You Cannot Download this book untill you login but you can read it .

---

Login Register

bari in dauko hijab,
jerasu ta fara yi tace "ina zamu,
liquid anty Rally ta tsiyaya a hannunta ta wanke hannunta tace "gidan Anty Saude,
jiya da daddare ta dawo daga Holland,
shine zan shiga gaisheta,
wacce Anty sauden,
Anty sauden Legacy?
Husnah ta tambaya,

Eh ita, matar akwai kirki, tana daraja makotaka, Anty Rally ta bata amsa hade da wucewa daki ta dauko Hijab,
kayan suka dauka Nadeeyah ta rike jug din kunnun Aya suka fito suka wuce gidan dake jikin na Anty Rally,

Gida ne kayatacce wanda za'a iya sanyashi cikin jerin 1st 5 din gidajen masu kudin layin,
kafin ka karasa cikin main house din ma sai kayi tafiyar 5mins,
babu abin da kake ji sai motsin flowers da karan water fountain din dake tsakar gidan,
suna karasawa kofar palon Anty Rally ta tura suka shiga ciki,
wani irin kurda kurda suka shiga yi suna hawa sama suna sakkowa cikin wani under ground,

sanyin A.c da daddadan kamshi ne ya tabbar musu da isowarsu parlon,
cire takalmansu sukayi suka shiga ciki hade da Sallama,

kyakykyawar mace wacce a kiyasi zatayi shekara Hamsin da biyar ta amsa musu,
murmushi ta saki tace "Raliya ce a gidan namu,
kusa da ita Anty Rally ta matsa ta sauke Fadil tace "ina wuni Anty,
daukar fadeel tayi tace "lafiya kalau Raliya,
Fadeel dina yayi wayau,
ina babanshi,?
murmushi Anty Raly tayi tace "yana nan lafiya,
Hada baki Nadeeyah da Husnah sukayi suka gaisheta,
kallonsu tayi tana murmushi tace "lafiya kalau, ina kika samo kyawawan yara haka,
nuna Husna tayi tace nasan waccen bayan kamannin da kukeyi nasan tana zuwa Legacy,
waccen fa ta nuna Nadeeyah da idonta yaki daukewa a kanta,
itama kanwata ce Anty, cousin sis dina,
ayya, mashaa Allah, tabarkallah dasu, ta fadi har lokacin bata dauke idonta a kan Nadeeyah ba,
zatayi magana kenan ta jiyo muryarshi daga can cikin daki,

"Momma nifa wahala kike bani, ban ganshi ba,
dafe kanta tayi ohh gosh *TEE*
a cikin blue trolly fa nace,
cikin shagwaba yace "shi fa na duba babu,
"anya Tee glasses dinka basuyi expire ba ta tambaya cike da tsokana,
rufe akwatin yayi ya fito yace "ni fa yanzu ko babu su ina gani,
bai kula da su anty Raly ba ya kwanto ta bayanta yace "kin gani sweetheart,
babu su ko yanzu a idona,
dariya tayi tace "gaskiya ne babyna,
hannu tasa ta dauki glass din tasa mishi a ido tace "to yanzu koma may be ka iya ganinsu,
dagowar da zaiyi yayi tozali da wacce ya kira da damuwar zuciyarshi,
da sauri ya gyara glass din ya sake kallon inda take ko gizo take mishi,
ita din ce zaune tare da Husna,

kallon Fadeel yayi yace "Boy ina Mummy,
dariya Anty Raly tayi tace "gani kusa da kai, gaskiyar Anty ne sai ka koma an duba idon nan,
daukar Fadeel yayi yace "zan baku mamaki,
yau ma ba glass zanyi driving,
on a serious nt Anty saude tace "in ma wasa kakeyi kayi saurin daina shi,
koda wasa ban yarda ka fita babu su a idonka ba,
kana ji na ko?
Dariya yayi sosai dan dama tsokanarta yayi ya wuce da Fadeel dakinshi...
ganin Nadeeyah a gidanshi,
a mahaifarshi ya sanya shi zama on top yau,
jinshi yakeyi kamar sabon mutum,
ashe yanzu in shaa Allah samunta bazai mishi wuya ba,
rungume fadeel yayi yace "knwing ur mother is a blessing to me...

Yafi minti talatin rike da fadeel yana mishi wasa,
karar wayarshi yaji yasa hannu ya dauko a aljihu,

"ka kawoshi zasu tafi ne, da sauri kafin ta kashe yace momma kice su tafi zan kawo shi,

cike da mamakinshi ta kashe wayar tace "zai miko shi inaga yayi bacci ne, nagode sosai Raliya,

a'a haba Anty babu godiya a tsakaninmu anty Raly ta fadi tana murmushi,
sallama su Nadeeyah sukayi mata ta amsa cike da fara'a,
bayan Nadeeyah tabi da kallo tana Nazarin wasu abubuwa, har saida ta kurewa ganinta sannan tayi ajiyar zuciya ta fara bude kulolin abincin....



Mrs Tijjani Shattima
[15/03 12:04 PM] Aysha Ya'u Kura: •• *ZUMUNCINMU A YAU* •• 3⃣7⃣
By *Aysha Ya'u kurah*


*JIGON RAYUWA*



Kallon Mamaki Anty Saude ta bishi dashi,
kayan da ya shiga dasu sanye a jikinshi ba dasu ya fito ba,

wannan karan Ash Shadda ce a jikinshi,
yayi kyaun da shi kanshi ya yaba, babu ta inda Taheer bai hadu ba, ya hada komai da duk namiji zai yi tunkaho dashi,
matsalarshi daya ido,
ciwon idon da ya samo asali tun yana yaro gurin wasansu na yara,
babu inda ba'a kaishi dan duba idon ba,
saidai ya dan samu sauki amma bazai bar ciwon duka ba,
a karshe har iyayenshi suka hakura suka dawo asibitocin ido na nigeria,
a nan ne suka daurashi kan magunguna har idon yayi kyawu sosai,
da taimakon Allah da taimakon glasses dinshi da suka kara fito da ainihin kyawunshi yake ganin abun da ke nesa..


Zaunar da Fadeel yayi akan kujera ya dauki nama daya cikin soyayyun naman da Anty Raly ta kawo,
zama yayi kusa da Anty saude ya kai naman bakinshi yace "Momma zan fita,
"Ina zuwa kuma? ta tambaya hade da ajiye plate din hannunta,

Murmushi yayi mai matukar kyau yace "zan mika Fadeel gida, sannan zan je aiken da zuciyata take ta min kullum,

"Hannunshi ta kama da sauri tace "Fara isar min da aiken TEE, fada min sakon in taya zuciyar taka adduar samun karbuwar sakon,
nata hannun ya rike shima zuciyarshi na kai kawo, farin ciki ne cike a cikinta na ganin tana gab da samun abin da take so, lumshe idonshi yayi , kana hango yanda gashin idon ya kwanta ta cikin glass yace "i'm in love Momma,
wani irin numfashi ta saki wanda zai tabbatarwa da mai kallonta tana cikin matsanancin farin ciki, "wacece Taheer?
wacece wannan?
ya Allah kayi mata albarka,
share hawayen da ya zubo mata tayi, tace "bani labarin ta Tee, "murmushi yayi dan dama yasan yadda zatayi reacting kenan,

yace "calm down Momma, with time zaki santa,
kuma nasan zaki sota,
ni dai addua'arki nake bukata, ina son ki dage da addu'ar samun nasara,
inason zuciyata ta kasance da ita a duk bugun numfashina,
tun ranar da fara ganinta har zuwa yau kaunarta ce ke kara tasiri a cikin ruhina,
"rungumeshi tayi sosai tana fadin Alhamdulillah a jere har sau uku,
jin kukan da takeyi yana neman yayi yawa ya sashi saurin raba jikinshi da nata,
hannu yasa yana share mata hawayen hade da girgiza mata kai,
a shagwabe yace "kina so in bata kwalliyata ne,
sai ma na fasa in bawa zuciyata hakuri tunda aikenta nasa min ke kuka,
dan mari takai ma fuskarshi tana dariya tace "tashi maza ka tafi, Allah ya baka dukkan sa'a my boy,
daukar Fadeel yayi yace "Ameen Momma,

kallon farin ciki ta bishi dashi hade da mikewa ta isa gaban hoton mahaifinshi,
rau rau idonta yayi tayi saurin maida hawayen hade da fadin "tun bayan rasuwarka Taheer dinka bai sake yin farin ciki ba,
yau!! a karo na biyu a rayuwarshi na ganshi cikin farin ciki,
kasa controlling hawayenta tayi tace "we missed u alot Abba,
Allah yayi maka rahama,
adduoi ta shiga jerowa mijinta da danta,
saida ta gama ta share hawayenta ta kira Abida mai mata hidima dan ta tattara parlon....



Sau biyu ya taba shiga gidan Anty Raly tun zuwanta unguwar,
motar da ya dauko daga gida ma ta musamman ce kai kace garin zai bari ba kusa da gida ba,
sai da yayi zaman minti uku a ciki sannan ya kashe ya dauki Fadeel,
mai gadin na ganinshi ya tsuguna har kasa ya gaisheshi dan babu wanda baisan dan gidan Hajiya Saude ba a unguwar,
bude mishi kofa yayi ya shiga,
Baya yaja zai tsaya ya hango Husnah ta fito ta nufo gate din,
tana ganinshi ta kara sauri tana fadin "uncle da kanka ka kawo shi,
mika hannu tayi ta dauki Fadeel hade da ce mishi tana zuwa,
mai gadin ta kira tace "ina lawalli, kace yaje ya siyowa Anty Gas, cikin girmamawa ya amsa ya fita da niyyar zuwa kiran lawali driver,


Dawowa gurin Taheer tayi ta sake gaisheshi,
tambayoyi ta fara jefo mishi, "uncle dama kai dan Anty saude ne?
ai na santa,
bansan kai danta ba,
kasan last year ka fara teaching a school shiyasa bamu san kai danta bane,
she is very nice, kasan akwai lo--- katseta yayi yana dariya yace "ashe haka kike da surutu,
to tunda bazaki bani gurin zama ba bari in tafi,
da sauri tace "laaa sorry uncle muje dan Allah,
bai bata lokaci ba ya bita hade da addu'ar Allah ya bashi karfin gwiwar sanar da ita,
parlon Baban Fadeel ta bude mishi tayi mishi iso har ciki ya zauna,
har zata zauna sai tayi saurin mikewa tace "bari in kawo maka ruwa,

murmushi yayi yace "na dauka zama zakiyi da sai ince ashe baki iya tarbar baki ba,
dariya tayi ta wuce kitchen,


Suna shiga kitchen Fadeel ya saki Kashin da ya fito daga pampers har rigar Husnah,
wani irin ihu ta saki wanda ya sanya Nadeeyah da Anty Raly zuwa kitchen din,
dariya Raliya tayi na yadda Husnah ta bata baki hade da tale riga da kafarta,
da sauri ta dauki Fadeel da ya fara bata mata kitchen da kashi tayi daki dashi,


kallon Nadeeyah Husna tayi tace "dan Allah ki kai mishi juice parlor,
bata tsaya yi mata bayani ba ta wuce daki tana ware kafa,
dariya Nadeeyah tayi ta shirya juice a tray,
duk tunaninta Baban Fadeel aka shiryawa abinci a parlon kafin ya dawo,
bata damu da yadda gashinta yake a bude ba saboda tasan bai dawo ba,
gyara wanda ya dan zubo ta gefen idonta tayi ta wuce parlon,

sam bata kula dashi ba saboda kujerar da yake zaune tana baya, duk wanda ya shigo parlon in ba ya lura dakyau ba bai kula da na zaune a kujerar,
ganin babu abinci a parlon yasa ta dube dube,
sai da ta razana saboda ganin bazata da tayi mishi,
da sauri ta ajiye tray din jiki na rawa hade da bugawar kirji tace "ina wuni uncle,
bai amsata ba ya tako har inda take tsaye shima kirjin nashi bugawa yake yi sosai,

"murya can kasa yace "bakina ya kamata ya fara furta wannan, an yini lafiya *Umm Nadeeyah*

Wani abun taji ya tsarga mata tun daga kwanyar kanta har tafin kafarta,
yadda yayi kiran sunanta ta ya sake kashe mata jiki dan duk duniya banda Babanta babu mai kiranta da Umm Nadeeyah,
bata amsa shi ba ta fara tafiya da niyyar barin parlon,

*Nadeeyah*

ya sake fadi a hankali yana kallonta,
tsayawa tayi kamar zata saki fitsari saboda tsabar tsoron yanayin shi,
bai karaso inda take ba yace "dawo ki zauna,
akwai maganar da nake so muyi,
bata motsa daga inda take ba tana tsaye har seconds sittin,



Murmushi yayi ya kara takowa yazo har inda take,
kamar me rada yace
"matsayinki ya kai in biyoki inda kike,


kamar zatayi kuka ta juyo tace "um um dan Allah uncle kayi hakuri, zan dauko dankwali na ne,

"Ya riga ya gama fahimtar yanayinta na tsoro yayi murmushi mai kashe zuciya yace "naki wayan,

hular kanshi ya cire ya mika mata yace "ki rufe kanki dashi, saurin maida hannunta baya tayi tace "Dan All-- "karki hada ni da Allah, yayi saurin katse ta a kasalance,
hannu yasa ya dago habarta ya sanya idanuwanshi cikin nata, kokarin sauke idonta tayi jiki na rawa, yayi girgiza mata kai alamar a'a,

karkatar da kanshi gefe yayi, gaba daya soyayyarta tana neman maidashi zautacce,
ya mance matsayin malami yake a gareta,
suffofinshi na shagwababben Momma suka bayyana,
a hankali yace "plssss!!!
bata bari yayi magana ba tayi saurin runtse idonta hade girgiza kai,
bata taba shiga yanayin da yake kokarin sanya ta a ciki ba,
rufe idonshi yayi shima yace "karki hana ni plss,
akwai abun da ya ke kokarin karya duk wani lago nawa,

*Soyayya*

ita gayyaceni zuwa gareki ba tare da shirya ma zuwanta ba,
tell me,!!
kina son in barta ta sanya ni na rankwafa,
bani da wani sauran sukuni tun ranar da na fara ganinki,
kiyi min agaji,
ki tausaya min, ki tallafe ni, ki amince dani a cikin zuciyarki,
sonki ya gama shiga cikin jinin jikina,

Shuru ne ya dan ratsa gurin na minti daya,
bugun zuciyoyinsu kadai suke jiyowa sai numfashinsu dake gauraya da juna,

A hankali ta bude idonta wanda ya zamo kamar hadin baki shima ya bude nashi,
da sauri ta dauke kanta hade da rugawa ciki da gudu,

saida ta isa daki sannan ta fara maida numfashi..
jin karar ruwa a bayi ne ya bata tabbacin Husnah na ciki tana wanke jikin ta har lokacin,
a gefen gado ta zauna ta runtse idonta,
ta kasa fassara yanayin da take ciki, wani abu ne yake ta mata yawo a cikin kwanyarta..


karar wayar Husna ta ji tayi saurin mikewa ta dauko ta a gaban madubi,
sunan da ta gani ne ya sanyata dauka,
tun kafin tayi magana yace
"kina lafiya,
bata amsa ba tace "ina wuni Ya Hilal ba ita ce,
"i knw ya fadi yana dada jinjinawa zuciyarshi da take saurin daukar haske akan kusancinta da Nadeeyah,
tana dauka jikinshi ya bashi ita ce,
"ya school, hope kina kokari ko,?
cikin nutsuwa tace "umm ina yi,

lumshe ido yayi ya bude yana kallon kasan office din da yakewa aikin zane yace
"Good, babu ruwanki da kowa kamar yadda nake fada miki kullum,
karatunki shine gatanki,
bana san wani abu ya shiga rayuwarki yanzu,
i want u to be successful kin gane ko,

gyada kai tayi kamar tana gabanshi tace "in shaa Allah,

in yana waya da ita ya kan manta duk wata zuciyarshi da bata san raini,
yakan manta ko shi waye duk da har yanzu bai taba nuna mata alamar soyayya ba,
so yakeyi ta zama macen da ko ina a duniya za'ayi alfahari da ita,

"Zeemarh na gaishe ki,
yau dakyar taje makarantar islamiyya wai ni zata bi,
murmushi Nadeeyah tayi tace "Allah kuna lalata ta ne,
anjima zan kira Anty ince ta dinga zane ta,
"u are on ur own ya fadi hade da cewa kema musa a zaneki kuwa, sai ayi 50-50,
dariya sosai tayi wacce ta sanya Hilal nishadi,
zatayi magana kenan taji Anty Raly na kwala mata kira,
sallama tayi mishi ta kashe wayar ta fita da sauri,



kallo ta bita dashi fuskarta dauke da Murmushi, tace
"Nadeeyah daga hannu sama mu godewa Allah,
da sauri ta daga dan bata san me zasuyi ma adduar ba,
bayan sun gama adduar tace "Allah ya kawo miki taimako,
yanzu Taheer ya fita a gidannan,

kaii yau saboda farin ciki bansan yadda zanyi ba,
kin gama dacewa duniya,
lahira kadai zaki nema,
Nadeeyarmu ce zata zama matar Taheer surukar Anty Saude,

wannan dadin ina zan kaishi yau,
rufe fuska Nadeeyah tayi ta kasa gane ainihin yanayin da take ciki, na farin ciki ne ko akasinshi,


kalaman Hilal ke mata yawo a zuciyarta, wanda sabonsu ke bata mamaki duk da har yanzu tana shayin shi,
ga kuma zazzafar kaunar da ta gani a idon Taheer,
rungumota Anty Raly tayi tace "saura 3 to months ki gama school, lokacin ne zamu fasa maganar nan,
wallahi dadi yau kamar zai kasheni,
daki Nadeeyah ta wuce da sauri tana nazarin abubuwan da suka gifta tsakaninta da Tahir......




********___*******

Turjiya takeyi a kasa tana ihu tana fadin "indai yaya Jamal zaije itama sai taje,
dariya Hafeez yayi yace
"Haba autar mami,
yaya jamal fa ba bin mu zaiyi ba,
ni da Papy kawai zamu tafi,
kiyi hakuri kinji,
fitowa yayi yana gyara button din rigarshi yace
"fada mata gaskiya mister,
dani za'a,
dan Allah kafin mu dawo ki mutu tunda ni sa'anki ne,
wani ihun ta saka wanda ya sanya Anni da sauki ya samuwa fitowa tana fadin Jamal zan ci maka mutunci akan yarinyar nan,
turo baki yayi yace "haba Anni, kina ganin yarinya ta rainani,
da nayi aure da wuri da na dire wacce ta fita ya karashe hade da rankwashinta,

jikinshi ta shige tana ihu tana yakushinshi tana fadin "babu inda zakaje walhy,
ni sai dai mu tafi tare,
tureta yayi yana dariya yace "zan gani yau,
ji min rigima fa,

fitowar Papy ne ya sanyata zuwa gurinshi tana kuka,
daukarta yayi yace "haba mamana,
kaduna fa zani ba nan kusa ba, zo kiji a kunne,
mika mishi kunnen tayi yayi mata rada,
dariya tayi ta kalli Jamal tana mishi gwallo,
har suka shiga motar tana tsalle tana ma Jamal gwalo tana cewa "an mishi wayau wooo,
dariya sukayi dukkansu a motar,

ta window ya leko yayi mata nashi gwalon shima kamar yaro karami,
janta Mami tayi suka wuce daki dan kar Jamal ya sake ballo mata august...



Karfe Hudu da minti ashirin suka shiga garin Kaduna,
tunda suka shigo cikin garin Papy yaji jikinshi ya mutu,
shidai yasan meeting yazo yi a Kaduna state university,
amma yanzu ji yakeyi kamar wani abu mai muhimmaci akasin haka ne ya shigo dashi,
Hotel din da aka kama musu Hafeez ya kaisu sannan ya yi musu sallama ya wuce da niyyar dawowa da safe...




Washe gari bayan sun gama komai karfe biyu Hafeez yazo ya daukeshi,
suna Hira Hafeez yace "mishi daga gidan kakanshi yake,
baiji dadi ba jiya kwana yayi yana gudawa,
da gangan ya fadi haka dan hakar shi ta cimma ruwa,
in ma suna da dangantaka to suna ganin juna a yau zasu gane su kuma warware mishi komai,
gidan Baffa ya wuce direct kamar yadda Papy ya bukaci zuwa gaisheshi,,

A daidai kofar gidan yayi parking,
cike da girmamawa ya bude mishi kofa yayi mishi iso har cikin gidan,
fuskar Ma'u ke fuskantar hanyar shigowa, kamar an manne ganinta a fuskar papy,

kallon Baffa tayi ta dago ta kara kallon Papy,
Da sallama ya shigo ciki ya karaso ya tsuguna ya gaida Goggo,
motsi kawai bakinta keyi amma ta gaza furta ko kalma daya, kamar ance Baffa ya dago nan Allah yayi ma fuskokinsu gamo,

ko wanne saida ya tsorata da ganin fuskarkokinsu cikin na juna.....



Mrs Tijjani Shattimah......
[18/03 8:06 AM] Aysha Ya'u Kura: •• *ZUMUNCINMU A YAU* •• 3⃣8⃣
By *Aysha Ya'u kurah*




Dammmm.....

gaban Baffa yayi mummunar faduwa,
karasa mikewa zaune yayi har lokacin bai dauke idanuwanshi kan Papy ba,
shi din ma Papy hakan take gareshi,
saboda tsananin faduwar gaba bakinshi ya gaza furta koda kalma daya ne,


Hafeez dake bayansu ya tsuguna zuciyarshi wasai saboda a yau yana tunanin warwarewar SARK'AK'IYAR da ya shiga watanni bakwai da suka wuce,

kallon Baffa yayi hade da dan taba kafadunshi yace "Baffa wannan shine Papy wanda nake zaune a gidanshi a Gombe,
a razane Baffa ya dawo hayyacinshi yace "au to madallah, an gode fa,
Papy bai amsa shi ba ya zauna sosai zuciyarshi sai kai kawo take, ko tantama bayayi wannan mahaifinshi ne da Anni ta dade tana fada mishi,
kamannin sun wuce kamanni kawai,
tabbas akwai jini mai karfi a tsakaninsu,
gaishe da Baffa yayi hade da tambayar jikinshi,

Goggo ce ta iya amsawa babu inda a cikin jikinta bai saki ba,

saida sukayi kusan minti biyar a zaune babu wanda ya sake magana,
kowa da abun da yake tunani a ranshi,
karfin Hali Baffa yayi dan ya gama hange hangenshi a yan uwa yasan babu wanda ya rage mishi na kusa,
sannan yasan dai bashi da wani ďa banda wanda ya binne da hannunshi,
kuma yasan bai taba yin aure a wani guri ba bare har yayi tunanin ya barta da cikinshi,

wannan abun al'ajabin kamanni sun yi yawa,
bazai iya jure barin shi a ranshi ba,
dole yana bukatar sanin daga inda halittar nan mai tsananin kama dashi ya fito,


kallon Papy Yayi yace "dan nan idan bazaka damu ba ina so inyi maka tambaya,
takalma da safa Baffa ya cire ya gyara zamanshi sosai a kan tabarmar,
ganin yatsun kafarshi ya kara daga hankalin Ma'u,
shin meke shirin faruwa ne?,


magana Baffa zai fara-- tayi saurin katseshi tace "daga mutum yazo gaisheka sai ka tsareshi da magana, ka sani ko sauri yakeyi,

Murmushi Papy yayi yace "babu komai karki damu,
ko bai tsayar dani ba nima babu inda zani domin akwai wani al'amarin da yake shirin faruwa,

wannan al'amarin zai fitar da rayuka da dama cikin tunanin da suka shekara da shekaru suna yinshi,
bude baki tayi da niyyar sake yin magana Baffa ya rigata da cewa "nasan kaima kana cikin zullumin da nake ciki, duk wanda ya ganmu ni da kai yasan jini daya ne
saboda kamanni,
wasu ka iya cewa yan biyu ne saidai yanayin tsufan da jikin shine kadai ya banbanta,
dan Allah ina son ka fada min wanene mahaifinka dan inason sanin ko inada wani sauran dan uwa wanda kaddara ta boye min shi,
ina son sanin inda mahaifinka yake dan inje mu gana,
in baya raye to dan Allah ka bani tarihin shi wanda zai iya warware min komai,



Papy baiyi magana ba ya fito da wayarshi,
dannata yayi hade da karata a kunnenshi,
"Hello Maimunah,
hadani da Anni a waya,

Papy na....,

Ruwaidah ta fadi murya a shake, "Mama na,
kuka kike yi?

Kukan ta sake fashewa dashi kamar zata tsaga wayar,
rage murya yayi yace "wanene, daina kukan and tell me,

M-a-mi ce ta fadi tana ajiyar zuciya,
tsaki yayi a hankali, yasan abin da aka mata bai taka kara ya karya ba,
"yi hakuri Mamanah,
jeki kai mata inji dalilin saki kuka,
da dan gudunta ta tashi taje kitchen inda Mami da mai aikinsu ke kwashe mangyadan da ta zubar,
a darare tace "Maami Papy ya kiraki,
kwafa tayi ta goge hannunta a jikin tsumma ta karbi wayar,
yana jin sallamarta yayi saurin amsawa,
ba tare da jin dalilin kukan Ruwaidah ba yace
"ina Anni?

tana bacci lafiya dai ko,
mami ta tambaya cike da zullumi,

ajiyar zuciya yayi yace "lafiya kalau Maimuna,
gobe da safe ku shirya guraren tara zan kira Badamasi yazo ya taho daku kaduna,


zama Mami tayi gabanta na tsananta faduwa tace "Dan Allah ka fada min abin da yake faruwa,
ina JAMAL da HAFEEZ?,

murmushi yayi cike da tsokana yace khairan in shaa Allah ruďaďďiya,
ke dai ku shirya kinji,
gyada kai tayi har lokacin  gabanta bai daina faduwa ba...




Kallon Baffa yayi bayan ya ajiye wayar yace "Sanin abubuwan da ka tambayeni wannan sai maihaifiyata tazo,
domin nima ban san kaina ba, tashi nayi na ganni a hannun mahaifiyata ba tare da uba da yan uwa ba,
ni kadai na rayu a gabanta,
tare muka sha wahalhalun rayuwa,
na dai san a kullum tana fada min ina da uba, amma bata san inda yake ba,


A lokacin da Ma'u na tsaye to tabbas da ta kai kasa,

kokarin mikewa takeyi Papy yace "inna dawo ki zauna ayi komai a gabanki,
yau da za'a bincika zuciyata a gani to tabbas da an gano tafi takarda haske,


kallon shi Ma'u tayi tace "ďan nan ina ganin dai kamanni ne,
dan mu nan bamu da da namiji ko daya,
sannan duk wasu y'an uwa namu na kusa duk sun mutu,

kasan Allah yana iya halittar mutane masu kama da juna, akwai su da dama sab--- katseta Hafeez yayi cikin girmamawa yace "Goggo wannan ya wuce kamanni kawai,
akwai jini mai karfi,

ki duba girman makarantarmu duk daliban dake ciki ace dani kadai ya shaku har ya kaini gidanshi cikin iyalinshi,
sannan kuma idan kika ga Jamal da Ruwaidah a nan ne zaki tabbatar da su ďin jinin mu ne,


Daka mishi tsawa Goggo tayi "kai dalla rufe mana baki,
manya na magana kana yi saboda tsabar rashin kunya,
tashi ka fita kaba mutane guri,

mikewa Hafeez yayi yana fadin kiyi hakuri,
harara ta bishi dashi har ya bacewa ganinta sannan ta dawo da kallonta kan Papy tace

"to bawan Allah mun gode da ziyara, sai anjima,

sake gyara zama Papy yayi yace "Inna, bazan boye miki ba, barin gidannan a guri na sai da daddare,
sannan gobe da wuri zanzo domin kuwa ina hango cikar burina na sama da shekaru arbain da doriya zai tabbata,

cike da faduwar gaba ta kalli Baffa