty Lami...” Ta fad’i sanda take k’ok’arin bari masu wajen, Fa’iza ta bita da dak’ilellen kallo ganin tana nuna mata kalan ankonsu tana tambayar ra’ayinta Naja’atun bata kulata ba....
Fa’iza tace “Tooooh ke kuma fah... Kishi ko hassada...?”
Sahariyya ta amsata da fad’in “K’yale munafuka duka biyu take....”
Daidai lokacinda Hajiya Haule da Aunty Lami suka fito, da alama tafiya Lami d’in zatai...
Lami ta dubi Sahariyya tana Washe baki take fad’in “A’a Kaga amaryar mu...”
Sahariyya harda d’an sanne kanta ita a dole kunyar Aunty Lami ta soma ji.... Suka had’a baki itada Fa’iza suna gaidasu.... Hajiya ta isa ta d’auki yadin material d’in tana fad’in “Kai gaskiya yaran nan kun iya zab’e... “Sai juyawa take tana mannawa jikinta....
Fa’iza kaw cikeda zagwad’i ta d’ago leshin da suka sayowa Hajiyar tana fad’in “Hajiya ya kikaga wanda muka zab’o maki, ai yau tsaf saida muka zagaya Kwari gaba d’ai dan zab’o maki leshin da zaki kece raini uwar Amarya....”
Haule ta kame d’an guntun hancinta ta shiga rangad’a gud’a tana wasa kanta matsayinta na uware Amarya Lami na zigata....
Sahariyya ta shagwab’e fuska tana fad’iwa Aunty Lami ta taimaka ta rok’ar masu Sameer ayi dinner dan yanda ta samo mijin kece raini cikin k’waye ya kamata ayi dinner ta nuna masu tafisu sa’a.... Aunty Lami ta dafa kafad’arta tace “Kwantar da hankalinki Sahariyya, uban dinner ma sai anyi, don babban buduri zamuyi a Bikin nan.... Babban biki za’ai a Zuri’ar Mahmood Mailafiya, Bikin da ba’a tab’a irinsa ba, Biki Uku kuma za’a had’a.. Ga naki da Ma’aruf, ga na Nabilah da Zulfa’u....”
Batakai aya ba Hafiz da shigowarsa kenan ya tari zancen da fad’in “Wata Zulfa’un....?”
Sahariyya da k’awarta Fa’iza kaw tini suka tattari kayansu suka shige parlorn Hajiya suna kiran k’awayensu suzo su amshi ankonsu...
Aunty Lami ta murmusa da dubi Hafiz kana tace “Afff bakada labari, ai itama an tsaida ranar aurenta rana guda dana k’anwarka Sahariyya, bada jimawa aka kawo tambyar aurenta ba kuma ina mai tabbatar maka an basu ranar buki...”
Tinda ta soma magana yake dunk’ule hannayensa waje guda, Haule na mata ido tai shiru inaa Lami sai zuba take yawa an bud’e famfo....
Take idanun Hafiz da fatarsa suka sauya launi zuwa ja.... Shi kad’ai sai sakin tururi yake.... Baiceda kowa komai ba sai gani sukai ya fice daga gidan....
Haule na kiransa ko saurarenta bai ba yayi ficewarsa... Ta maidoda dubantaga Lami tana mata duban tuhuma....
Lami ta kame baki tace “Yo ni na mance tsohuwar matarsa ce ashe....”
Hajiya Haule tace “Yau kin b’allo mana ruwan teku bamuda jirgin ruwa... Mai tsaida wannan ruwan da kika b’allo sai Allah Lami....”
Aunty Lami tace “Ahap zaiyi ya daina dan ko mutuwa zai wannan yarinya Zulfa’u bazata yarda ta koma gidansa ba... Kece bakiso maida masa matarsa ba Haule...”
Haule ta dubeta da mamaki... “Ni kuma...? Kaman yaya ni....?”
Murmusawa Lami tai kana tace “Ba ko wani makirci kikeda bakin zarenta ba Haule... Keda kikeda Aminiyar Sirri a hannunki...?” Ta k’arashe tana kannare idanu...
Numfasawa Haule tai kana tace “Kuma fah haka... Amma sanin kanki ne mijinki nada kafiya Lami, babu yanda bamuyi ba nida Alhaji ganin ya maidawa Hafiz matarsa amma k’ememe yak’i... Bana tinanin akwai mai iya tank’warasa... K’yale Hafiz nasa mai sauk’i ne... Nidai tinda zamu gwara kawunansu ranan biki hakan yafi min komai dad’i a duniyata....”
Suka kuma tafe hannaye kana Haule tace “Muje na taka miki zuwa waje...”
Haka nan sukaci gaba da tattaunawarsu da tsara yanda zasuga k’uncin Mariya ranan Bikin ‘ya’yansu....

****

Tamkar wani zararre haka ya shiga har cikin ofishin nasu, ana tare shi ana janyoshi hakan bai hanasa kutsa kai cikin gidan radio d’in ba, tsakiyar gidan radio d’in ya tsaya yana k’walla mata kira da iyaka numfasawar shi....
Tana d’akin gudanar da shirye shirye ta sinkayo muryarsa na ambato sunanta cikin wane irin sautin...
Juyawa tai ta dubi Atika wacce itama ita d’in take duba... Babu shiri ta cire headphones d’in dake mak’ale kunnenta ta nufo waje Atika na biyeda ita...
Su Ameer da securities suna ta k’ok’arin fiddashi amma ya doge yace bazai fita ba har sai Zulfa’u tazo....
“Ku k’yaleshi Ameer....” Ta fad’i daga can nesa yanda take tsaye...
Hafiz ya juyo yana mata wani irin duba... Lokaci guda yake takowa gabanta...
Hawaye ta hango kwance saman fuskarsa yana mai k’arasowa gareta...
“Da gaske ne.... Aure zakiyi... Ki fad’a min da bakinki... Da gaske ne abinda nakeji....?” Ya k’arashe idanunsa suna kuma yin jazir...
A hankali ta jinjina masa kai “K’warai da gaskene abinda kaji Ya Hafiz, wata guda ya rage aurena....”
Murmushin data tafi kama data rainin hankali Hafiz yai kana yace “You must be kidding Zulfa’u.... Gidan duniyar nan bakida mini sai ni Hafiz... Na miki imani a wannan ranar saidai a maida aurenmu amma wllhi tallahi muddin ina numfashi bazaki auri wani bayan ni ba....”
“Ya Hafiz, please don’t make a sin here... Ka tafi dan Allah...” Tai maganar tana mai nuna masa hanya....
Jinjina kansa yai yana mai tab’e fuska, lokaci guda yake ci gaba da fad’in “You don’t know what I’m capable of, idan har da gaske kina sonshi kuma kin damu dashi, toh kiyi gaggawan bashi shawari ya fasa aurenki da yake yunk’urin yi, dan idan ba haka ba....” Murmushi yai ga hawaye dake gangarowa daga idanunsa lokaci guda yaci gaba da furta “Rayuka da dukiya zasu iya salwanta ta dalilin hakan, Babu Wanda ya isa ya mallakeki matuk’a ni Hafiz ina numfashi a doron k’asa.......” Daga haka sa hannu yai ya share hawayen da suka wanke masa Fuska kana yasa kai ya fice cikin sauri...
Hawayen da take k’ok’arin maidawa suka shiga ambaliya a fuskarta.... Atika ta k’araso da sauri ta rungumeta...
Sosai Zulfa’u Ke kuka tana fad’in “Atika what if yaje yayiwa Akram wani abin....?”
Atika na lallashinta take fad’in “Bai isa ya masa komai ba Zulfah, Hafiz bai isa yiwa Akram abinda Allah bai masa ba, kurari ne kawai da cika baki dan kice kin janye auren Akram... Karma ki bari zuciyarki ta raya miki wani abin... Ci gaba da fawwala wa Allah lamuranki...”
A hankali ta lumshe idanunta wasu hawayen masu d’umi suka kuma gangaro mata.... Atika ta janyo hannunta suka shige studio
Saidai gaba d’aya kasa gudanar da shirin tai, dole Ameer ya canjeta... D’akin hutu ta shige dan gaba d’aya batajin kanta daidai...
Tana isa d’akin ta tadda wayarta dake chaji jikin socket tana faman ruri... Mutumin nata ne mai kira.... Ta k’urama wayar idanu tamkar bazata d’aga ba... Sai kuma ta tsinci kanta da son d’aga kiran... Ta d’aga cikin rawar murya irinta mai kuka.... Yau d’in daga sallama bata iya cewa komai ba sai busting cikin kuka da tai had’ida saurin katse kiran....
Kaman kullum sak’on ya shigo mata...
_Kuka bata kamaci kyakkyawar muryarki mai dad’in sauraro ba...Ita murya mai kaman sarewa tafi dad’in a saurareta a matsayin abin nishad’antarwa da d’ebe kewa ga mai saurarenta, Ina fata kalamaina su sanyaki murmushi su kuma gusarda damuwarki koda na k’ank’anin lokaci ne..._
Ta samu kanta tana mai sakin murmushi bayan ta ida karance sak’on, haka kurum taji wani irin sanyi na ratsa cikin zuciyarta, tana fatan Allah ya nuna mata wannan bawan Allah koda sau d’aya ne tak a rayuwarta... Shin waye shi...?
Sauk’e ajiyan zuciya tai tana mai kuma karance sak’on...

****

Murmushi Sawwama tai mai cikeda ma’anoni tana mai duban mijin nata da tin dawowarta gidan maganar arziki bai shiga tsakaninsu ba.... Saida ta kuma mik’ewa tsaye kana tace “Sharad’in shine zaka dawo gareni bazaka kuma juya min baya ba...”

Hafiz dake huci ya jinjina kai yace “Na maki alk’awari muddin kika cika mun burina ni Hafiz bazan kuma k’yaleki ba...”
Nan ma dai murmushin tai tana mai shafa fuskarsa da duka tafukan hannayenta, lokaci guda ta mik’e had’ida basa baya...
Cikin dakekkiyar murya take fad’in “Zan taimaka maka kuma Zulfa’u zata dawo gareka...”
Mik’ewa tsaye Hafiz yai ya tako kad’an har zuwa gabanta.... Lokaci guda yake sakar mata murmushi, itama d’in murmushin take sakar masa... Hannu yasa ya kamo k’ugunta ya matsota kusansa.... Fuskarsu dab da juna yake furta “Ni d’in naki ne sai yanda kikai dani.....”
Tamkar zakin da ya kwana babu abinci haka ta janyo Hafiz ta shiga sarrafasa....




SameenaAleeyou 📚



*INDA RAI*
_...............DA RABO_



*83*




*©️Sameena Aleeyou...✍🏽*




A haka sati guda ta shud’e, ta ko wanne b’angare shirye shiryen bikin suke... Tabbas dik abinda aka masa lokaci INDA RAI zaizosa, zaune Aunty Daula tai bayan ta ida waya da Nabilah da kuma Aunty B... Ita kad’ai sai sakin murmushi take tana jinjina hankali irin na Nabilah, babu yanda batai ba ta sanar da ita abubuwan da take so a zuba mata a kayan lefe amma fir Nabilah tak’i sanar da ita... Tabbas Khalid yayi dace, gaba d’aya lokaci guda k’aunar Nabilah da danginta ya ratsa zuciyarta, ta k’agu ranan biki yazo su had’u suga juna... Tana nan a haka wayar Daddy ya shigo mata, tambayarta shiryen shiryen yai shima kana suka d’an tattauna batun dan lokaci bai jira... Abu kaman wasa gashi yanzu satittika ake k’irgawa....

Yana ida wayar Baffah yai sallama a k’ofa, Daddy ya amsa had’ida masa izinin shigowa... Cikeda risinawa Baffah ya k’arasa saman tampatsetsen carpet d’in turkey dake malale a wargajejen parlorn ya zauna daga can gefen Daddyn, Daddy ya mik’a masa hannu sukai masabaha kana Baffah ya gaida Daddyn cikeda girmamawa....
Daidaita zamansa Daddy yai saman d’aya daga cikin kujerun alfarma da sukaiwa parlorn nasa k’awanya....
“Baffah..” Daddy yace had’ida yin gyaran murya..
Baffah ya amsa cikeda fargaban wannan kira na gaggawa da Daddyn yai masa....
“Nasan zakaji mamakin nemanka cikin sauri da nai lokaci guda....”
Jinjina kai Baffah yai a hankali kana yace “Haka ne Daddy...”
Daddy ma ya jinjina nasa kan “Abinda yasa na nemeka cikin gaggawa ba komai bane illa sanin cewa da nayi Khalid baida aminin da ya wuceka....”
Baffah ya kuma jinjina kai yana tinanin mai kuma Khalid d’in yai wannan karon...
Daddy ya d’an murmusa ganin gaba d’aya kaman Baffan a tsure yake kana yace “Ka kwantar da hankalinka abokinka baiyi komai ba, hasalima ma baisan abindake gudana ba....” Fasali ya d’anja kafin ya zaro checkbook dake aje saman k’aramar table d’in dake gefen kujeransa.... B’allan guda yai kana yayi rubutu jiki ya mik’awa Baffah....
Baffah yabi check d’in da duban mamaki “Daddy na menene...?” Ya tambaya yana kuma juya takardan...
Gyara zama Daddy yai kana yace “Inaso kaje Kano ka sami Nabila a madadin Khalid, nasan ango yakan baiwa amaryarsa wasu ‘yan kud’ad’e kodai na events ko wasu hidiman gabanta dan ba’a raba mata da hidima....” Gaba d’aya Daddy sai ya kuma d’aure kan Baffah... Shi gaba d’aya ma sai ya rasa wacece ma Nabilah... Daddy ya d’an murmusa kad’an kana yace “Na sakaka a duhu koh... Toh karka damu bari na