You Cannot Download this book untill you login but you can read it .

---

Login Register

da hankalinki,
kima daina kuka,
kisa ma ranki salama yau zuwa gobe zakiji sabon labari,


zaunar da ita Mummy tayi cikin tsorota da yanayin kalamanta tace
"Badai kauce hanya zakiyi ba?

Dariya Badar tayi tace "karki damu nace,
badai kin yarda da batun aurena da Yaya Musaddiq ba?

Gyada kai Mummy tayi tace
"eh,
a zuciyarta kuwa tana jin tsoron karyar da tayi ma Badariyya, tasan sarai in auren nan ya lalace wata rigimar ce zata sake bullowa,
kauda zancen tayi a zuciyarta, dan tasan yadda zata tafiyar da Badar bayan maganar auren Nadeeyah ta lalace......




*KUNGAMAR GARZAR*



Washhhhh....,
na taka qaya,
duba min kigani Lawisa Lawal,
hannunta Lawisa ta kama tace "sauri fa zamuyi Badar,
kina ganin har la'asar tayi bamu karasa ba,
dajin nan is very dangerous, nima Anty Laurah ta taba kawo ni, ban taba tunanin ma zan gane ba,
dan Allah ki dago kafa,

"dingisawa Badar tayi ta sake yin ihu hade da tsugunawa ta cizge kayar,
bata damu da jinin da ke bin kafarta ba tabi Lawisa suka dinga sauri cikin dajin,

minti talatin suka kara suka isa gaban wata katuwar bukkar fulani,
almajirai ne kewaye da ita suna kara kaini da alluna,
sai gungun kyawawan yaran fulani daga can nesa suna wasan kasa, matan na yar gala gala...



Suna shiga gidan suka bangaji wata yar budurwa da ta arto a guje tana ihun kuka,

wata katuwar farar mace fuska duk kalangu na biye da ita da bulala a hannu tana zaginta da fulatanci,
ramawa budurwar takeyi tana fadin

"Allah ya isa muguwa, azzaluma, bazan yi wanke wanken ba,
in kinga dama ki kashe ni,
ganin su Badar ya sanya matar yar da bulala tana fadin "marabanku,
ku shigo daga ciki,
a darare Badar ta kalli matar sannan ta kalli Lawisa dake kokarin janta zuwa ciki,
zatayi magana kenan Lawisa tayi mata alama da tayi shuru su shiga daga ciki,
a tsorace ta fara bin Lawisa da matar har suka isa wata lafiyayyar bukka dake kawace da adon fulawoyi,

"babu abin da ke fitowa a bukkar sai hayaki mai karfin kamshi wanda ka iya buga kan mutum in ya shakeshi na tsawon minti goma,
da sauri Badar taja gyalenta ta rufe hancinta gabanta na tsananta faduwa,
a zuciyarta tana dana sanin biyo Lawisa gurin nan da tayi..


" *Lawisa ta dade tana bata shawara akan tazo suje inda zata karkato da hankalin Musaddiq da Mummy su yarda da aurensu koda kuwa bai halasta ba Badar taki, saboda a ganinta zata iya shawo kan komai saboda irin soyayyar da Mummy ke mata, jin batun auren Nadeeyah da Musaddiq shi ya harzukota ta nemi Lawisa suka taho ba bata lokaci, bata san azal ke kiranta ba*

katse mata tunani Lawisa tayi tace
"ance mu shiga Badar,
firgigit Badar tayi ta cire takalmanta suka fada cikin bukkar,


Suna suka saka kafarsu a ciki hankalinsu ya gushe suka manta inda suke,
sai ganin kansu sukayi a cikin wani kayataccen parlon da duk iya maitar mutum bazai san ta inda yabi ya shigeshi ba,
jiki na rawa Badar ta damki hannun Lawisa suka zauna a gaban wanda Badar tafi zaton shine bokan,
gefenshi kuma saurayi ne dan shekarun da basu fi talatin da biyar ba yana zaune shima da kayan tsubbun a gabanshi,
dago kai saurayin yayi ya kallesu yace

"Badariyya da Lawisa barkanku da zuwa,

nan cikin Badar ya duri ruwa saboda tsabar tsoron da taji,
a ina yasan sunan su?
Tambayar da ta dinga yi ma kanta kenan,


"Nasanki tun ranar da kika duro duniya Badariyya,
babu motsinki da ban sani ba,
har wannan zuwan da kikayi na sani,
dan ni na shiryashi,
gefen da Lawisa take ta kalla nan da nan ta saki hannunta saboda wata iriyar dariyar da takeyi mata mai cike da ban tsoro,

mikewa lawisa tayi tana dariyar da ta ke amsawa a cikin dakin, sannan ta Kalli Badar tace

"ke matar dan sarkin mu ce, wannan shine

*Sarkin bokaye Shahalu*

sai danshi
*Yareemah Suhailu*
karki damu Badariyya,
ni kawarki ce kamar yadda kika dauka,
amma ki sani na zo gareki ne saboda wannan ranar da zan cikawa Sarkin mu burinshi,

"ni ba mutum bace,
amma sarki da yareemah mutane ne kamar ke,
kyakykyawar mu'amalar dake tsakaninmu dasu ita ta janyo har na taimakeshi,
ki kwantar da hankalinki yau kinzo inda kaddararki take,
zaki ji dadin zama dashi da yan uwanshi,
bissalam kawata Badariyya....
ta karashe tana daga mata hannu tana dariya har ta bacewa ganinta,


wani irin ihuu Badar ta saki tana bin gurin da lawisa tabi,

"wayyo Allah Mummy ki taimakeni,
wayyo Allah Daddy,
na shiga uku na lalace,
wayyyyyo Allah na,


keeeeeeee!!!


Wata irin tsawa taji daga bayanta wacce ta sanyata dunkulewa guri daya,

murya a kausashe Sarkin bokaye yace
"Karki sake yi min ihu anan,
kin san Allah dama?
In kika sake kiramin sunan Allah anan zan cire idon ganinki,
na rantse da abun bautarmu *GARGAZ*,

Kee... *Kande*
ya kwala kiran katuwar matar da ta shigo dasu,
Da sauri ta karaso ta tsuguna a gabanshi tace
"Ranka ya dade gani,

"Maza ki dauketa ki kaita cikin gida dakin da *Halyo* ya gyara jiya,
an sa gado da katifa dama,
jiran zuwanta kawai akeyi, sannan ki jawa
*Gimbiya Sailuba* kunne,
babu ruwanta da kishi da ita,
domin wannan itace matar Suhailu ta farko,
tun kafin tazo duniya Mahaifiyarta ta bashi,
sai yau *Garzar* ya bamu ikon dawo da ita gurin mijinta,

cike da girmamawa Kande tace "to ranka ya dade,
an gama,
nan ta damki hannun Badariyya tana janta a hankali Badar na turjewa tana ihun neman dauki a inda babu mai jinta sai Sarkin sarakunan da biyayyarshi bata dameta ba,
sarkin da a sati baifi ta gaisheshi sau daya ba,
sarkin da ya hore mata lafiya da kuma abun da lafiyar zata ji dadi...
*ALLAH AZZA WA JALLAH*

shi kadai zai fidda Badar daga kangin da take ciki......
*SHIN INA BADAR TA FADO*


_(fadan da yafi karfin ka ya kai dan uwa, bar wa Allah yayi maka shi, domin shine mai dukkan karfi.......)_





Tun Mummy na jiran Badariyya a daki, har ta koma leke ta window da kofa,

karfe 11 agogon parlon ya buga,
a tsorace ta sake kiran Badar karo na ba adadi,
har lokacin wayar a kashe take,


zama tayi akan kujera ta Shiga jero salati,

"Ina Badariyya ta Shiga har wannan lokacin,
ya ilahi kasa ba wani abun bane ya same ta,
tagumi tayi tanata sambatu dan hankalinta Sam yaki kwanciya,


Har karfe 1 na dare babu labarin Badar,
sai a sannan ne ta fara kiraye kiraye waya tana kuka Dan gaba daya ta gama tsurewa,
duk wanda ta kira wayarshi a kashe,
wayar Daddy ce kadai ta shiga,
shi kuma bai dauka ba saboda gajiya da yayi,

yar da wayar tayi ta fashe da kuka tana dana sanin barin Badar ta fita,
gaba daya idonta ya rufe burinta kawai a fasa auren Nadeeyah da Musaddiq,
Sam bata hango matsala a fitar da Badar tayi ba,


sai gurin hudu bacci barawo yayi gaba da ita,
ana idar da sallar asuba Daddy ya kira ta saboda ganin misd calls dinta da yayi,


firgigit...
ta farka tana fadin Badariyya,
"Hello Badariyya kina ina?,
gyaran murya Daddy yayi yace "ina Badariyyar ta tafi?

Wani irin kuka Mummy ta fashe dashi tace
"Badariyya bata kwana a gida ba,
na rasa inda ta tafi,
na kira wayarta har naji ba dadi na kasa samunta,

cikin halin ko in kula Daddy yace
"kinsan duk inda take zata dawo, ki kwantar da hankalinki, ai ba yarinya bace, big girl ce..
na turo miki kudin kayan kitchen,
zuwa anjima kuje ku siyo,
bana son muyi abubuwa cikin kurarren lokaci,
yana kaiwa nan ya kashe wayar,


Ajiye wayar tayi ta cigaba da rero kuka,
"da wani baki zata fada musu cewa tana da masaniyar inda Badar taje,
wa zata fadama ya fahimceta har ya taimaketa,

Goggo ce ta fado mata a rai tayi saurin kiranta,
saida wayar ta kusa katsewa sannan ta daga dakyar,
yanayin muryarsu daya ko wannensu cikin kunci yake,

Mummy ce ta fara fada mata damuwarta,
nan take Goggo tace
"rabu da ita zata dawo da kafarta,
kin manta haka uwarta ma tayi,
kina zaune zata dawo,
ke dai kije kisan yadda zakiyi wadannan matsiyatan kar su shigo cikin zuriarki, dan babu alkhairi a duk inda suka sa kafa..
da kalaman Goggo hankalin Mummy ya kwanta ta mike tayi wanka tayi sallah sannan ta zauna tana tunanin ta inda zata bullo,


kawarta Hajiya Martai ce ta fado mata,
nan ta kirata ta kora mata matsalolinta,


minti talatin Hajiya Martai ta bata tace ta sake kiranta zata sa wani malami yayi bincike akai,


ko minti daya bata kara akan minti talatin din ba ta kirata,

a sanyaye Hajiya Martai tace

"Hajiya zainab wannan auren babu abinda zai hana shi sai mutuwa,
akwai rabo mai karfi a tsakani,
kuma akwai wani babban al'amari da zai taso marar dadi wanda Allah ne kadai ya barwa kansa sani,

saboda haka shawara ce zan baki,
in dai ba so kikeyi ki mutu ayi ba,
to ki kwantar da hankalinki ayi kina da rai,
bayan an daura sai ki shigeta kuyi mata illa har su rabu,
amma tabbas akwai aure a tsakaninsu,

Ajiyar zuciya mummy tayi hade da share kwallar takaicin da ta ziraro mata tace
"to Hajiya martai nagode kwarai,
in shaa Allahu naji shawararki, kuma zanyi amfani dasu...

shawarwari ta dinga bata marasa amfani na yadda zata kori Nadeeyah cikin kankanin lokaci,

sunfi minti talatin suna waya sannan sukayi sallama,
sai a lokacin Mummy taji wasai ta mike da karfinta ta shirya zuwa kasuwa......



Shirye shiryen biki sukeyi ta ko wani bangare,

Mummy da ahalinta sun danne bakin nufinsu sunata kankajere suna hidima da jikinsu da kudinsu,
kowa ya manta da lamarin Badariyya saboda Mummy tayi musu karyar ta tafi cotonou makaranta,
amma a zuciyarta kullum sai tayi tunanin inda Badar take da har wannan lokacin bata ziyarci gida ba,
in ta tuno kalaman Goggo sai ta kwantar da hankalinta ta cigaba da cigaba da zuba idon ganin dawowarta...



Anni itace ta dauki nauyin su cincin da dublan da sauran tarkacen garar amare,

ita kuwa Goggo ba baki dan mugun tsoron Anni yanzu Allah ya daura mata,
ta kan ce
"ina zata iya da wannan matsafiyar,
saboda duk asirin da ta dunkulo sai dai ya koma mata ko ya wargaje,

ita a ganinta tsafin Anni ne yafi nata,
bata san dogaro da Allah yafi tsafi karfi ba....




Tun ana saura kwana uku daurin aure Anty Reemah da Papy suka iso,
babu yadda basuyi da Hilal ya biyo su ba, yace sai daren daurin auren zai shigo,
hakanan suka kyaleshi sukayi gaba abinsu...




Duk yadda suka so suyi bidi'a Mummy ta hana a cewarta Daddy yace bayason komai sai daurin aure,
kawayenta ma babu wanda ta gayyata sai makota na kusa da ita,


Bikin ya kasance na yan family kawai sai kawayen su Anty Raliya da yan Gombe da yan maiduguri dangin Daddy...





Ranar jumm'a ake kamun amare,
a cikin gidan akayi decoration wanda ya kawatu da kore da kumbo,



Blue kayan kanuri suka sa dukkansu,
fuskar nan tasu ta dau kwalliya gwanin kyau da sha'awa,

kawayen Husna da yan tsirarrun na Nadeeyah sunyi ankonsu wanda ya dace da kayan amaren,
sai su Anty Reemah suma sunyi nasu lafaya mai kyau da tsadar gaske,
babu abin da ke tashi a gidan sai kidan piano da wani kwararren mawaki keyi,
kida ne taushi mai ratsa zuciya,


Ruwaidah da Zainab ne kadai a cikin tsakiyar filin suna rawarsu ta yaran da basu da wata matsala a rayuwarsu,
sai gefe yaran makota suma suna rayawa dan kar a barsu a baya,



Muryar inna Surayya (M.C Surry k mata) ce ta karade gidan da barkwancinta,
nan manya da yara suka hau dariyar labarin da take bayarwa,



Hinad...

Anty Reemah ta kwala kiranta da karfi..
da dan gudu ta karaso gurinta bayan ta amsa tace
"Mum gani,
wata leda ta mika mata tace "maza ki kaima Uncle links dinshi, nasan yana can bai gama shiryawa ba,

cire dankwalin kanta tayi ta karbi links din ta wuce dakin Musaddiq...





A zaune ta sameshi ya tasa kaya a gaba yana tsaki,
ya rasa taka mai mai kayan da zaisa cikin sabbin kayan da ya dinka,
gashi sai kiran wayar Nadeeyah yake taki dauka,
rabonshi da ya sata a ido tun ranar da ya koma lagos,
sai jiya da suka iso daga Gombe, shima daga nesa ya hango ta,
gaba daya ta toshe duk wata kafar da zata hada da shi,
a waya ma saidai in ya kira Hafeez sannan ne zata amsa,
shima bawani maganar kirki, zata kashe...




"Uncle baka shirya ba?

tsaki ya sake yi yace
"Hinad ban shirya ba,
zo ki zabar min kaya,
banason inyi shigar da zata banbanta da ta matata,


"Ummm ta fadi tana dariya hade da janyo wata danyar blue shadda taji aikin dark blue,
tace "wannan is okay uncle,
tun dazu uncle Hafeez ya shirya kai kana zaune,
plss hurry up,

kayan ya kwasa yace
"i hate Hilal,
shi ya kamata yayi min wannan ya wani ki zuwa,


"kunfi kusa ta fadi hade da ajiye links dinshi a kan kayan ta fita waje.....




Laaaaa Ya Hi----
toshe mata baki yayi hade da rungumeta yace
"nasan yayi fushi,
karkiyi magana yaji,
jeki kawai,

sakinshi tayi ta wuce tana dariya..



Makale lnks din yakeyi yana tsaki hade da mita,
shi kanshi in ka matseshi baisan me yake fadi ba,
yadai san rabin mitar akan Hilal da Nadeeyah ne da suka barshi all alone...


karin hular dake ajiye akan gado Hilal ya gyara hade da matsowa cikin sanda ya daura mishi a kanshi...
*Kyari is nw Complete*
ya fadi hade da saita fuskarsu ta kalli mudubin,


wani irin farin ciki Musaddiq yaji wanda a iya rayuwarshi bai taba jin irinshi ba a ganin Hilal sai yau,


Da sauri ya rungumeshi yana fadin
"idiotic being, sai yau kaga daman zuwa,
komai ni kadai nayi,
from lagos to kaduna haka na dinga wahala sai Zubair dake dan tayani,
i hate you banza kawai,
ya karashe yana dukan kirjin Hilal,


dariyar yake Hilal yayi yace
"da haka zaka zama jajirtacce mr Soft,
maza da wahala aka sansu,
kaga yanzu zaka shiga sahun cikakkun maza,
dole komai kayi ma kanka,

"amma akwai support ko? Musaddiq ya fadi yana hararar Hilal,

dukan kafadunshi Hilal yayi yace
"nd here i am,
kasan bazan taba barinka kayi komai kai kadai ba,


"na nawa kuma,,
muje kasa kayanka gasu can a drawer,
Musaddiq ya fadi yana jan hannun Hilal,


Hannunshi Hilal ya rike sosai ya tako har inda yake ya kalli cikin idonshi yace

"Musaddiq promise me one thing,
alkawari daya kawai zakayi min,

"nayi maka alkawari dan uwana,
fada min menene,
nan idon Hilal ya fara kokarin canza kala yayi saurin cewa


"kayi min alkawarin duk runtsi duk wuya bazaka rabu da Nadeeyah ba,
bazaka sata kuka ba,
kuma ba---

malam biyu ka fadi ga na uku na shirin biyowa baya,
Musaddiq ya katse shi yana dariya,
bari in sa maka su a one word,


"Nayi maka alkawarin bazan taba cutar da Nadeeyah ba,
bare har abubuwan da ka ambata su faru,

are u happy?


Ajiyar zuciya Hilal yayi yace "sosai,
muje insa kaya,


shaddar shima yasaka milk tasha cofee aiki sannan ya daura coffe hula mai ratsin milk,
sunyi kyau sosai kamar dukkansu ne zasu angwance,

wani bakin glass Hilal ya kwama a idonshi saboda gudun bacin rana......



Mrs Tijjani Shattimah.......
[12/04 7:01 AM] Aysha Ya'u Kura: •• *ZUMUNCINMU A YAU* •• 5⃣7⃣
By *Aysha Ya'u kurah*






Ganin ba kowa a parlon sai tsirarrun mutane ya sanya Musaddiq kama Hilal suka nufi dakin su Nadeeyah..


Zaune suke... kowacce an rufe mata kai da mayafi suna jiran azo a kirasu,
kawayensu na gefe suna daukar hotuna hade shewar murnan first kawance a rayuwarsu,

*Amal Mus'ab* na ganin sun shigo tayi saurin isa gurinsu tana murmushi,

kallon Musaddiq tayi ta miko mishi hannu tace "oya sako first step kafin muje second step,
cikin rashin fahimta yayi dariya yace
"ban gane ba,
hannu Hilal yasa a aljihu ya ciro bandir din yan 200nts ya daura a kan hannun Amal,


"Uhmmm nt bad ta fadi tana juya kudin,
lallai ka iya zuwa ghana,
guys bazamu sha wahala gurin abokan ango ba,
but next time mr man a kara hannu ta karashe cikin zolaya..


Dariya yayi yace
"next step?

Haifa ce ta matso tace
"a cikin su biyun nan ango ya dauki matarshi sai su fita kafin dayan angon ya karaso,
nan dakin ya gauraye da ihun yanmata masu zallar kuruciya wadanda suke kan ganiyar shaukin soyayya,


kallon duk su biyun Musaddiq yayi ya rasa kafar da zata sada shi da Nadeeyah,
domin ko ina nasu a rufe yake, hatta yatsun kafarsu a rufe yake da takalmi,
gefen da yake tsaye yabi dan ya gama sadakarwa itace a zaune a gurin saboda yadda gashi yayi tulluku a tsakiyar mayafin,


Hannunshi Hilal ya janyo yace "kar kayi abun kunya Mr soft,
ga matarka can ya nuna inda dayar take
dariya Musaddiq yayi yace
"har yaushe zaka iya tantance abun da bakayi ma kallo fin goma ko ashirin ba a zahiri,
look Hilal,
nasan komai game da Nadeeyah, everything saboda na ganta har ganin nata ya sanya ni na zamo cikin shaukin sonta,
ganeta a haka bazai taba min wuya ba saboda tana makale a cikin zuciyata...

dariya Hilal yayi a zuciyarshi yace
"cikin jinina,
a mafarkina,
in my every breath kamanin ta kawai nake gani,

Allah ya tsare akwai bakin glass a idonshi,
da idanuwanshi sun nuna ma ma'abocin kallonshi irin tarin son dake dawainiya dashi,


Karasawa kusa da ita yayi ya zauna hade da yi mata rada a kunne

"My Young Barr---
bai karashe ba tayi saurin bude fuskarta,
idanuwanta da suka tsaru da make up suka fara tara ruwa,
saurin girgiza mata kai yayi hade da sakar mata murmushin karfin hali,
wannan bakin glashin makafin ba karamin taimakonshi yayi ba dan da babu abinda zai hanasu ganin sirrin dake cikin kwayar idamuwanshi...

"Ashe kina da kyau har haka kanwata?, ya fadi a hankali yana kokarin gyara mata mayafin kanta,

"Nayi maka laifi ko?

Yadda tayi tambayar ba tare da ta dauke ido akanshi ba ya sa shi saurin mikewa dan gab yake da rasa control din raunanannar zuciyarshi,
da dariya Musaddiq ya karaso yace

"na gama jin kunya,
ace na kasa gane muradin raina, lallai ya kamata aci tarata..


Waje Hilal ya fita ko zai samu zuciyarshi ta dan mishi dama daman nauyin da tayi,

Bq ya nufa inda su Hafeez suka Hinad na biye dashi a baya tana tambayarshi kudin liki,

"kunnenta ya kama yace
"baki damu da ki bani abinci ko wani abu ba,
ke kawai kudin liki,
ina Zee?

"yaya sakar min kunne plss,
Mum ce tace tasan zaka ci abinci fa,
shiyasa ban samo maka ba,
kuma Zee nima tunda na dawo saloon ban ganta ba,

sakin kunnenta yayi ya ciro kudi a aljihunshi ya raba gida biyu ya bata,
"yasan zasu bukaci kudin shiyasa yasa Galadanci yayi mishi canji tun kafin ya iso,


Godiya tayi mishi tace bari ta kawo mishi ko nama ne,


parlon ya shiga ya tarar da Hafeez a kimtse yana zaune yana jiran azo kiranshi,

cike da zolaya ya dan naushi cikin Jamal dake kishingide yana game,
mikewa yayi yana dariya yace
"har ka iso,

"wallahi kuwa.. ban dade da shigowa ba,
mun sameku lafiya?

lafiya lau Hafeez yace yana kallon idon Hilal,


"yaushe ďana ya zama makaho?

Ya tambaya yana dariya,

shima Hilal dariyar yayi yace
"fashion ne kawu karami,
dariya mai sauti dukkansu sukayi suka hau wata hirar ta daban....





Inaa Amaryar take!!!!

Hajiya Aliya ta tambaya hade da bankado kofar dakin su Husnah,

lokacin Musaddiq na manne da ita kamar zai maida ita jikinshi,
samm baiji kunyar kawayensu dake gurin ba,


shigowar su Hajiya Aliya ne ya sanyashi matsawa kadan hade da gaishesu, amma har lokacin hannunshi na cikin nata..


Harara Hajiya Aliya ta watsa mishi sannan ta bude fuskar Nadeeyah da iya karfinta,


"auuu kece amaryar,
iko sai Allah,
ashe Hajiya Zainab munafurtarmu tayi Hajja Asiya,
"ashe dama tasan auren zumunci zasuyi ma dansu shine ta daura ma diyata dakon son da yake neman zamewa zuciyarta illa,


waigowa tayi ta kalli Mummy da tayi tsamo tsamo saboda kunya da takaici tace

"Wallahi tallahi Zainabun Muntari bashi kika ci,
na rantse da wanda raina ke hannunshi ni Aliya bazan kyaleku ba,
sai na sa kun muzanta a idon duniya,
yanda kikayi wasa da rayuwar 'yata kema sai nayi da ta naki yayan,
mu zuba mu gani,

wuce muje Hajja Asiya ta karashe hade da buga kofar dakin tana huci,


Kuka sosai Mummy ta fashe dashi hade da ficewa daga dakin itama,
a rude Musaddiq ya saki hannun Nadeeyah ya bi bayanta hankali a tashe,
itama Nadeeyar mikewa tayi tana share hawayen da ya ziraro mata tana kokarin bin bayan Mummy Anty Raly ta dakatar da ita,

zaunar da ita tayi ta rarrasheta da kalamai masu dadi da kwantar da hankali,
jakarta ta ajiye kusa da ita tace "ki kular min da jakar nan, yanzu zan dawo...




Sau uku wayar dake cikin jakar na ringing Nadeeyah na kin dauka, saboda bata san bude ajiyar da aka bata,
a na biyar ne ta bude ta fito da Wayar,

*Tahir Legacy*
ta gani a rubuce,
da sauri ta ajiye wayar saboda wani irin mugun faduwar gaba da taji,

"uncle Taheer ta fadi a cikin ranta,
gaba daya ta manta dashi a cikin rayuwarta,
gashi yanzu zata sake yi mishi mantuwar din din din,
bai fasa kira ba har saida ta gaji ta dauki wayar zata kaima Anty Raly sai a sannan taga wani suna daban,
*Aunt S 2*
a gaggauce ta dauka tace
"Assalamu Alaikum bari in kai mata...
yadda yayi haddar sanyin muryarta dake yawan yawo cikin kanshi ya tabbatar mishi da itace,

"My omri is going lv me,
dagaske ne?


Chakkk ta tsaya da tafiyar da ta farayi,
cire wayar tayi a kunnenta ta sake kallonta dan ta tabbatar da ko dai sunan gizo yayi mata,

maida wayar kunnenta tayi zatayi magana yayi saurin cewa

"tell me plss,

zama ta koma tayi tace
"ina wuni,

"Nadeeyah plss answr me,


"ummm dagaske ne, ta bashi amsa a hankali...

ji yayi gaba daya ya kusa zubewa a kasa,
dama lokacin da yagani a status din sabrinah saida yayi jinyar magudanar jininshi na dan lokaci,

hawayen da ya ziraro mishi ya share,
yace
"but why Nadeeyah,
why??


Cikin rawar Murya tace "Kaddara ta ce haka,
kayi min addu'a Allah yasa auren ya zame min alkhairi,
kayi hakuri uncle,
Allah ya baka wacce ta fini a komai da kake so,
bata jira jin amsarshi ba ta kashe wayar ta dunkule kanta guri daya, dama dakin babu kowa dan Husna sun fita da Hafeez da kawayensu.....





Kaga abun da ka janyo min ko Musaddiq,
kaga irin cin mutuncin da ka janyo min gurin aminai na,
yanzu gaba daya kawayena zasuyi Allah wadai dani,
saida na fada maka Nadeeyah ba alkhairi bace a gareni ka nace saboda kaga jar fata da kyawun dan maciji wanda zai diga maka dafin sa ya tafi ya barka da ciwo,


Wallahi Musaddiq ka cuceni kuma ka cuci kanka....


Anty Reemah ce ta zauna kusa da ita tace haba Mummy,
matar mutum fa kabarinsa,
kuma babu wanda yasan alkhairin dake tattare da auren Nadeeyah sai ubangijin halittu,
yanzu ita wacce kike so din me tafi Nadeeyah dashi,


"Gata da hanyoyin alkhairi, Mummy ta bata amsa tana harararta,



"Hanyoyin alkhairi ai na ubangiji ne,
shi ke budeshi ga wanda yaso,
sai kiga auren Nadee---
a harzuke ta katseta da cewa
"in kika kara magana zan balain saba miki,
mahaukaciyar banza sakaryar hofi,
tashi ki fita ki bani guri, shashasha kawai...

Rai a bace Anty Reemah ta tashi ta fita daga dakin,


Matsowa Musaddiq yayi ya share mata hawaye hade da kwantar mata da hankalin cewa ta kwantar da hankalinta,
babu abun da zai faru,
domin shi zai gyara komai,


Hannunshi Mummy ta kama tace
"Little ka taimakeni,
bayan auren da kake so kayi wanda nake so,
ka