You Cannot Download this book untill you login but you can read it .

---

Login Register

mun dauka ya mutu,
to ashe shi din ne rayayye ita kuwa Suwaiba tabi mahaifiyarsu,

watanni kenan da mutuwarta,
ta rasu ta bar 'ya'ya uku,
HAFEEZ shine babba,
sai Nadeeyah da Zainab,


"_Hafeez_"

Papy ya maimaita wasu hawayen masu zafi suka biyo bayan furucinshi,

"Tabbas jini ba karya bane Anni ta fadi tana share nata hawayen,

soyayyar da Abdallah ya nunawa Hafeez daga ganin farko ashe ba haka kawai bace,
ashe Jini ne yayi aikin shi,
dalilin zuwan Hafeez karatu Gombe ba karatun bane,
wannan haduwar itace silar zuwanshi,
duk inda alkhairi yake baya taba faduwa kasa banza ta karshe tana goge idonta da gefen hijab dinta,


waya Papy ya dauko ya danna number Hafeez,
"Kana ina ne?, ya tambaya murya a shake,

"Muna kofar gida, mu zo ne? Hafeez ya amsa cike da girmamawa,

"eh kawai papy yace ya kashe wayar,

Hankali a tashe ya shigo gidan saboda yanayin da yaji muryar yasan babu lafiya,

kusa dashi yaje ya tsuguna
"Gani Papy,

Wani irin kallo yayi mishi wanda yake nuna tsantsar soyayya ga mai yinshi,
hannunshi ya rike hade da hada jikinshi da nashi da karfi,

"kai jinina ne Hafeez,
ashe kai dana ne,
ina ma nasan wannan tun ranar farko,
da kome zakayi tare zamuyi shi,
da ban barka kayi wahalar komai da kanka ba,

cikin rashin fahimta
Hafeez ya da dago ya kalli idon Papy da yayi jajur,
zaiyi magana Papy yayi saurin kada kanshi yace "kai jinina ne Hafeez,
kai dan yar uwata ne,
dan wacce muka kwanta a mahaifa daya ne,


Wani irin kukan farin ciki ne ya kufcewa Hafeez,
duk yadda yakai da hangenshi bai hararo kusancin nasu har ya kai haka ba,

shidai yasan kamannin Baffa sosai yake gani a jikin Papy sai fari da ya banbanta su,

sake rungumeshi Papy yayi yace "yau ranar farin ciki ce ba ta kuka ba,


Mummy da karyayyar zuciyarta ta tsumu sosai tace
"kukan ya zama dole,
kuka ne na farin ciki,

Shi yanzu nasan kukan tunowa da Suwaiba yakeyi,
share hawayen tausayi tayi tace "ina ma Lokacin da suwaiba ta debo mai tsawo ne ta ga wannan ranar,



kallonta Papy yayi yaga ita din ma tana dan yanayi dashi yace
"kema yar----

cike da murna Baffa ya katseshi da cewa yayarka ce,
ita ce Babba,
nuna Ma'u yayi yace
"wannan ita ce ta haifeta,
su biyu ne,

Allah yayi wa Halima rasuwa da dadewa,

sai ita kadai ta rage mana,
ashe wani farin cikin na tafe zuwa garemu,
ashe ina da rabon ganin Magaji na kafin kasa ta rufe min ido,


Wannan kalma ta *MAGAJI* ita sanya Goggo jin wani dumi tun daga kanta har cikinta,


Ido ta zurawa Baffa da yake ta sambatu a gaban Papy da Anni,
duk yadda taso su hada ido dashi sam yaki dan gaba daya ya manta Allah yayi halittar ta a gurin,


Yasan dai tana makale cikin ranshi amma ganin Papy ya sanyashi mance duk wata soyayya in ba tashi ba,

ji yakeyi ina ma ace da kuruciyarshi da sai yayi zagaye da Papy a bayanshi ba tare da ya gaji ba..



Wani irin kugin taji a cikinta tunda Anni ta fara basu labarin shi dawo mata,
ganin yadda tun yanzu Baffa ya ki koda kallonta ya tabbatar mata da lallai akwai aiki a gaban ta,


Mikewa tayi da niyyar tafiya bayi dan cikin nata jinshi takeyi kamar zata kasayar da ya'yan hanjinta,

Tana mikewa taji kafarta tayi mata nauyi saboda yadda zawon ya taho mata gadan gadan,
dakyar ta daga kafarta,
tana dagawa zanin jikinta ya sabule ta feso shi ba tare da sanin inda zashi ba,


Wani irin ihu Radiya ta saki tana fadin "I'm dead" wayyo Allah na,


"Dariyar Ruwaida ce ta cika gurin tana yi tana fadin
*nyan nyan nya* disgusting!

Papy kagani da kace "in an min abu in dinga hakuri Allah zai saka min, yau gashi naga ni da idona,
wayyo cikina,
she deserve more old lady karo mata,,

Janyota Mami tayi da karfi ta sake maida idonta cikin mayafinta kamar yadda kowa yayi a gurin,

kunnenta taja tace "ke wace irin yarinya ce,
in sake jin kince pim kiga abun da zan miki,


Mummy ce ta tashi da sauri tana tare Goggo tana fadin Goggo lafiya,

Hawayen takaicin da Goggo ke rikewa ya zubo a kuncinta,

cike tsoron ganin hawaye a idon wacce babu abin da ke sata kuka Mummy ta ja hannunta sukayi bayi,

shi kuwa Baffa maida kallonshi gurin Radiya dake kuka tana kyankyame jikinta yayi yace
"je ki wanke jikinki mana,
ko so kikeyi warin ya kashe mu,
baki ganin muna cikin farin ciki ne,

karaff kalamanshi a kunnen Goggo,

wani Kukan ta sake fashewa dashi a zuciyarta tana tambayar kanta ta inda aka samo matsalar,

Damuwa ce karara a fuskar Mummy dan iya rayuwarta bata taba ganin hawaye a idon Goggo ba,
bayan ta gama kimtsa ta suna jiyo muryar Baffa yana basu Labarin Suwaiba da 'yayanta,

ita kanta Radiya cike take da mamakin yadda yake basu labarin suwaiba da 'yayanta dan a da ko labarinsu baya son ji bare ya ba wani,


Kallon Goggo Mummy tayi tace "kiyi ma Baffa uzuri, shekaru sama da arbain rabonshi da dan da ya cire rai da kasancewarsa a duniya,
sannan kuma shi kadai ya zame mishi namiji,
kinga dole yayi farin ciki,
ni kaina cikin farin ciki nake,
dan a yanzu na fita a sahun ni kadai,
mun zama biyu, ďan uwa dadi gareshi Gog----

dogon tsaki taja wanda ya katse mummy da karasa maganar ta,

"Ba tun yau na lura da cewa ke din bakya kishi na da kanki ba,
inama Allah Halima ya bar min ya daukeki Goggo ta fadi cikin gushewar hankali,

Zaro ido Mummy tayi zatayi magana ta jiyo muryar Baffa yana kwala kiranta,
bai bari ta amsa ba cikin doki yace "fito muje gidanki suga Nadeeyah,

ki kira muntari in yana gari shima ya dawo gidan sai su hadu,

Jaka Mummy ta dauka tace ma Goggo "kiyi hakuri, gobe zan dawo,

ko kallonta batayi ba,
idonta na kan kofa tana jiran ganin Baffa ya shigo dan su hada ido ta samu dukkan madafun ikon hanashi zuwa,


Anni da Mami ne kadai suka leko suka yi mata sannu da jiki, sannan suka wuce,,


Shurun da taji a tsakar gidan ne ya bata damar lekowa,
babu kowa a gidan sai Radiya dake tsaye daga ita sai undies, tana ganin Goggo taja mata tsaki tace
"walhy kin cuceni, sam bazan iya cin abinci ba yau,

gashi Mummy ta tafi ta barni, nidai gaskiya baki kyauta min ba,
kuma ga kashin ki nan walhi bazan kwashe ba,

Hadiye miyau mai daci Goggo tayi ta wuce daki tana saka abubuwa marasa kyau da zata aikata,

saken da tayi na ganin cewa babu wanda zai shigo rayuwarta shi ya janyo mata wannan matsalar......




♡♡♡♡♡♡!
♡♡♡♡♡♡♡♡!
♡♡♡♡♡♡♡♡♡!


Nayi kyau Momma!!

Kallonshi tayi sama da kasa,

jan wando ne a jikinshi ya dan matse daga kasa sai green riga ta dafe a jikin tayi mishi kyau sosai..

Murmushi tayi ta gyara mishi kwalar rigar tace "First class kyau ma,
kaima kasan u are excellent!


Rungumeta yayi hade da yi mata peck yace
"zan fita ur ---
prayer is needed ta karashe hade da cewa "kana da bukatar tuna min ne,
dariya yayi ya dauki keyn motarshi,
har ya kai kofar fita daga dakin tace
"baka fa fada min sunan diyar tawa ba,

waigowa yayi yana dariya yace "tooo expensive, nawa zaki siya?,

Dariya tayi sosai tace "abun da yafi komai tsada a gurina zan biya,

*TEE NA*

Murmushi yayi yace "luv yhu Momma,

*Umm Nadeeyah* is the special one.. my Omri...

Ya karashe hade da fita da dan gudu gudu,

zama tayi tana maimaita sunan farin ciki na ratsa ko ina na jikinta.....




A kofar gida yaga Raliya tsaye tana tsaki tana kallon drivernta yana duba mota,

tsayawa yayi yace "Maman fadeel fita zakiyi?

"Eh Taheer motar kuma ta samu matsala,

Ayya,
shigo muje in kaiki mana, Taheer ya fadi yana fitowa a mota,


Girgiza kai tayi tace "bazan matsa maka ba,
jeka kawai walhy,


Babu wani matsi Allah,
saidai in motar ta miki karama ya fadi cikin tsokana,


Dariya sosai tayi ta bude ta shiga ta cema drivern ya kai motar gurin mechanic...



Dadin da yaji baya misaltuwa na sanin gida zataje...

kwatance ta fara mishi taga yana ta kai kanshi tun kafin ta fada mishi,
murmushin jin dadi tayi ta kasa tsokanarshi saboda kar tasa yaji kunya....


*******

Tun karfe biyu ya sauka a airpot din Abuja,
bai tsaya jiran wata wata ba ya dauki drop har kaduna,

zuwan nashi na aike ne a ganin Anty Reemah,
bata san shi zuwan nashi ya wuce aiken da tayi mishi ba,

Musaddiq ne kadai yasan da zuwanshi dan shima ya matsa a kawo mishi wasu takardun makarantarshi,

saboda go slow basu iso kaduna ba sai to 5,

A daidai gonin gora Musaddiq ya tsaya ya daukoshi cike da farin cikin sake haduwarsu bayan watanni,
hira sosai sukeyi a motar kamar wadanda suka shekara goma basu hadu ba,
ko wanne a cikinsu yayi kyau sosai,
musamman Hilal da ya fara practicing karatun da yayi ta hanyar yin zanen da ya doke na dubban mutane a cyprus,

Ba kananan kudi yake rikewa ba,

shiko Musaddiq bautar kasa yakeyi,
shima yana samun kudi sosai tunda yana taya Daddy wasu yan ayyukan, saboda tsabar kaguwar da Hilal yayi ya sanyata a ido shi ya sanya shi ganin kamar Musaddiq baya gudu, tsayar dashi yayi hade da karbar tukin ya taka motar a 140....






Tsayawa yayi da ya sauke Anty Raly a kofar gidan,
ganin da tayi bai tafi ba yasa ta dawo tana murmushi tace
"ko in kira maka ita ne?,

Murmushi ya sakar mata mai kyau wanda ya bata amsar manufarshi,

shigewa ciki tayi tana adduar Allah yasa Daddy baya gida,
dan tasan a gidan basa zance sai sun gama secondary school,
ita kuma bazata iya hana Taheer ba domin nauyinshi take ji sosai...



A parlor ta samesu zaune suna kallo,
saboda akwai Badar a parlon shi ya sanya Nadeeyah zama daga lungun Husnah tana gyara kumbarta da tasha jan lallen da ya rinu sosai ya koma maroon,

zama tayi ta kalli Nadeeyah da take ta mata murmushi,

"ina wuni Anty, ta fadi hade da mikewa ta dauki Fadeel,

hannunta ta kama tace "wow waye ya muku lalle,

Nuno mata hannu Husna tayi tace "Sadiya,
jiya tayi mana,

shafawa Anty Raly tayi tace "kaii gaskiya yayi kyau,
kwa kirata tamin in Abban Fadeel zai dawo,

kallon Badar tayi tace "Rasa kunya ina wuni,
bata kalli inda take ba ta mike tana fadin lfy lau ta wuce daki,

girgiza kai tayi tace "Allah ya shirya,

Nadeeyah jeki waje ki karbo min sako pls,

ajiye Fadeel tayi ta dauko dark purple hijab din islamiyya har kasa tasa ta yi hanyar waje,

tsayar da ita Anty Raly tayi ta taso tazo inda take,
gyara mata Hijab din tayi dan ya karbeta sosai bata ga dalilin sata ta canza ba,

"karki bani kunya kadai ta fadi hade da tura ta waje,


Tafiya ta fara yi tana maimaita "karki bani kunya a cikin zuciyarta,

sharewa tayi kawai ta fita dan ganin sakon da zata amso mata,

Tana fita idanuwansu suka sarkafu cikin na juna,

tsayawa tayi a bakin gate din ta kasa karasawa gurin da yake,

Tunanin juyawa tayi sai ta tuno kalaman Anty Raly,

Kamar zatayi kuka ta makale a jikin gate din gidan,

karasowa yayi yana murmushi,
yanayin tsoronta na matukar burgeshi,

gab da ita ya tsaya yana kallon yadda take wasa da yatsun hannunta,

Hankalinshi kacokan ya tattaro ya maida kan yatsun hannunta da kafa,
ya ilahi ya fadi a cikin ranshi,
"Son yarinyar nan dada narkar da zuciyarshi take,


Saida suka dauki minti uku babu wanda yayi magana,
ganin shurun yayi yawa yasa ta dago kai ta kalleshi,

saida ta gwammaci da bata dago ba saboda wani irin mayataccen kallon da yake mata,

maida kanta tayi da sauri murya na rawa tace
"ina wuni, wai ka bani sako inji Anty!


Dariya yayi hade da sauke ajiyar zuciya,

"sakon zuciyata zan baki,

ki taimakeni ki amsheta hannu biyu,

kinsan ita zuciya sakarya ce akan abin da take so,

Kallon ki kaɗai kan sanya in samu kuzari,
duk wata kasala da lalaci in ji ta gushe.

Jin daɗi da walwala ba za su taɓa samuwa a tattare da ni ba matuƙar babu soyayyarki a cikin zuciyata.

Ki taimaki wannan zuciyar da bata taba furta so ba sai akanki

*Umm Nadeeyah*.

Kalamanshi sunyi mata nauyi matuka,
sun sanya ta rikirkicewa ta kasa tsayuwa,
sun sanya dukkan jikinta mutuwa,
ta rasa ainihin abin da take ji a cikin jinin jikinta,

"Dan Allah zan shiga gida kafin wani yazo ya ganni a waje,

yanayin yadda tayi maganar ya sanya duk wata kasala sauka a jikinshi,

yarintarta mai cike da nutsuwa ita tafi komai tafiya da imaninshi,


Rankwafowa yayi ta kasan fuskarta yana kokarin hada ido da nata,

gigitaccen Hon din da sukaji ne yasanyata dagowa da sauri har tana gogar kwantaccen sajen Taheer.........



Mrs Tijjani Shattima......@



[24/03 9:36 PM] Ummu Abdul 2: •• *ZUMUNCINMU A YAU* •• 4⃣1⃣
By *Aysha Ya'u kurah*




Hannu Musaddiq yasa ya toshe kunnuwanshi saboda karar horn din ,
da yaga Hilal baida niyyar cire hannunshi a kan horn din yayi saurin janye hannun yana fadin "Haba Malam,
sai kace tashin hankali,
nasan yaji horn din da kayi zai bude,

ko kallon inda Musaddiq yake baiyi ba bare yasan me yake fadi,

nan da nan fararen idanuwanshi suka rine zuwa jajaye,
da ace wani zai rabi saitin kirjinshi da yaji mugun bugun da yakeyi kamar ana lugude,
ido ya zubawa Taheer dake tsaye jikin kofar gate din har lokacin bai matsa ba shima kallon motar yakeyi,

kokarin bude gate din Nadeeyah tayi taga yafi karfinta ta shiga kwala kiran mai gadin,

jin bai amsa ba ya bata tabbacin baya kusa,
hannu tasa da niyar sake gwadawa ko zata iya taji hannun Taheer akan nata,
da sauri ta zame hannunta taja baya,
murmushi yayi ya bude gate din yana jiran mai motar ya shigo ya rufe,

shuru har minti biyu ba'a motsa motar ba,

"Muje Mana, an bude gate kuma ka barmu a zaune,

har lokacin bai kalli Musaddiq ba, ganin da Taheer yayi motar ba shigowa zatayi ba yasashi kokarin rufe gate din,
da sauri ta tare gate din tace "shigowa zaiyi,
inaga motar ta samu matsala ne, bari in tambayeshi,

samm bata kawo Hilal na cikin motar ba,
karasowa gefen drivern tayi ta buga windon hade da fadin "Yaya Musaddiq zaka shigo ne?

Bude kofar taji anyi da karfi... na take ta maida Murmushin fuskarta tayi da sauri saboda ganin yanayinshi, wani mugun kallo yake mata wanda ya sanya hantar cikinta kadawa, cikin dacin rai yace "wanene wancan? Un-un-cle din mu ne na school, kamar ta watsa mishi wuta yaji, uncle? Karatu yake koya miki anan? "Um um ta fadi tana girgiza kanta, tare da Anty Raly suka zo,
Ehen sai ke kuma kika fito kina mishi me, "in ina ta fara yi wanda ya tabbatar mishi da zarginshi, dakyar ya iya controlling yaja tsaki hade wucewa gurin Taheer,

Zagayawo Musaddiq yayi yana tsokanarta ya shiga gefen driver ya shige cikin gida,

Bayan motar tabi tana tafiya kamar wacce kwai ya fashewa a ciki,
bata kalli inda su Hilal suke ba ta wuce da niyyar shigewa cikin gidan,

kallo Taheer ya bita dashi har ta kurewa ganinshi,

maido da kallonshi yayi gurin Hilal da ya tsareshi da tambayoyi,

Amsar wasu ya bashi ciki harda fada mishi dalilin zuwanshi,
tambayar karshe da yayi mishi ita yake ta juyawa cikin kwakwalwarshi,
" *Shin soyayya kuke koyarwa a makarantar*?
Bai iya amsata ba dan yana mishi kallon kuruciya karara,
hannu ya sake mika mishi a karo na biyu yace "zan tafi mutumina, dan Allah ka dan turo min ita akwai sakon da zan bata,

wani irin mugun kallo ya watsa mishi yace
"kaga malam yarinyar nan marainiya ce,
soyayya ba tata bace yanzu,

ilimi shine kadai zai zama gatanta,
in ta gama school den she decide abun yi next,
nd ko ta gama karatu ma tana da mijin aure,
Musaddiq ya nuna mishi wanda bai ma san sunayi ba,
wakarshi yake ji a earpiece yana kada kai yace "kaga wancan he is her cousin nd husband to be,
so plss spare her,
ka barta tayi concentrating pls,

wani irin dumi Taheer yaji a cikin jininshi,
kallon Musaddiq din yayi sannan ya dawo da dubanshi gurin Hilal da ya fara tafiya yace

"Hey....

tsayawa Hilal yayi ba tare da ya waigo ba,
gurin da yake Taheer ya karasa yace

"as far as batayi aure ba, ta zama allura cikin ruwa,
in rabona ce ko an sa mata rana da shi, sai na aureta,
nd da kake cewa Marainiya ce, dama Marainiyar nake nema, wacce zamu zama gatan juna,
karatu kuwa *Umm Nadeeyah* zata yi shi daga matakin farko har karshe,
ina yi ma kaina fatan nasara domin ina kallon future dinmu tare...
have a nyc day.. ya karashe fadi hade da taba kafadunshi,..

*umm Nadeeyah*
Hilal ya maimata zuciyarshi na dabdalar bugawa,
wato ma ta fada mishi yadda take son ya dinga kiranta,
kasa dagawa yayi a gurin da yake, kalaman Taheer sun zame mishi kamar dagger a cikin zuciyarshi,

Yana tsaye a gurin ya jiyo muryar Musaddiq yana tambayar *Idi* meye a hannunshi,

"sako ne akace in kai ciki,

"kawo nan Hilal ya fadi cikin dacin rai,
gurin da yake tsaya ya karaso ya rankwafo ya miko mishi,
kamshi ne ya daki hancinshi da ya karbi ledar, wasu cards ne a ciki wadanda suke bayyana irin tsantsar son da akeyiwa wanda aka mallakawa su,
sai sabuwar waya mai masifar kyau da tsada,

Yana gama dubasu ya kwala kiran  Idi yana fadin ina mutumin da ya baka wannan ledar

"ya wuce yallabai, Idi ya fadi cike da girmamawa,

a hasale ya wuce hanyar parlon, bugun kofar yayi da karfi wanda hakan ya firgita Anty Raly da Nadeeyah da suke tsaye Anty Raly na jero mata tambayoyi,

wurgi yayi da kayan a kasan carpet yana yi musu wani irin kallo,
murmushi Anty Raly tayi tace
"a,a My son, yaushe ka shigo garin?


Bai amsata ba ya isa gaban Nadeeyah dake tsaye a tsorace,

"Aure kike so ko Umm Nadeeyah?yadda ya kira sunan kamar me ciwon baki saboda tsananin kishin dake cinshi..

Dago ido tayi a firgice tana girgiza kai,

sunan da ya kirata dashi ya firgita ta saboda ba hakan ya saba kiranta ba,

rai a bace yace "to me kike so?

at ur early age kinsan ki dinga kawo samari gida har ki fita zance, kina gab dashi kamar zaki shiga cikinshi,
bazaki ko iya hakurin ki gama secondary school ba,
ko tausayin kanki bakya ji,
in aure kike so ayi miki,
sai ki fada a sashi ya turo kije can ki bata rayuwarki tunda karatun ne bakya so,

shi kanshi baisan yana zubo wasu maganganun ba saboda tsananin bacin rai,

kukan da takeyi shi ya sanya Musaddiq dafa shi yace

"calm down mana, haba, zunubi tayi ne?

Meye laifi dan ta tsaya da saurayi?
karbewa Anty Raly tayi tace "kuma Taheer ma bashi da matsala sam,
kusa da gidana suke, 

shin ba gara tayi aurenta ba ma ta huta,

"sai ki aurar da ita,
ya fadi cikin ficewar hayyaci, gaba daya idanuwanshi sun rufe, saboda bacin rai da tsananin kishi ko kukan da takeyi bai kula dashi ba,
ya nuna ta da yatsa yace

"na rantse da Allah in na sake jin kin tsaya da wani ko kin bashi dama har ya iya zuwa ki tsaya kuna taďi dashi sai na masifar ci miki mutunci tunda naga alamar baki san ciwon kanki ba,

Anty Raly da ranta ya gama baci tace
"yau naga ikon Allah,
kai zaka aureta da zaka hanata kula samari,
cike da rashin kunyar da ko yana ma wasu ita baya mata yace "Bazan aureta, domin ba sa'ar aurena  bace, she is too young for my liking..
zan dai zame mata garkuwar da zata rike kanta a ko wani ta samu kanta,

kalmar "sa'ar aurena bace ta bata ran Musaddiq da Anty Raly matuka,

kallonshi Musaddiq yayi rai a bace yace "hey bata bukatar garkuwarka,
live ur life nd let her live hers,

Hannunta ya kama ya cigaba da cewa
"ba sa'arka bace, kamar yadda kace, so ka barta tayi abun da takeso,
ka nemi sa'oinka ka zame musu garkuwa,
yana kaiwa nan yaja ta zuwa dakinsu,


Hilal kamar zai mutu saboda takaicin zuciyarshi da furucinshi,

To ya zaiyi,
shi kanshi baisan ya fadi wasu abubuwan ba saboda tsananin kishin da ya nemi zautashi,


Kalaman Taheer sun matukar hassala shi,
ledar da yayi wurgi da ita ya dauka ya mikawa Anty Raly yace

"ki mayar mishi da abunshi,
babu wanda a gidannan waya ta gagareshi,

wallahi in kika ce baza ki mayar ba yanzu zan kira Daddy in fada mishi yadda kike son lalata rayuwar marainyar Allah,

Yana kaiwa nan ya fara tafiya zuwa dakin Musaddiq,

"In ka fasa Hilal,
in ka fasa ka fada ka raina kanka,
bazan mayar da wayar ba dan Allah in kana iyawa kazo ka zaneni,
mara kunyan banza da wofi,


Bayan Hilal Husna tabi tana fadin "sorry my PP,
rabu da Anty gobe zan mayar mishi da wayar school,

wani irin miyau ya hadiye mai daci a hankali yace
" laifi ne dan inason gyara rayuwarta,

girgiza kai tayi tace
"a'a ya Hilal,
in akwai irinka cikin rayuwarmu bazamu taba tagayyara ba,
amma pls ka dinga danne zuciyarka,
in kayi fushi kai kanka tsoron kanka kakeji, bana son ganin fushin..
gyada mata kai yayi ya murda dakin ya shiga hade cewa ta tafi ta barshi shi kadai....


A can daki kuwa Musaddiq keta rarrashin Nadeeyah wacce keta kuka sosai harda shashsheka tana fadin "walhi ban taba mishi magana ba,
kuma ni bance ina sonshi ba, nima buri na inyi karatu mai zurfi,
dan Allah Ya Musaddiq ka bashi hakuri,
wallahi bazan kara ba..

Zaunar da ita yayi a gefen gadonsu, ya tsuguna a gabanta ya sa hannu yana share mata hawaye yace
"karki damu,
ranshi ne ya baci,
duk tausayinki ne yaja hakan,

Yasha fada min in dinga sa ido a kanki saboda maraicinki,

Hilal na matukar son kiyi karatun da zai sa ki dogara da kanki,

A iya sanina ban taba ganin abun da Hilal ya damu dashi ba bayan iyayenshi, sai ni,
sai ke yanzu da kike son kwace min mishi,
nidai bazan yarda ba,
kawai kinsa ya daina damuwa dani,
ko waya mukeyi ya dinga tambayata ke kenan,

Dariya tayi sosai, yadda yayi maganar a shagwabe ya sanya ta manta duk wani kuncin da ya tokare zuciyarta,

Murmushi yayi shima ya mike yaja kumatunta yace "haka nake so kanwata,
karki kara zubda hawaye kinji?
kai ta gyada mishi ya kashe mata ido daya ya juya zai fita a dakin,


Ganin Badariyya yayi tsaye a bayanshi tana huci,

wani irin kallo yayi mata hade da cewa "lafiya?
Bata iya bashi amsa ba sai hawaye ya ga suna sauka a idanuwanta,

mtswwwww....

dogon tsaki yaja ya bi ta gefenta ya bude kofar dakin ya fita,

wani kololon bakin ciki ne ya turnuke Badariyya tayi ma Nadeeyah wani irin kallo hawaye na cigaba da ambaliya a idonta,

Mikewa Nadeeyah zata wuce Badar ta janyo ta ta hankada ta baya,
"uban me kukeyi a dakin nan ta fadi murya kausashe,

Husnah da shigowarta dakin kenan tace "me ko sukeyi, *Soyayya*
mana,

baki san suna soyayya ba dama?
ta fadi hakan ne dan ta tunzura ta, dan ta gane take takenta da dadewa....

aiko ta tunzuru,
dan hauka ta fara yi, ta cakumi wuyan Nadeeyah iya karfinta tana fadin
"wallahi saina kasheki,

shakar da tayi mata ita ta hana ta ihu mai karfi,
sai hawayen azaba da take fitarwa,

Da Husnah taga ta kasa kwace Nadeeyah a hannunta kuma tana ganin take taken zata iya kashetan da gaske tace

"na shiga uku,
wallahi karya nakeyi,
ki saketa Badar,

inaa kesashshiyar zuciyar Badariyya bata ji bata gani wen it comes to Musaddiq,

Da sauri Husnah ta fita tana ihu tana fadin
"Zata kasheta,
wayyo Allah Anty Raly kizo zata kashe ta,

Wa za'a kashe?

Daddy da ya shigo a lokacin ya tambaya a gigice,

Husnah da kuka