You Cannot Download this book untill you login but you can read it .

---

Login Register

kirjinta kamar zai fado saboda bakin ciki,
bata hango Nadeeyah ba, amma ganin Zainab a gurin Musaddiq suna magana yana dariya ya tabbatar mata da lallai su Nadeeyah sun dawo gidansu da zama,
bata karasa tunaninta ba taji an shigo dakin ana dariya,

Cikin kaguwa Husnah tace
"Anty Raudha tell me, waye amaryar plss,
Radiya ta ajiye yaronta Fadeel a kan gadon tayi hanyar bayi tace
"ke mana, kece amaryar Hafeez,
wata dariyar suka sake kecewa da ita sannan Radiya ta shige bayi,

Husnah ta turnube fuska tace "wani Hafeez din,
Anty Raudha tace "Hafeez din mama Suwaiba mana,
kaff ta kwashe labarin abinda ya faru ta fadawa Husna suka karashe da dariya dukkaninsu,

Badariyya tayi tsaki mai karfi tace "da an hadasu din, da zaifi mana alkhairi walhy,
domin zuwansu nan din gaskiya akwai matsala,
bama mai yiwuwa bane zamansu anan!! ta karasa fadi a gadarance,

"Saboda kece mai gidan ko,
Raliya da shigowarta kenan ta fadi tana harararta,

Raudha tayi tsaki tace "nima zamansu anan din walhy bana sanshi,
ni fa Allah ya sani na tsani talaka,
ko sunan talauci banasan ji,
Radiya daga bayi ta dago murya tace "ai talauci masifa ne, ni na rasa laifin me talaka yayiwa Allah,

subhanallahi!!! Raliya tayi saurin cewa, ya salam, ku kuwa kuji tsoron Allah,
talaucin nan fa wadanda suke cikinsa basu suka sawa kansu ba,
kuma basu isa su cireshi ba sai Allah yaso,
haka zalika arzikin da kuke ciki baku kuka bawa kanku ba,
babu banbanci tsakaninmu, tunda duk abinda da talaka zaiyi mai kudi ma zaiyi,
wadatar zuci tafi komai a rayuwa,
suma Allah bai mance dasu ba,
kuyi fatan kar Allah ya jarbceku da dandana rayuwar talauc-----

"" eeeeeeh eeeh wait hang it, Radiya tayi saurin katseta,
" har abada bazamu taba dandanawa ba "idiotic being, saboda muna sharhi kan talauci shine zaki rabashi jikinmu,
to we reject it walhy, sakarai kawai,,

uhmmm kawai Raliya tace ta fita tana mamakinsu,
har ta kure dakin bata daina jiyo muryoyinsu ba....


Har karfe biyar na yamma Nadeeyah na zaune a inda take, da himilin kayansu,
anan taci abincin da me aikinsu ta zubo mata,
tana kallon dukkan ahalin mummy a cikin parlon ana hira,
Anty Reemah ce kawai bata cikinsu, dan ita tun zuwansu suka wuce can gidansu ita dasu Hinad,
ba yadda Hinad batayi tazo su tafi ba taki,
kwanciyar hankalinta daya zainab ta bisu shiyasa ma zaman bai gundureta ba,
gyangyadi ta farayi a zaune ta jiyo muryar Badariyya tana zuba rashin kunya tana fadin "wallahi mummy indai yarinyar can zata zauna a gidan nan ni bazan zauna ba,
saidai ku zabi daya,

janyota mummy tayi jikinta tace "haba baby,
kiyi hakuri mana, dalili ne yasa zata zauna, kiyi hakuri pls na lokaci ne, kuma kinga makaranta zata koma,
ba ganinta zaki dinga yi kullum ba,

Keyn mota Raliya ta dauka a kan center table, ta dauki danta tace "Mummy sai anjimanku,
tayi hanyar waje ba tare da ta jira amsarsu ba,
badan a karkashin wani take ba, wallhy babu abinda zai hanata tafiya da Nadeeyah,

mutuwa mai tonan asiri, duk talaucinsu basa zuwa gurinsu maula,
rikon na Nadeeyah nawa yake?
abinci ne fa kadai sai gurin kwanciya, sai dan kyautatawar yau da kullum,
share kwallar idonta tayi ta shiga motar tana fadin, "ya Allah ka raya mu cikin ya'yanmu....



Dakyar mummy ta shawo kan Badar ta yarda, da sharadin a dakin mai aikinsu Nadeeyah zata zauna,
dan ita sam bazata iya hada daki da Nadeeyah ba,
dan a samu kwanciyar hankali mummy ta yarda amma can cikin ranta badan taso ba,
Husna ma abin ya mata zafi sosai,
Raudha da Radiya kuwa tsaff suka goyi bayan Badar...


Dakin mai aikin nasu ma da d'an kyanshi,
kayanta kawai ta shigar ciki ta fada bayi,

sai da tayi kuka mai isarta sannan tayi wanka ta daura alwala ta fito...

A inda ta idar da sallar ishaa bacci yayi gaba da ita,
sai ajiyar zuciya take cikin baccinta,
mai aikin nasu yar dattijuwa ce, taji tausayinta matuka, ta kuma yi tirr da hali irin nasu mummy, masu yin watsi da jininsu saboda talauci, tashinta tayi ta maida ita kan gado taja mata abun rufa......






Mrs Tijjani Shattima........!
[07/03 6:31 AM] fareedah: ●ZUMUNCINMU A YAU● 1⃣8⃣
By Aysha Ya'u Kurah




Tsakurar abincin dake gabanta takeyi tana juya cokalin,
ta rasa menene asalin abinda take ji cikin ranta,
farin cikin sanin halin da Nadeeyah ke ciki na rashin iyayenta takeyi ko kuwa bakin cikin tarewar da kowa yayi a gidansu Nadeeyan,

Mutuwar mamma na iskarta tayi murmushin farin ciki,
tasan Nadeeyah na can cikin radadin da ta sanya ta,
saidai takaicinta daya musaddiq sam baya yarda su hadu, duk wata kafa da zata sadasu ya tosheta, dan sam baya son jin ko muryarta,
wani irin tsanarta yakeji a zuciyarshi na rashin imaninta,
babu wanda bai ziyarci gidan mutuwar ba sai ita,
kullum tana zaune a gida daga kallo sai cin abinci sai game,
babu yadda mummy batayi ba akan tazo gidan mutuwar tun farkon yin ta, amma sam taki zuwa,
gashi wata mutuwar ta sake bullo kai...
Tura abincin gefe tayi ta mike ta wuce daki dan ta watsa ruwa, ita kadai ta kwana a gidan, sai daddy da taji tashin motarshi da asuba tasan shima a gidan ya kwana,
ko gezau bata ji ba a zuciyarta bare ta karaya ta shirya zuwa gidan su Nadeeyan,
ita sam bata san zafin mutuwa ba, a ganinta kuncin da Nadeeyah ta sanyata yafi zafi akan radadin mutuwa, tsaki taja hade da wurgi da kayan jikinta ta fada bayi......





***********
Bayan doguwar addu'ar da aka gabatar a kofar gidan malam Adamu na sadakar ukun mamma Suwaiba,
sadakar abinci akayi sosai,
duk wanda yake gurin saida ya wadatu da abinci saboda yawanshi, cikin kankanin lokaci jama'a suka watse ya rage saura makusanta kawai,

Baffa da shock din mutuwar bai sakeshi ba har lokacin ya mike kamar ba laka a jikinshi ya shige cikin gidan,
Saida ya zauna yana maida numfashi sannan ya dubi gurin da mummy da Goggo ke magana,
fada mummy keyi akan rashin zuwan Badariyya,
ita kuwa goggo goyon bayan Badariyya take hade da fadin "kinsan yarinya ce kuma bata san hayaniya, duk mu da muka zauna a gidan har kwana uku bamu wakilceta ba,
Baffa dai kallonsu yakeyi zuciyarshi na tafasa amma bakinshi yayi nauyi ya gaza furta koda kalma daya ce,

Hinad dake zaune can gefe kusa da Nadeeyah ya yafito da hannu alamar tazo,
da sauri ta karaso gabanshi tace gani Baffa, cikin murya mai rauni yace, taje ta kira Hafeezu da Daddy a waje,
sai a sannan mummy tasan da shigowarshi, karasowa tayi ta zauna kusa dashi tace
"Baffa yaushe ka shigo, murmushin yake yayi yace "yanzun nan,
tafi ki kirawo min dukkan ya'yanki akwai maganar da nake so muyi daku, kai ta gyada tace "to Baffa, ta mike ta fita tsakar gidan,

Zama Goggo tayi tana matsa mishi hannu hade da cewa duk kwana ukun nan baka da wani kuzari,
mutuwar nan fa ba a kanta aka fara yi maka ba,
ka rasa uwa, uba, mata, da ya'ya,
saidai wannan mutuwar na lura tafi razana ka,
wanda ni bansan dalili ba,
mutuwa daya ce, in mutum yayi ta baya dawowa, inda ana dawowa sai ince ka cigaba da damuwar, watakil damuwar taka na iya dawo da ita,
ya kamata ka sanya wa kanka nutsuwa kayi tawakkali,

Hawayen da ya zubo a gefen idonshi ya share zuciyarshi na rawa yace "Asama'u! duk mutuwar da akemin ta Suwaiba tafi tsaya min,
kinfi kowa sanin hal---- da sauri ya dauke idonshi cikin nata, ya kauda kanshi ya canza maganar da cewa "ina matukar tausayin halin da yaran nan zasu shiga ne, waye zai rike su? Ina zasu je?

Goggo tayi saurin cewa "ai Nadeeya ta mallaki hankalin kanta,
sannan ga Hafeezu shi zai fito da mata yayi aure sai ya hada ya rikesu gaba daya,
in suka zauna anan shine hankalinsu zaifi kwanciya, d'an abun da baza'a rasa ba ma dinga taimaka musu,
ai su yan gata ne, tunda akwai Hafeezu, kuma su uku ne zasu dinga ganin junansu,
kama kwantar da hankalinka akan maganarsu babu abinda zai samesu,
ake mutuwa abar jariri ma bare su da suka mallaki hankalin kansu,

Daddy dake tsaye cike da al'ajabin kalaman Goggo ya kasa motsawa bare yayi magana,
jiran ta bakin Baffa kadai yake in hukuncin da zai yanke mai yiwuwa ne,
A d'arare Baffa yace "eh kuma haka ne kema kin kawo shawara,
rabasu din baida amfani gara Hafeezu yayi aure ya rike kannanshi tunda yanzu da dan jari a hannunshi,
yanzu bari Hafizun yazo sai mu ce mishi ya fito da matar da zai aura cikin gaggawa, kuma ya gyara gidannan ya zauna da matarshi ta rike mishi kannenshi...


Sallama Daddy yayi ya karaso gurinsu cikin kunan rai,
zuciyarshi nata juya kalamansu,
lallai ya yarjewa kanshi duk zumuncin da ake samun tsaiko ko rashin jituwa a cikinshi daga tushe abin ke farawa,
duniya ina zaki damu, wannan shi ake kira da Zumuncin zamani,
tun ranar farko da ya fara ziyartar gidan da niyyar neman aure yasan akwai matsala a cikin zuri'ar,

ko gurin bashi auren yasan cewa suwaiba bata da galihu,
da tana da galihu da----- bismillah zauna mana Alhaji, "Goggo ta katse mishi zancen zucin da ya tafi na tunanin abubuwan da suka faru shekaru da dama,
zama yayi fuskar nan babu yabo ba fallasa,
a lokacin duk sauran yan yaran suka karaso,

Dakin ya musu kadan, amma haka suka rab'a suka zazzauna,
hankalinsu suka mayar gurin Baffa dan jin abin da yasa ya tarasu,


Da bismilla ya fara,
kowa ya shiga nutsuwarshi dan duk tunaninsu maganar da zai fada ta dattaku ce,
sai da ya fara jajantawa su Nadeeyah akan zazzafar rashin da sukayi,
sannan ya cigaba da cewa wannan mutuwar duk ta shafemu kuma ta taba mu fiye da tunanin me tunani,

Abun da yasa na taraku anan ba komai bane sai dan in fada muku na yanke shawarar yadda zamuyi da Nadeeyah da Zainab,

Kallon gefen da Hafeezu yake yayi yace "kai Hafeezu, kana da yarinyar da kake so?
Girgiza kai Hafeez yayi cikin rashin fahimta,
Baffa ya cigaba da cewa "to na baka nan da wata daya ka nemo yarinyar da zaka aura domin ta zo ta rike maka kannenka,

wani irin kallo mummy ta yi ma Baffa,
a lokacin in ranta yayi dubu to duk sun baci saboda a tunaninta Baffa ne zai rikesu Nadeeyah saboda sune suka fi cancanta da rikesu din,
maganar da Baffa ya cigaba dayi ne ta katse ta,
"abinda yasa nace haka, saboda kaga rabaku zai iya zama matsala,
duk inda kuka je bazaku ji dadin zama ba saboda kun saba da junanku, ku kadai kun isa ku debewa kanku kewar rashin iyayenku,

Goggo ta amshe da cewa kwarai kuwa, kuma kai Hafeezu hankalinka zai fi kwanciya in kasan kannenka na gurin ka,
fatanmu dai Allah yasa a samu mace ta gari,

Duk cikar gurin babu wanda maganarsu tayi mishi dadi,
har shi Baffa din bayan gama maganar saida yayi ajiyar zuciya sannan ya cigaba da zubda hawayen zuciya,

Anty Reemah ta bude baki zatayi magana Daddy ya rigata,
"kwarai kuwa Goggo shawararki tayi kuma na gamsu da ita dari bisa dari,

Musaddiq da Hilal na jin furucin Daddy wanda ya zama shine na karshe da ya rage suji me zaice, zuciyoyinsu suka tsinke a tare,
nan take kwalla ta taru a idon musaddiq da ya kalli gefen Nadeeyah da Hafeez yaga dukkaninsu kukan rashin gata sukeyi,

kallon bakin Daddy yayi da ya cigaba da cewa
"ba sai Hafeezu ya fita neman aure ba, ni nan zan bashi mata wacce nasan bazata cutar da kannenshi ba, Ya kalli Baffa da yayi kasake yana sauraronshi yace "ina son hada auren HAFEEZU da HUSNA.....


Kamar saukar aradu haka Goggo taji zancen, zaro ido tayi cike da firgici tace wace Husnan,
" *Husnah Mukhtar Kyari*,
Daddy ya fadi da gadara saboda yasan shi kadai keda iko da ita,,

Nawa Husnan take muntari, Goggo ta fadi tana share gumin daya fara tsatsasafowa a goshinta,

Daddy yace "Ita da Nadeeyah shekarunsu daya,
in har zamu iya barin Nadeeya ta rike kanta da zainab me zai hana mu hada auren da Husna sai su zauna su rike kansu gaba daya, jinin ai daya ne, babu wani bare ko Baffa,

wani irin murmushi Hilal yayi da karfi yace "You are the best grandpa..

Anty Reemah da ta harbo jirgin mahaifinta tayi saurin amsheshi da fadin "hakan shine daidai Daddy,
kaga basai ma an shigo da bare ba, kuma Husna ma ai ba yarinya bace, muma muna kamarta aka daura mana aure,
Allah ubangiji ya inganta wannan hadin...

sai dai ya inganta uwarki Goggo ta fadi ba tare da tasan ta danno ashar ba,
Kowa a gurin ya gimtse dariyarshi saboda sunsan yadda Goggo ke son Husna da Badariyya,
barin Husna ma son ta na musamman ne a ranta,
kullum hango Husna take cikin villar rahamaniya,
bazai yiwu ta bari rayuwar Husna ta kare a gurin wadannan masu kashin mindirikin ba,

Haukar gangan ta fara yi musu harda kuka wai Daddy yayi mata Gadara da diyarshi,
cikin sanyin murya Daddy yace "Goggo ba gadara bane, ai naga duk jikokin ne, tsatso daya suka fito, basu da wani banbanci,
cikin ficewar hayyaci tace "Allah ya kyauta wadannan masu kashin tsiyan su fito a tsatson---- da sauri mummy ta mike ta rufe mata baki tayi mata ihun da bata san ta mata shi ba,
itama a nata bangaren ko sama da kasa zasu hade bazata bar autarta ta auri Hafeez ba,
dan ta kawo karshen rigimar tayi kasa da murya mai alamar kuka tana matso hawaye tace "Rike su Nadeeyah bazai taba zame min matsala ba, basu da kowa sai ni, nice uwa kuma ubansu,
dangin mahaifinsu suna nesa damu "Aagadaz" ba nan kusa bane bare muce zamu tura wani nashi yazo,
durkusawa tayi gaban Daddy tace "dan Allah in bazaka damu ba zan rike yaran nan a gidanka,
ajiyar zuciya Daddy yayi cike da farin ciki yace "Babu wani matsala ai d'a duk na kowa ne, bare kuma yaran nan jininki ne,
Baffa farin ciki cike fal a zuciyarshi yace "Nagode nagode Alhaji Allah ya saka da alkhairi,
"babu komai Daddy ya fadi yana kallon Goggo dake zabga mishi harara,
zuciyarta cike take famm saboda bata san jinin suwaiba ya rabi kowa nata, bata ankara ba taji muryar Anty Reemah na cewa
"Mummy dan Allah ku bani daya daga cikinsu in tafi da ita, nima in samu ladan rikon maraya,,
Goggo ta kara hassala ta figi hijabinta a kan gado tace "ki je cikin kabari ki fito da Suwaiba da *ATIKA* ki hada duk ki tafi dasu.....

Banda Mummy da Baffa da suka san wacece Atika, babu wanda a cikinsu yasan wacece Atika??
Sunan Atika ya shiga yawo a kunnuwan dukkan yaran dake gurin.......WACECE ATIKA???? Shine tambayar da zuciyoyin mazauna gurin ke yi.......!


Mrs Tijjani Shattima......
[07/03 6:31 AM] fareedah: •• *ZUMUNCINMU A YAU* •• 2⃣2⃣
By *Aysha Ya'u Kurah*



Share zufa Goggo tayi cike da tashin hankali tace "To Allah ya kaimu, sai kunzo,
Ajiyar zuciya Mummy tayi tace "to Goggo, amma bakya ganin fadin sirrin zai iya kawo karshen zama na da Muntari,

"Ko kusa, Goggo ta fadi cike da dakiya tace "in ya rabu dake ina zai kai yaran da kika haifa mishi, ai zancen rabuwa babu shi, domin kuwa yanzu girma ya kamaku, ki kwantar da hankalinki ni nasan abun da zanyi.....



Ajiye wayar Goggo tayi ta shiga safa da marwa a cikin dakinta,
Gumin dake tsatstsafowa a fuskarta bai tsaya ba duk ko da irin sanyin fankar dake kad'awa a dakin,
jiki na rawa ta haye can saman gadonta mai rumfa dakyar tana numfarfashi, ta mika hannu tayi ta dauko wani akushi,
bude cikin shi tayi ta zuraa mishi idonuwanta duk jikinta a sanyaye kamar wacce aka tsinkewa lakka,
nan take tunaninta ya tafi can shekaru da dama da suka wuce...

Shekarun da Allah subhanahu wa ta'ala ya arawa Goggo su,
Shekaru masu cike da abubuwan al'ajabi wadanda aka shafe tunaninsu a doron kasa...

"sau tari Allah na arawa mutane lokaci ko zasu samu su gyara abubuwan da sukeyi marasa kyau,
amma ita Goggo a gareta gani takeyi cancantarta ne yasa har yanzu Allah bai mata komai ba, saboda yasan irin gwagwarmayar da tasha ....




*********TARABA 1969*********


Kauyen *GEMBU* dake Karkashin karamar hukumar *SARDAUNA* a cikin jahar TARABA,
Babban kauye ne wanda yake cike da fulani arna da kuma tsirarun musulmai,

Irin arnan da babu abinda sukeyi a rayuwarsu sai kiwo da noma,
mazan su da matansu,
Hatta abin da zasu ci ma su suke noma shi da kansu,

Kauye ne inda babu wanda ya damu da addini bare har sukai ga assasa shi, "walau Addinin kirista ko na musulunci"

kowa harkar gabanshi yakeyi, da yawansu saboda rashin addini basu dauki kowacce irin mugunta a bakin komai ba, komai suke aikatawa a garin su a ganinsu dai dai ne......



Ihun shanaye ne kawai ke fitowa daga cikin wagegen bukkar gidan JAURO,

Samarin dake zaune a kofar gidan kowa ya fara gyara zaman jarkarshi dan sun san yanzu za'a fara kiran layi..

Cike da gadara ya ajiye jarkarshi a gaban ta kowa, ya koma jikin gidan yana sakuce hakorinshi..

Shuru sauran mutanen sukayi saboda tsoronshi da sukeji,

Cike da damuwa saurayin da ke zaune tun safe a gaba ya daga jarkarshi a kasa,
ya kuma ga in yayi shuru to fa za'a cuce shi,

Mikewa yayi cikin sanyi ya fara magana da gurbatacciyar hausarshi ta kabilun fulani

"Tun asuba nake nan,
kayi hakuri can tsauni zan kai madara kaga da nisa banasan dare yayi mana,
bude idoo saurayin yayi cike da gatsali yace "amma kai bako ne anan ko?
gyada kai saurayin yayi yace "eh a can tsaunin Mambila nake,
nazo siyan madara ne akwai bakin da suka zo daga Cameroon zasu tafi anjima da maraice kuma suna son madara irin ta gidan jauro, shine nazo siya, kayi hakuri a bamu, tare muke da yar su gata can a zaune duk ta gaji,

Dago kai saurayin me suna SHAHO yayi ya kalli gurin bishiyar da saurayin ya nuna mishi,
kyakyawar budurwa ya hango zaune a gefen bishiyar fuskarta da alamun gajiya,
da ganinta kasan ba yar nigeria bace,
jikinta rufe yake ruff da bakar riga har kanta,

sandar dake hannunshi ya ajiye yace "a zuba maka in ma jarkar da ka kawo sun kai goma,
kanshi ya fara kakkabewa ya fara nufar inda budurwar take,

Da sauri saurayin ya taro shi yace "ina zaka je?
Yarinyar nan bata jin hausa haka fulatanci, larabci kadai take ji, kayi hakuri muyi abinda ya kawo mu, mu tafi mu bar muku garinku,

wani irin kallo Shaho yayi mishi, baice dashi kala ba ya bi ta gefenshi ya karasa kusa da yarinyar,
gyara rigarshi yayi zai zauna saurayin ya tureshi ya tare gurin zaman,
"Na fada maka, yarinyar nan bakuwa ce,
alama yayi mata da hannu yace ",ga motar da muka zo can je ki shiga ki jirani,
gurin kwarababbiyar motar shanun ta nufa ta haye tana ta kalle kalle jikinta duk a mace,

wani irin ihu Shaho yayi har saida matan dake gefen bukkar suka tsaya da tatsar madara saboda firgici,
saurayin dai bai girgiza ba sai ma kara komawa jikin motar da yayi ya tsaya,
sauran mutanen gurin suna kallonshi cike da mamaki suna tsoron irin hukuncin da Shaho zaima saurayin,
tunkarar motar shaho yayi gadan gadan,
cikin harshen larabci saurayin yayi wa budurwar magana,
a firgice tabi umarnin shi ta kwanta kan kujerar hade da runtse idonta,
yana isowa gurin ya dunkule hannu ya kai wa saurayin naushi, gocewa yayi ya daki karfen motar har saida ta girgiza,
kafin ya kai mishi wani naushin saurayin ya kai mishi a baya,
nan fa suka fara kokawa sosai,

ganin da shaho yayi saurayin yafi karfinshi yasa shi zaro wata sharbebiyar wuka ya zabtari naman gefen kanshi,
Nan fa jini yayi tsalle ya fallatsa har fuskar budurwar,
wani irin ihu ta saki tana fadin "Ya subhanallah, Ya Hayyu ya kayyum bhi rahmatika astagithu"
cikin zafin nama saurayin ya sake yin kan shaho,
kafin ya karaso kusa dashi ya sake luma mishi wukar a ciki,
ihu mutanen gurin suka shiga yi, wasu na tausayin saurayin wasu na kuranta shaho,

kaca kaca shaho yayi wa saurayin da wuka sannan yayi wani ihun murnar ganin ya samu galaba akan saurayin,
bakin motar yayi yana maida numfashi,
"wayam"
ya gani babu kowa a ciki, dube dube ya fara yi yana fadin ina ta shiga, ina yarinyar nan ta shiga, babu wanda ya lura da sanda yarinyar ta bacewa gurin, nan Shaho ya hargitsa gurin da nemanta...


Da sassarfa ya isa gida ya turo kofar gidan gam harda kara sanya wani karfe,

"Ma'u, Ma'u am,
da sauri ta fito daga sakarkari hannunta rike da yar jinjira,
lafiya dai irin wannan kiran me muka samu ne,
sauke budurwar yayi a bayanshi ya kwantar da ita akan wata tabarma,
ajiye jinjirar ma'u tayi cikin daki kusa da wata yar yarinya da bata wuce shekara 8 ba,
da sauri ta fito tana mai zumudin sanin inda mijinta ya samo yar MAKKA, dan su duk wani balarabe a gurinsu dan Makka ne,

" kawo di yam ma'u, ya fadi yana mata firfita hade da share jinin fuskarta,
ruwa ta debo cike da koko ta mika mishi ta zauna a kusa dashi,
a hankali ya fara shafa mata ruwan a fuskarta da hannunta,

Ajiyar zuciya tayi mai karfi hade da fashewa da kuka tana kiran sunan "HABEEB"
toshe mata baki yayi da sauri saboda jiyo ihun su shaho a bayan gidanshi,
cikin harshen filatanci yacewa ma'u tayi saurin shigewa daki da ita,
kama hannunta tayi suka shige can kuryar daki ta turata cikin wani yayi ta daura mata kaya a kanta,
kafin su kai ga taba kofar bukkar mai gidan ya fito daga gidan yana mika, tsayawa su shaho sukayi yace "Kai Baffan Bingel da Boddo kaga wata yarinya Makka da bakin kaya,
hamma ya kakaro yace a ina zan ganta ni da na tashi daga bacci yanzu,
wucewa sukayi suna ta maganganu cikin fushin rashin ganinta, muryar shaho ya jiyo daga can yana fadin "babu abinda zai hanashi kasheta in ya ganta,
da yaso ya sameta yayi yadda yake so da ita amma yanzu kasheta zaiyi dan in ya barta zata iya zama barazana ga rayuwarshi, jin haka yasa Baffa cikin tashin hankali yayi saurin komawa cikin gidan,

A kofar sakarkari ya samu ma'u zaune tana damun fura da nono, ganin da tayi ya shigo a firgice yasa ta mikewa ta nufo shi, "lafiya?, ta tambaya tana kallon yadda jikinshi yake rawa, daki ya jata yace "ina bakuwar balarabiyar nan,
maza fito da ita mu nemi wani gurin mu korata dan walhy rayuwarmu tana cikin hatsari, ya kwashe duk abin da yaji shaho ya fadi ya gaya mata,
cikin dakiya irin tata da jarumta tace babu inda zaka kaita in ba iyayenta ne suka zo neman ta ba, ya zama dole a samu me tsawatarwa shaho,
abubuwan da yakeyi a cikin garin nan ya isa haka,

kallonta yayi galala yace "wa kike ganin zai tsawatar mishi?,
ki fada min wake da wannan zarrar?
kwaryar damunta ta dauko tace "nidai na fada maka babu inda zata,
ta wuce daki tana tsuma tana fadin babu wanda ya isa ya taba makka,
"sunan da ta rada mata kenan tun kafin taji sunanta,
ita zuciyarta ta tafi can tunanin in iyayenta suka zo to fa zasu musu alherin ganin sun taimaki yarsu,
kuma zata kafa tarihin ita ta fara taba jikin balarabiya a duk fadin tsirarun musulman da suka musulunta a kauyen,

cire kayan tayi ta dago yayin ta fito da ita tace "sannu hai yar budurwa,
fito muje ki sha fura sai kiyi wanka,
raba dara daran idanuwanta ta fara yi dan ko kalma daya bata dauka cikin kalaman ma'u ba, hannunta ta riko suka fito waje ta shimfida mata sabuwar tabarma ta nuna mata tace "zauna,
bata fahimta ba haka ta kuma kama hannunta ta zaunar da ita,
furar ta mika mata ta dauka ta fara sha